ཨེ་མ་ཧོ།
ན་མོ་གུ་རུ་བུདྡྷ་ཛྙྰ་ན་ཡེ།། ནམ་རྒྱུན་ངོས་ནི་ཉམ་ཆུང་རང་ཚུགས་བཟུང་ནས་གལ་ཆེན་བླ་མ་དམ་པའི་འདས་མཆོད་དང་ཆོས་བཞིན་སྒྲུབ་པ་དག་ལ་གང་ཤེས་ཀྱིས་མདོ་སྔགས་དམ་པའི་ཆོས་ཀྱི་འཆད་ཉན་དང་སྒོམ་སྒྲུབ་ལ་བརྩོན་བཞིན་མཆིས། དམིགས་བསལ་གྱི་རབ་གནས་མེ་སྤྲེལ་ལོ་འདིའི་ནང་འཛམ་གླིང་ཤར་ནུབ་རྒྱལ་ཁབ་དུ་མར་དམ་ཆོས་དང་འབྲེལ་བའི་རྟེན་འབྲེལ་ལེགས་ཚོགས་སུ་འགྲིགས། ཁྱད་པར་དུ་མེ་སྤྲེལ་མགོ་ཟླའི་ཚེས་པ་༼༢༠༡༧ ༡ ༡༢ ༽བཅོ་ལྔ་ནས་༧ཆོས་རྗེ་དམ་པ་ཡིད་བཞིན་ནོར་བུའི་འདས་མཆོད་ཐེངས་བཅུ་གསུམ་པ་གནས་མཆོག་སེངྒྷ་གླིང་གི་ཡེ་ཤེས་འཁོར་ལོའི་ཆོས་ཚོགས་སུ་ཚད་ལྡན་ཞིག་འཚོགས་པ་དང་། ཆོས་རྗེ་དམ་པ་ཡིད་བཞིན་ནོར་བུའི་གསུམ་འབུམ་པོད་གསུམ་གྱི་ལུང་རྒྱུན་ཆ་ཚང་དག་སློབ་ཚོགས་དད་གུས་དམ་ཚིག་ཅན་ལ་མཎྡལ་མཆོད་པ་ཕུལ། ལྷག་པར་དུ་མེ་སྤྲེལ་མགོ་ཟླའི་ཚེས་པ་༼༢༠༡༧ ༡ ༢༧ ༽སུམ་ཅུ་སྟེ་གསོ་སྦྱོང་གི་ཉིན་མོར་ཉིན་གུང་ལ་གློ་བུར་དུ་ངོ་དེབ་རྒྱུད་ནས་རྒྱ་མོ་ཧན་དང་སྐྱེན་སྤྲུལ་འཇམ་དབྱངས་གྲགས་པས་ཀུན་མཁྱེན་བླ་མ་སེངྒྷ་གླིང་ལ་ཕེབས་ནས་བོད་རིགས་བླ་གྲྭ་ཡོངས་ལ་དམིགས་བསམ་བཀའ་སློབ་དང་འཚོགས་འདུ་ཆུ་ཚོད་དང་པོ་ཕྱེད་ནས་གསུམ་དང་ཕྱེད་བར་རེད་བཞག
སྔོན་མར་ངོས་ནས་སྤྲུལ་སྐུ་ཐུབ་བསྟན་ནོར་བུ་ལ་ངོ་དེབ་ཏུ་འཕྲིན་སྐད་བཞག་པ་དེ་གསལ་བོ་དྲན་བྱུང་། ལམ་སོང་མགྱོགས་གྲུ་ཆུང་བ་ཞིག་ལ་སྐད་གཏོང་ཡང་ལམ་སོང་མ་ཐོན་ཡང་། སྟབས་ལེགས་པ་ཞིག་ལ་སྦྱིན་བདག་དྲིན་ཆེན་མས་སྒོ་རྡུང་བ་དུས་འགྲིགས། ངོ་དེབ་མགྱོགས་འཕྲིན་ནང་རིག་འཛིན་དབྱངས་ཅན་ལྷ་མོ་དང་སྐྱེན་སྤྲུལ་ལ་ཡང་སྐད་ཅིག་བཞགས་ནས་ལམ་དུ་ཆས། ཆུ་ཚོད་གསུམ་པར་རྒྱའི་ལྷ་ཁང་དུ་འབྱོར་མ་ཐག་རིག་འཛིན་དབྱངས་ཅན་ལྷ་མོ་ཡང་དེར་འབྱོར་འདུག ལྷ་མོ་ངེད་གཉིས་ལ་རྒྱ་གར་མི་ཞིག་མདུན་བསུས་ནས་ཐོག་ཁང་དུ་ཕྱིན་པ་རྒྱའི་དགེ་བསྙེན་མོ་ཞིག་སྒོ་བཀག་འདུག ལྷ་ཁང་ནང་དུ་༧ཀུན་མཁྱེན་བླ་མ་རིན་པོ་ཆེས་གསུང་བཤད་གནང་བཞིན་འདུག སྒོ་དྲུང་ན་ཕྱི་གླིང་གྲྭ་བ་སངས་རྒྱས་རྒྱ་མཚོ་དང་ཁ་བརྡ་བྱས། སྐྱེན་སྤྲུལ་ཡང་ཕེབས་སོང་། སྒོ་བཤམ་སྐས་ཁ་རུ་འཚོགས་གྲོལ་བ་དང་ཀུན་མཁྱེན་བླ་མ་མཇལ་སྒུག་བྱས། ཚ་བ་ཆེ་བ་དང་ངས་དགུན་ཆས་གྱོན་པར་མཐུས་ཚ་རླབས་རྔུལ་ཆུ་བཞུར་བཞིན་ཆུ་ཚོད་ཕྱད་གཅིག་སྒུག་རྗེས་འཚོགས་པ་གྲོལ་ཞིང་ལྷ་ཁང་སྒོ་ཡང་ཕྱེས་ནས་ནང་དུ་འགྲོ་ཆོག་སོང་། ལམ་སེང་གསེར་མདོག་གི་ཁ་བཏགས་སྲིད་ན་རིང་བ་བཟུང་ནས་༧ཀུན་མཁྱེན་བླ་མ་མཇལ་དུ་ཕྱིན། ཁོང་ནི་ཅི་འདྲའི་དགེ་སྦྱོང་ཉམ་ཆུང་བ་ཞིག་ཨར་སྟེགས་བསྡུ་ལེན་བྱས་ནས་ཁོང་རྣམས་པ་དཔར་རྒྱག་པའི་གྲལ་སྒྲིག་བཞིན་འདུག
ངོས་ནས་ཕྱག་ཅིག་འཚལ་དགོས་བསམ་ཡང་༧ཀུན་མཁྱེན་ཉིད་ལམ་སོང་ཕེབས་ནས་མཁན་པོ་དཔལ་དགྱེས་བདེ་མོ་ཡིན་ནམ། ཕེབས་པར་བཟང་་གསུངས་ནས་མདུན་དུ་ཕེབས། ཁ་བཏགས་འབུལ་ནས་སྐུ་ཁམས་བཟང་འདྲི་དང་མལ་ལྔ་ས་ལ་ཕབས་ཀྱང་ཁ་བཏགས་ངའི་ལག་ཏུ་གནང་ནས་ཚོགས་དཔར་གནང་རུ་ཕེབས་ཤོག་གསུངས། དེ་ན་ཤིན་ཏུ་ཉེ་བའི་དགེ་མང་མཁན་ཆེན་བསོད་ནམས་འོད་ཟེར་དང་ངོ་ཤེས་པ་འགའ་ཞིག་འདུག་ཀྱང་འཚམས་འདྲི་བཀྲ་ཤིས་བདེ་ལེགས་ཙམ་ལས་གང་ཡང་ཞུ་ཁོམས་མ་བྱུང་། ཀུན་མཁྱེན་བླ་མའི་ཕྱག་ཏུ་འཇུས་ནས་འཚོགས་དཀྱིལ་དུ་སོང་ནས་དཔར་རྒྱབ་པར་ཙམ་པ་དང་། བཤང་པ་སྤྲུལ་སྐུ་ཟེར་བ་བར་དུ་ལྕེབ་ནས་མདུད་དུ་མཆོངས་སོང་། དེ་ནས་དཔར་ཆས་མཁན་ཚོས་འོད་ཚུབ་ཚུབས་ཀྱིས་མྱིག་གིས་ལྟ་མི་བཟོད་པ་ལྟ་བུས་དཔར་རྒྱབ་སོང་། བླ་གྲྭ་ཤ་ཆེན་དང་བརྗིག་མདོག་ཁག་པོ་ཚོས་ང་ང་ཟེར་ནས་ཀུན་མཁྱེན་བླ་མ་དང་མཉམ་དུ་སྒེར་དང་སྤྱི་མང་ཚང་མ་དཔར་འཕྲུལ་བཏབས་པ་ལས་བདག་ནི་ཕྱིར་ནུད་ནས་ལྷ་ཁང་མཐའ་ནས་ཀུན་མཁྱེན་བླ་མ་ལ་དམིགས་བསལ་མཇལ་སྒུག་བྱས་པ་དང་། སྐར་མ་ལྔ་ཙམ་སོང་རྗེས་༧ཀུན་མཁྱེན་བླ་མ་ཉིད་ཀྱི་སྐུ་མཛེས་པའི་ཚང་ཚོ་མཚན་དཔེས་རྒྱན་པ། ཕྱག་ཐལ་སྦྱར་གུས་པས་མཐོ་དམན་མེད་པར་མཉམ་པར་བསྟན་ནས། གསུང་ཚངས་དབྱངས་མཇམ་པོས་བདེ་མོས་བྱོས་ནས། ཐུགས་མཚུངས་མེད་བྱམས་བརྩེའི་རང་མདངས་བདག་ལ་བསྟན་ནས། དམིགས་བསལ་གྱིས་གཟིམས་ཁང་དུ་ཕྱིན། ཇི་འདྲའི་འདོད་ཆུང་ཆོག་ཤས་ཅན་གྱི་དགེ་སྦྱོང་ཞིག མི་ལོ་སྟོང་ཕྲག་གི་སྔོན་གྱི་ཤྰཀྱའི་དགེ་སྦྱོང་ནང་བཞིན་བཞུགས་འདུག ངའི་རིག་འཛིན་ལྷ་མོ་དང་སྤྲུལ་སྐུ་གཉིས་ཀྱང་ཧ་ལས་སོང་། ངོས་ཀྱང་ངོ་ཚ་འོས་པ་ཅིག་ཆགས་སོང་། ངོས་ནི་སྐར་མ་ལྔ་ཅན་གྱི་མགྲོན་ཁང་ནས་བསྡད་ནས་བདག་གི་བླ་མ་འདི་འདྲ་གནང་བར་མི་འོས་པ་ཞིག་ཅིས་ཕྱིར་མིན།
ཀུན་མཁྱེན་ཉིད་ཀྱིས་བསྟན་པ་སྤྱི་དང་འགྲོ་ཁམས་ཕན་བདེ་སྒྲུབ་པའི་བཀའ་སློབ་དུ་མ་གསུངས། ངོས་ལ་དམིགས་བསལ་ཞུ་བྱ་གསུམ་ལས་ཁྱད་པར་རྗེས་དྲན་གསུང་སྒྱུར་ཁང་གི་ཚབ་ཞུས་ནས་༧ཆོས་རྗེ་དམ་པ་ཡིད་བཞིན་ནོར་བུའི་སྐུ་ཚ་ལྕགས་ཁུང་ཚེ་དབང་བླ་མས་ལོ་ནས་ལོ་ཟླ་ནས་ཟླར་དཀའ་སྤྱད་སྐད་སྒྱུར་ལ་བརྩོན་པའི་གྲུབ་འབྲས། ཐུགས་བསྐྱེད་གཙང་མའི་བཀའ་འཕྲིན། ཆོས་རྗེ་དམ་པ་ཡིད་བཞིན་ནོར་བུའི་རྗེས་དྲན་གསུང་སྒྱུར་ཁང་གི་སྐོར་ལ་ཞིབ་རྒྱས་ཞུས་པ་དང་། ཀུན་མཁྱེན་ཉིད་ཀྱིས་ཐུགས་དགྱེས་ཚོར་ཆེན་པོས་ཚེ་དབང་བླ་མའི་གསུང་འཕྲིན་རྗེས་དྲན་གསུང་སྒྱུར་ཁང་གི་འཆར་འགོད་ལ་གཟིགས་ནས། མཆོག་གིས་གསུངས་དོན ངེས་པར་ལོ་ཙྰ་བ་དེ་ཚད་ལྡན་ཞིག་དགོས། ལོ་ཙྰ་བ་འགའ་རེས་ཚིག་མཛོད་ལས་སྒྱུར་བ་འདུག དེ་རིགས་མིན་པར་ཚད་ལྡན་ཞིག་ངེས་པར་དགོས། གསུངས།
ངོས་ནས་ཞུ་དོན རྒྱལ་སྤྱི་རང་བཞིན་ལྡན་པའི་བསྒྱུར་ཅིང་ཞུས་ཏེ་གཏན་ལ་ཕབས་ནས་ཚད་ལྡན་ཞིག་བསྐལ་བ་ནམ་གནས་སུ་བརྟན་པའི་ཆེད་དུ་ཡིན་པ་དང་། རྒྱ་ཡིག་ལས་དབྱིན་ཡིག་ལ་སྒྱུར་བ་མིན་པར་བོད་ཡིག་རང་ནས་དབྱིན་ཡིག་ཏུ་སྒྱུར་ན་དགེ་མཚད་ཆེ་ཚུལ་དང་། དཔལ་འབྱོར་ཕྱོགས་ནས་མ་ལ་ཤ་ཡ་ན་འཐེབ་རྩ་ཞིག་དང། ལས་ཁང་དངོས་དེ་བལ་ཡུལ་ན་འཛུགས་འཆར་ཡིན། བལ་ཡུལ་དེ་ན་འགྲོ་གྲོན་གང་ས་ནས་ལས་སླ་བ་རེད། བྱ་བ་འདིས་སྦྱོར་དངོས་གསུམ་ཚང་མ་བླ་མ་ཚེ་དབང་ཡིན་པ་། གཙོ་འགན་བཞེས་འཁན་བླ་མ་ཚེ་དབང་དང་། ད་དུང་དེ་ན་ཡིག་ཐོག་ལ་བཀོད་མེད་པ་ཞིག་ལ་རྫོང་སར་མཁྱེན་བརྩེ་རིན་པོ་ཆེ་དང་བསོ་རྒྱལ་རིན་པོ་ཆེ་དང་གཟན་དཀར་རིན་པོ་ཆེ་ཡང་ཡོད་ཚུལ་ཞུས། ཀུན་མཁྱེན་ཉིད་ཀྱིས། དེས་ན་ཤིན་ཏུ་བཟང་། ཤིན་ཏུ་གལ་ཆེན་རེད། ཚད་ལྡན་ཞིག་ངེས་པར་འབྱུང་ཐབས་བྱ་དགོས་གསུངས། མུ་འཐུད་དུ་འབྲེལ་བ་ཞུ་ཆོག་གསུངས།
དེ་ནས་རིག་འཛིན་དབྱངས་ཅན་ལྷ་མོ་དང་སྐྱེན་སྤྲུལ་དང་ངོས་བཅས་ལ་ཆོས་འགྲེལ་ཞུས་ཞིང་། འབྱུང་འགྱུར་ཉིས་སྟོང་བཅོ་བརྒྱད་ལ་ནུབ་ཕྱོགས་ནས་མཇལ་བའི་སྨོན་འདུན་བཅས་དང་དམིགས་བསལ་སྐུ་སྒེར་འཕྲིན་འཕྲན་ཁ་བྱང་གནང་བ་དང་། ༧ཀུན་མཁྱེན་དམ་པ་དང་འབྲལ་མི་ཕོད་པའི་ངང་ནས་སྐུ་ཚེ་བརྟན་པའི་སྨོན་ལས་བཅས་ཁང་གསར་དུ་བསྐྱོད་དོ།། སེངྒྷ་གླིང་ནས་ཤྲྰིས་སོ། ཕྱི་ལོ་༢༠༡༧་༡ ་༢༧་ལའོ།།
བཀླགས་ཟིན།
ངས་ཀྱང་བཀླགས་པ་ཡིན། ཡུན་རིང་རྗེས་འགོ་ནས་འཇུག་བར་ཀློག་རྒྱུར་སྤྲོ་བ་དང་མོས་གུས་འཕེལ་བའི་ལྷུག་རྩོམ་གནང་མཁན་ཨེ་མ་ཧོ་མཆོག་ལ་བཀའ་དྲིན་ཆེ་ཞུ།