སྤྲུལ་སྐུ་དབང་ཆེན་ནས།
ཀ་མེད་ལོག་སྨྲ་ཆར་སྡོད་འཕུར་ཉེས་ནས།
ག་ཤེད་གཞུང་ཞབས་ཁུངས་ནས་གནས་དབྱུང་སྤྲད།
ཁ་ལྔ་པ་ལ་རྟག་ཏུ་འཁོན་འཛིན་གྱིས།
ང་རྒྱལ་དེ་ནི་ནམ་ཡང་གཉིད་དང་བྲལ། །
ཅ་ག་དོག་པོས་གཅེས་སྤྲས་ཆེར་མེད་ཅིང་།
ཆ་སྤྱད་མི་རྒན་འགྲེས་པོའི་ཉམས་འཁུར་ནས།
ཇ་ཁང་གཡོག་གཉེར་ཏེ་ཕོའི་སྤྲུལ་སྐུ་ལ།
ཉ་མོ་བྱ་ཁྲས་གཅུས་ལྟར་ཁྱད་གསོད་བྱས། །
ཏ་ཐཱ་ག་ཏའི་བསྟན་པ་འཛིན་སྐྱོང་ལ།
ཐ་དད་གོས་མདོག་ཙམ་གྱིས་དབྱེར་མི་འབྱེད།
ད་ལྟ་དུས་ངན་སྙིགས་མའི་མར་གཤམ་ལ།
ན་གཞོན་གོས་མདོག་མཛེས་ཀྱང་བཟང་རྒྱུ་མེད། །
པ་ཎི་གར་བཞུར་ལྟ་བུའི་མི་བུ་ཁོས།
ཕ་རོལ་ཉམ་ཆུང་རིགས་ལ་སྡང་བ་འདི།
བ་གླང་རིགས་འགྲོའི་ཁུ་ཚུར་ནང་འཕྱར་བ།
མ་ནིང་ཤར་ཁུག་ངན་གོམས་བཟློག་ཏུ་མེད། །
ཙ་ར་གཅོད་པའི་རྣམ་དཔྱོད་ཅན་ཡིན་ན།
ཚ་ཁ་ལེན་པའི་སྐྱེན་པོའི་མདའ་ཡོད་ན།
ཛ་ཧུའི་བུ་མོའི་སྤུན་འགྲོའི་རིག་གཞུང་ཁྲོད།
ཝ་ལེར་བདག་གི་ཐད་ཀར་ད་ལོངས་ཤོག །།
ཞ་སྙུག་རྐང་ཐུར་ཁ་ཤས་བཅག་པ་དང་།
ཟ་སྙད་གོ་སྐབས་འཚོལ་ནས་འཁྱོག་བཤད་དང་།
འ་མོ་ཉིད་བཞིན་དོན་མེད་འཆལ་རྩོམ་འགས།
ཡ་མཚན་མགྲིན་པ་མནངས་འདི་དགོད་བྲོའི་གནས། །
ར་གན་གསེར་བརྫུས་དེང་རབས་སྤྱི་བརྟོལ་རིགས།
ལ་ཆད་ལུང་ཟད་ལུགས་མེད་སྨྲ་ལ་བརྩོན།
ཤ་ཁྱི་རྔོན་པའི་རིགས་ལ་དྲིན་ཆེ་ཡང་།
ས་སྐྱོང་དཔོན་པོའི་མདུན་ལ་གདོན་གྱི་རིགས། །
ཧ་ཆ་འཕྱ་གད་བརྙས་བཅོས་ཚིགས་མཚོན་གྱིས།
ཨ་རོགས་རྒན་པོ་བཏང་སྙོམས་མི་འཇོག་པར།
ཧ་ཅང་འཇོན་མདོག་དཔུང་ཤ་འཕུར་བ་དེས།
ཨ་ལགས་ང་རང་སྡོད་དུ་མ་བཅུག་ཐལ། །
༠༦/༡༡/༢༠༡༣ དགོང་མོར་རྩེད་མཚར་དུ་བྲིས།
བཟང་གི
བཟང་གི
་་་་ཅི་ཞིག་བཤད་འདོད་པ་་་་་་ཧ་མ་གོ་ཐ་་་་་
སྤྲུལ་སྐུ་ལགས། བོད་ཡིག་སྤྱོང་རོགས།
མི་འདིས་ག་རེ་ལབ་གྱིན་འདུག དངོས་གནས་གོ་ཡ་མི་འདུག
ཀ་ཁའི་བང་རིམ་ཡང་ནོར་བྱ།
ཀ་ཁ་ག་ང་།
ཀ་ག་ཁ་ང་།
ཀ་མད་ཕྲེང་བའི་རྩོམ་འཆལ་སྒྲིག་པ་པོས།།
ཁ་ངན་ཚིག་གིས་རྟག་ཏུ་གཞན་ལ་འཕྱ།།
ག་ས་གང་ལ་རྙོག་དྲ་བཟོ་བཟོས་ནས།།
ང་ཚོར་རྩོམ་མི་འབྲི་བའི་མནའ་ཡང་སྐྱེལ།།
ཅ་ཅོ་གཏམ་གྱིས་མཐོ་དམན་ཀུན་ལ་སྨོད།།
ཆ་ལུགས་འཁྱ་མ་འཁྱོལ་གྱི་གཞན་ཡུལ་འགྲིམ།།
ཇ་ཆང་འཐུང་བས་བག་མེད་ར་བཟི་བཞིན།།
ཉ་ཉོག་མང་བོས་འདམ་རྫབ་ནང་དུ་ལྷུང་།།
ཏ་ཐ་ག་ཏ་ཟེར་བ་བཅོས་པའི་གཏམ།།
ཐ་ཤལ་སྤྱོད་པ་ངོ་དེབ་ནང་ན་གསལ།།
ད་ནས་བཟུང་སྟེ་ཚུལ་ཆོས་དབང་ཆེན་ལ།།
ན་རྒ་ཅི་བྱུང་གཏན་དུ་འབྲེལ་མ་བྱེད།།
པ་ཕ་གང་ཡིན་བདག་གིས་ཤེས་མ་སོང་།།
ཕ་རོལ་བསླུ་བའི་གདོན་གཟུགས་སྙོམ་དུ་མེད།།
བ་བང་མ་ཡིན་བ་མིན་མིན་པ་འདིས་།།
མ་ཁ་བསྡམས་ནས་དཀྱིལ་མཛུབ་བཀེར་འདིར་ལྟོས༼ཁོའི་པར་༽
ཙ་རི་གནས་སྐོར་འགྲིམ་པའི་གྲུབ་ཆེན་མིན།།
ཚ་གྲང་དཀའ་བ་བསྐྱེད་པའི་མཁས་པ་མིན།།
ཛ་ལང་ཉེན་གྱིས་དགེ་འདུན་བཀོར་ལ་བསྙེགས
ཝ་མོ་ལྟ་བུར་བུད་མེད་འདོམ་ཁར་འགྲིམ།།
ཞྭ་གོས་ལྷམ་གྱིས་ཆོས་པའི་ཟོལ་ལ་བརྟེན།།
ཟ་མ་མ་ནིང་ཉམས་ལེན་སྙིང་བོར་གྲིལ།།
འ་ཅག་སྐྱབས་མགོན་ཆེན་པོར་མི་དད་པས།།
ཡ་ཡོ་དྲང་བོའི་ལམ་ཞིག་འདིས་མ་རྙེད།།
རྭ་ལོ་ལྟ་བུའི་གྲུབ་དབང་དེང་ཡོད་ན།།
ལ་ལུང་གང་ན་ཡོད་ཀྱང་འདིར་བཀུག་ནས།།
ཤ་ཟ་ཚོགས་བཅས་དམ་ལ་བཏགས་ནས་ནི།།
ས་འོག་རིམ་པ་དགུ་ལ་བཅུག་ན་བཟང་།།
ཧ་ལོ་འདོད་ཡོན་དུག་གི་ལོ་མ་ཁ་ལ་མུར་བའི་གདོན་གཟུགས་འདིས།།
ཨ་མའི་ནུ་རིན་ཙམ་ཡང་འཇལ་དཀའ་ནང་མིའི་གདོང་ལ་ངོ་ཚ་ཉོས།།
འཆལ་པོ་འདི་འདྲས་ས་སྟེང་གང་ན་ད་ནི་ང་ཚོས་ཅི་ཞིག་བྱ།།
བླ་མ་དཀོན་མཆོག་དཔང་བོ་མཛོད་ཅིག་དོལ་ཚོགས་དང་བཅས་རྡུལ་དུ་རློགས།།
ཧེ་ཧེ་་་རྩེད་མོ་ཡིན།
ང་ལ་བྲེལ་བ་ཡོད། གྲོགས་པོ་ཚོས་དག་བཅོས་གནང་རོགས།
བསམ་གཏན་སྒྲོལ་མ་བྲེལ་བ་ཡོད་པ་ཁག་ཅི་ཡོད་ ནང་ན་ལ་ཕུག་རྫོགས་ཡིན་འགྲོ། ཧཧཧཧ་་་་
ཀ་ཁ་མི་ཤེས་ན།།
ཁ་ལྐོག་བཙུམ་ནས་སྡོད།།
ག་བུར་ལྟ་བའི་རྩོམ།།
ང་ཡིས་ལྷུང་ལྷུང་འབྲི།།
ཅ་དག་མི་པས་ན།།
ཆ་ལུགས་རྫོར་རྟགས་སྟོན།།
ཇ་ཆང་འཐུང་ཤེས་ཙམ།།
ཉ་པ་ལ་ཡང་ཡོད།།
ཏ་རིན་སྐུ་དྲག་མདུན།།
ཐ་ཤལ་སྤྲུལ་མིང་བླངས།།
ད་ནི་ལྟས་ངན་རྟགས།།
ན་ནིང་ལས་ཀྱང་མང་།།
ཚང་མས་ཀུ་རེ་འབྲི་བཞིན་འདུག་ན་ངས་ཀྱང་ངོ་།།
༧༽ བསམ་གཏན་སྒྲོལ་མ་ལགས་ཀྱིས། སྤྲུལ་སྐུ་དབང་ཆེན་ལགས་དང་དེ་འདྲའི་ཆ་རྒྱུས་ཡོད་སྟངས་འདི་ང་ཡང་བློ་མི་བེད་བར་གྱུར་དུ་བཅུག་བགྱིད།
་་་་་་་་་་་་་་་་་་་་་་་
ཝ་མོ་ལྟ་བུར་བུད་མེད་འདོམ་ཁར་འགྲིམ།།
་་་་་་་་་་་་་་་་་་་་་་་་་
ཞྭ་གོས་ལྷམ་གྱིས་ཆོས་པའི་ཟོལ་ལ་བརྟེན།།
་་་་་་་་་་་་་་་་་་་་་་་་་་
འཆལ་པོ་འདི་འདྲས་ས་སྟེང་གང་ན་ད་ནི་ང་ཚོས་ཅི་ཞིག་བྱ།།
བླ་མ་དཀོན་མཆོག་དཔང་བོ་མཛོད་ཅིག་དོལ་ཚོགས་དང་བཅས་རྡུལ་དུ་རློགས།།
ཧེ་ཧེ་་་རྩེད་མོ་ཡིན།
ང་ལ་བྲེལ་བ་ཡོད། གྲོགས་པོ་ཚོས་དག་བཅོས་གནང་རོགས། ་་་་་་ཟེར།
ཡ་ཡ་ངས་ཀྱང་སྐུ་རྩེད་ཞུས་པ་ཡིན་ནོ།།
བསམ་གཏན་སྒྲོལ་མའི་ཚིག་དེ་མདའ་ལས་རྣོ།།
སྤྲུལ་སྐུ་དབང་ཆེན་སྙིང་དཀྱིལ་ཕུག་ནས་ཐལ།།
ན་ཟུག་མ་བཟོད་མཁུན་སྒྲ་སྒྲོག་བཞིན་དུ།།
ནད་པ་བཞིན་དུ་ཉལ་སར་ལུས་ནས་འདུག།
ཨ་ནེས་སྤྲུལ་སྐུར་སྡང་ན་དཀོར་གྱི་དོན།།
གྲྭ་པས་ཕོ་གསར་སྡང་ན་མོ་གསར་དོན།།
བུ་མོས་གྲྭ་པར་ཆགས་ན་དཀོར་མཇེའི་དོན།།
དོན་གསུམ་ཐད་ལ་རྒས་པོ་དགོད་རེ་སྤྲོ།།
ཀ་ཁ་ལ་པང་རིམ་ཡོད་ཟེར། ཧ་ཧ་ཧ།
ཀ་ཁའི་པང་རིམ་ནོར་བྱ་ཡིན་ཟེར། ཧ་ཧ་ཧ།
བསམ་གཏན་སྒྲོལ་མ་འདིས་ཅི་ཟེར་གི་ཡོད་པ་རེད། ཧ་ཧ་ཧ།
ཀ་ཕྲེང་འབྲི་བ་བྱ་དཀའི་སྙན་ངག་ཡིན།།
ཁ་བཤད་ཝུ་བ་གྲོང་བའི་འཆལ་གཏམ་ཡིན།།
ག་ས་གང་དུ་ཕྱོགས་རིས་འདོད་ཚུལ་གླིང་།།
ང་ཡིས་དེ་རིང་སེམས་ཀྱི་དགའ་ཕྱོགས་གླིང་།།
ཅ་དག་མིན་པའི་ཆོས་གཟུགས་མང་བ་བདེན།།
ཆ་ལུགས་བཙོག་པའི་དེང་དུས་སྤྲུལ་སྐུ་མང་།།
ཇ་ཆང་འཐུང་བ་དོན་དག་ཆུང་ཆུང་རེད།།
ཉ་མ་མགྲོན་ལ་བསུ་བའི་གཏམ་རྒྱུང་མང་།།
ཏ་སྟེའུ་ལྟ་བུའི་སེམས་པ་རྒུར་ཅོག་དེས།།
ཐ་མ་དམྱལ་བ་འགྲོ་བའི་རྒྱུ་ཞིག་བསྒྲུབས།།
ད་སྐབས་ཕྱི་ལ་འཁྱམ་པའི་རི་སྤྱང་ཚོར་།།
ན་གཞོན་བུ་མོ་མ་གཏོགས་དགོས་ལེ་མེད།།
པ་བ་སངས་ལྟར་དཀར་བའི་མི་དཀོན་ཡང་།།
ཕ་རོལ་གཞན་བཞིན་ཚུལ་མཐུན་ཡིན་ན་བཟང་།།
བ་ལས་འོ་མ་ལེན་པའི་ངང་ཚུལ་གྱིས།།
མ་སྐྱེས་གདོད་མའི་སེམས་དེ་བཞོས་ན་ལགས།།
ཙ་མི་ཌི་སོགས་གཤིན་རྗེའི་འཁོར་གཡོགས་ཀྱིས།།
ཚ་གྲང་དམྱལ་བའི་ཡུལ་ལ་མི་གཏོང་བའི།།
ཛ་༔ལས་སྐྱེས་པའི་ཐོངས་མཆན་རེག་མེད་ན།།
ཝ་མོའི་གཡོ་རྒྱུས་བསྟན་ཡང་དེས་ཅི་ཕན།།
ཞྭ་སེར་བདག་པོའི་མིང་དེ་ཁ་ལ་འཁྱེར།།
ཟ་ཚོ་འཁོར་གྱིས་སྐོར་བའི་ཡ་མ་བརླ།།
འ་ཅག་སྤྱི་ཚོགས་འདི་ན་མང་དྲག་པས།།
ཡ་རབས་ཡིན་མིན་དབྱེ་བ་སུ་ཡིས་འབྱེད།།
ར་གན་གསེར་ལ་འཁྲུལ་བའི་ཁོར་ཡུག་ན།།
ལ་ལུང་ཉུལ་བའི་ཆོས་པའི་ཆོས་རྫུན་བྲིན།།
ཤ་ཚའི་གཏམ་ལ་ཡིད་འཇོག་སུ་ཡིས་བྱེད།།
ས་སྟེང་ཀོ་བས་གཡོགས་འདྲའི་ལྷམ་ཞིག་འཚོལ།།
ཧ་ཧ་མཚར་གཏམ་འབྲི་ལ་བརྩོན་ལྡན་མ།།
ཨ་ནེ་བསམ་གཏན་སྒྲོལ་མའི་སྙན་ངག་གི།
ལད་ཟློད་རྩོམ་ལ་དོན་སྙིང་ཆེར་མེད་ཀྱང་།།
རང་གི་དགའ་ཕྱོགས་ཙམ་ཞིག་གླིང་བ་ཡིན།།
ཨ་ནེ་་ལགས།
ཁ་སང་ཁོམ་པོ་མེད་ཀྱང་དེ་རིང་ཨེ་ཁོམ།
ཁོམ་ན་ཁྱོད་ཀྱི་རྩོམ་ལ་དག་བཅོས་བྱེད་པའི་ཞོར་དུ་ངའི་འདིར་ཡང་དག་བཅོས་གནང་རོགས།
ང་ཡང་ཁོམ་མ་སོང་ང་། ཧ་ཧ་ཧ་་་་་་་
གྲྭ་ལོག་གྲྭ་བར་སྡང་བའི་ཆོས་ཉིད་ཞིག
གྲྭ་ལོག་ཆོས་ལ་སྡང་བའི་སེམས་ནད་ཞིག
གྲྭ་ལོག་རྩོམ་ལ་སྡང་བའི་སྨྱོ་གཏམ་ཞིག
གྲྭ་བ་གྲྭ་ལོག་སུ་ཡིན་རྩོམ་གྱིས་ཤེས།།
ཧ་ཧ་ཧ་
གྲྭ་ལོག་ཚོར་རྩེད་མོ་ཡིན་ད་་་་
གྲྭ་པས་ཨ་ནེར་དགའ་བ་ཐོབ་ཐང་ཞིག།།
གྲྭ་པས་གྲྭ་ལོག་སྡང་བ་གྲྭ་ལུགས་དོན།།
གྲྭ་པས་རྩོམ་འཆལ་འབྲི་ལ་དགའ་བ་དེ།།
གྲྭ་པ་གྲྭ་ལོག་རྩོད་པའི་གཞི་མ་རེད།། ཧ་ཧ།
རིགས་ལྡན་རྒྱལ་པོ་ལགས་་་འདིར་གཅིག་ཀློད་དང་ཏོག་ཙམ་ཧ་གོ་འོང་།
བོད་རང་བཙན་ལེན་སྟངས་ཀྱི་འཆར་སྣང་ཁྲིམས་གཏུག་མ།
རིང་ནས་སྙིང་དུ་བརྣག་བའི་འདོད་པའི་དོན།།
ཡོངས་རྫོགས་བོད་ལྗོངས་རང་དབང་གཙང་མའི་དཔལ།།
ལྷུན་འགྲུབ་ཆོས་སྲིད་ཟུང་འབྲེལ་དགའ་སྟོན་ལ།།
སྤྱོད་པའི་སྐལ་བཟང་མྱུར་བ་ཉིད་དུ་སྩོལ།།ཞེས་པའི་གདུལ་བྱ་ཡིན།
བོད་དམངས་སྙིང་དུ་བརྣག་བའི་འདོད་པའི་དོན།
ཡོངས་རྫོགས་བོད་ལྗོངས་རང་བཙན་གཙང་མའི་དཔལ།
དམངས་གཙོ་ཕོ་བྲང་ཏ་ལའི་དགའ་སྟོན་ལ།
སྤྱོད་པའི་སྐལ་བཟང་མྱུར་དུ་སྩོལ་དུ་གསོལ།ཞེས་པ་དམངས་ཀྱི་རེ་འདུན་ཡིན།།།
༡༩༥༩ལོར་༧གོང་ས་མཆོག་དང་བོད་གཞུང་དགའ་ལྡན་ཕོ་བྲང་གཉིས་གཙོར་བོད་འབངས་ཆིག་འབུམ་ལྷག་རྒྱ་བལ་འབྲུག་གསུམ་གྱི་ལུང་པའི་ནང་དུ་སྐྱབས་བཅོལ་ལ་བསླེབས་པ་རེད།འཛམ་གླིང་རྒྱལ་སྤྱི་དང་ལྷག་པ་ཏུ་ཨ་རི་རྒྱ་གར་སོགས་ཀྱིས་བོད་ཀྱི་རྒྱལ་ཁུངས་སུ་རྒྱ་དམར་གུང་ཁྲན་ཏང་གིས་བཙན་འཛུལ་བྱས་པར་མིག་གིས་མཐོང་ཡོད་ལ་བོད་ཡུལ་བཙན་ཕྲོགས་བྱས་པར་ཤེས་ཡོད། མ་ཟད་བོད་ཀྱི་ས་ཤོར་སྐབས་སུ་མདོ་ཁམས་ཆུ་བཞི་སྒང་དྲུག་གི་བསྟན་སྲུང་དང་བླངས་དམག་སྒར་ལ་ཨ་མེ་རི་ཀས་གོ་ལག་ཆ་ཡི་རྒྱབ་སྐྱོར་གནང་མྱངས་ཡོད་ལ་གོ་ལག་དེ་དག་བེད་སྤྱོད་ནས་རྒྱ་དམག་གི་ལག་འོག་ནས་༧གོང་ས་མཆོག་དང་བོད་གཞུང་དགའ་ལྡན་ཕོ་བྲང་འབངས་མི་ཆིག་འབུལ་དང་བཅས་སྐྱབས་བཅོལ་དུ་བསླེབས་ཐུབ་པ་བྱུང་བ་རེད།༧གོང་ས་མཆོག་དང་བོད་གཞུང་དགའ་ལྡན་ཕོ་བྲང་བོད་འབངས་ཆིག་འབུལ་ལྷག་ཕྱི་རྒྱལ་ཁབ་ཏུ་སྐྱབས་བཅོལ་ཤོར་སོང་བས་རྒྱུ་མཚན་གྱིས་བོད་རང་བཙན་མེད་པར་བཟོ་མ་ཐུབ་པ་རེད།
༡༩༥༩་ལོར་རྒྱ་དཔོན་ཀྲུང་དན་གྱིས་ལྷ་ས་དམག་གིས་བཟུང་ཚར་ནས་མའོ་ཀྲུང་ཞིའི་ལ་བོད་ཟ་ཚར་ཟེར་བའི་སྙན་གསོལ་ཞུས་པ་རེད།སྐབས་དེར་དུས་མའོ་ཀྲུང་ཞིའི་ཡིས་ཏ་ལའི་བླ་མ་ག་པ་ཡོད་དམ་ཞེས་དྲིས་པ་རེད།དམག་དཔོན་ཀྲུང་དན་གྱིས་ཏ་ལའི་བླ་མ་རྒྱ་གར་ལ་བྲོས་ཤོར་སོང་ཞེས་ལན་བཏབ་པ་རེད།མའོ་ཀྲུང་ཞིའི་ཡིས་ཏ་ལའི་བླ་མ་ཤོར་ཚར་ན་བོད་ཟ་ཐུབ་མེད་པ་རེད་ཞེས་གསུངས་ཡོད།རང་བཙན་ཆ་ཚང་ཤོར་མེད་པའི་རྒྱུ་མཚན་ཆེན་པོ་གཅིག་རེད།
༡༩༥༩་ལོར་༧གོང་ས་མཆོག་བོད་ཀྱི་ཡབ་མེས་དམ་པ་གཙོ་བོ་གྱུར་པའི་བོད་གཞུང་དགའ་ཕོ་བྲང་བོད་འབངས་ཆིག་འབུལ་དང་བཅས་པ་ཕྱི་རྒྱལ་ཁབ་ཁག་ཏུ་སྐྱབས་བཅོལ་བསླེབས་པར་འཛམ་གླིང་རྒྱལ་སྤྱི་དང་ཨ་རི་རྒྱ་གར་སོགས་ཀྱི་སྲིད་གཞུང་ཁག་ཏུ་དེབ་སྐྱེལ་ཡོད་མེད་ལ་མ་ལྟོས་པ་དོན་དངོས་པོའི་ཐོག་ནས་༧གོང་ས་མཆོག་བོད་རྒྱལ་ཁབ་ཀྱི་དབུ་ཁྲིད་དང་བོད་གཞུང་དགའ་ལྡན་ཕོ་བྲང་ལ་ངོས་ལེན་བྱས་ཡོད།
མ་ཟད་དེང་སང་གི་གནས་སྟངས་སུ་བལྟས་ནའང་འཛམ་གླིང་ཐོག་གི་རྒྱལ་ཁབ་མང་པོས་བོད་ཀྱི་དབུ་ཁྲིད་དེར་དབུ་ཁྲིད་ཤིག་དང་བཙན་བྱོལ་གཞུང་འདི་བོད་མི་རིགས་སྲིད་གཞུང་ཞིག་ཡིན་པར་བོད་ཀྱི་རྒྱལ་དར་འདི་རྒྱལ་དར་ཞིག་ཡིན་པར་སེམས་ཀྱིས་ངོས་ལེན་གནང་གི་ཡོད།བཙན་བྱོལ་བོད་གཞུང་གི་ཡིག་ཆ་རྣམས་ཀྱང་ཕྱིའི་རྒྱལ་ཁབ་ཁག་གིས་ངོས་ལེན་གནང་གི་ཡོད།གནད་དོན་འདིའི་ཐོག་ནས་ཕྱེད་རང་བཙན་ཡོད་པར་མཚོན་གྱི་ཡོད།
རྡ་ས་རི་བོའི་སྟེང་གི་དམངས་གཙོ་ལམ་ནས་འོས་བསྡུ་བྱུང་བའི་སྲིད་འཛིན་བློ་བཟང་སེང་གེ་མཆོག་དང་བོད་གཞུང་བཀའ་ཤག་མ་ལག་དང་བཅས་པ་ངོ་བོ་རང་བཙན་གྱི་ཐོག་ཏུ་གནས་ཡོད།ཕྱོགས་གང་ལ་བསམ་ཀྱང་བོད་རྒྱལ་ཁབ་ཀྱི་རྒྱལ་དར་དང་རྒྱལ་གླུ།བཙན་བྱོལ་བོད་གཞུང་གི་བཅའ་ཁྲིམས་དང་མ་འོང་རྩ་ཁྲིམས།བོད་རྒྱ་ཆེན་མི་དམངས་ཀྱི་ཤ་རུས་ཁྲག་གསུམ་དང་ལུས་སེམས་སུ་འཐིམ་ནས་ཡོད་པ་ནི་བོད་རྒྱལ་ཁབ་དང་བོད་རང་བཙན་ཡིན།གནད་ལུགས་འདི་དག་གིས་ཕྱེད་རང་བཙན་ཡོད་པར་མཚོན་གྱི་ཡོད།
ལྷག་པ་ཏུ་བོད་རྒྱལ་ཁབ་ཀྱི་དབུ་ཁྲིད་༧གོང་ས་མཆོག་འཛམ་གླིང་རྒྱལ་ཁབ་ཁག་གིས་མཐོང་ཆེན་པོ་ཡོད་པ་ནི་རང་བཙན་ཡོད་པའི་རྒྱལ་ཁབ་ཀྱི་དབུ་ཁྲིད་ཚོ་ལས་མཐོང་ཆེ་བ་མེད་ནའང་ཆུང་བ་རྩ་ནས་མེད།ནུབ་ཕྱོགས་ཡུང་རོ་གླིང་དུ་རྒྱལ་ཁབ་ཁག་ཅིག་གིས་བོད་ཀྱི་རྒྱལ་དར་རང་གི་སྲིད་གཞུང་ཁང་སོགས་ཀྱི་ཐོག་ཏུ་འཛུགས་ཡོད་ལ་བོད་རང་བཙན་ལ་མཐའ་གཅིག་ཏུ་རྒྱབ་སྐྱོར་བྱས་དང་བྱེད་བཞིན་པ་རེད།ཡུང་རོ་ནང་གི་སྟོབས་ཆེ་ཤོས་ཧྥི་ངན་སི་དང་འཇར་མི་ནིས་སོགས་རེད།རྒྱལ་ཁབ་འདི་དག་གིས་བོད་རང་བཙན་ལ་རྒྱབ་སྐྱོར་གནང་གི་ཡོད།མ་ཟད་༢༠༠༨ལོར་ཡུང་རོལ་གྲོས་ཚོགས་འཐུས་མིས་༧གོང་ས་མཆོག་ལ་རང་བཙན་ཐོག་ཏུ་ཕེབས་དང་ང་ཚོས་རྒྱབ་སྐྱོར་བྱེད་ཆོག་ཞེས་ཞུས་སོང་།འདི་དག་གིས་རྣམ་པ་འགྱུར་བའི་རང་བཙན་ཡོད་པར་མཚོན་གྱི་ཡོད།།
ཨ་རིའི་གྲོས་ཚོགས་ཀྱིས་ངོས་ནས་ཉིན་ཆ་བཙན་བྱོལ་ནང་དུ་བོད་ཀྱི་སྐད་ཡིག་སྲུང་སྐྱོབ་དང་བོད་མིའི་ངོ་བོ་སྲུང་སྐྱོབ་བྱེད་ཀྱི་ཡིན་ཞེས་གསུངས་པ་འདིས་བོད་རང་བཙན་ལ་རྒྱབ་སྐྱོར་མཚོན་གྱི་ཡོད་ལ་དོན་དངོས་པོའི་ཐོག་གི་རང་བཙན་ལ་རྒྱབ་སྐྱོར་གནང་སྟངས་ཤིག་ངོས་འཛིན་བྱེད་ཆོག
སྲིད་འཛིན་བློ་བཟང་སེང་གེས་མཛད་སྒོའི་གཏམ་བཤད་ནང་བོད་ཀྱི་རང་དབང་བསྐྱར་གསོ་བྱེད་ནས་༧གོང་ས་མཆོག་བོད་ཀྱི་མི་རྗེ་ཕོ་བྲང་པོ་ཏ་ལའི་ནང་དུ་གདན་འདྲེན་ཞུ་རྒྱུའི་འབད་བརྩོན་བྱེད་རྒྱུ་ཡིན་ཞེས་དང་།སྲིད་འཛིན་བློ་བཟང་སེང་གེ་མཆོག་གིས་བོད་ཁྱིམ་སློབ་ཟུར་བསྟན་འཛིན་རིག་གྲོལ་ལགས་ཀྱིས།བོད་ཡུལ་གྱི་ས་ཕོན་ཆེན་པོ་ཞིག་བཞུགས་སྒར་ངྷ་རམ་ས་ལར་ཁྱེར་ཡོང་བའི་སྐབས་སུ་བོད་ཀྱི་སའི་ཐིག་ཏུ་རྒྱལ་དར་འཛུགས་པ་དང་།བོད་རང་དབང་བསྐྱར་གསོ་དང་༧གོང་ས་མཆོག་བོད་ཀྱི་རྒྱལ་ས་ལྷ་སར་གདན་འདྲེན་ཐོག གཞིས་བྱེས་བོད་མི་ཚང་མ་ཉིན་གཅིག་བོད་ལ་མཇལ་འཛོམས་ཐུབ་པའི་ཉིན་མོ་ཞིག་འཆར་རྒྱུ་དེ་བོད་མི་སྤྱི་ཡོངས་ཀྱི་རེ་བ་དང་འབད་བརྩོན་བྱ་ཡུལ་དེ་ཡིན་ཞེས་གསུངས་ཡོད།བོད་རང་དབང་བསྐྱར་གསོ་ཟེར་དུས་རང་བཙན་མ་གཏོགས་སྔར་ནས་ཡོད་བསྡད་པ་ཞིག་ད་ལྟའི་ཆ་བསྐྱར་གསོ་བྱ་རྒྱུ་ཞིག་མེད།གསུངས་སྟངས་འདི་དག་གིས་སྲིད་འཛིན་བློ་བཟང་སེང་གེའི་སེམས་ཁམས་བོད་རང་བཙན་དང་འདྲེས་ནས་ཡོད་པར་གསལ་བསྟན་བྱེད་ཡོད།འདི་ཡང་ཕྱེད་རང་བཙན་ཡོད་པའི་མཚོན་རྟགས་ཤིག་ཡིན།
༧གོང་ས་མཆོག་གིས་སྲིད་འཛིན་བློ་བཟང་སེང་གེའི་མཛད་སྒོའི་ཐོག་ཏུ་བོད་མི་རིགས་རིག་གཞུང་དང་བཅས་པ་འཛམ་གླིང་ཐོག་ཏུ་ནག་བསུབས་བཏང་མ་ཐུབ་ཙམ་བྱུང་ཡོད་ཞེས་གསུངས་ཡོད།འཛམ་གླིང་ཐོག་ཏུ་བོད་རྒྱལ་ཁབ་ཀྱི་སྲིད་གཞུང་བཀའ་ཤག་མ་ལག་དང་བཅས་པ་ལྷག་པ་ཡོད་པ་ནི་གཙོ་བོ་༧གོང་ས་མཆོག་དང་བོད་ཀྱི་ཕ་མེས་དམ་པ་ཚོའི་བྱས་རྗེས་ཡིན་པར་ཤེས་དགོས།གནས་ཚུལ་འདི་དག་གི་ཐོག་ཏུ་བོད་མི་སེམས་ལྡན་ཞིག་ཡིན་ན་བཀའ་དྲིན་ལ་བསམ་གཞིགས་བྱེད་དུས་མིག་ཆུ་སེམས་སུ་ལྷུང་ཡོང་བ་ཆོས་ཉིད་ཤིག་ལོས་ཡིན། བཀའ་སློབ་འདིས་ནག་བསུབས་མ་ཐུབ་པར་ཕྱེད་རང་བཙན་ལྷག་ཡོད་པར་བསྟན་གྱི་ཡོད།
མ་འོང་བོད་རང་བཙན་ལེན་སྟངས།
བཙན་བྱོལ་ནང་གི་རྩོམ་པ་པོའི་ཚོགས་གཙོ་ཆབ་བྲག་ལྷ་མོ་སྐྱབས་ལགས་ཀྱིས་སྡོམ་ཚིག་འདི་འདྲ་ཞིག་གནང་ཡོད།་་བདག་གིས་གོ་སྐབས་གང་ཞིག་རེ་བ་རྒྱག་གིན་ཡོད་ཟེར་ན་རྒྱ་ནག་དམངས་གཙོར་འགྱུར་བའི་ཉི་མ་དེའོ།དེའི་བར་ལ་ང་ཚོས་གཞན་མ་ཐུབ་ན་ཆོག
ངེས་པར་ཐུབ་དགོས་པ་གཅིག་ཡོད་པ་ནི་རང་གི་རིག་གཞུང་དང་རང་ཉིད་མཉམ་གནས་ཐུབ་རྒྱུ་འདི་རེད།ཞེས་གསུངས་ཡོད།སྡོམ་ཚིག་འདི་ནི་ཁོང་མི་གཅིག་གི་བསམ་ཚུལ་ཙམ་མིན་པར་བོད་མི་ཤེས་ཡོན་ཅན་མང་ཆེ་བས་བསམ་ཚུལ་ཞིག་རེད།
འཚེ་མེད་ཞི་བདེའི་ལྟ་གྲུབ་ལ་གཞིར་བཅོལ་བའི་ཐོག་ནས་ང་རང་ཚོས་ངོས་ནས་རང་བཙན་དང་རང་སྐྱོང་གང་བཤད་ཀྱང་གུང་ཁྲན་ཏང་གིས་དཔོན་རིགས་ཚོས་ངོས་ནས་ངོས་ལེན་བྱས་མེད་ལ་མ་འོང་པ་ཡང་ངོས་ལེན་བྱེད་ཀྱི་མ་རེད།ད་་་ང་ཚོ་ལ་ཐབས་ཤེས་གཅིག་ཡོད་པ་ནི་གུང་ཁྲན་ཏང་ཤི་སྒུག་བྱེད་ཀྱི་འདིར་རེད།གུང་ཁྲན་ཏང་ཚེ་ཐུང་རེར་གཏོང་རྒྱུ་དེར་རེད།ང་ཚོས་གུང་ཁྲན་ཏང་ཤི་སྒུག་བྱེད་པའི་དུས་ཡུན་ནང་རང་ཉིད་ཤི་མི་འགྲོ་བ་གནང་དགོས་པ་ནི་གནད་འགག་ཆེ་ཤོས་རེད།རང་ཉིད་དང་མཉམ་དུ་རང་གི་སྐད་ཡིག་གཙོ་བོ་གྱུར་པའི་བོད་མི་རིགས་ཀྱི་ངོ་བོ་མཚོན་པའི་རིག་གཞུང་རྣམས་སུ་བདག་པོ་རྒྱབ་ཐུབ་དགོས། སྐད་ཡིག་དང་རིག་གཞུང་བདག་པོ་རྒྱབ་སྟངས་༢༠༠༩ལོར་བྲིས་པའི་ཐ་སྙད་གསར་པའི་སྐོར་གྱི་རྩོམ་ཡིག་ནང་དུ་གསལ་བསྟན་བྱས་ཡོད་ལ་མ་འོང་བཀའ་སྤྱི་གཉིས་སུ་སྙན་ཞུ་ཕུལ་བརྩིས་ཀྱང་ཡོད་པས་འདིར་གསལ་བཤད་དགོས་པར་མ་མཐོང་།
རང་བཙན་རྩོད་དུས་སུ་དང་པོར་རྩོད་ས་ངོས་འཛིན་ལ་དབྱེ་ན་གཉིས་ཡོད།གུང་ཁྲན་ཏང་དང་འཛམ་གླིང་རྒྱལ་སྤྱི་གཉིས་རེད།དང་པོར་གུང་ཁྲན་ཏང་གི་མཉམ་དུ་བོད་རང་བཙན་བཤད་ས་མེད།བོད་རང་བཙན་བཤད་ན་གུང་ཁྲན་ཏང་གིས་ང་ཚོ་གསོད་ཀྱི་རེད།གནད་དོན་གཅིག་རེད།གཉིས་ནས་གུང་ཁྲན་ཏང་འདིས་རྒྱ་ནག་མི་དམངས་ཀྱི་སྐུ་ཚབ་མཚོན་ཐུབ་ཀྱི་མེད་ལ་རྒྱ་ནག་རྒྱལ་ཁབ་ཀྱི་བདག་པོ་ཡང་མིན་པས་སྐད་ཆ་བཤད་ཀྱང་ཕན་ཐོགས་མེད།རྗེས་སུ་རྒྱ་ནག་ནང་དུ་དམངས་གཙོ་ལམ་ནས་འོས་བསྡུ་བྱུང་བའི་སྲིད་འཛིན་དང་དབུ་ཁྲིད་སླེབས་དུས་སུ་བདག་པོའི་མཉམ་དུ་རང་བཙན་དང་རང་སྐྱོང་གང་བཤད་ནའང་དོན་དངོས་དང་མཐུན་པ་རེད། གྲུབ་འབྲས་ཤིག་ཀྱང་ཡོང་ངེས་རེད།
རྒྱལ་སྤྱིའི་ནང་དུ་བོད་རང་བཙན་རྩོད་སྟངས།
འཛམ་གླིང་འདིའི་ཐོག་ཏུ་མི་སྡེ་ཡི་སྤྱི་ཚོགས་ཤིག་དང་ཡུལ་ལུང་ཞིག་ལ་རྒྱལ་ཁབ་ཀྱི་ཐོབ་ཐང་ཡོད་མེད་དང་རང་བཙན་ཡོད་མེད་གཞིར་འཛིན་ས་འཛམ་གླིང་མཉམ་འབྲེལ་རྒྱལ་ཚོགས་ནང་དུ་དེབ་བསྐྱེལ་ཡོད་མེད་རེད།འཛམ་གླིང་མཉམ་འབྲེལ་རྒྱལ་ཚོགས་ཀྱི་ཚོགས་ཁུངས་སུ་རྒྱལ་ཁབ་༡༩༢ཡོད།རྒྱལ་ཚོགས་ཀྱི་ཚོགས་ཁུངས་སུ་འཛུལ་ཞུགས་བྱེད་པར་ཚོགས་ཁུངས་ཀྱི་རྒྱལ་ཁབ་དེ་དག་གིས་ངོས་ལེན་གནང་དགོས།གུང་ཁྲན་ཏང་གིས་ངོས་ལེན་གནང་གི་མ་རེད་ཏེ་ཁོ་རྒྱལ་ཁབ་གཅིག་གཅིག་པོ་རེད།དམངས་གཙོའི་སྤྱི་ཚོགས་ནང་དུ་གཅིག་གི་ཤུགས་ཙམ་མ་གཏོགས་མེད། གུང་ཁྲན་ཏང་ལ་རེ་བ་མི་རྒྱབ་ཁོ་ཕར་ཞོག
ད་་་རྒྱལ་སྤྱིའི་་ཚོགས་ཁུངས་ཡིན་པའི་རྒྱལ་ཁབ་༡༩༡་གིས་ངོས་ནས་བོད་རང་བཙན་ལ་ངོས་ལེན་ཡོང་ཐབས་བྱེད་དགོས།རྒྱལ་ཁབ་དེ་དག་གི་ནང་ནས་རྒྱལ་ཁབ་༣༧ཙམ་གྱི་ནང་དུ་བཙན་བྱོལ་བོད་མི་གནས་བསྡད་བྱས་ཀྱི་ཡོད།བཙན་བྱོལ་བོད་གཞུང་གི་ཚོགས་ཁུངས་ཡིན་པའི་བོད་རིགས་སྤྱི་མཐུན་ཚོགས་པ་བཙུགས་ཡོད།རང་རང་གིས་རང་ཉིད་ཀྱི་སྐྱབས་བཅོལ་ཡུལ་གྱི་རྒྱལ་ཁབ་དེ་དག་གིས་བཙན་བྱོལ་གཞུང་འདིར་སྐྱབས་བཅོལ་གཞུང་ཞིག་དང་བོད་རྒྱལ་ཁབ་འདི་རྒྱལ་ཁབ་ཤིག་ཡིན་པར་ངོས་ལེན་ཡོང་ཐབས་ཁྲིམས་གཏུག་བྱེད་དགོས།
བཙན་བྱོལ་བོད་གཞུང་གིས་ངོས་ནས་ཀྱང་འཚེ་མེད་ཞི་བདེའི་ལྟ་གྲུབ་ལ་གཞིར་བཅོལ་ནས་བཙན་བྱོལ་བོད་མིའི་སྐྱབས་ཡུལ་གྱི་རྒྱལ་ཁབ་ཁག་གི་ཁྲིམས་ཁང་་ནང་དུ་ཁ་མཆུ་རྒྱབ་དགོས་ལ་རྒྱལ་ཁབ་རེ་རེས་ངོས་ནས་བཙན་བྱོལ་བོད་གཞུང་འདིར་སྐྱབས་བཅོལ་གཞུང་ཡིན་པ་དང་བོད་རང་བཙན་ཡིན་པར་རྒྱལ་སྤྱིས་ངོས་ལེན་ཡོང་ཐབས་ཀྱི་རྒྱབ་སྐྱོར་འཚོལ་དགོས།འཛམ་གླིང་ཐོག་གི་དམངས་གཙོ་རྒྱལ་ཁབ་ཁག་ཏུ་ཁྲིམས་གཏུག་བྱེད་ས་དང་དྲང་བདེན་བཤད་ས་ཡོད།ང་ཚོས་རྒྱབ་སྐྱོར་ཐོབ་ངེས་ཡིན་པས་ཡིད་ཆེས་བྱེད་ཆོག
སྲིད་འཛིན་བློ་བཟང་སེང་གེ་མཆོག་གིས་བོད་དོན་འཐབ་རྩོད་ཀྱི་ནུས་པ་བཅུ་དང་རྩ་དོན་གསུམ་གསུངས་ཡོད་པ་རྣམས་བེད་སྤྱོད་ཀྱིས་དམངས་གཙོ་རྒྱལ་ཁབ་ཁག་ཏུ་ཁྲིམས་གཏུག་བྱ་ཆོགལྷག་པ་ཏུ་༧གོང་ས་མཆོག་གི་གཟི་བརྗིད་ཀྱི་ནུས་པ་ཧ་ཅང་ཆེན་པོ་རེད།འདིར་བེད་སྤྱོད་བྱེད་ཆོགབོད་ཀྱི་ཁོར་གཡུ་ཡི་ནུས་པ་བེད་སྤྱོད་བྱེད་ཆོག ད་དུང་ཁ་མཆུ་མ་ཐོབ་ན་ཞི་བའི་ངོ་རྒོལ་གྱི་ཐོག་ནས་སྲོག་བེད་སྤྱོད་གཏོང་ཆོག བོད་མི་མང་པོས་བོད་ཀྱི་རྩ་དོན་ཐོག་ཏུ་ཤི་དགོས་པ་བྱུང་ན་གྲལ་སྒྲིག་ཡོད་ཞེས་བཙན་བྱོལ་བོད་གཞུང་ལ་དེབ་བསྐྱེལ་བྱས་ཡོད། འདི་དག་ནི་ཁྲིམས་གཏུག་གི་ནུས་པ་ཐོན་པའི་ཆ་རྐྱེན་ཡིན།
ཁྲིམས་གཏུག་ཐུབ་པའི་ཁྲིམས་རྩོད་པ།
ང་ཚོ་ལ་རྒྱལ་སྤྱིའི་ཁྲིམས་ལུགས་སུ་མཁས་པའི་སྲིད་འཛིན་བློ་བཟང་སེང་གེ་མཆོག་བསླེབས་ཡོད་པ་ནི་ཁྲིམས་རྩོད་ཐུབ་པའི་ཁྱད་ཆོས་གལ་ཆེ་ཞིག་ཚང་བ་རེད།
དེང་སང་ནུབ་ཕྱོགས་རྒྱལ་ཁབ་ཁག་གི་ནང་དུ་རྒྱལ་སྤྱིའི་ཁྲིམས་རྩོད་པའི་ཁྱད་ལས་སློབ་སྦྱོང་ཡོད་པ་བོད་མི་མི་ཉུང་བ་ཞིག་ཡོད།ཁྲིམས་རྩོད་པ་བོད་མི་འདི་དག་ནི་བོད་དོན་འཐབ་རྩོད་ཀྱི་ཆེད་དུ་གལ་ཆེན་པོ་ཆགས་ཡོད།མ་འོང་པ་ཡང་ཁྲིམས་རྩོད་པའི་ཁྱད་ལས་པ་བོད་མི་མང་པོ་ཐོན་ངེས་རེད།ང་ཚོས་ཁྲིམས་གཏུག་ཐུབ་པའི་ཆ་རྐྱེན་རེད།ཁྲིམས་རྩོད་པ་འདི་དག་བཙན་བྱོལ་བོད་གཞུང་གིས་ངོས་ནས་བདག་པོ་ཡག་པོ་རྒྱབ་དགོས་ལ་བེད་སྤྱོད་ཡག་པོ་གཏོང་དགོས།འཛམ་གླིང་ཐོག་ཏུ་ཡོད་པའི་བོད་མི་ཁྲིམས་རྩོད་པ་རྣམས་ཀྱིས་རྒྱལ་སྤྱིའི་ཁྲིམས་ལུགས་དང་མཐུན་པ་ས་གནས་ཡུལ་ཁྲིམས་དང་མཐུན་པའི་ཐོག་ནས་བཙན་བྱོལ་བོད་གཞུང་གི་ཁྲིམས་གཏུག་བྱེད་སྟངས་གཏན་འབེབས་བྱ་དགོས།བཙན་བྱོལ་བོད་མི་རྣམས་ཀྱིས་ཁ་ཕྱོགས་དང་ལམ་ཕྱོགས་གཅིག་གི་ཐོག་ནས་བཙན་བྱོལ་བོད་གཞུང་འདི་རྒྱལ་སྤྱིས་ངོས་ལེན་ཡོད་པའི་སྐྱབས་བཅོལ་གཞུང་ལ་སྒྱུར་ཐུབ་པ་བྱེད་དགོས།
འཇམ་དབྱངས་ནོེར་བུ་ལགས་ཀྱིས་སྔར་ནས་སྟོན་བསྡད་པའི་བོད་རང་བཙན་གྱི་དཔང་རྟགས་རྣམས་དང་དཔང་རྟགས་གང་ཡོད་པ་ཚང་མ་གྲལ་སྒྲིག་ཡོད་པའི་ཐོག་ནས་ཁྲིམས་ཁང་ནང་དུ་སྟོན་དགོས།བཙན་བྱོལ་བོད་གཞུང་གིས་ཁ་མཆུ་རྒྱབ་སྟངས་གཏན་འབེབས་ཚར་དུས་ས་གནས་བོད་རིགས་སྤྱི་མཐུན་ཚོགས་པ་ཁག་གིས་ས་གནས་ས་ཐོག་ཏུ་ལག་ལེན་བསྟར་དགོས།ཁྲིམས་རྩོད་པ་དང་དཔང་རྟགས།འཛམ་གླིང་ཐོག་གི་སྐད་ཡིག་མང་ཤོས་བཙན་བྱོལ་བོད་མིས་ཤེས་ཀྱི་ཡོད་པ།འཛམ་གླིང་རྒྱལ་ཁབ་མང་པོའི་ཁྲིམས་ལུགས་ཤེས་ཀྱི་ཡོད་པར་སོགས་བོད་མི་རིགས་འདི་ལ་ཁྲིམས་གཏུག་ཐུབ་པའི་ཆ་རྐྱེན་བཟང་པོ་ཞིག་ཚང་བསྡད་ཡོད་ད།ཀི་ཧུ་ཧུ།་་ཀི་ཧུ་ཧུ།་་ཀི་ཧུ་ཧུ།།
ནོར་བུ་རང་ལ་ཡོད་དུས་ནོར་བུའི་ནོར་ཉམས་ཆད་དགོས་ཟེར་བར་འདི་འདྲ་ལ་གོ་དགོས་པར་འདོད་དོ།
རྒྱ་ནག་གི་དམངས་གཙོ་ལ་བོད་མིའི་འགན་ཁུར།
རྒྱ་མི་རིགས་དུང་ཕྱུར་མང་པོའི་རང་དབང་དམངས་གཙོ་ལ་བོད་མིས་འགན་ཁུར་དགོས།རྩོད་རོགས་བྱེད་དགོས།དམངས་གཙོ་དོན་གཉེར་བའི་རྒྱ་རིགས་རྣམས་དང་བློ་སེམས་གཅིག་སྒྲིལ་གྱི་ཐོག་ནས་རྒྱ་ནག་དམངས་གཙོ་ཅན་དུ་འགྱུར་བ་ལ་ཤུགས་རྒྱབ་དགོས།ང་ཚོས་ངེས་པ་ཏུ་བསམ་བློ་གཏོང་དགོས་པ་ནི་མི་དམངས་བཅིངས་གྲོལ་དམག་ཟེར་བ་འདི་རྒྱ་ནག་མི་དམངས་གསོད་མཁན་ལག་དམར་བ་ཞིག་ལ་མི་འགྱུར་ཐབས་བྱེད་དགོས། འདི་ལ་གཟབ་དགོས།
གུན་ཁྲན་ཏང་དམངས་གཙོ་ལ་སྒྱུར་དགོས་པ་ནི་སྤྱིར་མི་སེར་དུང་ཕྱུར་༡༣་གྱི་རང་དབང་དང་སྒེར་བོད་མི་རིགས་ཀྱི་ཐོབ་ཐང་དང་འབྲེལ་བ་ཆེ་བས་བོད་ཕྱི་ནང་གཉིས།བོད་གཞུང་དམངས་གཉིས་ཀྱིས་ཤུགས་རྒྱབ་ནས་རྒྱ་ནག་དམངས་གཙོ་ལ་སྒྱུར་ཐུབ་པ་བྱ་དགོས།
མི་དམངས་བཅིངས་འགྲོལ་དམག
གུང་ཁྲན་ཏང་དམངས་གཙོ་སྒྱུར་བ་ལ་མི་དམངས་བཅིངས་འགྲོལ་དམག་ལ་བསམ་བློ་གཏོང་དགོས། མི་དམངས་བཅིངས་འགྲོལ་དམག་འདི་རྒྱ་ནག་མི་དམངས་གསོད་པའི་ཤན་པ་ལག་དམར་བ་ཞིག་ལ་མི་འགྱུར་ཐབས་བྱེད་དགོས།རྒྱ་ནག་ནང་དུ་དམངས་གཙོའི་ལས་འགུལ་བས་གྱེན་ལང་ཆེན་པོ་བྱུང་ན་མི་དམངས་བསྡམས་གསོད་བྱེད་མདོག་ཁག་པོ་རེད།འཇིགས་སྣང་ཆེ་ཤོས་འདིར་རེད།རྒྱ་ནག་དམངས་གཙོ་དོན་གཉེར་བ་ཚོས་བསམ་བློ་གཏོང་དགོས་པའི་སྐད་ཆ་གཅིག་རེད།
མི་དམངས་བཅིངས་འགྲོལ་དམག་གིས་མི་སེར་མི་གསོད་པའི་གདེང་ཚོད་མེད་ན་རྒྱ་ནག་དམངས་གཙོ་ལ་སྒྱུར་འདོད་བྱེད་ན་ནོར་འཁྲུལ་རེད།དང་པོར་མི་དམངས་བཅིངས་འགྲོལ་དམག་ལ་བསླབ་བྱ་རྒྱབ་དགོས།དེ་ཡང་དམག་མི་དེ་དག་ལ་ཨ་མ་ཡོད་མདོག་ཁག་པོ་རེད།རང་རང་གི་ཨ་མ་ལགས་ཚོས་རང་གི་བུ་དེ་ཨ་མ་རང་ཉིད་མི་གསོད་པའི་དམག་མི་ཞིག་དང་སྤུན་ཟླ་མི་གསོད་པ།རྒྱ་ནག་མི་དམངས་དུང་ཕྱུར་༡༣་གྱི་ཐོག་ཏུ་མེ་མདའ་མི་རྒྱབ་མཁན་གྱི་མི་དམངས་བཅིངས་འགྲོལ་དམག་མི་ཞིག་ཡོང་ཐུབ་པའི་བསླབ་བྱ་རྒྱབ་དགོས།
རྒྱ་ནག་གི་རྩོམ་བྲིས་པ་དང་སྒྱུ་རྩལ་བ།གླུ་བ་དང་གླུ་མ་བཅས་ཀྱིས་མི་དམངས་བཅིངས་དམག་ལ་མི་དམངས་གསོད་མི་ཉན་པའི་བསླབ་བྱ་རྒྱབ་རོགས་བྱོས།།རྒྱ་རིགས་དུང་ཕྱུར་མང་པོའི་སྲོག་གི་ཆེད་དུ་བསམ་བློ་ཐོངས། རྒྱ་མཁས་དབང་ཚོ།།
མཇུག་སྡོམ།
འཛམ་གླིང་མཉམ་འབྲེལ་རྒྱལ་ཚོགས་ནང་དུ་དེབ་སྐྱེལ་ཐུབ་པའི་ཉིན་མོ་དེ་ནས་བོད་རང་བཙན་ཐོབ་ཚར་བ་རེད་ལ་གུང་ཁྲན་ཏང་ཤི་སོང་ན་ས་ཆ་ཚུར་ལེན་གྱི་གཅིག་པོ་རེད།གུང་ཁྲན་ཏང་སྡོད་པའི་རིང་དུ་བོད་མི་རྣམས་ཀྱིས་མ་འོང་བོད་རང་བཙན་ཐོབ་དུས་སུ་བོད་ཀྱི་ཆབ་སྲིད་དང་དཔལ་འབྱོར་རིག་གནས།ཕྱི་རྒྱལ་ཁབ་ཁག་གི་ཁྱད་ལས་བོད་ཡིག་ནང་དུ་སྒྱུར་བ་དང་ཁ་བ་རི་པ་ལ་དགོས་མཁོ་ཆེ་བའི་རིག་གནས་རྣམས་ནང་འདྲེན་བྱེད་དགོས།དེ་འདྲ་མ་ཐུབ་ན་རང་བཙན་ཐོབ་ཀྱང་བདེ་སྐྱིད་མི་ཐོབ།རང་བཙན་ཐོབ་ཀྱང་རང་ཡུལ་ཟིན་མི་ཐུབ། རང་བཙན་ཐོབ་ཀྱང་འཚོ་བ་མི་འཁྱོངས།ངེས་པ་ཏུ་བྱ་ཐུབ་པ་བྱེད་དགོས།
ངས་ཅིག་བཤད་པ་འདི་༧གོང་ས་མཆོག་གི་རྒྱ་སྐྱིད་བོད་བདེ་ཡི་ལྟ་གྲུབ་དང་མི་འགལ་ལ་བཀྲས་མཐོང་གི་རང་ཐག་རང་གཅོད་ཀྱི་ལམ་ཕྱོགས་དང་མཐུན་གྱི་ཡོད།བདེན་པ་ཁྲིམས་ལུགས་ཀྱི་མདུན་སར་ཨུ་ཚུགས་རྒྱབ་སྟངས་འདི་ཟམ་གདོང་གི་བདེན་པའི་ཨུ་ཚུགས་ཟེར་ནའང་འདི་འདྲ་ཞིག་མིན་ནམ་སྙམ།དགེའོ།
རྩམ་པ་ཡུན་རིང་ཟས་པའི་རིན་འབབ་ལ།
རྩམ་གཟན་བོད་མི་རྣམས་ཀྱི་ཞབས་དྲུང་དུ།
རྩམ་ཕྲུག་ཅོ་རིའི་སྙིང་གིས་མ་བཟོད་པར།
རྩམ་སྐད་འདི་དག་ཁ་ནས་ཤོར་སོང་ངོ།།༢༠༡༡ལོར་སྤྱི་ཟླ་༡༢པའི་ཚེས་༡༣ཉིན་བྲིས།བོད་རང་བཙན་རྒྱལ་ལོ།།
དགོངས་དག་་་སྤྲུལ་སྐུ་རིན་པོ་ཆེན་དབང་ཆུང་ལགས་་་ངས་མཆན་བུ་འདེབས་ས་ནོར་འདུག ཁྱོད་ཀྱི་ཀ་རྩོམ་སྙན་དྲག་ནས་བཀླབས་མཁན་བསླེབས་པ་མིན། བློ་མཐུན་ཞིག་གི་མཆན་བུ་བཀླགས་མཁན་བསླེབས་ཡིན། དེ་བརྟེན་མཆན་བུ་བཏབ་ས་ནོར་སོང་བ་རེད།།
གྲྭ་ལོག་གྲྭ་བའི་གྲོགས་པོ་རེད།
སྐྱིད་གཏམ་སྡུག་གཏམ་བཤད་ས་རེད།
གསང་བ་མི་དགོས་ཤེས་གསལ་རེད།
ཁ་རྒྱག་ཁོག་གཙང་གྲོགས་པོ་རེད།
ཀི་ཀི་ཀུ་ཀུ་ཀེ་ཀེ་ཀོ།།
ཁུ་ཁུ་ཁོ་ཁོ་ཁེ་ཁེ་ཁི།།
གོ་གོ་གེ་གེ་གུུ་གུ་གི།།
ངེ་ངེ་ངི་ངི་ངོ་ངོ་ངུ་།།
འགྲེལ་བ་བརྒྱ་བརྒྱབ་ཀྱང་གོ་བ་མི་ཐོན་པའི་སྙན་ངག་གཏིང་ཟབ་པོ་ཞིག་འདིར་བྲིས་འདུག
སྔོན་ཆད་བོད་རྒན་ཚོས་སྙན་གཞུང་མེ་ལོང་མ་སྦྱངས་ཀྱང་དོན་མི་གོ་བའི་སྐབས་དཔེ་བརྗོད་འདི་འདྲ་བཞག་ནས་དགེ་ཕྲུག་ཚོར་མགོ་སྐོར་བཏང་མྱོང་བ་རེད།
ད་གཟོད་འདིའི་རིགས་ལ་ཁོངས་མེད་པས་རྐུབ་བརྡོལ་ཚར་བ་རེད།
ད་ལྟ་ང་ཚོའི་རང་གི་བརྡ་སྤྲོད་དང་མཐུན་པའི་སྙན་གཞུང་གསར་བ་ཞིག་འབྲི་དགོས་པའི་དུས་ལ་བབས་ཡོད།
དེ་ནས་ཡི་གེ་ལྕི་ཡང་དང་འཇམ་རྩུབ། རིང་ཐུང་དང་སྲོག་ཅན་དང་སྲོག་མེད་སོགས་ཀྱི་རྣམ་བཞག་ལ་འགྱུར་བཅོས་ཏན་ཏན་ཐེབས་ངེས་རེད།
མ་འོངས་པའི་བོད་ཀྱི་སྙན་ངག་པ་དང་སྙན་ངག་གི་ང་རོ་ནི་ཆེས་མཐོ་བའི་ཇོ་མོ་གླིང་མའི་དབུ་རྩེ་ནས་བསྒྲག་ངེས་ཡིན།
བཟང་གི་་་བཟང་གི
སྤྲུལ་སྐུ་དབང་ཆེན་ཟིང་ཆ་ཚ་བ་དེ།།
ཀ་ཁའི་གོ་རིམ་འཁྲུགས་པ་དེ་ཡིས་ཤེས།།
ཁ་ལྔ་པ་དེ་གཉིས་པར་ཀློག་ན་ཡང་།།
གོ་བ་ལེགས་ཕྱིར་གོང་འོག་འཁྲུགས་པར་ངེས།།
མཆན་པ་མང་པོས་ཚིག་མཚོན་དྲག་འབེབས་ཀྱང་།།
མི་བསྒུལ་བྲག་དང་འདྲ་བར་བསྡད་ཁུལ་ཀྱང་།།
བསམ་གཏན་སྒྲོལ་མས་ཉེན་ཁག་བཙུགས་པ་དེ།།
དངོས་པོར་གནས་པའི་བདེན་པ་མིན་ན་ཐང་།།