—ཀུན་ཕན་ཚང་།
རྒྱལ་དབང་ཀརྨ་པ་མཆོག་དང་འབྲེལ་བ་ཟབ་ཅིང་། མཚུར་ཕུ་དགོན་པའི་གོས་སྐུ་ཆེན་མོ་བཞེངས་མཁན། བོད་ཀྱི་ཐང་གའི་སྒྱུ་རྩལ་སྟེང་ལ་ལོ་མང་སློབ་གཉེར་དང་ཉམས་ལེན་གནང་མཁན། ཨ་རི་བ་ཊེ་རིས་སེ་ཊེམ་ཕལ་དང་། ཁོང་གི་སྐུ་ཟླ་ལས་སི་ལི་སྔོ་ཡན་གྱི་གོས་ཆེན་གྱི་སྒྱུ་རྩལ་འགྲེམ་སྟོན་ལ་གཟིགས་པར་ཕེབས་ཤོག
༢༠༡༦ལོའི་ཟླ་བ་བཅུ་པའི་ཚེས་༡༣ ནས་༢༩ བར་ལ། ང་ཚོས་ཊེ་རིས་སི་ཊེམ་ཕལ་(Terris Temple)དང་། ལས་སི་ལི་སྔོ་ཡན་ཊེམ་ཕལ་(Leslie Nguyen Temple)གཉིས་ཀྱི་གོས་ཆེན་ཚེམ་དྲུབ་ཀྱི་ཐང་གའི་འགྲེམ་སྟོན་དང་། ཁོང་གཉིས་ཀྱིས་བཞེངས་པའི་མཚུར་ཕུའི་གོས་སྐུ་ཆེན་མོ་བཞེངས་པའི་ལོ་རྒྱུས་ཀྱི་དངོས་འབྱུང་གློག་བརྙན་གཟིགས་འབུལ་ཞུ་རྒྱུ་ཡིན། ད་དུང་ཁོང་གཉིས་ཀྱི་ཐང་ག་དང་ཡོ་གའི་སྦྱོང་བརྡར་འཛིན་གྲྭ་ཞིག་ཀྱང་གོ་སྒྲིག་བྱས་ཡོད།
ཊེ་རིས་སི་ཊེམ་ཕལ་ནི། ནུབ་ཕྱོགས་ནང་ནས་བོད་ཀྱི་ཐང་ག་བཞེངས་མཁན་ཐོག་མའི་གྲས་ཡིན་པ་དང་། ད་ལྟ་རྒྱལ་དབང་ཀརྨ་པ་སྐུ་འཕྲེང་བཅུ་བདུན་པ་དང་མཚུར་ཕུ་དགོན་པའི་གཞུང་འབྲེལ་གྱི་ཐང་གའི་སྒྱུ་རྩལ་པ་ཡིན། ཁོང་གི་སྐུ་ཟླ་ལེས་སི་ལི་སྔོ་ཡན་ནི་ཡོ་གའི་དགེ་རྒན་དང་། བོད་ཀྱི་གོས་ཆེན་ཐང་ག་བཞེངས་མཁན་ཡིན། ཁོང་གིས་མཚུར་ཕུ་དགོན་པར། རང་གི་ཁྱོ་ཀ་ཌེ་རིས་སི་མཉམ་དུ་མཐོ་ཚད་ལ་ཕི་ཊི་༡༠༨ཡོད་པའི་གི་གུ་ཆེན་པོ་ཞིག་བཞེངས་ཡོད། ༢༠༠༥ནས་བཟུང་ལས་སི་ལིས་ལུས་གསོ་བའི་་ཡོ་ག་ཁྲིད་ཀྱི་ཡོད།
སང་ཉིན་རེས་གཟའ་ཕུར་བུའི་དགོང་དྲོའི་ཆུ་ཚོད་༦ཿ༣༠ལ་འགྲེམས་སྟོན་དབུ་འབྱེད་ཀྱི་མཛད་སྒོ་ཡིན་པ་དང་། དེའི་སྐབས་ལ། རྒུན་ཆང་དང་ཞོར་ཟས་གོ་སྒྲིག་བྱས་ཡོད་པས། ལྷན་རྒྱས་ཕེབས་རོགས།
ངོ་མ་ཡག་པོ་འདུག འདི་ནས་ས་ཐག་རིང་བས་བཅར་མི་ཐུབ། །སྤྲིན་པར་རླུང་བུ་བརྒྱུད་དེ་རྟེན་འབྲེལ་བསྐུར། །
་་་་་་་་ ད་དུང་ཁོང་གཉིས་ཀྱི་ཐང་ག་དང་ཡོ་གའི་སྦྱོང་བརྡར་འཛིན་གྲྭ་ཞིག་ཀྱང་གོ་སྒྲིག་བྱས་ཡོད། ་་་་་་་་
ལགས་སོ། འགྲེམས་སྟོན་ཁང་དུ་འགྲོ་བགྱི་ཡིན།
སང་ཉིན་དགོང་དྲོ་རྒུན་ཆང་དང་ཕྱུར་བ་སོགས་ཀྱི་ཞོར་ཟས་འདེགས་རྒྱུ་ཡིན་པས། ལྷན་རྒྱས་ཕེབས་རོགས་ཞུ། ནུབ་ཕྱོགས་ཀྱི་Cheese ལ་ཆུར་ར། ཕྱུར་ར། ཕྱུར་བ། གང་འཚམས་པ་ཡོད་དམ། མཁྱེན་མཁན་ཡོད་ན་རོགས་པ་གནང་རོགས།
དར་ར་རམ། དར་བ་བསྐོལ་ཏེ་ཕྱུར་པའི་སྙིང་པོ་ལ་ཕྱུར་ར་རམ། ཕྱུར་བ་ཞེས་མིང་དུ་གདགས་པར་མཛད་སྙམ།
#4 ཀུན་ཕན་ཚང་ལགས།
ཆུར་ར་དང་། ཆུར་བ་གཉིས་ནོར་བ་རེད། ཆུར་བའི་གོ་དོན་ནི། སྒམ་ནང་ཅ་ལག་ཚང་མ་ཆུར་དགོས་པའམ་ཆུར་བའི་དོན་ཏེ། སྒམ་ནང་ལ། ཅ་ལག་ཨ་ཤོང་མ་ཤོང་བལྟས་ནས། སྒམ་ནང་ཡར་གཅུར་བའི་སྐུལ་ཚིག་རེད།
་
ཕྱུར་ར་དང་། ཕྱུར་བ་དང་གཉིས་ཀ་དག་པ་རེད། ཕྱུར་ར། ཁ་སྐད་དང་། ཕྱུར་བ་ཡིད་སྐད་དུ་བྲིས་ཡོད། ངས་བྱས་ན། ཕྱུར་ར་འདི་སུམ་རྟགས་མ་བཟོས་གོང་ལ་ལབ་སྲོལ་ཡོད་པ་དང། ཕྱུར་བ་འདི་ཡི་གེ་བཟོས་ནས་དར་ཁྱབ་བྱུང་བ་མིན་ནམ་སྙམ་མོ།།
ཐུད་ཞིམ་པོ་མར་གྱིས་བཀའ་དྲིན་རེད། མར་མེད་ན་ཕྱུར་རའི་སྤགས་གོང་རེད། ཞེས་པའི་གཏམ་དཔེ་ལྟར་རོ།།
ཀ་རྡོ་ལགས། ཐུགས་རྗེ་ཆེ། རྒྱུ་མཚན་འདུག