བློ་བཟང་དོན་ལྡན། ཤར་ཕྱོགས་ཁུག་རྟའི་དེབ་གསར༼སྟག་ཤར་གཞོན་པས་བོད་རྒྱའི་དཀའ་རྙོག་གླེང་བ་༽ཞེས་པ་དཔེར་འགྲེམས་མཛད་སྒོ་གྲུབ་མཚམས། གཞིས་བྱེས་བོད་མིའི་ཤེས་ཡོན་པའི་སྡེ་གཙོ་བོར་གྱུར་བའི། བཙན་བྱོལ་ནང་གི་དགོན་སྡེ་ཁག་དང་གཞིས་ཆགས་ཁག་བཅས་ག་ས་གང་དུ་འདིའི་སྐོར་གླེང་སློང་སྣ་ཚོགས་པ་ཞིག་ཡོང་བཞིན་པ་ཐོས་པས། དེབ་དེ་ལག་སོན་ཨེ་བྱུང་ལ་ཐབས་ཤེས་སྣ་མང་བརྒྱུད་མཐར་དེབ་གཅིག་མི་ཆེན་པོ་ཞིག་གི་ས་ནས་གཡར་རྒྱུ་བྱུང་། དེབ་འདི་ལ་དབྱེ་ཞིབ་བྱེད་རྒྱུའི་རྣམ་དཔྱོད་རང་ཉིད་ལ་མེད་པ་ངས་དེབ་འདིའི་དཀར་ཆག་ཞིབ་ཀློག་དང་གཞུང་དངོས་རགས་ལྟ་ཙམ་བྱས་རྗེས་གསལ་བོ་ཤེས།

ཤར་ཕྱོགས་ཁུག་རྟ། གུས་པའི་སེམས་ན་ལྷག་པའི་སྐད་ཆ་འདི་འགོ་མ་བཙུགས་སྔོན། བཙན་བྱོལ་ནང་གི་མདོ་སྨད་རྒྱ་ཆེ་མི་མང་ལ་ཐུགས་རྗེ་ཆེ་ཞེས་ཞུ་དགོས། དེ་ནི་གཞན་གང་ཡང་མིན་ཏེ། སྐབས་ ༡༦ པའི་སྤྱི་འཐུས་ཀྱི་ལས་འགན་སྩལ་ཏེ་༸རྒྱལ་བ་རིན་པོ་ཆེ་ཡབ་སྲས་ལ་ཞབས་འདེགས་སྒྲུབ་རྒྱུའི་སྐལ་བཟང་བྱུང་བ་དེས་ཡིན། སྤྱི་འཐུས་ཀྱི་ལས་ཡུན་རིང་ངས་གང་ས་ཅི་ཐད་ནས་མིང་དོན་མཚུངས་པའི་སྤྱི་འཐུས་ཤིག་བྱེད་རྒྱུར་འབད་བརྩོན་བྱས་པ་ཡིན། འབད་བརྩོན་དེ་ནི་གྲོས་ཚོགས་ནང་སྐད་ཆ་འདྲ་ཆགས་པོ་ཞུས་པ་ཙམ་མ་རེད། སྐད་ཆ་དེ་དག་གི་ཚིག་རེ་རེའི་རྒྱབ་ལྗོངས་སུ་དེབ་དང་ཡིག་ཆ་ག་ཚོད་རེ་སྔོགས་དགོས་མིན། དེབ་དང་ཡིག་ཆའི་ཤོག་ལྷེ་རེ་རེར་ཉིན་ག་ཚོད་རེ་སློབ་སྦྱོང་བྱེད་དགོས་མིན། བསམ་བློ་གཏོང་དགོས་མིན་དེ་རེད། འབད་བརྩོན་འདིས་གུས་ལ་སྤྱི་འཐུས་ཐོབ་པ་ནི་སྐལ་བཟང་གི་དུས་ཚོད་ཅིག་ཏུ་བསྒྱུར་ཐུབ་ཡོད་སྙམ། འོན་ཏང་། བཙན་བྱོལ་བོད་མི་རང་ལ་སྲིད་ཁྲིམས་སློབ་སའི་སློབ་གྲྭ་མེད།…

དེ་ལས་མང་བ་། “ངའི་སེམས་ན་ལྷག་པའི་ལས་དོན།” »

ཤར་ཕྱོགས་ཁུག་རྟ།   དེང་རབས་ནུབ་ཕྱོགས་པའི་ཞིབ་འཇུག་གི་ཐབས་ལམ་སྤྱད་དེ་རྗེ་བདག་ཉིད་ཆེན་པོ་ཤར་རྒྱལ་བ་ཙོང་ཁ་པ་ཆེན་པོའི་རྣམ་ཐར་གསར་བྲིས་མཛད་པ་པོ་མཁས་དབང་དགེ་བཤེས་ཐུབ་བསྟན་སྦྱིན་པ་མཆོག་ལ་བཅར་འདྲི་ཞུས་པ་འདིར་གསན་ན། ཡིད་ཀྱི་དྭང་བ་འདྲེན་པ། ཡི་རངས་ཤོར་པ། དགའ་བ་འཕེལ་བ། སྤོབས་པ་སྐྱེ་བ། རྗེ་བདག་ཉིད་ཆེན་པོ་དྲན་གདུང་གི་སྐྱོ་སྣང་འགོག་མེད་སླེབས་པ་བཅས་ཉན་པའི་ཚོར་བ་ཚིག་ལ་ཕབ་མི་ཤེས་པ། བཤད་མི་ཤེས་པ་ཞིག་སྟེར་གྱི་འདུག འདི་ལོར་མྱང་འདས་ལོ་དྲུག་རྒྱའི་སྐབས་ ༼ རྗེ་ཙོང་ཁ་པའི་ལོ་༽ ཞེས་རྗེས་དྲན་གཞིས་

ཤར་ཕྱོགས་ཁུག་རྟ། ཁ་སྔོན་བོད་ཀྱི་བླ་ན་མེད་པའི་དབུ་ཁྲིད་༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་སྐུ་ཆམ་ཅུང་ཙམ་བཞེས་རྗེས་སེམས་ལ་འདི་ལྟར་དྲན་ཏེ། ང་ལྟ་བུ་ཕལ་བའི་ཕལ་བ་རྣམས་ལ་ར་འཕྲོད་ཡོད་པ་ནི། ༧གོང་ས་མཆོག་ནི་དངོས་དོན་དུ་མི་ཡི་རྣམ་པར་ཕེབས་ཡོད་ཀྱང་། ཕྱོགས་ཐམས་ཅད་དུ་འཇིག་རྟེན་སྟེང་གི་དྲག་ཞན་ཚང་མས་ཡིད་སྨོན་བྱེད་པའི་ཡོན་ཏན་ཐམས་ཅད་ནི་ཚང་། མི་རྣམས་ཀྱིས་མི་འདོད་པའམ་གང་ཟག་སྡུག་བསྔལ་བར་བྱེད་པའི་རྒྱུ་དང་གང་ཟག་བར་གྱི་འབྲེལ་བའི་ས་མཚམས། ངོ་བོ། བྱེད་ལས། དེ་སྤོང་ཐབས་དང་བཅས་པར་བྱང་ཆུབ་པའི་དབང་གིས། ཉམས་མྱོང་རང་སྟེང་ནས་གཞན་གྱི་སྡུག་བསྔལ་སེལ་བའི་ཐབས་ལ་མཆོག་ཏུ་གྱུར་པས་ན། རང་གི་ཆམ་ནད་ཙམ་བྱམས་བརྩེ་སྒོམ་ཐུན་གཅིག་གིས་ལྷག་མེད་ཏུ་བཅོམ་ནུས་པ་ཞུ་ག་ལ་དགོས། ཚོད་དཔག་དང་ཚོད་ལྟའི་བློ་དང་མ་བྲལ་པའི་ཕྱི་ལུགས་གསོ་རིགས་

ཤར་ཕྱོགས་ཁུག་རྟ།   དབུ་ཁྲིད་བཟང་པོ་ནི་དགེ་རྒན་ཚད་ལྡན་ཞིག་ཡིན་ཞེས་པའི་ཚིག་འདི་ནི་ཡུན་རིང་བསམ་བློ་བཏང་སྟེ་རྙེད་པ་ཞིག་ཡིན། དབུ་ཁྲིད་ཅིག་ལ་དགེ་རྒན་ཚན་ལྡན་ཞིག་གི་ཁྱད་ཆོས་འཛོམས་དགོས་དོན་གཙོ་བོ་ནི། དབུ་ཁྲིད་སུ་ཞིག་ཡིན་རུང་། དེ་ལ་ངེས་པར་དུ་དགོས་མཁོ་ཆེ་ཞིང་། མེད་དུ་མི་རུང་བའི་རྒྱབ་རྟེན་གཅིག་དགོས་པ་ནི་མི་མང་གི་ཡིད་ཆེས་རེད། དབུ་ཁྲིད་གང་དེ་ལ་དགེ་རྒན་ཚད་ལྡན་ཞིག་གི་ཁྱད་ཆོས་འཛོམས་ཚེ། དེས་འབད་མེད་ལྷུན་གྲུབ་ངང་མི་མང་གི་ཡིད་ཆེས་ལས་སླ་བོར་རེག་ཐུབ། མི་མང་གི་ཡིད་ཆེས་ལས་ལྷག་པའི་དབུ་ཁྲིད་ཀྱི་ལས་དོན་ལམ་ལྷོང་འགྲོ་བའི་རྒྱབ་སྣོན་གཞན་ད་སྔ་བྱུང་ཡོད་པ་མ་རེད་ལ། མ་འོངས་པར་ཡང་འབྱུང་བའི་གནས་སྟངས་ཡོད་མི་སྲིད།

ཤར་ཕྱོགས་ཁུག་རྟ།   —སྐུ་གདུང་ཞུགས་འབུལ་དུ་བཅར་བའི་དྲན་ཐོ། ཞྭ་དཀར་གཡུང་དྲུང་བོན་གྱི་བསྟན་པའི་གཙུག་རྒྱན་སྨན་རི་ཁྲི་འཛིན་ ༣༣ པ་མཆོག་གི་སྐུ་གདུང་ཞུགས་འབུལ་ལ་བཅར་སྐལ་བྱུང་བས། ༸གོང་ས་ཐམས་ཅད་མཁྱེན་པའི་ཆོས་ལུགས་མཐུན་སྒྲིལ་གྱི་རླབས་ཆེན་མཛད་འཕྲིན་ལ་བརྟེན་ནས་བོད་མི་རྣམས་ལོ་རྒྱུས་ནང་བསྐྱོད་མ་མྱོང་བའི་ཡང་དག་པའི་ལམ་དུ་འགྲོ་བཞིན་པའི་ངེས་ཤེས་རྙེད། ཆོས་ལུགས་དང་རིག་གཞུང་། ཡུལ་གོམས་གཤིས་ལུགས། ཆབ་སྲིད་ཀྱི་བཅད་རྒྱ། ལུང་ཚན་ཤོག་གཏོགས་བཅས་ཀྱི་བག་ཆགས་ལ་དུས་བསྟུན་སྒྱུར་བཅོས་ཆེད་ལས་སླ་བོར་བསྐྱར་ཞིབ་བྱེད་དཀའ་ཞིང་།

ཤར་ཕྱོགས་ཁུག་རྟ།   འོས་འདེམས་བྱས་པའི་དབུ་ཁྲིད་ལ་འོས་འཕེན་པས་དྲི་བ་དང་རྗེས་འདེད་གཏོང་རྒྱུ་མཚམས་ཆད་མི་རུང་། དེ་མཚམས་ཆད་པ་ཡིན་ན་མི་མང་གིས་མང་གཙོའི་འོས་འགན་ཏག་ཏག་ཅིག་བསྣམས་ཀྱི་མེད་པའི་རྟགས་ཐོན་པ་རེད། མི་མང་གིས་ཐུགས་འགན་བཞེས་སྟངས་ནི་དུས་ལས་མ་ཡོལ་བ་ཞིག་ཡོང་རྒྱུ་ཁག་པོ་ཡིན་པས། ངེས་པར་དུ་སྤྱི་ཚོགས་ནང་གི་གཟུར་གནས་ཤེས་ལྡན་སྤྱི་སེམས་ཅན་ཚོའི་བསམ་ཚུལ་ལ་ཉན་དགོས་པ་གལ་ཆེན་ཡིན། ང་ཚོ་ཚང་མ་མི་ཞིག་ཡིན་པའི་ཆ་ནས། ལྷན་སྐྱེས་སུ་ཡོད་པའི་ཞེན་ཁོག་དང་།

ཤར་ཕྱོགས་ཁུག་རྟ།   ཀླུ་མཁར་བྱམས་ཀྱིས་བོད་རིག་པར་ཤེས་ཚད་ཆེ་ཞིང་། བོད་རང་བཙན་ཐོག་རྒྱབ་སྐྱོར་གནང་མཁན་གྱི་ཕྱི་རྒྱལ་བ་སྐུ་ཞབས་པེར་ལིན་ལ་མྱ་ངན་ཞུ་ཚིག ༼  ལོ 113 བཞུགས་དགོས་པའི་མི་དེ་ཁྱེད་ཡིན། ༽ཞེས་པའི་མཐོང་ཆུང་ཁྱད་གསོད་ཀྱི་སྐད་ཆ་དེས། སྐུ་ཞབས་པེར་ལིན་ནི་ཤུལ་ནག་ཅིག་བཟོས་སོང་ཨང་། གལ་སྲིད་སྐུ་ཞབས་པེར་ལིན་བོད་མི་ཞིག་ཡིན་ཚེ། ཁོང་གི་ནང་མི་ཚོས་ཀླུ་མཁར་བྱམས་ལ། ཁྱོད་ཀྱིས་ངའི་ཤི་བོའི་བླ་སྒུལ་སོང་། ཁྱོད་ཀྱིས་ངའི་ཤི་བོའི་ཤུལ་ནས་གཏམ་རྒྱུ་གླེང་རྒྱུ་མི་ཚེར་མི་དག་པ་ཞིག་བཟོས་སོང་ཞེས།

—ཤར་ཕྱོགས་ཁུག་རྟ།   ༄༅། ། ཕྱི་སྲིད་མགྲིན་ཚབ་པ་ཝང་ཡིས་ལགས་ལ། ད་ལྟ་རང་བོད་ཀྱི་དུས་བབ་གསར་ཁང་གི་དྲྭ་རྒྱའི་ནང་། ༼ཁ་སང་རྒྱ་ནག་གི་ཕྱི་འབྲེལ་བློན་ཆེན་ཝང་ཡེ་(Wang Yi) ཡིས་སོག་ཡུལ་གྱི་ཕྱི་སྲིད་བློན་ཆེན་མུན་ཀ་ཨོར་གྷེལ་ (Tsend Munkh-Orgil) ལགས་སུ་ཁ་པར་བཏང་སྟེ། ཏཱ་ལའི་བླ་མ་གསང་བའི་སྒོ་ནས་སོག་ཡུལ་དུ་ཕེབས་བཅུག་པ་དེས་

ཤར་ཕྱོགས་ཁུག་རྟ།   བཞུགས་སྒར་ངྷ་སའི་བོད་མི་ཚོ་དུས་འཁོར་དབང་ཆེན་ལ་ཆས་པས། ཉིན་རེ་ནས་ཉིན་རེར་༸གོང་ས་ཐམས་ཅད་མཁྱེན་པའི་བཞུགས་སྒར་སྟོང་སེང་ངེར་འགྲོ་ཡི་ཡོད་པའི་རྣམ་པ་འདིས། ང་ལ་བྱིན་པའི་བསམ་གཞིགས་ཧ་ཅང་ལྕི་ནའང་། སྐབས་བབ་བརྗོད་འདོད་པ་ནི་དུས་དབང་དང་འབྲེལ་བའི་རང་ཉིད་ཀྱི་སེམས་ཁྲལ་ཁག་ཅིག་ཡིན། ཚང་མས་མཁྱེན་གསལ་ལྟར། ད་ལོའི་དུས་འཁོར་དབང་ཆེན་ཞུ་བ་པོ་ནི་བཀའ་ཤག་སྟེ། སྲིད་སྐྱོང་བློ་བཟང་སེང་གེས་དབུ་ཁྲིད་པའི་སྐབས་ ༡༤ པའི་བཀའ་ཤག་ཡིན་ཞིང་།

ཤར་ཕྱོགས་ཁུག་རྟ།   གསར་འབྱོར་བོད་མི་ཚོའི་བློས་གཏོང་ལ་བདག་པོ་བསྐྱོན་ཕྱོགས་ཐད་དབུས་བོད་མིའི་སྒྲིག་འཛུགས་ཀྱིས་ཡང་དག་པའི་སྲིད་བྱུས་ཤིག་འཛིན་དགོས་པར་སུ་ལའང་རྩོད་པ་མེད། གསར་འབྱོར་ཕལ་མོ་ཆེ་ལྟོ་གོས་ཁུངས་མ་འཁྱོལ་བར་བཙན་བྱོལ་དུ་ཕེབས་པ་མིན་པའང་གསལ་བོ་ཆགས་ཟིན། ལྷག་པར་ས་བྱི་ཞི་རྒོལ་ཆེན་མོའི་རྗེས་བོད་དུ་ཕྱིར་ལོག་འགྲོ་བ་དང་བོད་ནས་ཚུར་བཙན་བྱོལ་དུ་ཡོང་མཁན་གཉིས་ཀའི་གྲངས་ཀར་ཧེ་བག་བླ་ལྷག་ཏུ་ཤོར་ཟིན་པས། མ་འོངས་ལོ་བཅུ་དང་ཉི་ཤུའི་རིང་བོད་ཕྱི་ནང་གི་བོད་མིའི་འབྲེལ་བའི་གནས་སྟངས་ལ་འགྱུར་བ་ཡོང་གཞི་ཞིག་ཆགས་ཡོད་ལ།