ཀ་བཙན་བླ་མ་སྐྱབས།
ཨ་མདོའི་ཡུལ་ནས་འཁྲུངས་པའི་སྐྱེས་ཆེན་གྱི་དམ་པས།།
ཨ་ཞང་ཚང་གི་སྲིད་སྟེགས་མཐོན་པོ་རྣམས་བཞག་ནས།།
ཨ་རིའི་ཡུལ་དུ་བདེན་པ་ར་སྤྲོད་ལ་ཕེབས་པའི།།
ཨ་ཀྱཱ་ཚང་གི་ཟླ་མེད་སྙིང་སྟོབས་དེ་ངོ་མཚར།།
ཀ་བཤད་དོན་ལ་འཇུག་པ།
གཞུང་པ་ཚེ་དབང་བསོད་ནམས། ཀ་དག་ཕྱག་རྒྱ་གངས་ཅན་མགོན་པོ་དུས་རབས་ཉེར་གཅིག་ཞི་བདེའི་མགོན། ཁ་བའི་ལྗོངས་སུ་ཀླ་ཀློའི་བཙན་འཛུལ་བོད་མིའི་ངོ་བོ་འཇིག་པའི་ཉེན། ག་ས་ག་ལ་ཀླ་ཀློའི་བཙན་འཛུལ་བོད་འབངས་བདེ་སྐྱིད་ཉི་ནུབ་མཚམས། ང་ཚོ་བོད་མིའི་ལས་སྨོན་བཟང་པོས་མགོན་པོ་གང་ཉིད་འཕགས་ཡུལ་འཁོད། ཅ་ཅོ་མང་བའི་ཆོས་མེད་ཀླ་ཀློའི་བོད་ཀྱི་མངའ་དབང་བཙན་གྱིས་ཕྲོག ཆ་རྒྱུས་མེད་པའི་ཀླ་ཀློའི་ལམ་ལུགས་ནང་ཆོས་དམར་པོར་རྒྱུར་བའི་ཐབས། ཇ་ཆང་ཟས་ཀྱི་མིང་ཙམ་འོག་ཏུ་བོད་མིའི་འཚོ་བར་གྱོང་གུན་སྤྲད། ཉ་ཤ་ཕག་ཤ་སྡིག་ཟས་སྤྱོད་ལ་ཆོས་མེད་ཀླ་ཀློ་བདུད་དང་འདྲ། ཏ་ལའི་བླ་མས་དུས་གསུམ་གསལ་གཟིགས་བོད་མིའི་མདུན་ལམ་མང་གཙོ་བསྟན། ཐ་དད་ཆོས་ལུགས་འཆམ་མཐུན་འོག་ཏུ་ལྟ་གྲུབ་གང་ཡིན་རང་གི་སྲུང། ད་ལྟའི་དུས་རབས་ཉེར་གཅིག་འདི་ལ་འཛམ་གླིང་ཀུ་ལ་ནང་ཆོས་དར། ན་ལན་ཌ་ཡིས་མཁས་པའི་བཞེད་གཞུང་སངས་རྒྱས་བསྟན་པའི་མེ་རོ་འདྲ། པན་གྲུབ་བཅུ་བདུན་དུས་རབས་འདི་ལ་བསྟན་པ་འཛིན་པའི་ཀ་གདུང་འདྲ། ཕ་ལམ་འདྲ་བའི་སངས་རྒྱས་བསྟན་པ་འཛིན་སྐྱོང་སྤེལ་ལ་དགེ་འདུན་སྡེ།…