གནས་ཚུལ་མཁོ་འདོན་པཿ བསོད་ནམས།༢༠༠༨ ལོའི་ཟླ་ ༣ ཚེས་ ༡༠ ཉིན་འབྲས་སྤུངས་དགོན་པའི་དགེ་འདུན་པ་གྲངས་ ༣༥༠ ཙམ་ནས་དགོན་པས་འགོ་འཛུགས་ཀྱིས་ལྷ་སར་ཞི་རྒོལ་བྱེད་པར་གོམ་མགྲོད་བྱེད་པའི་སྐབས་ལམ་བར་ཉེན་རྟོག་པ་དང་དྲག་ཆས་ཉེན་རྟོག་དམག་དཔུང་བཀག་སྡོམ་བྱས་པ་དང༌།
དེ་རྗེས་ཉེན་རྟོག་པས་དགོན་པར་དམ་དྲག་དང་དགེ་འདུན་མང་པོར་དྲི་རྩད་མང་པོ་བྱས་ཏེ་སྔ་རྗེས་སུ་དགོན་པ་ནས་དགེ་འདུན་མང་པོ་འཇུ་བཟུང་བྱས་པ་དང༌། ཁམས་དང་ཨ་མདོ་ཁུལ་ནས་ཡིན་པའི་དགེ་འདུན་པ་རྣམས་ཀྱང་འཇུབཟུང་གིས་རང་སོའི་ཕ་ཡུལ་ལ་བཙན་སྐྱེལ་བྱས་ཏེ་ས་གནས་སྤྱི་བདེ་ཚན་པར་རྩིས་སྤྲོད་བྱས་ཡོད་པ་རེད།
དེའི་ཁྲོད་ནས་ཟི་ཁྲོན་ཞིང་ཆེན་རྔ་བ་ཁུལ་མཛོ་དགེ་རྗོང་ཐེ་བུ་ནས་ཡིན་པ་གྲྭ་དཀོན་མཆོག་ཉི་མ་ལགས་༢༠༠༨ལོར་ས་ཕྱི་ཆེན་མོའི་ཞི་རྒོལ་སྐབས་རྒྱ་གཞུང་གིས་༣༡༤དོན་རྐྱེན་གྱི་གཏེ་བོ་ཉེས་འཛུག་འོག་འཛིན་བཟུང་བྱས་ནས་གར་སོང་ཆ་མེད་དུ་གྱུར་ཡོད་འདུག
ཁོང་ཕྱི་ལོ་༢༠༠༨ལོའི་ཕྱི་ཟླ་༤པའི་ཚེས་༡༡ཉིན་མོར་ཉེན་རྟོག་མི་སྣས་བཙན་ཁྲིད་གྱིས་འཛིན་བཟུང་བྱས་འདུག་པ་དང་། ཁོང་ལོ་༢༠རིང་ལ་བཙོན་འཇུག་བྱེད་རྒྱུ་ཡིན་པ་གསལ་བསྒྲགས་བྱས་་པ་ཙམ་ལས་ད་ལྟ་ཁོང་བཙོན་ཁང་གང་དུ་བཀག་ཉར་བྱས་ཡོད་མེད་དང་གཟུགས་པོའི་གནས་སྟངས་སོགས་ཞིབ་ཕྲའི་གནས་སྟངས་ད་དུང་ཡང་གསལ་བོ་མ་ཤེས་པར་ལྷག་ཡོད་པ་བོད་ནས་འབྲེལ་ཡོད་ཞིག་གིས་འགྲེལ་བརྗོད་གནང་སོང་།
གྲྭ་དཀོན་མཆོག་ཉི་མ་ལགས་ནི་རང་ལོ་༤༤ཡས་མས་སུ་ཡིན་པ་དང་དགེ་བཤེས་རྩེ་གྲས་ཞིག་ཡིན་པ་མ་ཟད་ལྷ་ས་འབྲས་སྤུངས་དགོན་པའི་དཔེ་ཁྲིད་དགེ་རྒན་རེད་འདུག
ཕ་ཡུལ་ཨ་མདོ་རེབ་གོང་སྒོ་དམར་ནས་ཡིན་པའི་གྲྭ་དགེ་འདུན་(ཆོས་མིང་ལ་བློ་བཟང་ཆོས་རྒྱན་ཟེར་ཞིང་།༢༠༠༥ལོའི་ལོ་མཇུག་ནང་ནོར་གླིང་མཐོ་སློབ་ཏུ་འཛུལ་ཞུགས་བ྄ས)ཡང་༢༠༠༧ལོའི་སྤྱི་ཟླ་༧པའི་ནང་ནོར་གླིང་མཐོ་སློབ་ནས་དགོངས་པ་ཞུས་ཏེ་རང་ཡུལ་ལ་གཉེན་ཕྲད་དུ་འགྲོ་སྐབས་བལ་བོད་གཉིས་ཀྱི་ས་འཚམས་འགྲམ་ནས་བདེ་སྲུང་མི་སྣས་འཛིན་བཟུང་བྱས་རྗེས་ད་ལྟའི་བར་ཁོང་གི་གནས་ཚུལ་ཚིག་གཅིག་ཀྱང་གོ་ཐོས་མ་བྱུང་བས་དྲྭ་གྲོགས་རྣམས་ཀྱིས་ཁོང་གི་གནས་ཚུལ་རེ་ཤེས་རྟོགས་བྱུང་ཚེ་དྲྭ་ཐོག་དུ་གང་མགྱོགས་སྤེལ་རོགས་ཞུ།
འདི་ལྟ་བུའི་བོད་མི་ཅི་ཙམ་བརླགས་ཡོད་པ་ད་ལྟ་ང་ཚོས་ཤེས་ཐུབ་མེད། བོད་མིའི་སྐྱིད་སྡུག་བཤད་སའི་དྲང་བདེན་ཅན་གྱི་རྒྱལ་ཁབ་ཞིག་སའི་གོ་ལའི་སྟེང་ན་ཕལ་ཆེར་མི་འདུག ཅེས་ཁ་ཚོད་བཅད་ནས་ལབ་ཆོག བོད་མི་ནང་ཁུལ་ལ་འཆམ་མཐུན་དང་བསམ་བློ་གཅིག་སྒྲིལ་བྱས་ཏེ་འཐབ་རྩོད་ནུས་ལྡན་དུ་གཏོང་པར་ཚང་མར་སྙིང་སྟོབས་རྒྱས་པར་སྨོན།།
ཡིད་རྐྱོ་བ་ལ་་་་དེ་འདྲ་མང་པོ་ཡོད་ན་ཡང་ང་ཚོའི་ཕྱིར་བསྒྲག་བྱས་ཐུབ་མེད་པ་མ་ཟད་་་་དགེ་བཤེས་དཀོན་མཆོག་ཉི་མ་ཡང་ད་བར་གོ་ཐོས་བྱུང་མེད་་་་་་་་་་་དེས་རྒྱུ་མཚན་ནི་བཙན་བྱོལ་ན་ཡོད་པའི་གཞུང་ཞབས་པ་རྣམས་ཀྱི་མཚོན་པའི་བོད་མི་ཕྱི་དགེར་ཕལ་ཆེ་བ་མིག་རྒྱང་ཐུང་ཞིང་དགེར་དོན་གཙོ་བོར་འཛིན་པ་དང་ཁ་མཁས་སྔོན་ཐོན་གོང་དུ་བཀུར་ཞིང་དགེར་དོན་རྒྱ་མཁར་གྱི་ཡིད་མི་ཙིམ་ཞིང་ཕྱི་དོན་འཛུབ་རྩེ་ཙམ་མགུལ་བའི་ཡིད་ཚིམ་པའི་ལན། དཔེར་ན་དཀའ་སྡུག་དང་རྒྱུ་ཟས་ལ་མི་ལྟ་བའི་གསར་འབྱོར་བ་རྣམས་ཀྱིས་མཚོན་པའི་བོད་རིགས་ཉམས་ཆུང་གི་རིགས་རྣམས་ཀྱིས་མཇལ་ཁ་དང་སྔོ་རྟེན་སོགས་བཞག་པའི་ཚེ་། ཁམས་འཕྲོ་བ་རྣམས་ཀྱི་ཁ་ལོག་ཚིག་རྩིབ་བྱེད་པ་དང། རང་གི་ཁ་ལ་རེག་སྔ་ཕྱི་ཙམ་གྱི་ལོ་ན་སྒན་ཁོག་གི་གསར་འབྱོར་ཉམས་ཐེག་རྣམས་ལ་སྙིང་ཚིམ་སྣ་ཚོགས་བཏང་ཞིང་མིག་ཆུ་ཤོར་དགོས་པ་མང་པོ་བཟོས་པ་ང་ཚོས་མྱོང་གྲུབ་ཡིན་པ་ལྟ་བུ་འོ། བོད་ནང་རང་ལས་མེ་རུ་སྒྲོན་པའི་དཔའ་རྒོད་གྲངས་ལས་འདས་པ་བྱུང་ཞིང་ང་ཚོའི་ཕྱིར་བསྒྲགས་ཡིད་ཚིམ་པ་བྱས་ཐུབ་མེད་པ་མ་ཟད་ཁ་ནང་ལ་བཏང་ནས་རེ་བ་ཕྱི་ལ་སྒྱབ་པའི་ལན། ང་ཚོས་དུས་ཚིག་གཅིག་ལ་ཟ་མ་མ་རེད་པར་འདུག་མི་ཐུབ་ན་ཟས་བཅད་ངོ་རྒོལ་བ་དང་མེར་སྤྲེག་དཔའ་བོ་རྣམས་སྙིང་རེ་རྗེ་ཨ་ཨ་ཨ་ཨ་མ་མ་ ཟས་བཅད་པ་དང་མེར་སྤྲེག་པ་རྣམས་ང་ཚོའི་ཆེད་དུ་མ་ཡིན་ནམ།
ཕར་ཆེར་གར་སོང་ཆ་མེད་དུ་གྱུར་ནས་ལོ་ངོ་ལྔ་ཕྱིན་འདུག ད་དུང་སྒྲ་ཙམ་ཡང་ཐོས་རྒྱུ་མིན་འདུག་ང་ཚོས་བླ་མ་དྲན་ནས་མིག་ཆུ་ཡང་ཡང་ཤོར་གིན་འདུག་ཅེས་བོད་ནས་འབྲེལ་ཡོད་ཞིག་གིས་བརྗོད་འདུག
བསོད་ནམས་ལགས་ནས་དཀོན་ཉི་ཡི་སྐུ་གཟུགས་སོགས་ཞིབ་ཕྲའི་གནས་སྟངས་ད་དུང་གསལ་པོ་མ་ཤེས་བཀོད་འདུག གསལ་པོ་མ་ཤེས་ཀྱང་ཅུང་ཤེས་ཀྱི་ཡོད་ཤག་ལགས་གང་གིས་ཏོག་ཙམ་ཤེས་ན་ཕྲན་རྣམས་ལ་ཤོད་ན་ཕྲན་རྣམས་ཀྱིས་བཙལ་གཅོད་ཆོག་པ་དགོངས་འཇགས་སུ།
གར་སོང་ཆ་མེད་དུ་གྱུར་པ་མང་པོ་རེད། ཕལ་ཆེར་ལྐོག་གསོད་བྱས་པ་ཡང་མང་པོ་རེད། ད་ཅི་བྱེད།