༅།། རླུང་རྟའི་སྟག་སེང་ཁྱུང་འབྲུག་སྐོར་ལ་ཅུང་ཟད་དཔྱད་པ།

Comments (17) on “༅།། རླུང་རྟའི་སྟག་སེང་ཁྱུང་འབྲུག་སྐོར་ལ་ཅུང་ཟད་དཔྱད་པ།”

1. ཁ་བརྡ་རྩོམ་སྒྲིག་པ་ལགས། skyepཟེར་བ་འདི་ལ་བོད་ཀྱི་ཐ་སྙད་ཇི་ལྟར་བེད་སྤྱོད་བྱས་ན་འགྲིག བདག་གིས་གནམ་སའི་འབྲེལ་ཐག་གམ་གནམ་སའི་འབྲེལ་མཐུད་ཟེར་ན་འདོད་ཀྱང་། ཁྱེད་ཅག་གི་ཐ་སྙད་གང་ཞིག་གནང་ཡོད་གསལ་བཤད་ཞིག་གནོང་རོགས་ཞུ། གལ་སྲིད་འདི་ལྟར་བེད་སྤྱོད་བྱས་ན་འགྲིག་ཚེ་ཐ་སྙད་ཀྱི་འཁྲིས་སུ་འགོད་རྒྱུ་དང་མེད་ན་ཁྱེད་ཅག་གི་ཐ་སྙད་ཞིག་གནོང་རོགས་ཞུ།

2. ཁྱོད་ཀྱི་སྟག་སེང་ཁྱུང་འབྲུག་འགྲེལ་བཤད་དེ། །
   དོན་ལ་གནས་དང་མི་གནས་ཅི་རིགས་འདུག །
   ཚབས་ཆེན་ཞིག་གི་ནི་འབྲུག་རྒྱ་མཚོར་གནས། །
   གཡུ་འབྲུག་སྤྲིན་པའི་ཁྲོད་དུ་གནས་པ་དེ། །
   རྒྱ་བོད་ཀུན་གྲགས་ཡིན་པ་མ་གཏོགས་པར། །
   གཡུ་འབྲུག་རྒྱ་མཚོར་གནས་པའི་བཤད་སྲོལ་འདི། །
   རྒྱ་བོད་གཉིས་ལ་དེ་ཙམ་གྲགས་མི་ཆེ། །
   དེ་བཞིན་སེང་གེ་གངས་སམ་རི་ལ་གནས། །
   ཞེས་པའི་འགྲེལ་བཤད་དེ་ནི་མི་འགྲིག་སྟེ། །
   སེང་གེ་གངས་ལ་གནས་དང་ཡང་ན་ཐང་། །
   གནས་པ་མ་གཏོགས་སེང་གེ་ས་ཡི་རིར། །
   གནས་པའི་འགྲེལ་བཤད་ཅིག་ནི་ད་སྔ་མེད། །
   སྔ་མོའི་བོད་ཀྱི་གངས་སེང་གངས་རིར་གནས། །
   ད་ལྟའི་ཨ་ཧྥུ་རི་ཀའི་སེང་གེ་དག །
   ཡངས་ཤིང་རྒྱ་ཆེའི་རྩྭ་ཐང་ལ་གནས་པས། །
   སེང་གེ་ས་རིར་གནས་པའི་འོལ་བཤད་དེ། །
   དོན་ལ་མི་གནས་ཉིད་ཀྱི་རྟོག་བཟོར་ཤེས། །

3. རིག་འཛིན་ཆེན་པོ་རོལ་བའི་རྡོ་རྗེའི་གཏེར་ལས་བྱུང་ཞེས་པའི་རླུང་རྟ་ཡར་བསྐྱེད་ཀྱི་བསང་མཆོད་དཔེ་ཆ་ཞིག་ལས། ཀྱེེ༑ དབུས་ཀྱི་ཕྱོགས་ན་གནས་པའི་ལྷ། །རླུང་རྟ་དར་བའི་དགྲ་ལྷ་ནི། །རྟ་མཆོག་རྒྱལ་པོ་བྷ་ལ་ཧ། །མྱུར་མགྱོགས་ཆེ་བའི་དགྲ་ལྷ་བསངས་། །བདག་གི་རླུང་རྟ་དར་བར་མཛོད། །རྒུད་པའི་རླུང་རྟ་བསྐྱེད་དུ་གསོལ། །ཀྱེེ༑ ཤར་གྱི་ཕྱོགས་ན་གནས་པའི་ལྷ། ། རླུང་རྟ་དར་བའི་དགྲ་ལྷ་ནི། །དུང་སེང་གཡུ་ཡི་རལ་པ་ཅན། །དཔའ་རྩལ་ཆེ་བའི་དགྲ་ལྷ་བསངས། ། བདག་གི་རླུང་རྟ་དར་བར་མཛོད། །རྒུད་པའི་རླུང་རྟ་བསྐྱེད་དུ་གསོལ། །ཀྱེེ༑ ལྷོ་ཡི་ཕྱོགས་ན་གནས་པའི་ལྷ། །རླུང་རྟ་དར་བའི་དགྲ་ལྷ་ནི། །གཡུ་འབྲུག་ཟངས་ཀྱི་ཟེ་བ་ཅན། །ངར་སྐད་ཆེ་བའི་དགྲ་ལྷ་བསངས། ། བདག་གི་རླུང་རྟ་དར་བར་མཛོད། །རྒུད་པའི་རླུང་རྟ་བསྐྱེད་དུ་གསོལ། །ཀྱེེ༑ ནུབ་གྱི་ཕྱོགས་ན་གནས་པའི་ལྷ། །རླུང་རྟ་དར་བའི་དགྲ་ལྷ་ནི། །རྒྱ་སྟག་མཚལ་གྱི་ཐིག་ལེ་ཅན། །དཔའ་རྔམ་ཆེ་བའི་དགྲ་ལྷ་བསངས། ། བདག་གི་རླུང་རྟ་དར་བར་མཛོད། །རྒུད་པའི་རླུང་རྟ་བསྐྱེད་དུ་གསོལ། །ཀྱེེ༑ བྱང་གི་ཕྱོགས་ན་གནས་པའི་ལྷ། །རླུང་རྟ་དར་བའི་དགྲ་ལྷ་ནི། །ཁྱུང་ཆེན་ནོར་བུའི་ཐོར་གཙུག་ཅན། །སྟོབས་ཤུགས་ཅན་གྱི་དགྲ་ལྷ་བསངས། །བདག་གི་རླུང་རྟ་དར་བར་མཛོད། །རྒུད་པའི་རླུང་རྟ་བསྐྱེད་དུ་གསོལ། །ཀྱེེ༑ ཕྱོགས་བཞི་མཚམས་ན་གནས་པའི་ལྷ། །འབྱུང་བ་ལྔ་ཡི་ལྷ་རྣམས་བསངས། །འབྱུང་བའི་རླུང་རྟ་དར་བར་མཛོད། །རྒུད་པའི་རླུང་རྟ་བསྐྱེད་དུ་གསོལ། །ཞེས་སོགས་གསལ་བ་འདིར་ཡང་དགོངས་པ་བཞེས་རྒྱུ་མང་ངོ་།།
   སེང་གེ་ནི། རང་རེས་གངས་སེང་དང་འདམ་སེང་ཞེས་སེང་གེ་རིགས་གཉིས་སུ་ཕྱེ་བ་དང་། རྒྱལ་དར་དང་རི་མོར་འབྲི་བའི་སེང་གེ་དེ་ནི་གངས་ལ་གནས་ཤིང་དེ་ཡང་བསྐལ་པ་བཟང་དུས་ཀྱི་སྲོག་ཆགས་ཤིག་ཏུ་འདོད་ཀྱང་དགེ་ཆོས་ལགས་ཀྱིས་ཐ་གཅིག་ཏུ་འགག་པར་མཛད་འདུག སེང་གེའི་ཐ་སྙད་ཀྱང་རང་རེས་འདམ་སེང་དུ་འབོད་པ་དེར་རྒྱ་གར་བས་སེངྷ་ཞེས་འབོད་པས་དེ་ཟུར་ཆག་པར་མངོན། དེ་ལྟར་རང་རེའི་གངས་སེང་དུ་འཁྲུལ་པ་དེ་ནི་འདམ་སེང་ལས་གཞན་མིན་པ་ཁ་མཚོན་གཅོད་ཐུབ་སྙམ། དེས་ན་དེའི་གནས་ཡུལ་ཡང་གཙོ་བོ་ནགས་ཚལ་ཡིན་པར་ངེས་སོ།།
   འབྲུག་ནི་ད་ལྟ་དངོས་སུ་མཐོང་རྒྱུ་ཡོད་པ་ཞིག་མིན་ཡང་། རང་རེའི་ཤོད་སྲོལ་ལ་དགུན་མཚོ་ནང་ཉལ་ནས་དབྱར་ནམ་མཁར་འཕུར་བཞིན་པ་མཐོང་བའི་ལོ་རྒྱུས་མང་ལ། མི་རིགས་དཔེ་སྐྲུན་ཁང་ནས་བཏོན་པའི་ཀུན་འདུས་ཞལ་ཐང་ཆེན་མོའི་རྣམ་བཤད་མཐོང་གྲོལ་ཀུན་གསལ་མེ་ལོང་ཞེས་པར་ཡང་འབྲུག་རྒྱ་མཚོ་ན་གནས་པས་ཆུའི་ཁམས་མཚོན་ཞེས་པ་སོགས་རྒྱས་པར་འཁོད་པས་དེར་དཔྱད་པར་ཞུ།།

4. ཚངས་དབྱངས་རྒྱ་མཚོས་མཐོང་བའི་གངས་སེང་གང་དུ་ཡོད།།
   ས་སྐྱ་དགོན་གྱི་གངས་སེང་པགས་པ་སུ་ཡིས་ཁྱེར།།
   གངས་སེང་དཀར་མོའི་འོ་མ་འཇོ་མཁན་ག་ཚོད་བྱུང།།
   སྲིད་པ་རྒད་པོའི་གཏམ་ཁུངས་འཚོལ་ལ་སུ་ཞིག་ངལ།།

5. དེས་ན་དགེ་ཆོས་ཀྱི་གངས་སེང་ཟེར་བ་ཞིག་མི་འདུག་ཟེར་བ་གང་ལ་ངོས་འཛིན་བྱས་པ་རེད།

6. གངས་སེང་ངེས་པར་དུ་གངས་རིའི་སྟེང་དུ་གནས་ཡོད་དགོས་པའི་ཨུ་ཚུགས་བྱེད་དོན་མེད་པར་འདོད། མིང་ཙམ་ལ་བརྟེན་ནས་གངས་སེང་ཟེར་བ་ཡིན་གཅིག་མིན་གཉིས་གངས་རིའི་སྟེང་ན་ཡོད་དགོས་ཟེར་ན། གངས་ཅན་པ་ཟེར་བའི་མི་རིགས་དེ་ཡང་ངེས་པར་དུ་གངས་རིའི་སྟེང་ན་ཡོད་དགོས་པ་མ་རེད་དམ། འོན་ཀྱང་ད་བར་དུ་གངས་རིའི་སྟེང་དུ་འཚོ་གནས་བྱེད་པའི་མི་རིགས་ཤིག་རྙེད་མེད་པ་མ་རེད་དམ། དེའི་ཕྱིར་གོ་ལའི་ཡང་རྩེ་དང་འཛམ་གླིང་གི་འཁྱགས་སྒམ་ལྟ་བུར་བརྩི་བའི་བོད་གངས་ཅན་གྱི་ཡུལ་དུ་གནས་པའི་མི་ལ་གངས་ཅན་པར་འབོད་པ་ནང་བཞིན། ཡུལ་གངས་ཅན་དུ་གནས་པའི་སེང་གེ་ལ་གངས་སེང་དུ་འབོད་པ་ཡིན་ན་རྦད་དེ་གནས་ལུགས་མེད་པ་ཞིག་མིན་པ་འདྲ། གངས་ཅན་པ་དང་གངས་སེང་གཉིས་ཀྱི་མིང་འདོགས་སྟངས་ཀྱི་ཀུན་སློང་དང་རྒྱུ་མཚན་གཅིག་པ་ཡིན་ཆོག་གི་མ་རེད་དམ།

7. བོད་མི་རིགས་ལ་གངས་ཅན་པ་ཟེར་བ་ནང་བཞིན། གངས་གཡག་དང་གངས་སེང་སོགས་ཀྱང་མེད་པའམ་ཡང་ན་ངེས་པར་དུ་ཇོ་མོ་གླིང་མ་ལྟ་བའི་གངས་རི་ཞིག་གི་སྟེང་དུ་ཡོད་ཟེར་དགོས་དོན་ཨེ་ཡོད་ན།

8. བོད་ཀྱི་ཡུལ་དུ་རྒྱ་ཁྱི་སྣ་ལེབ་མ་གཏོགས་གངས་སེང་ཟེར་བ་ཞིག་མེད། འཕགས་པ་ཚངས་དབྱངས་པས་གཟིགས་པས་སོ་སྐྱེ་ལ་ཡོད་གོ་མི་ཆོད། སྐྱེ་འཕགས་གཉིས་ཀྱི་ས་མཚམས་འཇོག་ཤེས་པར་མཛོད། བོད་པ་རྒྱ་དགའ་འགས་རྒྱ་ཁྱི་སྣ་ལེབ་ལ་སེང་གེའི་མིང་བཏགས་པས། ཁྱི་ལ་སེང་གེའི་མིང་བཏགས་ཟེར་སྲོལ་འདི་བྱུང་བ་རེད། འཇམ་དབྱངས་གོང་མ་ཟེར་བ་ཡང་ཕལ་ཆེ་བ་འདི་འདྲ་ཞིག་མིན་ནམ།

9. རྒྱལ་བ་ཚངས་དབྱངས་པས་འོ་དེ་གུང་རྒྱལ་གྱི་གངས་རིའི་སྟེང་ནས་གཟིགས་པའི་སེང་གེ་དང་། རྡོ་རིང་བསྟན་འཛིན་དཔལ་འབྱོར་བས་གཉན་ཆེན་ཐང་ལྷའི་མགུལ་ནས་མཐོང་བའི་སེང་གེ་གཉིས་ཀ་གཞི་བདག་དེ་གཉིས་ཀྱི་སྒོ་ཟོག་རེད། གཞི་བདག་གི་སྒོ་ཟོག་ཁྲོད་དུ་འཇིག་རྟེན་མི་ཡུལ་དུ་ཡོད་མེད་གཉིས་ཀ་ཡོད་ལ། བོད་ཡུལ་དུ་ཡོད་མེད་གཉིས་ཀ་ཡང་ཡོད་པས། གཞི་བདག་ལ་ཡོད་པས་གཞི་དེའི་མི་ལ་དེ་ཡོད་པར་བསྒྲུབ་ཐུབ་ཀྱི་མ་རེད། ཁྱད་པར་འདི་ཤེས་པར་གྱིས། སྟག་སྨྱོན་ཁྱོད་ཀྱིས་ཤེས་མི་ཤེས་གཉིས་ཀ་མ་བཤད། ཤེས་དུས་ཤོད། མི་ཤེས་དུས་ཁ་ལ་མཛུབ་མོ་ཆུགས་ནས་སྡོད། སུས་ཁྱོད་ལ་བཙན་སྐུལ་བྱེད་ཀྱིན་འདུག

10. དགེ་ཆོས་ཀྱིས་བོད་ཀྱི་གངས་སེང་བསད་པ།
    བོད་མི་གངས་སེང་ལ་དགའ། གངས་སེང་བོད་མིའི་བླ་སྲོག་ཡིན། རྒྱ་མི་འབྲུག་ལ་དགའ། འབྲུག་རྒྱ་མིའི་བླ་སྲོག་ཡིན། རྒྱ་མི་ལ་འབྲུག་གི་གཏམ་བརྒྱུད་མང་པོ་བཤད་རྒྱུ་ཡོད་ལ། རྒྱ་མི་ཁོ་རང་ཚོ་འབྲུག་གི་རྒྱུད་པ་ཡིན་པར་ཡིད་ཆེས་བྱེད་ཀྱིན་ཡོད། ཁོ་ཚོའི་མི་རིགས་ལ་འགྱུར་བ་ཇི་འདྲ་སོང་ནའང་བླ་སྲོག་བསད་མེད། དཔེར་ན་ལྷ་མེད་སྨྲ་བ་གཙོ་འཛིན་མའོ་ཙེ་ཏུང་སྐབས་རྙིང་པ་ཡོད་ཚད་མེད་པར་བཟོས་ནའང་། རྒྱའི་རུས་མིང་དང་འབྲུག་གི་བཤད་སྲོལ་ལ་གནོད་པ་བཏང་མེད། ལྷག་པར་དམར་པོ་ཏང་གི་འགོ་གཙོ་ཅང་ཙེ་མེན་གྱིས་ཉིས་སྟོང་ལོའི་སྟོང་ལོ་གསར་ཚེས་ཀྱི་གཏམ་བཤད་ནང་་་ད་ལོ་ནི་འབྲུག་ལོ་ཡིན་ལ། ང་ཚོ་རྒྱ་མི་རིགས་འབྲུག་ལ་དགའ་ཞིང་འབྲུག་གི་རྒྱུད་པ་ཡིན་པས། སྟོང་ལོ་གསར་བའི་འཛམ་གླིང་འདི་ནི་ང་ཚོ་རྒྱ་མི་རིགས་ཀྱི་དུས་རབས་ཡིན་་ཞེས་རྒྱ་མི་རིགས་ཀྱི་བླ་སྲོག་ལ་སྟོབས་ཤུགས་སྤེལ་ནས་མི་རིགས་ལ་སྤོབས་པ་བསྐྱེད།
    ང་ཚོ་བོད་མི་རིགས་འཛམ་གླིང་འདིའི་མཐོ་སར་གནས་ཡོད་ལ། མཐོ་ས་དེའི་མཐོ་སའི་གངས་རིའི་རྩེ་ན་སྲོག་ཆགས་ཀྱི་རྒྱལ་བོ་གངས་སེང་གནས་ཡོད། སེང་གེ་དཀར་མོ་གཡུ་ཡི་རལ་ཅན་དེས་ངར་སྐད་སྒྲོག་པ་ཙམ་གྱིས་སྲོག་ཆགས་ཕལ་བའི་གླད་པ་འགད་པ་ལྟར་མཐོ་སྒང་གདོང་དམར་བོད་པའི་དཔའ་བོའི་སྙིང་སྟོབས་ལ་དགྲ་ཡའི་འགྲན་ཡ་མེད་པའི་དཔའ་གདེང་ཐོབ། ཆོས་ཕྱོགས་ནས་བཤད་ན་སེང་གེ་དཀར་མོའི་འོ་མ་གསེར་གྱི་ཀ་ཏོ་ར་བདུན་རྩེག་ནང་ལ་གཏོགས་མི་འཚོགས་པ་དང་། འོ་མ་དེ་ཁ་ལ་རེག་ན་སྐྱེས་བ་མང་པོ་ལ་ངན་འགྲོ་ལ་མི་སྐྱེས་པར་བཤད། གཏམ་བརྒྱུད་འདི་དག་གིས་གངས་སེང་བོད་མིའི་ཤ་ཁྲག་རུས་གསུམ་གྱི་ངོ་བོར་གནས་པའི་བླ་སྲོག་ཡིན་པ་ཤེས། དེ་མིན་ད་དུང་བོད་བཙན་པོའི་སྐབས་སེང་གེ་གནམ་མཆོང་དང་སེང་གེ་ཁ་སྤྲོད་སོགས་རུ(དམག)ཁག་སོ་སོའི་དམག་དར་བྱས་པར་གྲགས་པར་མ་ཟད། རྒྱལ་དབང་བཅུ་གསུམ་པ་ཚང་གི་སྐབས་༡༩༡༤ ལོའི་གཡས་གཡོན་ལ་སྔོན་མར་གཞིར་བཅོས་དམར་ནག་འཇའ་འོད་དྲུག་ལྡན་གྱི་ཉི་མ་གངས་རིའི་རྩེ་ནས་ཤར་བའི་མདུན་དུ་གངས་སེང་ཁ་སྤྲོད་ཀྱིས་ནོར་བུ་བཏགས་པ་བོད་ཀྱི་དར་ཆ་བཟོས་པ་འདིས་ཡང་གངས་སེང་གངས་ཅན་བོད་ཀྱི་བླ་སྲོག་གི་སྙིང་སྟོབས་ཤིག་ཡིན་པ་བསྟན་ཡོད། འདི་ལྟར་ཡིན་ཡང་ཡིད་རབ་ཏུ་སྐྱོ་བ་ཞིག་ནི་ཕྱིས་ཀྱི་ལོ་ཙ་བ་དགེ་ཆོས་ཀྱིས་གངས་ཀྱི་སེང་གེ་གར་ཡང་མཆིས་ཟེར་བ་དང་། གངས་སེང་ཟེར་བ་ང་ཚོ་བོད་པ་ཚོས་མ་བརྟག་མ་དཔྱད་པའི་སྐད་ཆ་རེད། ད་སྐབས་ང་ཚོས་རི་མོར་འབྲི་བཞིན་པའི་གངས་སེང་ཡིན་ཟེར་བ་འདི་རྒྱ་མིའི་རྒྱ་ཁྱི་མགོ་གཟེང་རེད་ཟེར་ནས་བོད་ཀྱི་བླ་སྲོག་གི་གངས་སེང་བསད་འདུག
    དགེ་ཆོས་ལགས། ངོ་མ་ཁྱེད་ནི་ལ་རྒྱ་མེད་པའི་་ཉེ་རིང་ཆགས་སྡང་དང་བྲལ་བའི་བྱང་ཆུབ་སེམས་དཔའ་ཞིག་ཡིན་ནམ། ཁྱེད་ནི་སེམས་ཀྱིས་བསྐྲུན་པའི་སྟོབས་ཤུགས་མི་འདོད་པའི་དངོས་གཙོ་བ་ངོ་མ་ཞིག་ཡིན། ཡང་ན་ཁྱེད་ནི་ཆང་སྨྱོན་ལ་སོང་པའི་རིག་འཚོ་མ་ཟིན་པ་ཞིག་ཡིན། ཅི་ཕྱིར་ང་ཚོའི་གངས་སེང་བསད་པ་ཡིན།།

11. བལྟ་དགོས་ཟེར་ན་མཐོང་རྒྱུ་མེད་པ་གངས་སེང་དཀར་མོ།།
    གསོད་དགོས་ཟེར་ན་གསོད་ཐབས་བྲལ་བ་གངས་སེང་དཀར་མོ།།
    གངས་སེང་དཀར་མོ་གངས་དང་རྫ་རིའི་མགུལ་ན་ཆི་མེད།།
    གངས་སེང་དཀར་མོ་རྩམ་ཟན་རེ་རེའི་་སེམས་ན་ངར་གི།

12. གངས་ཅན་པ་དང་གངས་སེང་དཀར་མོ་གཉིས་ཡོད་ན་མཉམ་ཡོད་དང་མེད་ན་མཉམ་མེད་ཡིན་དགོས་པ་མཐོང་། མི་ཡུལ་དང་བོད་ཡུལ་ན་ཡོད་མེད་སོགས་བཤད་པ་ནི་ཆེས་རྨོངས་དད་དང་བླུན་པོའི་བསམ་ཚུལ་ཞིག་ཡིན་པ་རེད། བོད་ཡུལ་ན་མེད་ན་གང་དུ་ཡོད་མེད་དང་བདག་པོ་སུ་ཡིན་ཤོད་དང་། འོ་ན་གངས་ཅན་པ་ཟེར་བ་དེའང་མི་ཡུལ་ན་མེད་པ་ཞིག་རེད་དམ།

13. མིག་གིས་མངོན་སུམ་མཐོང་རྒྱུ་ཡོད་པའི་མི་རིགས་དང་། །
    ལྷ་སྒྲུང་གཞི་བདག་སྒོ་ཟོག་གངས་སེང་དཀར་མོ་གཉིས། །
    ཡོད་མཉམ་མེད་མཉམ་ཟེར་བའི་བླུན་པོའི་ཁྱུ་ཚོགས་འདིས། །
    སྨྱོན་པ་གཅེར་རྒྱུག་རོ་ལངས་ཟློས་གར་གང་མང་འཁྲབ། །

14. དེ་བས་མཐོ་སྒང་མི་རིགས་སྲོག་རྩ་གཡག་རྒོད་དང་། །
    གདོང་དམར་བོད་རིགས་མི་མང་ཡོད་མཉམ་མེད་མཉམ་གྱི། །
    ངར་སྐད་གནམ་དུ་སྒྲོགས་དང་དངོས་ཡོད་གནས་ཚུལ་དང་། །
    མཐུན་ཙམ་ཡོང་ཡང་དེ་ཡང་ཉེན་ཁའི་གནས་སུ་ལྷུང་། །

15. ལོ་རྒྱུས་ཁྲོད་ཀྱི་འགྲོ་བ་མིའི་རིགས་དང་། །
    དུད་འགྲོ་སེམས་ཅན་ས་སྟེང་ཡོད་མེད་དེ། །
    འགྲོ་བ་མི་ཡི་ཐུན་མོང་སྣང་ཚུལ་ལས། །
    དངོས་ཡོད་དངོས་མེད་བསྲེས་ན་དོན་དངོས་སྟོར། །

16. ཧ་ཧ་དགུ་རོང་གྲུབ་ཆེན་སྨྱོས་པ་འདྲ།།
    མི་ཡི་ཡུལ་ན་མཐོང་དུ་མེད་པ་དང་།།
    བོད་ཀྱི་ཡུལ་ན་བཙལ་དུ་མི་རྙེད་པའི།།
    གངས་སེང་ཞེས་པ་བོད་ལ་དགོས་མཁོ་མེད།།

    བོད་ཀྱི་ཡུལ་ན་མེད་པའི་གངས་སེང་ཞིག།
    ཡོད་ཀྱང་བོད་མི་ཚོ་ལ་འབྲེལ་བ་མེད།།
    མི་ཡི་ཡུལ་ན་མེད་པའི་སྲོག་ཆགས་ཤིག།
    ཡོད་ཅེས་བརྩད་ཀྱང་ཨུ་ཚུགས་ཁོ་ན་རེད།།

17. གངས་སེང་ངེས་པར་དུ་གངས་རིའི་སྟེང་དུ་གནས་ཡོད་དགོས་པའི་ཨུ་ཚུགས་བྱེད་དོན་མེད་པར་འདོད། མིང་ཙམ་ལ་བརྟེན་ནས་གངས་སེང་ཟེར་བ་ཡིན་གཅིག་མིན་གཉིས་གངས་རིའི་སྟེང་ན་ཡོད་དགོས་ཟེར་ན། གངས་ཅན་པ་ཟེར་བའི་མི་རིགས་དེ་ཡང་ངེས་པར་དུ་གངས་རིའི་སྟེང་ན་ཡོད་དགོས་པ་མ་རེད་དམ། འོན་ཀྱང་ད་བར་དུ་གངས་རིའི་སྟེང་དུ་འཚོ་གནས་བྱེད་པའི་མི་རིགས་ཤིག་རྙེད་མེད་པ་མ་རེད་དམ། དེའི་ཕྱིར་གོ་ལའི་ཡང་རྩེ་དང་འཛམ་གླིང་གི་འཁྱགས་སྒམ་ལྟ་བུར་བརྩི་བའི་བོད་གངས་ཅན་གྱི་ཡུལ་དུ་གནས་པའི་མི་ལ་གངས་ཅན་པར་འབོད་པ་ནང་བཞིན། ཡུལ་གངས་ཅན་དུ་གནས་པའི་སེང་གེ་ལ་གངས་སེང་དུ་འབོད་པ་ཡིན་ན་རྦད་དེ་གནས་ལུགས་མེད་པ་ཞིག་མིན་པ་འདྲ། གངས་ཅན་པ་དང་གངས་སེང་གཉིས་ཀྱི་མིང་འདོགས་སྟངས་ཀྱི་ཀུན་སློང་དང་རྒྱུ་མཚན་གཅིག་པ་ཡིན་ཆོག་གི་མ་རེད་དམ།
    བོད་མི་རིགས་ལ་གངས་ཅན་པ་ཟེར་བ་ནང་བཞིན། གངས་གཡག་དང་གངས་སེང་སོགས་ཀྱང་མེད་པའམ་ཡང་ན་ངེས་པར་དུ་ཇོ་མོ་གླིང་མ་ལྟ་བའི་གངས་རི་ཁོ་ནའི་སྟེང་དུ་ཡོད་ཟེར་དགོས་དོན་ཨེ་ཡོད་ན།