༄༅།། ཁ་སང་ཕྱི་ཚེས ༧ ཉིན་༧གོང་ས་ཆེན་པོས་ཉི་ཧོང་ནས་སྲིད་འཛིན་ཨའོ་པ་མ་བསྐྱར་དུ་སྲིད་འཛིན་འདམས་ཐོན་བྱུང་བར་གསུང་འཕྲིན་ཅིག་སྩལ་ཏེ་བོད་ནང་རང་ལུས་མེར་སྲེག་གི་ཛ་དྲག་གནས་སྟངས་ཐད་ཨ་རིའི་གཞུང་ནས་མུ་མཐུད་གཉིས་སྨན་དབུ་མའི་ལམ་ལ་རྒྱབ་སྐྱོར་གནང་དགོས་པ་སོགས་འཁོད་འདུག དེ་ཡང་གསུང་འཕྲིན་ནང་ “སྐུ་ཉིད་མཆོག་ཨ་རིའི་སྲིད་འཛིན་དུ་སླར་ཡང་འོས་འདེམས་བྱུང་བར་ངོས་ཀྱིས་དགའ་བསུའི་འཚམས་འདྲི་དང་བཀྲ་ཤིས་བདེ་ལེགས་ཞུ་རྒྱུ་ཡིན། སྐུ་ཉིད་ཕྱི་ལོ་ ༢༠༠༨ ལོར་ཨ་རིའི་སྲིད་འཛིན་དུ་ཐོག་མར་འདེམས་ཐོན་བྱུང་སྐབས། འཛམ་གླིང་ནང་འཕྲད་བཞིན་པའི་དཀའ་ངལ་རྣམས་ང་ཚོས་ཆིག་སྒྲིལ་གྱི་ནུས་པའི་ཐོག་ནས་གདོང་ལེན་བྱེད་དགོས་པའི་བློ་སྤོབས་བསྐྲུན་པ་ཙམ་མ་ཟད། དེ་ནས་བཟུང་ཨ་རིའི་མི་མང་གིས་སྐུ་ཉིད་ལ་ཡིད་ཆེས་བློས་འགེལ་གྱིས་རེ་བ་བཅོལ་བ་དེ་དག་བསྒྲུབ་ཆེད་འབད་བརྩོན་ཧུར་བསྐྱེད་གནང་ཡོད། དེར་བརྟེན་མི་མང་གིས་སྐུ་ཉིད་ནས་དེ་ལྟ་བུའི་འབད་བརྩོན་གནང་བར་ངོས་འཛིན་གྱིས་ཐེངས་འདིར་སླར་ཡང་སྲིད་འཛིན་དུ་འོས་འདེམས་གནང་ཡོད།
སྐུ་ཉིད་ཀྱིས་ཐོག་མར་ཨ་རིའི་སྲིད་འཛིན་གྱི་ལས་ཁུར་བཞེས་སྐབས། འཛམ་གླིང་མི་མང་གིས་མང་གཙོའི་རིན་ཐང་སྲུང་སྐྱོབ་དང་མང་གཙོའི་འཆར་སྣང་རྒྱུན་གནས་ཐུབ་ཆེད་ཨ་རིས་སྣེ་ཁྲིད་ཐུབ་པའི་རེ་བ་ཧ་ཅང་བཅོལ་བཞིན་ཡོད་སྐོར་ངོས་ཀྱིས་སྐུ་ཉིད་ལ་གནས་འཕྲིན་ཞིག་ཕུལ་བའི་ནང་བཀོད་པ་དྲན་གྱི་འདུག དེར་བརྟེན་སྐུ་ཉིད་ནས་འཛམ་གླིང་ནང་དབུལ་ཕོངས་དང། དྲང་བདེན་མེད་པ་སོགས་ཀྱི་དཀའ་ངལ་འོག་མི་འབོར་ཐེར་འབུམ་མང་པོ་གནས་ཡོད་པ་དེ་དག་ཡིད་བཅངས་ཐོག་འཛམ་གླིང་ནང་ཞི་བདེ་སྔར་ལས་གོང་འཕེལ་གཏོང་ཐུབ་རྒྱུར་ངོས་ཀྱིས་རེ་བ་ཞུ་བཞིན་ཡོད། དཀའ་ངལ་དེ་དག་སེལ་རྒྱུ་ནི་ད་ལྟའི་དུས་སྐབས་ཀྱི་གནད་དོན་གལ་ཆེ་ཤོས་ཤིག་ཏུ་གྱུར་ཡོད།
སྐུ་ཉིད་ནས་མཁྱེན་གསལ་ལྟར་ངོས་ཀྱིས་བོད་མིའི་ཆབ་སྲིད་ཀྱི་དབང་ཆ་ཡོངས་རྫོགས་མི་མང་གིས་འོས་འདེམས་བྱས་པའི་ཆབ་སྲིད་དབུ་ཁྲིད་ལ་རྩིས་སྤྲོད་བྱས་ནས་ལོ་གཅིག་ཟིན་ནའང་ངོས་རང་ཡང་བོད་མི་ས་ཡ་དྲུག་གི་ཆ་ཤས་ཤིག་ཡིན་སྟབས། སྐུ་ཉིད་ནས་འཚེ་མེད་ཞི་བའི་ཐོག་ནས་བོད་ཀྱི་གནད་དོན་སེལ་ཆེད་མུ་མཐུད་རྒྱབ་སྐྱོར་གནང་བར་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་མ་ཟད། སྐུ་ཉིད་ནས་དབུ་མའི་ལམ་གྱི་ཐབས་ལམ་ལ་རྒྱབ་སྐྱོར་གནང་བར་རྗེས་སུ་ཡི་རང་ཞུ་རྒྱུ་ཡིན། ཐབས་ལམ་འདི་ནི་བོད་རྒྱ་གཉིས་སྨན་ཐོག་བོད་ཀྱི་གནད་དོན་སེལ་རྒྱུའི་ཐབས་ལམ་བཟང་ཤོས་ཡིན་པར་ངོས་ཀྱི་ད་དུང་ཡང་ངོས་འཛིན་བྱེད་བཞིན་ཡོད།
ད་ལྟ་བོད་ནང་གི་གནས་སྟངས་ཇེ་ཞེན་ཇེ་སྡུག་ཏུ་འགྲོ་བཞིན་པའི་མཚོན་རྟགས་སུ་བོད་མི་ཚོས་བསྟུད་མར་རང་ལུས་མེར་སྲེག་བཏང་བའི་དོན་རྐྱེན་བྱུང་དང་འབྱུང་བཞིན་པའི་ཛ་དྲག་གི་གནས་སྟངས་འདིའི་འོག སྐུ་ཉིད་མཆོག་གི་སྲིད་གཞུང་ནས་གཉིས་སྨན་གྱི་ཐབས་ལམ་དེར་མུ་མཐུད་རྒྱབ་སྐྱོར་གནང་ཐུབ་རྒྱུའི་རེ་བ་ཞུ་བཞིན་ཡོད། དེང་སྐབས་ངོས་རང་ཉི་ཧོང་ཁུལ་དུ་ཡོད་ཅིང་ངོས་ཀྱིས་སྐུ་ཉིད་ཀྱི་སྲིད་འཛིན་ལས་དུས་གཉིས་པའི་སྐབས་ལས་དོན་གང་ཅིའི་ཐད་བྱ་བ་ལམ་ལྷོངས་ཡོང་བའི་སྨོན་འདུན་ཞུ་རྒྱུ་ཡིན། བཀྲ་ཤིས་བདེ་ལེགས། ཞེས་སྩལ་འདུག།
ཁོང་གི་གསུང་དེ་ལ་ནག་ཐོ་དེས་དོ་སྣང་ཞིག་ངེས་པར་བྱེད་དགོས་ཐུག
གསུངས་འཕྲིན་དེ་ཁྱེད་རང་གི་དབྱིན་སྐད་ནས་བོད་སྐད་དུ་བསྒྱུར་བ་ཡིན་ས་རེད། སྲིད་འཛིན་ཨོ་བྷ་མ་Obamaརེད། ཨའོ་པ་མ་ཟེར་ན་ནོར་རེད། དེ་རྒྱ་སྐད་ཀྱི་སྒྲ་གདངས་ལྟར་བྲིས་ཡིན་ས་རེད།
མདང་ནུབ་ཨ་རིའི་ནག་རིལ་ཡིན་པ་དང་། གཞོན་པ་ཡིན་པ་ཅིག་ལ་འོས་ཤོག་ཐོབ་པར་དགའ་བསུ་དམིགས་བསལ་དང་བཀྲ་ཤིས་བདེ་ལེགས་ཡོད་དོ། །
སྤྱན་རས་གཟིགས་གིས་ཕྱག་ན་རྡོ་རྗེ་ལ་བཀའ་རྩལ་བ་དེར་། འཇམ་དཔལ་དབྱངས་ཀྱིས་ངོ་རྒོལ་ཡོད་ངེས་ལ། གྲུབ་འབྲས་ཅིག་དེ་བས་ཡོད་མི་སྲིད་།
ང་རང་ཚོའི་མཐུན་ཕྱོགས་ཡོད་ན་མེད་ནའི་ཡུལ་ཆེན་པོ་འདིའི་མི་མང་སྤྱི་མོས་ཀྱིས་བདམས་པའི་དབུ་ཁྲིད་ཨོབ་རྦ་མ་ལ་བཀྲ་ཤིས་བདེ་ལེགས་ཞུ་དགོས།
སྙིང་རྗེའི་རང་གཟུགས་ཉིད་དང་སྟོབས་རང་གཟུགས།
མཁྱེན་པའི་རང་གཟུགས་བཅས་པ་གསུམ་འདུས་ཀྱིས།
ཇི་ལྟར་འོས་པའི་འབྲས་བུ་འབྱུང་བ་ལ།
གཅིག་གིས་གཅིག་ལ་རྟག་ཏུ་གྲོགས་བྱེད་འགྱུར།།
Obama o ཨོ། ba བ་རྦ་བྷ་འབའ་སྦ་སོགས་གང་རུང་། ma མ། ཨོ་བྷ་མ་བྲིས། ཨའོ་པཱ་མ་ཟེར་ན་དག་རྒྱུ་ཅི་འདུག ཤྭ་བ་མི་བསྐོར་རི་བསྐོར་ནས་གང་བྱེད།
ཨོ྆་པདྨ་ཨ་རིའི་སྲིད་འཛིན་ལ་སླར་ཡང་འདེམས་ཐོན་བྱུང་བར་འཚམས་འདྲི་ཞུ།
ཨོ་སྦ་མ་ལས་གསུང་འཕྲིན་སྩལ་བ་དེ་བོད་ནང་རང་ལུས་མེ་བསྲེགས་རྣམས་ལ་སྩལ་བ་ཡིན་ན་ཕན་པ་ཧ་ཅང་ཆེ་མཐོང་། ཨོ་སྦ་མས་་གོངས་ས་མཆོག་གད་སྙིང་བསེད་ནས་གདན་དྲངས་པས་མི་དེ་རེད་་དེ་ལ་བཀའ་སློབ་གང་ཚད་གནང་ཡང་ཕན་པ་མེད་པ་མཐོང་གི་འདུག་