ཨ་ནུ་ཐང་བསོད་ནམས།
༢༠༡༣ ལོའི་ཟླ་༨ ཚེས་༢༡ ཉིན་སེ་རི་ཡས་རྫས་འགྱུར་གོ་མཚོན་བེད་སྤྱོད་བཏང་བའི་དཔང་རྟགས་སྣ་ཚོགས་ཤིག་ཨ་རི་གཙོ་བོར་གྱུར་པའི་ནུབ་ཕྱོགས་རྒྱལ་ཁབ་ཚོའི་ལག་ཏུ་རྙེད་ཅིང་། དོན་རྐྱེན་དེའི་ཁྲོད་མི་༡༤༢༩ རྐྱེན་འདས་སུ་སོང་ཞིང་། དེའི་ནང་ནས་༤༢༦ ཙམ་བྱིས་པ་ཡིན་ཚུལ་ཨ་རི་གཞུང་གིས་གླེང་། ཡིན་ཡང་། ཨུ་རི་སུ་དང་རྒྱ་ནག ཨེ་རན་གསུམ་གྱིས་སེ་རི་ཡའི་གཞུང་གིས་རྫས་འགྱུར་མཚོན་ཆ་བེད་སྤྱོད་བཏང་བའི་དཔང་རྟགས་འདང་ངེས་མེད་ཚུལ་གླེང་ནས་ངོས་ལེན་བྱེད་ཀྱི་མེད་ལ། རྒྱལ་ཚོགས་ཀྱིས་ཞིབ་འཇུག་མ་གྲུབ་བར་དུ་ངེས་བར་དུ་སྒུག་དགོས་ཚུལ་གླེང་བཞིན་ཡོད།
༡༽ ཨུ་རི་སུ་ནི་སེ་རི་ཡའི་གཞུང་དང་ཚོང་འབྲེལ་ཤུགས་ཆེན་ཡོད་ལ། སེ་རི་ཡའི་གོ་ལག་ཕལ་ཆེར་བ་ཨུ་རི་སུ་ནས་ཐོན་ཞིང་། ཨུ་རི་སུ་ལ་ཨ་སྒོར་ས་ཡ་མང་པོའི་ཡོང་སྒོ་ཡོད་པ་མ་ཟད། ༢༠༠༩-༢༠༡༠ བར་ཨ་སྒོར་ས་ཡ༡༦༢ གྱི་གོ་ལག་སེ་རི་ཡ་ལ་བཙོང་ཡོད། ཆབ་སྲིད་ཀྱི་ཐོག་ནས་ཨི་རུ་སིའི་མཐུན་ཕྱོགས་རྣམས་གཅིག་རྗེས་གཉིས་མཐུད་ཀྱིས་ཡལ་ཚེ་ནམ་ཞིག་ཨུ་རི་སུའི་མགོ་རུ་དེ་ལྟར་འབབ་ངེས་ཡིན་པས་རྒྱབ་སྐྱོར་བྱེད་ཚུལ་གླེང་།
༢༽ རྒྱ་ནག་ནི་སེ་རི་ཡའི་གཞུང་ལ་དེ་ཙམ་གྱི་དཔལ་འབྱོར་གྱི་འབྲེལ་བ་མེད་ཀྱང་བོད་དང་ཡུ་གུར། འགྲོ་བ་མིའི་ཐོབ་ཐང་གི་གནད་དོན་ཐོག་ཉིན་ཞིག་རྒྱ་ནག་ལའང་དེ་མཚུངས་ཀྱི་དཀའ་ངལ་འཕྲད་པར་འདོད་ནས། རྒྱལ་ཁབ་སུ་ཞིག་གིས་ནང་སྲིད་ལ་ཐེ་གཏོགས་བྱེད་ན་མི་ལེགས་ཚུལ་སྨྲ་བཞིན་རང་ནུས་ཅི་ལྕོགས་ཀྱིས་རྒྱབ་སྐྱོར་བྱེད་ཀྱིན་ཡོད།
༣༽ ཨེ་རན་ནི་སེ་རི་ཡ་དང་ལོ་མང་གི་མཐུན་ཕྱོགས་ཡིན་པ་མ་ཟད། དེ་སྔོན་ཨེ་རག་གིས་བཙན་འཛུལ་བྱས་སྐབས་སེ་རི་ཡས་རོགས་སྐྱོར་བྱས་ཤིང་། ཁོང་གཉིས་ཀའི་དགྲ་བོ་ཨེ་གཟི་རལ་དང་ནུབ་ཕྱོགས་པ་ཡིན་པ་གཅིག་ཁར། རྒྱལ་ནང་དུ་མང་གཅོ་དོན་གཉེར་བའི་དཀའ་ངལ་ཡོད་པ་གཅིག་མཚུངས་ཡིན་ཕྱིན། ཚེ་སྲོག་གཅིག་པའི་མནའ་མཐུན་ཡིན་པས་རེད།
སེ་རི་ཡ་ལ་ཉེས་ཆད་གཅོད་མིན་གྱི་རྩོད་པ།
༢༠༡༣ ཟླ་༨ ཚེས་༢༩ ཉིན་དབྱིན་ཇིའི་གྲོས་ཚོགས་སུ་སེ་རི་ཡ་ལ་དམག་རྒྱག་དགོོས་མིན་གྱི་འོས་ཤོག་འཕེན་སྐབས། ངལ་གཙོ་ཚོགས་པའི་མགོ་ཁྲིད་Ed Milibandཡིས་དབྱིན་ཇིའི་སྲིད་བློན་ལ་ངོ་རྒོལ་བྱས་ཤིང་། འོས་ཤོག་ཁྲོད་ཁོང་ལ་འོས་མི་༢༨༥ དང་། སྲིད་བློན་དང་ཁོང་གི་གཞུང་ལ་འོས་མི༢༧༢ ཐོབ་སྟེ། དམག་འཁྲུག་བྱེད་རྒྱུ་གྲོས་ཚོགས་ནང་ཕམ་ཉེས་བཏང་བས། ཨོ་བྷ་མས་ཀྱང་ཁོང་གི་གྲོས་ཚོགས་ལ་སྐད་ཆ་མ་དྲིས་པར་དམག་མི་གཏོང་རྒྱུར་དཀའ་ངལ་བཟོས། ཨོ་བྷ་མ་ལ་ཚོགས་མི་ཁག་ཅིག་གིས་སྐྱོན་བརྗོད་བྱེད་མིན་ལ་མ་ལྟོས་པར་དམག་རྒྱག་མིན་གྱི་ཐག་གཅོད་བྱེད་པའི་ཐོབ་ཐང་ཡོད་ཀྱང་། དབྱིན་ཇིའི་བྱུང་བ་ལ་ངོས་ལེན་གྱི་ཚུལ་གྱིས་ཁོང་ལ་དམག་རྒྱག་འདོད་ཡོད་ཀྱང་། གྲོས་ཚོགས་ལ་དྲིས་ན་ལེགས་ཚུལ་གླེང་ནས་གྲོས་ཚོགས་ལ་འདྲི་རྒྱུ་ཐག་གཅོད་གནང་། གལ་སྲིད་གྲོས་ཚོགས་ཀྱི་མང་མོོས་ཀྱིས་སེ་རི་ཡ་ལ་དམག་མི་གཏོང་རྒྱུ་འགོག་རྐྱེན་བཟོས་ཚེ། དབྱིན་ཇིའི་གྲོས་ཚོགས་ཀྱིས་སྣེ་ཁྲིད་འོག རྒྱལ་ཁབ་རྣམས་ཁེར་རྐྱང་ཟུར་སྡོད་དུ་འདུག་རྒྱུའི་ལམ་ཁ་བསྟན་པས་གཅིག་བསྡུ་རིང་་ལུགས་པ་རྣམས་ལ་མཚོན་ན། བླ་མེད་ཀྱི་གོ་སྐབས་ཤིག་རེད་ལ། གཉའ་གནོན་མྱོང་མཁན་ཚོ་ལ་མཚོན་ན་མགོན་མེད་སྐྱབས་མེད་དུ་གནས་ཤིང་། རང་སྣང་ཅན་ཚོས་ཅི་འདོད་དུ་བྱེད་པའི་མིག་དཔེ་ངན་པ་ཞིག་ཀྱང་རེད།
དབྱིན་ཇི་ཡིས་དམག་འཁྲུག་བྱ་འདོད་མེད་ཀྱང་ཧྥ་རན་སི་དང་ཏུར་ཁི། ཨ་རབ་མཐུན་ཚོགས་བཅས་ཀྱིས་ཨ་རི་ལ་དམག་རོགས་བྱེད་རྒྱུའི་བསྒྲགས་གཏམ་སྤེལ་བས་དབྱིན་ཇིའི་གཞུང་ངོ་ཚ་ཁ་སྐྱེངས་སུ་བཟོས་ཤིང་། ཨ་དབྱིན་མཛའ་མཐུན་ལ་བར་ཆད་བཏང་ཕྱིན། སྲིན་བློན་གྱིས་ངལ་གཙོ་ཚོགས་པའི་མགོ་ཁྲིད་ཨུ་རི་སུ་དང་འབྲེལ་བ་ཡོད་ཚུལ་གྱི་ཉེས་འཛུགས་གནང་བས། ད་ལྟ་དབྱིན་ཇིའི་གཞུང་འཛིན་ཚོགས་པ་དང་། ཁ་གཏད་ཚོགས་པ་གཉིས་ཀྱི་ལངས་ཕྱོགས་འགལ་ཟླར་གྱུར། ཨ་རི་དང་ཧྥ་རན་སི། དབྱིན་མི་མང་པོས་དབྱིན་ཇིའི་ངལ་རྩོལ་ཚོགས་པའི་མགོ་ཁྲིད་ལ་སྐྱོན་བརྗོད་ཤུགས་ཆེན་བྱས་ཤིང་། ཁོང་གི་རྒྱུ་ནོར་ལ་དོགས་པ་འཛིན་མཁན་ཡང་འབྱུང་བཞིན་ཡོད། དེས་ངལ་རྩོལ་ཚོགས་པའི་མཚན་མཐོང་ལ་གནོད་པར་སེམས་ནས་ངལ་རྩོལ་ཚོགས་པའི་ནང་ཁུལ་ནས་Ed Milibandལ་སྐྱོན་བརྗོད་བྱེད་མཁན་འབྱུང་བཞིན་ཡོད།
ཨ་རིའི་མདུན་དུ་ལྷག་པའི་གདམ་ཁ་གསུམ་ནི། ༡དམག་་འཁྲུག་མི་རྒྱག་རྒྱུ། ༢ཉེས་པའི་ཆེད་དུ་མེ་ཤུགས་འཕུར་མདས་གཏོར་རྒོལ་ཁ་ཤས་གཏོང་རྒྱུ། ༣དྲག་འཐབ་པ་ལ་གང་ཐུབ་ཀྱིས་དམག་རོགས་བྱེད་རྒྱུ་བཅས་རེད། ཡིན་ཡང་། ཨེ་རག་གི་དམག་འཁྲུག་ལས་ཕམ་ཉེས་བྱུང་ཞིང་ཨ་རི་དང་མཐུན་ཕྱོགས་རྒྱལ་ཁབ་རྣམས་ལ་དཀའ་ངལ་ཚབས་ཆེན་འཕྲད་པས། ཨ་རི་དང་ནུབ་མི་མང་པོ་དམག་འཁྲུག་ལ་ཨ་ཐང་ཆད་ཕྱིན། དང་པོ་གཉིས་ལས་གསུམ་པ་འདེམ་རྒྱུ་དཀའ་བར་སྣང་།
ཨོ་བྷ་མས་སྔ་ཕྱི་བར་གསུམ་དུ། གལ་སྲིད་སེ་རི་ཡས་དུག་རྫས་ཀྱི་མཚོན་ཆ་བེད་སྤྱོད་བཏང་ཚེ། ཨ་རིས་བཟོད་སྒོམ་བྱེད་ཐབས་མེད་ཅེས་པའི་མཐའ་ཚིག་ཡང་ཡང་བསྒྲགས་པས། ད་ལྟའི་རྫས་འགྱུར་མཚོན་ཆ་བེད་སྤྱོད་བཏང་བའི་གནད་དོན་ལ་ཨོ་བྷ་མ་ཁ་བཙུམ་ནས་སྡོད་ཐབས་མེད་ཅིང་། བསྡད་པ་ཡིན་ན་མ་འོངས་པར་ཁོང་གི་ཆེ་མཐོང་ལ་གནོད་པ་མ་ཟད། ཨ་རིའི་རིན་ཐང་ལ་དེ་བས་གནོད་ངེས་རེད། ལྷག་པར་དུ་རྒྱ་ནག་དང་ཨུ་རི་སུ་སོགས་ཀྱིས་རང་ཉིད་ལ་ཉེས་པ་གཏོང་མཁན་མེད་པ་རྟོགས་ནས། གང་འདོད་བྱེད་སྲིད་ཅིང་། ད་ནས་བཟུང་ལུང་པ་དེ་དག་གི་རང་སྣང་ཇེ་མཐོ་དང་། སྤྱོད་པ་ཇེ་རྩུབ་ཏུ་འགྲོ་བཞིན་ཡོད་ཚུལ་ཨ་རིའི་གནད་ཡོད་ཆབ་སྲིད་པ་ཁག་ཅིག་གིསCNN ལ་སྨྲ་བཞིན་འདུག
དེར་བརྟེན། ད་ཐེངས་ཨ་རིས་མི་འདོད་བཞིན་དུ་སེ་རི་ཡ་ལ་ཉེས་ཆད་གཏོང་དགོས་ཀྱང་། གྲོས་ཆོགས་ཀྱི་མང་མོས་རྒྱབ་སྐྱོར་མ་ཐོབ་ཚེ། ཨ་རིས་སེ་རི་ཡ་ལ་དྲག་ཤུགས་ཀྱིས་ཉེས་པ་གཏོང་ཐབས་མེད་ཅིང་། མ་བཏང་ཚེ་སེ་རི་ཡའི་དྲག་ཤུགས་ཆེ་རུ་འགྲོ་སྲིད་ལ། ཁོང་ཚོར་ཡོད་པའི་རྫས་འགྱུར་མཚོན་ཆའང་ཨ་ཁ་དྲ་དང་ཁ་ཆེའི་དྲག་འཐབ་པ་ཚོའི་ལག་ཏུ་ཤོར་ཉེན་ཆེ་བས། དེ་ལྟར་ཤོར་ན་རྒྱུན་རིང་ཨ་རིའི་བདེ་འཇགས་ལ་གནོད་ངེས་རེད། ལྷག་པར་དུ་དམག་འཁྲུག་གི་དུས་ཡུན་རྒྱུན་རིང་དུ་བསྡད་ཚེ། ཨ་རིའི་མཐུན་ཕྱོགས་སེ་རི་ཡའི་ཁྱིམ་མཚེས་རྒྱལ་ཁབ་ཁག་གི་དྲག་སྤྱོད་པ་དང་། ཉེས་ཅན་པ། ཁ་ཆེའི་ཐལ་སྤྱོད་པ་དང་ཨ་ཁ་དྲ་སོགས་ཀྱིས་སེ་རི་ཡའི་རང་དབང་དྲག་འཐབ་པ་ལ་རོགས་སྐྱོར་བྱ་རྒྱུ་ཤུགས་ཆེ་རུ་འགྲོ་སྲིད་ཅིང་། དམག་འཁྲུག་ལས་སྦྱངས་པ་ཐོབ་པའི་ཕུལ་བྱུང་གི་དམག་མི་འབྱུང་སྲིད་ལ། དེས་མ་འོངས་བར་རྒྱལ་སྤྱིའི་བདེ་འཇགས་ལ་གནོད་ངེས་རེད། མ་ཟད་དམག་འཁྲུག་དེ་མཐའ་འཁོར་གྱི་ཡུལ་ཁག་ཏུ་ཁྱབ་ཅིང་། སུ་ཡིས་བཀག་ཀྱང་འགོག་ཏུ་མེད་པས་འཛམ་གླིང་དམག་ཆེན་གྱི་སྔོན་འགྲོ་རུ་འགྲོ་སྲིད་པས། དུས་དེར་ཨ་རིར་འགྲོ་སོང་འདི་ལས་ཆེ་ལ་དཀའ་ངལ་འདི་ལས་མང་པ་ཡོང་སྲིད་ཅེས་ཨ་རིའི་དམག་འཁྲུག་འདོད་མཁན་རྣམས་ཀྱིས་ལངས་ཕྱོགས་མཁྲེགས་པོ་འཛིན་བཞིན་ཡོད།
འོན་ཀྱང་། ད་ལྟ་སེ་རི་ཡིའི་རང་དབང་དྲག་འཐབ་པ་ལ་ཨ་ཁ་དྲ་དང་ཁ་ཆེའི་དྲག་སྤྱོད་པ་ཁ་ཤས་ཀྱིས་དམག་རོགས་བྱས་ཟིན་པས། གལ་ཏེ་སྲིད་འཛིན་ཨ་གསའ་སྒྲི་ཕམ་ཚེ་ཁ་ཆེའི་ཐལ་སྤྱོད་པ་རྣམས་ལ་རྒྱལ་ཁ་ཐོབ་པས་སེ་རི་ཡའི་ནང་གི་ཡིི་ཤུ་ཆོས་ལུགས་པ་དང་། གྲངས་ཉུང་ཕྱོགས་ཁག་ལ་འདི་ལས་ལྷག་གི་དཀའ་ངལ་འཕྲད་པར་མ་ཟད། མ་འོངས་པར་ཨ་རིའི་དགྲ་བོ་འགྱུར་སྲིད་པས་ཨ་རིའི་རོགས་སྐྱོར་བྱེད་པའི་ཆོད་སེམས་ལ་བར་ཆད་གཏོང་བཞིན་ཡོད། གཅིག་བྱས་ན་ད་ལྟ་ཨ་རིའི་ཐེ་གཏོགས་བྱས་པ་ཅུང་ཕྱིས་དྲགས་ཀྱང་། ཨེ་རག་དང་ཨ་ཧྥི་རྒ་ནི་སི་ཐན་གྱི་དཀའ་ཚགས་ཆེ་བའི་དམག་འཐབ་ཀྱི་ཉམས་མྱོང་དང་། དཔལ་འབྱོར་ཉམས་རྒུད་ཀྱི་དཀའ་ངལ་འོོག་ཏུ་ནུབ་མི་མང་པོ་ཞིག་གཞན་གྱི་བདེ་དོན་ལ་ཐེ་གཏོགས་བྱེད་རྒྱུར་ཞེན་པ་ལོག་ཅིང་། ཁེར་རྐྱང་ཟུར་སྡོད་ཀྱིས་རང་ཉིད་ཁོ་ན་བསམ་མཁན་མང་དུ་བྱུང་དང་འབྱུང་བཞིན་ཡོད་པས། ཟུར་སྡོད་རིང་ལུགས་པ་དང་རྒྱལ་སྤྱི་རིང་ལུགས་པ་གཉིས་ནུབ་ཕྱོགས་སྤྱི་ཚོགས་ཁྲོད་དུ་ད་ལྟ་འགྲན་རྩོད་བྱེད་ཀྱིན་ཡོད་ལ། སུ་ཞིག་ལ་རྒྱལ་ཁ་ཐོབ་མིན་ནི་ཨ་རིའི་གྲོས་ཚོགས་ཀྱི་ཐག་གཅོད་ལ་གཙོ་བོར་རག་ལས་ཡོད། རྒྱུ་མཚན་ནི། ཨ་རིའི་སྣེ་ཁྲིད་མེེད་པའི་ལུང་པ་ག་གེ་མོ་ཞིག་གིས་སེ་རི་ཡ་དང་། ནུས་སྟོབས་ཆེ་བའི་གཅིག་བསྡུ་རིང་ལུགས་པ་རྣམས་ལ་ཉེས་ཆད་གཏོང་བའི་ནུས་པ་དཀའ་བས་རེད།
ད་ལྟ་དཀའ་ངལ་འཕྲད་པས་ཁ་ཆེ་རྒྱལ་ཁབ་དང་ཕྱོགས་འགལ་ཚོགས་པས་ཨ་རིའི་རོགས་སྐྱོར་གྱི་རེ་བ་ཞུས་ཀྱང་། ཨ་རིའི་རོགས་རམ་འོག་ཏུ་ཁ་ཆེའི་ནང་འཁྲུག་རྫོགས་རྗེས། ཁ་ཆེ་རྣམས་ཡང་སྐྱར་སྤུན་ཟླར་གྱུར་ཏེ་ཨ་རིར་དགྲ་བོར་འཛིན་ངེས་ཤིང་། ཁ་ཆེ་པ་རྣམས་ཀྱིས་གྲངས་ཉུང་ལ་དེ་བས་བཟོད་སྒོམ་བྱེད་མི་སྲིད་པའི་དེ་ཉིད་ཨ་རིས་རྟོགས་པས་རོགས་སྐྱོར་བྱེད་པར་འགོག་རྐྱེན་སྣ་ཚོགས་འཕྲད་པ་མ་ཟད། ཅི་བྱ་གཏོལ་མེད་དུ་གནས་ཡོད།
ག་རེ་བྱས་ནས་བྷ་ཤ་ར་ཨ་གསའ་སྒྲི་ཡིས་དུག་རྗས་ཀྱི་མཚོན་ཆ་བེད་སྤྱོད་བཏང་བ་ཡིན་ནམ།
༡༽ བྱ་ཐབས་ཟད་ཅིང་དེ་ལས་ལྷག་གི་དགྲ་བོའི་འགོག་རྒོལ་བྱེད་པའི་ཐབས་ལམ་མེད་པས་ཡིན་སྲིད།
༢༽ ཁོང་གིས་རྫས་འགྱུར་མཚོན་ཆ་བེད་སྤྱོད་བཏང་ཡང་རྒྱལ་སྤྱིའི་སྡེ་ཚོགས་ཀྱིས་ཁོང་ལ་ཉེས་ཆད་གཏོང་མི་ཐུབ་ཅིང་། ཁོ་ནི་འཇིགས་སྐུལ་དྲག་སྤྱོད་པ་ལ་ཁ་གཏད་གཅོག་བྱེད་དུ་ནུབ་ཕྱོགས་ཡུལ་གྲུ་དང་། རྒྱལ་སྤྱིའི་སྡེ་ཚོགས་ལ་མཁོ་བ་རྟོགས་པས་ཡིན་སྲིད།
༣༽ ཁོང་གིས་དེ་སྔོན་ནས་རྫས་འགྱུར་མཚོན་ཆ་ཁ་ཤས་བེད་སྤྱོད་བཏང་ཡང་། འབར་རྫས་དང་བསྲེས་པས་གཞན་གྱིས་དཔང་རྟགས་མ་རེག་པས་བློ་སྤོབས་ཇེ་ཆེར་སོང་སྟེ། ཐེངས་འདིར་ནུས་ཤུགས་ཆེ་རུ་བཏང་ཞིང་། བཏང་ཡ་མང་དྲགས་པས་དཔང་རྟགས་འགོག་ཏུ་མ་ནུས་པ་ཡིན་སྲིད་དོ།།
སྲ་གི
ཁྱེད་མཁྱེན་དཔྱོད་ལ་གུས་བཀུར་དང་གནད་འགག་ཅན་གྱི་ཤེས་བྱ་མཁོ་སྤྲོད་གནང་བར་ཐུགས་རྗེ་ཆེ། ཨ་མེ་རི་ཁ་ཡང་ཅི་བྱེད་མི་ཤེས་པའི་དཀལ་ལས་ཁག་ཙམ་འདུག་ག
ང་རྒྱལ་ཐབས་དང་། ང་སྐྱིད་ཐབས། ང་བདེ་ཐབས། ང་ཨང་དང་པོ་འདོད་པའི་ནུབ་ཕྱོགས་པའི་ལམ་ལུགས་ལ་རྒྱལ་ཁ་ཐོབ་པ་ཁག་པོ་རེད། རེ་ཞིག་རྒྱལ་བ་ལྟར་སྣང་ཡང་དོན་དུ་ཕམ་ངེས་སོ། །
སོ་རེ་ཡ་ཡིས་ཨ་རི་ལ་དགྲ་ལེན་དམག་རྒྱག་བྱེད་པར་ལམ་ཐག་གིས་མི་ཆོད་པས། ཨ་རི་ཚང་གིས་སོ་རེ་ཡ་ལ་དྲག་གནོན་བྱེད་ན། ཁོང་ཚོས་ཨ་རིའི་ཚབ་ལ་ཨེ་སུ་རལ་ལ་དམག་རྒྱབ་ནས་ཨ་རི་ལ་དམག་རྒྱབ་པའི་ངོ་རྒོལ་མཚོན་སྤྱད་བྱེད་རྒྱུ་ཡིན་འདུག། ཨེ་སུ་རལ་ནི་གཡས་གཡོན་དེ་ན་ཁ་ཆེ་རྒྱལ་ཁབ་མིན་པ་གཅིག་པོ་དེ་རེད་ཟེར།
ཁྱི་རྒན་ངན་པ་ཚོས། ཕར་རྒྱུག་ནས་རྐུན་མ་མི་དམུར་བར། ཚུར་ཡོང་ནས་ཆོན་ཐག་དམུར་ཟེར་བའི་གཏམ་དཔེ་དེ་དྲན་བཅུག་སོང་། ཅི་བཅས་འདི་བཅས་མེད་པར་གྱུར་བའི་ལས་ཞིག་ཡིན་པ་འདྲ། ཡིན་ན་ཡང་། མྱིའི་སེམས་ན་རྒྱུ་འབྲེས་ཟེར་བ་དེ་མེད་ན་ད་དེ་འདྲ་རེད། ཤ་ཉེ་ཚོ།
ཁྱིམ་ཚང་ནང་གི་མྱི་བསད། ཁྱིམ་མཚེ་ཚང་ལ་གྱོད་བྲུས། མྱི་ངན་ལ་གྲོགས་ལྟས་ངན་མང་ན་འཇིག་རྟེན་འདི་ཁྲག་གི་འཁོར་ལོ་ཙམ་ལས་མི་འདུག་གོ།
དེང་སང་བོད་ཡིག་ཐོག་ནས་དཔྱད་ཞིབ་གསར་པ་དགའ་རབ་མཐོང་ཡ་འདུག་ག
གསར་འགྱུར་འདི་ཡང་ཡང་ཀློག་དགོས་བྱུང་། བཀྲིན་ཤིན་ཏུ་ཆེ།
སྐུ་ཞབས་ཨ་ནུ་ལགས་ཀྱིས་རང་རྒྱལ་འདོད་རང་ཐོབ་འདོད་རང་ཡག་ཤོས་རང་གི་དེ་ལེགས་ཤོས་སུ་ལྟ་བའི་ཁ་བརྡའི་དྲ་མ
ཉུལ་བ་རྒྱལ་སྤྱིའི་ཁྱོན་ཡོངས་ཀྱི་གནས་ཚུལ་ལ་རྨོངས་པ་རྣམས་ལ་འདི་ལྟ་བུའི་གསར་འགྱུར་སྤྲིངས་བར་བཀའ་དྲིན་ཆེ་ཞུ་གི་ཡོད།
ནུབ་ཕྱོགས་པས་བཤད་ཚད་བདེན་པ་དང་དྲང་པོ་རུའང་ཁས་ལེན་དཀའ་མོ་རེད། རྒྱལ་ཁབ་སུ་ཞིག་གི་མི་སེར་དཔོན་པོ་ཡིན་ཀྱང་རང་ཉིད་རྒྱལ་འདོད་ཐོབ་འདོད་ཁེ་ཕན་ལ་བལྟ་བ་མ་གཏོགས་གཞན་ཕན་གྱི་བསམ་བློ་ཟེར་བ་དེ་རུས་སྦལ་གྱི་སྤུ་རེད། གཟིགས་དང་ཨ་རིས་རང་གི་ཁང་བརྩེགས་ཞིག་གཏོར་བ་ལས་ཨབ་གྷན་ལ་དམག་འཁྲུགས་བསླངས། དེ་ནས་བཟུང་སྟེ་ཨ་རི་ལ་མི་དགའ་མཁན་ཞིག་དང་ཨ་རི་བ་ཚོར་མིག་ལོག་བལྟ་མཁན་ཡོད་ན་དེ་ལ་་་་སྲིད་འཛིན་ཟུར་བ་བྷུ་ཤུ་སྲིད་གཞུང་གིས་་་་ཀྲེ་རོ་རེས་སིམ་ཞེས་འཇིག་བསྐུལ་རིང་ལུགས་པ་ཞེས་མིང་བཏགས་ནས། དེང་སང་འཛམ་གླིང་གི་རྒྱལ་ཁབ་ཚོས་རང་གི་གཞུང་དང་རང་རིགས་ལ་མི་དགའ་མཁན་ཚོར་མིང་དེ་བཏགས་ཡོང་གི་རེད། རྒྱ་ནག་གིས་ཀྱང་དེ་ནས་བཟུང་ཤིན་བྱང་དང་བོད་སོག་པོ་ལས་སོགས་ཀྱིས་སྲིད་གཞུང་ལ་མིག་ལོག་བལྟས་པ་ཙམ་གྱིས་མིང་དེ་བཏགས་ནས་རྒྱལ་སྤྱིའི་རང་དབང་ལ་དགའ་ཞེན་པ་ཚོས་རྒྱབ་སྐྱོར་མི་ཡོང་བའི་ཐབས་ཤེས་བྱེད་བཞིན་ཡོད། ཨ་རིས་ཨི་རག་ལ་མ་ཉེས་ཁག་གཡོགས་དོན་མེད་དམག་རྒྱབ་སྟེ་ཞི་བའི་མི་སེར་ས་ཡ་ལྷག་བསད་པར་བསྒྲགས་ཡོད་ཀྱང་ད་དུང་དམག་འཁྲུགས་སློང་མཁན་དང་མི་གསོད་མཁན་བྷུ་ཤུ་ལ་སུ་ཞིག་གིས་ཀྱང་མི་གསོད་ཀྱིས་ཁྲིམས་གཏུགས་ཀྱང་བྱེད་མཁན་མེད། དེ་བཞིན་ཨ་རི་ལ་མི་དགའ་མཁན་གྱི་རྒྱལ་ཁབ་ཚོར་ཨ་རིས་བེད་ལོག་པར་སྤྱད་ནས་འཛམ་གླིང་མཉམ་འབྲེལ་རྒྱལ་ཚོགས་ནས་ཉེས་ཆད་གཅོད་དུ་འཇུག་གི་ཡོད། དེ་རིགས་དྲང་བདེན་ནམ་ཡང་མིན། ཨོ་བྷ་མ་ལྟ་བུར་མཚོན་ན་འཛམ་གླིང་ཞི་བདེའི་གཟེངས་རྟགས་བཞེས་མཁན་གྱི་མི་ཞིག་གིས་འཛམ་གླིང་ནང་དུ་དམག་འཁྲུག་མང་པོ་སླངས་ཡོད་པར་མ་ཟད་ཞི་བའི་མི་སེར་འབུམ་ཕྲག་མང་པོར་བསད་པར་བསྒྲགས་ཀྱང་སུ་ཞིག་གིས་སྐྱོན་བརྗོད་བྱེད་མཁན་མེད། ཉེ་ཆར་་་ཨུ་རུསུའི་སྲིད་འཛིན་པུ་ཀྲིན་གྱིས། ྄ཨོ་བྷ་མས་འཛམ་གླིང་ཞི་བདེའི་གཟེངས་རྟགས་བླངས་ཏེ་མི་གསོད་ཁྲག་སྦྱོར་གྱི་དམག་འཁྲུགས་སླངས་ཡོད་ཅེས་བསྒྲགས་སོང་བ་དེ་གཅིག་པོ་རེད།
དཔྱད་བརྗོད་འབྲི་ན་འདི་ལྟར་འབྲི་ཐུབ་ན་ངོ་མ་ངོ་མཚར་ཆེ། གནད་དོན་འདི་རིགས་བོད་ཀྱི་གསར་གནས་ཁག་དང་། ལྷག་དོན་ཆབ་སྲིད་དབྱེ་ཞིབ་པར་དགོས་མཁོ་ཆེ། བཀའ་དྲིན་ཆེ།
བན་དེ་བ་ཁྱོས། འཛམ་གླིང་ལག་མཐིལ་ལ་བླངས་ནས་སྐད་ཆ་ཞིག་བཤད་ཤེས་འི་མེད་ཀི། གོ་ལོ་ཐོས་ལོ་ཙམ་ལ་གཞི་བཞག་ནས་ཅིག་བཤད་ཀི་མ་འདུག། ངོ་ཚ་སྤྱད་རེད།
མྱི་གསོད་ལག་དམར་ཡིན་མིན་གྱི་སྐད་ཆ་བཤད་དུས། བདེན་དཔང་ཁུངས་ལུང་གི་ཞིབ་འཇུག་རི་བོ་ཧི་མ་ལ་ཡ་འདྲ་ཞིག་གི་རྒྱབ་གཏད་དགོས་ནི་རེད། དེ་འདྲ་ཞིག་ཕར་ལ་བཞག། ཐ་ན་ཤོག་ལེབ་ངོ་ཚལ་ཞིག་ལ་འབྲི་རྒྱུ་མེད་དུས། མགོ་སྒུར་ནས་ཆོས་དོན་ན་དགའ་ནི་རེད། དྲ་འབུ་ཁ་སྐོར་རྒྱོ།
དེ་རིང་དཔྱད་བརྗོད་ཡག་པོ་ཞིག་མཐོང་སོང་། དེ་མིན་དྲ་བའི་འབུ་ངན་དག་ལ་ཡིད་ཐང་ཆད་ནས་བསྡད་ཡོད།
ཡག་པོ་ཕབས་བསྒྱུར་གནང་འདུག་ཐུགས་རྗེ་ཆེ།
རེད། དཔྱད་ཞིབ་གསར་འགྱུར་ཟེར་བ་རེད།
རྣམ་པ་ཚོས་དགོངས་ཚུལ་གསུངས་ཤིང་དགའ་བསུ་གནང་བར་ཐུགས་རྗེ་ཆེ།
གནམ་ངན་འདི་དབྱར་གྱི་གནམ་ངན་རང་རེད། ཁོ་ད་ལྟ་སྔོ་ལ་ད་ལྟ་ནག་པོ་ཡིན་པའ་འདི་ལ་ཁ་ཡ་མི་རུང།
རྒྱུ་རྐྱེན་གང་མང་ཞིག་གིས་རྐྱེན་པའི་ཨ་རིའི་སྲིད་འཛིན་ཨོ་བྷ་མས་Obama་སེ་རི་ཡི་(Syria) རང་དབང་འཐབ་རྩོད་པའི་ཆེད་དུ་སེ་རི་ཡིའི་སྲིད་དབང་སྒེར་བཅོད་པའི་སྲིད་གཞུང་ལ་དྲགས་རྒོལ་བྱེད་དཀའ་བ་། དཔེར་ན་། ཨ་རིས་ཨབ་རྒན་(Afghanistan)དང་ཨེ་རག་Iraqཟུང་ལ་དམག་འཁྲུག་བྱེད་ཡུན་རིང་དྲགས་པས་ཨ་རིའི་མི་མང་ཧ་ཆང་ཐང་ཆད་ནས་ཡོད་་པ་། ཨ་རིའི་མི་མང་ཐང་ཆད་པ་དེ་ལའང་རྒྱུ་མཚན་དང་གནས་ལུགས་འགའི་སྒོ་ནས་ཐང་ཆད་པ་། དང་པོ་། དམག་འཁྲུག་ལ་འགྲོ་སོང་ཆེ་དྲགས་པ་དང་། དམག་མི་མང་པོའི་ཚེ་སྲོག་ཤོར་སོང་བའི་གྲངས་འབོར་ཧ་ཅང་མཐོ་བ་། དམག་མི་ཕྱིར་ཡོང་བ་གང་མང་ཞིག་གི་སེམས་ཁམས་བདེ་བོ་མེད་པའི་དབང་གིས་རང་ཤི་བྱེད་མཁན་མང་བ་། གཉིས་པ་། དེ་ལྟ་བུའི་དངུལ་དང་མིའི་སྲོག་གི་འགྲོ་སོང་ཤིན་དུ་ཆེ་་ཡང་འབྲས་བུ་ལྡོག་ཕྱོགས་སྨིན་ཏེ་ཨ་རི་ལ་མི་དགའ་བའི་ཁ་ཆེ་གྲངས་འབོར་ཅེ་མང་ནས་ཅེ་མང་དུ་སླེབས་ཡོང་བ་། གསུམ་པ་། ཨོ་བྷ་མ་རང་ཉིད་ཀྱིས་དམག་འཁྲུག་མཇུག་སྡུ་ཡི་ཡིན་ཅེས་ཨ་རིའི་མང་གི་མདུན་ནས་ཁས་ལངས་བ་གྲངས་ཀྱི་མི་ལོངས་བས་། གལ་སྲིད་འཛིན་ཨོ་བྷ་མས་སེ་རི་ཡ་ལ་དམག་རྒྱབ་པ་ཡིན་ན་ཨ་རིའི་མི་མང་གི་རྒྱབ་བསྐྱོར་བྱེད་པ་ལས་ལྡོག་དེ་ཁོ་དང་ཁོའི་གནས་ཁྲིད་པའི་སྲིད་གཞུང་ངོ་རྒོལ་བྱེད་པའི་གཉེན་ཁ་ཡོད་པ་། དཔེར་ན་། དེ་སྔོན་ཨ་རིས་ལྦེ་ནམ་ (Vietnam)ལ་དམག་འཁྲིག་བྱས་སྐབས་གཞི་རིམ་མི་མང་དང་སློབ་མ་། ད་དུང་ཝེ་ནམ་གཡུལ་ནས་ཕྱིར་ཡོང་དམག་མི་དང་ཆབ་སྲིད་པ་སོགས་ཀྱིས་ཝེ་ནམ་དམག་འཁྲུག་ལ་ངོ་རྒོལ་བྱས་བ་ཀུན་ཀྱིས་ཤེས་གསལ་རེད་ལ་། ཕྱིར་ཡོང་དམག་མི་ངོ་རྒོལ་བྱེད་མཁན་དེ་དག་གི་ནང་ན་རྗོན་ཁ་རེ་(Secretary of State John Kerry) རང་ཉིད་ཀྱང་ཡོད་པ་རེད་། རྒྱུ་མཚན་དེ་དག་ལ་རྟེན་ཨ་རིའི་ཝེ་ནམ་དམག་འཁྲུག་ལ་གྲུབ་འབྲས་གང་ཡང་མ་བྱུང་བ་།
གཞན་ཨ་རིས་དངུལ་དང་མཚོན་ཆའི་སེ་རི་ཡ་ལ་རོགས་བྱ་ཐུབ་པ་ཡིན་ཡང་སེ་རི་ཡའི་རང་དབང་འཐབ་རྩོད་པ་ལ་རིགས་འདྲ་མིན་ཡོད་པས་དེ་དག་གི་ནང་ན་ཁ་ཆེ་དྲག་སྤྱོད་པའང་གནས་ཡོད་། དེའི་ཕྱིར་། ཨ་རིས་ནས་ཤུགས་ལྡན་པའི་མཚོན་ཆའི་རྒྱབ་བསྐྱོར་བྱེད་ན་མཚོན་ཆ་དེ་དག་ཁ་ཆེ་དྲག་སྤྱོད་པའི་ལག་ཏུ་ཤོར་གཉེན་ཆེ་བས་། ཨ་རིས་མཚོན་ཆ་དེ་དག་གི་རྒྱབ་བསྐྱོར་བྱེད་རྒྱུར་ཐེ་ཚོམ་ངང་གནས་ཡོད་པས་། ཨ་རི་ལ་མཇུག་ཏུ་ལྷག་པའི་གདམ་ཁ་ནི་མེ་ཤུགས་འཕུར་མདེལ་ཀྱིས་སེ་རི་ཡའི་སྲིད་དབང་སྒེར་སྤྱོད་པར་རྒོལ་བ་བྱེད་ཀྱི་དེ་རེད་།
གྲོགས་པོ་སྙིང་ཐག་པ་ནས་བཀྲིན་ཆེ་
ཨེ་རན་དང་སེ་རི་ཡ་གཉིས་རྒྱལ་ནང་དུ་མང་གཅོ་དོན་གཉེར་བའི་དཀའ་ངལ་ཡོད་པ་གཅིག་མཚུངས་ཡིན་ཟེར་བ་བདེན་པ་མིན། སེ་རི་ཡ་ལ་དམངས་གཙོའི་དཀའ་རྙོག་ཡོད་ཀྱང་ཨི་རན་ལ་དམངས་གཙོའི་རྙོག་གླིང་དེ་ཙམ་མེད། གལ་ཏེ་ཨི་རན་དེ་དམངས་གཙོའི་དཀའ་རྙོག་ཅན་སེ་རི་ཡ་དང་འདྲ་རྡུར་བྱེད་ཀྱི་ཡོད་ན་ར་ཤི་ཡ་དེ་དེ་ལས་ལྡབ་མང་པོས་སེ་རི་ཡ་དང་ངོ་ཐག་ཉེ་བ་ཡོད་ལ་རྒྱ་ནག་ནི་བཤད་དགོས་ཅི་ཡོད།
དབྱིན་ཇིའི་གྲོས་ཚོགས་ནང་སེ་རི་ཡ་ལ་དམག་དྲངས་མིན་གྱི་རྩོད་པའི་གནད་དོན་ཐད་གོང་དུ་བཤད་པ་འགའ་ཞིག་བདེན་པ་ཡིན་སྲིད་ཀྱང་ཁྱོད་ཀྱིས་བཤད་པ་མང་པོ་ཞིག་དོན་དངོས་ཐོག་བདེན་པ་མིན། དེའི་སྐོར་གསལ་བཤད་དགོས་ན་རྗེས་སུ་ཞུ་འཐུས་བཅས།
གྲོགས་ཨ་ནུ་ཐང་གིས་ནུབ་ཕྱོགས་སྤྱི་ཚོགས་བྲེལ་ཟིང་ཁྲོད་ཆུ་ཚོད་ཡོད་མེད་ལ་མ་བལྟོས་པར་རང་གི་ཕ་སྐད་ནང་རྩོམ་ཡིག་སྤེལ་དང་སྤེལ་བཞིན་པ་ངོ་མ་ལས་སླ་བོ་མ་རེད། བཀའ་དྲིན་ཆེ།
ལོ་མ་ལྗང་ཁུས་བཤད་པ་དེ་ཚོར་བདེན་པ་འདུག་དེ་དག་ནི་དབྱིན་འཇིའི་བྷི་བྷི་སིའི་གནས་ཚུལ་ནང་དུ་མཐོང་རྒྱུ་འདུག
མཁྱེན་ཡངས་ཨ་ནུ་ཐང་ལགས་བཀྲིན་ཆེ་ཞུ་ཡས་ཡིན། འདི་ལྟར་མུ་མཐུད་ནས་རེ་བ་ཆེ།
རྒྱལ་རྩེ་ལགས།
ཨེ་རན་གྱི་སྲིད་འཛིནAhmadinejadལ་འོས་ཤོག་ཕམ་ཉེས་བྱུང་ཡང་འཇུག་འབྲས་རྫུན་བཟོ་བྱས་བས། ཕྱོགས་འགལ་ཚོོགས་པ་དང་མང་ཚོགས་ཀྱིས་གྲུབ་འབྲས་ཕྱི་གསལ་ནང་གསལ་བྱེད་དགོས་བའི་རེ་བ་སྟོན་ཡང་། གྲུབ་འབྲས་མ་ཐོན་པས༢༠༠༩ཟླ༦ཚེས་༡༢ཉིན་མང་ཚོགས་ཀྱིས་གཞི་རྒྱ་ཆེ་བའི་ངོ་རྒོོལ་བྱས། ཡིན་ཡང་། དེ་ལས་ལྡོག་སྟེ་བསམ་ཤེས་མེད་པ་དྲག་གནོན་བྱས་ཤིང་མི་༧༢ཙམ་དམར་གསོད་བྱས། རང་དབང་གི་ངོ་རྒོལ་བ་སྟོང་ཕྲག་མང་པོ་འཛིན་བཟུང་བྱས་ཤིང་མནར་གཅོད།་ཚད་མེད་བཏང་། ཐ་ན་གཙོོན་ཁང་ནས་བཙན་གཡེམ་སོགས་བྱས་བ་མ་ཟད། ཁ་པར་དང་བབ་བྷ་དྲ་རྒྱ་སོགས་བཀག་པས་མཐར་མི་མང་གིསTwitterརྒྱུད་ནས་འབྲེལ་བ་བྱས་བས་Twitterགསར་རྗེས་དང་། ལྗང་གུའི་གསར་རྗེས་ཀྱང་ཟེར། རྒྱུ་མཚན་ནི། མང་གཙོ་དང་ཞི་བས་གནད་དྲངས་བས་ཡིན་པའི་འགྲེལ་བཤད་ཡོད། འོན་ཀྱང་། གསར་རྗེས་ལ་གྲུབ་འབྲས་མ་ཐོན་པས་ད་དུང་ཡང་ཨེ་རན་ལ་ཚུལ་ཆོས་ཀྱི་འོས་སྡུར་ལས་མང་གཙོ་མེད་ལ། ཐ་ན་བསམ་ཚུལ་ཅི་འདོད་དུ་བརྗོད་པའི་ཁོར་ཡུག་ཅིག་མེད།
༡༽གཤའ་ཆོོས་ལུགས་པའི་གཅིག་བསྡུ་རིང་ལུགས་པ་དག་གིས་མང་ཚོགས་ལ་ཁོང་ཚའི་ཞེན་འདོད་དང་འགལ་ཚེ་འཛིན་བཟུང་བྱེད་པས་སྨྲ་བརྗོད་རང་དབང་མེད། འོན་ཀྱང་ཨུ་རི་སུ་ལ་སྨྲ་བརྗོད་རང་དབང་ཡོད་ཚུལ་སྲིན་འཛིན་པོ་དྲིན་གྱིས་དུས་ཀུན་སྨྲ་བཞིན་ཡོད།
༢༽༢༠༠༩ལོའི་ཨེ་རན་གྱི་གསར་རྗེས་ཀྱི་གནད་དོན་དང་། རྡུལ་ཕྲན་མཚོན་ཆའི་དཀའ་སྙོགས་ཀྱིས་དེ་སྔོན་མཉམ་ཞིབ་པ་ཁ་ཤས་ཀྱིས་ལེ་བྷ་ཡ་དང་། སེ་རི་ཡ། ཨེ་རན་གསུམ་ལ་ནུབ་ཕྱོགས་པས་ལྷན་དུ་དཔུང་འཇུག་བྱེད་པའི་ཚོད་དཔགས་བྱས་མྱོང་ཡོད། འོོན་ཀྱང་། རྒྱ་ནག་དང་ཨུ་རི་སུ་ལ་ཉེ་བའི་ལོ་འགའི་ནང་དང་། འབྱུང་འགྱུར་ལོ་ཁ་ཤས་ནང་་འདྲའི་དམག་འཐབ་བྱེད་རྒྱུ་ཉམས་ཞིབ་པ་སུ་ལའང་བསམ་མེད་ལ། དོན་དངོས་དེ་ལྟར་མི་ཡོང་བས༼ གལ་ཏེ་ཨི་རན་དེ་དམངས་གཙོའི་དཀའ་རྙོག་ཅན་སེ་རི་ཡ་དང་འདྲ་རྡུར་བྱེད་ཀྱི་ཡོད་ན་ར་ཤི་ཡ་དེ་དེ་ལས་ལྡབ་མང་པོས་སེ་རི་ཡ་དང་ངོ་ཐག་ཉེ་བ་ཡོད་ལ་རྒྱ་ནག་ནི་བཤད་དགོས་ཅི་ཡོད།༽ ཅེས་བ་ནི་བདེན་པ་མིན་ཞིང་། ཨེ་རན་གྱི་༢༠༠༩ལས་འགུལ་ལ་གསར་རྗེས་དང་བཅོས་སྒྱུར་གྱི་མིང་ཐོབ་ཡོད་ཀྱང་། ༢༠༡༡ལོ་འཇུག་དང་༢༠༡༢་ནང་བྱུང་བའི་ཨུ་རི་སུའི་ངོ་རྒོལ་ལ་”འོས་ཤོག་དྲང་བདེན་གྱི་ལས་འགུལ་”ལས་གསར་རྗེས་ཀྱི་མིང་བཏགས་མེད། ༢༠༡༡ལོའི་ལོ་འཇུག་གི་ཞི་རྒོལ་དྲག་རྒོལ་དུ་ཅུང་ཙམ་གྱུར་ཏེ། གཉེན་རྟོག་པ་དང་ངོ་རྒོལ་བ་གཉིས་རྡུང་ཐུག་གིས་མི་མང་༨༠ཙམ་རྨས་སྐྱོན་བཟོས་ཀྱང་། ཨེ་རན་ལྟར་མི་བདུན་བཅུ་ཙམ་དམར་གསོད་བཏང་མེད། ལྷག་པར་དུ་གཉེན་རྟོག་པས་འབྲེལ་ཡོད་མི་སྣ་བརྒྱ་ཕྲག་དུ་མ་འཛིན་བཟུང་བྱས་བ་ལས། ཨེ་རན་ལྟར་མི་མང་སྟོང་ཕྲག་མང་པོ་གཙོན་དུ་བཅུག་ནས་ཚོད་མེད་ཀྱིས་མནར་གཅོད་བཏང་མེད་ལ། བཙན་གཡེམ་དེ་བས་བྱས་མེད། ལྷག་པར་དུ་ཨེ་རན་ལྟར་ཕྱོགས་འགལ་ཚོགས་པའི་གནད་ཡོད་མིསྣ་Hajjarianའཛིན་བཟུང་བྱས་ཤིང་། ད་ལྟའང་ཤི་གསོན་མི་ཤེས་བའི་མནར་གཅོད་བཏང་ཞིང་གཙོན་དུ་བཅུག་པ་བཞིན། ཨུ་རི་སུས་༢༠༡༡འོས་བསྡུ་དྲང་བདེན་གྱི་མགོོ་འཛིན་ལས་འགུལ་བ་བཟུང་བྱས་མེད།
༣༽སྲིད་འཛིན་པོ་དྲིན་གྱིས་ཀྱང་མཐོ་མཐར་བར་གསུམ་དུ་ཨི་རུ་སིའི་ནང་སྨྲ་བརྗོད་ཀྱི་རང་དབང་ཡོད་པས་ཞི་བའི་ལས་འགུལ་ལ་འགོག་རྐྱེན་མེད་ཚུལ་སྐྱར་ཟློས་ཡང་ཟློས་ཡང་ཟློས་བྱས་མཐར་༢༠༡༢་ཟླ་གཉིས་པ་དང་གསུམ་པ། ལྔ་བའི་ནང་སོགས་སུ་ཕྱོགས་འགལ་ཚོགས་པའི་རྒྱབ་སྐྱོར་པ་དང་། འོས་ཤོག་དྲང་བདེན་འདོོད་མཁན་གྱི་མི་ཁྲི་ཚོ་ཁ་ཤས་མཉམ་ཞུགས་ཀྱིས་ཞི་རྒོལ་བྱས་ཀྱང་། གཞུང་གིས་འཛིན་བཟུང་དང་བཙན་གནོན་མ་བྱས་ཤིང་། རིམ་བཞིན་ཨུ་རི་སུའི་མང་ཚོགས་ཀྱིས་ཁོང་ཚོ་ལ་དེ་ཙམ་གྱིས་རྒྱབ་སྐྱོར་བྱས་མེད། ཟླ་ལྔ་བའི་ནང་ཞི་རྒོལ་ཁྲོད་མཉམ་ཞུགས་བྱེད་མཁན་གྱི་གོ་སྒྲིག་པས་མི་ཁྲི་ལྔ་ཙམ་ཡོང་རེ་སྒུག་ཀྱང་དོན་དངོས་ཀྱིས་ཁྲི་གཅིག་ལྷག་ལས་མ་ཡོང་བས། འཛིན་པོ་དྲིན་ལ་རྒྱབ་སྐྱོར་བྱེད་མཁན་འཕར་བ་རྟོགས་ནས་འོས་བསྡུ་དྲང་བདེན་གྱི་ལས་འགུལ་ད་བར་དུ་གོ་མེད་དུ་གྱུར། འོན་ཀྱང་། ཨུ་རི་སུ་ད་དུང་ཡང་མང་གཙོ་ཚད་ལྡན་མིན། འོན་ཀྱང་། ཨེ་རན་ལས་སྡུག་པ་མིན་པ་གོང་གནད་དོན་ལས་ཁ་གསལ་ཤེས་ཐུམ།
༤༽ཨེ་རན་གཞུང་འཛིན་མི་སྣ་དང་སེ་རི་ཡའི་གཞུང་འཛིན་མི་སྣ་གཉིས་ཆོས་རྒྱུད་གཅིག་པ་ཡིན་ཞིང་། ཆོས་ལུགས་ཀྱི་སྒེར་གཅོད་པ་ཡིན་པ་གཅིག་པ་མ་ཟད། གཉའ་གནོད་བཏང་ཡུལ་ཁ་ཆེའི་གསའ་ནི་པ་ཡིན་ཡང་། ཨུ་རི་སུ་ལ་ཆབ་སྲིད་དང་དཔལ་འབྱོར་ལས་ཆོས་ལུགས་ཀྱི་འབྲེལ་བ་མེད། དེ་བརྟེན། ཁྱེད་ཀྱིས་གསུངས་དེ་བདེན་པ་མ་རེད།
ཡང་ཁྱེད་ཀྱིས༼ཤི་ཡ་དེ་དེ་ལས་ལྡབ་མང་པོས་སེ་རི་ཡ་དང་ངོ་ཐག་ཉེ་བ་ཡོད་ལ་རྒྱ་ནག་ནི་བཤད་དགོས་ཅི་ཡོད།༽
རྒྱ་ནག་ནི་ཨེ་རན་ལས་རྡབ་མང་པོའི་སྡུག་མིན་ནི་དུ་དུང་ཡང་རྩོད་པའི་གནས་ཡིན་ཡང་། ཕྲན་གྱིས་རྒྱ་ནག་ཨེ་རན་ལས་ཡག་ཚུལ་དེ་བས་ལབ་མེད། རྒྱ་ནག་ལ་འགྲོ་བ་མིའི་ཐོབ་ཐང་གི་དཀའ་ངལ་ཡོད་པས། འགྲོ་བ་མིའི་ཐོབ་ཐང་གི་དཀའ་ངལ་ཡོད་མཁན་ཞིག་མང་གཙོ་དང་བར་ཐག་དེ་བས་རིང་། ཧོོང་ཀོང་དང་ཨི་རུ་སི་ལྟ་བུ་ཡིན་ན་འགྲོ་བ་མིའི་གཞི་རྩའི་ཐོབ་ཐང་གི་སྨྲ་བརྗོད་རང་དབང་ཡོད་ཀྱང་། མང་གཙོ་མེད། རྒྱུ་མཚན་ནི། ཧོང་ཀོང་གི་གཙོ་འཛིན་མི་མང་གིས་གདམས་དབང་མེད་ཅིང་། ཨུ་རི་སུ་གཞུང་གིས་ཀྱང་མང་གི་ངག་ལ་དེ་ཙམ་མི་ཉན་པས་རེད། འགྲོ་བ་མིའི་གཞི་རྩའི་ཐོབ་ཐང་ལ་དཀའ་ངལ་ཡོད་མཁན་ཞིག་མང་གཙོ་དེ་བས་བཤད་དགོས་ཏེ། མང་གཙོ་ནི་རྒྱལ་སྤྱིའི་འགྲོ་བ་མིའི་ཐོབ་ཐང་གཞི་ལ་བཞག་པའི་འཛིན་སྐྱོང་ཞིག་ཡིན་ཕྱིན། འགྲོ་བ་མིའི་ཐོབ་ཐང་མེད་ས་ཞིག་ན། མང་གཙོ་དེ་བས་བཤད་ཡ་མེད། དེ་ནི་ཉིད་ཀྱིས་ཆེད་མངགས་ཀྱིས་ཕྲན་ལ་སྐྱོན་བརྗོོད་བྱེད་འདོོད་ཀྱི་ཀུན་སློང་ལྟ་བུ་སྣ་བས་རྒྱས་བཤད་ཞུ་འདོད་མ་མཆིས།
སྲིད་བློན་ཕམ་ཉེས་བཏང་མཁན་གཙོ་བོ་Ed Milibandཡིན་ཞིང་། ཁོ་ལ་རོགས་སྐྱོར་རེ་ཟུང་ཡོད་ངེས་ཀྱང་དེ་ནི་གཞུང་འཛིན་ཚོགས་པའི་འཐུས་མི་ཁ་ཤས་ཀྱིས་དམག་འཁྲུག་མི་འདོད་ཅིང་། ངལ་རྩོལ་ཚོགས་པའི་ཚོགས་མི་ཁ་ཤས་ཀྱིས་ཀྱང་གཞུང་གི་ལངས་ཕྱོགས་ཏེ། དམག་འཁྲུག་ལ་རྒྱབ་སྐྱོར་བྱས་ཡོད། ཡིན་ཡང་། Ed Milanbanཡིས་གྲོས་ཚོགས་མ་ཚོགས་པའི་གཟའ་མིག་དམར་ཉིན་གྱི་ཁ་པར་དང་། ལྷག་པའི་ཉིན་གྱི་ཐུག་འཕྲད་གཉིས་ལས་གཞུང་གི་ལངས་ཕྱོགས་ལ་རྒྱབ་སྐྱོར་ཡོད་མདོག་དང་། གྲོས་ཚོགས་ཚོགས་རྒྱུར་ཆུ་ཚོད་ཁ་ཤས་ལས་མེད་སྐབས་གཞུང་གི་ལངས་ཕྱོགས་ལ་རྒྱབ་སྐྱོར་མེད་ཚུལ་བསྒྲགས་ནས་སྲིད་བློན་ལ་མགོ་སྐོར་བཏང་ལྟ་བུ་ཆགས་པས། སྲིད་བློན་གྱིས་ཁོས་སེ་རུ་ཡ་ལ་དམག་གི་ཉེས་ཆད་གཅོད་རྒྱུར་ཕམ་ཉེས་བཏང་སོང་ཞེས་སྐྱོན་བརྗོད་ཤུགས་ཆེ་བྱེད་པ་འོག་གི་དྲ་རྒྱ་ལས་གསལ། གལ་སྲིད་Ed Milibandདེ་སྔོན་ནས་གཞུང་གི་ལངས་ཕྱོགས་ལ་རྒྱབ་སྐྱོར་བྱེད་ཁུལ་མ་བྱས་ཚེ་སྲིད་བློན་གྱིས་རང་གི་འདོད་འདུན་གྲོས་ཚོགས་ནང་ཕམ་ཉེས་འགྲོ་བ་སེམས་ནས། ཧྥ་རན་སི་ལྟར་དབྱིན་ཇིས་སྲིད་བློན་གྱིས་གྲོས་ཚོགས་ལ་སྐད་ཆ་མི་འདྲི་འམ་ཐབས་ལམ་གཞན་ཞིག་བེད་སྤྱོད་བཏང་ངེས་རེེད། ཧྥ་རན་སིའི་སྲིད་འཛིན་གྱིས་གྲོས་ཚོགས་ལ་སྐད་ཆ་དྲིས་མེད་ཅིང་། དབྱིན་ཇིའི་སྲིད་བློ་ལའང་དེ་མཚུངས་ཀྱི་ཐོབ་ཐང་ཡོད། དེ་བརྟེན། འོས་བསྡུ་ཕམ་འཕྲལ་Ed Milibandགྱིས་སྲིད་བློན་ལ་ད་ལྟ་ཕམ་ཁ་ངོས་ལེན་གྱིས་ཁོང་གི་དམིགས་བསལ་གྱི་དབང་ཆ་བེད་སྤྱོད་མ་བཏང་བ། གྲོས་ཚོགས་ཀྱི་ངག་ལ་ཉན་ནས་དམག་འཁྲུག་མི་བྱ་ཡ་ཁས་ལེན་བྱོས་ཟེར་བ་བཞིན། སྲིད་བློན་གྱིས་དེ་ལྟར་བྱས་བས་དབྱིན་དམག་སེ་རུ་ཡར་འགྲོ་ཡ་ཕམ་ཉེས་བྱུང་ཡོད། ཁྱེད་ལ་དེའི་སྐོར་དམིགས་བསལ་གྱི་གསུངས་ཡ་ཡོད་ཅིང་། ངས་བཤད་པ་དག་ཐེར་བཏང་ན་དགའ་བསུ་ལས་མེད་ཅིང་། ཕྲན་གྱིས་དུས་ཚོད་ཀྱི་དབང་གིས་དེའི་རྒྱས་བ་ཞིག་བྲིས་མེད་ལ། ཉོབ་པ་དོགས་ནས་གོང་དུ་རྩོམ་ཡིག་ནང་དུ་དེ་བས་འབྲི་འདོོད་མ་བྱུང་།
http://www.theguardian.com/politics/2013/aug/30/david-cameron-accused-miliband-siding-russia
http://www.washingtonpost.com/blogs/wonkblog/wp/2013/08/30/david-cameron-asked-permission-to-go-to-war-in-syria-why-wont-obama/?wprss=rss_economy
ཨ་རིས་སཱི་རི་ཡཱར་དམག་དྲངས་ན་ཏག་ཏག་རེད།
རྣམ་པ་ཚོས་ལྷག་བསམ་རྣམ་དག་གིས་དགོངས་ཚུལ་ལྷུག་པོར་གསུངས་བ་ཐུགས་རྗེ་ལེགས་འབུལ་ཡོད།
དེ་སྔོན་ལས་བྲེལ་གྱི་དབང་གིས་དག་བཅོས་བྱེད་ཁོམ་མེད་པས་བྲིས་བ་དང་མཉམ་དུ་བཏང་བས་ཆད་ལྷག་དང་། ཡིག་ནོར་མང་པོ་ཤོར་འདུག་པས་ཀློག་མཁན་རྣམས་ལ་དགོངས་དག་ཞུ། ད་ཐེངས་སྐྱར་བཀོད་བྱེད་རྒྱུ་ཡིན།
རྒྱལ་རྩེ་ལགས། གུ་ཡང་མེད་པའི་ཨེ་རན་སྲིད་གཞུང་གི་སྡུག་སྤྱོད་དང་བྱུང་བ།
༢༠༠༩ ཨེ་རན་གྱི་སྲིད་འཛིནAhmadinejadལ་འོས་ཤོག་ཕམ་ཉེས་བྱུང་ཡང་འཇུག་འབྲས་རྫུན་བཟོ་བྱས་བས། ཕྱོགས་འགལ་ཚོོགས་པ་དང་མང་ཚོགས་ཀྱིས་གྲུབ་འབྲས་ཕྱི་གསལ་ནང་གསལ་བྱེད་དགོས་བའི་རེ་བ་སྟོན་ཡང་། གྲུབ་འབྲས་མ་ཐོན་པས༢༠༠༩ཟླ༦ཚེས་༡༢ཉིན་མང་ཚོགས་ཀྱིས་གཞི་རྒྱ་ཆེ་བའི་ངོ་རྒོོལ་བྱས། ཡིན་ཡང་། དེ་ལས་ལྡོག་སྟེ་བསམ་ཤེས་མེད་པ་དྲག་གནོན་བྱས་ཤིང་མི་༧༢ཙམ་དམར་གསོད་བཏང་། རང་དབང་གི་ངོ་རྒོལ་བ་སྟོང་ཕྲག་མང་པོ་འཛིན་བཟུང་བྱས་ཤིང་མནར་གཅོད་དང་མི་ཆོས་ལས་འདས་བའི་ཉེས་བ་བཏང་། ཐ་ན་གཙོོན་ཁང་ནས་མི་མང་པོ་དང་། ཐ་ན་བྱིས་བ་རྣམས་ལ་བཙན་གཡེམ་བྱས་བ་མ་ཟད། ཁ་པར་དང་བབ་བྷི་དྲ་རྒྱ་སོགས་བཀག་པས་མཐར་མི་མང་གིསTwitterརྒྱུད་ནས་འབྲེལ་བ་བྱས་བས་Twitterགསར་རྗེས་དང་།མང་གཙོ་དང་ཞི་བས་གནད་དྲངས་པའི་ལྗང་གུའི་གསར་རྗེས་ཀྱང་ཟེར། འོན་ཀྱང་། གསར་རྗེས་ལ་གྲུབ་འབྲས་མ་ཐོན་པས་ད་དུང་ཡང་ཨེ་རན་ལ་ཚུལ་ཆོས་ཀྱི་འོས་སྡུར་ལས་མང་གཙོ་མེད། ཐ་ན་བསམ་ཚུལ་ཙམ་ཡང་ཅི་འདོད་དུ་བརྗོད་པའི་ཁོར་ཡུག་ཅིག་མེད།
ཨེ་རན་ནི་ཨུ་རི་སུ་ལས་སྡུག་ཅིང་སེ་རི་ཡ་དང་ཉེ་པའི་རྒྱུ་མཚན་ལྔ།
༡༽གཤའ་ཆོོས་ལུགས་པའི་གཅིག་བསྡུ་རིང་ལུགས་པ་དག་གིས་མང་ཚོགས་ཁོང་ཚོའི་ཞེན་འདོད་དང་འགལ་ཚེ་འཛིན་བཟུང་བྱེད་པས་སྨྲ་བརྗོད་རང་དབང་མེད། འོན་ཀྱང་ཨུ་རི་སུ་ལ་སྨྲ་བརྗོད་རང་དབང་ཡོད་པ༢༠༡༡ལོའི་འོས་བསྡུ་དྲང་བདེན་གྱི་ལས་འགུལ་ལས་གསལ་བོ་ཤེས་ཐུབ།
༢༽༢༠༠༩ལོའི་ཨེ་རན་གྱི་གསར་རྗེས་ལས་འགུལ་གྱི་གནད་དོན་དང་། རྡུལ་ཕྲན་མཚོན་ཆའི་དཀའ་རྙོགས་ཀྱིས་དེ་སྔོན་མཉམ་ཞིབ་པ་ཁ་ཤས་ཀྱིས་ལེ་བྷ་ཡ་དང་། སེ་རི་ཡ། ཨེ་རན་གསུམ་ལ་ནུབ་ཕྱོགས་པས་ལྷན་དུ་དཔུང་འཇུག་བྱེད་པའི་ཚོད་དཔགས་བྱས་མྱོང་ཡོད་ཀྱང་། རྒྱ་ནག་དང་ཨུ་རི་སུ་ལ་ཉེ་བའི་ལོ་འགའི་ནང་དང་། འབྱུང་འགྱུར་ལོ་ཁ་ཤས་ནང་འདྲའི་དམག་འཐབ་ཅིག་བྱེད་རྒྱུ་ཉམས་ཞིབ་པ་སུ་ལའང་བསམ་བློ་མེད། དོན་དངོས་དེ་ལྟར་མི་ཡོང་བས༼ གལ་ཏེ་ཨི་རན་དེ་དམངས་གཙོའི་དཀའ་རྙོག་ཅན་སེ་རི་ཡ་དང་འདྲ་རྡུར་བྱེད་ཀྱི་ཡོད་ན་ར་ཤི་ཡ་དེ་དེ་ལས་ལྡབ་མང་པོས་སེ་རི་ཡ་དང་ངོ་ཐག་ཉེ་བ་ཡོད་ལ་རྒྱ་ནག་ནི་བཤད་དགོས་ཅི་ཡོད།༽ ཅེས་བ་ནི་བདེན་པ་མིན་ཞིང་། ཨེ་རན་གྱི་༢༠༠༩ལས་འགུལ་ལ་གསར་རྗེས་དང་བཅོས་སྒྱུར་གྱི་མིང་ཐོབ་ཡོད་ཀྱང་། ༢༠༡༡ལོ་འཇུག་དང་༢༠༡༢་ནང་བྱུང་བའི་ཨུ་རི་སུའི་ངོ་རྒོལ་ལ་”འོས་ཤོག་དྲང་བདེན་གྱི་ལས་འགུལ་”ལས་གསར་རྗེས་ཀྱི་མིང་ཐོབ་མེད། ༢༠༡༡ལོའི་ལོ་འཇུག་གི་ཨུ་རི་སུའི་ཞི་རྒོལ་ཅུང་དྲག་རྒོལ་དུ་གྱུར་ཏེ། གཉེན་རྟོག་པ་དང་ངོ་རྒོལ་བ་གཉིས་རྡུང་ཐུག་གིས་མི་མང་༨༠ཙམ་རྨས་སྐྱོན་བཟོས་ཡོད་ཀྱང་། ཨེ་རན་ལྟར་མི་བདུན་བཅུ་ཙམ་དམར་གསོད་བཏང་མེད། ལྷག་པར་དུ་གཉེན་རྟོག་པས་འབྲེལ་ཡོད་མི་སྣ་བརྒྱ་ཕྲག་དུ་མ་འཛིན་བཟུང་བྱས་བ་ལས། ཨེ་རན་ལྟར་མི་མང་སྟོང་ཕྲག་མང་པོ་གཙོན་དུ་བཅུག་ནས་ཚོད་མེད་ཀྱིས་མནར་གཅོད་བཏང་མེད་ལ། བཙན་གཡེམ་དེ་བས་བྱས་མེད། ལྷག་པར་དུ་ཨེ་རན་གྱིས་ཕྱོགས་འགལ་ཚོགས་པའི་གནད་ཡོད་མི་སྣ་ཧཱ་ཡའ་རན་འཛིན་བཟུང་བྱས་ཤིང་། ད་ལྟའང་ཤི་གསོན་མི་ཤེས་བའི་མནར་གཅོད་བཏང་ཞིང་གཙོན་དུ་བཅུག་པ་བཞིན། ཨུ་རི་སུས་༢༠༡༡འོས་བསྡུ་དྲང་བདེན་གྱི་་ལས་འགུལ་ལས་གནད་ཡོད་མགོོ་གཙོ་གཅིག་ཀྱང་འཛིན་བཟུང་བྱས་མེད།
༣༽སྲིད་འཛིན་པོ་དྲིན་གྱིས་ཀྱང་མཐོ་མཐར་བར་གསུམ་དུ་ཨི་རུ་སིའི་ནང་སྨྲ་བརྗོད་ཀྱི་རང་དབང་ཡོད་པས་ཞི་བའི་ལས་འགུལ་ལ་འགོག་རྐྱེན་མེད་ཚུལ་སྐྱར་ཟློས་ཡང་ཟློས་ཡང་ཟློས་བྱས་མཐར་༢༠༡༢་ཟླ་གཉིས་པ་དང་གསུམ་པ། ལྔ་བའི་ནང་སོགས་སུ་ཕྱོགས་འགལ་ཚོགས་པའི་རྒྱབ་སྐྱོར་པ་དང་། འོས་ཤོག་དྲང་བདེན་འདོོད་མཁན་གྱི་མི་ཁྲི་ཚོ་ཁ་ཤས་མཉམ་ཞུགས་ཀྱིས་ཞི་རྒོལ་བྱས་ཀྱང་། གཞུང་གིས་དེ་དག་འཛིན་བཟུང་དང་བཙན་གནོན་མ་བྱས་ཤིང་། རིམ་བཞིན་ཨུ་རི་སུའི་མང་ཚོགས་ཁྲོད་ཁོང་ཚོའི་རྒྱབ་སྐྱོར་པ་ཉུང་དུ་ཕྱིན། ཟླ་ལྔ་བའི་ནང་གོ་སྒྲིག་པས་ཞི་རྒོལ་ཁྲོད་མཉམ་ཞུགས་བྱེད་མཁན་མི་ཁྲི་ལྔ་ཙམ་ཡོང་རེ་སྒུག་ཀྱང་དོན་དངོས་ཐོག་མི་ཁྲི་གཅིག་དང་ལྷག་ལས་མ་ཡོང་བས། སྲིད་འཛིན་པོ་དྲིན་ལ་རྒྱབ་སྐྱོར་བྱེད་མཁན་འཕར་བ་རྟོགས་ནས་འོས་བསྡུ་དྲང་བདེན་གྱི་ལས་འགུལ་བ་ད་བར་དུ་གོ་མེད་དུ་གྱུར།
༤༽ཨེ་རན་གྱི་གཞུང་འཛིན་མི་སྣ་དང་སེ་རི་ཡའི་གཞུང་འཛིན་མི་སྣ་གཉིས་ཆོས་རྒྱུད་གཅིག་པ་ཡིན་ཞིང་། ཆོས་ལུགས་ཀྱི་སྒེར་གཅོད་པ་ཡིན་པ་འདྲ་བ་མ་ཟད། གཉའ་གནོད་བཏང་ཡུལ་ཁ་ཆེའི་གསའ་ནི་པ་འདྲ་ཡིན་ཡང་། ཨུ་རི་སུ་ལ་ཆབ་སྲིད་དང་དཔལ་འབྱོར་གྱིས་སེ་རི་ཡ་དང་འབྲེལ་བ་ལས་ཆོས་ལུགས་ཀྱི་འབྲེལ་བ་མེད།
༥༽ ཨེེ་རན་ལ་ནུབ་ཕྱོགས་སྤྱི་ཚོགས་ཀྱིས་དཔལ་འབྱོར་གྱི་ཉེས་ཆད་ཡོད་ཀྱང་། ཨུ་རི་སུ་ལ་མེད། ། དེ་བརྟེན། ཁྱེད་ཀྱིས་གསུངས་དེ་བདེན་པ་མ་རེད། ལྷག་པར་དུ་ཨུ་རི་སུ་ཨེ་རན་ལས་སྡུག་པ་རེད་ཟེར་བ་དེ་བདེན་པ་མ་རེད།
ངས་རྒྱ་ནག་གི་ཨེ་རན་ལས་ཡག་པ་རེད་ཟེར་མྱོང་མེད།
ཡང་ཁྱེད་ཀྱིས༼ར་ཤི་ཡ་དེ་དེ་ལས་ལྡབ་མང་པོས་སེ་རི་ཡ་དང་ངོ་ཐག་ཉེ་བ་ཡོད་ལ་རྒྱ་ནག་ནི་བཤད་དགོས་ཅི་ཡོད།༽
རྒྱ་ནག་ནི་ཨེ་རན་ལས་རྡབ་མང་པོའི་སྡུག་མིན་ནི་དུ་དུང་ཡང་རྩོད་པའི་གནས་ཡིན་ཡང་། ཕྲན་གྱིས་རྒྱ་ནག་ཨེ་རན་ལས་ཡག་ཚུལ་དེ་བས་ལབ་མྱོང་མེད། རྒྱ་ནག་ལ་འགྲོ་བ་མིའི་ཐོབ་ཐང་གི་དཀའ་ངལ་ཡོད་པས། འགྲོ་བ་མིའི་ཐོབ་ཐང་གི་དཀའ་ངལ་ཡོད་མཁན་ཞིག་མང་གཙོ་དང་བར་ཐག་དེ་བས་རིང་། ཧོོང་ཀོང་དང་ཨུ་རི་སུ་ལྟ་བུ་ཡིན་ན་འགྲོ་བ་མིའི་གཞི་རྩའི་ཐོབ་ཐང་གི་སྨྲ་བརྗོད་རང་དབང་ཡོད་ཀྱང་། མང་གཙོ་མེད། རྒྱུ་མཚན་ནི། ཧོང་ཀོང་གི་གཙོ་འཛིན་མི་མང་གིས་གདམས་དབང་མེད་ཅིང་། ཨུ་རི་སུའི་གཞུང་གིས་ཀྱང་མང་གི་ངག་ལ་དེ་ཙམ་མི་ཉན་གྱི་མེད། འགྲོ་བ་མིའི་གཞི་རྩའི་ཐོབ་ཐང་ལ་དཀའ་ངལ་ཡོད་མཁན་རྒྱ་ནག་ལ་མང་གཙོ་ཡོད་མེད་ནི་དེ་བས་བཤད་དགོས་མེད་དེ། མང་གཙོ་ནི་རྒྱལ་སྤྱིའི་འགྲོ་བ་མིའི་ཐོབ་ཐང་གཞི་ལ་བཞག་པའི་འཛིན་སྐྱོང་ཞིག་ཡིན་ཕྱིན། འགྲོ་བ་མིའི་ཐོབ་ཐང་མེད་ས་ཞིག་ན། མང་གཙོ་དེ་བས་མེད། དེ་ནི་ཉིད་ཀྱིས་ཆེད་མངགས་ཀྱིས་ཕྲན་ལ་སྐྱོན་བརྗོོད་བྱེད་འདོོད་ཀྱི་ཀུན་སློང་ལྟ་བུ་སྣང་བས་རྒྱས་བཤད་ཞུ་འདོད་མ་མཆིས།
དབྱིན་ཇིས་སྲིད་བློན་ཕམ་མཁན་Ed Milibandཡིན་པའི་སྒྲུབ་བྱེད་དང་གནས་ཚུལ།
དབྱིན་ཇིའི་སྲིད་བློན་ཕམ་ཉེས་བཏང་མཁན་གཙོ་བོ་Ed Milibandཡིན་ཞིང་། ཁོ་ལ་རོགས་སྐྱོར་རེ་ཟུང་ཡོད་ངེས་ཀྱང་དེ་ནི་གཞུང་འཛིན་ཚོགས་པའི་འཐུས་མི་ཁ་ཤས་ཀྱིས་དམག་འཁྲུག་མི་འདོད་ཅིང་། ངལ་རྩོལ་ཚོགས་པའི་ཚོགས་མི་ཁ་ཤས་ཀྱིས་ཀྱང་གཞུང་གི་ལངས་ཕྱོགས་ཏེ། དམག་འཁྲུག་ལ་རྒྱབ་སྐྱོར་བྱས་ཡོད། ཡིན་ཡང་། Ed Milanbanཡིས་གྲོས་ཚོགས་མ་ཚོགས་པའི་གཟའ་མིག་དམར་ཉིན་གྱི་ཁ་པར་དང་། ལྷག་པའི་ཉིན་གྱི་ཐུག་འཕྲད་གཉིས་ལས་གཞུང་གི་ལངས་ཕྱོགས་ལ་རྒྱབ་སྐྱོར་ཡོད་མདོག་བྱས་ཀྱང་། གྲོས་ཚོགས་ཚོགས་རྒྱུར་ཆུ་ཚོད་ཁ་ཤས་ལས་མེད་སྐབས་གཞུང་གི་ལངས་ཕྱོགས་ལ་རྒྱབ་སྐྱོར་མེད་ཚུལ་བསྒྲགས་ནས་སྲིད་བློན་ལ་མགོ་སྐོར་བཏང་། དེ་བརྟེན། སྲིད་བློན་གྱིས་ཁོས་སེ་རུ་ཡར་དམག་མི་བཏང་རྒྱུ་རྩ་མེད་བཟོས་སོང་ཞེས་སྐྱོན་བརྗོད་ཤུགས་ཆེ་བྱེད་པ་འོག་གི་དྲ་རྒྱ་ལས་གསལ། གལ་སྲིད་Ed Milibandདེ་སྔོན་ནས་གཞུང་གི་ལངས་ཕྱོགས་ལ་རྒྱབ་སྐྱོར་བྱེད་ཁུལ་མ་བྱས་ཚེ་སྲིད་བློན་གྱིས་རང་གི་འདོད་འདུན་གྲོས་ཚོགས་ནང་ཕམ་ཉེས་འགྲོ་བ་སེམས་ནས། ཧྥ་རན་སི་ལྟར་དབྱིན་ཇིས་སྲིད་བློན་གྱིས་གྲོས་ཚོགས་ལ་སྐད་ཆ་མི་འདྲི་འམ་རྒྱལ་ཁ་ཐོབ་ཐབས་གྱི་ཐབས་ལམ་གཞན་ཞིག་བེད་སྤྱོད་བཏང་ངེས་རེེད། ཧྥ་རན་སིའི་སྲིད་འཛིན་གྱིས་གྲོས་ཚོགས་ལ་སྐད་ཆ་དྲིས་མེད་ཅིང་། དབྱིན་ཇིའི་སྲིད་བློ་ལའང་དེ་མཚུངས་ཀྱི་ཐོབ་ཐང་ཡོད། དེ་བརྟེན། འོས་བསྡུ་ཕམ་འཕྲལ་Ed Milibandཡིས་སྲིད་བློན་ལ་ད་ལྟ་ཁྱེད་ཀྱིས་ཕམ་ཁ་ངོས་ལེན་གྱིས་ཁོང་གི་དམིགས་བསལ་གྱི་དབང་ཆ་བེད་སྤྱོད་མ་བཏང་བ། གྲོས་ཚོགས་ཀྱི་ངག་ལ་ཉན་ནས་དམག་འཁྲུག་མི་བྱ་ཡ་ཁས་ལེན་བྱོས་ཟེར་བ་བཞིན། སྲིད་བློན་གྱིས་དེ་ལྟར་བྱས་བས་དབྱིན་དམག་སེ་རུ་ཡར་བཏང་རྒྱུ་ཕམ་ཉེས་བྱུང་། ཁྱེད་ལ་དེའི་སྐོར་དམིགས་བསལ་གྱི་གསུངས་ཡ་ཡོད་ཅིང་། ངས་བཤད་པ་དག་ཐེར་བཏང་་ཡ་ཡོད་ན་དགའ་བསུ་ལས་མེད་ཅིང་། ཕྲན་གྱིས་དུས་ཚོད་ཀྱི་དབང་གིས་དེའི་སྐོར་རྒྱས་བ་ཞིག་བྲིས་མེད་ལ། ཉོབ་པ་དོགས་ནས་གོང་དུ་རྩོམ་ཡིག་ནང་དུ་དེ་བས་འབྲི་འདོོད་མ་བྱུང་། གལ་སྲིད་དགོས་བ་ཡོད་ཅིང་དུས་ཚོད་ཀྱིས་ལྕོགས་ན་ཁོ་གཉིས་ཀྱི་རྩོད་པའི་རྒྱུ་རིམ་གསལ་པོ་མ་འོངས་བར་བྲིས་ཆོག
http://www.theguardian.com/politics/2013/aug/30/david-cameron-accused-miliband-siding-russia
http://www.washingtonpost.com/blogs/wonkblog/wp/2013/08/30/david-cameron-asked-permission-to-go-to-war-in-syria-why-wont-obama/?wprss=rss_economy