སྤོབས་པ་མཐའ་ཡས།
སྤྱིར་བཏང་འཆི་བ་ནི་འགྲོ་བ་ཀུན་གྱིས་གྱི་གདོང་ལེན་བྱ་དགོས་པའི་ཆོས་ཉིད་ཅིག་ཡིན་སྟབས་ངོས་ལེན་བྱེད་མི་ཐུབ་པ་ཞིག་མིན། དེར་བརྟེན་འཇིག་རྟེན་གྱི་ཆོས་ཉིད་ལ་གོ་རྟོགས་མཐོན་པོར་སླེབས་པ་ཚོར་མཚོན་ན་འཆི་བ་ལ་འཇིགས་པ་མེད། རྗེ་མི་ལས་ཀྱང་། ང་འཆི་བས་འཇིགས་ནས་རི་ལ་ཕྱིན། །ནམ་འཆི་ཆ་མེད་བསྒོམས་བསྒོམས་ནས། །འཆི་མེད་གཉུག་མའི་བཙན་ས་ཟིན། །ད་འཆི་བའི་འཇིགས་པ་བོར་ཏེ་ཐལ། །ཞེས་གསུངས་པ་ལྟ་བུ་ཡིན། མི་མང་པོ་ཞིག་གི་སེམས་ལ་འཆི་བ་ནི་ཆེས་འཇིགས་ཤིང་ཡིད་དུ་མི་འོངས་བས་འཆི་བ་ལ་འཇིགས་པར་རློམ་བཞིན་ཡོད་ཀྱང་ལེགས་པར་བརྟགས་ན་སེམས་མི་བདེ་བའི་ཚོར་སྣང་དེ་ཚེ་འདིའི་སྣང་བ་འགག་པ་དང་འཆི་ཁའི་གནད་གཅོད་ཁོ་ན་ལ་་འཇིགས་པ་མ་ཡིན་ཞིང་གསོན་པའི་མི་ཚེའི་རིན་ཐང་ལ་བསམ་ནས་འཆི་བ་ངོས་ལེན་བྱེད་མི་འདོད་པའི་ཚོར་སྣང་ངམ་ཕངས་སེམས་ཤིག་སླེབས་ཡོང་བ་དེ་ཡིན།
ངའི་ཕ་ཡུལ་ལ་མཚོན་ན་རྒྱལ་ཡོངས་ཀྱི་སྲོག་ཐོག་གི་ཁྲིམས་ཆད་ཕོག་ས་ཆེས་མང་བའི་ཡུལ་ཞིག་ཡིན་སྟབས་ངའི་རྫོང་གཅིག་པ་དང་། ངའི་ཤང་གཅིག་པ། ངའི་སྡེ་གྲོང་གཅིག་པ། ཐ་ན་ངའི་ཉེ་འབྲེལ་སོགས་ཀྱང་སྲོག་ཐོག་གི་ཉེས་ཆད་འོག་ལ་ལྷུང་བ་མང་པོ་བྱུང་མྱོང་ཡོད། དེ་ལ་མི་མང་པོ་ཞིག་གི་དོ་སྣང་སླེབས་ས་ཞིག་ཡོད། དེ་ནི་རྒྱ་བོད་མི་རིགས་གཉིས་ལ་ཆེས་མི་འདྲ་བ་ཞིག་ཡོད་པ་དེ་ནི་སྲོག་ཐོག་གི་ཆད་པ་ཕོག་སྐབས་འཇིགས་སྣང་ཡོད་མེད་དེ་ཡིན། རྒྱ་མི་ཉེས་ཅན་པ་དེ་ཚོ་སྲོག་ཐོག་གི་ཉེས་ཆད་གཅོད་རྒྱུར་ཉེ་བའི་དུས་སུ་ཟས་ཁར་མི་འགྲོ་བ་དང་། སེམས་པ་རྣལ་དུ་མི་གནས་པར་གྱུར་པ། བཤང་གཅི་རང་དབང་མེད་པར་འཆོར་བ་སོགས་དང་ཐ་ན་སྲོག་ཁྲིམས་གཅོད་ལ་ཉེ་སྐབས་རླངས་འཁོར་འབབ་འཛེགས་ཀྱང་མི་ཐུབ་པར་གཤེད་མ་ཚོས་དྲུད་ནས་འགྲོ་དགོས་པ་རྒྱུན་ལྡན་ཞིག་ཡིན། བོད་པ་ཚོ་དེ་ལས་ལྡོག་སྟེ་འཆི་བའི་ཉིན་མོ་དེར་ཡང་སེམས་ཐག་གཏིང་ནས་ཆོད་དེ་གདོང་འཛུལ་མོལ་ལེ་བའི་ངང་ནས་སྐད་ཆ་ཆ་གང་བཤད་རྒྱུན་ལྡན་ཡིན་ཐོག་ད་དུང་གསོན་པོ་ཚོས་ཁོའི་ཕྱོགས་ལ་སེམས་ཁྲལ་བྱེད་རྒྱུ་མེད་པ་དང་འཆི་བ་ནི་ཀུན་ལ་སྔ་ཕྱི་མེད་པར་སླེབས་ངེས་པས་ཡང་དག་པ་དམ་པའི་ཆོས་ཤིག་བསྒྲུབ་དགོས་པའི་ཁ་ཆེམས་འཇོག་ཁུལ་བྱེད་པ་སོགས་ལ་ཐོགས་པ་མེད། དེར་བརྟེན་ཕྱི་ནང་གི་མི་མང་པོར་ཡ་མཚན་གསང་བའི་ཚོར་སྣང་རེ་ཡང་དབང་མེད་དུ་སྟེར་བར་བྱེད་ཅིང་། ཕལ་མོ་ཆེས་དེ་ནི་ཆོས་ཀྱི་གོ་རྟོགས་ཤིག་དང་ནུས་པ་ཞིག་ལ་ངོས་འཛིན་པར་མཚུངས། ངས་ཀྱང་དེ་ནི་དཀོན་མཆོག་གསུམ་གྱི་བྱིན་མཐུ་དང་དམ་པ་ཆོས་ཕྱོགས་ཀྱི་གོ་རྟོགས་ཤིག་ལ་ངོས་བཟུང་ནས་སྤོབས་པ་སྐྱེས་ཁུལ་བྱས་པ་ཡིན།
དེང་དུས་སུ་རང་ཉིད་ཀྱང་ལོ་ན་ཡར་སླེབས་ནས་ཉམས་མྱོང་སྐྱེས་རིམ་བཞིན་འཆི་བའི་འཇིགས་པ་ཡོད་མེད་ལ་གོ་རྟོགས་གསར་པ་ཞིག་སྐྱེས་ནས་སྔོན་མའི་ངོས་འཛིན་དང་རྦད་དེ་ལྡོག་ཕྱོགས་སུ་གྱུར། དེ་ཡང་བོད་མི་ཉེས་ཅན་པ་སྲོག་ཐོག་གི་ཉེས་ཆད་ལ་འཇིགས་པ་མི་སྐྱེས་པ་དེ་ཡང་དམ་ཆོས་ཀྱི་གོ་རྟོགས་ལས་བྱུང་བའི་ཡང་དག་པའི་སྙིང་སྟོབས་ཤིག་མ་ཡིན་པར་མི་ཚེ་འདི་རིན་ཐང་གཞལ་དུ་མེད་པ་ཞིག་ཡིན་པ་ངོས་མ་ཟིན་པ་དང་། དེ་ལྟ་བུའི་རིན་ཐང་ཅན་གྱི་མི་ཚེ་དེ་ཉིད་བྱུར་པོ་ཆེར་གྱུར་ཏེ་རང་བྱུང་འཆི་བ་ལ་ཡང་སྒུག་ལོང་མ་བྱུང་བར་ཁྲིམས་གཅོད་གཤེད་མའི་མཚོན་འོག་ཏུ་འཆི་དགོས་བྱུང་བར་ཕངས་སེམས་ཙམ་ཡང་སྐྱེས་མ་ཤེས་པ་སྟེ་ཆེས་ཐ་ཤལ་དང་ཐབས་སྡུག་ཅིག་ཡིན་པར་ངོས་ཟིན་བྱུང་། ཆོས་ཀྱི་ལུགས་ལས་ཀྱང་འཆི་བ་ལ་མི་འཇིགས་པ་དེ་ཉམས་ལེན་གྱི་གནས་ཚད་མཐོན་པོ་ཚོར་མ་གཏོགས་མེད། གལ་སྲིད་བོད་མི་ཉེས་ཅན་དེ་ཚོར་འཆི་བ་ལ་མི་འཇིགས་པའི་གདེངས་སྤོབས་དེ་དམ་པ་ཆོས་ཀྱི་གོ་རྟོགས་ལས་བྱུང་བ་ཡིན་ན་དམ་པ་ཆོས་ཀྱི་བསྟན་དོན་གཙོ་བོ་སྟེ་དལ་འབྱོར་མི་ལུས་འདི་ཉིད་རང་གཞན་ལ་ཕན་པ་ཡོད་པའི་བྱ་བ་ཞིག་ལ་གཞོལ་དགོས་པ་དེ་ཡང་ངོས་ཟིན་ངེས་པས་ལམ་དེ་ལས་ལྡོག་སྟེ་ཁྲིམས་འགལ་གྱི་བྱ་བ་ཚབ་ཆེ་ཤོས་སྲོག་ཐོག་གི་ཉེས་ཆད་ཕོག་དགོས་པ་ཞིག་བསག་དོན་མེད། རྒྱ་མི་ཚོ་དེ་ལས་ལྡོག་སྟེ་འཆི་བ་ལ་མི་བཟོད་པའི་འཇིགས་པ་སྐྱེས་དོན་དེ་ཡང་ཁོང་ཚོ་ཕལ་མོ་ཆེ་ནི་སློབ་གྲྭ་འགྲིམས་མྱོང་བ་དང་ཤེས་ཡོན་གྱི་ཕྱོགས་ནས་སྤྱིའི་ཆ་ནས་ལྟོས་འཇོག་གིས་བོད་མི་ལས་གང་འཚམས་མཐོ་བ་ཡོད་སྟབས་ཉེས་པ་བསག་པའི་ཉིན་མོར་ངོས་མ་ཟིན་ན་ཡང་འཆི་བའི་ཉིན་མོར་རང་ཉིད་ཀྱི་མི་ཚེ་རིན་ཐང་ཅན་དེ་ཆུད་ཟོས་སུ་བཏང་བ་གསལ་པོར་ངོས་ཟིན་པ་ཙམ་ཞིག་ཡིན། སྲིད་པ་ཕྱི་མར་གདོང་ཕྱོགས་པའི་འཆི་བ་པོར་ལྟོས་ན་འཆི་བའི་ཉིན་མོར་འཇིགས་སྣང་ག་ཚོད་ཅིག་སྐྱེས་ཀྱང་ཕན་ཐོགས་མེད་ཀྱང་ཁོས་བཟོད་མི་ཐུབ་པའི་འཇིགས་སྣང་གི་རྣམ་འགྱུར་ཞིག་ཕྱིར་སྟོན་ཐུབ་པ་དེས་གསོན་པོ་ཚོར་ཚེ་སྲོག་གི་རིན་ཐང་དང་ཁྲིམས་འགལ་གྱི་ཉེས་པ་གསལ་པོར་སྟོན་ཐུབ་སྟབས་དེ་ཡང་མང་པོ་ཞིག་ལ་མི་ཚེའི་ལམ་སྟོན་དུ་གྱུར་ཐུབ་ཡོད།
དེ་ལྟར་བསམ་སྐབས་འཆི་བ་ལ་མི་འཇིགས་མཁན་ལ་རིགས་གཉིས་འདུག གཅིག་ནི་འཆི་བ་ཉམས་ལེན་དུ་འཁྱེར་ཤེས་པ་དང་། འཆི་བ་ལ་མི་འཇིགས་པ། འཆི་བ་ལ་མི་འགྱོད་པ་སྟེ་དམ་པ་ཆོས་ཀྱི་ཉམས་ལེན་དང་གོ་རྟོགས་ལས་བྱུང་བ་དང་ཅིག་ཤོས་ནི་དེ་ལས་ལྡོག་སྟེ་གསོན་པའི་དུས་རིང་དེར་མི་ལུས་ཀྱི་རིན་ཐང་དང་མི་ཚེ་ཡི་ལས་འགན་ངོས་མ་ཟིན་ཐོག་ཐ་ན་ཉེས་པ་བསག་པའི་མཐར་ཐུག་སྟེ་སྲོག་ཐོག་གི་ཉེས་པ་ཕོག་སྐབས་ད་དུང་ཡང་འགྱོད་པ་ཙམ་ཞིག་སྐྱེ་མི་ཤེས་པར་ད་དུང་གཞན་ལ་སློབ་གསོ་དང་ཁ་ཆེམས་འཇོག་ཁུལ་བྱེད་པ་སྟེ་ཆེས་ཐབས་སྡུག་གི་མཐར་ཐུག་པ་ཞིག་རེད། སྐུ་ཞབས་ཡེ་ཤེས་རྒྱ་མཚོ་འཆི་བ་ལ་འཇིགས་པ་སྐྱེས་འོངས་པ་དེ་ཡང་འཇིག་རྟེན་གྱི་གོ་རྟོགས་དང་མི་ཚེ་ཡི་རིན་ཐང་ལ་ངོས་འཛིན་ཟབ་མོ་ཞིག་སྐྱེས་རིམ་གྱིས་འཆི་བ་ལ་ཡང་ངོས་ལེན་བྱ་མི་ཐུབ་པའི་སྙིང་སྟོབས་ཤིག་སྟེ་དེས་མི་ཚེ་འདིར་རླབས་ཆེན་གྱི་བྱ་བཞག་ཅིག་བསྐྲུན་པར་སྐུལ་མ་དང་རམ་འདེགས་ནུས་པའི་སྟོབས་ཤུགས་ཤིག་ཏུ་འགྱུར་སྲིད།
འཆི་བ་ལ་འཇིགས་པ་སྐྱེས་པའི་མགོ་ཚུགས་པ་དེ་ཡང་སྙིང་སྟོབས་ཤིག་དང་གོ་རྟོགས་ཤིག་སྐྱེས་མགོ་ཚུགས་པ་ཡིན་པར་ངོས་ཟིན་དགོས། དེ་ལྟ་བུའི་སྙིང་སྟོབས་དང་གོ་རྟོགས་དེ་ལ་བརྟེན་ནས་གཟོད་འཆི་བ་ལམ་དུ་འཁྱེར་བ་དང་འཆི་བ་ལ་མི་འཇིགས་པ་དང་མི་འགྱོད་པའི་མི་ཚེའི་རིན་ཐང་དེ་རྙེད་ངེས་ཡིན། དེའི་དཔེ་མཚོན་གསལ་ཤོས་ཤིག་ནི། ཚན་རིག་པ་དང་བསམ་བློ་པ་ཚོས་གོ་ལ་གཞན་གྱི་སྲོག་ཆགས་རང་རེ་ལས་ནུས་ཤུགས་དང་ལག་རྩལ་ཆེ་བ་དག་འཇིག་རྟེན་འདིར་འོངས་ནས་གནོད་འཚེ་བྱེད་པར་འཇིགས་་བཞིན་ཡོད་ཀྱང་རང་རེ་ཐ་མལ་བ་དག་གིས་ལྟོ་མི་འགྲངས་བ་དང་རྒྱབ་མི་ཁེབས་པ་སོགས་ཆུང་ས་ཞིག་ལས་འཇིགས་སྣང་སྐྱེས་ས་མེད། དེ་བཞིན་རྨོངས་དད་དང་ཧོལ་རྒྱུགས་ལ་དགའ་བའི་འཇིགས་སྐུལ་རིང་ལུགས་པ་དག་བླུན་དྲགས་ནས་རྩ་ཆེ་བའི་མི་ལུས་དང་མི་ཚེ་དེ་ཉིད་བྱུར་པོ་ཆེའི་རང་བཞིན་དུ་བསྒྱུར་པ་དེ་ཡང་འཆི་བ་ལ་འཇིགས་མི་ཤེས་པའི་རྐྱེན་གྱིས་ཡིན། མིའི་གོ་རྟོགས་དང་ཉམས་མྱོང་གི་རིམ་པ་ཇི་ཙམ་ཡར་རྒྱས་ཕྱིན་པ་དེའི་ཚོད་ཀྱིས་འཇིགས་སྣང་སྐྱེ་བའི་ཡུལ་དེ་ཡང་འགྱུར་འགྲོ། སངས་རྒྱས་ཀྱིས་གནས་ལུགས་སྟོང་པ་ཉིད་ཀྱི་ཆོས་བསྟན་སྐབས་ཉན་ཐོས་རྣམས་ཀྱི་སྙིང་གས་པ་དང་ཁ་ནས་ཁྲག་བསྐྱུགས་ཏེ་ཤི་བ་དེ་ཡང་ཁོང་ཚོའི་གོ་རྟོགས་རིམ་པ་ཤིན་ཏུ་མཐོན་པོར་སོན་ཡོད་སྟབས་རེད། དེ་མིན་རང་རེ་ལྟ་བུའི་རྣ་བར་འབུམ་དུམ་པ་བཅུ་གཉིས་པོ་བསྒྲགས་ཀྱང་བ་སྤུའི་རྩེ་མོ་ཙམ་མི་གཡོ་བ་འདི་ཡང་ཐེག་པ་ཆེན་པོའི་རིགས་སུ་གྱུར་པས་ཡིན་མིན་མི་ཤེས་ཀྱང་གོ་རྟོགས་ཀྱི་རིམ་པ་དམའ་དྲགས་པས་དགའ་སྣང་འཇིགས་སྣང་གང་ཡང་སྐྱེས་མ་ཐུབ་པ་ཡིན་ངེས་རེད།
མདོར་བསྡུས་ན་ང་ཚོ་ཐ་མལ་པ་ཚོར་འཆི་བའི་འཇིགས་པའི་ཚོར་སྣང་དེ་ཙམ་མེད་པ་དང་ཀླུ་སྨྱོན་སྤྲུལ་སྐུ་ལ་འཆི་བའི་འཇིགས་པ་དེ་ཙམ་ཤུགས་ཆེན་པོ་ཞིག་ཡོད་པ་དེ་ཡང་གོ་རྟོགས་དང་ཉམས་ལེན་གྱི་རིམ་པ་མི་འདྲ་བས་རེད་ཅེས་ཤོད་བཞིན་ཡོད། ཁོ་བོས་འདི་མཆན་དུ་འགོད་གྲབས་བྱས་ཀྱང་མང་པོ་ཞིག་ཡོད་སྟབས་རྩོམ་གྱི་གྲས་སུ་བཏང་བ་ཡིན།
ཁྱོས་ཉ་ཉོག་མང་བོ་ཞིག་བཤད་ཁུལ་བྱས་པ་མ་གཏོགས་མདོ་དོན་ཡེ་ཤེས་ཡར་འགྱོག་ཞོར་བོད་མི་ཕལ་མོ་ཆེར་དམའ་འབེབས་གཏོང་འདོད་པ་འདི་རེད་འདུག་ག
གནའ་བོའི་བོད་ཀྱི་རྣལ་འབྱོར་བ་ཞིག་གིས། འཆི་བ་ཞེས་བྱ་རྣམ་རྟོག་སྟེ། །རྣལ་འབྱོར་འཚང་ཆུང་རྒྱ་བ་ཡིན། །ཞེས་གསུངས་འདུག་ཀྱང་། བདག་ལྟ་བུའི་ལྟོ་བརྒྱགས་ཉི་མ་དྲོ་ན་ཆོས་པའི་གཟུགས། །རྐྱེན་ངན་ཐོག་ཏུ་བབས་དུས་ཐ་མལ་བ། །ཡིན་པ་ཚོར་དེ་ཅིག་འཇིགས་ཡ།
མིན་ན་བྱ་བྱིའུ་འབའ་འབུ། ཤིག་དང་དུག་སྦྲང་། སྲིན་འབུ་མེ་འཁྱེར་ཡན་ཆད་ཞེ་སྣང་བྱེད་ཤེས་སར་བོད་མིས་མི་ཤེས་དོན་གང་ཡིན་ནམ། ཨ་་་ལས་ངན་པོ།
ཁྱི་ལུ་ཆ་ག་མི་བདེན་རྒྱུ་ཡོད་ཁུ་ན་སྡིག་པ་འཁུར་ནི། རྒད་སྡང་ཆ་ག་འཚོག་ས་ཟིག་ན་འཆི་རབས་ན་རབས་རེ་རྒྱུན་མི་འཆད་རེ། ཡིན་ནེ་ཇ་ཐུའུ་རེའི་མཚམས་ནས་དེ་ཆ་ག་ཅིག་ར་བ་ནི་མ་རེད། ནག་ཆག་ཟོའི་མགོ་ནས་དོ་ཡོང་ནེ་གཅར་དང་ངེ་ ར་ཟིལ་ལ་རེ་ཡས་ཅིག་ག་གཤར་འགྱོ
དཀོན་མཆོག་ཁྱེད་ཀྱིས་གཟབ་ཀྱིས་མ་གཏོགས་ཁྱོད་ཁ་བརྡར་ཞུགས་དོན་ཡང་ྐླུ་སྨྱོན་ལ་ཟུར་ཟ་བྱེད་ཆེད་ཙམ་ལས་གཞན་གང་ཡང་མིན་པ་ལྟ་བུ་ཞིག་ཏུ་འགྱུར་བཞིན་འདུག་ད། དེས་ྐླུ་སྨྱོན་ལ་ཅིག་གནོད་གི་ཡོད་མེད་མི་ཤེས། ཁྱོད་ཀྱིས་ྐླུ་སྨྱོན་དྲྭ་རྒྱ་འདི་ནས་ཡུལ་ཕུད་ནི་གཏོང་ཐུབ་མདོག་ཁ་པོ་མ་རེད། ཕལ་ཆེར་ཁོང་ལ་ཅིག་གནོད་གི་ཡོད་ཚོད་མ་རེད་རེ་ཁྱོད་རང་ལ་དེ་ཙམ་ཡག་པོ་ཡིན་རྒྱུ་མ་རེད་ད། དེ་ག་ཙམ་དུ་ལབ་པ་ཡིན། དགོང་དག
ང་ཚོའི་མགོན་པོ་ཕྱག་གཉིས་པ་འདི་ཁ་ཕོ་ཆེ་བ་མ་གཏོགས་སེམས་ཁོགས་ཧ་ཅང་གུ་དོག་ཅིག་ཡིན་པ་འདྲ། བར་སྐབས་ཞིག་ལ་ངས་ཁོའི་བླ་ཉམས་འདུག་ཐེངས་ཁ་ཤས་བརྗོད་པའི་རྗེས་ནས་མཐོང་རྒྱུ་མེད་པ་ཞིག་ཆགས་སོང་། ཁོའི་ཉལ་ཁང་ལ་གཅིག་ལྟོས་དང་། གཅིག་བྱས་ན་ཐུགས་དམ་ལ་བཞུགས་ཡོད་རྒྱུ་རེད་ད།
ཡ་སྤོབས་པ་མཐའ་ཡས། ང་ཐོན་ཡོད། ད་ཁྱོད་ཆི་ཟིག་བཤད་རྒྱུ་ཡོད། ད་རེས་ཡག་པོ་ཞིག་གི་སྐབས་ཁེལ་མ་སོང་། ང་སླེབས་པ་དང་ཏག་ཏག་ཁྱོད་ཀྱིས་ཆོས་ལུགས་ཕྱོགས་ཞེན་གྱིས་མཚོན་དོན་དངོས་པོའི་གནས་ལུགས་དང་རིང་དུ་བརྒལ་བའི་གཏམ་ཁོ་ན་བཤད་ནས་ཕྱི་རྒྱལ་བ་ཞིག་ལ་འདིའི་ནང་དོན་ངོ་སྤྲོད་བྱེད་དགོས་ན་ངོ་ཚ་དགོས་པའི་ཚད་དུ་སླེབས་འདུག
རྒྱ་ནག་ཚོ་འཆི་བ་ལ་སྐྲག་པ་དང་བོད་མི་ཚོ་འཆི་བ་ལ་མི་སྐྲག་ཟེར་བ་ལྟ་བུ་འདི་འདྲའི་ཕྱོགས་རིས་ཀྱི་སྐད་ཆ་ཞིག་ང་ལ་ཤོད་ཟེར་ཡང་བཤད་རྒྱུ་རྙེད་ས་མ་རེད། ཁྱེད་རང་གི་ཁ་དེ་ཕལ་ཆེར་འདི་འདྲ་རྐྱང་རྐྱང་བཤད་བཤད་ནས་གོམས་ཡོད་པས་ཡིན་རྒྱུ་རེད། རྒྱ་ནག་ནང་རྐུན་ཇག་དེ་ཚོ་གཞུང་གིས་གསོད་སྐབས་མང་པོ་ཞིག་ནས་མགོ་འཕངས་མཐོན་པོར་བཀྱགས་ནས་འཛུམ་དང་བཅས་འཆི་གི་མི་འདུག་གམ།
སྤྱིར་ནང་རིག་གཞུང་མི་འདྲ་བ་ལ་བརྟེན་ནས་འཆི་བ་ལ་ལྟ་སྟངས་ཡང་འདྲ་རྒྱུ་མ་རེད། ཡི་ཤེས་ཆོས་པ་འཆི་བ་ལ་འཇིགས་པ་མེད་པ་དེ་འདྲ་འགའ་རེའི་མིང་བསོད་རྒྱལ་རིན་པོ་ཆེའི་འཆི་གསོན་སྐོར་གྱི་དེབ་དེའི་ནང་ཡང་བཀོད་ཡོད་བསམ་སོང་། ཁ་ཆེའི་དྲག་སྤྱོད་པ་འཇིག་རྟེན་བཀོད་མཁན་གྱི་ལྷའམ་དཀོན་མཆོག་གཅིག་ལ་དད་མོས་བྱེད་མཁན་དེ་ཚོས་རང་ཉིད་དཀོན་མཆོག་གིས་སྐྱོབ་པའི་ཡིད་ཆེས་དང་བཅས་རྩ་ཆེ་བའི་གཅས་སྲོག་ཕངས་མེད་དུ་བཏང་བ་དེ་འདྲར་རྨོངས་བ་དང་ཧོལ་རྒྱུགས། འཆི་བ་ལ་འཇིགས་མི་ཤེས་པ་ཞེས་བྲིས། གཞན་ཀླུ་སྨྱོན་ལྟ་བུ་འཆི་བ་འཇིགས་ནས་ཉིན་མོ་སེམས་མ་བདེ་དགོངས་མོ་གཉིད་མ་ཁུག་པར་སྡོད་མཁན་འདི་འདྲར་གོ་རྟོགས་དང་ཉམས་ལེན་གྱི་རིམ་པ་མི་འདྲ་བ་རེད་ཟེར་ནས་ཕྱེ་གཏོར་བྱེད་པ་འདི་ལས་ལྷག་པའི་ངོ་ཚ་དགོས་པའི་དོན་དག་ཅིག་གང་ན་ཡོད།
རྟག་པར་འཆི་བ་མི་རྟག་པ་སྒོམ་བསྡད་ན་འཆི་བ་ལ་འཇིགས་སྐྲག་སྐྱེ་རྒྱུ་ཡིན་པ་དེ་ནི་སེམས་ཁམས་ཀྱི་གནས་སྟངས་ཕལ་བ་ཞིག་གི་ཐོག་ནས་འགྲེལ་བ་རྒྱག་ཐུབ་པའི་སྤྱིར་སྟངས་ཀྱི་གནས་ཚུལ་ཞིག་ཡིན་པ་ལས་དེ་ཉམས་ལེན་དང་རྟོགས་པ་མཐོན་པོར་སླེབས་པ་ཞིག་ཅི་ལ་དགོས། དེ་ནི་རྦད་དེ་བློ་གུ་དོག་ཅན་ཞིག་གིས་འཆི་བ་ལ་ལྟ་སྟངས་ནོར་བ་མ་ཟད་ལྟ་ཡུན་རིང་དྲགས་པ་རེད།
འཆི་བ་ལ་འཇིགས་ནས་འདར་མཁན་ཚོ་ཡང་འཆི་བ་ལ་འཇིགས་པ་རེད་ལ། འཆི་བ་ལ་མི་འཇིགས་ཟེར་ནས་འདུར་མཁན་ཚོ་ཡང་འཆི་བ་ལ་འཇིགས་པ་རེད།
ཨོ་ག་རེ་ཡིན་ན་ག་རེ་ཡིན། ཕྱག་གཉིས་པ་ཁྱོད་གསོན་པོར་སླེབས་སོང་བ་དེ་གས་འགྲིགས་སོང་། ངས་ཁྱོད་ཆོས་ཀྱི་དབྱིངས་སུ་ཐིམས་པ་རེད་མ་བསམ་མོད་ཁྱོད་ཀྱི་སེམས་ཤུགས་ཀྱིས་ཞིང་བརྗེས་སོང་བ་རེད་བསམ་བྱུང་། བོད་མི་སེམས་ཤུགས་ཅན་དང་ཤེས་ཡོན་ཅན་དེ་ཚོའི་སེམས་ཤུགས་ཀྱིས་ཞིང་བརྗེ་འགྲོ་གི་འདུག ང་ཚོས་འཆི་བའི་སྐོར་གླེང་སྐབས་ངས་ཁྱོད་དྲན་དགོས་ཡང་དེ་རེད། ང་ཚོས་བཤད་རྒྱུ་གཞན་མ་རྙེད་ནས་འདི་ལྟ་བུ་རེ་གླེང་ནས་བསྡད་ཡོད།
གཏམ་བརྗོད་རང་དབང་མེད་པའི་མི་ཞིག་ཡིན་ཕྱིན་ཁ་བཙུམ་ན་དགའ་གི་རེད། ཡེ་ཤེས་དང་ཁྱེད་གཉིས་མི་གཅིག་ཡིན་གཉིས་ཡིན། ཁྱོད་ང་ལ་ངོ་མི་ཚ་ཡང་ང་ཁྱོད་ལ་ངོ་ཚ། ད་རུང་མཁས་བཤད་འདྲ་རྒྱག་ཁ་བྱེད་ཀྱི་ཡོད་རེད། སྐྱག་པ་སྐམ་པོ་འདྲ་ཅིག
ཨོ་ད་ཡིན་ན་ཨོ་ཙམ་འདུག་ད། ཕྱག་གཉིས་པའི་སྔོན་གྱི་གཟི་བརྗིད་དེ་ཕལ་ཆེར་ཕྱིར་སླེབས་འདུག དགའ་བསུ་ཞུ། དགའ་བསུ་ཞུ།
རང་ཉིད་གཅིག་པོ་གློག་ཀླད་ཀྱི་གམ་ནས་འཇམ་ཅག་གེར་ལས་ཀ་ལ་བྲེལ་ནས་བསྡད་དུས་མཚམས་ལན་རེར་ཁ་བརྡ་ཚང་ལ་ཡོང་འདོད་ཆེ་གི
དེ་ནི་མ་གཞི་དུངས་ཞེན་ཞིག་གིས་རེད། བོད་སྐད་ཡིག་ལ་དུངས་པའི་རྐྱེན་གྱིས་རེད། ཡིན་ན་འང་ཁ་བརྡ་ཚང་ལ་ཁ་བྲལ་དུས་ང་རང་གཞི་ནས་འགྱོད་པ་ཞིག་གིས་དེད་ནས་ཡོང་གི། དེ་ནི་ཁ་བརྡའི་ནང་ཁ་འཛིང་བྱེད་རྒྱུར་དགའ་བ་དང་ལྷག་པར་དུ་མཆན་བུ་འདོགས་མཁན་རྣམ་གྱིས་རྩོམ་ཡིག་ལ་ཞིབ་དཔྱོད་མི་བྱེད་པར་ཧོལ་རྒྱུག་དང་ཧམ་བཤད་བྱེད་རྒྱུར་དགའ་བ་སོགས་རེད། ད་དུང་ཁོ་ཚོས་སྐད་ཆ་ལྗིད་ཁོག་ཅན་དང་བསམ་བློའི་བློ་འབྱེད་སྐོར་བཤད་མི་ཤེས་པའམ་ཡང་ན་བཤད་རྒྱུར་གོམས་མེད་པས་རྐྱེན་གྱིས་མཚམས་རེར་རང་ཉིད་འདིའི་ཁོར་ཡུག་ཏུ་ཡོང་བའང་འགྱོད་དགོས་པའི་ཚོར་རླབས་མང་བོ་ཡོང་གི་འདུག འདི་ནི་ངས་ངལ་གསོའི་གསོལ་ཇ་གང་གི་ཚབ་ཏུ་ཁ་བརྡ་ཚང་ལ་སོང་བའི་རྗེས་ཀྱི་དཀའ་ངལ་རེད།
མི་དང་མིའི་སེམས་ཁམས་ལ་བསམ་བློ་གཏོང་ཤེས་མཁན་ཞིག་ཡིན་ཚེ་རྗེས་ཕྱོགས་ཐུགས་འཛེམ་གནང་རོགས། ང་ལྟ་བུའི་མི་བུ་ཉམ་ཆུང་ཚོ་ལ་ཐུགས་རྗེ་གནང་རོགས། ང་ལྟ་བུའི་བོད་མི་རྗེས་ལུས་ཚོ་ལ་ཕྱིར་མིག་གནང་རོགས།
ངས་ཁྱེད་ཚོར་རེ་བ་ཞུ་བཞིན་པ་ནི་སྐད་ཆ་ལྗིད་ཁོག་ཅན་དང་བསམ་བློ་གཏོང་རན་ཡོད་པའི་སྐོར་ཤོད་ཟེར་གྱིན་ཡོད།
འགྱོད་པ་སྐྱེ་ན་འདིར་མ་ཡོང་།
ཁ་འཛིངས་བྱེད་མི་ཐུབ་ན་འདིར་མ་ཡོང་།
ཁ་རྡུང་གཟེད་མི་ཐུབ་ན་འདིར་མ་ཡོང་།
ཁོག་རྒྱ་མེད་ན་འདིར་མ་ཡོང་།
ཉི་མ་མི་ཆོད་ན་འདིར་ཤོག
ཁ་བཙོག་བཤད་ན་འདིར་ཤོག
སྨྱོ་སྤྱོད་འཁྲབ་ན་འདིར་ཤོག