ཀ་ཁ་ག་ངའི་ཁྱིམ་ཚང་།

རིག་འཛིན།

ཕ་མེས་ཡང་མེས་དུས་ལ།།

སྟོབས་འབྱོར་མངའ་ཐང་ཅན་གྱི།།

ཀ་མད་སུམ་ཅུའི་ཁྱིམ་གྱིས།།

གངས་རིའི་མཛེས་སྡུག་བསྐྲུན་སོང་།།

ཡབ་ཆེན་ཐུ་མིས་གཟིགས་དང་།།

ཁྱེད་ཀྱི་བུ་ཕྲུག་མང་པོས།།

ཀ་ཁའི་ཕ་སྐད་བརྗེད་དེ།།

ར་མ་ལུག་སྐད་གསུངས་ཀྱིས།།

ང་ཚོས་ནམ་ཡང་མ་བརྗེད།།

ཡབ་ཆེན་དབྱངས་བཞི་མ་བརྗེད།།

ང་ཚོས་ནམ་ཡང་མ་གཡུགས།།

ཡུམ་ཆེན་ཀ་ཁ་མ་གཡུགས།།

སེམས་པ་སྐྱོ་ཡང་སྐྱོ་བྱུང་།།

ཀ་ཁ་ག་ང་དྲན་བྱུང་།།

ཀ་མིག་སུམ་ཅུའི་ཁྱིམ་ལ།།

གཅེས་སྐྱོང་མེད་པ་སྐྱོ་བྱུང་།།

གངས་རིའི་བོད་ཕྲུག་གསོན་དང་།།

ལན་གཅིག་བདག་ལ་གསན་དང་།།

ཀ་ཁའི་ཁྱིམ་གཞི་སྟོང་ན།།

བོད་མིར་བདེ་སྐྱིད་ཡོད་དམ།།

གངས་རིའི་བུ་ཕྲུག་ལོངས་ཤོག།

སྙིང་སྟོབས་ངང་ནས་ལོངས་ཤོག།

ཀ་ཁ་ག་ངའི་ཁྱིམ་ཚང་།།
སླར་ཡང་ཉམས་གསོ་བྱེད་དགོ