ཁྲོ་གཏུམ།
ཀ་ར་ཟས་པ།། ཁ་སྣ་བཙོག་པ།། ག་རེ་བྱེད་པ།། ང་ཡི་ཆུང་དུས།།
ཅ་ཅོ་མང་པ།། ཆ་ལུགས་རྙིང་པ།། ང་ཆང་ཉུང་པ།། ཉ་མ་ཡིན་དུས།།
ཏ་ལེན་ཁུར་པ།། ཐ་མག་འཐེན་པ།། ད་གཟོད་ཤེས་པ།། ན་ཚོད་གཞོན་དུས།།
པ་ལགས་བཙན་པ།། ཕ་སར་སྡོད་པ།། བ་ཕྱུགས་འཚོས་པ།། མ་རབས་ཡིན་དུས།།
ཙ་ཙིག་དཀའ་བ།། ཚ་གྲང་ཐུབ་པ།། ཛ་ལང་ཉུང་པ།། ཝ་ལེར་གསལ་དུས།།
ཞྭ་ཀྱོལ་མིན་པ།། ཟ་འཐུང་མང་པ།། འ་འུར་ཆུང་པ།། ཡ་རབས་ཡིན་དུས།།
ར་རྫི་དོར་པ།། ལ་ལུང་བསྐྱུར་པ།། ཤ་དར་ཡིན་པ།། ས་མཐར་ཡོད་དུས།།
ཧ་ཅང་སྐྱིད་པ།། ཨ་ལ་སྐྱོ་བ།། ཧ་ལམ་སྡུག་པ།། ཨ་མཚར་ཡིན་དུས།།
ཧ་ཅང་གསལ།། ཨ་ཕ་ལགས།། ཧ་ལམ་ཤེས།། ཨ་མ་ལགས།།
ས་མཐའ་ན།། ཤ་ཚ་མེད།། ལ་ལ་ཞིག། ར་ཁུར་དགའ།།
ཡ་ཁོག་ཏུ།། འ་ཅག་བོད།། ཟ་རྒྱུ་ཞིམ། ཞ་འཁུམས་མིན།།
ཝ་སྙིང་ཡོད།། ཛ་ལང་མང་།། ཚ་ཐུབ་དཀའ།། ཙ་ཡ་བྱེད།།
མ་བསམ་ནས།། བ་ཤ་ཟས།། ཕ་མེས་སྲོལ།། པ་ནས་འཆོལ།།
ན་རག་མང་།། ད་ལྟའི་དུས།། ཐ་མག་ཆང་།། ཏ་རིན་བཞིན།།
ཉ་ཉོག་བཤད།། ཇ་ཆང་འཐུང་།། ཆ་ལུགས་ཡལ།། ཅ་དག་བྱེད།།
ང་ཚོ་མི།། ག་རེ་དགོས།། ཁ་སེམས་ན།། ཀ་ཅ་བསམ།།
༢༠༡༥།༠༢།༢༧ཉིན་བྲིས།
གསལ་བྱེད་སུམ་ཅུ་ལས་་་་་༼ཇ༽ ཇག་པས་བཅོམ་ཡིན་ས་རེད། ཐོན་མིས་ཨ་ནུས་ག་ནས་སླེབ་ཡིན། ཞང་ཞུང་ནས་སླེབ་ཡིན། ག་རེ་བྱེད་ཁར། ཇ་ཉོ་ག་ལ་ཕྱིན་ཡིན།
ཀ་ཕྲེང་ཚིག་དུམ་མ་བཞུགས་སོ།།
ཀ་ཁ་སྦྱོངས་དང་།
ཁ་ཁར་མ་སྡོད།
ག་ལེར་ཤེས་ཡོང་།
ང་འདྲ་ནང་བཞིན།
ཅ་ལག་བསྡུས་དང་།
ཆ་ལང་ཆི་ལིང་།
ཇ་ཕོར་ཆུ་ཕོར།
ཉ་ཉུག་མ་བསྲེས།
ཏ་ལའི་བླ་མའི།
ཐ་དད་གསུང་མང་།
ད་ནས་བཟུང་ནས།
ན་ཅིག་མ་ལྷག
པ་ཕའི་བསླབ་བྱ།
ཕ་མའི་དྲིན་ལན།
མ་ཡི་བྱམས་བརྩེ།
བ་ཡི་འོ་མ།
རྩ་ཆེན་ཤེས་ནས།
ཚྭ་མེད་ཟས་ལྟར།
ཛ་ལངས་ལང་ཤོར།
ཝ་ལྟར་མ་གྱིས།
ཞྭ་དཔེ་ལྷམ་འགེབས།
ཟ་ཚོད་ཚོད་མེད།
འ་ཅག་བོད་པས།
ཡ་མེད་མི་རུང་།
ར་ལུག་གསོ་བར།
ལ་ལུང་འགྲིམས་ལྟར།
ཤ་ཞེན་བྱ་ས།
ས་མཐའི་བོད་མིར།
ཨ་སོགས་དབྱངས་དང་།
ཧ་སྒྲའི་གསལ་བྱེད།
ཨ་མའི་ཡོན་ཏན།
ཧ་ཅང་སློབས་ཤིག །
ལོ་གསར་བའི་རྩོམ་གསར་བཀླགས་ཟིན།