ཀ་ལི་སྤུང་གི་ཐུག་བཟོ་པ་ཟུར་ཙམ་གླེང་བ།

Comments (40) on “ཀ་ལི་སྤུང་གི་ཐུག་བཟོ་པ་ཟུར་ཙམ་གླེང་བ།”

1. དབུ་ལམ་ལ་དབུ་འཁོར་བའི་རྒྱལ་ཚོང་འགས་རྒྱབ་ཤ་དཀར་པོའི་དེབ་དེ་གཟིགས་མེད་པ་འདྲ། ཧཧཧཧཧ

2. མདོ་སྨད་གྱ་སྟོན་གཟི་བརྗིད་ཆེ་།
   ཨ་མདོ་ནང་ཁྲུགས་མགོ་ཚོད་རེད་།
   རྒྱ་འོག་དབུ་ལམ་རྒྱལ་ལོ་།
   བདེན་པ་ཉིད་་ཧ་ཧ་ཧ་།
   བདེན་པའི་ཨུགས་སྒྲུང་གི་བསྐྱོང་།
   ས

3. xxxxཡབ་གཞིས་ལ་ཁ་གཏང་འགོ་ཚུགས་སོང་ང། ཨེ་མ་ཧོ

4. དངོས་གནས་རྩོམ་པ་པོ་དཔའ་བོ་རེད། ཨ་མའི་བུ།

5. “སྐལ་བ་ཡག་པོ་བྱུང་ན་འདིའི་སྐོར་ཞིབ་འཇུག་གི་རིན་ཐང་ངེས་ཅན་ལྡན་པའི་རྩོམ་ཞིག་འབུལ་རྒྱུའི་གྲ་སྒྲིག་ཀྱང་བྱས་ཡོད་པ་བཅས།” བསྒུགས་ནས་འདུག

6. ཁུག་རྟ་ཁ་ཏའི་ཁ།
   ནང་ཁུལ་མ་དཀྲུགས་རོགས
   དབུ་ལམ་གོ་ཡོད་ན།
   གོ་བརྡ་རྒྱ་ལ་སྤྲོད།

7. དྲང་པོར་ཞུས་ན། ད་རེས་ཤར་ཁུག་གིས་དོན་ལ་རྟག་ནས་བཀའ་མོལ་ཡག་པོ་གནང་འདུག མཆན་འབྲི་མཁན་ཚོས་དོན་མདུན་དུ་སྤུངས་ནས་གླེང་ན་ཡག་པ་ལས། ཆོ་མེད་ལོང་གཏམ་བཤད་ན། ཆུའི་ནང་སྟུག་བྲི་བཏང་བ་དང་གཅིག་མཚུངས་རེད།

8. ཤར་ཕྱོགས་ཁུག་རྟ་ལགས་ཀྱིས་དཔྱད་རྩོམ་ཡིན་ཟེར་བ་འདིར་ཀློག་རིན་གང་ཡང་མིན་འདུག ཡབ་གཞིས་ཚང་དང་ཨ་མདོ་བར་མཚང་བྲུས་པ་ལྟ་བུ་ཞིག་ལ་དཔྱད་རྩོམ་ཟེར་རམ། ༸གོང་ས་མཆོག་སྤྱན་རས་གཟིགས་སུ་བལྟ་མཁན་ཞིག་ལ་ཡབ་གཞིས་སྐུ་འཁོར་ལྷན་རྒྱས་ཀྱང་ལས་དང་སྨོན་ལམ་དབང་གིས་བསམ་བཞིན་སྲིད་པར་འགྲོ་དོན་ཆེད་ཕེབས་པ་ཡིན་ཅེས་དག་སྣང་སྐྱེ་ཆོག་ལ། དེ་ལྟར་ཡིན་པའང་འཕགས་པས་གང་ཟག་གིས་མ་གཏོགས། ཕལ་བའི་མིག་གིས་མི་མཐོང་ཅིང་། སོ་སྐྱེས་ཀྱིས་གང་སྣང་བྱུང་རྒྱལ་དུ་སྨྲས་པ་བདེན་པ་མིན་ཕྱིར་ཉེས་པ་ཡིན་པས་སྤངས་བྱའོ། །སོ་སྐྱེས་ཕལ་བ་མཁས་པ་རྣམ་དཔྱོད་ཅན་ཞིག་ཡིན་ནའང་། ཁྱེད་ཀྱིས་བྲིས་པ་ལྟ་བུ་ཞིག་མི་འབྲི་བ་ནི། གནའ་ནས་ད་བར་གྱི་གོ་ལའི་གྲགས་ཅན་རྩོམ་དག་ལ་ལྟོས་དང་ཤེས། བཙན་བྱོལ་དུ་ཐུག་པ་དཀྲུག་རྒྱུའི་རྩོམ་འབྲི་མཁན་ཡོངས་ལ་ཐུགས་སྣང་གཞེན་བསྐུལ་དུ་ཞུ་རྒྱུར། ཉེ་སྔོན་རྡ་སར་རྒྱ་རྒན་ཞིག་གིས་༼བོད་པས་རང་ཉིད་རང་གིས་ངོས་བཟུང་ཆེད་བོད་ཀྱི་རྒྱལ་རབས་ཚད་ལྡན་རྒྱ་སྐད་ནང་བསྒྱུར་དགོས་༽ལུགས་བཤད་འདུག་པར་གཞིགས་ན། ༼ང་དང་ངའི་ཕྱོགས་༽རྒྱལ་ཞིང་༼ཁྱེད་དང་ཁྱེད་ཀྱི་ཕྱོགས་༽རྩ་བ་ནས་ཕམ་དགོས་ལུགས་འབྲི་མཁན་ཡོངས་ཀྱིས་རྩ་བ་འབོར་ནས་ཡལ་ག་འཛིན་པའི་བསམ་ཚུལ་ཤུགས་ཆེན་ཡོད་བཟོ་འདུག་པ་སྤངས་དགོས་ཚད་ལ་སླེབས་འདུག

9. སྐུའི་གཅེན་པོ་བཀའ་ཟུར་རྒྱལ་ལོ་དོན་གྲུབ་ཀྱི་ལོ་རྒྱུས་དེབ་དེར་གསལ་འདུག་ཅེས་པའི་དོན་དག་ཁ་ཤས་ནི། མི་རང་ག་བས་ཤེས་རྒྱུ་ཕར་ཞོག་དོན་དག་ཇི་བཞིན་ཤེས་མཁན་ཞིག་ལ་མཚོན་ནའང་རང་གིས་ཇི་ལྟར་ཤེས་པ་བཞིན་བརྗོད་སར་མི་འགྲོ་བ་དེ་འདྲ་ཡིན་བཟོ་འདུག དོ་སྣང་བྱས་ཡོད་ཤག་ཡིན། དེ་ནས་གོང་ས་མཆོག་རྒྱལ་བ་ཡིད་བཞིན་ནོར་བུས་ཀྱང་སྔར་རང་ཅག་ལ་འུ་ཚོས་རྒྱར་རྒྱུས་ལོན་མ་བྱས་པས་རང་ངོས་ནས་ནོར་འཁྲུལ་བྱུང་བ་དེ་འདྲ་ཡོད་ཅེས་གསུངས་པ་གོ་མྱོང་ཙང་དེའང་བསམ་བློ་གཏོང་ས་གཅིག་ཡིན། ཀུན་གཟིགས་པཎ་ཆེན་རིན་པོ་ཆེ་མཆོག་གི་སྐུ་ན་རིམ་བྱོན་གྱི་གདུང་རྟེན་མདུན་ནས་ཐེངས་དེར་ཕྱག་མ་འཚལ་ཚུལ་ཡང་དོན་དག་ཆེ་མ་ཆུང་མང་པོ་ལ་སྦྱར་ཇི་ཐུབ་བྱ་རྒྱུ་ཞིག་ཡིན་ནམ། མ་གཞིར་ཁོང་གིས་སྐབས་གང་ཞིག་ནས་སུ་ཞིག་ལ་ཚུལ་ཇི་ལྟར་ཕྱག་མི་འཚལ་ལབ་འདུག་པ་དང་། ཕྱག་འཚལ་ཞེས་པའི་དོན་དག་གི་སྐོར། མི་སྒེར་རང་དབང་གི་བསམ་བློའི་སྐོར་སོགས་མང་པོ་ཞིག་ལ་མ་གཞིག་པ་གང་འདོད་འདོད་གོ་བ་བླངས་ཆོག་པ་ཞིག་ག་ལ་ཡིན་ཏེ་མིན་པ་འདོད།

10. ཤར་ཁུག་གིས་རྡོག་རྡོག་བཤད་འདོད་པ་དེ་ང་ཞིབ་འཇུག་པ་ཡིན། ངས་ཅིག་ཅིག་བྱེད་རྒྱུ་ཡིན། ཉིག་ཉིག་འབྲི་བཞིན་ཡོད་ཟེར་བ་སོགས་བཤད་འདོད་པ་དེ་ཡིན་པ་ལས་རྒྱ་ལོ་དོན་འགྲུབ་ཀྱི་དཔེ་དེབ་དེའི་སྐོར་ལ་ཅི་ཞིག་བཤད་འདུག་གང་ཞིག་ལབ་འདུག ངོ་མ་རྩ་མི་ཚང་བའི་མི་དེ་ལ་སྐྱོན་ཆ་ཞིག་ཏན་ཏན་འདུག

11. དེབ་དེའི་མིང་གི་སྐོར་ལ་སྐད་ཆ་ཞིག་ཞུ་རྒྱུ་ཡོད། དེབ་དེ་ལ་དབྱིན་སྐད་དུNoodle Maker of Kalimpong ཞེས་པ་རེད། དེ་ཀ་ལི་སྤུང་གི་ཐུག་བཟོ་བའམ་ཀ་ལི་སྤུང་གི་ཐུག་པ་བཟོ་མཁན་ཞེས་བསྒྱུར་ན་ཐུག་པ་ཞེས་པ་དེ་ཅུང་འགྲིགས་མེད། བོད་སྐད་ལ་ཐུག་པ་ཟེར་དུས་དབྱིན་སྐད་ཀྱི་Soupཟེར་བའི་དོན་ཙམ་རེད། ཐུག་པ་ལ་རིགས་མང་། རྩམ་ཐུག མོག་ཐུག ཕྱེ་ཐུག འཐེན་ཐུག་ལྟ་བུ་རེད། ཐུག་པའི་ནང་གི་བྱེ་བྲག་པ་Noodleཡིན་དུས་དེ་ལ་རྒྱ་ཐུག་ཟེར། དེ་ནི་རྒྱ་ཐུག་ནར་མོ་དེའི་མིང་རེད། དེབ་མིང་དེ་མ་ནོར་བ་ཞིག་བསྒྱུར་ན་ཀ་ལི་སྤུང་གི་རྒྱ་ཐུག་བཟོ་མཁན་ཞེས་བསྒྱུར་དགོས། ངས་མིང་ཚིག་གི་དོན་མ་ནོར་བ་ཞིག་བྱུང་ན་བསམ་ནས་ཞུ་གི་ཡོད།

12. ཨོ་ཤར་ཁུག་ལགས་སྡད་ཡོད་པས། ཕྱི་རྒྱལ་ལ་རྒྱ་རོའི་ཟང་ཁང་ནང་ལ་ཐ་ལེབ་བཀྲུ་བཤར་བྱེད་ནས་སྡད་མེད་དམ་བསམ་བྱུང། བོད་ཀྱི་དབུ་ཁྲིད་བླ་ན་མེད་པ་ཟམ་གདོང་ཞེས་པ་ཐལ་ཆེས་སོ། སྐུ་ངོ་རྒྱལ་ལོ་བོད་དོན་ཐོག་མི་ཚེ་སླུས་གཏང་བ་ཡིག་དང་དཀའ་ལས་བརྒྱ་ཁྲག་གནང་བའི་མི་ཡིན་དུས་། ཁོང་གི་བྱེད་རྗེས་བརྗེད་ཐབས་མེད། འཇུ་ཆེན་ཡང་བོད་བཙན་བྱོལ་ནང་ལ་དཀའ་དྲིན་ཆེན་པོ་རེད། ཁྱོད་རང་རྒྱ་དར་དམར་གྱི་ལང་ཕྱོགས་དེ་ཧ་ཧ་ཧ་ཧ࿒།

13. དེབ་ཞིབ་ཚགས་མ་བཀླགས་པར་དེབ་ཀྱི་སྐོར་འབྲི་བ་འདི་ཤར་ཁུག་སོགས་ཆབ་སྲིད་པ་ཚོའི་བྱེད་སྟངས་རེད་འདུག་པ་མ་ཟད་ཤར་ཁུག་གིས་དེབ་འདི་ཡག་པོ་བཀླགས་མེད་བཞིན་དུ་ཀླན་ཀ་འཚོལ་བ་འདིའི་རྒྱབ་ན་ཆབ་སྲིད་པ་འགའི་གྲིབ་གཟུགས་མངོན་གྱི་འདུག

14. འདིར་ཕེབས་དྲ་གྲོགས་ཡོངས་ནས་ལེགས་ཉེས་ལམ་སྟོན། ཚོར་བ་དམར་བརྗོད། དོན་ལ་བགྲོ་གླེང། ཕྲག་དོག་སྐུར་འདེབས་སོགས་སྣ་ཚོགས་བྱས་པ་ཚང་མར་དགའ་བསུ་ཞུ། གུས་བ་མཚོན་ན་སྤྱི་ཚོགས་ནང་རྩོམ་པ་པོའི་མིང་ཐབས་ཆག་ཅིག་རྩོད་མེད་ཡོངས་གྲགས་ཀྱིས་ཡོད་སྟབས། དུས་ནམ་རྒྱུན་དུ་སྨྱུ་གུ་ལག་ལ་འཛིན་དུས་རང་ལ་ངོ་སོ་ཐོབ་པ། ཁེ་ཕན་རེག་པ། གོ་གནས་འཕར་བ། མཁས་པའི་མཚན་ཉིད་ཐོབ་ཆེད་སོགས་གང་གི་ཆེད་དུའང་ཡི་གེ་ན་གཅིག་འུ་ཐུག་ན་མ་གཏོགས་མི་འབྲི་བའི་དམ་ཚིག་བརྟན་པོ་ཡོད་སྟབས། ངས་བྲིས་པ་ཡོད་ཚད་རྣམ་དཔྱོད་དང་ལས་འབྲས་ཀྱི་རྒྱ་མར་བཞག་ན་རང་དོན་ཕང་མེད་དོར་བའི་སྙིང་སྟོབས་རྒྱུན་བཅངས་ཐོག སྤྱི་དོན་རྐྱང་རྐྱང་གླེང་ཁུལ་ཡིན་པས། བསམ་ཚུལ་འདོན་མཁན་རྣམས་ཀྱིས་ཀུན་སློང་གང་འདྲ་ཞིག་གི་འོག་ཏུ་བསམ་ཚུལ་བཏོན་ཡང། ངས་གཙོ་འདོན་ཞུ་ས་དེ་བརྗོད་སྙིང་དང་འབྲེལ་བའི་ཐོག་བགྲོ་གླེང་ཞུ་གི་འདུག་མི་འདུག་ལྟ་རྒྱུ་དེ་ཡིན། དེའི་ཆ་ནས་བརྗོད་དོན་འདི་འབྲེལ་གྱི་གནད་དོན་གང་ཐད་ནས་བསམ་ཚུལ་འདོན་པ། ལམ་སྟོན་གནང་བ། དྲི་བ་འདྲི་བ་སོགས་ཅི་བྱེད་ཐམས་ཅད་ལ་ངས་བཅོས་མིན་གྱིས་དགའ་བསུ་ཞུ་བ་ཡིན་ལ། བཙན་བྱོལ་བོད་མིའི་མཁས་པ་དང་ཤེས་ཡོན་པའི་དཀྱིལ་འཁོར་ནས་གནད་དོན་འདི་རིགས་སྨྲ་ལ་མི་འཇིག་པའི་སྤོབས་པའང་ཅུང་ཙམ་ཡོད་སྙམ་པའི་དོན་གྱི་ང་རྒྱལ་ཡོད་མཁན་ཞིག་ཡིན་པ་བཅས།།

15. Noodleཞེས་པ་དེ་ཐུག་པའི་སྤྱི་མིང་དུ་བཀོལ་ཆོག་པ་གང་ཞིག་ལ་ཁྱད་པར་དུ་གྲོ་ཐུག་རིགས་ལ་གོ་དགོས་རབས་འདུག ལྷག་དོན་མིང་ཁྱད་པར་བ་ཞིག་ལ་མཚོན་ན་མིང་ཚིག་དེའི་གྲུབ་ཆའི་ཚིག་འབྲུ་རེ་རེར་ཡང་། མིང་དེའི་རང་གི་གོ་ཐོབ་སྟོན་པ་རུ་རག་ལས་ཚུལ་བཤད་དུ་ཡོད་པ་མ་ཟད། རྗོད་སྦྱོར་བདེ་ལུགས་ཀྱི་ངོས་ནས་ཀྱང་དེ་བཞིན་མང་དུ་ཡོད་ཚོད་དེ་ངས་གསལ་བོ་མི་ཤེས། ངའི་བསམ་པར་རྒྱ་ཐུག་ཟེར་བ་ལས་བོད་ཐུག་ཅེས་བསྒྱུར་ན་བཟང་སྣང་འདུག

16. Noodleཟེར་བ་དེ་རྒྱ་ཐུག་ལ་འཇུག་པ་རེད། ང་རང་ཚོའི་སྐད་ལ་དེ་ལྟར་ཡོངས་གྲགས་རེད། ཐུག་པ་ནར་མོ་དེའི་འབྱུང་ཁུངས་ཀྱང་རྒྱ་ནག་ཡིན་པ་རྩོད་མེད་རེད། རྒྱ་ཐུག་གི་ངོ་སྤྲོད་ཅིག་ཝེ་ཀེ་རིག་མཛོད་ན་འདུག དེའི་འབྲེལ་ཐག་གཤམ་དུ་དྲངས་ཡོད། https://en.wikipedia.org/wiki/Noodle

17. སྐུའི་གཅེན་པོ་རྒྱལ་ལོ་དོན་འགྲུབ་ཀྱི་ལོ་རྒྱུས་༼ ཀ་ལེམ་སྦུག་གི་ཐུག་བཟོ་བ་༽ཞེས་དཔེ་དེབ་དེའི་སྙིང་དོན་རྣམས་ཉེ་སྔོན་བོད་ཀྱི་དུས་བབ་དྲ་ཐོག་ཏུ་དྲི་བ་དྲིས་ལན་གྱི་ཚུལ་དུ་ཚན་པ་བྱས་ནས་བཀོད་པ་ལས་ལྷག་ཤར་ཁུག་གིས་འདིར་རྩལ་དོན་དབྱེ་ཞིབ་བྱས་མི་འདུག སྐུའི་གྱ་སྟོན་ཉིན་གྲངས་གསུམ་པོའི་རིང་བོད་ཕྱི་ནང་གཉིས་ཀའི་བོད་མི་རྣམས་ཀྱིས་དགའ་དད་སྤྲོ་གསུམ་ངང་སྐུའི་གྱ་སྟོན་བསུས་པ་རེད། ཉིན་གསུམ་པའི་མདོ་སྨད་མི་མང་རྒྱས་འཛོམས་ཆེན་པོའི་སྐབས་ལ་མདོ་སྨད་པ་ཚང་དགའ་དད་སྤྲོ་གསུམ་གྱིས་གྱ་སྟོན་བསུས། ཡབ་གཞིས་ཚང་གི་གསུང་བཤད་ལ་ཉན། དགའ་བའི་ལག་གདབ་བྱས། སྐྱིད་པའི་དཔལ་ལ་རོལ་ནས་བསྡད་པ་རེད། ཡིན་ནའང་་་་་་་

18. ང་དྲི་བ་གཉིས་ཡོད། གསུམ་དུས་ལས་འགུལ་སྐོར་ལ་སྐུ་ངོ་ས་དབང་ཆེན་མོས་ག་རེ་གསུང་འདུག དེབ་འདིར་གཞུང་ཕྱོགས་ནས་ལྟ་སྟངས་ག་རེ་ཡོད་པ་རེད། དཔེར་ན། རྒྱ་གར་གཞུང་གི་རྣམ་འགྱུར་དང་འབྲུག་ཟ་སེམས་བྱས་ཚུལ་སོགས་ལ་གོ་བ་ཅི་ལྟར་ལེན་དགོས་སམ། བཀའ་དྲིན་ཆེ།

19. ཤར་ཁུག་འདི་ལག་འཁེལ་ནི་ཞིག་མ་རེད། ད་ཐེངས་གྱ་སྟོན་དགྱེས་འཛོམས་ཆེན་མོའི་སྒང་གི་བཀའ་སློབ་ལའང་དབྱེ་ཞིབ་བྱས་ཏེ་རྗེ་བཙུན་པདྨ་ལའང་ཅིག་བཤད་ཀི་འདུག་གི སྐྲག་རྒྱུ་མེད་ཀཱ དོན་དངོས་ཡིན་པ་མདོ་སྨད་ཡོངས་ཀྱིས་མཁྱེན་གསལ་ལྟར། ད་དུང་རྗེ་བཙུན་པདྨས་ཤུགས་ལྡན་ལ་མདོ་སྨད་ཤེས་ཡོན་པས་ཡིག་ཐོག་རྐང་གཅིག་ཐོན་གྱི་མི་འདུག་ཟེར་བ་སོགས་མང་པོ་བཤད་སོང༌། མདོ་སྨད་མནའ་འབྲེལ་རྩོམ་སྒྲིག་ཚོགས་ཆུང་དང༌། དམིགས་བསལ་གཞོན་སྐྱེས་ཤར་ཁུག་གིས་ཆར་རྗེས་ཀྱི་ཤ་མོ་བརྡོལ་བ་བཞིན་རྩོམ་ཡིག་ག་ཚོད་ཅིག་སྤེལ་སོང་བ་ཤེས་ཀྱི་མེད་པ་འདྲ། སྐུའི་གཅུང་མོ་ཞིག་གིས་བོད་ཡིག་མི་མཁྱེན་པ་ག་ནས་ཡིན། ད་ཐེངས་ཀྱི་བཀའ་སློབ་སོགས་ལ་ཉན་གིན་ཉན་གིས་ངོ་ཚ་ནས་འབར་སོང༌། རྒྱུ་མཚན་ྋགོང་ས་མཆོག་དང༌། མདོ་སྨད་ཀྱི་གསར་སྐྱེས་བུ་རབས་ཚ་རྒྱུད། མག་པ་མནའ་མ་སོགས་ལ།

20. དེབ་དེ་བཀླགས་ནས་བོད་འབྲུག་གི་རྙོག་དྲ་དེ་གཙང་མ་བཟོས་འདུག་པ་མཐོང་བས་དངོས་གནས་དགའ་པོ་བྱུང་།

    བོད་པ་སྐྱབས་བཅོལ་བ་གཉོམ་ཆུང་ཚོ་དོན་དག་མེད་ས་ནས་བེད་སྤྱོད་བྱས་ཏེ་རྙོག་དྲའི་ནང་འདྲེན་མཁན་རྒྱ་གར་གསང་བའི་ལས་ཁུངས་དང་། བྱུང་རྐྱེན་ལ་ཞིབ་ཕྲ་རྩད་གཅོད་མ་བྱས་པར་དོན་མེད་དབུར་ཏི་རྒྱག་མཁན་གྱི་འབྲུག་པའི་མི་སྣ་ཚོ་དངོས་གནས་ངོ་གནོང་དགོས་པ་འདྲ་ཞིག་འདུག

21. རྙོག་དྲ་རྐྱང་མ་གཏོགས་བཤད་མེད་དོན་ཅི། བླ་མ་ སྨྱུག་འཛིན་ རྩོམ་པ་པོ་ ཞིབ་འཇུག་པ ཁྱོད་ལ་ངོ་ཚ་མེད་པའི་བཤད་ཐུབ་ནའང་ང་ལྟ་བུ་ཞིག་ལ་མཚོན་ན་ཉན་རྒྱུ་ཡང་ངོ་ཚ།

22. སྤོབས་མཐའ་བདེན།
    དེབ་དེ་ལ་དབྱིན་སྐད་དུNoodle Maker of Kalimpong ཞེས་པ་འདི།
    དེ་ཀ་ལི་སྤུང་གི་ཐུག་བཟོ་བའམ། ཀ་ལི་སྤུང་གི་ཐུག་པ་བཟོ་མཁན་ཞེས་བསྒྱུར་པ་ལས། ཀ་ལིང་པུང་གི་རྒྱ་ཐུག་བཟོ་མཁན། ཞེས་པ་འདི་དག་པར་མཐོང་།

23. ཤར་ཁུག་ལ་ཞིབ་འཇུག་པའི་མིང་སུའི་བརྟགས་པ་རེད་
    noodle ཟེར་ན་རྒྱ་ཐུག་རེད་།
    ཤར་ཁུག་དབྱིན་་ཚིག་བོད་སྐད་དུ་གྱུར་མི་ཐུབ་པར་
    ྸ
    ཞིན་འཇུག་ག་འདྲ་བྱེད་ག་།
    ཨ་མདོའི་གྱ་སྟོན་དང་ཨ་མདོའི་ནང་དཀྲུགས་ངོ་ཚར་
    ཆེ་བྱུང་ཤར་ཁུག་དབུ་ལམ་ཕྱིན་ནས་རྒྱལ་ཁབ་གཅིག་
    ལ་རྒྱལ་དར་གཉིས་དང་རྒྱལ་གླུ་གཉིས་བཟོས་དང་བོད་
    ཀྱི་སྲིད་སྐྱོང་གཏན་འཁེལ་ཚར་བ་རེད་ཧ་ཧ་སྙིང་རྗེ་མེ་ཚོ་ག་དུས་ཡིན་ནའང་མགོ་ཚོད་།

24. ཤར་ཁུག་ནི་ཟམ་གདོང་བླ་མའི་གྲིབ་གཟུགས་འོག བོད་རྒྱ་ལག་ཏུ་འཇོག་མཁན་གྱི་ཆབ་སྲིད་རུལ་སུང་ཅན་ཚོའི་རྒྱུག་ཁྱི་ཙམ་ལས་རང་ཚུག་ཐུབ་པའི་མྱི་ཞིག་མ་ཡིན་ནོ།། ཁོས་དུས་རྟག་ཏུ་ཟམ་དགོང་རྒྱལ་འཚོང་གི་རྐུབ་སྟེགས་ཁྱེར་ནས་བྱས་པ་ཆེ་བའི་སྐུ་ངོ་ཚོར་ཁ་བཏང་ནས་ལྟོ་གོས་གཉེར། ེཟམ་གདོང་ཤི་བ་དང་ཤར་ཁུག་རྒྱལ་འཚོང་གི་ལས་བྱ་ཤོར་བ་དུས་མཉམ་པ་ཟུར་བལྟས་ལེབ་མཐོང་རེད། ཧཧཧཧཧ

25. ཡོངས་གྲགས་སུ་noodle ཟེར་ན་རྒྱ་ཐུག་ལས་རྒྱ་སྐད་དུ་ཀ་མན་ཟེར་བ་དེ་རེད། བདེན་པ་རེད་རྒྱ་ལོས་རྒྱ་ཐུག་ལས་བོད་ལ་ཕན་པའི་བྱ་བ་སྣ་གཅིག་སྒྲུབ་མེད་པར་གསལ་བོ་རེད། རྒྱས་པ་Noodle Maker of Kalimpong དོན་བསྒྱུར་བྱས་འདུག

26. སྤོབས་པ་ལགས། ཐུག་པ་དང་དབྱིན་སྐད་ཀྱི་soupགཉིས་མི་འདྲ། Soup་ནི་ཤ་དང་སྔོད་ཚོད་སོགས་ཀྱི་ཁུ་བར་ཡང་གོ་ཆོག ཐུག་པ་ནི་ཤ་དང་སྔོད་ཚོད་ཀྱི་ཁུ་བར་མི་གོ ཐུག་པའི་ནང་དུ་ངེས་པར་དུ་གྲོ་དང་ནས། འབྲས་དང་རྩམ་པ་གྲོ་ཕྱེ་སོགས་མེད་ན་ཐུག་པ་ཞེས་མི་བརྗོད། ཐུག་པ་རིང་བོ་ལ་རྒྱ་ཐུག་ཅེས་བརྗོད་ན་ཤིན་ཏུ་མི་འཐད་དོ། བོད་པ་ལ་ཐུག་པ་རིང་བོ་དེ་བཟོ་སྲོལ་མེད་པ་རེད་ཟེར་ན། ཤིན་ཏུ་ནས་མི་འཐད། ཐུག་པ་རིང་བོ་ནི་བོད་ཡོངས་གྲགས་ཀྱི་ཁ་ཟས་ཤིག་ཡིན་པར་མ་ཟད། ཞིང་པ་ཙམ་མ་ཡིན་པར་འབྲོག་པ་ཚོས་ཀྱང་ནམ་རྒྱུན་གྱི་དགོང་ཟས་ནི་ཐུག་པ་རིང་བོ་འདི་ཡིན། །

27. ཤར་ཁུག་གྱིས་དཔྱད་རྩོམ་ཡིན་ཟེར་ནས་མང་པོ་བཤད་འདུག འདིའི་ནང་ན་དོན་དག་ཅང་ལེན་རྒྱུ་མི་འདུག སྐུ་ངོ་རྒྱལ་ལོ་ཚང་ཆབ་སྲིད་མཁས་པ་མིན་པས་སྒྲུབ་བྱེད་གཉིས་བཟུང་ཡོད་པ་ནི་པན་ཆེན་ཚང་ལ་ཕྱག་མ་འཚལ་བ་དང་སྐྱབས་མགོན་རིན་པོ་ཆེ་ལ་ནོར་འཁྲུལ་ཤོར་ཡོད་ཟེར་བ་ འདི་གཉིས་ཀྱི་སྟེང་ནས་ཆབ་སྲིད་མཁས་པ་མ་རེད་ཟེར་བ་ནི་ཕྱོགས་འཛིན་ཁོ་ནས་སྐད་ཆ་རེད།
    དང་པོ་པཎ་ཆེན་རིན་པོ་ཆེ་ལ་དད་པ་མེད་ན་ཕྱག་འཚལ་དོན་མེད་ལ། གུས་ཞབས་བྱས་ཡོད་མེད་ང་ཚོ་སུས་ཡང་ཤེས་མེད་དོ།
    གཞི་མེད་ཀྱི་སྐད་ཆ་གཞན་ཞིག་ནི་སྤོབས་པ་དང་བྱས་རྗེས་ཡོད་པ་ལ་རྒྱ་མའི་ཙོན་ཁང་ནང་དུ་འགྲོ་དགོས་རྒྱུ་དེ་འདྲ་ཡིན་རྒྱུ་མ་རེད་པ།
    སྐྱབས་མགོན་རིན་པོ་ཆེ་ཚང་གི་ བོད་མའི་བསྒྲིགས་འཛུགས་གི་སྒྲུབ་མི་ཐུབ་པ་དེ་འདྲ་རྒྱལ་ལོའི་སྒྲུབ་ཡོད་གསུངས་ཡོད་ལ། དེ་ཁྱོས་ཕྱོགས་འཁྱེར་གྱི་དབང་གི་མ་ཐོས་པ་ཆེ་ཡིན། གཉིས་པ་ཁོང་གིས་རྒྱ་མའི་གནས་ཚུལ་མ་ཤེས་པའི་དབང་གིས་ནོར་འཆུག་བྱུང་ཡོད་གསུངས་ལ། ང་ཁྱེད་ལ་བཤད་རྒྱུ་ཞིག་ཡོད་པ་ནི་ཁྱེད་རང་དཔྱད་བརྗོད་པ་ཞིག་ཡིན་མ་ཟེར་རང་འཚང་ཕྱིར་བཏོན་པ་རེད།

28. ཐུག་པ་རིང་པོ་ནི་སྔ་དུས་སུ་བོད་པས་མི་སྤྱོད། འོན་ཀྱང་རྒྱ་དང་ཉེ་བའི་ལུང་པར་སྤྱོད་མོད་དེ་ནི་རྒྱ་ལས་བྱུང་བའི་ཐུག་པ་ཡིན་པས་རྒྱ་ཐུག་རེད། རྒྱ་ཐུག་ནི་འཕྲུལ་འཁོར་ལས་བཟོས་པ་རེད། བོད་པས་ཙག་སྒྲ་ཙམ་ཀྱང་བཟོ་མི་ཐུབ་དུས་རྒྱ་ཐུག་བཟོ་བྱེད་ཀྱི་འཕྲུལ་འཁོར་གང་ནས་ཡོད།

29. ཀ་ལིང་པུང་གི་རྒྱ་ཐུག་བཟོ་མཁན།
    https://www.youtube.com/watch?t=1739&v=hzOaTiB2Opg

30. རིག་པའི་གྲོགས་པོ་རིགས་སློབ་འཇིགས་མེད་བློ་གྲོས་ལགས་དང། དྲ་གྲོགས་ཚོས་བགྲོ་གླེང་གནང་བཞིན་པ་བསུ་མ་ཡོད། དྲི་བ་ཁ་ཤས་བཏང་འདུག

    དྲི་བ་དེ་ཚོའི་རིགས་གལ་ཆེན་རེད། དེ་སྔ་སྐུ་ངོ་ས་དབང་ཆེན་མོས་རྒྱུད་ལམ་གཞན་དུ་གསུངས་ཟིན་པ། དེབ་འདིའི་ནང་སླེབས་ཡོད་མེད་རིགས་གཉིས་འདུག་ཅིང། ཆབ་སྲིད་ཀྱི་གལ་གནད་ཆེན་པོ་ཡིན་པ་ཁག་ཅིག་ལ་དོན་དག་ཐད་སྔ་ཕྱིར་ཧེ་བགཤོར་བ་དེ་འདྲ་འདུག་པ་མཐོང་སོང།

    དེ་བཞིན། འཇིགས་མེད་བློ་གྲོས་ལགས་ཀྱིས་གསུངས་པའི་འབྲུག་གི་དཀའ་རྙོག་དེའི་སྐོར་རེད། སྐུ་ངོ་ས་དབང་ཆེན་མོའི་གསུངས་སྟངས་དེ་འདྲ་ཞིག བསྡོམས་ན་ལོ་ ༡༢ རིང་འཁྲུན་ཐག་མ་ཆོད་པའི་འབྲུག་གི་དཀའ་རྙོག་དེའི་འབྲེལ་ཡོད་ཡིག་ཚགས་ཕལ་མོ་ཆེར་མེད་པ་ངེད་རང་ཕྲ་ལ་ཕྲན་བུ་རྒྱུས་ཡོད་ཡིན་བསམས་ཤིང། འབྲུག་གི་དཀའ་རྙོག་སྐོར་ཡིག་ཚགས་ཞིབ་ལྟ་བྱེད་སྐབས། ཞིབ་ལྟ་བྱེད་མཁན་ཚོའི་ཁྲོད་དམིགས་འཛུགས་ཀྱིས་དེའི་ཐད་དེ་བས་ཀྱང་ནན་ཏན་བྱས་མྱོང་ལ། རྒྱུས་ཡོད་ལ་དོགས་གཅོད་ཞུ་དུས་ཀྱང་འགན་འཁུར་མྱོང་བས་ཆ་ནས་ཕྲན་བུ་ཞུས་ན། དེའི་ཐད་བོད་པར་མ་ཉེས་ཁག་ཡོག་བྱས་ཡོད་པ་ཕལ་མོ་ཆེས་ངོས་འཛིན་ཞུ་གི་རེད། གལ་སྲིད་ད་ཐེངས་སྐུ་ངོ་མཆོག་གིས་གསུངས་སྟངས་དེ་རྩ་འཛིན་ཞུ་དགོས་པ་འདྲ་ཞིག་ཡིན་ན། བོད་མི་ཉམས་ཆུང་ནུས་མེད་ཚོར་དེ་འདྲའི་ནག་འགལ་ཆེན་པོས་ཐིམ་ཕུའི་སྐུ་ཚབ་དོན་གཅོད་ལྷ་སྡིངས་ལགས་ཀྱི་ཚེ་སྲོག་གཙོས་བར་སྐབས་དེར་མི་རྒྱུ་རྩ་དོན་དང་བཅས་པར་བརྙས་བཅོས་ཚབས་ཆེན་ཕོག་པར། དབྱེན་དཀྲུགས་པ་གཞན་ཞིག་ཡོད་པ་གསལ་བོ་ཆགས་ཀྱི་མེད་འགྲོ སྐད་ཆ་འདི་དག་ནི་རྒྱལ་ཁབ་ཁག་གི་གསང་བའི་ནང་གི་གསང་བ་ཡིན་སྟབས། བདེན་ངེས་དཔང་འཕེར་གྱིས་མིག་ལ་གསལ་བོ་སྟོན་རྒྱུ་ཞིག་ཡོང་དཀའ་བས། གཙོ་བོ་རང་རང་གི་རྣམ་དཔྱོད་ཀྱིས་ལེགས་པར་བརྟག་སྟེ་རྟོགས་དགོས་པ་ཞིག་ལོས་ཡིན་བསམས། དེ་ཙམ་ཞུ།

31. དེ་ནས་ངེད་ཀྱི་ངོ་དེབ་དང་ཁ་པར། སྐད་འཕྲིན་བཅས་སུ་དོ་སྣང་དང་སེམས་པ་ལོས་དཀར་བསམས་བསམས་གང་མང་ཞིག་གིས། ངེད་ལ་སྐྱོན་བརྗོད་ཀྱི་བཟོ་ལྟ་ཡོད་པའི་སྐད་ཆ་བཤད་མཁན་མང་པོ་ཡོང་གི་འདུག ཚུར་མདུན་ལ་སླེབས་པ་ཡིན་ཙང་རེ་རེར་བྱས་ཏེ་སྐབས་ཐོག་ལན་འདེབས་གསལ་ཐག་ཆོད་པ་རེ་ཕུལ་མཆམས། མཐར་སེམས་འགུལ་ཐེབས་པའི་རྣམ་པ་སྟོན་བཞིན་ལོག་འགྲོ་གི་འདུག་ནའང། འདི་ནས་ཀྱང་ཞུ་འདོད་པ་ཞིག་ལ། ཁྱེད་རྣམ་པས་ཐུགས་ཁྲལ་རྩ་བ་ཉིད་ནས་གནང་མི་དགོས་པ་ཞིག་ནི། ངས་གཞི་རྩ་མེད་པ་ཞིག་སྐུ་ངོ་ས་དབང་ཆེན་མོར་སྙན་གསེང་གི་བརྗོད་བྱར་ལེན་གི་མ་རེད་ལ། དེ་ལྟར་བླངས་ན་ང་རང་བྱབ་ཆུང་ཆགས་འགྲོ་བ་ཅི་ལ་མི་ཤེས། དེ་བཞིན་ངས་སྐུ་ངོ་བརྩི་བཀུར་མ་བྱས་པའང་མ་རེད། ཡིན་ལུགས་ཚུལ་མཐུན་གྱིས་ཁོང་གི་གསུངས་ལ་དཔྱད་པ་བྱེད་ཁུལ་རེད། དཔྱད་པ་གཏོང་ཐོངས་གི་ཡོད་མེད་གང་ཤེས་མོད། དཔྱད་མི་ཆོག་པའི་རྒྱུ་མཚན་ཞིག་༧ཆ་བ་ཆོས་སེང་ཕེབས་སོང་ནའང་གསུངས་རྒྱུ་ཡོད་པ་མ་རེད། དེའི་ཆ་ནས་ཐུགས་ཁྲལ་མ་གནང་བར་དོན་དག་ལ་གཟིགས། དོན་དག་མ་བོར་ན་རྩ་དོན་དེ་རེད། དེ་ཐུགས་ལ་ཟུངས་ནས་ལྷོད་ལྷོད་གནང་རོགས།

    མདོ་དོན། ངས་གནའ་སྔ་མོ་ནས་བྲིས་ཡོད་པའི་གཤམ་གྱི་ཤོ་ལོ་ཀ་འདི་རང་མིན་འགྲོ་བསམ།

    ལྷ་སྲས་རྒྱལ་ལོ་དགྱེས་པའི་ལམ་ལའང་མ་ཞུགས།།
    མྱི་སྲས་འཇུ་ཆེན་ཕེབས་པའི་བཞུད་ལམ་ཡང་མ་འདོད།།
    བསྟན་སྲིད་སྲོག་དབང་སྐྱོབ་པའི་ལམ་ཆེན་དུ་ཞུགས་ན།།
    ༧རྒྱལ་བ་ཡབ་སྲས་གཉིས་ཀྱི་དགོངས་གཞི་འདི་སྒྲུབ་ཅིག།

32. ཐུག་པ་རང་རེད། ད་ཐུག་པ་དཀྲུག་ཨ། ཐུག་པ་དེ་རྒྱ་ལོ་ལ་ཕུལ་དགོས།

33. ༼ཆ་བ་༽འབྲི་སྟངས་འདི་མ་རེད་ཡ། ཞི་ལི་ལོ་ལོ། བྱིས་པ་འདི་ཚོ་ད

34. ཁྱུང་སེ་ལགས། རིག་པ་བཀོལ་ནས་ལན་རྒྱག་རོགས། དེ་མིན་བླུན་བཤད་བྱས་ན་གད་མོ་ཤོར་བ་ལས་གཞན་ཅི། ལག་པས་བཟོས་པའི་ཐུག་པ་རིང་པོ་དང་འཕྲུལ་ཆས་ལ་བརྟེན་ནས་བཟོས་པ་གཉིས་སྤུས་ལེགས་མི་ལེགས་ཙམ་ལས་གཉིས་ཀ་ཐུག་པ་རིང་པོ་རེད། དེས་ན་ཁྱོད་ཀྱི་ཐུག་པ་རིང་པོ་དེ་འཕྲུལ་ཆས་ཁོ་ན་ལ་བརྟེན་ནས་བཟོས་པ་ལ་གོ་ཟེར་ན། འཕྲུལ་ཆས་དེ་ཡང་ཐོག་མར་ཕྱི་རྒྱལ་ནས་དར་བ་ལས་རྒྱ་ནག་ནས་དར་བ་མ་རེད། ད་ཤེས་སོང་ངམ། །

35. བོད་ཡོངས་རྫོགས་ན་མི་ཤེས། ཨམ་མདོ་ཕྱོགས་ན་ཧུབ་རིང་ཟེར་ནས་ཐུག་པ་ཞིག་ཡོད། ཐུག་པ་དེ་ནི་འཕྲུལ་ཆས་ལ་བརྟེན་ནས་བཟོས་པ་དང་ཁྱད་པར་མེད། ཧུབ་རིང་བཟོ་བ་ལ་བུ་མོ་ཚོས་འགྲན་བསྡུར་ཀྱང་བྱེད་སྲིད། ཧུབ་རིང་བཟོས་ཏེ་སྐམ་ནས་ཡུན་རིང་འཇོག་སྲོལ་ཡོད། ལྷག་པར་དུ་གྲོང་བའི་ནང་ནས་མི་ཤི་རྐྱེན་འདྲ་བྱུང་ན། བུ་མོ་ཡོད་ཚད་འཛོམས་ནས་ཧུབ་རིང་བཟོ་དགོས། རྒྱུ་མཚན་ནི་མི་ཤི་བའི་ཁྱིམ་ཚང་དེས་གྲོང་བའི་མི་ཡོད་ཚད་ལ་ཉིན་གསུམ་མམ་བདུན་གང་རུང་ལ་འཚོ་བ་སྦྱོར་བའི་ལུགས་སྲོལ་ཡོད། ཉིན་འདིའི་རིང་ལ་ཞོག་ཇ་དང་། ཉིན་གུང། དགོང་ཟས། གལ་ཏེ་དབྱར་ཀ་ཡིན་ན་ཉིན་གུང་དང་དགོང་ཟས་བར་ན་ཕྱི་ཇ་ཞིག་ཀྱང་ཡོད། ཉིན་འདི་ཚོར་ཟ་མ་གང་མང་མང་དང་གང་བཟང་བཟང་ཡོད། འདིའི་སྐབས་ཀྱི་དགོང་ཟས་ནི་ལག་པའི་རྩལ་ལ་བརྟེན་ནས་བཟོས་པའི་ཐུག་པ་རིང་བོ་དེ་ཡིན། འདི་ནི་ལོ་བརྒྱ་ཕྲག་མང་བོ་དར་བའི་ལུགས་སྲོལ་ཞིག་རེད། །

36. གཙོ་བོ་ཧུབ་ཟེར་དོན་ཅིག་བཙལ་ན་བསམ་བློ་བཏང་ས་ཞིག་རེག་གི་རེད།

37. ཐུག་པ། འཐེན་ཐུག་དང་། བརྡལ་ཐུག་ལ་རིང་ཐུང་གཉིས་རེ། གཙབ་ཐུག་ལ་སྲབ་འཐུག་གཉིས། རིལ་ཐུག་ལ་མཁྲེག་སོབ་གཉིས། དེང་དུས་ཁོང་སྟོང་ཡང་ཡོད་པ་སོགས་བོད་མདོ་སྟོད་སྨད་ལ་ཐུག་པའི་རིགས་ལ་མིང་སྣ་ཚོགས་ཡོད་པ་ལས། གོང་དུ་རྩོད་པ་དེ་བརྡལ་ཐུག་རེད་སྙམ།བརྡལ་ཐུག་ལ་འཔྲུལ་ཆས་དང་ལག་བཟོ་གཉིས་ཀ་ཡོད་ཆོག་པས་སོ། །

38. རྒྱ་གྲོ
    རྒྱ་ཕྱེ
    རྒྱ་ཐུག
    ཟ་འཐུང་གི་རིགས་ཐམས་ཅད་རྒྱ་ནག་ནས་དར་བ་འདྲ།
    རྩ་པ
    རྩམ་ཐུག་
    རྩམ་ཐུག་མ་གཏོགས་ངོ་མི་ཤེས་པའི་བོད་པ་མི་རིགས་འདི་རྗེས་ལུས་ཡིན་པར་ཁག་མི་འདུག་སྙམ།

39. དེང་སང་བཀའ་བློན་སྤུགས་ལ་ཀ་ལིན་པོང་འབྲི་བ་མང་།
    རྡ་སའི་ལས་ཤོག་སྟེང་དུ་ཀ་སྦུགས་བྲིས་ཡོད།
    དབྱིན་སྐད་དང་བོད་སྐད། ནེ་པཱ་ལའི་སྐད་སོགས་སྤྱོད་མཁན་ཡང་མང་བས་གང་བྱུང་འབྲི
    ངས་བསམ་ན་བཀའ་བློན་སྤུངས་དག་པར་འདོད། སྔོན་ཆད་ས་འདི་ཚོང་ལམ་ཞིག་ཡིན་པ་ལས་གྲོང་སྡེ་སོགས་མེད་པར་བཤད། སྤྱན་སྲས་ཀུན་ཕན་སོགས་བཀའ་བློན་འགས་རྒྱ་གར་ལ་བལ་ཚོང་བརྒྱག་སའི་ས་ཚིགས་སུ་བཟོས། ། རྗེས་སུ་ཉམས་པས་བཅུ་གསུམ་པ་ས་འདིར་ཉེན་ཡོལ་ལ་ཕེབས་པའི་ཁང་བ་ཞིག་ཡོད་པ་དེ་དིང་སང་འབྲུག་པའི་རྒྱལ་མོས་བདག་གཉེར་བྱས་ཡོད། བཀའ་བློན་གསར་བ་འགས་ཀྱང་ཁང་བ་བརྩིགས་པ་དང་བཟོ་གྲྭ་བཙུགས། རྗེས་སུ་སྤོན་མདའ་ཚང་དང་ཚ་རོང་སོགས་ཀྱི་ཚོང་ལམ་དང་། ཁམས་པ་ཚོགས་པ་གསར་འཛུགས་དང་ཚོང་ལམ་དམ་པོ་བཟོས། གྲོ་མོ་དགེ་བཤེས་ཀྱི་དགོན་པ་ཐར་བ་ཆོས་གླིང་བཏབ་པ་དང་། དར་མདོ་རིན་པོ་ཆེས་སློབ་གྲྭ་བཙུགས། ཞྭ་སྒབས་པས་གློག་བརྙན་ཁང་སོགས་བཟོས ཡབ་གཞིས་ཚང་ཡང་ས་འདིར་གཞི་ཚུགས་ནས་བཀའ་བློན་སྦུགས་ཀྱི་ཐུག་བཟོ་ཁང་བཙུགས། བོད་གསར་བས་སྐྱིད་སྡུག་ཚོགས་པ་འདྲ་མིན་དང་། བོད་གཞུང་སློབ་གྲྭ་དང་། ཟངས་དཀར་དགོན་པ་དང་། སྲད་རྒྱུད་པའི་དགོན་པ་སོགས་བཏབ། བོད་སློབ་འདི་དེང་སང་ཤར་བའི་ལག་ན་ཡོད་ཀྱང་སྒོ་བྱང་དང་མིང་བསྒྱུར་མེད། 
    ཧཧཧཧ་་་
    ད་མང་བོ་མི་བཤད།
    ངས་བཤད་འདོད་པ་ནི་བཀའ་བློན་སྦུགས་ནས་མར་ཤི་རི་གོ་རི་ལ་མ་སླེབས་པའི་བར་དེར་བྲག་རི་ཆེན་པོ་ཞིག་ཡོད་པ་དེའི་ངོས་ན་བཀྲ་ཤིས་བྲག་ཞེས་བྲིས་ཡོད། ཡིག་འདྲི་དེ་གཉིས་བྲིས་ནས་མི་ལོ་བརྒྱ་ཕྲག་འགའ་སོང་ཡོད་ཀྱང་ད་དུང་བསུབ་མེད། བོད་པ་དང་རྒྱ་གར་ནེ་པ་ལེ་མི་སུ་ལ་ཐུག་ནས་དྲིས་དང་སྐད་མི་དག་ཡང་ད་དུང་བཀྲ་ཤིས་བྲག་ཅེས་འབོད་པ་ཡིན། དེ་བཞིན་དུ་བཀའ་བློན་སྦུགས་ཀྱང་སྒྲ་མ་དག་པར་ཀ་ལིང་པོང་ཟེར་བ་རེད།  གདོང་སྟག་སོགས་ཀྱིས་ཀ་ལིང་པོང་རྒྱ་གར་སྐད་དང་ཐོད་པ་ལ་གོ་བར་བཤད་པ་ནི་རྣམ་དཔྱོད་ཀྱི་མིག་མེད་པའི་ལོག་གཏམ་ཁོ་ནའོ།།
    ཧཧཧ

40. ཡིག་འབྲུ་གཉིས