–གཙང་མེ་ལྕེ
མེས་པོའི་ཁང་རྙིང་དེ་ལ།།
ཤིང་གི་སྐས་དེས་རན་ཡང་།།
ཐེམ་སྐས་དགུ་པའི་རྩེ་ནས།།
ཁ་ཏྭའི་སྒྲ་དེས་གཟན་བྱུང་།།
ཁ་ཏྭའི་སྙིང་ལ་རྒྱབ་པའི།།
མདའ་མོ་གཟུར་བྱུང་མ་ཟེར།།
མདའ་ཁ་ཕྱིར་ལ་ཕྱུང་དུས།།
ཁྲག་གི་ཐིགས་པ་འཛར་བྱུང་།།
ཚོན་སྣ་ཁྲག་ལ་སྦྱང་ཞིང་།།
པིར་གྱིས་ཡར་ལ་འགྲེང་སྟེ།།
མཛུབ་མོའི་ནན་གྱིས་བྲིས་ན།།
མཛེས་རིས་མངོན་པར་རིག་འགྲོ།
གདོད་མའི་ཁང་རྙིང་དེ་ལ།།
སྒོ་དང་སྒེའུ་ཁུང་ཆུང་བས།།
ཡབ་ཆེན་འདས་པོ་ཞིག་གིས།།
གནམ་གྱི་སྒོ་ཞིག་བཟོས་བྱུང་།།
གནམ་གྱི་སྒོ་མོ་ཡངས་པས།།
ཟླ་བའི་མཛེས་པ་མངོན་བྱུང།།
བསིལ་ལྡན་ཟླ་བ་ལྷ་མོའི།།
འཛུམ་གྱི་བཞིན་དེ་མངོན་བྱུང་།།
ཁ་མཚར་ནག་པོའི་རྩོམ་ཐབས་སྤྱད་ནས་བོད་གནས་ཚད་འདིར་སྐྱེལ་མཁན་ཚོར་ཤགས་འགྱེད་གནང་པ་ཡག་བྱུང་། མར་ཀེ་སི་རིང་ལུགས་པ་ཡིན་ཟེར་མཁན་དག་ལ་ལྷག་ཏུ་ཕོག་སྲིད།