རླུང་བུམ་ཅན་འཛིན་སྟངས་དངུལ་དཀར་མེ་ལོང་ཞེས་བྱ་བ།

Comments (9) on “རླུང་བུམ་ཅན་འཛིན་སྟངས་དངུལ་དཀར་མེ་ལོང་ཞེས་བྱ་བ།”

1. བཀྲ་ཤིས་པར་གྱུར་ཅིག།ངོ་མཚར་སྐལ་་བ་བཟང་།དེ་རིང་གཟའ་སྐར་འཕྲོད་སྦྱོར་དུས་ཚེས་ཁྱད་པར་ཅན་ལ།ཀུན་མཁྱེན་བླ་མ་རིན་པོ་ཆེའི་རླུང་བུམ་ཅན་འཛིན་སྟངས་དངུལ་དཀར་མེ་ལོང་ཞེས་བྱ་བ།ཁོ་བོའི་གསོལ་འདེབས་ལྟར་འདིར་བཀོད་པ་བཀའ་དྲིན་ཆེ།སྐུ་ཚེ་བརྟན།

2. རླུང་བུམ་ཅན་འཛིན་སྟངས་དངུལ་དཀར་མེ་ལོང་ཞེས་བྱ་བ།
   ཨེ་མ་ཧོ།
   ན་མོ་གུ་རུ་བུདྡྷ་ཛྙཱ་ན་ཡ།
   རབ་འབྱམས་རྒྱལ་ཀུན་འདུས་ཞལ་ཀུན་ཏུ་བཟང་།།
   ངེས་དོན་འོད་གསལ་རྫོགས་པ་ཆེན་པོའི་དཔལ།།
   བརྒྱུད་གསུམ་རིག་འཛིན་དཔལ་ལྡན་བླ་མ་ལ།།
   མི་ཕྱེད་སྒོ་གསུམ་དད་པས་གུས་ཕྱག་འཚལ།།

   ཕྱི་ནང་གསང་བའི་རྣལ་འབྱོར་ལ་གོམས་ནས།།
   སྙིང་པོའི་མི་ལུས་དམ་ཆོས་སྔགས་ཀྱིས་འཚོ།།
   ལུས་ངག་ཡིད་སྦྱོང་རྩ་རླུང་ཐིག་ལེའི་འགྲོས།།
   ཆེས་ཟབ་གདམས་པ་རླུང་འཛིན་བུམ་ཅན་བཤད།།

   དང་པོ་སྐྱབས་འགྲོ་བྱང་ཆུབ་སེམས་མཆོག་བསྐྱེད།།
   བར་དུ་རྣམ་སྣང་ཆོས་བདུན་ལུས་གནད་བཅས།།
   སྟེང་རླུང་ལྟེ་དཀྱིལ་འོག་རླུང་དལ་གྱིས་སྡོམ།།
   དྲན་ཤེས་བག་ཡོད་མི་འབྲལ་ཤིན་ཏུ་གནད།།

   གལ་ཏེ་ཡུན་རིང་དབུགས་རྒྱུ་དཀའ་དྲག་ན།།
   མཆུ་སོའི་མཚམས་ནས་མཁའ་དབུགས་དལ་གྱིས་གཏོང་།།
   དམིགས་གནད་སྐུ་གསུམ་གཟིགས་སྟངས་གང་དགར་རོལ།།
   ཁྱད་པར་རྩ་རླུང་དག་རྫོགས་སྨིན་པར་མཛོད།།

   འབྲོག་པའི་རྐྱལ་བ་གཡུག་བཞིན་ཐེངས་དགུ་དང་།།
   མཚམས་རེ་དལ་བུས་མཚམས་རེ་ཤུགས་མྱུར་གྱིས།།
   ཉི་ཟླའི་འགྲོས་བཞིན་རྩ་གནས་རླུང་འོད་ཕྲེང་སྤྲོས།།
   འཇའ་ལུས་འཕོ་ཆེན་འགྲུབ་པའི་རྫོགས་རིམ་སྒོམས།།

   མཚམས་རེར་གཏུམ་མོའི་དབང་ལྷའི་ཕུར་པ་བརྟས།།
   དུག་ལྔའི་ལས་རླུང་ངན་པ་རྒྱུན་གཅོད་ནས།།
   བདེ་ཆེན་ཡེ་ཤེས་བཅུ་དྲུག་དགའ་བདེའི་ཆར།།
   གྲོལ་ལམ་གདམས་པའི་གནད་བཟང་ཐུགས་སུ་གཏམས།།

   བུམ་ཅན་གཞོན་ནུའི་མཚན་དཔེའི་ལང་འཚོ་དར།།
   གཞན་ལུས་ཕྱག་རྒྱའི་བདེ་བ་ཆེན་པོའི་གར།།
   དགྱེས་པའི་དཔལ་ལ་རོལ་དང་སྐུ་ཚེ་རིང་།།
   ༼དེས་ན་བུམ་ཅན་ཕྱག་རྒྱའི་བདེ་ལ་རོལ། །༽ཡང་ན།

   འཁོར་ངན་ཞེན་ཆགས་བྲལ་བའི་ངེས་འབྱུང་སྨོན།།
   ཡང་དག་བྱང་ཆུབ་སེམས་ལ་ངེས་པར་འདུན།།
   སྣང་སྲིད་རྣམ་དག་བསྐྱེད་རྫོགས་དམ་ཚིག་བཅའ།།
   ཡང་གསང་རྫོགས་ཆེན་རྟོགས་པའི་གསོལ་འདེབས་མཛོད།།

   རྒྱལ་བ་སྲས་བཅས་དགྱེས་པའི་དགེ་སྒྲུབ་གཅིག།
   ་
   གཞན་ཕན་བྱང་ཆུབ་སེམས་ཀྱི་སྙིང་རྗེ་གཉིས།།
   དག་རྫོགས་སྨིན་གྲོལ་བརྩོན་པའི་ཕྲིན་ལས་གསུམ།།
   ༼འདིར་ཚིགས་བཅད་གཅིག་ཆད་པ་མིན་ནམ།༽
   སྦྱོར་དངོས་རྗེས་གསུམ་ཚང་བས་འབད་པར་གཅེས།།

   ཅེས་པ་རབ་རྒྱན་ཤིང་ལུག་དབོ་ཟླའི་རྫོགས་པ་གསུམ་པ་འམ་ཉི་འཛིན་གྱི་སྐབས་སུ་སྔགས་པ་རྩ་རླུང་པ་མགོན་པོ་སྐྱབས་ཀྱིས་ངོར་དབྱིན་ཡུལ་ཀུན་བཟང་ཆོས་གླིང་ནས་གང་ཤར་ཏུ་སྐལ་བཟང་གི་སློབ་མ་ལ་ཕན་ཐབས་སུ་སྦས་གསང་མེད་པར་གདམས་ངག་གླུ་རུ་བླངས་པས་འགྲོ་བ་སེམས་ཅན་ཀུན་གྱིས་སོ་སོའི་རང་རྒྱུད་རྣམ་པར་དག་པའི་གསང་གསུམ་གྱི་དེ་ཉིད་རྟོགས་པའི་རྒྱུ་རུ་གྱུར་ཅིག་གུ།། །།

3. བུམ་ཅན་གཞོན་ནུའི་མཚན་དཔེའི་ལང་འཚོ་དར།།
   གཞན་ལུས་ཕྱག་རྒྱའི་བདེ་བ་ཆེན་པོའི་གར།།
   དགྱེས་པའི་དཔལ་ལ་རོལ་དང་སྐུ་ཚེ་རིང་།།
   དེས་ན་བུམ་ཅན་ཕྱག་རྒྱའི་བདེ་ལ་རོལ། །

   འཁོར་ངན་ཞེན་ཆགས་བྲལ་བའི་ངེས་འབྱུང་སྨོན།།
   ཡང་དག་བྱང་ཆུབ་སེམས་ལ་ངེས་པར་འདུན།།
   སྣང་སྲིད་རྣམ་དག་བསྐྱེད་རྫོགས་དམ་ཚིག་བཅའ།།
   ཡང་གསང་རྫོགས་ཆེན་རྟོགས་པའི་གསོལ་འདེབས་མཛོད།།

   རྒྱལ་བ་སྲས་བཅས་དགྱེས་པའི་དགེ་སྒྲུབ་གཅིག།
   གཞན་ཕན་བྱང་ཆུབ་སེམས་ཀྱི་སྙིང་རྗེ་གཉིས།།
   དག་རྫོགས་སྨིན་གྲོལ་བརྩོན་པའི་ཕྲིན་ལས་གསུམ།།
   སྦྱོར་དངོས་རྗེས་གསུམ་ཚང་བས་འབད་པར་གཅེས།།

4. ངའི་བྱུས་གཏོགས་ལ། དགག་བཞག་སྤོང་གསུམ་བྱས་ན་དགའ་བསུ་ཡོད་དོ།།

5. བུམ་པ་ཅན་ཆེ་འབྲིང་ཆུང་གསུམ་ལས། ཆེན་པོ་གྲུབ་པས་ཚེ་སྲིང་བར་འགྱུར་ཏེ།
   རྡོ་རྗེ་སྙིང་འགྲེལ་ལས།
   ཉིན་མཚན་དུ་ནི་དབུ་མར་སྲོག །
   ཞུགས་པས་ནད་རྣམས་འཕྲོག་པར་བྱེད། །
   ཚེས་ཀྱི་ཉིན་ཞག་སྲོག་བཅིངས་ན། །
   འདིས་ནི་མཁའ་སྤྱོད་ཉིད་སྟེར་བྱེད། །
   ཟླ་གཅིག་སྲོག་བསད་སྙིང་གར་གནས། །
   རྣལ་འབྱོར་པ་རྣམས་འཆི་མེད་འགྱུར། །

6. ཡང་།
   བུམ་པ་ཅན་ཞག་གཅིག་འཆིངས་ནུས་པས་ནད་ལས་རྒྱལ་བ་དང་། ཟླ་ཕྱེད་ཀྱིས་མཁའ་སྤྱོད་འགྲུབ་པ་དང་། ཟླ་གཅིག་གིས་འཆི་མེད་འགྲུབ་པར་བཤད་འདུག

7. ཀར་གཉེར་གྱིས་དག་བཅོས་མང་པོ་བྱས་འདུག ཨེ་མ་ཧོས་འདི་ན་བཀོད་འདུག དེར་གཟིགས། འོག་ལ་མཆན་འགོད་ཆོག་ས་རེད། http://blog.amdotibet.cn/Amaho/archives/119562.aspx

8. བུམ་ཅན་གཞོན་ནུའི་མཚན་དཔེའི་ལང་འཚོ་དར།།གཞན་ལུས་ཕྱག་རྒྱའི་བདེ་བ་ཆེན་པོའི་གར།།དགྱེས་པའི་དཔལ་ལ་རོལ་དང་སྐུ་ཚེ་རིང་།།༼྇འཁོར་འདས་ཆོས་ཀྱི་གནད་གསང་དེ་ཉིད་ལགས།།༽༼འདི་ཆད་འདུག་ག༽འཁོར་ངན་ཞེན་ཆགས་བྲལ་བའི་ངེས་འབྱུང་སྨོན།།ཡང་དག་བྱང་ཆུབ་སེམས་ལ་ངེས་པར་འདུན།།སྣང་སྲིད་རྣམ་དག་བསྐྱེད་རྫོགས་དམ་ཚིག་བཅའ།།ཡང་གསང་རྫོགས་ཆེན་རྟོགས་པའི་གསོལ་འདེབས་མཛོད།།རྒྱལ་བ་སྲས་བཅས་དགྱེས་པའི་དགེ་སྒྲུབ་གཅིག།གཞན་ཕན་བྱང་ཆུབ་སེམས་ཀྱི་སྙིང་རྗེ་གཉིས།།དག་རྫོགས་སྨིན་གྲོལ་བརྩོན་པའི་ཕྲིན་ལས་གསུམ།།སྦྱོར་དངོས་རྗེས་གསུམ་ཚང་བས་འབད་པར་གཅེས།།
   བུམ་ཅན་གཞོན་ནུའི་མཚན་དཔེའི་ལང་འཚོ་དར།།
   གཞན་ལུས་ཕྱག་རྒྱའི་བདེ་བ་ཆེན་པོའི་གར།།
   དགྱེས་པའི་དཔལ་ལ་རོལ་དང་སྐུ་ཚེ་རིང་།།
   ༼དེས་ན་བུམ་ཅན་ཕྱག་རྒྱའི་བདེ་ལ་རོལ། །༽ཡང་ན།
   འདི།
   བུམ་ཅན་གཞོན་ནུའི་མཚན་དཔེའི་ལང་འཚོ་དར།།གཞན་ལུས་ཕྱག་རྒྱའི་བདེ་བ་ཆེན་པོའི་གར།།དགྱེས་པའི་དཔལ་ལ་རོལ་དང་སྐུ་ཚེ་རིང་།།༼འཁོར་འདས་ཆོས་ཀྱི་གནད་གསང་དེ་ཉིད་ལགས།།༽འཁོར་ངན་ཞེན་ཆགས་བྲལ་བའི་ངེས་འབྱུང་སྨོན།།ཡང་དག་བྱང་ཆུབ་སེམས་ལ་ངེས་པར་འདུན།།སྣང་སྲིད་རྣམ་དག་བསྐྱེད་རྫོགས་དམ་ཚིག་བཅའ།།ཡང་གསང་རྫོགས་ཆེན་རྟོགས་པའི་གསོལ་འདེབས་མཛོད།།རྒྱལ་བ་སྲས་བཅས་དགྱེས་པའི་དགེ་སྒྲུབ་གཅིག།གཞན་ཕན་བྱང་ཆུབ་སེམས་ཀྱི་སྙིང་རྗེ་གཉིས།།དག་རྫོགས་སྨིན་གྲོལ་བརྩོན་པའི་ཕྲིན་ལས་གསུམ།།སྦྱོར་དངོས་རྗེས་གསུམ་ཚང་བས་འབད་པར་གཅེས།།

9. རླུང་བུམ་པ་ཅན་འདི། ཕྱི་ནང་མཐུན་མོང་བའི་ཉམས་བཞེས་ཅིག་ཡིན་པ་འདྲ། དེས་ན་བོད་རིགས་སློབ་གཉེར་བ་གཞོན་སྐྱེས་ཚོས། ཕྱི་རོལ་པའི་འཕྲུལ་འཁོར་རམ། ཡོ་ག་མས་ཊར་ཞབས་ནས་སྦྱང་རྒྱུ་ཡོད་མེད་ཤེས་རྒྱུ་གལ་ཆེ་བར་མཐོང་ལགས།