ང་དང་ཐོག་ཁྱོད་ལ་ཐུག་པ་འདི།
ཁྱོད་ང་དང་འཕྲད་པ་ཐོག་མ་ཡིན།
འདི་ལ་བཀོད་སྒྲིག་གི་མི་ཁ་མེད་ལ།
སྟེས་དབང་དང་ལས་དབང་གི་དཀྲོགས་གཏམ་བཤད་མཁན་ཀྱང་དེ་བས་མེད།
འདི་ནི་ཕལ་ཆེར སེམས་པ་དང་སེམས་པ་ཞིག་གི་ཐུག་སྟངས་ཤིག་ལོས་ཡིན།
ངས་དྲན་གསོ་པ་ཞིག་ལ།
འུ་ཟུང་གི་བརྩེ་སེམས་དྭངས་མའི་མེ་ཁ་གསོ་ས་དེ།
ལག་འཇུ་ཐེངས་ཤིག་གི་ཕྱོགས་བཞིར་མཆེད་པའི།
མེ་ལྕེ་དམར་མོ་འདི་ལོས་ཡིན།
དེ་དུས ཁྱེད་ཀྱི་ངོ་གདོང་གོར་གོར་དེ་ལ།
དམར་མདངས་ཀྱི་དྲོན་རླབས་འཕྱོར་འདུག
ང་ཡང་དེ་དེ་བཞིན་ཡིན།
ངོ་མ་ ང་གཉིས་ཅིག་ཅར་དུ་འགྱུར་སོང་།
ཆེས་གསང་བ་དང་ལྐོག་གྱུར་གྱི་རྒྱབ་ལྗོངས་སུ་བཞེངས་པའི།
ཡིད་ཆེས་དང་བརྩེ་འཛུམ་གྱི་མཁར་རྫོང་ཞིག་གི་རྒྱབ་ནས།
འུ་གཉིས་ཁུ་སིམ་མེར་འགྱུར་སོང་།
ཕྱི་དྲོད་དེར།
གྲང་རེག་གིས་རྒོད་པའི་དུས་ཚིགས་དེར།
ཁྱེད་ཀྱི་སྨད་གོས་ལས་སླ་མོས་ཕུབ་མ་བཏུབ་པ་དེ།
ཐིའུ་གསར་མེ་ཏོག་ཞིག་དང་འབྲེལ་བ་ཡོད་ཁུལ་གྱིས་རྣམ་འགྱུར་བསྟན་མྱོང་ཡང་།
ང་ད་རུང་ཡིད་མི་ཆེས།
འོན་ཀྱང་།
གནམ་ས་གོ་འབྱེད་ཀྱི་སེམས་ཚོར་ཟབ་མོ་འདི།
ང་གཉིས་ཀྱི་བྲང་ཟུང་དང་བརླ་ཞོགས་གཉིས།
ཕན་ཚུན་འཇམ་བརྡར་བྱས་པའི་ཉེར་ལེན་གྱིས་ལོས་ཡིན།
ངས་ཁྱོད་རང་གཅེར་བུར་ཕུད་དེ་རུམ་ལ་ཉར་བའི།
མཚན་མོ་དེ་ནི།
ཅི་འདྲའི་དུས་ཚོད་ཐུང་ཐུང་ཞིག་རེད་ཨང་།
ཁྱེད་ཀྱི་དྲན་སྟངས་དེ་བཀླགས་ཟིན།
ཕུར་རྡོར་ནས།
དྲ་གྲོགས་ཕུར་རྡོ་ལགས་ཕེབས་ནས་ངའི་རྩོམ་ཡིག་ཉག་ཉོག་དེ་བཀླགས་པར་དགའ། རྒྱུ་མཚན་ནི་ད་ལྟའི་དུས་ཚོད་འདི་ལ་ང་ཚོའི་སྤྱི་ཚོགས་ནང་རྩོམ་ཡིག་སྤེལ་མཁན་བརྒྱ་ལ་ཀློག་པ་པོ་གཅིག་ལས་མེད་པས་སོ།