༨༢–གོ་ལ་ཧྲིལ་བོའི་ཉི་མ་དཀར་རོ།

-སེར་བྱེས་བྱ་གཞུང་འཇམ་དབྱངས།

 
ཆོས་རྒྱལ་བཙན་པོའི་ལུགས་ཟུང་སྦྲེལ་ནས་ཆོས་སྲིད་དཔལ་ཡོན་གངས་རིའི་ཁྱོན་དུ་རྩེན་ན་ཡང་།།
སྲིད་དོན་ལྡེམ་པོའི་ནད་ཡམས་ཤིག་གིས་གངས་རིའི་ལྗོངས་སུ་ནང་དམེ་འཐབ་པའི་ཡོ་ལང་བསླངས།།
རྒྱ་དམར་གདུག་སྤྱོད་མེ་བཞིན་མཆེད་ནས་ཆོས་སྲིད་སྒྲོན་མེ་ཟད་ལ་ཉེ་བའི་སྙིགས་མཐའ་འདིར།།
བསྟན་སྲུང་ཆེན་མོ་དམག་ཟོར་རྒྱལ་མོས་ལྷ་མོ་དོན་འགྲུབ་སྤྱན་རས་གཟིགས་ཀྱི་གར་ཏུ་ཕབ།།

སྐྱོ་ངལ་བྲལ་བའི་ཐུགས་བརྩེ་དགྱེས་བཞིན་གདོང་དམར་ཚང་གི་མགོན་དུ་བྱོན་པར་ཨེ་མ་མཚར།།
ཙོང་ལ་རིང་མོའི་མཐོངས་ཞོལ་དེ་ནས་བསུབ་ཐབས་མེད་པའི་ལོ་རྒྱུས་སྤྲིན་དཀར་སླར་ཡང་མཚེར།།
འཆང་ལས་གྲོལ་ཡང་སྙིང་རྗེས་བཅིངས་ཏེ་འཁོར་བའི་མཚོ་ལས་མ་དག་འགྲོ་བའི་རྟུལ་ཞུགས་བླངས།།
སྲིད་ལས་བརྒལ་ཡང་ཇི་སྲིད་འགྲོ་བའི་དོན་ལ་སྤྱོད་པའི་མཛད་པའི་ཁུར་གྱིས་དགྱེས་བཞིན་འཇུག །

མཐའ་ཡས་ཤེས་བྱ་ཐོགས་པ་མེད་པའི་མཁྱེན་པའི་སྟོབས་ཀྱིས་ཁེངས་སྙེམ་སྡེ་རྣམས་ཕམ་པར་མཛད།།
བྱམས་བརྩེའི་འཛུམ་དཀར་འོད་ཀྱི་ཕུང་བོས་ནག་ཕྱོཊ་བདུད་སྡེ་དཔུང་གི་དྲཊ་པའི་གོ་མཚོན་བསྙིལ།།
རྟེན་འབྱུང་ལྟ་བའི་གསུང་གི་བདུད་རྩིས་ཚན་རྩལ་རིག་པའི་མཁས་མཆོག་ཚོཊ་ཀྱི་སེམས་རྩ་བརླན།།
རྨད་དུ་བྱུང་བའི་སྐུ་གསུང་ཐུགས་ཀྱི་མཛད་བཟང་གཟི་འོད་མི་ཉམས་རྟག་ཏུ་ཞབས་བརྟན་ཤོག །

༢༠༡༧/༧/༦/ ཉིན་ལ།