སེང་མགུལ་སྨན་བླ།
རྒོད་པོ་འཕུར་སོང་།
གངས་ལྗོངས་ཀྱི་མཁའ་དབྱིངས་ལ་གཅུ་གསུམ་བརྒྱབ་ནས་འཕུར་སོང་།
ས་ཡ་དྲུག་གི་བདེ་སྡུག་སྙིང་ལ་བཅིངས་ནས་འཕུར་སོང་།
བསླབ་གསུམ་ཉམས་ལེན་གྱི་གོ་ཆ་བརྟན་པོར་གྱོན་ནས་འཕུར་སོང་།
གཟི་བརྗིད་དང་སྤོབས་པའི་དར་ཆ་དགུང་དུ་བསྒྲེངས་ནས་འཕུར་སོང་།
རྒོད་པོ་འཕུར་སོང་།
བོད་མི་ས་ཡ་དྲུག་གི་སྤྱན་ལམ་ན་འོད་དུ་མཚེར་བའི་མཐོ་སྒང་གི་སྐར་མ་འོད་ཆེན།
མཐོ་ས་ནས་དཀར་ཕྱོགས་སྦྱིན་པའི་ལྷ་མཆོག་ཁྱེད་ཉིད།
འཇིག་རྟེན་བརྟན་སྲུང་གི་སྐད་སྙན་གླུ་རུ་གྱེར་ནས་འཕུར་སོང་།
བཞུད་ཤུལ་གྱི་ཧི་མ་ལའི་སྤང་ཐང་ལ་སྙིང་སྟོབས་ཀྱི་རི་མོ་བྲིས་ནས།
ལྷག་བསམ་དང་འཛུམ་མདངས་རིས་མེད་ཀྱི་འགྲོ་བ་ལ་གཏད་ནས་འཕུར་སོང་།
རྒོད་པོ་འཕུར་སོང་།
འགྲོ་དྲུག་གི་སྐྱབས་མགོན། སྙིང་རྗེ་རང་ཤར་གྱི་འཕགས་མཆོག
ཐུགས་རྒྱུད་རྒྱ་མཚོའི་རྒོད་པོའི་རྦ་རླབས་དྲག་ཏུ་མཆོད་ནས།
རང་ཁྱིམ་ཤེས་རིག་གི་ཕོངས་པར་འོད་འཆེམ་གྱི་སྒྲོལ་མེ་སྦར་ནས།
མི་རབས་རྗེས་འཛིན་གྱི་གཞོན་ནུ་ཚོར་ཡངས་བའི་ཁྱིམ་གཞིའི་བསླབ་བྱ་བསྩལ་ནས།
གནས་མཆོག་ཤམ་བྷ་ལའི་ཞིང་དུ་འཕུར་སོང་།
རྒོད་པོ་འཕུར་སོང་།
2015/7/14ཉིན།