༢༠༡༧ ལོའི་ཡུམ་བུ་བླ་མཁར་བོད་ཀྱི་ཐེབས་རྩའི་རོགས་སྐྱོར་གསལ་བསྒྲགས།

ཡུམ་བུ་བླ་མཁར་བོད་ཀྱི་ཐེབས་རྩ།

 
ཡུམ་བུ་བླ་མཁར་བོད་ཀྱི་ཐེབས་རྩ་ནི་བོད་ཕྱི་ནང་གཉིས་སུ་དེང་དུས་ཤེས་ཡོན་སློབ་གསོ་དང་། དྭ་ཕྲུག བདག་མེད་ཉམ་ཐག སྤྱི་ཚོགས་ལ་ཕན་པའི་མི་སྒེར་ལས་གཞི། ཛ་དྲག་ནད་མནར་བཅས་ཀྱི་ཐད་ཆེད་དམིགས་བཙུགས་པའི་རོགས་སྐྱོར་ཚོགས་པ་ཞིག་ཡིན། ཐེབས་རྩའི་ཚོགས་མི་རྒྱལ་ཁབ་ཁག་ལྔ་ལྷག་གི་ནང་ཡོད་ལ། མ་དངུལ་ཡོང་ཁུངས་ཚོགས་དངུལ་དང་། ཞལ་འདེབས། ཐེབས་རྩའི་དཔལ་འབྱོར་འདུ་འགོད་བྱ་འགུལ་བཅས་ཡིན། ༢༠༡༣ལོ་ནས་ཐེབས་རྩས་མ་དངུལ་གྱི་ནུས་ཚོད་ལ་བརྟེན་ནས་ལོ་རེ་བཞིན། བོད་ཕྱི་ནང་གཉིས་སུ་གོང་གསལ་ལས་གཞི་ཁག་གི་ཐད་རོགས་དངུལ་བཏང་དང་གཏོང་མུས་ཡིན་པར་བློ་སྤོབས་སྐྱེས་ཡོད། ༢༠༡༧ ལོར་ཡང་སྔོན་འཆར་ལྟར་ཐེབས་རྩས་བོད་ཕྱི་ནང་གཉིས་ན་བཞུགས་པའི་མཐོ་རིམ་སློབ་གྲྭའི་སློབ་མ་ཚོར་སློབ་ཡོན་ཁ་གསབ་དང་། རྒན་འཁོགས་ལྟ་སྐྱོང་དཀའ་ཁག་ཅན་རིགས་ལ་འཚོ་བའི་ཁ་གསབ། དེ་བཞིན་མི་སྒེར་ལས་གཞི་ཁག་ལ་ཁ་གསབ་རོགས་དངུལ་གྱི་གོ་སྐབས་འབུལ་བཞིན་ཡོད་ན། རང་རིགས་རོགས་དངུལ་ཞུ་འདོད་ཡོད་མཁན་ཚོས་ཕྱི་ཟླ་༦པའི་ཚེས༢༥ ནང་ཚུད་ལ་སྙན་ཞུ་དང་། དགོས་ངེས་ཡིག་ཆ་འཐུས་ཚང་སྒོས་འདི་ག་ཐེབས་རྩ་ཁང་གི་གློག་འཕྲིན་ཡིག་ཟམ་བརྒྱུད་གནང་རྒྱུར་དགོངས་འཇགས་ཡོད་པར་ཞུ།

 
མཐོ་སློབ་སློབ་མའི་སློབ་ཡོན་ཁ་གསབ་རོགས་དངུལ་ཞུ་བའི་ཆ་རྐྱེན།

(༡) རང་ཉིད་ངོ་སྤྲོད་ལོ་རྒྱུས་དང་ཉེ་ཆར་བླངས་པའི་འདྲ་པར་གཅིག
(༢) ༢༠༡༧ ལོར་མཐོ་སློབ་གང་རུང་ཞིག་ཏུ་སློབ་སྦྱོང་མགོ་ཚུགས་ཟིན་པའི་ངོས་སྦྱོར།
(༣) གཞུང་སྒེར་གང་ནས་ཀྱང་སློབ་ཡོན་རོགས་དངུལ་ཐོབ་ཀྱི་མེད་པ།
(༤ ) སློབ་གྲྭའི་ཡིག་ཚང་དང་ས་གནས་བདེ་དོན་ལས་ཁུངས་གང་རུང་ནས་དཀའ་ངལ་ཡོད་པའི་བདེན་དཔང་རྒྱབ་གཉེར།

 
རྒན་འཁོགས་ལྟ་སྐྱོང་མེད་པའི་འཚོ་བའི་ཁ་གསབ་རོགས་དངུལ་ཞུ་བའི་ཆ་རྐྱེན།

{༡} རང་ཉིད་ཀྱི་ངོ་སྤྲོད་ལོ་རྒྱུས་དང་ཉེ་ཆར་བླངས་པའི་འདྲ་པར་གཅིག
{༢} གཞུང་སྒེར་གང་ནས་ཀྱང་འཆར་ཅན་ལྟ་སྐྱོང་རོགས་སྐྱོར་ཐོབ་ཀྱི་མེད་པ།
{༣} ས་གནས་བདེ་དོན་ལས་ཁུངས་ཀྱི་རྒྱབ་གཉེར་ཡི་གེ།

 
མི་སྒེར་ལས་གཞི་ཁ་གསབ་རོགས་དངུལ་ཞུ་བའི་ཆ་རྐྱེན།

{༡} རང་ཉིད་ཀྱི་ངོ་སྤྲོད་ལོ་རྒྱུས་དང་ཉེ་ཆར་བླངས་པའི་འདྲ་པར་གཅིག
{༢} ལས་གཞིའི་ལས་རིམ་དང་སྤྱི་ཚོགས་དགེ་ཕན་སོགས་ཀྱི་ཐད་ངོ་སྤྲོད་མདོར་བསྡུས།
{༣} ལས་གཞི་དང་འབྲེལ་བའི་ཚོགས་སྒྲིག་གམ་ཆེད་ལས་མཁས་པ་གང་རུང་གི་རྒྱབ་གཉེར་ཡི་གེ

རོགས་སྐྱོར་རེ་ཞུ་གཏོང་མཁན་རྣམ་པས་སོ་སོའི་སྡོད་གནས་ཁ་བྱང་དང་འབྲེལ་གཏུག་ཁ་པར་སོགས་གསལ་བོར་བསྐུར་རྒྱུ་དང་། གོང་གསལ་དགོས་ངེས་ཀྱི་ཡིག་ཆ་དག་འཐུས་ཚང་མ་བྱུང་བ་དང་། སྙན་ཞུ་དུས་བཅད་ནང་བསླེབ་མ་ཐུབ་ཚེ་རེ་ཞུ་རྩིས་མེད་གཏོང་རྒྱུར་སྔར་ནས་ཐུགས་འཇགས་འཚལ།

ཡུམ་བུ་བླ་མཁར་བོད་ཀྱི་ཐེབས་རྩ།                                                                                                              ༢༠༡༧ཕྱི་ཟླ་༠༤པའི་ཚེས༡༥ཉིན།

 
འབྲེལ་གཏུག་ཁ་བྱང་།
Association Caritative tibétaine Yumbulakar
23, rue Greneta
75002 Paris
France
Email. yumbulakar@gmail.com
Contact : 0033+6 37 99 50 77/ 6 84 68 24 14