༸གོང་ས་མཆོག་གི་སྐུ་ཕྱར་ཉེན་ཁ།

Comments (42) on “༸གོང་ས་མཆོག་གི་སྐུ་ཕྱར་ཉེན་ཁ།”

1. ཝ་ཡེ་གསང་གྲོལ་ལགས་གནས་ཚུལ་དེ་ཚོའི་རིགས་ལ་ཡིད་ཟབ་གནང་རྒྱུའི་རེ་བསྐུལ་དང། ཁ་བརྡ་ཚང་ནས་དེ་ཚོའི་སྐོར་གྱི་མཆན་ལ་ཐུགས་སྣང་དགོས་གལ་ལགས་སོ།

2. ངའི་སྙིང་ལ་གྲི་བཙུགས་པ་ལྟར་བྱུང་། ཚང་མས་གཟབ་གཟབ་གནང་རོགས།

3. ༧གོང་ས་མཆོག་གི་སྐུ་ཕྱའི་ཐད་ང་ཚོ་ཚང་མས་ཟབ་ཟབ་བྱ་དགོས་ངེས་སོང་གསང་གྲོལ་ལགས་ཀྱིས་གནས་ཚུལ་སྤེལ་བ་ཐུགས་རྗེ་ཆེ། བོད་ཀྱི་བུད་མེད་བེད་སྤྱོད་བྱེད་བཞིན་ཡོད་ན་དེང་སྐབས་རྒྱ་རིགས་དང་༧གོང་ས་མཆོག་མཇལ་ཕྲད་མང་ནས་མང་དུ་འགྲོ་བཞིན་ཡོད་པའི། སྐུ་སྒེར་ཡིག་ཚང་དང་རང་གཞུང་བདེ་སྲུང་ལས་ཁུངས་གཉིས་ཀྱི་དབུས་འབྲེལ་ཡོད་རྣམས་ཀྱིས་ངེས་པར་ཐུགས་ཟབ་གང་ཆེ་གནང་གལ་ཆེ་བ་དང་། ང་ཚོ་ཚང་མས་༧གོང་ས་མཆོག་གི་སྐུའི་བསྲུང་སྐྱོབས་དང་བཀའ་གསུང་ཅི་སྒྲུབ་ཞུས་ན་སྐུ་ཚེ་ཡུན་དུ་བརྟན་པར་ངེས་ཤིང། མ་འོང་ཡང་སྲིད་ཡང་རྒྱ་དམར་གྱིས་གང་བྱས་མིན་པ་བོད་མིའི་སོད་ནམས་དང་། ཆོལ་གསུམ་གཅིག་བསྒྲིལ་ལ་བརྟེན་ནས་སྐུ་ཕྲེང་བཅོ་ལྔ་པ་ང་ཚོའི་བསོད་ནམས་ཀྱི་བགོས་སྐལ་དུ་བྱོན་ངེས་ཡིན།
   ༧གོང་ས་མཆོག་སྐུ་ཚེ་བརྒྱ་དང་བཅུ་གསུམ་བརྟན་པའི་སྨོན་འདུན་ཞུ།
   ཚེ་དཔག་མེད་མགོན་ལ་སོགས་བྱིན་རླབས་དང་།།
   འདོད་ཁམས་བདག་དང་ལྕམ་སྲིང་མཐུ་སྟོབས་ཀྱིས།།
   འདི་ཕྱིའི་སྐྱབས་གནས་བསྟན་འཛིན་རྒྱ་མཚོ་ཡི།།
   སྐུ་ཚེ་བརྟན་ཅིང་བཞེད་དོན་ལྷུན་གྲུབ་ཤོག། །།

4. ཟབ་གཟབ་ལ་བཅོས་རོགས།

5. ངོ་མ་གནས་ཚུལ་དེ་བདེན་པ་ཡིན་ན། དེ་ནི་བློ་ལ་མི་ཤོང་བའི་གནས་ཚུལ་ཞིག་རེད།
   ནམ་རྒྱུན་བོད་མི་ཚོས་༸གོང་ས་མཆོག་ཕྱི་ནས་བཞུགས་སྒར་དུ་ཕེབས་དུས་དང་བཞུགས་སྒར་ནས་ཕྱིར་ཕེབས་དུས་ལས་སོགས་སུ་འཚང་ཁ་ཤིག་ཤིག་བྱེད་དེ་དད་པ་ཆེན་པོ་ཡོད་མདོག་སྟོན་གྱིན་པ་དེར་ང་ནི་ནམ་ཡང་འདོད་པ་ཡོད་མཁན་ཞིག་མིན། ང་ནི་དད་པ་ནང་གི་སེམས་ཡིན་པ་ལས་ཕྱི་ལུས་དང་ཁ་བཏགས་དེ་བས་མིན། བྱས་ཙང་རྒྱང་མཇལ་ཞུ་བ་ལས་གམ་མཇལ་ཞུ་ཆེད་འཚང་ཁ་ནམ་ཡང་རྒྱབ་མ་མྱོངས། ངས་ནམ་ཡང་འདི་ལྟར་བསམ་བཞིན་ཡོད། མི་ཚོགས་འཚང་ཁའི་གསེང་ནས་གནས་ཚུལ་ངན་པ་འབྱུང་སྲིད་པ་དང། གཞན་ཡང་འཚང་ཁ་རྒྱབ་སྟེ་དད་པ་ཡོད་མདོག་གིས་ཁ་བཏགས་སྟོང་པ་དེ་འབུལ་རྐྱང་བྱེད་པ་སོགས་ནི་ཤིན་ཏུ་ནས་ཉེན་འཚབ་ཆེ་བའི་བྱེད་སྟངས་ཤིག་རེད་དེར་བརྟེན་ད་ནས་བཟུང་དེ་ཡི་རིགས་མཚམས་འཇོག་བྱེད་ན་གང་འདྲ་འདུག དེ་ཚོར་གཟབ་དགོས། དད་པ་རང་གི་སེམས་ནང་དུ་བཞག་སྟེ་སྐུ་གསུང་ཐུགས་མཇལ་སེམས་ཀྱི་ནང་དུ་སྒོམ། གང་གིས་གསུངས་པའི་བཀའ་སློབ་རྣམས་ལ་ཉམས་ལེན་བྱོས་དེ་གས་འགྲིག་པ་རེད།

6. ངོ་མ་གནས་ཚུལ་ཡ་མཚན་ཞིག་རེད། ཞབས་ཏོག་པ་དང་སྐུ་སྲུང་བ་རྣམས་ཀྱིས་ཟབ་གཟབ་གནང་རོག

7. ང་ཚོ་བོད་པ་ཚང་འདི་རྨོངས་དད་ཡིན་ནའང་འདྲ་ཤེས་ནས་ཐོབ་པའི་དད་པ་ཡིན་ནའང་ཆོག་གང་ལྟར་དད་ལྡན་མང་ཚོགས་ཞིག་ལགས་པས་༧གོང་ས་མཆོག་གིས་དངོས་སུ་འཇལ་ཁ་སྩལ་བའི་གོ་སྐབས་མེད་པར་བཟོས་ན་བློ་ཕམ་སྲིད་མོད་༧གོང་ས་མཆོག་ལ་སྐུ་ཉེན་ཡོད་ཚུལ་གསལ་བོ་ཞུས་ན་མང་ཚོགས་ལ་དངོས་ལེན་ཡོད་ཐག་ཆོད་ཡོད་རེད།ཡང་ཅིག་བཤད་ན་དད་པ་འདི་ཆོས་ལུགས་ལས་བྱུང་བའི་ཐ་སྙད་ཅིག་ཡིན་ལ་དེ་ལ་ནང་བ་གཤེན་རབ་པ་དང་ཀྱཤཱ་བ་གང་ཡིན་ཡང་དད་པ་འདི་ཐར་བར་བགྲོད་བྱེད་ཀྱི་རྐང་པ་དང་ཡང་དག་པའི་དོན་མཐོང་བའི་མིག་ལྟ་བུ་ཞིག་ལ་དངོས་འཛིན་གནང་གི་ཡོད་པ་དང་དེ་བཞིན་དུ་དད་པ་འཇོག་ཚུལ་ལའང་མང་མོད་ཐམས་ཅད་ཀྱི་ནང་ནས་གཙོ་བོ་ནི་དད་ཡུལ་དེའི་བསྟན་པའི་ལམ་ལ་མ་ནོར་སྙེག་པ་ནི་དད་པ་ཡིན་ནོ།།དད་པ་ལ་ཐག་རིང་ཐུང་དང་ཐུག་དང་མ་ཐུག་གིི་ཁྱད་པར་ནི་མེད་ད་དུང་རབ་ཡིན་ན་བླ་མ་དང་རྒྱང་རིང་ན་དད་པ་ལྷག་པས་སྐྱེ་པ་ཞིག་འདུག་དེ་མིན་ནམ་ཡང་བླ་མ་དང་འགྲོགས་འདྲེས་བྱས་ནས་བསྡད་ན་མཚམས་ཅིག་ལ་དད་པ་དག་སྣང་བརླགས་ཉེན་འདུག འདིའང་བླ་མའི་སྐྱོན་དུ་བརྩི་མི་རུང་སྟེ་བླ་མའི་ཇི་མཛད་ཐམས་ཅད་འགྲོ་དོན་ཡིན་པ་ཚད་མའི་སྐྱེས་བུ་རྣམས་ཀྱིས་བཀའ་དང་བཀའ་རྟེན་ལས་གསུང་བ་བཞིན་ནོ།།འདི་ནི་ང་རང་ཚོ་སྣང་བ་མ་དག་པའི་དབང་དུ་ཤོར་བ་ཙམ་ལས་གཞན་རྒྱུ་མཚན་གང་ཡང་མེད་དོ།།དེའི་ཕྱིར་༧གོང་ས་མཆོག་གིས་མཇལ་ཁ་དངོས་སུ་སྩོལ་བ་གཙོ་ནོ་མ་རེད་ཁོང་གི་སྐུ་ཚེ་ཡུན་དུ་བརྟན་ནས་ཏཱ་ལའི་བླ་མའི་འོས་འགན་གསུམ་སྟེ་འགྲོ་བ་མིའི་བཟང་སྤྱོད་མཐོར་འདེགས་དང་ཆོས་ལུགས་མཐུན་སྒྲིལ་བོད་མིའི་མགྲིན་འཚབ་པ་གནང་བའི་མཛད་འཕྲིན་སྐྱོང་དགོས་པ་རེད།

8. གཙོ་ནོ་དེ་གཙོ་བོ་ལ་བཅོས་རོགས་ཞུ།

9. གལ་སྲིད་དོན་དག་དེ་འདྲ་ཡོང་གི་ཡོད་པ་བདེན་པ་ཡིན་ན། གོང་ས་གང་དུ་ཕེབས་ཀྱང་མི་སུ་ཡིན་ཡང་མཇའ་ཁ་སྐབས་རྒྱང་རིང་ནས་ཞལ་མཇལ་བ་མ་གཏོགས་གོང་ས་མཆོག་གི་མདུན་མི་གཅིག་འགྲོ་རུ་མ་བཅུག་ཡག་པོ་ཡོད་པར་སྙམ། དེ་མ་ཟད་ང་ཚཽས་མི་རེ་ངོ་ནས་འགན་འཁུར་དེ་གོང་ས་མཆོག་གི་སྐུ་ཕྱ་ལ་སྲུང་སྐྱོབ་བྱེད་དགོས་བ་ཁ་ཚ་སྒེར་གཏུགས་གི་འོས་འགན་ཞིག་དུ་མཐོང་། དེ་འདྲ་ང་ཚོ་ཚང་མའི་གོང་ས་མཆོག་གི་སྐུ་ཕྱ་ལ་ངེས་བར་འགན་འཁུར་དགོས།།
   སྤྱིར་ཡོ་རབས་འམ་རྒྱལ་ཁབ་གཞན་གང་ལ་ཕེབས་ཀྱང་བོད་པ་ཚོ་ལ་བཀའ་སློབ་ལས་མཇལ་ཁ་མ་གནང་རུང་གལ་ཆེན་པོ་ཡོད་པ་མི་འདུག་སྙམ།

10. ༧གོང་མཆོག་ཞེས་ཆེ་རྟགས་ ༼ ༧ ༽འདི་ངེས་པར་བྲིས་དགོས་རེབ་ཐོག་མདའ་ལགས།

11. གཟབ་གཟབ་གནང་རོགས

12. སྲིད་ན་དཀོན་པའི་༧བླ་མའི་སྐུ་ཚེ་ལ།།
    བར་དང་གདོན་གྱིས་བསླུ་བར་མི་འདོད་ན།།
    སྐྱེ་བོ་ཚང་མས་ཁོང་གི་ཐུགས་བཞེད་ལ།།
    རང་གི་སྲོག་བཞིན་བསྲུངས་དེ་འབད་པར་འཚལ།།

13. དེང་ཕྱིན་ཆད་༧གོང་ས་མཆོག་གི་མདུན་དང་། ཕྱག་མཇལ་སོགས་རིང་ནས་འདྲིས་པའི་དཔོན་ཆེན་བླ་ཆེན་སོགས་གནད་ཡོད་ཀྱི་མི་སྣ་ཁག་གཅིག་མ་གཏོགས། གང་གི་མདུན་དུ་ཁྱོན་ནས་གཏང་མི་བཅུག་རྒྱུ་དེ་རེད། རྒྱང་མཇལ་ཞུ་ན་འགྲིག་གི་རེད། གཅིག་ཡིན་གཉིས་ཡིན་ཟེར་ནས་མཇལ་ཁར་ཡོང་སྐབས་སྐུ་བསྲུང་བ་ཚོས། བསྐལ་བ་བཟང་མདོག་དང་། སྙིང་རྗེ་མདོག ཤ་ཚ་མདོག་བྱེད་རྒྱུའི་དུས་ཚོད་ཡོལ་ཟིན་རེད་ལ། ཁ་ཤས་ཀྱིས་སྒོར་མོའི་བསླུ་ཉེན་ཆེ་བས་། མགོ་བསྐོར་ཁྱོན་ནས་ཐེབས་མི་ཉེན། དེའི་ཐོག་གཙོ་བོ་ཁོང་གི་སྐུ་སྲུང་བ་དེ་ཚོས་འགན་འཁུར་དགོས་པ་རེད་ལ། ཕར་ཚུར་ཕེབས་སྐབས་ཞལ་ལག་གི་ཐོག་ལ་གཟབ་གཟབ་གནང་ན་མ་གཏོགས། ཉེན་ཁ་ཆེན་པོ་རེད། སྔོན་མ་༧པཎ་ཆེན་མཆོག་གློ་བུར་དུ་དགོངས་པ་ཆོས་དབྱིངས་སུ་ཐིམ་པ་ལ། བོད་མི་ཚོས་དོགས་པའི་གནས་སུ་ལྷུང་བ་རེད། དེར་བརྟེན། ཉི་མ་དེ་རིང་ནས་བཟུང་༧ཁོང་ལ་ཐད་ཀར་ཁ་གཏགས་དང་། མེ་ཏོག་འབུལ་བ་དང་། ༧ཁོང་གིས་ཕྱག་དབང་གནང་བ་སོགས་མང་པོ་ཞིག་བརྒྱུད་ནས་དུག་གི་ཉེན་ཆེ་བས། སྲོལ་དེ་ཚོ་མཚམ་བཞག་དགོས་པ་རེད། དེའི་ཐོག་བོད་མི་ཚང་མས་འགན་འཁུར་དགོས། གཞན་གུང་ཁྲན་གྱིས་༧པཎ་ཆེན་མཆོག་ལ་དངུལ་དང་། གསེར། སྒོར་མོ་གྱ་ནོམ་པ་ཕུལ་ནས་༧ཁོང་གི་སྐུ་གོང་མའི་གསེར་གདུང་རྣམས་བཞེངས་གྲུབ་ནས་མཛད་སྒོ་གྲོལ་༧རྗེས། ༧ཁོང་གློ་བུར་དུ་སྐུ་གཤེགས་པ་རེད། འདི་སྒོར་མོ་དང་། ༧པཎ་ཆེན་རིན་པོ་ཆེ་བརྗེ་པོ་རྒྱག་པ་དང་། སྒོར་མོ་ཡིས་༧པཎ་ཆེན་ཉོས་པ་དང་གཅིག་མཚུངས་རེད། གསེར་གདུང་དེ་ཚོ་རྩ་ཆེན་པོ་ཡིན་ནའང་། ཕྱོགས་གཅིག་ནས་བསམ་བློ་བཏང་ཚེ། དེའི་ཐོག་༧རིན་པོ་ཆེའི་ཚེ་སྲོག་ཤོར་བས། སྐྱོ་ཡང་དགོས་པའི་གནས་ཚུལ་རེད། ཉེ་ཆར་བོད་དུ་གུང་ཁྲན་གྱིས་བོད་དུ་དགོན་པ་དེ་ཚོར་སྒོར་མོ་ཁྲི་མང་པོ་དང་། གྲྭ་པ་དེ་ཚོར་གླ་ཕོག་སྤྲད་ཀྱི་ཡོད་པའི་ལས་འགུལ་སྔར་དང་། མི་འདྲ་བའི་ཤུགས་ཆེན་པོས་དགོན་གྲྭ་དང་། དེའི་མི་མང་རྣམས་བསླུ་འཁྲིེད་བྱེད་ཀྱི་ཡོད་པའི་རྣམ་པ་དེ་ཡི་རྒྱབ་ལྗོངས་སོགས་མང་པོ་ཞིག་ལ་བོད་མིའི་མགོ་ཡོད་ཚད་ཀྱིས་གཟབ་དགོས་སྙམ་བྱུང་། མདོར་བསྡུས་ན། སྐུ་བསྲུང་བ་ཚོས། རྒྱུན་དུ་༧གོང་ས་མཆོག་གི་མདུན་དུ་ཡོད་པས།་ དེ་རིགས་ལ་སྣང་ཆུང་ཤོར་བའི་ཉེན་ཆེ་བས། བོད་མི་ཡོངས་ཀྱི་སེམས་ཁམས་དང་།་ བོད་ངོས་ཟིན་པའི་ཐོག་ནས། དེའི་ཆེད་དུ་༧གོང་ས་མཆོག་གི་སྐུ་ཕྱྭའི་ཐོག་ལ་དཀའ་ངལ་འཛེམས་མེད་དང་། ལས་ཀ་ཐག་ཆོད་པོ་གནང་རོགས་ཞུ་རྒྱུ་ཡིན།།

14. དེ་བདེན་པ་ཡིན་ངེས་རེད།རྒྱ་གཞུང་གིས་བོད་པའི་འཐབ་རྩོད་པ་གཅིག་ཡིན་ཡང་ཨེ་ཟིན་གྱི་ཇི་འདྲའི་མི་ཤུགས་དང་རྒྱུ་ཤུགས་ཚད་མེད་མི་སྤྲོད་ཀི དེ་བཞིན་དུ་ཟིན་རྒྱབ་ཏུ་ཁོ་ཚོ་ཕྱིར་འོང་རྒྱུ་མེད་པ། འོང་ཡང་ནད་ཀྱིས་ཐེབས་པ་ཞིག་ཏུ་བསྒྱུར་ཡོད་ན། ༧གོང་ས་མཆོག་ལྟ་བུ་ནི་སྨོས་མ་དགོས་པ་རེད། དེས་ན་སྐུ་ཕྱྭ་ལ་གཟབ་གཟབ་དགོས་ངེས་རེད།

15. སྐུ་སྲུང་བའི་ནང་དང་་་་་གཞུང་ཞབས་པའི་ནང་དེ་རིགས་མེད་པའི་སྨོན་ལམ་ཞུ་་་་་་གཅིག་སུ་མི་གཅིག་གི་ལབ་ནི་ཞིག་དང་་་་ཡི་གེ་ཞིག་ལ་བལྟ་ཡ་མེད་་་

16. གནས་ཚུལ་དེ་དངོས་གནས་ཡིན་ན། སྐུ་ཕྱྭའི་ཐད་ལ་གཟབ་གཟབ་ངེས་པར་བྱེད་དགོས། ང་ཚོ་ལ་ལྟོས་ས་གཅིག་ཡོད་པ་ནི་གཙོ་བོ་གོང་ས་མཆོག་རེད། དེ་ལ་བར་ཆེད་དང་སྐུ་སྐེག་འདྲ་བྱུང་ན། ང་ཚོས་མ་འཇོན་པ་ཞིག་ཏན་ཏན་ཡིན་དེ་ལས་གྲ་སྒྲིག་དང་སྡོད་སྒུག་བྱེད་མི་འདུག་པར་དམིགས་བསལ་གྱིས་དོ་སྣང་བྱེད་རན་ལ་བབས་ཡོད། ད་ལྟ་བྱེད་རྒྱུ་ཡོད་པ་རེད། ཕྱིས་མེད་པས་གཞུང་སྒེར་ཚང་མ་རྡོག་རྩ་གཅིག་ཏུ་བསྒྲིལ་ཏེ་གོང་ས་མཆོག་གིས་གསུང་ཆོས་དང་། མཇལ་འཕྲད། ཕེབས་བཞུགས་སོགས་གང་ལའང་ང་ཚོས་ངོས་ནས་འགན་ཁུར་ཐུབ་པ་ཞིག་ཅིས་ཀྱང་དགོས། དེ་ཡང་གཙོ་བོ་ང་ཚོང་མི་དམངས་བྱིངས་ཀྱི་ངོས་ནས་གཞུང་དང་དམིགས་བསལ་གྱིས་འགན་ཁུར་བ་རྣམས་ལ་དེའི་སྐོར་གྱི་རེ་བསྐུལ་འདོན་གྱི་དང་། བདེ་སྲུང་ལས་ཁུངས་དང་། སྐུ་སྲུང་བ་སོགས་ཀྱིས་དེ་ལྟར་དུ་ལག་ལེན་ལ་འགོད་ཨེ་ཐུབ་བལྟ་རྒྱུ་འདི་ད་ལྟའི་དུས་ལ་བབས་པའི་ཛ་དྲག་གི་འོས་འགན་ཡིན། དེས་ན་ཅིས་ཀྱང་འགན་མཉམ་ཁུར་དང་། འཕྱར་གྲུ་མཉམ་འདེགས་གནང་རྒྱུ་ཤིན་ཏུ་གལ་ཆེ།

17. སྐུ་ཕྱྭ་ལ་གཟབ་གཟབ་དགོས་ངེས་རེད། དཀོན་མཆོག་མཁྱེན་མཁྱེན་་་

18. གནས་ཚུལ་བདེན་པོ་ཡིན་ངེས་རེད་ད་ནས་བཟུང་༸གོང་ས་མཆོག་གི་ཕྱི་ནང་གི་མི་སྣ་གནད་འགག་ཆེ་བ་རེ་ཟུང་ལས་དོན་དག་ཡོད་ལ་མེད་ལ་ཚང་མ་ལ་མཇལ་ཁ་མ་གནང་ན་ཡག་པོ་འདུག ཆུ་མ་ཡོང་གོང་ནས་རག གཅིན་མ་ཡོང་གོང་ནས་རྡོག་ཟེར་བ་དེ་དུས་སྐབས་འདིར་ཏག་ཏག་འཛོལ་པོ་འདུག

19. སྐུ་ཕྱྭ་ལ་ཉེན་ཁ་དུས་རྟག་ཏུ་ཡོད་ཡོད་པ་རེད། དུས་རྟག་ཏུ་གཟབ་དགོས་རྒྱུ་ཞིག་རེད་མ་གཏོགས་གསར་པ་ཞིག་མ་རེད།

20. ང་ཚོས་བོད་མི་ཚོས་ཅང་འཇོན་གི་མ་རེད། འཇོན་ཐུབ་ན། བཀའ་ཤག་གིས་སྐུ་ཕྱྭའི་ཐད་ཨ་རི་དང་དབྱིན་ལེན་འཇར་པན་རྒྱ་གར་གསུམ་ལ་རོགས་སྐྱོར་ཞུ་དགོས། དེ་སྐོར་དངོས་ནས་མ་འཕྱི་བ་ཞིག་བྱེད་དགོས།

21. གསང་གྲོལ་གྱིས་གསུང་པ་བདེན་པའི་མ་ཚད་དེང་སང་རྒྱ་དམར་གྱིས་ཉོས་ཟིན་པའི་མགོ་སེར་གནོད་བྱེད་མཁན་ཡང་ཡོང་སྲིད་པས་སྐུ་སྲུང་བ་དང་ཞབས་ཞུ་ཚོས་གཟབ་རྒྱུ་མཁྱེན་མཁྱེན། མཁྱེན་ནོ།།
    སྐུ་སྒེར་སྐུ་ངོ་ཚོས་༸གོང་ས་མཆོག་དངུལ་སྒོར་ལ་མ་བརྗེ་རོགས་གནང་། སྐུ་མཁྱེན། གསུང་མཁྱེན། ཐུགས་མཁྱེན།

22. གཉན་ཆེན་ལོ་ལོ། སྐུ་སྒེར་སྐུ་ངོ་ཚོས་༧གོང་ས་མཆོག་དང་དངུལ་བརྗེ་རྒྱུའི་འཆར་གཞི་བཞག་པ་མཐོང་ཐོས་བྱུང་སོང་ངམ། ཡང་ན་དེ་སྔོན་དེ་འདྲ་བྱས་སོང་།

23. འདི་གཙོ་བོ་ཕྱོགས་ཕེབས་སྐབས་སུ་གསོལ་ཚིགས་ཕུལ་མཁན་དང་། གཟིམ་ཆུང་མཇལ་ཁ་ཞུ་མཁན་གལ་ཆེའི་མི་སྣ་ཁག་ལ་གཟབ་དགོས་པར་འདོད།

24. ༧གོང་ས་སྐྱབས་མགོན་ཆེན་པོའི་སྐུ་ཕྱྭའི་སྐོར་གྱི་གནས་ཚུལ་ཨ་མ་འདི་ན་འདུག
    http://www.telegraph.co.uk/news/worldnews/asia/tibet/9261729/Dalai-Lama-reveals-warning-of-Chinese-plot-to-kill-him.html

25. དེ་ནི་བདེན་པ་ཡིན་ཚེ་ཧ་ཅང་གཟབ་དགོས་པའི་དོན་ཆེན་ཞིག་་ཡིན་མོད། ཁོ་བོ་ནི་དེ་ནིི་ཡང་དག་ཅིག་ཡིན་མིན་ལ་དོགས་པ་ཆེ་སྟེ། དེ་ནི་བདེན་ཚེ་དུག་དེ་ཧ་ཅང་ནུས་པ་ཆེ་བ་ཞིག་ཡིན་དགོས་ལ། དེ་ལྟར་ན་སྐྲ་དང་ཁ་བཏགས་ཀྱི་བདག་མོ་མོ འི་འཆི་སྲོག་དེ་དེ་འདྲའི་སྲ་མོ་ཞིག་ག་ལ་ཡིན་སྙམ་མོ ། །

26. གནས་ཚུལ་འདིའི་སྐོར་ལ་ང་ཚོས་ངེས་པར་དུ་གཟབ་དགོས་པ་ཞིག་ཡིན་པ་མ་ཟད། རྐྱེན་ངན་བར་ཆད་ཅིག་མ་ཡོང་གོང་ང་ཚོའི་ངོས་ནས་སྔོན་འགོག་བྱེད་དགོས་པ་དང་བྱེད་ཐབས་ཀྱི་ལམ་ཁ་ཅི་ཞིག་ཡོད་འཚོལ་དགོས། ངས་བསམ་ན་ཐབས་ལམ་ཡག་ཤོས་གཅིག་སྟེ་ད་ནས་བཟུང་མཇལ་བཅར་པ་སུ་ཡིན་རུང་རྒྱང་མཇལ་ཞུ་རྒྱུ་ལས་༸གོང་ས་མཆོག་གི་ཉེ་འཁྲིས་སུ་འཇོག་པའམ་ཡོང་འཇུག་རྒྱུ་རྩ་བ་ནས་མེད་པ་འདི་རེད། ཡང་ན་སྐུའི་ཉེན་སྲུང་བ་དང་བདེ་སྲུང་པ་ཀུན་ནས་མཇལ་བཅར་པ་ཡོངས་ཀྱི་སྐྲ་དང་ལག་པ་གྱོན་ཆས། དོ་བདག་དེ་དང་འབྲེལ་བའི་ཅ་དངོས་རིགས་གང་ཡོད། ད་དུང་འབུལ་རྫས་རིགས། མདོར་ན་གྱོན་གོས་དང་ལུས་ཕུང་ཀྱིས་གཙོས་ཡོངས་རྫོགས་ལ་མི་རང་ངོས་དང་། འཕྲུལ་ཆས་གཉིས་ཀ་བེད་སྤྱད་དེ་བརྟག་དཔྱད་ཞིབ་འཇུག་མཐིལ་ཕྱིན་པ་རེ་དཀའ་ཚེགས་ལ་མི་འཛེམ་པར་བྱེད་རྒྱུ་འདི་སྐབས་སུ་བབ་པའི་ཁྱེད་ཅག་གི་ལས་འགན་གལ་གནད་ཆེ་ཤོས་དང་། ཕྱི་ཤོལ་མེད་པར་བྱེད་དགོས་པའི་འགན་འཁྲི་ཨང་དང་པོ་དེ་རེད། གསར་འགོད་པ་ཚོར་༸གོང་ས་མཆོག་གིས་འདི་ལྟར་གསུང་ཡོང་དུས་དེ་ལ་དགོས་པ་དང་རྒྱུ་མཚན་རྒྱ་ཆེན་པོ་ཞིག་ཡོད་པ་སྨོས་མ་དགོས་པ་ཞིག་དུས་ང་ཚོ་ཚང་མ་དང་། ལྷག་པར་སྐུ་སྲུང་པ་དང་། བདེ་སྲུང་ལས་ཁུངས་གཉིས་ནས་སྐུ་ཕྱཱའི་འགན་གཙོ་བོ་དེ་ཁུར་དགོས་པས་ངེས་པར་དུ་མ་གོ་མ་ཚོར་མེད་པའི་ཐོག་ནས་འགན་འཁྲི་ལྷོད་གཡེང་དུ་མི་གཏོང་རྒྱུ་རང་ཉིད་བོད་མི་ཞིག་ཡིན་པའི་ཆ་ནས་དྲན་སྐུལ་ཞུ་གི་ཡོད།

27. བདེན་པ་ཡིན་མིན་གང་ལྟར་ཀྱང་གཟབ་གཟབ་གནང་དགོས་པ་གལ་ཆེན་པོ་རེད་ལ་ལྷག་པར་དུ་སྐུ་སྲུང་བ་ཚོའི་ཐུགས་གཟབ་གནང་དགོས་པ་གལ་ཆེན་ནང་གི་དོན་ཆེན་རེད།

28. ༸གོང་ས་སྐྱབས་མགོན་ཆེན་པོའི་སྐུ་ཕྱྭའི་ཐད་ལ་གཟབ་གཟབ་ངེས་པར་དུ་གནང་དགོས།
    ངས་སྔོན་མ་ནས་འདིའི་སྐོར་གྱི་བསམ་ཚུལ་ཞིག་འབྲི་བསམ་མྱོང་། ང་ཚོ་བོད་པ་ཚོ་རང་དོན་ལ་ཐུག་དུས་
    རང་མཇེ་ཐར་ན་་་་མྱི་སྟུ་ཁ་ཕག་་་་ཟེར་བ་ལྟར་་་་དགོན་པ་དགོན་ཆུང་དང་། ཚོགས་པ་གྱི་ན་ཙམ་གྱིས་་༸གོང་ས་མཆོག་ཡར་གདན་འདྲེན་དང་མར་གདན་ཞུས་ཀྱིས་སྐུ་ཕྱྭ་དང་སྐུ་ངལ་གྱི་ཐད་ལ་བསམ་གཞིགས་གང་ཡང་མི་བྱེད་པ་་་སོ་སོའི་མིང་དང་སྙན་གྲགས་དང་ཁ་ཕོར་གྱི་ཆེད་དུ་་བོད་མི་ཡོངས་ཀྱི་ཁོག་པའི་སྙིང་དང་ཐོད་པའི་མིག་ལྟ་བུ་ཁོང་ཉིད་ག་ཚད་རྩེད་མོ་རྩེད་་ཀྱི་མི་འདུག ཉེར་ཆར་མཚོ་པདྨ་རུ་བྱོན་སྐབས་ལྟ་བུའི་ཧ་གོ་ཡོང་།
    དེ་ཕྱོགས་སུ་ལམ་འཕྲང་དོགས་ཤིང་ཀྱག་ཀྱོག་དང་གཡང་ས་ཆེ་བའི་ལམ་འགག་དེར་ཕེབས་བཞུད་བཅུག་ཕོད་ས་རེད་དམ་་་་་དངོས་གནས་ཡིན་་་ད་ནས་བཟུང་བསམ་མནོ་ཞིག་ཐོངས་དང་ ཐུགས་གཟབ་གནང་རོགས་ཞུ་ཞུ་ཞུ། མཁྱེན་མཁྱེན་མཁྱེན།།

29. རྒྱ་ངན་དེ་ཚོས་བོད་མི་ཚོར་དེ་ལྟ་བུ་བསམ་ཡུལ་འདས་བའི་ལས་བྱེད་དུ་སྐུལ་བ་ནི་དངོས་གནས་སེམས་སྐྱོ་བོ་རེད་ལ་བོད་མི་ཡོངས་ཀྱི་གཟབ་གཟབ་བྱེད་དགོས་བའི་དུས་ཧ་ཅང་རེད་།

30. བོད་མི་ཚང་མས་རང་འགན་རང་ཁུར་གྱི་དོག་ཟོན་བྱེད་རོགས།

31. གསང་གྲོལ་ལགས་ཀྱི་སྤེལ་པའི་གལ་འགངས་ཤིན་ཏུ་ཆེ་བའི་གནས་ཚུལ་དེ་ཇི་ལྟར་ཡིན་རུང་དུས་རྒྱུན་དུ་ནས་རྒྱལ་བའི་སྐུ་ཕྱར་ང་ཚོ་བོད་ཆོལ་གསུམ་སྤུན་ཟླས་དྭོགས་ཟོན་བྱ་དགོས་པ་རེད་ལོ་རྒྱུས་ལ་ཕྱིར་བལྟས་ནན་པོ་གནད་འཕིགས་ཤིག་བྱས་ནས་བོད་མི་དང་སངས་རྒྱས་བསྟན་པའི་དགྲ་ནག་གི་སྔ་ཕྱི་བར་གསུམ་གྱི་ངོ་གདོང་དེར་དྭོགས་ཟོན་ལྷོད་མེད་གནང་དགོས་པ་དེ་ཡང་གཙོ་བོ་རྒྱལ་བའི་སྐུ་ཕྱ་དང་བོད་དོན་བྱ་གཞག་མཐའ་དག་ལ་དོགས་ཟོན་གནང་རྒྱུར་ཕྱོགས་ཡོངས་བློས་འཁེལ་བ་དང་ཆེད་བསྐོས་ཞབས་ཞུ་བ་རྣམས་མཉམ་རུབ་ཀྱིས་མཛད་སྤྱོད་ལ་ལེགས་བཅོས་གནང་དགོས་པ་རྣམས་འཕྲལ་མར་དུས་ཐོག་གནང་བ་ལས་རང་ཉིད་ཀྱི་ཁོ་ནར་བསམ་བློ་མ་གཏང་བའི་རེ་བ་བྱ་བཞིན་ཡོད་གང་ཡིན་ཞུས་ན་ང་ཚོའི་དགྲ་བོ་ནི་རྒྱུ་དངོས་གཏོང་བ་དང་གཡོ་སྒྱུ་ཆེ་བ་མགོ་སྐོར་གཏོང་མཁས་པ་ཤ་ཚ་སེམས་འཁུར་ཆེ་མདོག་ཁ་བ་དང་འདྲ་ཆགས་ཀྱི་གཏམ་བརྗོད་ཤོད་རན་པའི་རྫུན་གཏམ་གྱི་བང་མཛོད་ནང་དུ་གང་མཁོ་སྣ་མང་བྱུར་ཁེངས་ཡོད་པ་མཁྱེན་པ་གནང་ནས་སྐུ་ཕྱ་དང་བོད་དོན་ཆེད་དུ་དྭོགས་ཟོན་ཆེ་ལྷག་ཡོང་བའི་རེ་འདུན་རྒས་པོའི་སྙིང་གཏམ་ཡིན་རྒན་གཞོན་བར་གསུམ་ཐུགས་མཐུན་དམ་གཙང་ཡོང་བར་ཤོག་ནིའུ་ཡོག་ནས་ཕུལ་།།

32. འདི་ནི་འཇིགས་སྐུལ་རིང་ལུགས་པའི་དེ་ཉིད་ངོ་མ་བསྟན་པར་མ་ཟད་ཆེས་འཇིགས་སུ་རུང་བའི་གསར་འགྱུར་ཞིག་ཀྱང་མ་ཡིན་ནམ། གནད་ཡོད་མི་སྣ་དག་ཡིད་གཟབ་གནང་རོགས་ཞུ།

33. གནད་དོན་འདི་དོན་དག་ཆུང་ཆུང་ཞིག་རྩ་ནས་མིན་ཙང་བདེན་པ་ཡིན་མིན་དང་དོགས་པ་ཡོད་མེད་ལ་ཐེ་ཚོམ་སྤུ་ཙམ་མེད་པར་རང་རང་ས་ནས་དོ་གལ་ཆེན་པོས་ཡིད་གཟབ་བྱེད་དགོས་གི་རེད། དོན་དག་འདིའི་ཐད་ང་ཚོས་རང་ཉིད་ལ་དཔེར་བླངས་ན་འགྲིག་གི་མ་རེད། གུང་ཁྲན་ཏང་གི་བྱེད་སྟངས་ག་འདྲ་ཡིན་མིན་ང་ཚོ་ཚང་མར་རྒྱུས་ཡོད་པ་རེད། ཁོང་ཚོས་སྐབས་ལ་ལར་རང་གི་བློས་ཐུལ་གྱི་གྲོགས་པོ་ཡན་ཆད་ཐབས་ཤེས་སྣ་རྒུས་ལྐོག་བསོད་ངན་གཡོ་བྱེད་གི་ཡོད་པ་རེད། དེ་འདྲ་བྱུང་བ་མི་གཅིག་གཉིས་ཤིག་དང་གྲངས་ཀ་ཉུང་ཉུང་ཅིག་མ་རེད། གནས་ཚུལ་དེ་འདྲ་རྟག་པར་ང་ཚོ་མཐོང་ཐོས་བྱུང་གི་ཡོད་པ་རེད།
    གནས་ཚུལ་འདི་ཆེས་ཛ་དྲག་ནང་གི་ཛ་དྲག་ཞིག་ཡིན་ཙང་། འབྲེལ་ཡོད་དང་གནད་ཡོད་མི་སྣ་ཚོར་དམིགས་བསལ་འགོག་སྲུང་བྱེད་པའི་འགན་ཡོད་པ་རེད། མི་མང་གིས་ཀྱང་རང་ས་གང་ཐད་ནས་མཉམ་འཇོག་དགོས་གི་རེད། ལྷག་པར་དུ་འདི་ཟླའི་ཟླ་སྨད་ལ་༧གོང་ས་མཆོག་ཡུ་རོབ་རྒྱལ་ཁབ་ཁག་ལ་ཆིབས་ཁ་བསྒྱུར་གཏན་འཁེལ་ཡོད་ཙང་ས་གནས་ས་ཐོག་གི་འབྲེལ་ཡོད་བོད་རིགས་ཚོས་རང་སྣང་གང་ཤར་དང་ལྷ་བའི་ལྷོད་བའི་གཏན་ནས་བྱེད་ཆོག་གི་མ་རེད། མཛད་སྒོ་དང་མི་མང་མཇལ་ཁ་གང་གི་སྐབས་སུ་ཡང་བརྟག་དཔྱད་ཐུལ་ཕྱིན་བྱེད་དགོས་གི་རེད། བོད་རིགས་ཡིན་མིན་དང་ཕོ་མོ་སུ་ཡིན་ལ་ཚང་མར་ལུས་དཔྱད་འཐུས་ཚང་བྱེད་དགོས་གི་རེད། ལུས་དཔྱད་པའི་མི་སྣ་དམིགས་བསལ་ཁྱད་མཁས་པ་ཆེད་དུ་གོ་སྒྲིག་དགོས་གི་རེད།

34. དངོས་གནས་ང་ཚོ་ཚང་མས་སྐུ་ཕྱྭའི་བསྐོར་ལ་དོ་སྣང་ངེས་པར་དུ་སྤྲད་དགོས། ལྷག་པར་དུ་བདེ་སྲུང་ལས་ཁུངས་དང་སྐུ་སྲུང་བ་ཚོས་དེར་དོ་སྣང་ཤུགས་ཆེར་སྤྲད་དགོས།

35. ༧གོང་ས་སྐྱབས་མགོན་ཡིད་བཞིན་ནོར་བུ་མཆོག་ལ་སྐུ་གེགས་ཀྱི་མཚན་མ་ཆ་ཕྲ་མོ་ཙམ་གྱིས་ཀྱང་མ་གོས་པར། འགྲོ་བའི་དོན་དུ་དགོངས་གྲངས་བརྒྱ་དང་བཅུ་གསུམ་འཚོ་བཞུགས་ཐུབ་པའི་གསོལ་བ་སྨོན་ལམ་གྲངས་མེད་ཡོད། དུས་གསུམ་སངས་རྒྱས་རྣམ་གྱི་ཡབ་རྗེ་འཇམ་པའི་དབྱངས། གངས་ལྗོངས་འགྲོ་བའི་ཡབ་རྗེ་འཕགས་མཆོག་སྤྱན་རས་གཟིགས། དུར་ཁའི་མནར་གཅོད་སྐྱོབས་པའི་ཡབ་རྗེ་པད་མ་འབྱུང། རྒྱལ་དབང་མཆོག་གིས་སྐུ་ཚེ་བརྟན་པའི་སྐྱབས་འཇུག་ཞུ། གྲངས་མེད་ཕ་མཐའ་ཡས་ལ་ཐུགས་བསྐྱེད་པའི། ལྷ་དང་སྲུང་མ་དམ་ཚིག་ལྡན་པ་རྣམས། དམུ་རྒོད་འདུལ་བའི་ལས་བསྐལ་དམ་ཚིག་ཅན། རྒྱལ་དབང་མཆོག་གིས་སྐུ་ལ་སྲུང་སྐྱོབས་མཛོད། བདག་སོགས་འགྲོ་བའི་སྐྱབས་མགོན་༧གོང་ས་རྗེ། ལས་འབྲས་ལྷུར་ལེན་སྤོང་བླང་ལས་ལ་གོམས། བདག་བས་གཞན་གཅེས་བྱང་ཆུབ་སེམས་དཔའ་མཆོག། སྐུ་ཚེ་བསྐལ་བརྒྱ་བརྟན་པའི་སྨོན་ལམ་འདེབས། གྲངས་མེད་སེམས་ཅན་མང་པོའི་མགོན་སྐྱབས་སུ། བསམ་བཞིན་སྲིད་པར་བཟུང་བའི་༧གོང་ས་རྗེ། མ་གྱུར་འགྲོ་བའི་མགོན་སྐྱབས་དམ་པར་རུ། སྐུ་ཚེ་བསྐལ་བརྒྱ་བཞུགས་པའི་སྨོན་ལམ་འདེབས། གངས་རི་རྭ་བས་བསྐོར་བའི་ཞིང་ཁམས་སུ། ཕན་དང་བདེ་བ་མ་ལུས་འབྱུང་བའི་གནས། སྤྱན་རས་གཟིགས་དབང་བསྟན་འཛིན་རྒྱལ་མཚོ་ཡིས། སྐུ་ཚེ་བསྐལ་བརྒྱའི་བར་དུ་གནས་གྱུར་ཅིག། དཔལ་ལྡན་བླ་མའི་ཐུགས་རྗེ་བྱིན་རླབས་དང། ཆོས་སྐུ་དེ་བཞིན་ཉིད་ཀྱི་བདེན་པ་དང། བདག་གི་ལྷག་བསམ་རྣམ་པར་དག་པ་ཡི། ཇི་ལྟར་གསོལ་བ་གཏབ་བཞིན་འགྲུབ་གྱུར་ཅིག།

36. ཞིབ་ཏུ་བསམ་ན་ཀྲུང་གོའི་གཞུང་གིས་རྒྱལ་བ་རིན་པོ་ཆེ་བསད་ནས་ཤ་ལ་ལྟའམ་སྒྲོ་ལ་ལྟ།

37. ཁྱད་པར་དུ་དོལ་ཚོགས་དེ་ཚོ་ལ་གཟབ་དགོས།

38. This is the dirty policy of Hu JinTao, who killed great Panchen Lama with the same method. We should not ignore this threat in the way we do normally.

39. དངོས་གནས་གནས་ཚུལ་དེ་རིགས་ལ་ཤིན་ཏུ་དོ་སྣང་དང་ཐུགས་གཟབ་གནང་དགོས་གལ་ཆེ།

40. གཟབ་གཟབ་གནང་རོགས། སྐུ་སྲུང་རྣམས་པ་ཚོ།

41. མཆན་༣༦ཆོས་འཕེལ་དར་རྒྱས་ཁྱོད་ཀྱི་༧གོང་ས་མཆོག་གང་འདྲ་ཞིག་ཏུ་ངོས་འཛིན་བྱེད་བཞིན་ཡོད་དམ། གུང་བྲན་གཞུང་གིས་བོད་མི་གྲངས་ལས་འདས་པ་དམར་བསད་བྱས་པ་མངོན་སུམ་ཚད་གྲུབ་རེད། འོན་ཀྱང་གུང་གཞུང་གིས་ཁོང་ཚོའི་ཤ་ཟས་མེད་ལ་མི་ལ་སྒྲོ་མེད་པ་མཐོང་ཆོས་ཡིན། དོལ་ཚོགས་ལས་གཞན་བོད་མི་གཅིག་ཀྱང་མི་ལྷག་པ་རྩ་མེད་བཟོ་རྒྱུ་ནི་གུང་བྲན་གཞུང་གི་མངོན་འདོད་ཡིན། སྐྱབས་གནས་འདྲེ་ལ་བཅོལ།་བོད་མི་རྒྱ་ཆ་གོ་དགུ་དགྲ་ལ་འཛིན། གུང་བྲན་གཞུང་ལ་མགོ་འབུལ་ལུས་འབུལ་བྱེད་མཁན་བོད་མི་རྒྱ་ཆ་གཅིག་པོ་དེ་ཁོ་ན་གུང་བྲན་གཞུང་གིས་བསྲུང་སྐྱོབས་བྱེད་པ་ལས་གཞན་གོང་དུ་བརྗོད་ཟིན་པ་ལྟར་ལགས་སོ།།

42. གནས་ཚུལ་འདིའི་ཐད་ང་ཚོ་བོད་པ་མི་རེ་ངོ་རེ་ངོས་གཟབ་གཟབ་བྱ་དགོས། བོད་ནས་གསར་དུ་ཡོང་མཁན་ཚོ་ལ་དྲི་བ་དྲིས་ལན་གནན་པོ་བྱ་དགོས།

Comments are closed.