གྲགས་པ།
དེ་རིང་སྤྱི་ཚེས་ ༢༧ ཉིན་ཧྥ་རན་སིའི་རྒྱལ་ས་པེ་རེ་སི་ནས་སྲིད་སྐྱོང་སློབ་བཟང་སངས་རྒྱས་ཀྱིས་མི་མང་ལ་གཏམ་བཤད་སྤེལ་བའི་མཇུག་ཏུ་དྲི་བ་དྲིས་ལན་བྱས་འདུག སྐབས་དེར་ཧྥ་རན་སིར་བཞུགས་པའི་བོད་པ་ཞིག་གིས་སྲིད་སྐྱོང་ལ་དྲི་བ་འདི་འདྲ་ཞིག་དྲིས་འདུག
ཉེ་ཆར་ཨ་རིའི་སྐུ་ཚབ་དོན་གཅོད་ལས་མཚམས་བཞག་པའི་སྐོར་ལ་བཀའ་ཤག་གིས་གསལ་བཤད་དོན་ཚན་བཅུ་ཅན་ཞིག་གསུངས་འདུག དེ་ལ་དོན་གཅོད་ཟུར་པ་སྤེན་པ་ཚེ་རིང་མཆོག་གིས་ཕྱི་ལོ་ ༢༠༡༧ སྤྱི་ཟླ་ ༡༢ བའི་ཚེས་ ༥ ཉིན་བཞུགས་སྒར་རྡ་རམ་ས་ནས་གསལ་བཤད་ལན་འདེབས་དཔང་རྟགས་ཡིག་ཆ་དང་བཅས་བཏོན་འདུག་པ་དེ་ལ་དཔལ་ལྡན་བཀའ་ཤག་དང་སྲིད་སྐྱོང་གི་ངོས་ནས་ངོས་ལེན་ཡོད་དམ་མེད། ཡོད་ན་ཡོད་པའི་ལན་དང་།མེད་ན་མེད་པའི་བཀའ་ལན་མ་གནང་ན་བོད་པའི་སྤྱི་ཚོགས་འདི་ཧ་ཅང་གི་འཁྲུགས་ཆ་དོད་པོ་ཆགས་འདུག ཅེས་དྲིས་པའི་ལན་དུ་སྲིད་སྐྱོང་གིས། ང་ཚོའི་བཀའ་ཤག་གིས་དེའི་སྐོར་ལ་ཡིག་ཐོག་དང་ངག་ཐོག་ནས་གསལ་བཤད་བྱས་པ་དེ་ག་རང་ཡིན་ཟེར་པ་ཙམ་ལས་ལན་མ་གནང་བ་དེ་ནི། དྲི་བ་ལ་གཡོལ་བའི་གཡོ་སྒྱུ་རང་ལས་མ་འདས། དྲི་བ་ལ་ལན་མ་རྒྱབ་པར་སྤེན་པ་ཚེ་རིང་མཆོག་དོན་གཅོད་ནས་ལས་མཚམས་འཇོག་བཅུག་དགོས་དོན་བཀའ་ཤག་གིས་གསལ་བཤད་དོན་ཚན་བཅུ་ཅན་ཞིག་བཏོན་འདུག་པ་དེ་བསྐྱར་བཤད་ཅིག་བྱས་ནས་བཞག་སོང་། དེ་ནི་ཧ་ཅང་གཡོ་སྒྱུ་ཞིག་ཀྱང་རེད་ལ། ཕྱོགས་གཅིག་ནས་སྤེན་པ་ཚེ་རིང་གི་སྐད་ལ་ལན་མེད་པའི་མངོན་རྟགས་ཤིག་ཀྱང་གསལ་པོ་བསྟན་པ་རེད་སྙམ། དེ་ལས་གཞན་པའི་སྲིད་སྐྱོང་གི་སྐད་ནི་གལ་གནད་ཆེ་གང་ཡང་མི་འདུག ལར་ནས་སྲིད་སྐྱོང་ཡོ་རོབ་ནང་ཕྱོགས་བསྐྱོད་བྱེད་དགོས་དོན་དམིགས་བསལ་གང་ཡང་མི་འདུག གང་ལྟར་སྲིད་སྐྱོང་ཡོ་རབ་ནང་འབྱོར་བ་ལ་བརྟེན་ནས་ས་གནས་བོད་རིགས་མང་ཚོགས་ནང་འཁྲུགས་ཆ་དོད་པོ་དང་། ཆོལ་ཁའི་བར་ལ་སྔར་དང་མ་འདྲ་བའི་འགལ་ཟླ་ཤུགས་ཆེན་པོ་ཞིག་འགྲོ་བཞིན་པ་རེད་འདུག
དེ་ནི་ཧ་ཅང་གི་བློ་ཕམས་པོ་རེད། དེ་ནི་སྲིད་སྐྱོང་གི་རྩ་བའི་དམ་ཚིག་དང་ཡོངས་སུ་འགལ་བ་རེད། ཆིག་སྒྲིལ་ཟེར་པ་དེ་ནི་ད་ལྟའི་ལྟར་བྱེ་མའི་འཆང་བུ་ལྟར་དུ་གྱུར་འདུག
ཕྱི་ལོ་ ༢༠༡༨ ཟླ་ ༡ ཚེས་ ༢༧ ཉིན།
ང་ཚོའི་ད་ལྟའི་སྲིད་སྐྱོང་གི་མཚན་ལ། བློ་བཟང་སེངྒེ་རེད་དམ། བློ་བཟང་སངས་རྒྱས་རེད། ལགས། གྲགས་པ་ལགས།།
ཞི་བའི་ལས་འགུལ་སྤེལ་བ་ལ་དམངས་གཙོའི་འགྲོ་སྟངས་ཙམ་ལ་ངོས་འཛིན་གནང་སྟེ་མི་མང་གི་མངོན་འདོད་མ་བསྒྲུབས་པ་ནི་མི་མང་གི་སྐྱིད་སྡུག་ལ་ཐུགས་ཁུར་མ་གནང་བ་དང་རང་འཁྲིས་ལས་དོན་མ་འགྲུབ་པ་ཞིག་རེད།
ཐུན་མོང་གི་ཁེ་ཕན་ཆེད་ལྷག་བསམ་ཟོལ་མེད་ཀྱིས་ལས་འགུལ་སྤེལ་བ་ལ་ཆབ་སྲིད་ཀྱི་གཞི་རྩའི་ལམ་སྲོལ་ཙམ་ལ་ངོས་འཛིན་གནང་ན་ག་ལ་འགྲིག
མི་མང་གིས་ལས་འགུལ་སྤེལ་བ་དང་སྙན་ཞུ་ཕུལ་བ་ལ་བདག་སྤྲོད་གང་ཡང་མ་གནང་བ་འདི་ནི་མི་མང་ལ་མཐོང་ཆུང་བྱས་བ་རེད།
བློ་སེང་ལགས་དང་། དངོས་གྲུབ་ལགས་ཀྱིས།
https://www.facebook.com/serkyiphonga/videos/885024351656882/?hc_location=ufi
ད་མ་བཤད་ཁ་དྲོ་སེམས་མི་བདེ་ཀི་ཕན་ཐོག་ནི་ཁག་པོ་རེད་དེ་ལས་འཇམས་ཅག་གེ་བཞག་ན་མཐུན་སྒྲུལ་ལ་ཏོག་ཙམ་ཕན་འེ་ཡོང་སྙམ་གི་་་མ་གཏོགས་ད་ཇོ་བོ་རིན་པོ་ཚར་རྒྱུ་རེད་