“ཀྲུང་གོ་བ་གཉིས་ལ་ནོ་བྷེལ་ཞི་བདེའི་གཟེངས་རྟགས་ཐོབ་ཡོད་”ཟེར།

ཉེ་ཆར་བོད་ནང་གི་སློབ་མའི་གྱེན་ལངས་ཀྱི་སྐོར་ལ་རྩོམ་ཡིག་འཚོལ་སྐབས། གློ་བུར་དུ་གསར་འགྱུར་འདི་མཚོ་སྔོན་རླུང་འཕྲིན་གྱི་དྲ་རྒྱ་ལས་རྙེད་པར་གྱུར། ནང་དོན་ནི། ནོ་བྷེལ་ཞི་བདེའི་གཟེངས་རྟགས་དེ་ལིའུ་ཞའོ་པོ་ལ་སྤྲད་པ་དེ་ལ་དགག་ལན་བརྒྱབ་པ་ཞིག་རེད། འོན་ཀྱང་ “ཀྲུང་གོ་བ་གཉིས་”ཞེས་ཚིག་ལ་ཐོན་འདུག་སྟབས་འདིར་དྲངས་པ་ཡིན། གཟིགས་རོགས།
མཚོ་སྔོན་བོད་སྐད་རླུང་འཕྲིན་དྲ་ཚིགས་

ཆབ་སྲིད་ལོག་ལམ་དུ་ཞུགས་པའི་ཞི་བདེའི་བྱ་དགའ།

དུས་ཚོད་།
2010-10-19 17:56:54.0 རྡེབ་ཚད། 111
ཡི་གེའི་ཆེ་ཆུང་། ༼   ཆེ། འབྲིང་། ཆུང་།   ༽

  ཉིན་འགའི་སྔོན་ལ།  ནའོ་ཝེ་རྒྱལ་ཁབ་ཀྱི་ནོ་པེ་ཨཱར་དཔྱད་འདེམ་ཨུ་ཡོན་ལྷན་ཁང་གིས་ད་ལོའི་ཞི་ བདེའི་བྱ་དགའ་དེ་ཀྲུང་གོའི་བཅའ་ཁྲིམས་ལ་ཐོགས་ནས་ཀྲུང་གོའི་སྲིད་ཁྲིམས་ལས་ ཁུངས་ཀྱིས་ཁྲིམས་ཐག་བཅད་ཡོད་པའི་ལིག་ཞོ་པོ་ལ་སྟེར་རྒྱུ་ཐག་བཅད། ཀྲུང་གོའི་ བཅའ་ཁྲིམས་སྣང་མེད་དུ་འཇོག་པ་དང་། ཀྲུང་གོའི་ནང་སྲིད་ལ་ཐེ་གཏོགས་བྱེད་པའི་ བསམ་སྦྱོར་རྩུབ་མོ་དེར། འཕྲལ་དུ་ནུབ་ཕྱོགས་ཀྱི་ཤེས་ལྡན་པ་མང་པོ་ཞིག་གིས་ནོ་ པེ་ཨཱར་དཔྱད་འདེམ་ཨུ་ཡོན་ལྷན་ཁང་བཙུགས་གྲུབ་ཀྱི་ལུགས་མཐུན་རང་བཞིན་དང་། ནོ་ པེ་ཨཱར་ཞལ་ཆེམས་ལག་བསྟར་བྱེད་པའི་བདེན་དྲང་རང་བཞིན། དེ་མིན་ད་དུང་ནོ་པེ་ ཨཱར་དཔྱད་འདེམ་ཨུ་ཡོན་ལྷན་ཁང་གི་བཀོལ་སྤྱོད་དངོས་ཀྱི་རང་རྐྱ་ཐུབ་པའི་རང་ བཞིན་བཅས་ལ་རྒྱུན་ཆད་མེད་པར་དོགས་སློང་བྱས་ཤིང་། དེ་བས་ཀྱང་ཀྲུང་གོའི་མི་ དམངས་རྣམས་ལ་ནོ་པེ་ཨཱར་ཞི་བདེའི་བྱ་དགའ་ནི་ཆབ་སྲིད་ཀྱི་ལོག་ལམ་དུ་ཞུགས་མཁན་ ལ་སྟེར་བའི་བྱ་དགའ་ཞིག་ཡིན་པའི་འཁྲུལ་ཤེས་སྐྱེས་སུ་བཅུག
  ལོ་ངོ་བརྒྱ་ལྷག་གི་སྔོན་ལ། སྐུ་ཞབས་ནོ་པེ་ཨཱར་གྱིས་ཞལ་ཆེམས་ཁྲོད་ཞི་བདེའི་ བྱ་དགའ་ལ་ཚད་གཞི་གསུམ་བཏོན་པ་སྟེ། བྱ་དགའ་ཐོབ་མཁན་ནི་རྒྱལ་ཁབ་ཀྱི་མཛའ་བརྩེ་ ཇེ་ལེགས་དང་། མི་རིགས་འཆམ་མཐུན། དམག་མི་ཉུང་འཕྲི་བྱེད་པ་བཅས་དང་། དེ་མིན་ད་དུང་ཞི་བདེའི་གྲོས་ཚོགས་འཚོགས་ པར་འབད་བརྩོན་ཆེན་པོ་སྐྱེད་མཁན་ནམ་དེར་བྱས་རྗེས་ཆེས་ཆེན་པོ་འཇོག་མཁན་གྱི་ མི་ཡིན་འོས་ཞེས་གཏན་ལ་ཕབས་ཡོད། ཚད་གཞི་དེ་གསུམ་ནི་སྤྱི་ཕུང་གཅིག་ལྟ་བུ་ཡིན་ པས། དེས་སྐུ་ཞབས་ནོ་པེ་ཨཱར་གྱིས་འཛམ་གླིང་ཞི་བདེ་ལ་བཅངས་པའི་ཕུགས་རེ་མཚོན་ ཡོད། ཞི་བདེའི་བྱ་དགའི་རྟགས་མའི་ཐོག“མིའི་རིགས་ཀྱི་ཞི་བདེ་དང་མཛའ་གཤེས་ཀྱི་ཆེད་ དུ།”ཞེས་པའི་ཡིག་འབྲུ་འགའ་བརྐོས་ཡོད། 
 འདས་པའི་ལོ་ངོ་བརྒྱའི་ནང་ དང་། ཁྱད་པར་དུ་ཉེ་བའི་ལོ་ངོ་བཅུ་ཕྲག་འགའི་ནང་དུ། ནོ་པེ་ཨཱར་ཞི་བདེའི་བྱ་ དགའི་དོན་ལ་རྩོད་གཞི་བྱུང་བ་མཚམས་ཆད་མ་མྱོང་ཞིང་། དེ་ལ་དོགས་སློང་དང་སྐྱོན་ བརྗོད་བྱེད་མཁན་ཡང་སྔར་ལས་ཇེ་མང་དུ་སོང་། དེ་དག་གི་རྒྱུ་རྐྱེན་གཙོ་བོ་ ནི། ནོ་པེ་ཨཱར་དཔྱད་འདེམ་ཨུ་ཡོན་ལྷན་ཁང་གིས་ཁོ་ཚོའི་ཆབ་སྲིད་ལྟ་བ་དེ་བྱ་ དགའ་དཔྱད་འདེམ་བྱེད་པའི་ཚད་གཞིའི་ཁྲོད་བཙན་འཇུག་བྱས་པས། བྱ་དགའ་དེ་སྐུ་ཞབས་ ནོ་པེ་ཨཱར་གྱི་ཞལ་ཆེམས་དང་རྒྱབ་འགལ་དུ་བཏང་བས་རེད། 
  ནའོ་ཝེ་རྒྱལ་ཁབ་ཀྱི་ཁྲིམས་རྩོད་པ་ཧྥོ་ལོས་ཏི་ལིས་ཁི་ཧི་ཧྥོ་མེས་ཨར་གྱིས་ སྐུ་ཞབས་ནོ་པེ་ཨཱར་གྱི་ཞལ་ཆེམས་དང་། ལོ་ངོ་བརྒྱ་ལྷག་རིང་གི་ཞི་བདེའི་བྱ་ དགའ་བྱིན་པའི་ཐད་ལ་ཞིབ་འཇུག་ནན་ཏན་བྱས་ཏེ། ཁོས་བསམས་པར། ད་ལྟ་ནོ་པེ་ཨཱར་བྱ་དགའ་དཔྱད་འདེམ་ཨུ་ཡོན་ལྷན་ཁང་གིས་རང་གི་ཆབ་སྲིད་དགོས་ མཁོར་དམིགས་ནས་བེད་སྤྱོད་ཁྱབ་ཁོངས་གཏན་ཁེལ་བྱེད་ཀྱིན་ཡོད་པས། དེ་ནི་སྐུ་ ཞབས་ནོ་པེ་ཨཱར་གྱི་དམག་གྲབས་ཉུང་དུ་གཏོང་བའམ་དེ་མེད་པར་བྱེད་པར་སྐུལ་ལྕག་ གཏོང་བའི་མོས་འདུན་དང་རྒྱབ་འགལ་དུ་སོང་བ་ཡིན་པར་འདོད་ཀྱི་ཡོད། 
  འདས་པའི་ལོ་ངོ་ཉེར་གཅིག་གི་དུས་ཡུན་ནང་། ནོ་པེ་ཨཱར་དཔྱད་འདེམ་ཨུ་ཡོན་ལྷན་ ཁང་གིས་ཞི་བདེའི་བྱ་དགའ་དེ་ཀྲུང་གོའི་མི་གཉིས་ལ་བྱིན་མྱོང་སྟེ། གཅིག་ནི་ཏཱ་ ལེ་བླ་མ་དང་། གཞན་གཅིག་ནི་ལིག་ཞོ་པོ་རེད། སྔ་མ་ནི་མི་རིགས་མཐུན་སྒྲིལ་ལ་ གཏོར་བརླག་བྱེད་མཁན་དང་། ཀྲུང་གོ་ཁ་བྲལ་གཏོང་མཁན་གྱི་ཁ་བྲལ་པ་ཞིག་ཡིན་ ལ། ཕྱི་མ་ནི་རྒྱལ་ཁབ་ཀྱི་སྲིད་དབང་མགོ་རྟིང་སློག་པར་ངན་སྐུལ་བྱེད་མཁན་ད་ལྟ་ བཙོན་འཇུག་བྱས་པའི་ཉེས་ཅན་ཞིག་རེད། ཁོ་གཉིས་ཀྱི་འགྲོ་འདུག་ཉལ་འཆག་གི་སྤྱོད་ ལམ་ཇི་སྙེད་ཀྱིས་ནོ་པེ་ཨཱར་གྱི་ཞལ་ཆེམས་དངོས་ཀྱི་དོན་ཚན་གང་ཞིག་གི་མཐའ་སྣེ་ ཙམ་ཡང་ཟིན་མི་ཐུབ། དེ་ཡང་དཔེར་ན་ཧི་ཧྥོ་མེས་ཨཱར་གྱིས་སྨྱན་བྱེད་སྡེ་ཁག་གི་བཅར་འདྲི་དང་ལེན་ བྱེད་སྐབས། རང་གི་ཞིབ་འཇུག་གྲུབ་འབྲས་བརྗོད་པ་དང་སྦྲགས་ནས་ཞི་བདེའི་བྱ་དགའ་ དེ་ལིག་ཞོ་པོ་ལ་སྟེར་མི་འོས་ཞེས་གལ་བོ་ཆེ་ལ་ནན་ཏན་གྱི་ཚུལ་དུ་སྨྲས་པ་དང་ དངོས་གནས་མཚུངས་པ་རེད། ལིག་ཞོ་པོ་ཡིས“ཀྲུང་གོ་ཡང་བསྐྱར་ལོ་ངོ་སུམ་བརྒྱའི་ རིང་ལ་མི་སེར་སྤེལ་ཡུལ་ཕྱེད་ཙམ་དུ་གནས་ན་འོས།” ཞེས་དང་། “ཀྲུང་གོ་རབ་ཡིན་ན་རྒྱལ་ཁབ་བཅོ་བརྒྱད་དུ་ཁ་འཐོར་ན་འོས།”ཞེས་བཤད་ མྱོང་བས། ལིག་ཞོ་པོ་ནི་ནོ་པེ་ཨཱར་གྱི་ཞལ་ཆེམས་ནང་བཤད་པའི“ཞི་བདེའི་སྲུང་ དམག”ཟེར་བ་ཞིག་རྩ་བ་ནས་མིན་པར། དུས་ཡུན་རིང་པོར་རྒྱལ་ཁབ་ཀྱི་སྲིད་དབང་མགོ་ རྟིང་སློག་པར་ངན་སྐུལ་བྱེད་པའི་ཁྲམ་པ་ཉེས་ཅན་ཞིག་རེད།
  སྐུ་ཞབས་ནོ་པེ་ཨཱར་ལགས་ཀྱིས་རང་གི་ཞལ་ཆེམས་ནང་ནའོ་ཝེ་རྒྱལ་ཁབ་ཀྱི་གྲོས་ ཚོགས་ཁང་གིས་ནའོ་ཝེ་པ་མི་ལྔ་བདམས་ནས། ཁོ་ཚོར་ནོ་པེ་ཨཱར་དཔྱད་འདེམ་ཨུ་ཡོན་ ལྷན་ཁང་གི་ཨུ་ཡོན་གྱི་འགན་མིང་བྱིན་ནས། ཞི་བདེའི་བྱ་དགའ་འདེམ་པ་དང་བྱ་དགའ་ སྟེར་བའི་འགན་འཁུར་དུ་འཇུག་པའི་རེ་བ་བཏོན་ཡོད། ཡིན་ནའང་། ནའོ་ཝེ་རྒྱལ་ཁབ་ ཀྱི་གྲོས་ཚོགས་ཁང་གིས་དེ་བས་ཀྱང་གཙིགས་ཆེན་དུ་འཛིན་པ་ནི་ནོ་པེ་ཨཱར་བྱ་དགའི་ གྲགས་སྐད་དེ་རེད། དེའི་ཕྱིར་ཁོ་ཚོས་ཏང་ཁག་སོ་སོར་གཟིགས་སྐྱོང་བྱེད་ ཆེད། འཛེམ་བག་མེད་པར་ནོ་པེ་ཨཱར་དཔྱད་འདེམ་ཨུ་ཡོན་ལྷན་ཁང་གི་ཨུ་ཡོན་གྱི་ འདུག་སྟེགས་དེ་ཏང་ཁག་སོ་སོར་བགོ་འགྲེམ་བྱས་པ་དང་། གྲོས་ཚོགས་ཁང་གི་སྲིད་ཏང་ ཆེན་པོ་སྔོན་མ་ལྔ་ལ་ཏང་ཁག་རེ་ལ་མིང་སྐལ་རེ་བྱིན་ནས། དེ་ལྟར་ནོ་པེ་ཨཱར་དཔྱད་ འདེམ་ཨུ་ཡོན་ལྷན་ཁང་གི་ཨུ་ཡོན་གྱི་ལས་གནས་དེ་སྲིད་ཚོང་གི་ཐོབ་ཐང་མཐོན་པོ་ ཅན་མི་ལྔས་ལོངས་སུ་སྤྱད་པ་རེད། འདུག་སྟེགས་བགོ་འགྲེམ་བྱེད་སྟངས་དེ་ལྟ་ བུས། ནོ་པེ་ཨཱར་ཞི་བདེའི་བྱ་དགའ་དེ་ཡང་དོན་དངོས་ཐོག“ནའོ་ཝེ་གྲོས་ཚོགས་ཁང་ གི་བྱ་དགའ།”ལྟ་བུའི་ངོ་བོར་གྱུར་དུ་བཅུག་པ་རེད།
  དེ་ལྟར་ཤེས་སླ་བ་ཞིག་ནི། ནོ་པེ་ཨཱར་དཔྱད་འདེམ་ཨུ་ཡོན་ལྷན་ཁང་གི་ཁོངས་མི་ རྣམས་ལ་ཁྱད་ཆོས་མངོན་གསལ་ཅན་གཞན་ཞིག་ཡོད་པ་དེ་ཡང་། ཁོ་ཚོའི་ནང་གི་མང་ཆེ་ ཤོས་ནི་ནའོ་ཝེ་རྒྱལ་ཁབ་ཀྱི་སྲིད་སྟེགས་ཐོག་གི་སྲིད་ཚོང་པ་རྒན་གྲས་ཁག་ཅིག་ ཡིན་ལ། དེ་དག་གི་བསམ་བློའི་ལྟ་བ་དང་རིན་ཐང་ལྟ་བའང་འཛམ་གླིང་ཤར་ནུབ་ཕྱོགས་ གཉིས་ཀྱིས་ཕན་ཚུན་དགྲ་འཛིན་བྱེད་པའི་འཇམ་འཐབ་དུས་སྐབས་སུ་ཆགས་པ་ཡིན་པས།  ཆབ་སྲིད་ཀྱི་མདོག་ལྡན་མིག་ཤེལ་བཀོལ་ནས་འཛམ་གླིང་ལ་ལྟ་ཞིབ་བྱེད་པར་གོམས་ ཡོད། ཁོ་ཚོས་ནོ་པེ་ཨཱར་གྱིས་ཞི་བདེའི་བྱ་དགའ་སྤྱད་ནས་ཞི་བདེའི་ལྟ་བ་སྤེལ་བ་ ཞེས་པའི་རེ་འདུན་དང་རྒྱབ་འགལ་བྱས་ཡོད་པ་དང་། དེང་གི་འཛམ་གླིང་ཆགས་སྟངས་ཀྱི་འགྱུར་ལྡོག་ལ་དེ་བས་ཀྱང་རྒྱབ་འགལ་བྱས་ཡོད་ པ། ནང་སྒོས་སུ་ཀྲུང་གོ་ལྟ་བུའི་གསར་དར་རྒྱལ་ཁབ་ཀྱི་འཕེལ་རྒྱས་མགྱོགས་པོ་ལ་ ཕྱོགས་ཞེན་གྱི་ལྟ་སྟངས་སྟུག་པོ་བཟུང་ཡོད། དེ་ལྟ་བུའི་ཐོབ་ཐང་ཅན་ཏག་ཏག་གིས་ གྲུབ་པའི་ནོ་པེ་ཨཱར་དཔྱད་འདེམ་ཨུ་ཡོན་ལྷན་ཁང་གིས། ནོ་པེ་ཨཱར་ཞི་བདེའི་བྱ་དགའ་ཐག་གཅོད་བྱས་ན་འདུ་ཤེས་འཛིན་སྟངས་ཀྱི་དྲི་མ་མནམ་ མི་བཟོད་པ་འཐུལ་སྲིད་པ་ནི་སྨྲས་མ་དགོས་པ་ཞིག་རེད། 
  ལོ་ངོ་ཉེར་གཅིག་གི་སྔོན་ལ། ནའོ་ཝེ་རྒྱལ་ཁབ་ཀྱི་ནོ་པེ་ཨཱར་དཔྱད་འདེམ་ཨུ་ཡོན་ ལྷན་ཁང་གིས་ཞི་བདེའི་བྱ་དགའ་དེ་ཏཱ་ལེ་བླ་མར་སྟེར་སྐབས། ཨུ་ཡོན་ལྷན་ཁང་གི་ ཀྲུའུ་ཞི་དེས་མངོན་སུམ་འཛེམ་མེད་སྒོས་གོ་སྐབས་འདི་ལྟ་བུར་བརྟེན་ནས་ཀྲུང་ གོར་ཤུགས་རྐྱེན་བཟོ་རྒྱུ་ཡིན་ཞེས་བཤད་མྱོང་ཞིང་། ད་རེབ་ནོ་པེ་ཨཱར་ཞི་བདེའི་ བྱ་དགའ་དེ་བཙོན་འཇུག་བྱས་པའི་ཉེས་ཅན་ལིག་ཞོ་པོ་ལ་སྟེར་སྐབས་ཀྱང་། བཤད་སྟངས་ སྔོན་མ་དང་མཚུངས་པའི་རྣམ་འགྱུར་བསྟན་ཡོད། ཉེ་བའི་ལོ་གཅིག་གཉིས་ཀྱི་རིང་ ལ། ཀྲུང་གོར་དགྲར་འཛིན་འདུ་ཤེས་བཅངས་པའི་ནུབ་ཕྱོགས་ཀྱི་སྲིད་འཛིན་པ་ དང་། ཆེད་མཁས། དེ་མིན་ད་དུང་སྲིད་གཞུང་གི་རྩ་འཛུགས་མིན་པ་བཅས་ཀྱིས། སེམས་ ཤུགས་ཆེན་པོ་བཏོན་ནས་ནའོ་ཝེ་རྒྱལ་ཁབ་ཀྱི་ནོ་པེ་ཨཱར་དཔྱད་འདེམ་ཨུ་ཡོན་ལྷན་ ཁང་ལ་གནོན་ཤུགས་སྟེར་གྱིན་ཡོད་ལ། ནོ་པེ་ཨཱར་དཔྱད་འདེམ་ཨུ་ཡོན་ལྷན་ཁང་གི་ ཁོངས་མི་དག་གིས་ནི་རང་རང་གིས་ཕྲག་ཏུ་ཐེག་པའི་འགན་ཁུར་ལ་དེ་བས་ཀྱང་སེམས་ན་ གསལ་ལྷང་ངེར་ཡོད། ཁོ་ཚོས་ཕན་ཚུན་ལ་གློ་རྒྱུ་མ་འདྲེས་པ་བཞིན་དུ་གཅིག་གིས་གཅིག་ལ་རམ་འདེགས་བྱས་ པ་ཧ་ཅང་བཟང་། ཨུ་རུ་སི་གསར་འགྱུར་ཁང་གི་ཆབ་སྲིད་ལྟ་ཞིབ་པ་ཉིས་ཀུའུ་ལ་ཐི་ལོ་ དབྱིས་ཚི་ཅིས་ཀྱིས་ད་ལོའི་ཞི་བདེའི་བྱ་དགའི་སྐོར་གླེང་སྐབས། རྣག་ཐོག་གཙགས་ ཁེལ་གྱི་ཚུལ་དུ་བཤད་རྒྱུར། ནོ་པེ་ཨཱར་ཞི་བདེའི་བྱ་དགའ་དེ་སྔར་བཞིན་ཆབ་སྲིད་ མཐའ་ཅན་དུ་གྱུར་ཡོད་པས། བྱ་དགའ་དེ་མངའ་དབང་སྒྱུར་མཁན་གྱི་འདོར་ལེན་དང་དགེ་ སྡིག་སྤང་བླངས་ཅི་བྱེད་ནི་ནམ་ཡང་ནུབ་ཕྱོགས་རྒྱལ་ཁབ་འགའ་རེའི་རྣམ་འགྱུར་ལ་ ཐུག་ཡོད་ཟེར། ཞི་བདེའི་བྱ་དགའ་ཁྱབ་བསྒྲགས་བྱས་རྗེས་ནུབ་ཕྱོགས་རྒྱལ་ཁབ་འགའ་ རེའི་སྲིད་དཔོན་གྱིས་འཁྲབ་སྟོན་ཅི་བྱེད་ལ་བལྟས་ན། ད་གཟོད་ཁོ་ཚོས“ཀྲུང་གོར་ཤུགས་རྐྱེན་བཟོ་རྒྱུ།”ཞེས་པའི་གནད་དོན་དེའི་ཐོག་མི་ རྣམས་ཧ་ལས་རྒྱུ་འབྱུང་བའི་འཆམ་མཐུན་འོང་བ་དེ་ཤེས་ཐུབ།
 དངོས་གནས་ནོ་པེ་ ཨཱར་ཞི་བདེའི་བྱ་དགའ་ཇི་ལྟར་སྟེར་བའི་ཐད་དེ་འདྲའི་རང་རྐྱ་ཐུབ་པའི་རང་བཞིན་ ཞིག་མི་ལྡན་པའི་རྐྱེན་གྱིས། ནོ་པེ་ཨཱར་ཞི་བདེའི་བྱ་དགའ་དེ་ཡང་བསྐྱར་ཐེངས་ ཤིག་ལ་ནུབ་ཕྱོགས་སྲིད་ཚོང་པ་འགའ་རེའི་ལག་ཆ་ལྟ་བུར་གྱུར་པས། ཆབ་སྲིད་ལོག་ལམ་ ཐོག་ཇི་ཙམ་བསྐྱོད་ན་དེ་ཙམ་གྱིས་རིང་དུ་འགྲོ་སྲིད། །
 ལོ་ཙཱ་བ།  ཀླུ་བྱམས།