ཁ་ན་ཊའི་ནུབ་རྒྱུད་དུ་ཆགས་ཡོད་པའི་སྦིར་ཊེ་ཞཱི་ཁཱོ་ལུམ་སྦི་ཡ་(British Columbia)མངའ་སྡེའི་ནང་གནས་སྡོད་སྦི་སི་བོད་མིའི་རིག་གཞུང་ཚོགས་པས་འབྲེལ་ཡོད་ལས་ཁུངས་ལ་འབྲེལ་ལམ་ཞུས་པ་བརྒྱུད། ད་ལོའི་རྒྱལ་སྟོན་དུས་ཆེན་གྱི་རྔམ་སྟོན་རུ་སྒྲིག་ནང་བོད་མི་རྣམས་ཀྱིས་ཐོག་མའི་མཉམ་ཞུགས་ཀྱི་ཆ་ཤས་བླངས་ཡོད།
ཁ་ན་ཊའི་གྲོང་ཁྱེར་ཁག་དང་ས་གནས་ཁག་ན་གདོད་མའི་མི་རིགས་ཀྱི་འཚོ་གནས་དང་སེམས་ཁམས། གཞན་ཡང་དད་མོས་སོགས་དང་འབྲེལ་བའི་སྒྱུ་རྩལ་རིག་གནས་ནི་རྒྱལ་ཁབ་ཀྱི་མཚོན་རྟགས་རིག་གནས་ལྟ་བུར་བེད་སྤྱོད་བྱས་ཡོད་པ་མཐོང་རྒྱུ་ཡོད། དེ་ནི་རྒྱལ་ཁབ་ཀྱི་རིག་གཞུང་གི་ཆ་ཤས་གལ་ཆེན་ཞིག་ཏུའང་ངོས་འཛིན་བྱེད་ཀྱི་འདུག ཕྱོགས་གཞན་ཞིག་ནས་བཤད་ན། རྒྱལ་ཁབ་འདི་ནི་མི་རིགས་སྣ་ཚོགས་འདུས་སྡོད་དང་འབྲེལ་ནས་རིག་གཞུང་སྣེ་མང་གི་ཁྱད་ཆོས་ལྡན་པ་ཞིག་ཀྱང་ཡིན་པ་དེ་ཡང་རྒྱལ་ཁབ་འདིའི་ཁྱད་ཆོས་གཙོ་བོ་ཞིག་ཏུ་ངོས་འཛིན་བྱེད་ཀྱིན་འདུག
རྒྱལ་ཁབ་འདིར་གནའ་བོའི་གདོད་མའི་མི་རིགས་དང་། ཡུ་རོབ་དང་ཨེ་ཤ་ཡ་སོགས་ཀྱི་རྒྱལ་ཁབ་དང་ཡུལ་ལུང་འདྲ་མིན་ནས་མི་རིགས་སྣ་ཚོགས་ཤིག་ཡུལ་འདིར་སྐྱབས་བཅོལ་དུ་སླེབས་ནས་རིམ་བཞིན་རིག་གཞུང་སྣེ་མང་དར་ཡུལ་དང་། མི་རིགས་སྣ་ཚོགས་འཚོ་སྡོད་བྱེད་སའི་རྒྱལ་ཁབ་ཅིག་ཏུ་གྱུར་ཡོད་ཅེས་རྒྱལ་ཁབ་ཀྱི་ལོ་རྒྱུས་ནང་གསལ།
སྤྱི་ལོ་ ༡༨༦༧ ལོའི་ཟླ་ ༧ ཚེས་ ༡ ཉིན་ཁ་ན་ཊ་དབུ་བརྙེས། དེ་ནས་བཟུང་ལོ་རེའི་ཕྱི་ཟླ་བདུན་པའི་ཚེས་གཅིག་ཉིན་དེར་རྒྱལ་ཁབ་ཀྱི་འཁྲུངས་སྐར་སྲུང་བརྩི་བྱེད་ཀྱི་ཡོད་པ་དང་། ད་ལོ་ནི་རྒྱལ་ཁབ་དབུ་བརྙེས་ནས་བགྲང་བྱ་བརྒྱ་དང་ལྔ་བདུ་འཁོར་ཡོད་པ་རེད། རྒྱལ་སྟོན་དུས་ཆེན་སྲུང་བརྩིའི་ཆ་ཤས་གལ་ཆེ་གྲས་ཤིག་ལ། མི་རིགས་སྣ་ཚོགས་དང་རིག་གཞུང་སྣ་ཚོགས་མཉམ་གནས་དང་། རང་དབང་ངང་འཕེལ་རྒྱས་ཀྱི་རྣམ་པ་མཚོན་ཆེད་མངའ་སྡེ་ཁག་ཏུ་མི་རིགས་སྣ་ཚོགས་ཀྱིས་རང་རང་གི་རིག་གཞུང་མཚོན་པའི་རུ་སྒྲིག་རྔམ་བརྗིད་དང་ལྡན་པ་སྤེལ་སྲོལ་ཡོད། འདི་ནི་རྒྱལ་ཁབ་ཀྱི་རྒྱལ་ས་དང་། མངའ་སྡེ་ཁག་གི་རྒྱལ་ས། གྲོང་ཁྱེར་ཆེ་ཁག་བཅས་སུ་ཡོངས་ཁྱབ་ལྟ་བུར་སྤེལ་གྱི་ཡོད་པའི་མཛད་སྒོ་ཞིག་ཀྱང་རེད
།
ཁ་ན་ཊའི་ནུབ་རྒྱུད་དུ་ཆགས་ཡོད་པའི་སྦིར་ཊེ་ཞཱི་ཁཱོ་ལུམ་སྦི་ཡ་(British Columbia)མངའ་སྡེའི་ནང་གནས་སྡོད་སྦི་སི་བོད་མིའི་རིག་གཞུང་ཚོགས་པས་འབྲེལ་ཡོད་ལས་ཁུངས་ལ་འབྲེལ་ལམ་ཞུས་པ་བརྒྱུད། ད་ལོའི་རྒྱལ་སྟོན་དུས་ཆེན་གྱི་རྔམ་སྟོན་རུ་སྒྲིག་ནང་ཐོག་མར་འཛུལ་ཞུགས་བྱས་ཡོད།
ད་རེས་ཀྱི་རྔམ་སྟོན་རུ་སྒྲིག་ནང་ཞུགས་པའི་སྐབས་སུ། བོད་མིའི་བླ་ན་མེད་པའི་དབུ་ཁྲིད་སྐྱབས་མགོན་༸གོང་ས་ཡིད་བཞིན་ནོར་བུའི་སྐུ་པར་མཐོང་གྲོལ་རིན་པོ་ཆེ་གདན་ཞུ་དང་། བོད་ཀྱི་རྒྱལ་དར། ནང་པའི་ཆོས་དར། ཁ་ན་ཊའི་རྒྱལ་དར་བཅས་འཁྱེར་ཞིང་། འབུལ་རྡུང་རོལ་དབྱངས། མི་གྲངས་རྒྱས་བཅད་ཀྱི་གྲངས་ཚད་མི་འགྲོ་དག་གིས་བོད་ཀྱི་སྲོལ་རྒྱུན་གཟབ་འཆོར་སྤྲས་པ། དེ་ཡང་སེར་མོ་བ་རྣམ་པས་ཆོས་ཕྱོགས་ཀྱི་རིག་གནས་དང་། སྐྱ་བོ་ཕོ་མོ་དག་གིས་སྐྱ་བོའི་རིག་གནས་མཚོན་པར་བྱས་པའི་རུ་སྒྲིག་ལ་ས་གནས་མི་མང་དང་གསར་འགྱུར་བརྒྱུད་ལམ་ཁག་གིས་དོ་སྣང་ཆེན་པོ་བྱས་སོང་བའི་གསར་གནས་སུ།
གསར་གནས་མཁོ་འདོན་གནང་མཁནཿ སྦི་སི་བོད་མིའི་རིག་གཞུང་ཚོགས་པ།
རྒྱལ་ཁབ་རེ་ལ་ལམ་ལུགས་རེ་།
སྤྱི་ཚོགས་རེ་ལ་འཕེལ་རིམ་རེ་།
བླ་མ་རེ་ལ་ཆོས་ལུགས་རེ་།
དཔོན་པོ་རེ་ལ་ཁྲིམས་ལུགས་རེ་།
དགེ་རྒན་རེ་ལ་སློབ་ལུགས་རེ་།
སློབ་ཕྲུག་རེ་ལ་སྦྱངས་ལུགས་རེ་།
དམག་དཔོན་རེ་ལ་དམག་ཇུས་རེ་།
རྟ་ཕོ་རེ་ལ་རྒྱུགས་ལུགས་རེ་།