༧གོང་ས་མཆོག་དེ་རིང་ཐའེ་ཝན་དུ་འབྱོར་འདུག་ལ། ཐའེ་ཝན་མང་གཙོ་ཚོགས་པས་ཐེངས་འདིར་༧གོང་ས་མཆོག་ཐའེ་ཝན་ནང་ཕེབས་པ་དེ་རྒྱ་གཞུང་ལ་བཀག་འགོག་བྱེད་པའི་དབང་ཆ་མེད། ཅེས་བརྗོད་འདུག
བྷི་བྷི་གསར་ཁང་གིས་དེ་རིང་གནས་ཚུལ་སྤེལ་བ་ལྟར་ན། ཉེ་ཆར་ཐའེ་ཝན་དད་ལྡན་མང་ཚོགས་གཙོས། དམངས་གཙོ་ཚོགས་པ་དང་དྲག་རླུང་གནོད་འཚེ་ཐེབས་ཡུལ་མི་མང་གིས་རེ་སྐུལ་དང་གསོལ་འདེབས་ཞུས་ཡོད་པ་བཞིན། ༧གོང་ས་མཆོག་ལ་ཐའེ་ཝན་གཞུང་ངོས་ནས་ཆིབས་བསྒྱུར་གྱི་མཆོག་མཆན་གནང་ཡོད་པ་མ་ཟད། དེ་རིང་ཞོགས་པའི་ཆུ་ཚོད་ ༡༠ ཡས་མས་སུ་༧གོང་ས་མཆོག་ཐའེ་ཝན་ནང་ཞབས་སོར་བདེ་བར་འཁོད་ཡོད་པ་དང་། ཞབས་སོར་འཁོད་མ་ཐག་ཐའེ་ཝན་ལྷོ་ཕྱོགས་ཀྱི་གནོད་འཚེ་ཐེབས་ཡུལ་དུ་ཆིབས་བསྒྱུར་བསྐྱངས་ཏེ་དེར་ཡོད་ས་གནས་མི་མང་ལ་འཚམས་གཟིགས་གནང་ཡོད་པ་རེད།
འཕྲོས་ བོད་ཀྱི་དུས་བབ་ཏུ་གཟིགས་རོགས།
འདིར་རྒྱལ་བ་རིན་པོ་ཆེ་ཐེ་ཝན་ལ་ཕེབས་པའི་བརྙན་འཕྲིན་ཞིག་འདུག
http://www.youtube.com/watch?v=4qtNDyyBPYE
ཐེངས་འདིར་ཕེབས་པ་ལ་དཀའ་ཁག་མང་པོ་འཕྲད་བཞིན་འདུག ཏང་ཁག་གཉིས་ཀྱི་འགལ་ཟླ་དང་རྒྱལ་གཅེས་
རང་ལུགས་པ་འགའ་ཡི་སྐད་འབོད། གནོད་འཚེ་ཐེབས་པའི་ས་ཁུལ་མང་དག་ནང་བསྟན་ལ་དད་པ་དང་དོ་སྣང་
མེད་ཁར་སྦྱར་བྱང་དང་འཕྲེད་དར་བཟུང་བའང་མི་ཉུང་འདུག
རྒྱ་དམར་གྱིས་ཀྱང་ཐེ་བན་ཕྱོགས་ལ་ཚོང་ལས་ཕྱིར་འགྱངས་བཟོ་བ་དང་སྔོན་ལ་འཆར་གཞི་ཡོད་པའི་
མཛད་སྒོ་སྐོར་ཞིག་ལ་ཞུགས་རྒྱུ་ཡིན་པའི་མི་སྣ་དག་ཕྱིར་བུད་པ་སོགས་ཀྱི་གནས་ཚུལ་འདྲ་མིན་འདུག
དམངས་གཙོ་ཏང་ཁག་ལས་གཞན་རྣམས་ཀྱིས་ཐེ་བན་གྱི་ཚོང་ལ་ཤུགས་རྐྱེན་ཐེབས་པར་དོགས་པ་དང་
སེམས་ཁུར་མང་པོ་བྱ་བཞིན་པའི་སྒང་རེད།
ད་ཐེངས་གོང་ས་མཆོག་ཐེ་བན་ཕེབས་པ་འདིས་བོད་རྒྱའི་གནས་དོན་ལ་ཕན་ཐོག་ཡོད་སྲིད་དམ