༢༠༡༠ ལོའི་བོད་ཀྱི་གོམ་བགྲོད།

གསར་འགོད་གསལ་བསྒྲགས་སྤེལ་བ་ལྟར་ན། སྐུའི་གཅེན་པོ་ལྟག་མཚེར་རིན་པོ་ཆེའི་སྲས་འཇིགས་མེད་ནོར་བུ་དང་དེ་བཞིན་ཆི་ཁ་གོའི་བོད་རིགས་མཐུན་ཚོགས་ཀྱི་ཚོགས་གཙོ་ཟུར་པ་བསྟན་འཛིན་འཇམ་དབྱངས་ལགས་གཉིས་ཀྱིས་ ལོ་འདིའི་ཟླ་ ༥ ཚེས་ ༩ ཉིན་ནས་མགོ་འཛུགས་ཀྱིས་ གོམ་བགྲོད་གནང་རྒྱུ་ཡིན་པ་དང་། གོམ་བགྲོད་ཀྱི་དམིགས་ཡུལ་ནི་འཛམ་གླིང་ཞི་བདེ་དང་འགྲོ་བ་མིའི་ཐོབ་ཐང་། བོད་རང་བཙན་བཅས་ཀྱི་ཆེད་ཡིན་ཞེས་བཀོད་འདུག ཐེངས་འདིར་ ཨ་རིའི་ཨིན་ཌི་ཡ་ན་མངའ་སྡེའི་རྒྱལ་ས་ནས་མེ་ནེ་སོ་ཊ་མངའ་སྡེའི་རྒྱལ་ས་བར་ མེལ་ལེ་ ༦༠༠ ལྷག་ལ་གོམ་བགྲོད་བྱེད་རྒྱུ་ཡིན་འདུག དེ་ཡང་ལམ་བར་དུ་ ཆི་ཁ་ཀོ་དང་མེ་ཌི་སོན་ དེ་ནས་མེ་ནེ་ཨེ་པོ་ལེ་སེ་བཅས་བོད་མི་འཛོམས་ཆེ་སའི་གྲོང་ཁྱེར་ཁག་གསུམ་བརྒྱུད་རྒྱུ་ཡིན་པ་རེད་འདུག

འཇིགས་མེད་ནོར་བུས་ རང་གི་ཡབ་དམ་པའི་དགོངས་པ་སྒྲུབ་སླད་དུ་གོམ་བགྲོད་བྱེད་བཞིན་ཡོད་པ་དང་། ད་བར་ཁྱོན་བསྡོམས་གྲོམ་བགྲོད་ཐེངས་ ༡༦ ཙམ་གྱི་ནང་དུ་ཆ་ཤས་བླངས་ཡོད་པ་དེས་ཨ་རིའི་ས་ཕྱོགས་གང་སར་མེལ་ལེ་ ༤༥༠༠ ལ་ཕེབས་གྲུབ་ཡོད་འདུག ཞིབ་གསལ་གཤམ་གྱི་འབྲེལ་ཐག་བརྒྱུད་ནས་གཟིགས་ཐུབ།
http://www.ambassadorsforworldpeace.org/