ཀུན་ཕན་ཐེབས་རྩ་ཚོགས་པའི་བོད་ཀྱི་སྐད་ཡིག་སྐོར་གྱི་ཚོགས་འདུའི་གསལ་བསྒྲགས།

གྲངས་ཉུང་མི་རིགས་སྐད་ཡིག་གི་ཟུངས་ཤུགས་དང་གསོན་སྟོབས།

༢༠༠༩ལོའི་ཟླ་༡༠ཚེས་༢༣ནས་༢༤བར།

མིང་དུ་གྲགས་པའི་སྤྱི་ཚོགས་སྐད་བརྡ་རིག་པ་བ་མཁས་དབང་ཇོ་ཤེ་ཝ་ཧྥི་ཤི་མན་ལགས་ཀྱིས་བོད་ཀྱི་ལོ་རྒྱུས་ཆེད་ལས་མཁས་པ་སློབ་དཔོན་ཨེ་ལིའོ་ཋི་སི་ཕེར་ལིང་དང་མཉམ་དུ་བགྲོ་གླེང་གནང་རྒྱུ་རེད།

སྤྱིར་བཏང་བཤད་ན་གྲངས་ཉུང་མི་རིགས་ཀྱི་སྐད་ཡིག་སྤྱོད་པའི་སྤྱི་ཚོགས་ཁག་གིས་རང་ཉིད་ཀྱི་སྐད་
ཡིག་དེ་རྒྱུན་འཛིན་བྱེད་དགོས་པར་མཐོང་གི་ཡོད། ཁོང་ཚོའི་སྐད་ཡིག་དང་སྐད་ཡིག་དེ་སྤྱོད་མཁན་སྤྱི་ཚོགས་ཀྱི་བདེ་ཐང་ཚོད་དཔོག་བྱེད་པའི་ལག་ཆ་ཅི་ཞིག་ཡོད་དམ། གྲངས་ཉུང་མི་རིགས་ཀྱི་སྐད་ཡིག་གི་འཚོ་ནུས་དང་གསོན་ཤུགས་ལ་རྒྱབ་
སྐྱོར་དང་རྒྱུན་འཛིན་བྱེད་པའི་སྲིད་ཇུས་གང་དང་གང་ཡོད་པ། རང་ཉིད་ཀྱི་སྐད་ཡིག་རྒྱུན་འཛིན་བྱེད་པར་འབད་བརྩོན་
བྱེད་པའི་སྤྱི་ཚོགས་སྣ་ཚོགས་ལ་འོས་ཞིང་འཚམས་པའི་བྱེད་ཐབས་གང་དང་གང་ཡིན་ནམ། ད་ཐེངས་ཚོགས་འདུ་འདིས་
རྒྱབ་ལྗོངས་མི་འདྲ་བའི་ཆེད་ལས་མཁས་པ་མང་བོ་གདན་འདྲེན་བྱས་ཏེ། སྐད་ཡིག་གི་འཚོ་བའི་ནུས་པ་དང་ནུས་པ་དེ་རྒྱུན་འཁྱོངས་ཡོང་བའི་སྲིད་ཇུས་ཐོག་གི་རྒྱབ་སྐྱོར། དེ་བཞིན་བོད་ཀྱི་སྐད་ཡིག་གཙོར་བྱས་པའི་གྲངས་ཉུང་མི་རིགས་ཀྱི་སྐད་
ཡིག་ལ་འདུན་ལམ་ལྡན་པའི་མ་འོངས་པ་ཞིག་ཡོང་ཆེད་བྱེད་ཐབས་ཅི་ཞིག་དགོས་མིན་སོགས་ལ་དཔྱད་ཞིབ་བྱས་ཏེ་གོང་དུ་བཏོན་པའི་དྲི་བ་ཁག་ལ་ལན་འདེབས་གནང་གི་རེད།

ཚོགས་འདུ་འདི་ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་དུ་ཚོགས་རྒྱུ་ཡིན་ཞིང་སྡོད་གནས་ཁ་བྱང་ནི་132 Perry Street, 2B, New York, NewYork,10014ཡིན། ཚོགས་འདུ་རྣམས་རིན་མེད་ཡིན་པ་དང་
མང་ཚོགས་ཞུགས་པར་རང་མོས་ཡིན། འོན་ཀྱང་། ཚོགས་འདུར་ཞུགས་པར་ཐོ་འགོད་བྱ་དགོས།ཐོ་འགོད་བྱེད་པར་ང་ཚོར་གློག་རྡུལ་ཡིག་ཟམ་དང་ཁ་པར་གང་རུང་བརྒྱུད་ནས་འབྲེལ་གཏུགས་བྱེད་ཆོགའབྲེལ་གཏུགས་བྱེད་སྐབས་ཁྱེད་ཀྱིས་རང་ཉིད་ཀྱི་མིང་དང་གློག་རྡུལ་ཡིག་ཟམ་ཁ་བྱང་། ཁ་པར་ཨང་གྲངས་དང་སྒྲིག་འཛུགས་ཀྱིང་མིང་། དེ་བཞིན་ཡིག་ཟམ་ཁ་བྱང་
བཅས་བསྐུར་དགོས། འབྲེལ་གཏུགས་བྱེད་ཐབས། events@trace.org ཡང་ན་ 212-367-7380.

ཚོགས་འདུའི་ལས་འཆར།
༢༠༠༩ལོའི་ཟླ་༡༠ཚེས་༢༣གཟའ་པ་སངས་ཉིན།
ཐོ་འགོད་པ། ཕྱི་དྲོའི་ཆུ་ཚོད་5:30–6:00
ངོ་སྤྲོད་དང་སྙིང་དོན་བགྲོ་གླེང་། ཕྱི་དྲོའི་ཆུ་ཚོད་600-7:00
སྣེ་ལེན། ཕྱི་དྲོའི་ཆུ་ཚོད་7:00–8:00

༢༠༠༩ལོའི་ཟླ་༡༠ཚེས་༢༤གཟའ་སྤེན་པ་ཉིན།།
ཐོ་འགོད་དང་ཞོགས་ཟས་སྣེ་ལེན། སྔ་དྲོའི་ཆུ་ཚོད་9:30–10:00
སྔ་དྲོའི་ཚོགས་འདུ། སྔ་དྲོའི་ཆུ་ཚོད་10:00–12:00
གོང་ཟས་བར་སེང་།
ཕྱི་དྲོའི་ཚོགས་འདུ། ཕྱི་དྲོའི་ཆུ་ཚོད་ 1:00–5:00