རླུང་དམར།
ཁ་བ་གངས་རི འཕགས་མཆོག་སྤྱན་རས་གཟིགས་སྐུ་བལྟམས་པའི་གདུལ་ཞིང་ངོ་མ་དེ་ཡིན
མཁྱེན་པའི་མངའ་བདག དགུང་ལོ་བརྒྱད་ཅུ་གྱ་བཞིའི་དུས་དེ་རིང་ང་ཚོས་ཁྱེད་ཀྱི་འཁྲུངས་སྐར་བསུ
ཐུ་བྷོད་ཀྱི་ས་སྒང་ན་དད་པའི་ཉི་སྒུག་གིས་ཤ་ཟད་རུས་ལ་ཐུག་འདུག་ལ
སྒོ་ཁྱི་དང་རྟ་ནོར་ལུག་གསུམ་གྱིས་དགོད་སྒྲའི་མེ་ཏོག་ཡོད་ཚད་རིན་པོ་ཆེ་ཁྱེད་ལ་བསྐུར་བཞིན་གདའ
ལྷ་བསང སྨོན་ལམ དད་ཕྱག་འཚལ་ལོ
གཟའ་སྐར་ཡག་མོ་འདིའི་འོད་ཁྱིམ་གོ་ལའི་ཡང་རྩེ་ན་འབར་ཞིང
ཡིད་བཞིན་ནོར་བུའི་སྐུ་ཚེ་རྟག་བརྟན་ལ་རེ་སྨོན་བགྱི
དེའང ཕོ་བྲང་པོ་ཏཱ་ལའི་ཆོས་དབྱངས་རང་སྒྲས་གཟི་ཆེམ་ཆེམ་གྱི་དགེ་ཚོགས་སྤུར་ཏེ
རིན་པོ་ཆེའི་འཁྲུངས་སྐར་ལ་རྒྱང་འབོད་ཀྱི་སྐྱབས་སྨོན་གནང་གིན
རྟེན་འབྲེལ་གྱི་མཆོད་པ་རྫོགས་མེད་ཅིག་བཤམས་ཏེ་འདུག
བྱམས་བརྩེའི་རྒྱ་མཚོ་དགུང་ལ་འཕྱོ་བའི་ཁྱེད་སྐུ་མི་བཤིག་སྙིང་རྗེ་ཆེན་པོས
འགྲོ་བའི་དོན་དུ་མཛད་པ་བླ་མེད་བསྩལ་བྱུང
ང་ཚོ་འདི་ལ་འཛོམས་འཛོམས སྤྲོ་དགའི་གླུ་དབྱངས་སྙན་མོ
གོང་བླ་མའི་གཟའ་སྐར་ཉིན་སྐར་ཡག་མོ་སེམས་ཀྱིས་ཚེ་རབས་ཀུན་ཏུ་བསུ
སྐྱ་རེངས་དང་པོར་་་་་་་་་་་་་ལྷ་སྐལ་གྱི་ཆོས་དུང་གནམ་སར་སྒྲོགས
གླུ་སྐད་ཀྱི་སྲོག་ནས་གངས་རིའི་མགོན་པོ་མཆོག་ལ
དྲི་མེད་ཀྱི་མཆོད་པའི་རྒྱ་མཚོ་དང་དགེ་མཚན་བྱེ་བའི་མུ་ཏིག་གི་དགའ་སྟོན་བྱེད
ཐུ་བྷོད་ཀྱི་བླ་མ་རིན་པོ་ཆེ བརྩེ་བའི་བདག་ཉིད་རིན་པོ་ཆེ
གོ་ལ་ཞི་བདེར་འདྲེན་པའི་དུས་རབས་ཉེར་གཅིག་གི་སངས་རྒྱས་རིན་པོ་ཆེ
འཁྲུངས་ལྷའི་ཉིན་མོ་བསུ
སྐུ་ཚེ་ཁྲི་ལོར་ཤོག
2019-07-06 ཉིན།