༄༅། །ྋགོང་ས་ྋསྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་ནས་གཞིས་བྱེས་བོད་མིས་མཚོན་བོད་བརྒྱུད་ནང་བསྟན་གྱི་རྗེས་འཇུག་སེར་སྐྱ་ཀུན་དང༌། བོད་དང་བོད་མིར་འབྲེལ་ཆགས་ཀྱི་སྐྱེ་འགྲོ་ཡོངས་ལ་སྩལ་བའི་གལ་ཆེའི་བཀའ་ཡིག

Comments (75) on “༄༅། །ྋགོང་ས་ྋསྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་ནས་གཞིས་བྱེས་བོད་མིས་མཚོན་བོད་བརྒྱུད་ནང་བསྟན་གྱི་རྗེས་འཇུག་སེར་སྐྱ་ཀུན་དང༌། བོད་དང་བོད་མིར་འབྲེལ་ཆགས་ཀྱི་སྐྱེ་འགྲོ་ཡོངས་ལ་སྩལ་བའི་གལ་ཆེའི་བཀའ་ཡིག”

1. རྒྱལ་བ་ཇོ་ནང་པ་ནི་ལྟ་གྲུབ་དང་ཆོས་བརྒྱུད་རང་ཚུཊ་ཐུབ་པ་ཞིག་ལ་ངོས་འཛིན་བྱས་པ་ཡིན།
   འདོན་སྤེལ། ༢༠༡༡/༠༩/༢༤

   དེ་རིང་ཆོས་ཚོགས་ཐེངས་བཅུ་གཅིག་པའི་མཇུག་སྡོམ་སྟེང་གྲོས་ཆོད་བཞག་སྟེ། བཙུན་མའི་རྒྱུགས་སྤྲོད་དང་མཚན་གནས་ཁུངས་སོ་སོས་ཐག་གཅོད་བྱ་རྒྱུ་དང་། ཆོས་དོན་ལྷན་ཚོགས་ཀྱི་ཁྲིམས་གཞི་བསྐྱར་བཅོས་ཡོང་ཐབས་བྱ་རྒྱུ། ཇོ་ནང་པ་ནི་ལྟ་གྲུབ་དང་ཆོས་བརྒྱུད་གང་ཐད་ནས་རང་རྐང་ཚུགས་ཐུབ་པ་ཞིག་ཡིན་པར་ངོས་འཛིན་བཅས་ཐག་གཅོད་གནང་སོང་།

   དེ་རིང་ཉིན་བརྒྱབ་བཞུགས་སྒར་ངྷ་སར་འཚོགས་བཞིན་པའི་བོད་ཀྱི་ཆོས་ལུགས་ཆོས་བརྒྱུད་ཁག་ཚོགས་ཆེན་ཐེངས་བཅུ་གཅིག་པ་མཇུག་སྒྲིལ་ཏེ། གྲོས་གཞི་གྲོས་དོན་ཚན་ ༩ ལ་གྲོས་ཆོད་ཁག་ཅིག་བཞག་ཡོད་པའི་སྐོར་སི་རྱི་གསོལ་མགྲོན་ཀང་དུ་གསར་འགོད་གསལ་བསྒྲགས་བསྐྱངས་དོན་ལྟར་ན། དང་པོ་ཆོས་ཚོགས་ཐེངས་ ༡༠ པའི་གྲོས་ཆོད་ཁག་གི་སྐོར་ལ། ཆོས་རིག་ལས་ཁུངས་ཀྱིས་ལག་བསྟར་མ་ཐུབ་པ་རྣམས་འབྲེལ་ཡོད་ཚང་མས་མཇུག་བསྐྱང་བྱ་རྒྱུ་དང་། གྲོས་གཞི་དོན་ཚན་གཉིས་པ་དགོན་སྡེ་ཁག་གི་སློབ་གཉེར་སྐོར་ལ། དགོན་སྡེ་ཁག་གི་སློབ་སྦྱོང་གནང་རྒྱུར་སྔར་བར་ཚགས་ཚུད་དང་ཡར་རྒྱས་སོང་ཡོད་ཀྱང་། ད་དུང་མཇུག་གནོན་ཕྱག་བསྟར་མུ་མཐུད་དགོས་པ་དང་། ལྷག་པར་ཐོས་བསམ་སློབ་གཉེར་ལ་འགལ་རྐྱེན་ཆགས་གཞིའི་ལག་ཐོགས་ཁ་པར་དང་། གློག་ཀླད་འཕྲུལ་ཆས་རིགས་སློབ་གཉེར་དུས་ཡུན་སྤྱི་དང་དམིགས་བཀར་ཚོགས་དང་ཆོས་རྭར་བཀག་སྡོམ་བྱ་རྒྱུ།

   གྲོས་གཞི་དོན་ཚན་གསུམ་པ་བཙུན་མ་སློབ་གཉེར་མཐར་སོན་གྱི་མཚན་གནས་སྐོར་ལ། གཞུང་ཆེན་སློབ་གཉེར་གནང་བཞིན་པའི་བཙུན་མའི་འདུས་སྡེ་སྤྱིར་ཁྱབ་པའི་མཚན་གནས་གཅིག་གྱུར་གཏན་འབེབས་མ་དགོས་པར། ཆོས་ལུགས་ཆོས་བརྒྱུད་སོ་སོའི་ལམ་སྲོལ་ཇི་ཡོད་ལྟར་མཚན་གནས་གང་འོས་རེ་ཁུངས་སོ་སོ་ནས་གནང་རྒྱུ་དང་། རིས་མེད་བཙུན་དགོན་ཁག་གིས་སློབ་ཚན་དང་འཛིན་རིམ་བསྐྱར་ཞིབ་ཀྱིས་རྒྱུགས་སྤྲོད་དང་མཚན་གནས་འབུལ་ཕྱོགས་འཆར་འབུལ་ཇི་བྱུང་ཆོས་ཚོགས་སྐབས་ ༡༢ པའི་ཐོག་གཏན་འབེབས་གནང་རྒྱུ།

   གྲོས་གཞི་དོན་ཚན་བཞི་པ་གདན་ས་ཁག་གི་ཚན་རིག་སློབ་ཁྲོད་སྐོར་ལ། བཤད་གྲྭའི་སློབ་ཚན་རང་གི་ནང་དུ་ཚན་རིག་སློབ་ཚན་བཅུག་ཏེ་སློབ་ཁྲིད་བྱ་རྒྱུར་དཀའ་ངལ་ཆེ་ཐོག དགོན་པའི་དམིགས་ཡུལ་དང་འཚམས་པའི་ཕན་ཐོགས་ཀྱང་དེ་ཙམ་ཡོང་དཀའ་བར་བརྟེན། ད་ཡོད་ཚན་རིག་གི་ལས་རིམ་རྒྱུན་མཐུད་ཐོག ནང་ཆོས་ཀྱི་གོ་རྟོགས་མཐོ་ཞིང་རིག་སྟོབས་བཟང་བ་ཁག་ལ་ཚན་རིག་སློབ་སྦྱོང་གོ་གོ་སྐབས་བསྐྲུན་ཐབས་བྱ་རྒྱུ།

   གྲོས་གཞི་དོན་ཚན་ལྔ་པ་༼ ཆོས་དོན་ལྷན་ཚོགས ༽ སྐོར་ལ། བཀའ་བརྒྱུད་སྤྱི་ལ་ཁྱབ་པའི་དབུ་ཁྲིད་ཅིག་གཏན་འཇགས་སམ་རེས་མོས་ཀྱིས་ཕེབས་རྒྱུ་གནས་སྐབས་ལག་བསྟར་དཀའ་བར་བརྟེན། ཆོས་དོན་ལྷན་ཚོགས་ཀྱི་གྲུབ་ཆ་མི་ཚང་བའི་དཀའ་ངལ་འདི་བཞིན། ཆོས་རིག་ལས་ཁུངས་དང་ཆོས་ཚོགས་གཉིས་ནས་སེལ་ཐབས་ཐུབ་མིན་ལ། འབྲེལ་ཡོད་ལས་ཁུངས་ནས་ཁྲིམས་བཟོ་ལྷན་ཚོགས་སུ་སྙན་གསན་གྱིས་ཁྲིམས་ཡིག་བསྐྱར་བཅོས་མཛད་ཕྱོགས་ཇི་བཀབ་གནང་སྐྱོང་ཡོང་བ་ཞུ་རྒྱུ།

   གྲོས་གཞི་དོན་ཚན་དྲུག་པ་རྒྱལ་སྤྱིའི་ཐོག་གི་ནང་པའི་ཆོས་པ་ཚོར་ལྟ་སྟངས་སྐོར་ལ། བོད་ཀྱི་ཆོས་ལུགས་ཆོས་བརྒྱུད་ཁག་གི་དགོན་སྡེ་ཡོངས་ཀྱི་མཁན་པོ་དང་སློབ་དཔོན། ལས་སྣེ་ཐམས་ཅད་མཚན་དོན་མཚུངས་པའི་ཆ་རྐྱེན་ཚང་བ་ཤ་སྟག་བསྐོ་བཞག་ཐོག རབ་བྱུང་ངུར་སྨྲིག་གི་སྡེ་དང་གོས་དཀར་ལྕང་ལོ་ཅན་གྱི་སྡེ་སོ་སོའི་ཆ་ལུགས་མ་འདྲེས་པ་བྱ་རྒྱུ་དང་། ཕྱི་རྒྱལ་ཆོས་ཚོགས་ཁག་ཏུ་མི་འགྲོ་གཏོང་སྐབས། ཡོན་ཏན་དང་ཀུན་སྤྱོད་ཡག་པོ་རྐྱང་གཏོང་རྒྱུར་སྔར་ལས་དོ་དམ། གལ་སྲིད་ཕྱི་རྒྱལ་ཆོས་ཚོགས་ཀྱི་མི་སྣའི་ཀུན་ངན་པོ་བྱུང་ན། ཆོས་བརྒྱུད་སོ་སོའི་ངོས་ནས་ཞིབ་འཇུག་དང་སྟངས་འཛིན་དོ་ནན་བྱ་རྒྱུ།

   གྲོས་གཞི་དོན་ཚན་བདུན་པ་དགེ་སློང་མའི་སྡོམ་རྒྱུན་སྐོར་ལ། ད་ཕན་དགེ་སློང་མའི་སྡོམ་རྒྱུན་སྐོར་ལ་ལོ་མང་ཉམས་ཞིབ་གནང་བའི་གྲུབ་དོན་དེབ་ཕྲེང་ཁ་ཤས་པར་སྐྲུན་ཟིན་པའི་ནང་གསལ་ལྟར། གཞི་ཐབས་ཅད་ཡོད་པར་སྨྲ་མའི་དགེ་སློང་མའི་སྡོམ་རྒྱུན་མེད་པ་དང་། སྡེ་པ་གཞན་གྱི་དགེ་སློང་མའི་སྡོམ་རྒྱུན་ཡང་ཁུངས་དག་ཐེ་ཚོམ་ཡོངས་སུ་བྲལ་བ་ཞིག་མེད་པའི་གནས་ཚུལ་འཁོད་པར་བརྟེན། ཆོས་རིག་ལས་ཁུང་ནས་ཆོས་བརྒྱུད་ཁག་གི་འདུལ་བ་འཛིན་པའི་མཁས་པའི་ཚོགས་ཆུང་ཟུར་འཛུགས་ཀྱིས། དགེ་སློང་མའི་སྡོམ་རྒྱུན་སླར་གསོ་གནང་ཐབས་ཡོད་མེད་ཀྱི་མཐའ་མའི་ཐག་གཅོད་རྒྱུ་མཚན་དང་བཅས་གསལ་བསྒྲགས་གནང་འཐུས།

   གྲོས་གཞི་དོན་ཚན་བརྒྱད་པ་རྒྱལ་བ་ཇོ་ནང་པའི་སྐོར་ལ། ཆོས་ཚོགས་སྔོན་མའི་གྲོས་ཆོད་ནང་། རྒྱལ་བ་ཇོ་ནང་པའི་ཆོས་འབྱུང་སྐོར་ཉམས་ཞིབ་བྱ་རྒྱུ་གསལ་ཡང་། གཅིག་ནས་བཀའ་བརྒྱུད་སྐུ་ཚབ་གཏོང་ཐབས་མ་བྱུང་བའི་ཆ་ནས་ཞིབ་འཇུག་ཚོགས་ཆུང་ད་བར་ཚུགས་ཐུབ་མེད་པ་དང་། གཉིས་ནས་རྒྱལ་བ་ཇོ་ནང་པ་ནི། ལྟ་གྲུབ་དང་ཆོས་བརྒྱུད་གང་གི་ཆ ནས་རང་རྐང་ཚུགས་ཐུབ་པ་ཞིག་ཡིན་པར་ཆོས་ཚོགས་འདི་ནས་ངོས་འཛིན་བྱུང་བར་བརྟེན། ཞིབ་འཇུག་ཚོགས་ཆུང་དགོས་གལ་མ་མཆིས། འོན་ཀྱང་། ཇོ་ནང་པར་ཆོས་བརྒྱུད་སྤྱི་འཐུས་ཀྱི་ཐོབ་ཐང་གནང་མིན་ནི་ཁྲིམས་བཟོ་ལྷན་ཚོགས་ཀྱི་འགན་དབང་ཡིན་པ་ལས་ཆོས་ཚོགས་འདིར་འབྲེལ་བ་མེད་པའི་ངོས་འཛིན་བྱུང་།

   གྲོས་ཆོད་དོན་ཚན་དགུ་པ། སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ནི། བོད་གངས་ཅན་པ་ཁོ་ནའི་ཡིད་བཞིན་ནོར་བུ་མིན་པར། ཞི་བདེ་དང་བདེན་པ་འཚོལ་བའི་འཛམ་གླིང་མི་མང་སྤྱི་དང་། བྱེ་བྲག་ཧི་མ་ལ་ཡའི་རི་རྒྱུད་དང་ཆེན་པོ་ཧོར། བོད་གངས་ཅན་གྱི་ལྗོངས་སོགས་ནང་པ་ཡོངས་ཀྱི་སྤྱི་ནོར་ཡིན་པས། སྔོན་ཆད་མི་རབས་ནས་མི་རབས་བར་མགོན་པོ་གང་གིས་རྗེས་སུ་བཟུང་བ་དང་། ད་ལྟའང་ཐུགས་བརྩེ་བ་ཆེན་པོས་མཉེས་བཞིན་རྗེས་སུ་འཛིན་བཞིན་པ་ལྟར། འབྱུང་འགྱུར་ཡང་འཕགས་མཆོག་སྤྱན་རས་གཟིགས་ཀྱི་སྐུའི་ཕྲེང་བ་རིམ་པས་མི་རབས་ནས་མི་རབས་བར་མཉེས་བཞིན་རྗེས་འཛིན་ཡོང་བའི་གསོལ་བ་ཕུར་ཚུགས་སུ་འདེབས་རྒྱུ། ཅེས་གཏན་འབེབས་གནང་འདུག་ལ། མཇུག་ཏུ་ཉེ་ལམ་འབྲས་ལྗོངས་སུ་ས་ཡོམ་གོད་ཆག་བྱུང་བར་མཆོག་གསུམ་ལ་གསོལ་འདེབས་དང་། ཤུལ་ལུས་རྣམས་ལ་གདུང་སེམས་མཉམ་སྐྱེད་བཅས་གནང་སོང་།

   གསར་འགོད་པ། དཔལ་ལྡན།
   དུས་བ་ལས་སོ།

2. གྲོས་གཞི་དོན་ཚན་ལྔ་པ་༼ ཆོས་དོན་ལྷན་ཚོགས ༽ སྐོར་ལ། བཀའ་བརྒྱུད་སྤྱི་ལ་ཁྱབ་པའི་དབུ་ཁྲིད་ཅིག་གཏན་འཇགས་སམ་རེས་མོས་ཀྱིས་ཕེབས་རྒྱུ་གནས་སྐབས་ལག་བསྟར་དཀའ་བར་བརྟེན། ཆོས་དོན་ལྷན་ཚོགས་ཀྱི་གྲུབ་ཆ་མི་ཚང་བའི་དཀའ་ངལ་འདི་བཞིན། ཆོས་རིག་ལས་ཁུངས་དང་ཆོས་ཚོགས་གཉིས་ནས་སེལ་ཐབས་ཐུབ་མིན་ལ། འབྲེལ་ཡོད་ལས་ཁུངས་ནས་ཁྲིམས་བཟོ་ལྷན་ཚོགས་སུ་སྙན་གསན་གྱིས་ཁྲིམས་ཡིག་བསྐྱར་བཅོས་མཛད་ཕྱོགས་ཇི་བཀབ་གནང་སྐྱོང་ཡོང་བ་ཞུ་རྒྱུ།

3. བཀའ་བརྒྱུད་དབུ་ཁྲིད་རེས་མོས་ལྟར་ལོ་གསུམ་རེར་རྗེ་བོ་རྒྱག་ཡག་ད་ག་རང་འགྲིགས་པར་སེམས། ཇོ་ནང་ཆོས་བརྒྱུད་དོན་དང་ལྡན་པ་ཞིག་ཡོང་རྒྱུར་ཚང་མའི་རྒྱབ་སྐྱོར་ཡོད་པར་མཁྱེན།

4. བོད་པའི་ཁ་སྟབས་སྐྱོ་བོ།།
   བླ་མས་ཐོ་བོས་རྡུངས་ཀྱང་།།
   ཆོས་ལྡན་གངས་ཅན་བོད་མིར།།
   ཚེ་སྲོག་ཡོད་པ་རེད་དོ།།

   བླ་མ་སྤྲུལ་སྐུ་མེད་ཀྱང་།།
   དད་ལྡན་འཚོ་ཐབས་ཡོད་ལ།།
   བླ་མའི་མངའ་ཐང་མེད་ཀྱང་།།
   བོད་པ་འཚོ་ཐབས་ཡོད་དོ

5. བཀའ་ཡིག་གི་ཆེས་མཐའ་མའི་སྡེ་ཚན་དེའི་ནང་གི་སྐུ་ཕྲེང་བཅོ་ལྔ་པའི་ཡང་སྲིད་ཅེས་པ་དེ་ནོར་བ་རེད། བཅུ་བཞི་པའི་ཡང་སྲིད་ཡིན་རྒྱུ་རེད། འདི་ནི་འབྲི་ནོར་ཤོར་བ་ཞིག་ཡིན་ངེས།

6. རྒྱལ་དབང་སྐུ་ཕྲེང་རྗེས་མ། ཞེས་པའི་དོན་ཚན་དེའི་ནང་གི་”སྐུ་ཕྲེང་བཅོ་ལྔ་པའི་ཡང་སྲིད་ངོས་འཛིན་” ཞེས་པ་དེ་”སྐུ་ཕྲེང་བཅུ་བཞི་པའི་ཡང་སྲིད་ངོས་འཛིན་”ཞེས་དང་། ཡང་དེའི་ནང་གི་”ལུས་དང་གྲིབ་བཞིན་”ཞེས་པ་དེ་”ལུས་དང་གྲིབ་མ་བཞིན་”ཞེས་འབྲི་གནང་ཡོང་བ་ཞུ།

7. རྩ་གསུམ་བླ་མའི་བཀའ་ལུང་འཁྲུལ་མེད་འདི།།
   བོད་མི་འདི་ཕྱི་གཉིས་ཡོད་རློམ་མཁན་ཚོར།།
   ལག་ལེན་གསེར་གྱི་ཐིགས་པ་བྱེད་དགོས་པ།།
   ད་ནས་བཟུང་དེ་བརྡ་ལན་གནངས་པ་བསྟོད།།

8. ཁ་བརྡའི་དྲ་བདག་ཚོ། ཨ་ཁུ་དགྲ་ལྷ་ཞེས་པ་འདིའི་མཆན་དག་ལ་ཞིབ་འཇུག་ཅིག་གནང་རྒྱུ་གལ་ཆེ་འདུག
   མི་འདིས་བྱ་སྤྱོད་ལ་དོ་སྣང་དང་ཚད་བཀག་ཡོད་ན་བཟང་སྙམ།

9. ༸གངས་ཅན་མགོན་པོས་སྲིད་ཁྲིར་བཞུགས་ཙམ་གྱིས།།
   གངས་ལྗོངས་ཆོས་སྲིད་ཟུང་འབྲེལ་གྱུར་མིན་ཏེ།།
   ཁྲིམས་བཟོ་ཁང་གི་ཚོགས་གྲོས་ཚོགས་ར་བའི་ནང་།།
   འོས་ཤོག་གཉིས་ལྡན་ཆོས་པས་ཁྱབ་འདིས་ཀྱང་།།
   མཚན་སྙན་བ་དན་ཤར་གླིང་རབ་གཡོ་བའི།།
   བོད་རྗེ་སྲོང་བཙན་ཡང་སྤྲུལ་༸ཞི་བའི་གཏེར།།
   སླར་ཡང་སྲིད་ཁྲིར་་འཕེབ་མིན་མི་འདྲི་སྟེ།།
   སྔར་གྱི་ཐུགས་བསྐྱེད་དམ་བཅའ་བཙན་པའི་ཕྱིར།།

10. ༧རྒྱལ་དབང་སྐུ་ཕྲེང་བཅོ་ལྔ་པའི་ཡང་སྲིད་ཟེར་བ་ནོར་བ་ཡིན་རྒྱུ་རེད།   ངས་ད་ལྟ་རིང་སྐུ་སྒེར་ཡིག་ཚང་གི་གློག་འཕྲིན་ཐོག་ཡི་གེ་ཞིག་བསྐུར་ཟིན།
    གལ་ཏེ་ང་ཚོས་སྐུ་ཕྲེང་བཅོ་ལྔ་པའི་ཡང་སྲིད་༧རྒྱལ་དབང་སྐུ་ཕྲེང་བཅུ་དྲུག་པ་བཤད་བསྡད་པ་ཡིན་ན།   རྒྱ་ནག་གིས་༧རྒྱལ་དབང་སྐུ་ཕྲེང་བཅུ་བཞི་པའི་ཡང་སྲིད་ངོས་འཛིན་བྱས་ནས་བེད་སྤྱོད་ཡག་ཐག་ཆོད་གཏོང་ཐུབ་ཀྱི་རེད།
    འདི་ཡིག་ནོར་ཡིན་པའི་རེ་བ་ཡོད།

11. ཐོབ་ཐང་ལ་རྔམས་པའི་ཨ་ཁུ་དགྲ་ལྷ།
    དགའ་ལྡན་ཁྲི་པའི་གདན་ཐོབ་འདི་ཕལ་ཆེར་དོན་དངོས་ཀྱི་ལོ་རྒྱུས་མངོན་སུམ་དུ་མཇལ་རྒྱུ་ཡོད་པ་ནི་བོད་
    ཉེ་བའི་ཆར་བོད་གངས་ཅན་གྱི་བསྟན་སྲིད་སླད་རང་ལུས་མཆོད་མེར་སྒྲོན་མཁན་རྣམ་པ་བཞིས་གཙོས་བཙོན་དུ་དཀའ་སྡུག་མྱོང་བཞིན་པ་བརྒྱ་ཆ་དགུ་བཅུ་བརྒལ་བ་དགེ་ལུགས་པ་ཡིན་ཙང་དོན་གྱིས་ཐོབ་པ་ཞིག་མིན་ནམ་སྙམ་བྱུང་བས་རྔ་ལ་དཔག་པའི་འཆམ་ཞིག་ཁྲབ་པ་ཡིན་ཤས་ཆེ།
    དེ་མིན་དཀའ་ལས་རྒྱག་མཁན་ལ་གཟེངས་རྟགས་གང་སྤྲོད་དགོས་སམ།
    འཛྷཇམ་མགོན་ས་པཎ་གྱི་ཞལ་སྔ་ནས།
    བདེ་བ་ཆུང་ལ་ཆགས་པ་དེས།།
    ཆེན་པོའི་བདེ་བ་ཐོབ་མི་སྲེད།།
    ཅེས་གསུངས་པ་མ་ཡིན་ནམ།
    གཞན་ཡང་གདན་ཐོབ་ཅེས་པ་ནི་རྟག་བརྟན་ཐེར་ཟུག་ཞིག་མ་ཡིན་པར་བྱས་རྗེས་ཅན་ལ་གཟེངས་རྟགས་འབུལ་བྱེད་ཀྱང་ཡིན་པའི་ཕྱིར་རོ།
    དཔལ་ཆོས་ཀྱི་གྲགས་པས་ཀྱང་ཚད་མ་རྣམ་འགྲེལ་དུ་
    རྒྱུ་ཚོགས་པ་ལས་འབྲས་སྐྱེ་བ།
    རྗེས་སུ་དཔག་པ་གང་ཡིན་པ་ཞེས་མཚན་རིག་དང་མཐུན་ཞིང་དོན་ལ་གནས་པར་གསུངས་པའི་ཕྱིར་རོ།

12. སྣྲོན་ངག་ཁྲི་ལགས།
    གདན་ཐོབ་ལ་ཇུས་ཏོགས་མེད་ཀྱང་བོད་ནང་གི་དཔའ་བོ་དང་དཔའ་མོ་ཚང་མ་དགེ་ལུགས་པ་ཡིན་མདོག་སྨྲ་བ་ནི་ཕྱོགས་ལྷུངས་ཀྱི་གཏམ་ཁོ་ནར་ཟད།
    འོ་ན་དགའ་ལྡན་ཁྲི་ཟུར་མགོ་གཉིས་མ་དེ་དཔའ་བོ་རེད་པས་ཡང་ན་ཞབས་འདྲེན་པ་རེད། གུང་ཁྲན་གྱིས་གསོལ་སྟོན་གཅིག་གིས་རྒྱལ་མཚན་ནོར་བུའི་ཡོངས་འཛིན་ལ་བསྐོ་བཞག་གནང་བ་ཡིན་རྒྱུ་མ་རེད་པ།
    མ་ཟད་ལྷ་འདྲེ་གདོན་བགེགས་ཚོགས་པ་དེ་ཚོ་དགེ་ལུགས་པའི་དཔའ་བོ་ཨེ་རེད། ཡིན་རྒྱུ་རེད་བཞུགས་སྒར་ཕོ་བྲང་འགྲམ་དུ་མི་གསོད་ཁྲག་སྦྱོར་བྱས་པ་དང་གདན་སའི་འབྲུ་མཛོད་དང་མཁན་པོ་མེར་སྒྲོན་མཁན་དེ་དཔའ་བོ་མིན་ན་དེ་ལྟར་ལས་མི་སྲིད། ཧ་ཧ་

13. གྲོགས་པོ་ཚོ། བརྗོད་དང་འབྲེལ་བའི་བསམ་འཆར་གླེང་རོགས།

14. དགོངས་དག བརྗོད་བྱ་དང་འབྲེལ་བའི་བསམ་འཆར་འདོན་རོགས།

15. བྱ་རྗེས་བཞག་མཁན་ངོས་མ་དགེ་ལུགས་རེད་སྣྲོན་ངག་ཁྲིའི་གསུང་པ་དེ་རྒྱབ་སྐྱོར་ཡོད་། བོད་མེད་པ་བཟོ་མཁན་སུ་ཡིན་ནམ་ཁྱེད་རང་ཚོའི་མཁྱེན་གྱི་ཡོད་དམ། ད་ལྟ་བོད་རྒྱལ་ཁབ་མིང་ཙམ་མེད་པ་བཟོ་ཚར་སོང་།

16. བྱ་རྗེས་བཞག་མཁན་ངོས་མ་དགེ་ལུགས་རེད་སྣྲོན་ངག་ཁྲིའི་གསུང་པ་དེ་རྒྱབ་སྐྱོར་ཡོད་། བོད་མེད་པ་བཟོ་མཁན་སུ་ཡིན་ནམ་ཁྱེད་རང་ཚོའི་མཁྱེན་གྱི་ཡོད་དམ། ད་ལྟ་བོད་རྒྱལ་ཁབ་མིང་ཙམ་མེད་པ་བཟོ་ཚར་སོང་།བོད་པ་སྙིང་རྗེ་བོད་རྒྱལ་ཁབ་ཟེར་བ་ལོ་རྒྱུས་་ཡོད་པ་དེ་ད་ག་འདྲ་ཆགས་སོང་ངོས་མ་སེམས་སྐྱོ་གི་འདུག །

17. ༧གོང་ས་རྒྱལ་དབང་སྐུ་འཕྲེང་བཅུ་བཞི་པ་ཆེན་པོ་མཆོག་ངོས་འཛིན་ཞུ་སྐབས་པཎ་ཆེན་སྐུ་འཕྲེང་དགུ་པ་ཐུབ་བསྟན་ཆོས་ཀྱི་ཉི་མ་མཆོག་གིས་ཐུགས་ཁུར་ཆེན་པོ་བཞེས་ཡོད། སྐབས་དེ་དུས་ཀུན་གཟིགས་མཆོག་མདོ་སྨད་ཁུལ་དུ་བཞུགས་ཡོད་པས་སྐུ་འཁོར་ཞབས་གྲས་སྤྲུལ་སྐུ་གསུམ་མདོ་སྨད་ཁུལ་དུ་ཡང་སྲིད་རིན་པོ་ཆེ་འཚོལ་དུ་གཏོང་གནང་མཛད་པ་དང་། དེ་ཁོངས་ནས་དངུལ་ཆུ་རིན་པོ་ཆེ་ནས་སྟག་འཚེར་གྱི་ལྷ་མོ་དོན་གྲུབ་མཆོག་དང་། ཚེ་མཆོག་གླིང་རིན་པོ་ཆེ་དང་། སྟེང་སྐྱེས་རིན་པོ་ཆེ་རྣམ་གཉིས་ནས་ཀྱང་བལྟས་བཟང་བའི་བྱིས་པ་གཉིས་ཀྱི་མཚན་དང་། ལོ་རྒྱུས་ཀུན་གཟིགས་མཆོག་ལ་ཕུལ་བར་སྟག་འཚེར་དུ་འཁྲུངས་པ་དེ་ཡང་སྲིད་འཁྲུལ་མེད་ཡིན་གསུངས་པ་དང་། དེའི་སྐོར་གྱི་ཞིབ་ཕྲ་རྒྱལ་པོ་ར་སྦྲེང་ལ་ཡང་ནང་མའི་ཕྱག་བྲིས་སྩལ། དེ་རྗེས་བོད་ནས་ཡང་སྲིད་འཚོལ་ཞིབ་པ་རྣམས་སྐྱེ་གུ་མདོར་འབྱོར་སྐབས་ཀུན་གཟིགས་མཆོག་ལ་བཀའ་སློབ་ལམ་སྟོན་ཞུས་པར་སྟག་འཚེར་གྱི་དེ་འཁྲུལ་མེད་ཡིན་ཀྱང་ད་དུང་ཁྱེད་རང་ཚོ་ས་གནས་ས་ཐོག་ཏུ་ཕེབས་ཏེ་བརྟག་དཔྱད་ཡག་པོ་གནང་དགོས་པའི་བཀའ་གནང་བ་དང་། ཕྱག་རོགས་སུ་དེ་སྔོན་སྟག་འཚེར་དུ་ཕེབས་མྱོང་ཡོད་པ་དངུལ་ཆུ་རིན་པོ་ཆེ་ཡང་གཏོང་གནང་མཛད་ཡོད།

18. ༄༅། །འདྲེན་མཆོག་ཐམས་ཅད་མཁྱེན་པ་གང་ལ་བསྟོད་པ་

    ངེས་བརྗོད་སྙིང་གི་བདུད་རྩི་ཞེས་བྱ་བ། །

    གང་ཐུགས་ཡེ་ཤེས་དྲྭ་བའི་མུ་ཁྱུད་འཁོར་འདས་ཆོས་ཀུན་ཅིག་ཅར་བཟླུམས། ། གང་གསུང་འགག་མེད་ཚངས་དབྱངས་རོལ་མོ་ཐ་དད་མོས་པའི་རྗེས་སུ་འགྲོ། ། གང་སྐུ་མཚན་དཔེའི་ལང་ཚོ་གསལ་རྫོགས་སྲིད་པ་གསུམ་ན་ལྷམ་མེ་བ། །སྐལ་བཟང་རྣམ་འདྲེན་སྟོང་ལས་ཕུལ་གྱུར་ཐུབ་དབང་ལྷ་ཡི་བླ་མར་འདུད། །
    རྒྱལ་ཀུན་ཐུགས་རྗེའི་ཆུ་གཏེར་འཁྱིལ་བ་ལས། །
    ལེགས་འཁྲུངས་་སྲིད་ཞིའི་གདུང་སེལ་འོད་དཀར་ཅན། །
    གངས་ཅན་འགྲོ་བའི་དཔལ་དུ་ཤར་བའི་ལྷ། །
    འཕགས་མཆོག་མིག་མི་འཛུམ་པས་འགྲོ་འདི་སྐྱོངས། །
    ངག་ལ་ངག་གི་དབང་ཕྱུག་དགྱེས་རོལ་ཞིང༌། །
    བློ་ལ་བློ་བཟང་མཁྱེན་རབ་དཀྱིལ་འཁོར་རྒྱས། །
    ཐུབ་བསྟན་ཡོངས་སུ་འཛིན་ལ་ཟླ་བྲལ་བ། །
    བརྩེ་བ་རྒྱ་མཚོའི་བདག་ཉིད་མཆོག་དེར་གུས། །
    སྲིད་ཞིའི་དཔལ་ཡོན་མ་ལུས་འདུས་པའི་ཕུལ། །
    དོན་ཀུན་གྲུབ་པའི་རིང་ལུགས་ཁོ་ན་སྟེ། །
    དེ་དོན་ཇི་བཞིན་འདོམས་མཛད་དགེ་བའི་བཤེས། །
    བསྟན་འཛིན་དམ་པའི་མགོན་དེ་ཕྱག་གི་གནས། །
    དད་གསུམ་འདབ་སྟོང་འཛུམ་པའི་སྐྱེད་ཚལ་ནས། །
    གུས་འདུད་ཕྱག་གི་ཟློས་གར་བསྒྱུར་དང་ལྷན། །
    བསྟོད་གསོལ་སྙན་པའི་རོལ་མོ་དེང་ཁྲོལ་ན། །
    དྲི་མེད་ཡེ་ཤེས་ཀློང་ནས་དར་ཅིག་དགོངས། །
    རིག་སྟོང་ཆོས་སྐུ་མེ་ལོང་དྭངས་མའི་གཞིར། །
    འོད་གསལ་སྒྱུ་འཕྲུལ་བཀོད་པའི་མདངས་བཀྲ་ཡང། །
    ད་དུང་ཁ་བའི་མདངས་འཛིན་ཨུཏ་པ་ལའི། །
    འཁྲི་ཤིང་ཕྱག་ན་གཡོ་བའི་འཇོ་སྒེག་ཅན། །
    གང་གི་ཐུགས་རྗེ་ཟླ་གཞོན་བྱེ་བའི་མདངས། །

    གངས་ཅན་བསོད་ནམས་དཔལ་དུ་འཛུམ་མ་ཐག །
    ནང་གི་མུན་པ་སོལ་བའི་རང་མདངས་ཅན། །
    ཡོངས་སངས་མཁའ་ལ་སྣང་བས་ཁྱབ་པ་བཞིན། །
    ཁྱད་པར་སྤྲུལ་རབས་ཉི་ཟླའི་ཕྲེང་བ་ཅན། །
    གངས་ལྡན་འགྲོ་བའི་ཡིད་མཁར་རེས་མོས་ཀྱིས། །
    ཕན་བདེའི་འོད་སྣང་འགྱེད་ལ་རྟག་བྲེལ་བས། །
    ཕུན་ཚོགས་འོད་ལྡན་ལ་ཡང་སྐྱེངས་པ་བྱིན། །
    ལུགས་ཟུང་གསེར་གྱི་འཁོར་ལོའི་རྩིབས་སྟོང་བཀྲ། །
    ཕུན་ཚོགས་སྡེ་བཞི་དཔལ་གྱི་བེའུར་འཁྱིལ། །
    ཐབས་མཁས་ཐུགས་རྗེའི་གདུགས་མཆོག་ཀླད་ན་མཛེས། །
    ཕྱོགས་ལས་རྣམ་པར་རྒྱལ་བའི་རྒྱལ་མཚན་བསྒྲེངས། །
    ཟབ་རྒྱས་ཆོས་ཀྱི་དུང་སྒྲ་སྙན་ལ་འཇེབས། །
    གདམས་ངག་བདུད་རྩིའི་བུམ་བཟང་བརྗིད་ལ་ལྟེམ། །
    ཚུལ་ཁྲིམས་པད་མའི་མཚོ་གླིང་བསིལ་ལ་འཇམ། །
    སྐལ་བཟང་གསེར་གྱི་ཉ་མོ་གར་ལ་རྩེན། །
    དེ་ལྟར་རྫོགས་ལྡན་དུས་ཀྱི་སྙེམས་ལྡན་པ། །
    འདས་པའི་གངས་ལྗོངས་དགེ་ལེགས་རྩེར་སྙེགས་པའི། །
    ངོ་མཚར་གྲགས་པ་དཀར་པོའི་མུ་ཁྱུད་ཀྱིས། །
    ཛམ་བུས་མཚན་པའི་གླིང་འདི་སྐལ་བཟང་བྱས། །
    འོན་ཏང་རྣམ་གྲོལ་བདུད་རྩིའི་གླིང༌། །
    བདག་གིར་མ་བྱས་དེ་སྲིད་དུ། །
    འདུས་བྱས་གློག་གི་གར་མཁན་མས། །
    བསླུས་པར་མ་གྱུར་སྲིད་ན་གང༌། །
    ཐུན་མོང་ལེགས་བྱས་རི་མོ་ནི། །
    མར་ཟླའི་ཉ་ལ་ཅོ་འདྲི་བའི། །
    དུས་ངན་མུན་པའི་འཁོར་ཁྱིམ་ཅན། །
    གངས་ཅན་རི་བོའི་མཐོངས་སུ་ལྷགས། །
    ནག་པོའི་རྩ་ལག་སྡེ་བཅས་ཀྱི། །
    འཚེ་བ་ཆུ་སྲིན་གླལ་བའི་ཁར། །
    ཕྱོགས་པའི་བསིལ་ལྗོངས་བསྟན་སྲིད་ཀྱི། །
    ཕན་བདེའི་སྲོག་ཟུངས་སྡུད་ལ་ཉེ། །
    དེ་ཚེ་རྒྱལ་ཀུན་མཁྱེན་བརྩེ་ནུས་པའི་དཔལ། །
    ཕྱག་ན་པད་དཀར་འཆང་དང་པད་མ་སྐྱེས། །
    དབྱེར་མེད་རྒྱལ་སྲས་དཔའ་བོའི་རྣམ་རོལ་གྱིས། །
    སླར་ཡང་འགྲོ་འདི་སྐྱོབས་ལ་ལྷག་པར་བྲེལ། །
    སྐྱེ་མེད་ཡི་གེའི་སྒྲ་ལྡན་མཚོ་སྔོན་པོ། །
    ལྷ་ཀླུ་དྲང་སྲོང་གྲུབ་པའི་བསྟི་གནས་སུ། །
    དགེ་ལེགས་ངོ་མཚར་བྱེ་བའི་ལྟས་དང་བཅས། །
    མཐོང་གྲོལ་མཚན་དཔེའི་པད་མོ་རྣམ་པར་བཞད། །
    གོང་མའི་ཞལ་ཆེམས་གསེར་གྱི་སྤྲིངས་ཡིག་དང༌། །
    བསླུ་མེད་རྩ་གསུམ་ལྷ་ཡི་བཀའ་ལུང་དང༌། །
    ཉིད་ཀྱིས་དུས་གསུམ་སྒྲིབ་མེད་གཟིགས་ཚུལ་གྱིས། །
    འཁྲུལ་བྲལ་ལྷ་མིའི་འདྲེན་པར་ཡིད་ཆེས་རྙེད། །
    དེ་ཚེ་སྐལ་བཟང་དྲེགས་ལྡན་བྱེ་བ་བརྒྱའི། །
    འདར་ལྡན་རལ་བའི་ཅོ་པན་གཡོ་བའི་རྩེར། །
    ཞབས་སེན་འཁོར་ལོའི་གཟི་བྱིན་འཁྱིལ་བ་ཡིས། །
    ཡིད་སྲུབས་སྡེ་བཅས་སྙིང་ལ་མྱ་ངན་བྱིན། །
    ཕྱག་ན་པད་མོ་རང་གི་རྒྱལ་སྲིད་དུ། །
    འཁོད་པའི་གྲགས་པ་དཀར་པོའི་རྔ་ཡབ་ཀྱིས། །
    རྣམ་མང་སྙིང་ལ་བདུད་རྩིས་བྲན་པ་བཞིན། །
    དགའ་དང་སེམས་ཀྱི་མྱོང་བ་མཚོན་ནུས་མིན། །
    ཐུབ་པའི་རྒྱལ་ཚབ་སྡོམ་བརྩོན་མཁན་སློབ་དྲུང༌། །
    གནག་སྣུམ་དབུ་ལོའི་གཙུག་ཕུད་ལེགས་ཕུལ་ཏེ། །
    ཚངས་སྤྱོད་དུལ་བ་གཞོན་ནུའི་ངང་ཚུལ་གྱིས། །
    ཁམས་གསུམ་ཡིད་འཕྲོག་ཚངས་དབང་ལྷས་ཀྱང་བསྙེན། །
    སྒོ་གསུམ་གཅིག་ཏུ་དཀར་བའི་དཀྱིལ་འཁོར་ལ། །
    བཅས་རང་རི་དྭགས་མཚན་མས་ཡོངས་བཏང་བས། །
    སྟོན་ཟླ་གསལ་བའི་དཔལ་ཡང་སྐྱེངས་གྱུར་ཏེ། །
    དབང་ཕྱུག་རལ་བའི་ཀློང་དུ་གབ་པར་རྩོམ། །
    ལས་ཉོན་དུག་སྦྲུལ་གདུག་པའི་ལྕེ་ཞགས་ཀྱིས། །
    བཏབ་པའི་ཉམ་ཐག་མ་མའི་འགྲོ་བ་ཀུན། །
    ཞི་བསིལ་བྱང་ཆུབ་གླིང་དུ་སྐྱེལ་མཛད་པའི། །
    འཕགས་ཆེན་མཁའ་ལྡིང་དར་མའི་དཔུང་ཤུགས་ངོམ། །
    དེ་ཚེ་དབྱིངས་ནས་སྲས་བཅས་རྒྱལ་ཀུན་གྱིས། །
    སྲིད་ཞིར་ཤིས་པའི་མེ་ཏོག་ཆར་འབེབས་ཤིང། །
    བཞད་པ་བརྒྱད་ཀྱིས་མངོན་པར་བཞད་པའི་སྒྲས། །
    ཞི་བར་གཟིམས་པ་རྣམས་ཀྱང་འགོག་ལས་སློང༌། །
    དམ་པའི་བཤེས་གཉེན་བསྟེན་ལ་རྟག་ཏུ་ངུའི། །
    ངོ་མཚར་རྣམ་ཐར་རྒྱ་མཚོ་ལྷུར་བཞེས་པས། །
    བླུན་པོ་ནོར་རྐྱལ་མིང་གིས་དྲེགས་པ་འགའ། །
    སེང་གེའི་གསོབ་ཀྱི་ཟླ་ལ་ཅི་ཕྱིར་འགོད། །
    ཐོས་བསམ་རིན་ཆེན་སྣང་བའི་མུ་ཁྱུད་ཅན། །
    ཟབ་རྒྱས་ཆོས་ཀྱི་མཁའ་ལ་ཡོངས་བཏེགས་ཏེ། །
    མཁྱེན་གཉིས་ལང་ཚོ་དར་བའི་འཇོ་སྒེག་གིས། །
    མཁས་རྣམས་ཡིད་ཀྱི་བརྟན་པ་ཅི་ཡང་འཕྲོག །
    ལྟ་ངན་དྲྭ་བ་སྟུག་པོས་ཡོངས་ཁེབས་པའི། །
    ཕས་རྒོལ་བྲག་རི་ཕྱེ་མར་གཞིག་བྱེད་པ། །
    རིགས་ལམ་རྡོ་རྗེའི་མེ་ཆར་སྤྲོ་བ་ལ། །
    ཆོས་ཀྱི་གྲགས་པའི་སྙན་པ་ཁྱོད་ཀྱིས་འགོག།
    བསྟན་པའི་གཞི་མ་སོ་སོར་ཐར་བའི་སྲོལ། །
    འདུལ་ལུང་བཞི་ཡི་དགོངས་དོན་རྨ་མེད་པ། །
    ཇི་བཞིན་བདག་གིར་བཞེས་ཤིང་གཞན་འདོམས་པ། །
    ཡོན་ཤཱཀ་ཟུང་གི་རྗེས་སུ་རྐང་པ་འཇོག །
    ཕུང་ཁམས་སྐྱེ་མཆེད་ཀྱིས་བསྡུས་ཆོས་སོ་ཅོག
    གསུང་རབ་མངོན་པའི་གཞུང་དུ་བསྟན་པ་ཀུན། །
    ཐོགས་མེད་མཁྱེན་པའི་ཀློང་དུ་དགྱེས་རོལ་བས། །
    ཀུན་མཁྱེན་དབྱིག་གི་གཉེན་དང་ཡང་དག་སྡེབས། །
    ཐལ་འགྱུར་ལུང་དང་རིགས་པའི་འཕྲུལ་ཐབས་ལས། །
    མཐའ་བྲལ་དབུ་མའི་དེ་ཉིད་གསལ་བྱས་ཏེ། །
    སྟོང་ཉིད་སེང་གེའི་ང་རོ་སྒྲོགས་པ་ལ། །
    མཁས་པ་ཁྱོད་ནི་ཀླུུ་དབང་གཉིས་པར་གྲགས། །
    འཕགས་བཞིའི་མངོན་རྟོགས་ནོར་བུས་ཡོངས་གཏམས་པའི། །
    ཤིན་ཏུ་རྟོགས་དཀའ་སྦས་དོན་ཟབ་མོའི་གཏེར། །
    འབྱེད་བྱེད་མན་ངག་བྱེ་བའི་ལྡེ་མིག་ཅན། །
    བྱམས་མགོན་བློ་ཡི་ཉི་མ་དེང་ཡང་ཤར། །
    སྒྲ་སྙན་སྨན་རྩིས་བཟོ་ཡི་རིག་པ་སོགས། །
    ཐུན་མོང་འགྲོ་ལ་སྨན་པའི་ཐབས་ཚུལ་ཀུན། །
    ཁྱོད་ཀྱི་དགོངས་པའི་ཀློང་དུ་ཚེགས་མེད་དུ། །
    ཆུབ་ཕྱིར་ལྔ་རིག་སྨྲ་བའི་དབང་པོར་ངེས། །
    མདོར་ན་ཤེས་བྱར་སྲིད་པའི་ཆོས་སོ་ཅོག །
    གང་གི་མཁྱེན་པའི་ལམ་དུ་མ་སོང་བ། །
    མེད་ཕྱིར་ཐམས་ཅད་མཁྱེན་ཅིང་གཟིགས་པ་ཞེས། །
    དོན་ལྡན་བསྔགས་པའི་སྤྲིན་སྒྲ་སྲིད་ན་རྒོད། །
    གུར་གུམ་ཕྱེ་མར་བཏགས་པའི་རྡུལ་ཕྲེང་གིས། །
    ས་ཆེན་དམ་དུ་འཁྱུད་ལ་ཅོ་འདྲི་བའི། །
    དགེ་ལྡན་བསྟན་པ་ཀུན་ཏུ་རྒྱས་པ་ལ། །
    དམ་པ་ཁྱོད་ནི་བློ་བཟང་རྒྱལ་བ་དངོས། །
    བརྒྱུད་གསུམ་གདམས་པའི་གསེར་འགྱུར་རྩི་སྨན་གྱིས། །
    ཕལ་གྱུར་མོས་པའི་ལྕགས་ཁམས་ཡོངས་དག་ནས། །
    ཟང་ཐལ་འཇའ་སྐུར་གྲོལ་བའི་ཐབས་མཆོག་ཅན། །
    གྲུབ་དབང་ཁྱོད་ནི་པད་མའི་གདུང་འཚོབ་ཉིད། །
    འཁོར་འདས་དམིགས་དང་མི་དམིགས་ཆོས་རྣམས་ཀུན། །
    དོན་དམ་ཕྱག་རྒྱ་ཆེན་པོར་བྱང་ཆུབ་པས། །
    རེ་དོགས་སྤངས་བླང་མཚན་མ་རབ་ཞི་བ། །
    རྗེ་བཙན་བཞད་པའི་རྡོ་རྗེར་ཡང་དག་མཚུངས། །
    རྨད་བྱུང་མཁས་པའི་བྱ་བ་རྣམ་གསུམ་གྱིས། །
    བློ་གསལ་དགའ་སྐྱེད་ལོག་རྟོགས་མུན་པ་སེལ། །
    རྣལ་གྲོལ་བདུད་རྩིའི་དགའ་སྟོན་འགྱེད་མཁས་པས། །
    འཇམ་དབྱངས་ས་ལོའི་རྣམ་ཐར་རྗེས་སུ་བསྙེགས། །
    གང་ཞིག་དབུལ་ཞིང་ཕོངས་ལ་རིན་ཆེན་གཏེར། །
    ཐར་ལམ་ཡོངས་སུ་འཚོལ་ལ་དགེ་བའི་བཤེས། །
    འཇིགས་ཤིང་སྐྲག་པའི་ཉེན་ལ་སྐྱབས་ཀྱི་མཆོག །
    འགྲོ་བའི་རེ་སྐོང་དམ་པ་ཕྱག་བྱའི་ཡུལ། །
    དེ་ལྟར་བཅོས་མིན་དད་པའི་རང་མདངས་ལ། །
    ཟོལ་བསྟོད་གཡོན་མའི་འཛུམ་གྱིས་མ་བསླད་པར། །
    བསྟོད་ཚིག་ཕྲེང་བ་ཕུལ་འདིས་འགྲོ་བ་ཀུན། །
    འཕགས་མཆོག་ཐུགས་རྗེའི་དཔལ་དང་མི་འབྲལ་ཤོག །

19. ས་དང་ལྷུན་པོ་ཉི་ཟླ་གནས་ཀྱི་བར།
    མགོན་ཁྱོད་རི་དབང་བཞིན་དུ་བརྟན་བཞུགས་ནས།
    ཉམས་ཐག་པུར་རྒྱལ་ལྗོངས་ཀྱི་འགྲོ་བ་རྣམས།
    ཐུགས་བརྩེའི་ལྕགས་ཀྱུས་མ་ལྷོད་དམ་དུ་བཟུང་།
    གདོན་འདྲེན་ལྷ་རུ་བཀུར་བའི་བླ་གཟུགས་དང་།
    ཆོལ་ཁ་ནང་ཕུན་དཀྲུགས་པའི་སྐྱལ་སྟོང་རྣམས།
    ཕ་གསོད་ཀླ་ཀློའི་རྗེས་སུ་མ་འབྲངས་པར།
    འཕགས་མཆོག་གྲུ་འཛིན་མགོན་པོའི་བཀའ་དྲིན་སོམས།
    བདག་ཀྱང་སྐྱེས་ཤིང་སྐྱེ་བ་ཐམས་ཅད་དུ།
    མགོན་ཁྱོད་ཐུགས་རྗེ་ལྕག་ཀྱུས་ཉེར་བཟུང་ནས།
    ཐམས་ཅད་དོན་དུ་འགྲོ་བའི་དམ་ཆོས་ཀུན།
    རྒྱས་པར་བྱེད་ལ་ནམ་ཡང་མི་ཞུམ་ཤོག

20. དགའ་ལྡན་ཁྲི་པ་ལ་རྒྱལ་བ་ལྔ་པས་བོད་ཀྱི་བླ་ཆེན་གྱི་ནང་ནས་རིམ་པ་ལྔ་པ་དེ་མ་གཏོགས་སྤྲད་མེད་ཀྱང་དེང་སང་རིམ་པ་གཉིས་པ་ལ་ཧོམ་དེ་བསྐྱལ་ཚར་འདུག་གདན་ཐོབ་འདི་ལོ་རྒྱུས་ཀྱི་འགན་ཁུར་མེད་པར་སུ་ཞིག་གིས་བཟོས་བ་རེད།རྒྱལ་མཆོག་ལྔ་པས་བྲིས་པའི་དུ་ཀུ་ལིའི་གོས་བཟང་ལ་གཟིགས་པ་འཚལ།

21. རྒྱལ་དབང་བཅུ་བཞི་པ་མཆོག་འདི་ལྟ་བུའི་སྐྱེས་བུ་ཞིག་བྱུང་བ་དང་། བོད་ལ་བཀའ་དྲིན་ཅི་ཙམ་ཆེ་བ་དེ་ནི། རྒྱལ་ཚབ་རེ་སྒྲེང་རིན་པོ་མཆོག་གི་མཛད་པ་དང་བཀའ་དྲིན་གྱི་ཆ་ཤ་ཤིག་ཡིན་པར་བོད་མི་ཡོངས་ནས་ངོ་ཤེས་དགོས་པ་རེད།

22. རྒྱལ་ཚབ་རེ་སྒྲེང་རིན་པོ་མཆོག་གི་མཛད་པ་དང་བཀའ་དྲིན་གྱི་ཆ་ཤས་ཤིག་ཡིན་པར་བོད་མི་ཡོངས་ནས་ངོ་ཤེས་དགོས་པ་རེད།

23. ཤེས་བརྩོན་ཐོས་པ་ཅན་གྱི་ཉམ་ཆུང་གི་ཁ་སྟབས།།
    བླུན་པོ་ནོར་རྐྱལ་ཁུར་བའི་དབང་ཤེད་ཀྱིས་བཅོམ་སྟེ།།
    ཆོས་མཐུན་བཀུར་སྟིའི་བཞུགས་གྲལ་གོ་ལོག་ཏུ་བསྡེབས་ནས།།
    སེང་གེ་ཁྲི་ཡི་གཡོག་ཏུ་གྱུར་ཚུལ་འདི་སྐྱོ་བ།།
    དགེ་ཆོས།

24. yam ལགས། ཚིག་བཅད་འདི་ ༸གོང་ས་མཆོག་ལ་སྦྱར་ན་མི་ལེགས་ཀི

25. དོན་དམ་པའི་ཆོས་ལུགས་རིས་མེད་ཆགས་ཡོད་དམ་མེད་བླ་ཆེན་ཚོ་ལོ་རྒྱུས་ཀྱི་འགན་ཁུར་མེད་པའོ་གོ་རིམ་སྒྲིག་སྟངས་ཀྱི་ཟུར་ནས་རྟོགས་ཐུབ་ཧེ་ཧེ་རྒྱལ་མཆོག་ལྔ་པས་དགའ་ལྡན་ཁྲི་པ་ལ་བླ་མའི་གདན་ཐོབ་ཀྱི་ཨང་རིམ་ལྔ་པ་དེ་མ་གཏོགས་ཕུལ་མེད་ཀྱང་དེང་སང་ཧོམ་དེ་དགའ་ལྡན་ཁྲི་པ་ཨང་སྡེ་གཉིས་པའི་ནང་དུ་འཕུར་ཚར་སོང།
    གནས་ཚུལ་འདི་རྒྱབ་ལོགས་སུ་མངོན་པའི་འཆིང་ཐག་དུ་མ་ཞིག་གིས་སྦྲེལ་ཡོད།
    ཆོས་ཚོགས་ཚོགས་དགོས་བའི་དམིགས་ཡུལ་ངོ་མ་དེ་འདི་རེད།དྲ་གྲོགས་ཚོས་གནས་ཚུལ་འདི་ཁ་གསལ་པོ་བྱ་ནས་མཁྱེན་དགོས།

26. འདི་ན་སུ་དང་གང་གིས་མྱི་ཤེས་པའི།།
    གཡུང་དྲུང་ལྷ་ཡི་རྨུ་ཐག་རིང་མོ་འདིར།།
    མཐའ་མྱེད་ཆོས་དབྱིབས་རིག་པའི་དབྱིངས་སུ་བཏགས།།
    རིག་པའི་བུ་ཆུང་ལུས་ཀྱི་ནང་དུ་བཏགས།།
    ལུས་ཀྱི་ཐོ་ཡོར་ཟས་དང་སྐོམ་ལ་བཏགས།།
    ཟས་དང་སྐོམ་ནི་ཕྱི་རོལ་རྐྱེན་ལ་བཏགས།།
    དེ་ལྟར་ཐག་པ་གཅིག་ལ་གཅིག་འཐུད་པས།།
    གཅོད་པའི་ས་མཚམས་གཞན་ནི་ཡོད་མ་ཡིན།།
    ས་མཚམས་གཅིག་ནི་ཀུན་གྱིས་མྱི་འདོད་པ།།
    ལུས་སེམས་འབྲེལ་ཐག་ཆོད་པའི་འཆི་བ་ཉིད།།
    ས་མཚམས་གཅིག་ནི་ཀུན་གྱིས་མྱི་ཤེས་པ།།
    ཐག་པ་རུལ་ནས་དབྱིངས་རིག་འདྲེས་པ་ཉིད།།
    དགེ་ཆོས།

27. ཧཧཧ ཨ་ཁུ་དགྲ་ལྷ་ཟེར་བའི་མི་འདི་ཨུ་ཚུགས་ཆེ་བ་ལ།
    འདུས་བྱས་ཐམས་ཅད་མི་རྟག་པ་ཡིན་པ་ ཁྱོད་ཀྱིས་མ་ཤེས་སམ། མ་ཤེས་ན་པད་མ་ཆོས་འབྱོར་ལ་སྐད་ཆ་དྲིས།

28. འདུལ་སྔགས་ལུགས་ཀྱི་སྡོམ་དང་དམ་ཚིག་གི་རྣམ་གཞག་ལ་དཔྱད་པ། http://www.gdqpzhx.com/bo/html/interview/201108161320.html
    འདི་ཆོས་རིག་ཁུངས་དང་། ཁྲིམས་བཟོ་ལྷན་ཚོགས་སུ་་ཁྲིམས་ཡིག་བསྐྱར་བཅོས་མཛད་ཕྱོགས་ནང་ཆོས་ཀྱི་གོ་རྟོགས་ལ་ཕན་ཐོགས་རྒྱུ།

29. ང་དེང་སང་ཁ་བརྡ་ཚང་གིས་རྒྱང་ཕུད་བཏང་ཟིན་པས། ད་དུང་ཨུ་ཚུགས་ཀྱིས་ཡོང་བཞིན་ཡོད།

30. གངས་བུ་རྩེ་རྒྱལ་ལགས། ཁྱེད་ཀྱི་སྙན་ངག་དེ་དཔེ་མེད་སྙན་པོ་ཞིག་འདུག ཁྱེད་ལ་འདོད་མོས་ཡོད་ན་ངས་དྲ་བའི་མདུན་ངོས་སུ་འགོད་ཆོག

31. སྤོབས་པ་མཐའ་ཡས་ལགས། ཁྱེད་ཀྱིས་གང་བདེར་གནང་ཆོག་ཞུ་ལགས།

32. སྤོབས་པ་མཐའ་ཡས་ལགས་ཀྱིས་གདེང་འཇོག་གནང་བར་ཐུགས་རྗེ་ཆེ་ཞུ།

33. ཅི་འདྲའི་ཞལ་གསུང་སེམས་འཚབ་ལངས་བ་ཞིག་རེད།ད་ང་འདྲ་བའི་ཅང་ཞུ་མི་ཤེས་བ་རང་ཉིད་ལ་གསལ་ན་ཡང་གང་ཉིད་ཀྱི་ཞབས་ཟུང་ལ་འཐམ་ནས་ངུ་ན་འདོད། ཕ་མས་བུ་ཕྲུག་ལ་བརྩེ་སྐྱོངས་བཞིན་གྱི་བཀའ་སློབ་དེ་དག་བསམ་ན་ངས་ཀྱང་རང་ཉིད་ཀྱིས་ནུས་ཚོད་ཅིག་སྟེ།མངོན་ལྐོག རྒྱབ་མདུན། ཉེ་རིང་། དབུལ་ཕྱུག མཐོ་དམན། ངོ་ཤེས་སོགས་ཀྱི་དབྱེ་འབྱེད་མེད་པར་ཕན་ཆེ་ཐོག་ཆུང་ཐོག་གང་ཡོད་ལ་རེམ་ན་འདོད། ཞབས་པད་ཡུན་རིང་བརྟན་པའི་གསོལ་འདེབས་བཅས།

34. བཞེད་འདོད་ལྷུན་གྱིས་གྲུབ་གྱུར་ཅིག །
    ༸སྐུ་ཚེ་ཡུན་དུ་བརྟན་འགྱུར་ཅིག །

35. གྲལ་རིམ་དང་གདན་ཐོབ་ཅེས་པ་འདི་ཕལ་ཆེར་མི་སོ་སོའི་འཇོན་ཐང་དང་ནུས་པ་ལས་གཞན་མི་གང་ཞིག་གིས་སྤྲོད་རྒྱུ་ལ་དགུགས་ནས་ཐོབ་པ་ལས་ཤོར་བར་ཐག་ཉེ་བས་སོ། །
    གདན་ལ་རྩོད་པ་ལས་བྱས་རྗེས་ལ་གཟིགས་དང་། དེའི་དགོས་པ་ཆེ་རྒྱུ་རེད།

36. ༡༽༸གོང་ས་མཆོག་གིས་རྒྱལ་ཁམས་དམངས་གཙོར་འབད།།
    བླ་སྤྲུལ་ཕལ་ཆེར་ཐོབ་དང་གོ་སར་འགྲན།།
    རྒྱ་དམར་ཚང་གིས་བླ་མའི་ཡང་སྲིད་སྒུག།
    ཨ་ཕོ་དགྲ་ལྷ་འདས་པའི་རྨི་ལམ་བསྒོམས།།
    བྱ་བ་བརྗོད་པ་མཐའ་མའི་གསལ་བྱེད་ཀྱི་རྒྱན།
    ༢༽མཁས་རྣམས་ཐུགས་ལ་རྣམ་མང་ཤེས་བྱའི་དོན།།
    ཚོང་པའི་སེམས་ནང་གསེར་དངུལ་ཁེ་བཟང་སྐོར།།
    འདོད་ལྡན་སྙིང་ལ་གཟུགས་མཛེས་ན་ཆུང་ལུས།།
    ཕྱོགས་ལྷུང་འབྱུང་བྱས་མུན་ཁྲོད་ཟ་འཐུང་བསྒོམས།།
    ༣༽དཔའ་བོ་ཕལ་ཆེར་རྒྱལ་འབངས་འཕྲལ་ཕུགས་དོན།།
    སྡར་མ་ཕལ་ཆེར་ཕྱི་ཞིམ་ནང་སྟག་སྟེ།།
    བླུན་པོ་ཕལ་ཆེར་མིག་སྔའི་ཐོབ་བྱ་ཙམ།།
    དམ་སྲི་ཕལ་ཆེར་རང་སྡེ་དཀྲུག་ལ་འབད།།

37. དཔའ་བོ་ཕལ་ཆེར་རྒྱལ་འབངས་མི་རིགས་དོན།།
    སྡར་མ་ཐམས་ཅད་ཕྱི་ཞིམ་ནང་སྟག་ཉིད།།
    བླུན་པོའི་ཡིད་ལ་འཕྲལ་གྱི་ཐོབ་ཐང་སྟེ།།
    དམ་སྲི་འབྱུང་བྱས་མུན་པའི་འཇིག་རྟེན་རྩོད།།
    བོད་གཞུང་སྤོབས་པས་དམ་ཉམས་ཟུར་དུ་བཏོན།།
    རྒྱ་གཞུང་གཡོ་ཡིས་དེ་རྣམས་བྲན་དུ་བཀོལ།།
    ཨ་རིའི་གཞུང་གིས་རྒྱ་བོད་རེས་ཀྱིས་སྤྱད།།
    ཨིན་འཕགས་ཟུང་གིས་བོད་དོན་ཚོང་དུ་གཉེར།།
    ྸ

38. གཞན་ཕན་སྙིང་རྗེའི་སྣུམ་དང་བྲལ་ན་ཡང༌།།
    རིག་རྩལ་ཐབས་མཁས་གློག་གི་ཆོ་འཕྲུལ་གྱིས།།
    དྲང་བོའི་མི་ལ་འཁྱོག་པོའི་ལམ་སྟོན་པ།།
    སྐྲ་སེར་སྤྲེའུའི་རིགས་ལ་དོགས་ཟོན་མཛོད།།

39. སྟོང་ཉིད་སྙིང་རྗེ་ཟུང་དུ་འཇུག་པའི་ལམ།
    ཆེ་ཆེར་གསལ་མཛད་གངས་ཅན་བསྟན་འགྲོའི་མགོན།
    ཕྱག་ན་པདྨོ་བསྟན་འཛིན་རྒྱ་མཚོ་མཆོག།
    ཞབས་པད་སྐལ་བརྒྱའི་བར་དུ་བརྟན་གྱུར་ཅིག།
    བཀའ་ཡིག་འདི་བཞིན་དུས་ཐོག་ཆར་པ་རང་རེད། གུང་ཁྲན་གྱིས་རྒྱལ་གཅེས་ཆོས་གཅེས་ཞེས་པའི་ངན་གཡོའི་འོག་སྤྲུལ་སྐུའི་ཡང་སྲིད་ངོས་འཛིན་ཚོགས་པ་ཞིག་བཙུགས་ཡོད་སྐད། དེས་གནད་ཡོད་ཀྱི་ཡང་སྤྲུལ་ཆབ་སྲིད་ལག་ཆར་བེད་སྤྱོད་བྱེད་རྒྱུ་གདོན་མི་ཟ་བས། དེས་ན་བཀའ་ཡིག་འདིས་གཡོ་ཇུས་རང་བཞིན་ལྡན་པའི་ཐབས་ལམ་བེད་སྤྱོད་བྱེད་ས་མེད་པ་ཆགས་ཚར་བ་རེད།

40. ད་བར་འཕགས་པ་མིག་མི་འཛུམ་པའི་མི་ཡི་རྣམ་རོལ། རྒྱལ་ཀུན་སྙིང་རྗེའི་རང་གཟུགས། འཕགས་མཆོག་ཕྱག་ན་པདྨོ། སྙིང་རྗེའི་གཏེར་ཆེན་སོགས་སྤྱན་རས་གཟིགས་ཀྱི་མཚན་དང་སྦྱར་བ་ལས། རྡོ་རྗེ་འཆང་ཟེར་བ་ད་ལན་ལས་གོ་ཐོས་མེད། འདི་ཡང་རྒྱུ་མཚན་ཞིག་ལོས་ཡོད།

41. ༧སྤྱི་ནོར་༧གོང་ས་༧ཡིད་བཞིན་ནོར་བུ་མཆོག་ད་ལོ་དགུང་གྲངས་དོན་དྲུག་ཡིན་པ་དང་། ཕྱིས་སུ་དགུང་གྲངས་གྱ་བཞི་ལ་ཕེབས་དུས་ཡིག་ངག་གཉིས་ཐོག་ནས་སྐུ་ཕྲེང་བཅུ་བཞི་བའི་ཡང་སྲིད་སྐུ་ཕྲེང་བཅོ་ལྔ་བའི་སྐོར་གསལ་བོར་ལམ་སྟོན་གནང་རྒྱུ་ཞལ་བཞེས་གནང་བ་ལ་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་དང་། དེ་ནས་ད་དུང་མུ་མཐུད་དེ་སྐུ་ཚེ་ཁྲི་ལོར་བརྟན་པའི་གསོལ་བ་གྲངས་མེད་འདེབས།

42. ༧སྤྱི་ནོར་༧གོང་ས་༧ཡིད་བཞིན་ནོར་བུ་མཆོག་ད་ལོ་དགུང་གྲངས་དོན་དྲུག་ཡིན་པ་དང་། ཕྱིས་སུ་དགུང་གྲངས་གྱ་བཞི་ལ་ཕེབས་དུས་ཡིག་ངག་གཉིས་ཐོག་ནས་སྐུ་ཕྲེང་བཅུ་བཞི་བའི་ཡང་སྲིད་སྐུ་ཕྲེང་བཅོ་ལྔ་བའི་སྐོར་གསལ་བོར་ལམ་སྟོན་གནང་རྒྱུ་ཞལ་བཞེས་གནང་བ་ལ་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་དང་། དེ་ནས་ད་དུང་མུ་མཐུད་དེ་སྐུ་ཚེ་ཁྲི་ལོར་བརྟན་པའི་གསོལ་བ་གྲངས་མེད་འདེབས།

43. དགོངས་དག་མཆན་གཉིས་འགྲོ་སོང་བས་གཅིག་གསུབ་རོགས་གནང་ཞུ་རྒྱུ།

44. ༸གོང་ས་མཆོག་གི་ཡང་སྲིད་ངོས་འཛིན་གནང་ཕྱོགས་སྐོར་ཞལ་གདམས་བཀའ་ཡིག་འདི་བཞིན་ཕྱི་ནང་གི་གཡོ་གར་མང་པོ་ཞིག་གཟིགས་ནས་འཇོག་གནང་མཛད་པ་ཞིག་ཡིན་པས། དེ་ནི་མང་ཚོགས་རྣམས་རྨོངས་གཉིད་ལས་གྲོལ་ནས་པེ་ཅིང་དང་རྡ་སའི་བར་ལ་ཇུས་ཏོག་མང་ཙམ་བྱེད་དགོས་པར་མཐོང་།།

45. རྒྱལ་དབང་དགེ་འདུན་གྲུབ་པ་དགུང་ན་ཆུང་ངུའི་སྐབས་སུ་གཙང་ཁ་བསྟོད་དུ་ལུག་འཛི་གནང་ནས་བཞུགས་པའི་སྐབས་སུ་ཕྱག་མཛུབ་ཀྱིས་རྡོ་ལ་མ་ཎི་བྲིས་པ་རྣམས་དེང་སྐབས་མཇལ་རྒྱུ་འདུག སྐུ་འཁྲུངས་ས་གམ་པའི་འབྲོག་ས་དེ་ཡང་ངོས་འཛིན་་བདེ་པོ་འདུག

46. རྒྱལ་དབང་ཡབ་སྲས་གཉིས་ལས་པཎ་ཆེན་རིན་པོ་ཆེའི་ཡང་སྲིད་མཇུག་བསྒྲིལ་བ་རེད། དགེ་འདུན་ཆོས་ཀྱི་ཉི་མ་མུན་པའི་བཙོན་དུ་ཡོད་དམ་གང་དུ་ཡོད་ཆ་མ་འཚལ། སྔོན་དུ་གོ་སྐབས་ཡོད་ཀྱང་ཐོབས་སྟངས་མེད། ད་ལྟ་ཐོབས་སྟངས་ཡོད་ཀྱང་གོ་སྐབས་མེད། ཁྱོད་ཀྱི་བོད་དོན་་ཆེད་དུ་སྐུ་སྲོག་བློས་བཏང་ཡང་། བཙན་བྱོལ་བོད་མིའི་བླ་ཆེན་རྣམས་ནི་རྒྱ་དམར་ལ་བཞེད་ནས་ཁྱོད་ཀྱི་མཚན་ཙམ་ཡང་འབོད་མ་ནུས་། ཚོང་པ་རྒྱག་པ་ལགས། ཁྱོད་ཉིད་རྒྱ་དམར་གྱི་བཙོན་དུ་ཕྱག་དང་ཞབས་ལ་ལྕགས་སྒྲོགས་ཀྱིས་བཅིངས་ནས་བཞུགས་སྐབས་བཙན་བྱོལ་ནང་གི་བླ་ཆེན་རྣམས་ནི་གསེར་ཁྲི་སེར་པོའི་སྟེང་ནས་སྤྲོ་སྐྱིད་ཀྱི་དགའ་སྟོན་ལ་རོལ། ད་ཆ་ཁྱོད་མེད་ལ་ཁྱོད་ཀྱི་ཡང་སྲིད་ཀྱང་མེད། དེ་ནི་བོད་མི་ས་ཡ་དྲུག་གིས་ཁྱོད་ལ་བཀའ་དྲིན་གྱི་ལེགས་གསོལ་ཞིག་ཡིན། རིན་པོ་ཆེ་ལགས་དགོངས་དག།

47. ད་ལན་ཆོས་ཚོགས་གལ་ཆེ་འདི་འདྲ་ཞིག་ཚོགས་པ་རེད་བླ་ཆེན་ཚང་མ་འཛོམས་པ་རེད་ཡིན་ན་ཡང་ཀུན་གཟིགས་པཎ་ཆེན་རིན་པོ་ཆེའི་ཡང་སྲིད་ངོ་མ་དེ་དགེ་འདུན་ཆོས་ཀྱི་ཉི་མ་དང་། རྒྱལ་མཚན་ནོར་བུ་སུ་ཡིན་གསལ་བཤད་ཙམ་ཡང་མེད་པ་དེས་བླ་ཆེན་དེ་དག་གུང་ཁྲན་ཏང་ལ་ཞེད་པ་གསལ་པོ་རེད་བློ་ཕམ་ཡོད། རྒྱ་མིའི་དངུལ་མང་ཙམ་བཞེས་ནས་བོད་མི་རྣམས་ལ་ཆོས་གསུངས་དེ་ནི་ཁྱོད་རྣམས་ཀྱི་ཡོན་ཏན་ཡིན།

48. འདི་འདྲ་བའི་གལ་ཆེའི་གསལ་བསྒྲགས་ནང་ཡིག་ནོར་དུ་མ་འདུག་པ་བློ་ཕམ་ཡོད་ལ་ངོ་ཚ་ཡང་རེད།

49. གང་ལྟར་༧གོང་ས་ཡབ་སྲས་གཉིས་ཀྱི་ཡང་སྲིད་དུས་རྟག་ཏུ་གནས་གྱུར་ཅིག།།

50. དོན་མེད་རྩོད་པའི་ལས་ཀྱིས་དུས་འདའ་ཞིང་།།
    བསམ་མེད་བྱིས་པའི་ཀུ་ཅོ་འདོན་པའི་ཁྲོད།།
    དམ་སྲིས་ཁོག་བརློམ་འབྱུང་བོའི་ཁྱུ་ཚོགས་རྣམས།།
    ལུགས་གཉིས་གཤེད་དུ་ལངས་པའི་ཟློས་གར་རྩེན།།

    ཆོས་མེད་སྤྲང་པོའི་སྤྲང་མདོག་སྟོན་པ་ཡི།།
    ཆོས་པའི་གཟུགས་བརྙན་འཛིན་པའི་མགོ་རལ་འགའ།།
    ཆོས་བདག་སྟོན་པའི་བསྟན་པ་བསྣུབ་པའི་ཆེད།།
    ཆོས་ཀྱི་དགྲ་རུ་ལངས་པ་འདི་རེ་སྡུག།

51. ༸གོང་ས་མཆོག་ནས།

    གལ་ཏེ་རྒྱལ་དབང་སྐུ་ཕྲེང་རྒྱུན་མཐུད་དགོས་པ་དང༌། སྐུ་ཕྲེང་བཅུ་བཞི་པའི་ཡང་སྲིད་ངོས་འཛིན་བྱ་དགོས་ཀྱི་དུས་སྐབས་ཤིག་ཤར་ཚེ་དེའི་བྱེད་སྒོའི་འགན་ཁུར་གཙོ་བོ་ཏཱ་ལའི་བླ་མའི་བླ་བྲང་དགའ་ལྡན་ཕོ་བྲང་ཡིད་ཆེས་དགེ་རྩའི་དབང་ལྡན་འགན་འཛིན་རྣམས་ལ་ཡོད་པ་དང༌། ཁོ་ཚོས་བོད་བརྒྱུད་ནང་བསྟན་ཆོས་བརྒྱུད་ཁག་གི་དབུ་ཁྲིད་བླ་ཆེན་རྣམ་པ་དང༌། རྒྱལ་དབང་སྐུ་ཕྲེང་ན་རིམ་དང་ལུས་དང་གྲིབ་བཞིན་འགྲོགས་པའི་དམ་ལྡན་ཆོས་སྲུང་ཁག་ལ་སྐབས་བསྟུན་ལམ་སྟོན་ཞུས་ཏེ་ཡང་སྤྲུལ་རྩད་གཅོད་ངོས་འཛིན་སྔོན་སྲོལ་བཞིན་བྱེད་དགོས་པ་དང༌། ངོས་ནས་ཀྱང་བྱེད་ཕྱོགས་དེ་དག་ལམ་སྟོན་གསལ་བཀོད་ཀྱི་ཡིག་འཇོག་བྱ་རྒྱུ་ཡིན་ཞིང༌།

    བཀའ་སློབ་འདིའི་བསྟན་དོན་ལྟར་ན། ༸རྒྱལ་བའི་དགོངས་པར་ཡོད་པའི་མཛད་པ་མཇུག་སྐྱོང་གི་མི་སྣ་དེ་མ་འདས་སྤྲུལ་སྐུ་མིན་དགོས་པ་དེ་གསལ་པོར་བསྟན་འདུག་སྙམ། བོད་མི་སྤྱིའི་དད་མོས་ཀྱི་སེམས་ཁམས་ནས་བཤད་ཀྱང་མ་འདས་སྤྲུལ་སྐུ་ལས་འདས་རྗེས་ཀྱི་ཡང་སྤྲུལ་བསུ་རྒྱུ་དེ་ཤིན་ཏུ་ནས་འཚམ་པ་ཡིན།

    ད་དུང་བཀའ་སློབ་འདིས་བླ་བྲང་དགའ་ལྡན་ཕོ་བྲང་གི་གལ་གནད་ཀྱང་ཤུགས་ལ་བསྟན་ཡོད། དེ་བས་བླ་བྲང་དགའ་ལྡན་ཕོ་བྲང་གི་ཞབས་འདེགས་མི་སྣའི་ནང་ཤེས་འཇོན་དང་ལྷག་བསམ་གསུམ་ལྡན་གྱི་མི་སྣ་མང་ཙམ་བསླེབ་དགོས་པ་དུས་ཀྱི་དགོས་མཁོར་གྱུར་ཡོད་ཅིང་།

    བླ་བྲང་དགའ་ལྡན་ཕོ་བྲང་ནས་ཆོས་བརྒྱུད་ཁག་གི་བླ་ཆེན་དང་འགན་ཡོད་མི་སྣར་བཟུང་བའི་འབྲེལ་ལམ་ཡང་༸གོང་ས་མཆོག་གཅིག་པུར་ཐུག་བསྡད་པ་ལྟ་བུ་ཞིག་མ་ཡིན་པ་ངེས་པར་དུ་ཡིན་དགོས།

    རྒྱ་ནག་དམར་གཞུང་གིས་རྡོ་རྗེའི་ཐོག་མདའ་ལྟ་བུའི་བཀའ་སློབ་འདིར་ངོ་ཚ་མེད་པའི་རྣམ་འགྱུར་ཅི་ཞིག་སྟོན་མིན་དེ་ད་ལྟ་ང་ཚོས་ཞིབ་ཚགས་ཀྱིས་བལྟ་དགོས་པ་ཆགས་ཡོད་ལ།

    བཀའ་སློབ་འདི་དབྱིན་ཡིག་གཅིག་པུ་མིན་པར་ཧིན་དྷི་དང་རྒྱ་ཡིག་སོགས་སྐད་རིགས་མང་དག་ནང་ཕབ་བསྒྱུར་གྱིས་རྒྱ་ཁྱབ་ཏུ་འགྲེམས་བཀྲམ་བྱེད་དགོས་ལ། དམིགས་བསལ་སོག་སྐད་དང་ཧི་མ་ཡའི་རི་རྒྱུད་ཀྱི་ས་ཁུལ་དུ་ད་ལྟ་རང་འབྱོར་ཐུབ་པ་ཞིག་དང་ཐོས་ཐུབ་པ་ཞིག་གི་བྱ་གཞག་སྤེལ་དགོས།

    བཀའ་སློབ་འདི་༸རྒྱལ་བའི་ཡང་སྲིད་ཀྱི་གནད་དོན་ཙམ་ལས་བརྒལ་ཏེ་བོད་བརྒྱུད་སྤྲུལ་སྐུའི་ལམ་སྲོལ་སྤྱིའི་རྣམ་གཞག་ཚིག་ཉུང་དོན་འདུས་ཀྱིས་གསལ་སྟོན་བྱེད་པའི་རིག་པའི་གཞུང་ལུགས་གལ་ཆེན་ཞིག་ཡིན་པའི་མཐོང་སྣང་བྱུང་།

52. ཡ་ཡ། བོད་པའི་སྤྲུལ་སྐུ་རྫུན་བཟོ་མགོ་གཡོག་མགོ་སྐོར་ལམ་ལུགས་དེ་མཇུག་སྒྲིལ་ན་ཡག་ཤོས་རེད། བོད་པའི་སྤྲུལ་སྐུ་དང་སངས་རྒྱས་ཀྱི་བསྟན་པ་གཉིས་ལ་འབྲེལ་བ་ཆེན་པོ་ཅང་ཡོད་ནི་མ་རེད། བོད་པས་རྫུན་བཤད་དེ་སྤྲུལ་སྐུ་ངོས་འཛིན་གྱི་ལམ་ལུགས་དེ་མེད་པ་བྱས་ན་ཡག་ཤོས་རེད། དེ་ནས་བོད་པའི་སྦྱི་ཚོགས་ནང་གི་རྙོག་དྲ་མང་ཤོས་མེད་པ་ཆགས་ཀྱི་རེད། བཀའ་བརྒྱུད་པས་བཀའ་བརྒྱུད་སྦྱི་ལ་ཁྱབ་པའི་དབུ་འཛིན་འདེམས་མ་ཐུབ་པ་དེ་ཡང་བོད་པའི་སྤྲུལ་སྐུའི་ལམ་ལུགས་ཀྱི་ཞབས་འདྲེན་དེ་ཐུག་འདུག

53. བོད་པས་སྤྲུལ་སྐུ་ངོས་འཛིན་གི་ཡིན་ཟེར་ནས་བོད་པའི་སྦྱི་ཚོགས་ནང་གཏོར་བཤིག་བརྒྱབ་པ་ག་ཚོད་ཡོད་རེད། མང་པོ་ཡོད་རེད། ཀརྨ་པའི་སྤྲུལ་སྐུའི་རྙོག་དྲ་ལངས་ནས་བླ་མས་ནང་འཁྲུག་བརྒྱབ།
    རྙིང་མ་པས་བྱ་བྲལ་རི་པོ་ཆེ་མཆོག་གིས་སྐྱབས་རྗེ་བདུད་འཇོམས་རིན་པོ་ཆེའི་ཡང་སྲིད་ངོས་འཛིན་བྱས། ཐུགས་ཐག་བཅད་ཚར་དུས།
    ཡང་བསྐྱར་བདུད་འཇོམས་རྫུན་མ་ཞིག་ལ་སྐུ་སྒེར་ཡིག་ཚང་གིས་ངོས་སྦྱོར་སྤྲད་དེ་བསམ་བཞིན་དུ། རྐང་བཙུགས་ནས་རྙིང་པ་ལ་གཏོར་བཤིག་བརྒྱབ། ད་དེ་འདྲ་མང་པོ་ཡོད་ཡ། ད་སྤྲུལ་སྐུ་ལ་སྐྱུགས་ལོག་ནས་བསྡད་ཡོད། ད་སྤྲུལ་ཡིན་ཟེར་མཁན་དེ་ཚོ་གཅིག་མེད་ན་ཤཱཀྱ་ཐུབ་པའི་བསྟན་སྤུས་དག་པོ་ཆགས་ཀྱི་རེད།

54. བཀའ་རྒྱུད་པའི་དབུ་འཛིན་འདེམས་མ་ཐུབ་པ་དེ་ཡག་པོ་བྱུང་འདུག ད་རྙིང་པ་པས་ཀྱང་མ་བདམས་ན་ཡག་པོ་རེད། ས་སྐྱ་ཚང་གི་ཕ་ཤུལ་བུ་འཛིན་འདི་ཡང་སྟོན་པ་ཤཀྱ་ཐུབ་པའི་ཆོས་དང་དེངས་རབས་ཀྱི་སྤྱི་ཚོགས་འགྲོ་སྟངས་དང་མ་མཐུན་པ་ཡིན་སྟབས་མཚམས་འཇོག་རན་འདུག དབུ་འཛིན་ཟེར་བ་འདི་ཡག་པོ་གཏན་ནས་མི་འདུག

55. འཚོ་བྱེད་བུ་t.p ཟེར་བའི་མཆན་འདི་ཧ་ཅང་སྙིང་རྗེ་པོ་མཐོང་སོང་། སྐབས་འདིར་མཆན་འབྲི་སྟངས་འདི་ལས་ལྷག་པ་ཞིག་རྩ་ནས་མེད་དོ།། མོས་མཐུན་དང་རྒྱབ་སྐྱོར་ཆ་ཚང་ཡོད།

56. བོད་པའི་སྤྲུལ་སྐུ་ལམ་ལུགས་དེ་མཇུག་སྒྲིལ་ན་ཡག་ཤོས་རེད།
    སྤྲུལ་སྐུ་རྫུན་མ་དེ་འདྲ་མང་པའི་ཕྱིར་རོ།
    http://www.youtube.com/watch?feature=related&hl=en&v=bS7wYF6B8kg&gl=US

57. སྤྲུལ་སྐུ་ངོས་འཛིན་བྱས་པའི་ཞབས་འདྲེན་དེ་འདི་འདྲ་ཡིན་ས་རེད
    http://www.youtube.com/watch?v=7BZ5Ma_NbMo

58. གཤམ་གསལ་ཁ་བྱང་ནང་ག་རེ་ཡོད་ཟེར་ན། བོད་པའི་སྤྲུལ་སྐུ་ཚོས་སྤྲུལ་སྐུ་ངོས་འཛིན་བྱེད་ལུགས་སྐྱུགས་བྲོ་བ་ཞིག་གི་གནས་ཚུལ་ཡོད་རེད། རྡོ་རྗེ་འཆང་གི་སྤྲུལ་སྐུ་ངོས་འཛིན་བྱས་པ་རེད། གཟིགས་དང་།
    http://www.youtube.com/watch?v=7BZ5Ma_NbMo

59. བལྟས་པ་ཡིན། ལས་དག་མ་དག་མ་ཤེས། རྒྱལ་བ་རྡོ་རྗེ་འཆང་གསུམ་པ་དེ་མཇལ་སོང་། ཁོང་གི་གཡས་གཡོན་སློབ་མ་དེ་ཚོ་ལྷ་འདྲེ་གང་ཡིན་གསལ་པོ་མི་ཤེས། བོད་ཀྱི་ཆོས་ལུགས་གྲུབ་མཐའི་བླ་མ་ཨ་ཡོད་ད་ཡོད་དེ་ཚོས་རྒྱལ་བ་རྡོ་རྗེ་འཆང་གསུམ་པ་དེ་ངོས་འཛིན་གནང་འདུག ས་སྐྱའི་བླ་ཆེན་ཚང་མ་འདུག རྙིང་མའི་བླ་ཆེན་ཡོད་དོ་ཅོག་ཚང་མས་ངོས་འཛིན་གནང་འདུག ཇོ་ནང་གི་བླ་ཆེན་ཁ་ཤས་འདུག བཀའ་བརྒྱུད་ཀྱི་བླ་ཆེན་ཞྭ་དམར་དང་དེ་མིན་ཁ་ཤས་འདུག དགེ་ལུགས་ཀྱི་བླ་ཆེན་མིན་འདུག 

    ད་དེར་ལྟར་ཡིན་ན། ཅིའི་ཕྱིར་རྒྱལ་བ་རིན་པོ་ཆེའི་ཡང་སྲིད་དགོས་སམ། ང་ཚོར་དེ་ལས་ལྷག་པ་རྒྱལ་བ་རྡོ་རྗེ་འཆང་གསུམ་པ་དེ་འདུག་ག

60. ཏཱ་ལའི་བླ་མའི་བླ་བྲང་དགའ་ལྡན་ཕོ་བྲང་མུ་མཐུད་དུ་གནས་དགོས། གཞན་གྱི་སྟོབས་ཤུགས་ཀྱིས་བོད་ཆོལ་ཁ་གསུམ་ཁྱུར་མིད་གཏོང་བའི་ཆེས་གཉན་འཕྲང་ཅན་གྱི་དུས་སྐབས་སུ་དགའ་ལྡན་ཕོ་བྲང་གི་མིང་བྱང་འདིའི་འོག་འཛམ་གླིང་ཡོངས་སུ་གཟི་འོད་འཕྲོ་ཞིང་དྲང་བདེན་གྱི་བོད་རྣམས་འཆི་བ་ལས་བསྐྱབས་མྱོང་། ནམ་ཞིག་དགའ་ལྡན་ཕོ་བྲང་མཇུག་རྫོགས་པ་དེ་ནས་བཟུང་ལོ་རྒྱུས་ཀྱི་རྡོ་རིང་ཞིག་མེད་སོང་བ་རེད། དེ་ནས་ང་ཚོས་ཁྲིམས་མཐུན་གྱི་ལག་པ་འཆང་ས་ཞིག་མེད་སོང་བ་རེད། རེ་བ་རྒྱག་ས་མེད་སོང་བ་རེད། དེར་བརྟེན་དགའ་ལྡན་ཕོ་བྲང་མུ་མཐུད་དུ་གནས་དགོས། ཁྱོད་གསོན་དགོས། ཁྱོད་འཆི་མི་ཉན། བོད་ནང་གི་བོད་མི་བརྒྱ་ཆའི་དགུ་བཅུ་ཙམ་གྱིས་ཁྱེད་ལ་ཡིད་ཆེས་དང་རེ་བ་བྱེད་བཞིན་ཡོད། འཛམ་གླིང་གི་མི་འབོར་ས་ཡ་མང་པོས་ཁྱེད་ལ་ཁ་ཕྱོགས་ནས་བལྟས་བསྡད་ཡོད། །

61. བཀའ་རྒྱུད་པའི་དབུ་འཛིན་འདེམས་མ་ཐུབ་པ་དེ་རྒྱལ་དབང་འབྲུག་ཆེན་དང་འབྲི་གུང་སྐྱབས་མགོན་གཉིས་ཀྱིས་བཀའ་དྲིན་ཡིན་ས་རེད་ད་ དེ་མིན་སི་ཏིའི་ཀརྨ་པ་བཀའ་རྒྱུད་པའི་དབུ་འཛིན་བྱེད་སྙིང་སྤྲོ་ནས་འབར་འགྲོ་གི་འདུག་ཟེར་གི་ཡ་

62. ཚང་དབྱངས་ལངས། དགེ་ལུགས་བླ་ཆེན་ཁ་ཤས་ཡོད་རེད། རེབ་གོང་རེད་དམ། དགེ་ལུགས་པའི་སྤྲུལ་སྐུ་ཁ་ཤས་ནི་ཏན་ཏན་ཡོད་རེད། ཁོང ཚོའི་མིང་སྨྲོས་ཡོང་གི་འདུག་འ།
    རྒྱ་རྒན་དེ་སྔོན་མ་རྒྱ་ནག་སི་ཁྲོན་གི་ཅག་པ་སྐད་གྲགས་ཅན་ཞིག་རེད་ཟེར་གི

63. དངོས་གནས་བྱས་ན་ཀརྨ་པ་དགོངས་པ་མ་ཞུས་ན་དག་དག་ཡོད་རེད། དེ་ནས་རེས་མོས་ཀྱི་བཀའ་བརྒྱུད་པའི་དབུ་འཛིན་འཁོར་ཡོང་གི་རེད།

64. འཇམ་དཔལ་རྣོན་པོ་ལགས་ཁྱེད་ཀྱིས་དྲངས་བའི་དྲ་ལམ་དེར་བལྟ་ཙམ་བྱས་པ་ཡིན་ངོ་མ་སངས་རྒྱས་ཀྱི་བསྟན་པ་དེ་མིང་ཙམ་དུ་གནས་འདུག་བསམ་པའི་བྱེད་བབས་ཤིག་རེད་འདུག
    ང་ལ་དེ་འདྲའི་ལོ་རྒྱུས་གོ་མ་མྱོངས་ལ། དེ་འདྲའི་རིགས་ལ་རྣམ་རྟོག་བཟའ་གི་ཡོད།
    དེར་བླ་ཆེན་སུ་དང་སུ་ཕེབས་མིན་མཚན་བྱང་རེ་འདིར་འགོད་ཐུབ་ན་ཤིན་ཏུ་ནས་ལེགས།
    དངུལ་གྱིས་ཐམས་ཅདབསླུས།
    བྱུང་ན་དེར ་ཆོས་རྒྱུད་གང་དང་གང་གི་བླ་ཆེན་ཕེབས་མིན་སོགས་དེ་ཡི་སྐོར་ལ་གནས་ཚུལ་རྒྱས་ཙམ་རེ་བྱུང་ན་ཤིན་ཏུ་ནས་ལེགས། གཞན་ཡང་ངོ་དགའ་སྤྲེལ་ལད་དང་དངུལ་བསླུས་ཀྱི་བླ་ཆེན་དེ་རིགས་དྲ་རྒྱ་འདི་ཡི་བརྒྱུད་ནས་བོད་རིགས་མི་དམངས་ཚོར་ངོ་སྤྲོད་བྱེད་ཐུབ་ན་སྤྲུལ་རྫུས་དེ་རིགས་ཉུང་དུ་འགྲོ་གི་རེད།
    ད་ཡིན་ན་དུས་རབས་ཉེར་གཅིག་གི་འཛམ་གླིང་ནི་ཆུང་ངུ་ཞིག་སྟེ་ཁྱིམ་ཚང་ཆུང་ངུ་ཞིག་གིས་གནས་སྟངས་ཆ་ཡོངས་སུ་མཚུངས་ཡོད། དགྱེས་རྡོར་སྐོར་གྱི་ཡུ་ཌུབ་ཀྱང་མཐོང་བྱུང་ལྟད་མོ་འདུག

65. འཇང་གཡུ་ལྷ་ཐོགས་འགྱུར་ལགས། གསར་འགྱུར་འདི་གཟིགས་གནང་ཞུ།
    http://www.tibetexpress.net/bo/home/2010-02-04-05-35-27/3161-2010-05-11-05-38-55
    བཀའ་བརྒྱུད་པའི་དབུ་ཁྲིད་རེས་མོས་གནང་རྒྱུ་རེད་འདུག
    ༧དཔལ་རྒྱལ་བ་ཀརྨ་པ་མཆོག་དགུང་ལོ་ཆུང་བ་དང། གསན་བསམ་གནང་དགོས་པ། ཕྱི་ནང་གི་འགལ་རྐྱེན་མང་པོ་ཞིག་ལ་བརྟེན་ནས། ཆོས་དོན་ལྷན་ཚོགས་ཀྱི་གྲུབ་ཆ་བཞིན་དུ་བཀའ་བརྒྱུད་པའི་དམིགས་བསལ་འགན་དབང་ བསྐུར་བའི་སྐུ་ཚབ་ཕེབས་ཕྱོགས་ཐད་ལ། རྒྱལ་ཡོངས་བཀའ་བརྒྱུད་པའི་ནང་ཁུལ་ལྷན་ཚོགས་མ་འཚོགས་པའི་སྔོན་ནས། དགོངས་ཞུའི་ཕྱག་བྲིས་ཕུལ་ཟིན་པ་རེད་ཅེས། བཀའ་བརྒྱུད་སྤྱི་འཐུས་བསོད་ནམས་དགྲ་འདུལ་ལགས་ཀྱིས་འགྲེལ་བརྗོད་གནང་བྱུང།

    དེ་ཡང་བོད་གཞུང་ཆོས་དོན་ལྷན་ཚོགས་ཀྱི་ཁྲིམས་ཡིག་གི་དགོངས་དོན་བཞིན། ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་ཀྱི་ཡོངས་གྲགས་ཀྱིི་དབུ་ཁྲིད་ རྣམ་པའམ། དེ་དག་གིས་དམིགས་བསལ་འགན་དབང་བསྐུར་བའི་སྐུ་ཚབ་ཕེབས་ཕྱོགས་དེ། དགེ་ལུགས་པའི་དགའ་ལྡན་ཁྲི་རིན་པོ་ཆེ་དང་། ས་སྐྱ་བའི་སྒྲོལ་མ་ཕོ་བྲང་བདག་ཁྲི་རིན་པོ་ཆེ། དེ་བཞིན་རྙིང་མ་དང་གཡུང་དྲུང་བོན་བཅས་སུ་ཡོངས་གྲགས་ཀྱི་དབུ་ཁྲིད་དམིགས་བཀར་ ཡོད་པ་དང་ཕྱོགས་མཚུངས། བཀའ་བརྒྱུད་པ་ལའང་དེ་ལྟར་དམིགས་བཀར་དགོས་པའི་ཆོས་རིག་ལས་ཁུངས་ཀྱི་བཀའ་རྒྱ་ ཕེབས་པ་བཞིན། ཟླ་འདིའི་ཚེས་༧ ཉིན་དྷ་སའི་ཉེ་འཁོར་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་དུ་དཔལ་མཉམ་ མེད་འགྲོ་མགོན་བཀའ་བརྒྱུད་པའི་ཀཾ་འབྲུག་འབྲི་སྟག་རང་ཁུངས་སོ་སོ་ནས་ཆེད་ གཏོང་ཚོགས་མི་སྐུ་ཚབ་ཆ་སྙོམས་ཡོད་པའི་རྒྱལ་ཡོངས་བཀའ་བརྒྱུད་ནང་ཁུལ་ལྷན་ ཚོགས་ཐེངས་དང་པོ་འཚོགས་ཡོད་པ་རེད།
    ཚོགས་ཞུགས་པ་རྣམ་པ་ཚོས་བགྲོ་གླེང་གནང་བའི་གྲུབ་འབྲས་རྣམས་ཕྱོགས་བསྡོམས་གཏན་ འབེབས་གནང་བའི་གྲོས་ཆོད་དུ། ༡ བཙན་བྱོལ་བོད་མིའི་ཆོས་དོན་ལྷན་ཚོགས་ཀྱི་ཁྲིམས་ཡིག་དོན་ཚན་དྲུག་པའི་ནང་གསལ་ བོད་ཀྱི་ཆོས་བརྒྱུད་ཆེན་པོ་བཞི་དང། གཡུང་དྲུང་བོན་བཅས་ཀྱི་ཡོངས་གྲགས་དབུ་ཁྲིད་ཁོངས། དཔལ་མཉམ་མེད་འགྲོ་མགོན་བཀའ་བརྒྱུད་པ་ཀཾ་འབྲུག་འབྲི་སྟག་སོགས་ཀྱི་དབུ་ཁྲིད་ བླ་ཆེན་རྣམ་པ་རེས་མོས་ཀྱིས་ལོ་གསུམ་རེར་བཞུགས་གནང་རྒྱུ། ༢ རེས་མོས་ཀྱི་སྔ་རྗེས་དང་པོ་ཀཾ་ཚང་དང་། གཉིས་པ་འབྲི་གུང། གསུམ་པ་སྟག་ལུང། བཞི་པ་འབྲུག་པ་བཅས་ནས་རིམ་བཞིན་གནང་རྒྱུ་དང་། རེས་མོས་འཁོར་མཚམས་སླར་ཡང་གོ་རིམ་བཞིན་མུ་མཐུད་རེས་མོས་གནང་རྒྱུ།༣ བཀའ་བརྒྱུད་པའི་ཆོས་བརྒྱུད་གཞན་རྣམས་ལ་བཀའ་བརྒྱུད་པའི་དབུ་ཁྲིད་བླ་ཆེན་གྱི་ མཛད་འགན་བཞེས་རྒྱུའི་གནས་སྐབས་བྱུང་ཚེ་རིམ་པ་ལྔ་པ་ནས་འགོ་འཛུགས་ཀྱིས་བཀའ་ བརྒྱུད་སྤྱི་མཚུངས་ལྟར་དབུ་ཁྲིད་ཀྱི་ཐོབ་ཐང་འབུལ་རྒྱུ་བཅས་སྤྱི་མོས་ཀྱིས་ གཏན་ལ་ཕབ་པ་ཡིན།

    དཔལ་མཉམ་མེད་འགྲོ་མགོན་བཀའ་བརྒྱུད་པ་ཀཾ་འབྲུག་འབྲི་སྟག་སོགས་ཀྱི་དབུ་ ཁྲིད་བླ་ཆེན་རྣམ་པ་རེས་མོས་ཀྱིས་ལོ་གསུམ་རེར་བཞུགས་གནང་རྒྱུ་གཏན་འབེབས་ བྱུང་བའི་ནང་ནས། དང་པོ་ཀཾ་ཚང་བཀའ་བརྒྱུད་ཀྱི་གནང་གཏན་འཁེལ་ཡོད་པས། ད་ལྟའི་སྐབས་བླ་ཆེན་སུ་འདེམས་ཐོན་བྱུང་ཡོད་མེད་དང། དཔལ་རྒྱལ་བ་ཀརྨ་པ་མཆོག་བཞུགས་རྒྱུ་ཡིན་མིན་སྐོར་ལ་བཀའ་བརྒྱུད་སྤྱི་འཐུས་ འཁོར་ཚ་བསོད་ནམས་དགྲ་འདུལ་ལགས་སུ་འདི་གའི་གསར་འགོད་པའི་བཅར་འདྲི་སྐབས། “དཔལ་རྒྱལ་བ་ཀརྨ་པ་མཆོག་དགུང་ལོ་ཆུང་བ་དང། གསན་བསམ་གནང་དགོས་པ། ཕྱི་ནང་གི་འགལ་རྐྱེན་མང་པོ་ཞིག་ལ་བརྟེན་ནས། རྒྱལ་ཡོངས་བཀའ་བརྒྱུད་པའི་ནང་ཁུལ་ལྷན་ཚོགས་མ་འཚོགས་པའི་སྔོན་ནས། དགོངས་ཞུའི་ཕྱག་བྲིས་ཕུལ་ཟིན་པ་རེད། དེ་བཞིན་བླ་ཆེན་སུ་ཕེབས་མིན་ནང་ཁུལ་བཀའ་བསྡུར་གནང་རྒྱུ་ཡིན་པ་ལས། ད་ལྟའི་ཆར་གཏན་འཁེལ་ཡོད་མ་རེད་”ཅེས་གསུངས་བྱུང། །

66. དགེ་ལུགས་ཀྱི་བླ་ཆེན་སྤྲུལ་སྐུ་རྫུན་མ།
    http://www.youtube.com/watch?v=iZF0DiVsOns&feature=related

67. ལོ་སྔོན་མ་དེ་འདྲའི་འཚོགས་འདུ་ཞིག་འཚོགས་ཡོད་པ་རེད་དེ་བྱ་བ་ལམ་འགྲོ་མ་བྱུང་བ་རེད། _
    (( རྒྱལ་ཡོངས་བཀའ་བརྒྱུད་པའི་ནང་ཁུལ་ལྷན་ཚོགས་མ་འཚོགས་པའི་སྔོན་ནས། དགོངས་ཞུའི་ཕྱག་བྲིས་ཕུལ་ཟིན་པ་རེད་ཅེས། བཀའ་བརྒྱུད་སྤྱི་འཐུས་བསོད་ནམས་དགྲ་འདུལ་ལགས་ཀྱིས་འགྲེལ་བརྗོད་གནང་བྱུང།))
    ཟེར་བའི་གཏམ་འདི་རྫུན་མ་རེད། ཚོགས་འདུ་དེ་རྙོག་དྲ་ཚ་བོ་ཆགས་ནས་མཐར་དབུ་འཛིན་རེས་མོས་བྱེད་རྒྱུར་གཏན་ཁེལ་ཚར་དུས་གཞི་ནས་དགོངས་ཤོག་ཕུལ་བ་རེད། དེ་ལ་བཀའ་བརྒྱུད་གཞན་པ་ཚོས་ངོས་ལེན་མ་བྱས་ནས་ད་ལྟ་བར་དུ་ལྷག་བསྡད་ཡོ་རེད། ཀརྨ་བཀའ་བརྒྱུད་དགོངས་པ་ཞུས་ན་ང་ཚོ་ཡང་དགོངས་པ་ཞུ་ཡི་ཡིན་ཟེར་བའི་གཏམ་འདི་དེ་ནས་བྱུང་བ་རེད།

68. འཇམ་དཔལ་རྣོན་པོ་ལགས་ནས། གཤམ་གསལ་ཁ་བྱང་ནང་ག་རེ་ཡོད་ཟེར་ན། བོད་པའི་སྤྲུལ་སྐུ་ཚོས་སྤྲུལ་སྐུ་ངོས་འཛིན་བྱེད་ལུགས་སྐྱུགས་བྲོ་བ་ཞིག་གི་གནས་ཚུལ་ཡོད་རེད། རྡོ་རྗེ་འཆང་གི་སྤྲུལ་སྐུ་ངོས་འཛིན་བྱས་པ་རེད། གཟིགས་དང་།
    http://www.youtube.com/watch?v=7BZ5Ma_NbMo འདི་གལ་ཆེན་ཞིག་རེད། ནལ་གཅིག་གཟིགས་རོགས། །

69. སྤྱིར་བོད་པས་ངོས་འཛིན་བྱེད་བཞིན་པའི་སྤྲུལ་སྐུ་དེ་ཚོ་ལ་ཤེས་ལྡན་སུ་ཡང་ཡིད་ཆེས་དཀའ་མོ་རེད་དེ། ཏཱ་ལའི་༡༤ པ་འདི་ལ་མཚོན་ན་ར་སྒྲེང་ཁྲི་རིན་པོ་ཆེས་ངོས་འཛིན་གནང་བ་རེད། ར་སྒྲེང་རིན་པོ་ཆེ་ནི་གུ་རུས་ལུང་ཟིན་གི་གང་ཟག་ཁྱད་པར་བ་ཞིག་ཏུ་སོང་། ངས་ཁོང་ལ་ཡིད་ཆེས་བྱེད་ཀི་ཡོད།
    ཡིན་ན་ཡང་ད་ལྟའི་སྐུ་སྒེར་དྲུང་ཆེས་གཙོས་པའི་སྦྱི་ཚོགས་གཏོར་བཤིག་རང་ལུགས་པ་ཁག་གཅིག་གིས་ཁོང་གི་བྱ་བ་ལ་ཡང་ཡི་ཆད་མཁན་མང་པོ་ཡོང་གི་ཡོད་པ་གསལ་བོ་རེད།

70. འཇམ་རྣོན་ལ་ཆེད་ཞུ། ཕ་བོང་ཁ་པའི་ནག་ཉེས་དྲངས་ནས་ཁོང་དགེ་ལུགས་ཚང་ལ་གཤེ་བ་འདི་བདེན་དོན་མ་རེད། ཏཱ་ལའི་བླ་མས་གཙོ་བྱས་པའི་ཆོས་རྒྱུད་ཁག་གི་མཚན་ལྡན་བླ་མ་རྣམས་གང་དུ་ཕེབས་ཀྱང་བསྟན་པ་དང་འགྲོ་བའི་དོན་འབའ་ཞིག་ལས་བསྟན་པ་ལ་རྨ་འབྱིན་པའི་གནས་མེད་དོ། རྒྱལ་སྲས་བྱང་ཆུབ་སེམས་དཔས་འདོད་ཉོན་ཡོན་ལམ་དུ་བྱེད་པའི་ལད་མོ་སོ་སྐྱེ་ཐ་མལ་པས་བྱས་ན། མཐའ་མ་རང་གཞན་གཉིས་ཕུང་ལས་གཞན་དུ་ཅི། ཁོང་རྣམས་ལ་ལྟོས་ན་འདོད་ཡོན་ནི་སྨན་དང་སྔགས་ཀྱིས་བསད་པའི་དུག་ཆེན་བཞིན་དུག་གི་ཉེས་པ་མི་བསྐྱེད་དོ། མ་ཟད་སྟག་མཆོང་སར་ཝ་མཆོང་རྒྱུ་མེད། ཝ་མཆོང་དྲག་ན་ཝ་པགས་དང་བྲལ་ཉེན་ཡོད། དེ་འདྲ་སོང་ཙང་སྐྱོན་ལ་ངོས་ལེན་དང་ཡོ་བསྲང་བྱེད་དགོས་པ་ལས་ཁོས་བྱེད་ཀྱི་འདུག དེ་འདྲ་སོང་ཙང་ངས་ཀྱང་བྱེད་ཀྱི་ཡོད་ཅེས་པའི་སྐད་ཆ་འདི་ཧ་ཅང་གི་ཐབས་སྐྱོ་པོ་ཞིག་རེད།

71. ང་ཚོ་བོད་མི་རྣམས་ནས་མཐུན་སྒྲིལ་རྡོག་རྩ་གཅིག་གིས་༧གོང་ས་མཆོག་གི་བཀའ་སྩལ་ལོ་རྒྱུས་ཀྱི་ཡིག་ཆ་འདི་དང་དོན་དངོས་ལོ་རྒྱུས་ཡིག་ཆ་ཁག་རྣམས་གང་ཐུབ་ཅི་ཐུབ་ཀྱིས་ལག་བསྟར་དང་དྲིལ་བསྒྲག་རྒྱུན་མཐུད་གནང་དགོས་པ་དང་གསལ་བཤད་མུ་མཐུད་གནང་རྒྱུ་ཤིན་ཏུ་གལ་འགངས་ཆེ་ཤོས་ནང་གི་ཆེ་ཤོས་དེ་ཡིན་པ་མ་ཟད་ང་ཚོའི་བོད་ཀྱི་རྒྱལ་རབས་ལོ་རྒྱུས་ཡུན་རིང་ལྡན་པའི་དོན་དངོས་རྣམས་འཛམ་གླིང་ཡོངས་ཀྱིས་ཤེས་པ་དང་ཆབས་ཅིག་རྒྱ་དམར་གཞུང་གིས་བསམ་ངན་ཁོག་བཅངས་དང་གཡོ་སྒྱུ་ཆེ་བའི་སྒོ་ནས་ལོ་རྒྱུས་དོན་དངོས་འཁྱོག་བཤད་རྫུན་བཟོ་སོགས་ངོ་ཚ་རྒྱུ་མེད་པའི་མ་རབས་ཀྱི་རྫུན་རྐུབ་རྣམས་ཉིན་ལྟར་རེ་བཞིན་ཐེར་འདོན་གནང་རྒྱུ་ནི་བོད་མིའི་སྒྲིག་འཛུགས་ཀྱི་འགོ་ཁྲིད་དང་གཞུང་འབྲེལ་མ་ཡིན་པའི་ཚོགས་སྡེ་སྐྱིད་སྡུག་ཁག་དང་མི་སྒེར་བཅས་ཚང་མས་ང་ཚོའི་ཐུན་མོང་གི་ལས་འགན་རླབས་ཆེན་འདི་སྒྲུབ་རྒྱུར་འབད་བརྩོན་ལྷོད་མེད་གནང་སྐྱོང་ཡོང་བའི་རེ་འདུན་ཞུ་རྒྱུ་ཡིན་ཚང་མས་དགོངས་པ་གཏིང་ཟབ་ཞིག་བཞེས་རན་ཡོད་པ་ཚང་མས་ཤེས་བཞིན་ཡིན་པ་རེད་ད་ཆ་ལག་བསྟར་དངོས་ཀྱི་ཐོག་ནས་སྤྱི་དོན་ལ་ཞབས་འདེགས་ཞུ་དགོས་པའི་དུས་ལ་སླེབས་ཡོད་ཤ་རུས་གཅིག་གི་སྤུན་ཚོ་ལག་གདང་དཔུང་འབྲེལ་གནང་རྒྱུའི་བརྡ་འཕྲིན་ཡོང་རྒྱུར་སྒུག་ནས་ཡོད་པ་དགོངས་འཇགས་ཞུ་།

72. དྲ་གྲོགས་ཞོལ་ཕྲུག་ལགས། ཁྱོད་ནས།
    ༸གོང་ས་མཆོག་གི་ཡང་སྲིད་ངོས་འཛིན་གནང་ཕྱོགས་སྐོར་ཞལ་གདམས་བཀའ་ཡིག་འདི་བཞིན་ཕྱི་ནང་གི་གཡོ་གར་མང་པོ་ཞིག་གཟིགས་ནས་འཇོག་གནང་མཛད་པ་ཞིག་ཡིན་པས། ཞེས་པའི་ཕྱིའི་གཡོ་གར་དང་ནང་གི་གཡོ་གར་གང་ཡིན་ནམ། དེ་བཞིན། རྡ་ས་དང་པེ་ཅིང་བར་ལ་ཇུས་ཏོག་མང་ཙམ་་བྱེད་དགོས་རེད་ཅེས་པའི་འཇུ་ཏོག་གང་བྱ་དགོས་རེད།
    པཎ་ཆེན་རིན་པོ་ཆེའི་ཡང་སྲིད་དེ་རྒྱ་དམར་ལག་ཏུ་ཤོར་དགོས་དོན་ཡང་ཕྱི་ནང་གི་གཡོ་བྱུས་མང་པོ་ཞིག་དང་འབྲེལ་ནས་ཡོད། གང་ལྟར་ཡང་ངས་ཕྱི་ནང་གི་གཡོ་བྱུས་དེ་ངོས་འཛིན་ཐུབ་པ་ཞིག་དགོས་ཀྱི་འདུག

73. སྐྱུར་རྩི་ལགས།

    ཕྱི་ནང་གི་གཡོ་གར་མང་པོ་ཞིག་༸གོང་ས་མཆོག་གི་སྤྱན་ལམ་དུ་གཟིགས་བཞིན་པ་ཚང་མས་མཁྱེན་གསལ་རེད།
    ཕྱིའི་གཡོ་གར་ནི། སྔར་ནས་བླ་མའི་ཡང་སྲིད་སྐོར་ལ་ཆབ་སྲིད་ཀྱི་དབང་ཆའི་འཐབ་རྩོད་འོག་ཧ་ལས་དགོས་པའི་གཡོ་གར་མང་པོ་ཞིག་འཁྲབ་བཞིན་ཡོད་པ་ཕྱི་གསལ་ནང་གསལ་བཞིན། ད་ལྟའི་པཎ་ཆེན་སྐུ་ཕྲེང་བཅུ་གཅིག་པའི་གནས་སྟངས་ཐབས་སྐྱོ་པོ་འདི་ལྟ་བུ་བྱུང་བ་རེད།
    ནང་གི་གཡོ་གར་ནི་སྔར་ནས་བོད་ཀྱི་བླ་ཆེན་མང་པོ་ཞིག་གི་སྐུ་རྒྱུ་ཕྱག་རྫས་ལ་ཧབ་ཐོབ་དང་། ཁེ་དབང་ཆེད་བླ་མའི་ཡང་སྲིད་བེད་ལོག་བཏང་བའི་ལོ་རྒྱུས་མང་པོ་ཡོད་པ་བཞིན། ད་ལྟའི་རྒྱལ་དབང་ཀརྨ་པའི་སྐུའི་ཡང་སྲིད་ཐོག་གི་རྙོག་གླེང་འདི་ལྟ་བུ་བྱུང་བ་རེད།
    འགལ་རྐྱེན་དེ་དག་གིས་བོད་ཀྱི་བསྟན་དོན་ལ་བར་ཆད་རིམ་པར་བཟོས་ཡོད།
    དེ་མཚུངས་པེ་ཅིང་ནས་གུང་ཁྲན་ཏང་གིས་མི་འདོད་བཞིན་དུ་ཆོས་ལུགས་ཁ་ལ་འཁྱེར་ནས་སྔ་ས་ནས་རྒྱལ་བའི་ཡང་སྲིད་སྐོར་ཐེ་ཇུས་ཀྱི་འདྲེ་ལག་རྐྱང་ཟིན་པ་དང་། རྡ་སར་ཡང་གོང་ས་མཆོག་གི་སྐུ་འགྲམ་དུ་ཡོད་པའི་རང་རེའི་སྐུ་ངོ་གསར་རྙིང་ཚོས་དབང་ཆའི་འཐབ་རྩོད་ཀྱི་མི་མངོན་པའི་གཡུལ་ར་ཞིག་སྒོ་ཚུགས་ཟིན་ནས་དགོས་མེད་རྙོག་གླེང་མང་པོ་གོང་ས་མཆོག་གི་སྙན་བསུན་བཟོ་བཞིན་པར་གཟིགས་ནས་ཞལ་གདམས་བཀའ་ཡིག་འདི་བཞིན་སྔ་ཚུད་ནས་བཞག་གནང་མཛད་དེ། མཐའ་མའི་ཐག་གཅོད་བྱེད་དབང་བོད་མི་དམངས་དང་ཏཱ་ལའི་བླ་མའི་ཡིད་ཆེས་ཐེབས་རྩ་ཚོགས་པར་ཡོད་གསུངས་པས།
    ང་ཚོས་པེ་ཅིང་དང་རྡ་སའི་བར་ལ་ཇུས་ཏོག་མི་བྱེད་ཀ་མེད་རེད།

    སྐྱུར་རྩིས་སྐྱུ་མོ་མཆོད་ཀྱང་སྐྱུར་མོ་རེད།
    སྐྱུར་རྩིས་མངར་མོ་མཆོད་ཀྱང་སྐྱུ་མོར་འགྲོ།
    མངར་སྐྱུར་འདྲེས་མའི་འཇིག་རྟེན་གྲུ་ཁ་ནས།
    ཕྱི་ནང་གཡོ་གར་མཁྱེན་པའི་རེ་བ་ཡོད།

74. རྣམ་པ་ཚོ་དགོངས་པ་མ་འཚོམ། ངས་འདིར་རང་གི་བསམ་ཚུལ་ཞིག་འདོན། སྤྱིར་བོད་
    རང་ལ་སྤྲུལ་སྐུའི་ལམ་ལུགས་འདི་མཁོ་ས་མང་ལ་མི་མཁོ་ས་ཡང་ཡོད་ཚོད་རེད། གང་ལྟར་སྤྲུ་སྐུ་ངོ་མ་ཞིག་དང་རྫུན་མ་ཞིག་བསྡུར་ཐབས་མེད་པ་ཞིག་རེད་བསམ་སོང་། སྤྲུལ་སྐུ་རྫུན་མ་ཡོད་ཀི་ངོ་མ་མི་དགོ་ཞེས་ན་དེ་ཡང་བཤད་ཐབས་ཞིག་མ་རེད་འདོད། གང་ལྟར་དཀའ་ལས་ཆེ་ས་ཞིག་ནི་སྤྲུལ་སྐུ་གྲ་ལོག་བྱས་པ་དེ་མཐུ་མོ་ཞིག་རེད་འདོད་ཀི།དེ་ཇི་ལྟར་ཐག་གཅོད་བྱེད་རྒྱུ་དེ་ཡིན།ངས་ལྟོས་ན་སྤྲུལ་སྐུ་ཁྲིམས་ལྡན་འཆད་རྩོད་རྩོམ་ གསུམ་དང་མཁས་བཙུན་བཟང་གསུམ་འཛོམས་པ་ཞིག་ཡིན་ན་ལས་དགོ་ནང་གི་གང་ དགོ་རེད་འདོད་ཀི །དེས་ལས་ལྡོག་ན་ཁེ་རེ་ཆུང་གི་བསམ། གང་ལྟར་མང་བོ་ཞིག་ བཤད་ན་དགོས་པ་ཅི། དེ་བས་རང་གི་བསམ་ཚུལ་ངོ་མ་ཞིག་བརྗོད། ༧གོང་ས་ཐམས་ ཅད་མཁྱེན་པས་ད་ལོ་སྲིད་ཀྱི་བྱ་བཞག་ཐམས་ཅད་མཚམས་འཇོག་གནང་སྟེ་ད་ནི་ཁོང་ཉིད་བོད་མི་དཀྱིས་མ་ཞིག་གི་ཟོལ་གནང་བ་ནི་ཧ་ཅང་ཡིད་ཕངས་པའི་གནས་ཤིག་ཀྱང་རེད་ཡང་ཅིག་ཅེས་ན་ཡག་ཤེས་སུ་འདོད་མཁན་ཡང་མང་བོ་ཡོད་ས་རེད་།གང་ལྟར་ཁོང་གིས་རང་ལྟ་ཁྲེགས་འཛིན་མེད་པར་མི་དམངས་ལ་ཕུལ་བ་འདི་ནི་རླབས་ཆེ་བའི་བྱས་རྗེས་ཞིག་དང་འཛམ་གླིང་ངོ་མཚར་བའི་གནས་སུ་བཀོད་ཡོད་ཀི།ངས་བཤད་འདོད་པ་ནི།ད་ནི་སྲིད་ཀྱི་དབང་དཀྱིས་མ་ཞིག་ལས་མེད་ན་མེད་ཆོས་ཀྱི་སྟེང་ནས་ཁོང་ཐམས་ཅད་མཁྱེན་པ་ལ་བོད་སྤྱི་དབུ་བླའམ་བོད་སྤྱིའི་ཆོས་ཕྱོགས་ཀྱི་བླ་ན་མེད་པའི་ཆེས་མཐོའི་རྩ་བའི་བླ་མའི་མཚན་གནས་ཞིག་ངེས་པར་དུ་འབུལ་དགོས་པས་དེའི་དོན་བྱེས་ཀྱི་བླ་མ་ལས་སྣེ་སྲིད་འཛིན་ མཐུས་ཚབ་སོགས་མདོར་ན་ཆོས་སྲིད་གཉིས་ཀྱི་དབུ་འཁྲིད་ཚང་མས་ཐུགས་འགན་ བཞེས་རྒྱུ་སྐུ་མཁྱེན་ན་གསུང་མཁྱེན་ཞེས་གཞིས་ལུས་པ་ཞིག་གི་སེམས་ཚབས་ཀྱི་ངོས་ནས་རེ་བ་ཉེག་གཅིག་ཞུས་པ་ཡིན་ཐུགས་འཇོགས་གནང་བར་འཚལ་བཀའ་དྲིན་ཆེ།

75. ༧་གོང་ས་མཆོག་གི་བཀའ་ཡིག་དེ་དུས་ཐོག་ཏུ་འཁེལ་བ་ཞིག་བྱུང་འདུག