ཨ་རིག་འགྱུར་མེད།
བརྡ་འཕྲིན་དུས་རབས་འདིར་བརྡ་འཕྲིན་མ་ལག་ཅིག་འུ་ཅག་གི་གམ་དུ་ཡོང་རྒྱུ་ནི་ཅི་འདྲའི་མགྱོགས་ཤིང་མྱུར་བ་ཞིག་རེད་ཨང་། ཁྱེད་ཀྱིས་བརྡ་འཕྲིན་མ་ལག་ཅིག་རང་གི་གམ་དུ་ཇི་ལྟར་བསླེབས་པ་མི་ཚོར། གལ་སྲིད་ཚོར་བའི་དབང་དུ་བཏང་ན་སྐབས་དེ་དུས་བརྡ་འཕྲིན་མ་ལག་དེས་ཁྱེད་ཀྱི་ཉེ་འཁོར་ལ་དབང་སྒྱུར་དགའ་རབ་ཅིག་བྱས་ཚར་ཡོད།
ཉེ་ཆར་སྙིང་སྡུག་མཛའ་མོའི་བཀའ་དྲིན་ལ་བརྟེན་ནས་ཕྲན་གྱིས་ཀྱང་ཀུ་ཤུ་རྟགས་ཅན་ (Iphone 4s) གྱི་ཁ་པར་ཞིག་ཉོས་པ་དང་། ཁ་པར་ཉོས་པའི་ཉིན་དང་པོ་དེ་ནས་བཟུང་འུ་ཅག་གི་གླེང་མོལ་ཏེ་ (WeChat) ཞེས་པར་འཛུལ་བ་ན། ཕྲན་གཅིག་པུས་ད་བར་དུ་མིག་ཟུང་བཙུམས་པ་དང་རྣ་གཉིས་བཀབ་ནས་ལྷག་སོང་བ་མ་གཏོགས། དེའི་ནང་དུ་བོད་གཞིས་ཀྱི་ཆོལ་ཁ་གསུམ་གྱི་བོད་རིགས་སྤུན་ཟླ་སྟེ་ཞིང་ཆེན་སོ་སོའི་ཁུལ་དང་རྫོང་རིམ་པ་བཅས་ཀྱི་གཞིས་བཞུགས་སྤུན་ཟླ་མང་བོ་དང་། བོད་བྱེས་ཀྱི་ཨ་རི་དང་དབྱིན་ཡུལ། ཡུ་རོབ་དང་རྒྱ་གར། ཐེ་ཝན་སོགས་ཀྱི་འཛམ་གླིང་འདིའི་ས་ཕྱོགས་གང་སར་འཐོར་བའི་བྱེས་གྱར་སྤུན་ཟླ་མང་བོ་འདུག ཁོང་ཚོས་འུ་ཅག་གི་གླེང་མོལ་ཁང་བརྒྱུད་དེ་སྟོད་ཉི་མ་ལྷ་ས་ནས་ཀུ་ཞིག་བཏབ་ཚེ་སྨད་ཨ་མདོ་ནས་གོ་བ་དང་། སྨད་ཨ་མདོ་ནས་གླུ་ཞིག་བླངས་ན་མདོ་སྟོད་མི་ཡི་ཆོལ་ཁ་སིང་སེ་གཏོང་གིན་འདུག དེ་བཞིན་རྒྱལ་ས་ཕེ་རི་སི་ནས་ལ་གཞས་ཤིག་གི་རྩེད་མགོ་བླངས་ན་ཨ་རིའི་ནེའུ་ཡོག་ནས་རྩེ་སྔ་སྐྱོང་གི་འདུག་ལ། དབྱིན་ཡུལ་ལོན་ཌོན་ནས་སྒྲ་དབྱངས་ཤིག་བཏང་ན་རྒྱལ་ས་ལྡི་ལི་ནས་བྲོ་འཁྲབ་ཀྱིན་འདུག འདི་ནི་དངོས་གནས་བོད་ཕྱི་ནང་གི་ཤ་ཁྲག་གཅིག་པའི་རང་རིགས་སྤུན་ཟླ་ཚོ་མཉམ་དུ་འཛོམ་ནས་སེམས་དང་བསམ་པའི་ཕྱི་ནང་སྦྲེལ་སའི་གསེར་ཟམ་ཞིག་ལ་བལྟས་ནའང་ལྷག་རེད།
ལྷག་པར་དུ་འུ་ཅག་གི་གླེང་མོལ་ཁང་དུ་ཚོགས་སྡེ་སྟེ་ (Group Chat) འདྲ་མིན་སྣ་ཚོགས་ཡོད་ཅིང་། ད་སྔ་ཡན་དུ་ང་ཞུགས་མྱོང་བའི་ཚོགས་སྡེ་ཁག་ནི་བོད་ཀྱི་བཅུ་ཕྲག་རིག་པའི་གནས་རྣམས་གླེང་སའི་ “བོད་ཡིག་རིག་གནས་གླེང་” དང་། བོད་གདོད་མའི་དུས་ནས་ད་ལྟའི་བར་གྱི་ཐ་སྙད་རྙིང་བ་དག་དང་དུས་རབས་གསར་བའི་ནང་དུ་ཕྱི་ནང་གི་དངོས་པོ་ཡར་རྒྱས་ཕྱིན་པ་དང་མཉམ་དུ་སྔར་མེད་པ་ནས་ཡོད་པ་དང་། ཡོད་པ་ནས་ཆུ་བུར་བརྡོལ་བ་ལྟར་འཕྱུར་ནས་ཡོང་གིན་པའི་གསར་དར་ཐ་སྙད་དག་གླེང་ས་སྟེ། “ཐ་སྙད་གླེང་ས་” ། བོད་མདོ་དབུས་ཁམས་གསུམ་གྱི་སྤུན་ཟླ་དག་ལྷན་དུ་འཛོམ་ནས་བསམ་ཚུལ་བརྗེ་རེས་བྱེད་སའི་ “ལྷན་འཛོམ་ཁང་” དང་བོད་ཕྱི་ནང་གི་མཐུན་སྒྲིལ་གྱི་ཨ་ལོང་དམ་དུ་སྡོམ་སའི་ “བོད་ཀྱི་ཟམ་པ་”། གཞན་ཡང་གསར་བུ་གསར་མོ་སྐོར་ཞིག་གིས་བོད་ཀྱི་སྲོལ་རྒྱུན་ལ་གཞས་ཉམས་པ་རྒྱུན་འཛིན་དང་མ་ཉམས་དར་རྒྱས་གོང་འཕེལ་གཏོང་སའི་ “སྡེ་ཆན་རྩེད་ར་” དང་ “ན་ཆུང་རྩེད་ར་” གཉིས་ཏེ། དེའི་ནང་དུ་བོད་ཕྱི་ནང་གཉིས་ཀྱི་སྤུན་ཟླ་གང་མང་གིས་གླུ་ལ་གཞས་ལེན་གིན་འདུག་ལ། ཡང་བོད་ནང་གི་རང་ལུས་མེར་སྲེག་གི་སྐབས་དང་ཉེ་ཆར་པཎ་ཆེན་རིན་པོ་ཆེ་མཆོག་གི་མ་ཡུམ་སྐུ་གཤེགས་པ་སོགས་ཀྱི་སྐབས་སུ་ཉིན་གསུམ་དང་བདུན་ཕྲག་གཅིག་སྟེ། དུས་ཡུན་མི་འདྲ་བའི་མྱ་ངན་ཞུ་བ་སོགས་བྱེད་ཀྱིན་འདུག
གླེང་མོལ་ཁང་འདི་དག་གང་དང་གང་ཡིན་རུང་གཅིག་གྱུར་གྱི་ཁྱད་ཆོས་ཤིག་ཡོད་པ་ནི། གླེང་མོལ་ཁང་ཕལ་མོ་ཆེའི་སྒྲིག་ཁྲིམས་ནང་དུ་རིགས་བོད་པ་ཡིན་པས་བོད་སྐད་གཙང་མ་བཤད་རྒྱུ་དང་། རུས་བོད་པ་ཡིན་པས་བོད་ཡིག་གཙང་མ་འབྲི་རྒྱུ། ཐ་ན་གླུ་ལེན་གར་རྩེད་དང་ལ་གཞས་ལེན་པ་སོགས་ཀྱི་སྐབས་སུའང་གནའ་དེང་ཟུང་གི་གླུ་རིགས་སྣ་ཚོགས་བོད་སྐད་རང་སྟེང་ནས་མ་གཏོགས་ལེན་མི་ཆོག་པ་སོགས་ཀྱི་སྒྲིག་ཁྲིམས་ནན་མོ་བཞག་འདུག་པས། རྦ་རླབས་མཆེད་པ་ལྟ་བུའི་དགའ་སྣང་འགོག་ཏུ་མེད་པ་ཞིག་ངའི་ཡ་ཆུང་ཁོག་པར་འཚང་ཡོང་།
འདས་མ་ཐག་པའི་ལོ་ངོ་འདི་ཚོར་ཕྱི་མིག་ཅིག་བལྟས་ན་བོད་ཀྱི་སྐད་ཡིག་གིས་ཀྱང་བརྡ་འཕྲིན་དུས་རབས་ཀྱི་རྗེས་ཟིན་གྱི་མེད་པ་བདེན་ཡང་། རྟ་ཕོ་བརྒྱུགས་ཤུལ་གྱི་ཐལ་རྡུལ་ཁྲོད་དུ་འདུར་གྱིན་པའི་སྣང་བ་ཐན་ཐུན་ཞིག་སྐྱེ་ལ། ལོ་འགའི་གོང་ཐོག་མར་བོད་ཡིག་གི་དྲ་རྒྱ་ཁག་ཅིག་གསར་དུ་བྱུང་བ་ནས་ཁ་སང་དེ་རིང་ངོ་དེབ་(facebook) དང་གནམ་ཐིག (Skype) ། ཁེའུ་ཁའུ། (QQ) ལྔ་གཅིག (51) ཟིན་བྲིས། (Blog) འུ་ཅག་གི་གླེང་མོལ་ཁང་། (WeChat) གློག་འཕྲིན་ (E-mail) སྣ་ཚོགས་སོགས་སུ་བོད་ཡིག་ནི་ཆུ་རྒྱུག་རྒྱུག་བྱེད་པ་དང་། བོད་ཕྱི་ནང་གི་བོད་ཡིག་ཤེས་མི་ཤེས་གཉི་གས་བརྡ་འཕྲིན་དུས་རབས་འདིའི་བརྡ་འཕྲིན་མ་ལག་ཁག་བེད་སྤྱོད་གཏོང་འགོ་བརྩམས་པ་ནས། བོད་ཡིག་ཀྱང་ཉིན་རེའི་འཚོ་བའི་ཁྲོད་དུ་སྤྱོད་སྒོར་ཇེ་ཆེར་འགྱུར་གྱིན་ཡོད་ལ། ངས་བསམ་ན་དེང་སྐབས་དྲ་ཐོག་ཁག་ན་བོད་སྐད་ཡིག་གི་ཀ་མད་སུམ་བཅུའི་ལམ་ནས་ཞབས་མཆེན་འདེབས་པ་དང་བསམ་ཚུལ་བརྗོད་པ། གླེང་མོལ་བྱེད་པ་ནས་འགོ་བརྩམས་ཏེ་བོད་རིགས་སྤུན་ཟླ་མི་ཉུང་བ་ཞིག་གི་བོད་ཡིག་གི་ཤེས་ཚད་ཀྱང་ཡར་རྒྱས་དང་གོང་འཕེལ་དུ་འགྲོ་གིན་འདུག་པས། ཕྱོགས་གཅིག་ནས་བོད་སྐད་ཡིག་ལ་འཇིག་ཉེན་ཞིག་ཡོད་པར་མཐོང་མོད། ཕྱོགས་གཞན་དུ་ན་བརྡ་འཕྲིན་བརྒྱུད་ལམ་ཁག་གིས་ང་ཚོར་མཐུན་རྐྱེན་ཡང་མི་ཉུང་བ་ཞིག་སྐྲུན་གྱིན་འདུག་པས། མཐུན་རྐྱེན་དེ་བཀོལ་སྤྱོད་ཇི་ལྟར་བྱ་མིན་ནི་ང་ཚོ་ཤ་ཁྲག་རུས་གསུམ་བོད་ནས་མཆེད་པའི་བོད་རིགས་སྤུན་ཟླ་མི་སྒེར་སོ་སོ་ལ་རེག་ལས་སོ། །
གཞན་ཡང་ང་རང་ཉིད་ལ་མཚོན་ན་ལོ་ངོ་བདུན་བརྒྱད་རིང་ཐུག་མ་མྱོང་བའི་བོད་ཕྱི་ནང་གི་གྲོགས་པོ་གྲོགས་མོ་གང་མང་ཞིག་འུ་ཅག་གླེང་མོལ་ཁང་བརྒྱུད་ནས་རྙེད་ཡོང་གི་འདུག་ལ། ཕན་ཚུན་ལ་པར་དང་བརྙན་འཕྲིན་བསྐུར་བ། འཕྲིན་ཐུང་དང་སྐད་བསྐུར་བ་སོགས་ལ་སྟབས་ཧ་ཅང་བདེ་བས་ལོ་ངོ་དུ་མིན་རིང་གི་སྙིང་གཏམ་བཤད་འགོ་ཚུགས་ཡོད། འདི་དག་ནི་ང་འུ་ཅག་གི་གླེང་མོལ་ཁང་ཉུལ་བའི་གཏམ་དང་པོ་ཡིན་ལ། ད་དུང་བཤད་ན་འདོད་པའི་སྐད་ཆ་འགའ་ད་ལྟའི་འུ་ཅག་གི་གནས་སྟངས་ཀྱི་དབང་གིས་ཁ་གསལ་བོ་མ་བཟོས་ན་བཟང་བས་མཚམས་འདི་ནས་འབྲི་མཚམས་འཇོག་རྒྱུ་བྱ། བོད་རྒྱལ་ལོ། །
WeChatརྒྱ་ནག་ནས་ཡར་རྒྱས་མེད་པའི་གྲོང་གསེབ་ཡིག་རིགས་མི་ཤེས་མཁན་ཚོའི་ཆེད་དུ་བཟོས་པ་ཞིག་ཡིན།
གང་ཡིན་ཟེར་ན་ཡི་གེ་བྲིས་མི་དགོས་པ་སྐད་ཆ་བཤད་དེ་གཞན་ལ་ལན་གཏོང་ཐུབ་པ་ཡིན་པས་དེ་ལ་དམིགས་ནས་དྲ་ལམ་འདི་བཟོས་པ་རེད།
དེང་གི་དུས་བོད་ཕྱི་ནང་གཉིས་ནས་ན་གཞོན་ཚོས་ཆེས་དགའ་བསུ་ཐོབ་པ་ནི་《微信》དེ་རེད། ཡིན་ནའང་དེ་ལ་བོད་རང་གི་སྐད་ཡིག་གི་ལམ་ནས་ད་བར་ཐ་སྙད་གཅིག་གྱུར་གྱི་མིང་ཞིག་རྙེད་མེད་པ་འདྲ། འགའ་ཞིག་གིས་དེ་ལ་《བས་འཕྲིན་》དང་། ཡང་འགའ་རེས་《མྱུར་འཕྲིན་》དང་། 《སྐད་འཕྲིན་》ཞེས་འབོད་ཀྱི་འདུག རྗེས་ཕྱོགས་འུ་ཅག་གིས་ཐ་སྙད་གཅིག་གྱུར་གྱི་ཅི་ཞིག་བེད་སྤྱོད་བྱེད་རྒྱུ་ཡིན་ནམ།
wechat འམ་ Weixin དེ་ལ་སྐར་འཕྲིན་ཞེས་བོད་ཕྱི་ནང་གཉིས་སུ་རླུང་ལྟར་གྲགས་ཡོད་པ་དེ་ད་དུང་མ་གསན་པ་གང་ཡིན་ན།
འདི་དེ་གོ་གོ་ར་མ་མྱོང་། ལྟོས་ཚོད་ལ་ཁ་བཙོག་བཤད་ས་ཞིག་ལོས་ཡིན་འདོད་གི། WeChat”ང་ཚོས་གཤོབ་སྟེག་”ཟེར་ན་ག་འདྲ་འདུག།
ཨ་རིག་ལགས་ལ་ཀུ་ཤུའི་ཞལ་པར་སོ་མ་བྱོར་པར་རྟེལ་འབྲེལ་ཞུ། ཁ་བརྡ་ལགས་པོ་བྱས་པར་དེ་བས་བསྔགས།
ད་དུང་བཤད་ན་འདོད་པའི་སྐད་ཆ་འགའ་ད་ལྟའི་འུ་ཅག་གི་གནས་སྟངས་ཀྱི་དབང་གིས་ཁ་གསལ་བོ་མ་བཟོས་ན་བཟང་་་་་་་་ཟེར་ཡོང་དུས་་་་་་་ཡང་ཁྱེད་ཀྱིས་ཆགས་གཏམ་ཞིག་འགོ་འཛུགས་པར་འདོད་པ་ཡིན་རྒྱུ་རེད།
རྒྱ་མཚོའི་ཕ་རིའི་དགའ་རོགས་དངོས་སུ་མཇལ་བའི་ཚོར་བ་སྟེར་བས་ཀྱང་ཡིན་སྲིད།
wechat ལ་སྐད་འཕྲིན་འོས་ཤོས་འཚམ་ཤོས་རེད། ཡོངས་སུ་གྲགས་མིན་མི་ཤེས།
ལེགས་པོ་འདུག ཚང་མར་བཀྲིས་བདེ་ལེགས་སོ།།
བོད་ཀྱི་སྐད་ཡིག་ལ་རྟག་ཏུ་གཙིགས་ཆེན་དགོངས་ཤིག་རིགས་ཀྱི་བོད་རིགས་ཀུན།
འཇིག་མེད་ལགས་ཀྱི་གསུང་པ་དེ་དངོས་གནས་རེད། བོད་ཀྱི་སྐད་ཡིག་ཡར་རྒྱས་འགྲོ་བའི་རྒྱུ་རྐྱེན་རེད། ཡིན་ན་ཡང་དྲྭ་གྲོགས་རྣམས་ཀྱིས་༼wechat༽འདི་ལ་བོད་མིང་རན་པ་ཞིག་འདོག་ན་གང་འདྲ་འདུག
QQ ཟེར་བ་༥༡་གི་དོན་ཡིན་པ་གཞི་ནས་ང་ལ་བློ་སྐྱེད་ཡིན། །བརྡ་འཕྲིན་མ་ལག་བེད་སྤྱད་ནས་རང་གི་རིག་གཞུང་ལ་མཁོ་བའི་བསམ་ཚུལ་འབྲི་མཁན་ཧ་ཅང་ཉུང་ཉུང་རེད། ངོ་དེབ་སོགས་སུ་འདྲ་པར་རྐྱང་རེད། ཡག་ཤོས་ཁ་བརྡ་དྲ་ཚིགས་རེད།
WeChat མིང་ལ་སྐད་སྐུར་ཞེས་པར་བདག་འཐད། ད་སྔ་ཡན་དུ་བེད་སྤྱོད་བཏང་བ་ཧ་ཅང་ཉུང་བས་སྐྱོན་གྱིས་གོང་གི་ཐ་སྙད་དེ་མ་གོ་བ་མ་གཏོགས་བེད་སྤྱོད་གཏོང་ངེས་ཡིན། གང་ལྟར་འདི་ད་དུང་གཅིག་གྱུར་ཞིག་མེད་པས་གཏན་ལ་དབབ་རྒྱུར་ལྷག་ཡོད་པ་རེད།
དེ་མིན་དྲ་གྲོགས་ཤིག་གིས་ {ད་དུང་བཤད་ན་འདོད་པའི་སྐད་ཆ་འགའ་ད་ལྟའི་འུ་ཅག་གི་གནས་སྟངས་ཀྱི་དབང་གིས་ཁ་གསལ་བོ་མ་བཟོས་ན་བཟང་} ཞེས་པར་དོགས་པ་སྐྱིད་པོ་ཞིག་ཟོས་འདུག་ཀྱང་། དེའི་སྐོར་ནས་བཤད་ན། ད་ལྟ་བོད་ནང་ན་འདི་སྤྱོད་མཁན་གྱི་མི་མང་གི བོད་ནང་གི་སྤུན་ཟླ་ཚོས་འདི་བེད་སྤྱོད་སྐབས་ཀྱི་གནས་སྟངས་དག་གི་ནང་དུ་གནས་སྐབས་གླེང་མི་རུང་བ་མང་བོ་འདུག དེ་ནི་མྱོང་མཁན་དག་གིས་ཤེས་རྒྱུ་ཞིག་དང་སེམས་ལ་འཛིན་རྒྱུ་ཞིག་ལས་ཀུན་ལ་བསྒྲགས་རྒྱུ་ཞིག་རེད་མི་འདུག་ཟེར་བའི་དོན་ཡིན་ནོ། །
Wechat མིང་ལ་(གླེང་མོལ་ཕོ་ཉ)་ཞེས་བཏགས་ན་གང་འདྲ་འདུག
WeChat ་ངས་བལྟས་ན་༼ ཁ་ཏ༽ཟེར་ན་ཡག །གང་ཡིན་ཟེར་ན་ཕན་ཚུན་སྐད་ཆ་ཤོད་རེས་བྱེད་པ་ལ་གོ་བས་བཟང་། ཁ་བརྡ་དང་ཁ་ཏ་གཉིས་དོན་འདྲ།
ཨ་རི་ནས་དགའ་མོས་ཀུ་ཤུ་ཁ་པར་ཞིག་སླེབས་པ་ལ་ཡ་མཚན་ནས་འདི་འདྲ་དགོས་དོན་ཡོད་པ་མ་རེད། སོ་སོ་སྤྲང་བོ་ཡིན་པ་མདོག་བསྟན་པ་རེད།
སྤུན་ཟླ་རྣམ་པ་སྐུ་ཁམས་བཟང་།ང་གཞིས་ཀྱི་གྲོགས་པ་ཞིག་ལ་ཁ་བརྡ་གཙོ་བྱས་བའི་ཕྱི་ལོག་གི་དྲྭ་བར་འཇུག་རྒྱུར་ཧ་ཅང་དགའ།དེངས་སྐབས་གནའ་དུས་དང་མི་འདྲ་བར་ལེ་དབར་ཁྲི་ཡིས་ཆོད་པའི་སྤུན་ཡང་བརྡ་འཕྲིན་རྒྱུད་ནས་དུས་རྒྱུན་ཐུག་ཐུབ་ལ་ཡུན་རིང་སེམས་སུ་མཉར་བའི་སྐད་ཆའང་བརྡ་འཕྲིན་རྒྱུད་ནས་བཤད་ཐུབ་ནི་དངོས་ནས་སུས་ཀྱང་ཚབ་བྱེད་མི་ཐུབ་པ་ཞིག་རེད།ད་བར་གཞིས་ཀྱི་ན་གཞོན་ཚོ་ཡང་དྲྭ་བར་འཇུག་རྒྱུར་ཧ་ཅང་དགའ་ལ་ལྷག་པར་དུ་བོད་དང་འབྲེལ་བའི་དྲྭ་བ་དང་ངོ་དེབ་སོགས་མང་པོར་ཞིག་འཇུག་བཞིན་ཡོད་པས་ང་ཚོ་དངོས་ནས༼སད༽ཀྱིན་པའི་སྣང་བ་ཞིག་འགོག་མེད་དུ་སྟེར།ང་དང་ངའི་གྲོགས་པོ་ཚོར་མཚོན་ནའང་རང་ཉིད་བོད་ཅིག་ཡིན་པའི་ཆ་ནས་ཤ་གསེང་རུས་གསེང་དུ་འཐིམ་པའི་འགན་འཁྲིའི་འདུ་ཤེས་ཤིག་ངེས་བར་དགོས་འདུག་བསམ་ནས་WeChatསོགས་སྣ་ཚོགས་ལ་བརྟེན་ནས་ཕྱི་ནང་གི་གསལ་ཚུལ་མང་པོ་ཞིག་ཁྱབ་བསྒྲགས་བྱེད་བཞིན་ཡོད།ད་བར་ཁྱབ་བསྒྲགས་ཀྱི་ནུས་བ་ནི་ཧ་ལས་བ་ཞིག་སྟེ་རྒྱ་ནག་གིས་རྫུན་གཏམ་གྱི་ཁྱབ་བསྒྲགས་ཤིག་གིས་ཀྱང་རྒྱ་མི་དུང་ཕྱུར༡༣དང་འཛམ་གླིང་ཡང་མགོ་འཐོམས་ཏུ་འཇུག་པ་ལ་ལྟོས་ནའང་ཤེས་ཐུབ་བོ།།།དེ་བས་ཕྱིའི་གྲོགས་པོ་ཚོར་WeChatཡོད་མཁན་ཡོད་ན་511580549རྒྱུད་གླེང་ཚོགས་ནང་ཞུགས་ཆོག
དྲ་གྲོགས་ཚོ་རྒྱ་ནག་གིས་འདི་ལ་ཝེ་ཤིན་ཟེར་ཞིང་། དབྱིན་ཡིག་གི་Wechat ཟེར་པ་འདི་གཉིས་ནང་དོན་མཚུངས་རུང་མ་མཚུངས་རུང་། ང་ཚོའི་ངོས་ནས་ཐ་སྙད་འདི་བོད་སྐད་ཐོག་ག་རེ་བད་སྤྱོད་གཏོང་དགོས་པ་དེ་གལ་གནད་ཆེ། རྒྱ་སྐད་དུ་ཝེ་ཤིན་ཟེར་པ་འདི་དབྱིན་སྐད་ནང་དོན་བསྒྱུར་བྱས་ན་Micro-Letter ཟེར་ཞིང་། Microཟེར་པའི་ཚིག་འདི་མིང་ཚིག་གང་ཡང་རུང་བ་ཞིག་གི་སྔོན་དུ་སྦྱར་ན་ཕྲ་མོ་དང་། ཕྲ་རྡུལ་ལ་གོ་ཞིང་། Letter ནི་ཡི་གེ་དང་འཕྲིན་ལའང་གོ་ཆོག་ལ། དེ་ལྟར་ན་ཚིག་འདིའི་ངོ་གདོང་ནས་གོ་བ་བླངས་ན་ཕྲ་འཕྲིན་ལྟ་བུ་ཞིག་ཏུ་གོ་འདུག འོན་ཀྱང་ཕྲ་འཕྲིན་ཞེས་བརྗོད་ན། གཉེན་ཆས་འདིའི་བྱེད་ལས་ཆ་ཚང་བ་སྟོན་མི་ཐུབ་པར་སྣང་། བཀོལ་སྤྱོད་བྱེད་བཞིན་པའི་གྲོགས་པོ་ཚོས་འདི་ལ་སྐད་འཕྲིན་ཞེས་པའི་ཚིག་འདི་བད་སྤྱོད་གཏོང་བཞིན་ཡོད་ཀྱང་། ད་ལྟའི་ཆར་སྐད་གཅིག་བུ་མིན་པར་གཟིགས་མཐོང་རྒྱུ་ཡོད་པ་video callཟེར་པའི་ཐོག་ནས་ཀྱང་ཕན་ཚུན་ལ་གླེང་མོལ་བྱེད་ཐུབ་མོད། དེ་བཞིན་པར་དང་ཡི་གེ་སྐད་ཚང་མ་གཏོང་རེས་བྱེད་ཐུབ་པའི་གཉེན་ཆས། software རམ་ཡང་ན། programme འདི་ལ་ད་སྔ་བོད་སྐད་ཐོག་གཅིག་གྱུར་གྱི་མིང་མེད་པས་དྲ་གྲོགས་ཚོས་དཔྱད་པར་འཚལ།
weChat དོན་ངོས་ཐད་ནས་བཤད་ན་“ང་ཚའི་ཁ་བརྡ་འམ་ང་ཚོའི་གླེང་མོལ་)ཡིན་ས་རེད། འགའ་རེའི་སྐར་འཕྲིན་ཟེར་དེའང་མི་འགྲིག་པ་མེད་མོད་ཧ་ཅང་གི་ཀ་ལ་བདེ་ནི་རྣ་བར་སྙན་ནི་མ་རེད། ངས་བསམ་ཨ་རིག་གིས་གསུང་པ་དེ་“སྐད་སྐུར་”ལབ་ན་འོས་འཚམས་རེད་འདོད།
WeChat, QQ, Skype སོགས་རྒྱུད་ནས་བསྒྲགས་གླེང་བྱེད་མི་ཆོག་པའི་གཏམ་གླེང་འདྲ་བྱེད་བཞིན་ཡོན་ན་ཁྱེད་ཚོ་ཚང་མ་ཨ་རིག་གླེན་པ་བཞིན་གླེན་དྲགས་པའི་སྐྱོན་ཡོད་པ་རེད། འདི་ནི་འཆལ་གཏམ་སྤེལ་ས་དང་ནང་མིའི་བརྩེ་སེམས་ཀྱི་དུང་བ་སྦྲེལ་སྤྱད་ཅིག་དང་རང་མཚང་ཕྱི་ལ་བརྟོལ་སྤྱད་ཙམ་ལས་གསང་གནས་ཀྱི་གཞི་བཅོལ་ས་ཞིག་དུ་མཐོང་ན་རང་ཉིད་རྒྱ་ལ་འཇུག་པའི་གཡབ་མོ་རེད། དེ་ན་དྲ་གྲོགས་གླེན་པ་ཚོ་སྤྱང་པོར་སྐུལ་བའི་ཁ་བརྡ་ཡིན། ཐུགས་ལ་བཞེས་རོགས་གནོང་།
འདི་ལ་མིང་ཕར་མ་བཏགས་པར་ཐད་བསྒྱུར་བྱས་ན་མིང་སྙན་ལ་སྟབས་བདེ་ཞིག་མི་རགས།
微信 WeChat བེ་ཤེན སྐུ་ཞབས་སེང་རྡོར་གྱིས་འདིའི་མིང་ལ་སིལ་འཕྲིན་བཏགས་འདུག
མི་རེའི་མིང་རེ་བཏགས་ན་མིང་ལ་མཐའ་འཁྱོལ་ཐུབ་རྒྱུ་མ་རེད་དེའི་ཕྱིར་གཅིག་གྱུར་གྱི་མིང་ཞིག་ལ་དཔྱད་རོགས།
དྲྭ་བ་འདིར་གཟིགས་དང་ཧ་གསལ་བོ་གོ་་http://www.sangdhor.com/pics_c.asp?id=7350
ཨ་རིག་འགྱུར་མེད་ལགས། སྙིང་སྡུག་མཛའ་མོའི་བཀའ་དྲིན་ལ་ཟེར་བ་དེ་བུ་མོ་སུ་ཤོད་ཀྱི་ཡོད། ཁྱོད་དང་རྡ་སའི་བློ་བཟང་དབང་རྒྱལ་གཉིས་འཁྲབ་ཐོ་ཡིན་དྲགས་ཏེ། ངས་སུ་ལ་ངོས་འཛིན་བྱེད་དགོས་པའང་ཤེས་མ་སོང་། སུ་ཇ་སློབ་གྲྭར་ཡོད་དུས་ཨ་མདོ་རྔ་པའི་བུ་མོ་རིག་འཛིན་ཟེར་བ་ཞིག་ཡོད་པ་རེད། བོད་ཀྱི་དུས་བབ་ནང་དུ་ཡོད་དུས་ཁམས་གླུ་ཐང་གི་བུ་མོ་ཞིག་ཡོད་པ་རེད། དེང་སྐབས་ནོར་གླིང་ནས་ཐོན་པའི་སྨིན་སྣང་མཛེས་ཟེར་བ་ཞིག་ཡོད་པ་རེད། ཡང་སྙིང་དོན་གྱིས་སྟེང་མ་ཁྱོད་ཀྱིས་སུ་ཞིག་ལ་བཀའ་དྲིན་ཞུ་བཞིན་ཡོད།
微信 WeChat 微ཞེས་པ་ཕྲ་བའམ་ཉི་ཚེ་བར་གོ་ཞིང་信ནི་འཕྲིན་ལ་གོ་ཡང་འདི་ལ་ཕྲ་འཕྲིན་ཟེར་ན་ཅུང་ཟད་བརྗོད་མི་བདེ་བར་སྣང་།དེ་བས་འདི་ལ་བོད་སྐད་ཀྱིས་ཐོར་འཕྲིན་ནམ་སིལ་འཕྲིན་བཏགས་ན་གང་འདྲ་འདུག དྲ་གྲོགས་རྣམ་པས་དཔྱད་རོགས།
གང་ལྟར་ཡང་wechatཟེར་བ་འདི་ཧ་ཅང་གིས་ལེགས་པོ་རེད་བསམ་བྱུང་། ང་ཡང་འདི་ནས་ཉིན་འགའ་འགོར་སོང་། འདིའི་ནང་དུ་བགྲོ་གླེང་དང་། སྒྲུང་གཏམ། ལ་གཞས་སོགས་བོད་སྐད་ཡིག་གི་སྟེང་ནས་བསམ་བློ་བརྗེ་རེས་བྱེད་བཞིན་འདུག ཡ། ད་ང་ཡང་བསྐྱར་དེར་འགྲོ་དགོས། བོད་ཕྱི་ནང་གཉིས་ཀྱིས་དྲ་གྲོགས་ཚོས་ང་ལ་སྒུག་བསྡད་ཡོད། རྣམ་པ་ཚོ་བདེ་མོ་བྱོས།
འདི་བོད་ནང་ཁུལ་ནང་ནད་དར་འགོ་ཚུགས་ཤིང་བཙན་བྱོལ་ཏུ་འབྱོར་བ་རེད། འདི་ལ་བོད་ནང་གི་བེད་སྤྱོད་པ་ཚོས་༼སྐད་འཕྲིན་༽ཟེར་གྱིན་འདུག་ལ་དེ་ནི་སྒྲ་དོན་གཉིས་ཆ་ནས་འགྲིག་བསྡད་པ་ཞིག་འདུག་བསམ་སོང་། སྤྱིར་ན་༼ 微信 ༽དང་༼ wechat ༽གཉིས་གང་ལ་གང་འགྱུར་མིན་བཤད་དཀའ་ནའང་། དང་བོར་རྒྱ་ནག་ནས་དར་བའི་དབང་དུ་བྱས་ན་སྐད་འཕྲིན་ཞེ་ན་ཅིའི་མི་བདེན་སྙམ་སྙམ་ཞིག་འདུག་ལགས།
Wechat ནི་རྒྱལ་གཉེར་་QQ ནས་གསར་དུ་སྤེལ་བའི་ཕན་ཚུན་གླེང་མོལ་་གཅིག་གིས་བཤད་ན་སྟོང་གིས་གོ་ཐུབ་པའི་གཉེན་ཆས་ཞིག་རེད། འོན་ཀྱང་བོད་རིགས་སྤུན་ཟླའི་དབར་སྙིང་གཏམ་བཤད་ས་ནི་མ་རེད། འོ་ན་ང་དེ་ལ་མིང་ཅི་ཞིག་འདོགས་དགོས་ཟེར་ན། ཤིན་ཏུ་མཛའ་བའི་མིང་ཞིག་ཡོད་ཀྱང་སྟབས་མ་ལེགས་ནས་ཁ་བརྡ་ཚང་གི་བཏགས་ཟིན།།
QQ དང་we chat གཉིས་ཀ་རྒྱ་ནག་གི་སྟངས་འཛིན་འོག་ཡོད་པས་དེ་གཉིས་བདེ་སྤྱད་ནས་བོད་ནང་ཆབ་སྲིད་སྐོར་མ་བཤད་ན་བཟང་། ལྷག་པར་དུ་ཡིག་ཆ་གལ་ཆེན་ཡོད་པའི་རྩིས་འཕྲུལ་དང་ཁ་པར་སོགས་ནང་དེ་གཉིས་ཕབ་ལེན་བྱེད་མི་རུང་།
འདིའི་ནང་དུ་གྲོགས་པོ་འཚོལ་སྟངས་ཤིག་གསུངས་དང་། ངའི་ཁ་པར་ནང་ང་ལ་ཁ་པར་ཨང་གྲངས་ཡོད་པ་ཚོ་མ་གཏོགས་འཆར་གི་མི་འདུག
རྒྱ་ནག་གསང་བའི་ལས་ཁུང་ལ་ཁ་པར་གཏོང་དང་ཁོ་ཚོ་ནི་འདིའི་སྐོར་ལ་གསལ་ཆ་ཆེ་ཤས་དེ་རེད་ཨ་ཁུ་ཀླུ་ལགས།
ཨ་ཁུ་གླུ་སྨྱོན་ལགས།ཕྲན་གྱི་སྐད་འཕྲིན་ཨང་གྲངས་511580549ནང་དུ་འཇོག་རོགས།
ཨ་རུག་འགྱུར་མེད་ཟེར་བ་འདི་སྐབས་འཚོལ་བ་རང་རེད་་་་་་་་་་་་་་་་་་་་་་་
གང་ནས་གོ་སྐབས་རག་ན་དེར་འཇུས་མཁན་ཞིག་རེད་ཡ་་་་་་་་་་་་་་་་་
རེད་རེད་དེང་སང་ཁ་པར་ནང་གི་སྐད་འཕྲིན་སྟབས་བདེ་བ་ཞིག་ཡིན་པ་བཤད་མ་དགོས་པ་ཞིག་རེད། འོན་ཀྱང་མང་ཆེ་བ་གླེང་མོལ་ཁང་རེ་རེའི་ནང་ན་དོན་མེད་རྙོག་བཤད་ཀྱིས་བཟི་འདུག་པས་ཨ་རིག་པས་བཤད་པ་བཞིན་ལམ་ཞིག་ཏུ་མ་སོང་ན་འདིའི་རིགས་ཀྱང་ཆུ་ཚོད་འཕྲོ་བརླག་ཏུ་གཏོང་བྱེད་རེད་ཡ།
ཨ་རིག་འགྱུར་མེད་ལགས། “ལྷན་འཛོམ་ཁང་” དང “བོད་ཀྱི་ཟམ་པ་” སོགས་ཀྱི་ནང་ཇི་ལྟར་ཞུགས་དགོས་པའི་ལམ་བསྟོན་ཞིག་གནང་རོགས།
WeChat = དྲྭ་མོལ། ༼དྲྭ་རྒྱའི་ཐོག་ན་ས་བཀའ་མོལ་བྱེད་ས།༽
འདིའི་ཐོག་ནས་པར་དང་གློག་རྙན་ཡང་སྐུར་གྱི་ཡོད་པས་སྐད་དང་འཕྲིན་ལབ་ན་ཁྱབ་ཆུང་དྲགས་པ་འདྲ་བོ་འདུག
དྲྭ་རྒྱའི་བརྒྱུད་ལམ་འདིར་བོད་རང་གི་སྐད་རིགས་དང་མཐུན་པའི་ཐ་སྙད་གསར་པ་ཞིག་དགོས་གལ་ཆེ་བས་དྲྭ་གྲོགས་རྣམས་ཀྱིས་དགོངས་འཆར་གསུངས་པར་རྗེས་སུ་ཡིད་རངས་ཞུ།
Skype ལ་གནམ་ཐིག་ཟེར་ན་གང་འདྲ་རེད།
QQནང་ནས་བོད་ཡིག་ཆུ་རྒྱུག་རྒྱུག་རེད་མི་འདུག གཅིག་བྱས་ན་ངས་བེད་སྤྱོད་མ་ཤེས་པ་ཡིན་རྒྱུ་རེད་ལམ་སྟོན་ཅིག་གནང་རོགས།
ཆུ་རྒྱུག་རྒྱུག་རེད་མི་འདུག་ན་ཇ་ལྡུག་ལྡུག་བྱས་ན་ག་འདྲ་འདུག་ཅིག་ལྟོས་དང་། དབང་ཆེན་ལགས། སྐབས་རེར་སྐྱོན་ཆེན་པོ་ཀྱང་མེད་ཡ། མགོ་གཞུག་དག་ཙམ་རྗེ་བས་འགྲིག། ཧཧཧ།