སྤོབས་པ་མཐའ་ཡས།
མི་ལོ་བརྒྱད་ལ་ཉེ་བའི་ཡར་སྔོན་ཞིག་ལ་བལ་ཡུལ་མཆོད་རྟེན་མཆོད་རྟེན་འཕགས་པ་ཤིང་ཀུན་དང་ཉེ་བའི་སྙེ་ཤང་དགོན་པ་རུ་ངེད་ཚོ་ཕ་ཡུལ་གཅིག་པ་རྣམས་ལྷན་འདུས་ཀྱི་ཐུགས་སྤྲོ་ཞེས་འབོད་པའི་འདུ་འཛོམ་ཞིག་བྱས། སྐབས་དེར་ཕ་ཡུལ་གཅིག་པ་ཚེ་དབང་མགོན་པོ་ཕྱི་རྒྱལ་དུ་འགྲོ་རན་པའི་དུས་སུ་ཁེལ་ཡོད་སྟབས་ངེད་ཚོ་ཚང་མས་ཁོར་རྟེན་འབྲེལ་གྱི་ཁ་དར་ཕུལ། ཚེ་དབང་མགོན་པོ་ལོ་ན་ཧ་ཅང་གཞོན་དུས་ཤིག་ནས་ཕ་མའི་བཀོད་མངག་བཞིན་རྒྱ་གར་དུ་འབྱོར་ཞིང་མ་སུའུ་རིའི་བོད་ཁྱིམ་སློབ་གྲྭ་ནས་སློབ་མཐར་ཕྱིན། རྗེས་སུ་རྡི་ལི་མཐོ་སློབ་ནས་སྐུ་མགྲོན་སྣེ་ལེན་སྡེ་ཚན་གྱི་ཤེས་ཚད་ལག་ཁྱེར་ཐོབ། རྡ་རམ་ས་ལར་བོད་གཞུང་གི་ཚོང་ལས་སྡེ་ཚན་ཞིག་ཏུ་ལས་ཀ་ལོ་ཤས་རིང་བྱས། སྐབས་དེ་ཤེད་ཅིག་ནས་ཟམ་གདོང་གཞུང་གིས་ཚོང་ལས་སྒེར་བདག་ཅན་དུ་བསྒྱུར་བར་བརྟེན་ཚེ་དབང་མགོན་པོའི་ལས་གནས་ལ་འཕོ་འགྱུར་ཐེབས། ཁ་ན་ཌའི་གཞུང་ཚབ་ཀྱི་ཚེ་དབང་མགོན་པོ་ལ་ཤེས་འཇོན་ཅན་གྱི་གཞིས་སྤོར་བའི་ཐོངས་མཆན་སྤྲད་པར་བརྟེན་ཁ་ན་ཌར་གཞིས་སྤོར་དང་ལས་ཀའི་ཐོབ་ཐང་རག་འདུག
ཚེ་དབང་མགོན་པོ་ཁ་ན་ཌར་གནས་སྤོས་ནས་ལོ་ཤས་སོང་རྗེས་སུ་བོད་དུ་གཉེན་འཕྲད་དུ་བསྐྱོད་པ་དང་། རྒྱ་གར་དང་བལ་ཡུལ་དུ་འབྱོར་ནས་ཉེ་གྲོགས་ཚོ་མགྲོན་འབོད་དང་ལེགས་སྐྱེས་གྱ་ནོམ་པ་སྤྲད་ཚུལ་སོགས་ཀྱང་ཐོས། དེར་བརྟེན་ཚེ་དབང་མགོན་པོ་ནི་ཁོ་རང་གི་ཚོད་ཀྱིས་ངེད་ཚོ་ཕ་ཡུལ་གཅིག་པ་ཚོའི་སེམས་ནང་ན་གསལ་ཞིང་འཚེར་བའི་སྐར་མ་ཆུང་ཆུང་ཞིག་ཏུ་གྱུར་ཡོད། ཉིན་གཉིས་ཀྱི་གོང་ཞིག་ལ་ངས་ཕ་ཡུལ་གཅིག་པ་ཞིག་དང་ཁ་པར་བརྒྱུད་ནས་གླེང་མོལ་ཡུན་རིང་ཞིག་བྱས། སྐབས་དེར་ངས་ཡིད་སྐྱོ་བའི་གནས་ཚུལ་ཞིག་ཐོས་པ་དེ་ནི་ཚེ་དབང་མགོན་པོ་ལ་HIVནད་གཞིས་ཟིན་ནས་བཅོས་ཐབས་མེད་པའི་ཚོད་དུ་སླེབས་ཡོད་ཚུལ་དེ་རེད།
ཚེ་དབང་མགོན་པོ་ལྟ་བུའི་ལོ་ན་གཞོན་ཞིང་གཟུགས་སྟོབས་དར་བ། ཤེས་འཇོན་ཆེ་ཞིང་ལམ་འགྲོ་རྒྱུགས་བཞིན་པའི་མི་ཞིག་ལ་གློ་བུར་དུ་འཆི་བདག་གི་དུས་བཅད་མགྲོན་ཤོག་འབྱོར་བ་དེ་ནི་ཅི་འདྲའི་ངོས་ལེན་བྱེད་དཀའ་བ་ཞིག་རེད་ཨང་། སྤྱིར་ན་ས་སྟེང་འདིར་སྐྱེས་ཚད་ཚང་མ་ཡང་HIVནད་གཞིས་ཟིན་རུང་མ་ཟིན་རུང་སྐྱེས་པའི་ཉི་མ་ནས་འཆི་བའི་ཕྱོགས་སུ་རྒྱུགས་བཞིན་པ་ཡིན་སྟབས་དེ་ཙམ་ཧ་ལས་དགོས་པ་ཞིག་ག་ལ་ཡིན། ལྷག་པར་ཡང་ཆོས་ཉམས་སུ་ལེན་པའི་མི་ཞིག་ཡིན་ན་HIVཞེས་པའི་ནད་གཞི་ལ་བརྟེན་ནས་ནམ་ཞིག་འཆི་བའི་སྔོན་བརྡ་གསལ་པོ་ཞིག་འབྱོར་བ་དེ་ཡང་དགེ་སྦྱོར་གྱི་སྐུལ་མ་དང་། ཞེན་ཆགས་ཉུང་འཕྲི། སྙིང་རྗེའི་མྱུ་གུ་འབུས་པ་སོགས་དགེ་བའི་སྟོབས་ཤུགས་ཤིག་ལ་བསྒྱུར་བའི་གོ་སྐབས་ཆེས་ལེགས་པོ་ཞིག་ཀྱང་ཐོབ་པ་ཡིན་སྟབས་བསམ་བློ་བློ་བཏང་གིན་བཏང་གིན་བཟང་ཕྱོགས་ཀྱི་ངེས་ཤེས་རེ་ཡང་སྐྱེས།
འདི་དང་ལྷན་དུ་སྐྱོ་ཞིང་འཇིགས་ཡེ་རེར་འགྲོ་བའི་གཏམ་རྒྱུད་ཅིག་ཡོད་པ་དེ་ནི་ཚེ་དབང་མགོན་པོ་ལ་ནད་དེ་ཇི་ལྟར་འགོས་ཚུལ་དེ་རེད། དེ་ཡང་ཚེ་དབང་མགོན་པོ་ལ་ལོ་གསུམ་ཡས་མས་རིང་ལ་འགྲོགས་པའི་དགའ་རོགས་མ་བསོད་ནམས་གཡང་འཛོམ་ཟེར་བ་ཞིག་ཡོད་འདུག བསོད་ནམས་གཡང་འཛོམ་ལ་ནད་གཞི་དེ་སྔོན་ནས་འགོས་ཡོད་ཀྱང་ཚེ་དབང་མགོན་པོས་གོ་མི་འདུག
བསོད་ནམས་གཡང་འཛོམ་རྒྱ་གར་གྱི་བོད་མིའི་གཞིས་ཆགས་ག་གེ་མོ་ཞིག་ཏུ་སྐྱེས་ཤིང་སློབ་མཐར་ཕྱིན་རྗེས་ཤྲི་ན་གར་དུ་མཐོ་སློབ་ལ་ཞུགས། མཐོ་སློབ་ཐོན་རྗེས་སུ་རྡི་ལིར་ཚོང་ལས་སྡེ་ཚན་ཞིག་ཏུ་འཕྲལ་སེལ་ཚོང་འབྲེལ་གྱི་ལས་ཀ་བྱས་འདུག བསོད་ནམས་གཡང་འཛོམ་གཟུགས་བྱད་མཛེས་པོ་ཡོད་པ་ཞིག་ཡིན་ཞིང་མཐོ་སློབ་ཏུ་ཡོད་སྐབས་དང་རྡི་ལིར་སྡོད་སྐབས་སུ་སྨད་འཚོང་ལྟ་བུ་དང་དགའ་རོགས་འདྲ་མིན་དང་འགྲོགས་པའི་ལོ་རྒྱུས་ཀྱང་ཡོད་མཁན་ཞིག་རེད་འདུག སྐབས་དེ་ཡས་མས་ཤིག་ལ་མོར་HIVནད་གཞིའི་ཟིན་ཚར་ཚུལ་སྨན་ཁང་གི་བརྡ་ཐོ་འབྱོར་འདུག་ཀྱང་མཛའ་གྲོགས་ནང་མ་ཁ་ཤས་ཤིག་གིས་མ་གཏོགས་ཤེས་མི་འདུག
ན་ནིང་ལོ་མགོི་ཞིག་ནས་བསོད་ནམས་གཡང་འཛོམ་གྱི་ལུས་སྟོབས་ཉམས་རྒུད་དང་། ནད་གཞི་ཇེ་ལྗིད། ནད་རྟགས་ཇེ་གསལ་དུ་སོང་སྟབས་གསང་བ་མངོན་དུ་གྱུར་འདུག ཚེ་དབང་མགོན་པོ་སྨན་ཁང་དུ་བརྟག་དཔྱད་བྱས་པར་ཕྱིན་སྐབས་འཕྱི་དྲགས་ཏེ་བཅོས་ཐབས་མེད་པའི་ཚོད་དུ་སླེབས་ཟིན་འདུག ཚེ་དབང་མགོན་པོས་རང་ལ་དགའ་རོགས་མས་མགོ་སྐོར་བཏང་སྟེ་ནད་གཞི་དེ་འགོས་པ་གསལ་པོར་ཤེས་ཀྱང་ད་དུང་ཡང་བརྩེ་དུང་མ་བོར་བར་མོ་ལ་གྲོན་དངུལ་ནར་གཏོང་དང་ལྟ་རྟོག་བྱ་རྒྱུ་མཚམས་བཞག་མི་འདུག
ཁོའི་གྲོགས་པོ་འགས་བསོད་ནམས་གཡང་འཛོམ་གྱིས་ཁྱོད་ལ་གནོད་ཆེན་པོ་འདི་འདྲ་ཞིག་བསྐྱལ་ཡོད་བཞིན་དུ་ད་དུང་ཡང་ཁྱོད་ཀྱིས་ཁོ་མོ་ལ་ལྟ་ལྟོག་རོགས་སྐྱོར་བྱེད་དགོས་དོན་མི་འདུག་ཅེས་བརྗོད་འདུག དེ་ལ་ཁོས། དེ་ནི་བསོད་ནམས་གཡང་འཛོམ་ང་ལ་དགའ་དྲགས་ནས་རང་ལ་ནད་གཞི་ཡོད་སྐོར་བཤད་ན་ང་ཁོ་དང་མི་འགྲོགས་པ་ཤེས་སྟབས་གསང་བ་བྱས་པ་གསལ་པོ་རེད། དུས་ཡུན་ཐུང་ཐུང་ཞིག་ལ་ངེད་གཉིས་བརྩེ་བས་འགྲོགས་པ་དེ་ཡང་མི་ཚེ་འདིའི་བདེ་སྐྱིད་ཅིག་རེད། ད་ངེད་གཉིས་འཆི་རན་སྐབས་ཕན་ཚུན་འཁོན་འཛིན་བྱས་ན་ཕན་ཐོགས་མི་འདུག་ཅེས་བཤད་འདུག དེ་ལས་ངས་རང་གིས་ག་ཚོད་ཐུབ་ཐུབ་ཅིག་མོ་ལ་ལྟ་རྟོག་བྱ་རྒྱུ་ཡིན་ཞེས་ཟེར་གྱིན་འདུག་ཟེར།
ཉིན་ཞིག་ལ་ཚེ་དབང་མགོན་པོས་རང་གི་དགའ་རོགས་མ་ནད་པ་བསོད་ནམས་གཡང་འཛོམ་ལ་རྒྱུ་མཚན་གང་ཞིག་ལ་བརྟེན་ནས་མོས་རང་ལ་ནད་གཞི་ཡོད་ཚུལ་མ་བཤད་པ་ཡིན་ཞེས་དྲིས་སོང་ཟེར། སྐབས་དེར། བསོད་ནམས་གཡང་འཛོམ་ཁོང་ཁྲོ་ལངས་བཞིན་དུ་ང་ལ་ཁྱོད་དང་མ་འཕྲད་སྔོན་ལ་HIVནད་གཞི་ཞིག་མེད། ནད་གཞི་ཁྱོད་ཀྱིས་ང་ལ་སྤྲད་པ་རེད་ཅེས་བརྗོད་སོང་ཟེར། ཉིན་དེ་ནས་བཟུང་སྟེ་ཚེ་དབང་མགོན་པོས་མོ་ལ་ལྟ་རྟོག་བྱ་རྒྱུ་མཚམས་བཞག་སོང་ཟེར།
སྤོབས་པས་ཞེད་སྣང་ཚ་བོ་དེ་འདྲ་གཅིག་ཐོག་གཉིས་ཀྱིས་གཡུག་གི་འདུག
ཞེད་སྣང་ཚ་དང་ཡ་ཅི་འདུག
བརྩེ་དུང་གི་ཆེད་དུ་རང་སྲོག་འདོར་ཐུབ་ན་དཔའ་བོ་རེད། དམིགས་བསལ་་HIVཅན་གྱི་འགྱིག་བཟོས་མེ་ཏོག་གི་རིགས་ལ་ལུས་འབེྲལ་བྱས་དང་། ཁྱེད་ནི་བོད་པའི་དཔའ་བོ་དངོས་མ་དེ་རེད།
ཧཧཧཧཧཧཧཧ
ཨ་ལེ། དྲན་པ་བརྗེད་བྱ། སྤོབས་པ་ཚང་ལ་བཀའ་དྲིན་ཆེ་ཞུ་བཞིན་ཡོད་ལགས།
དེ་འདྲའི་རིགས་མང་དུ་སྤེལ་ན་སྤྱི་ཚོགས་འདི་ལ་ཕན་ལས་གནོད་པ་བྱེད་མི་སྲིད།
བུ་མོ་དེ་ནི་འདྲེ་མོ་རེད་འདུག་ག
བོད་པའི་བུ་མོ་ཞིག་གིས་བྱེད་སྟངས་དེ་བྱས་ན་ཧ་ལས་པ་རེད།
བུ་དེ་ནི་སྙིང་རྗེ་་་་་་་་སྟབས་མ་ལེགས་པ་ཞིག་ལ་འདྲེ་མོ་དང་ཐུགས་སོང་བ་རེད།
ཡིན་ན་འང་བུ་དེ་སྙིང་་་་་་་་་་་་་་་་་་་་་་
བོད་པའི་བུ་མོ་ཡིན་པས་བྱེད་སྟངས་ཧ་ལས་དགོས་པ་ཡོད་པ་མ་རེད། མི་ཡིན་པས་བྱེད་སྟངས་ཧ་ལས་དགོས་པའི་སྒེར་སེམས་ཚ་བོ་རེད་འདུག
ད་སྲིན་བུ་འཁྲུག་པའི་ནད་གཞི་འདི་ཕོག་པ་ཚོ་སྙིང་རྗེ། སྙིང་རྗེ་རུང་བྱས་ཡ་གང་ཡང་མི་འདུག ང་ཚོ་སུ་ཞིག་ཡིན་ན་ཡང་ནད་གཞི་མ་ཕོག་མཁན་ནས་མི་འདྲ་མ་འདྲ་མཉམ་དུ་ཆགས་པ་མ་སྤྱོད་རོགས་སྐུ་མཁྱེན། གལ་ཏེ་ཆགས་པ་སྤྱོད་དགོས་ན་འགྱིག་ཤུག་བེད་སྤྱོད་གཏོང་རོགས་གནང་སྐུ་མཁྱེན། གལ་ཏེ་ན་ཚ་དེ་ཕོག་ཟིན་པ་དག་གིས་རང་ཉིད་ཁྱུང་དྲའི་སྔགས་བསགས་ནས་ན་ཚ་དེ་སྦྱང་ཨེ་ཐུབ་ལྟ་རོགས་སྐུ་མཁྱེན།
ཁྱུང་དྲ་འདི་ཀླུ་ནད་དག་གི་ཁ་སྣོན་ཡིན་པ་འདྲ་འདུག སྲིན་བུ་འཁྲུག་པའི་ནད་གཞི་འདི་ཀླུ་ནད་ཞིག་ཡིན་ཐག་ཆོད་རེད་འདུག
ཀླུ་ནད་ཡིན་ན་ཀླུ་འབུམ་སྒྲོག་ན་གང་འདྲ་འདུག
ཁྱུང་དམར་གྱི་ཡི་དམ་བསྒྲུབ་ན་ལེགས།
ཀླུ་འབུམ་དཀར་ནག་ཁྲ་གསུམ་གང་བཏོན་ན་ཡང་འགྲིག་གི་རེད་མོ། གཙོ་བོ་མཆུ་སྡེ་ལྔ་དང་། ཁྱུང་དྲ་འདི་ཤིན་ཏུ་ནས་ཡག་པོ་མཐོང་། ངོ་ནས་ཁ་སང་སྔོན་མ་ངས་སྲིན་བུ་འཁྲུག་པའི་ནད་གཞི་སྐོར་གྱི་དེབ་དང་པར་སོགས། མི་རིགས་འདྲ་མིན་དང་། ན་སྟངས་འདྲ་མིན་སོགས་རྒྱ་ནག་གི་འཕྲོད་རྟེན་མཁས་ཅན་ཞིག་གིས་ཕྱོགས་བསྒྲིག་བྱས་པ་ཞིག་མཐོང་། དེ་ནས་བཟུང་ངའི་ཟས་ཀྱི་དྭང་ཀ་ཡང་འགག་ནས་བསྡད་ཡོད། སྐུ་མཁྱེན་ཆོས་བྱེད་པ་དེ་ཚོས་ཀྱང་ཐུགས་སྨོན་ཡག་པོ་ཞིག་གནང་རོགས།
ཚེ་དབང་མགོན་པོ་ཁྱོད་མ་མཐའ་ལ་བླ་མ་གཅིག་གི་སར་ནས་རྟ་ཕྱག་ཁྱུང་གསུམ་གྱི་གཟུངས་གང་མང་རེ་བཟླས་ཐུབ་ན་འདི་ཕྱི་གཉིས་ཀར་ཕན་ངེས་རེད། ཚེ་མགོན་དང་ལོ་རྒྱུས་སྨྲ་བ་གཉིས་ཀ་ལ་མ་གསང་བར་གསུངས་པར་བཀའ་དྲིན་ཆེ་ངས་སྨོན་ལམ་ཡང་ཁྱེད་དགའ་གྲོགས་རྙིང་པ་གཉིས་ཀྱི་མཉམ་དུ་ཡོད། དགེའོ། །
ངས་ཁྱོད་ཚོར་ཁ་གདོན་ཞིག་སློབ་ཁྱེད་ཚོས་ཉིན་རྒྱུན་ཆགས་མེད་ཀྱིས་ལོ།
སྲུང་བ་འགྱིག་ཤུབ་ལ་སྐྱབས་སུ་མཆིའོ།
འདི་ལས་གཞན་ཅི་གང་གིས་ཀྱང་ཕན་གྱི་མ་རེད། ཤྰཀྱ་ཐུབ་པ་དམར་དམར་པོ་ཕེབས་ཀྱང་ཕན་གྱི་མ་རེད། ལོ
དྲྭ་གྲོགས་གཞོན་ནུ་ཟླ་མེད་ལགས། ཀླུ་འབུམ་དཀར་ནག་ཁྲ་གསུམ་དེ། གང་ཞིག་ལ་ཟེར་གྱི་ཡོད་རེད། སུས་གསུངས་པ་རེད།
འདོད་ཆགས་ཀྱིས་སློང་བའི་བརྩེ་བ་ནི། མི་དེའི་རྣམ་དཔྱོད་མིག་བུ་སྒྲིབ་པའི་རབ་རིབ་རེད་ལ། གཡོ་སྒྱུས་བསླུས་པའི་མཛའ་བརྩེ་ནི། ཚེ་མཐར་སེམས་ཅོང་གིས་མནར་བའི་ནད་གཞི་རེད།
ཚེ་དབང་མགོན་པོར་བོད་མིའི་རིན་ཐང་ལྡན་པའི་བསམ་བློའི་བློ་སྟོབས་འདུག ཚར་བའི་ལས་ལ་བཅོས་ཐབས་འདི་རང་རེད། རྒྱལ་སྲས་ཆེན་པོ་ཞི་བ་ལྷས། གལ་ཏེ་བཅོས་སུ་ཡོད་ན་ནི།།དེ་ལ་མི་དགའ་ཅི་ཞིག་ཡོད།།གལ་ཏེ་བཙོས་སུ་མེད་ན་ནི།།དེ་ལ་མི་དགའ་བྱས་ཅི་ཕན།། གསུངས་པ་འདི་ལས་ལམ་སྟོན་དང་རྒྱབ་གྲོགས་ཀྱི་མེ་ངག་འཐོབ་དཀའ་བས། ང་ཚོ་དཀའ་ངལ་ནང་ཡོད་སྐབས་གསུངས་འདི་རྒྱན་དུ་སོམས་ཤིག
དེ་འདྲའི་གནས་ཚུལ་མང་པོ་འདུག། དེང་སེང་བོད་མདོ་དབུས་མཐོ་སྒང་ན་། གཡར་རྩྭ་དགུན་འབུ་དང་སྨད་ཚོང་མ་མཉམ་པོ་འགྲོ་བཞིན་གོ་རྒྱུ་འདུག། དེས་ཐད་ནས་རྒན་མཐའ་ཡས་ཀྱི་སྒྲུང་ཞིག་གསུང་དང་།
ལས་ཀྱི་རྣམ་པར་སྨིན་པ་ནི་མ་གཏོགས་སོ། །གསུངས་པ་བཞིན་ནད་གཞི་ཕོག་བཟིན་པ་ལ་ནི་བཅོད་ཐབས་དཀའ། འོན་ཀྱང་སྔོན་འགོག་གི་ཐབས་ལམ་ནི་ལེགས་ཤོས་ཚངས་སྤྱོད་ལ་སྐྱབས་བཅོལ་ན་བཟང། གཉིས་པ་ཤུབ་ལ་སྐྱབས་བཅོལ་ན་འབྲིང། གསུམ་པ་ནད་གཞི་གསར་པའི་སྐབས་ནས་སྨན་བསྟེན་ན་མཐའ་མ་རེད། ཆོས་ལ་ཡིད་ཆེས་ཡོད་ན་ནི་ཁྱུང་ཁྲའི་དབང་ཞུས་ནས་སྔགས་ཟླས་ན་དེ་ལས་ཡག་པ་གང་ཡང་མེད།་