སྣྲོན་ངག་ཁྲི།
དབྱངས་ཨ་ངེས་པའི་བྱ་དཀའ་བས་འདོམས་པ།
ཁ་བརྡ་གནས་ན་ཁ་བ་ཅན་ལ་ཕན།།
ཁ་ན་ཉམས་ན་གངས་ཅན་སྐད་བརྡ་ཕམ།།
ཁ་བརྡས་བཟང་ངན་སྣ་མང་ཐང་ལ་བཀྲམ།།
ཁ་བརྡས་གཞན་ཕན་བསམ་པ་བྲང་ཁར་ཉར།།
ཁ་བརྡས་སྙན་ངག་མང་དག་རྣ་བར་བཀླགས།།
ཁ་བརྡས་གཏམ་ངན་ཕྲ་རགས་ཐང་མར་བརྡལ།།
ཁ་བརྡས་གད་པ་མང་དག་བླ་མར་མངགས།།
ཁ་བརྡས་སྐད་མང་ཤན་སྦྱར་དང་བས་བླངས།།
ཁ་བརྡས་རྣམ་མང་གནད་ལ་བརྟག་ནས་གདའ།།
ཁ་བརྡས་ཐ་མལ་མང་དག་ན་ཚ་བསླངས།།
ཁ་བརྡས་རགས་བཤད་ཁ་སྐད་གཏམ་ངན་སྨྲ།།
ཁ་བརྡས་ཕལ་པ་རྣམས་ལ་ལམ་བཟང་བསྟན།།
ཁ་བརྡས་གང་བཟང་གནས་ལ་ཡར་རྒྱས་བཏང་།།
ཁ་བརྡས་གང་དགའ་གང་མང་བརྩམ་བྱར་གདམས།།
ཁ་བརྡས་རང་སར་ཆགས་ནས་གཞན་འགའ་སྤངས།།
ཁ་བརྡས་ལྷག་བསམ་ཅན་ལ་ཡང་དག་བསྔགས།།
ཁ་བརྡ་དཔའ་མཛངས་ལྡན་ལ་སྡར་མའང་འདྲ།།
ཁ་བརྡ་དྲན་པ་གསལ་ལ་བརླགས་པར་སྔ།།
ཁ་བརྡ་རང་གཞན་རྣམས་ལ་ལྷག་པར་རན།།
ཞེས་བྱ་བ་ནི་གང་དྲན་དུ་བཀོལ་བ་ཙམ་མོ།།
མི་རིགས་སྐད་ཡིག་ལྟ་སྤྱོད་གང་ནས་ཀྱང་། །
མཚུངས་པ་མེད་པའི་མི་ཡུལ་ས་མཐར་འདིར། །
ཆུང་ནས་སྦྱངས་པའི་ཕ་མེས་སྐད་ཡིག་རྣམས། །
རེ་ཞིག་རྗེད་ངད་རྐུན་པོས་བཅོམ་པ་ན། །
མེས་པོའི་བློ་ཅན་རང་རིགས་ལ་རྒྱ་ཡིས། །
ཕྱུག་པའི་ཕོ་རྒོད་དཔུང་གིས་ཁ་བརྡའི་དྲ། །
དེང་རབས་འཕྲུལ་གྱི་ལམ་དུ་བསྐྲུན་པ་ལས། །
ཁོ་བོར་སླར་ཡང་རེ་བའི་མིག་གསར་སྦྱིན། །
ཁ་བྱང་ཁ་བརྡ་བཏགས་པ་མང་ན་ཡང་།།
ཡང་དག་ཁ་བརྡ་ཁ་བ་ཅན་ལ་ཕན།།
ཁ་ཏྭ་ཨག་སྐད་རྒྱག་ལ་དགའ་བ་ཙམ།།
ང་འདྲ་ཁ་བརྡ་དྲ་རྒྱ་ནང་ལ་དགྲ།
སྡོམ་ཚིགས་ཟེར་ན་ཅི་རེད།
དངོས་གནས་ཡག་པོ་བྲིས་འདུག
ཁ་བརྡ་དྲ་བར་ཁ་བརྡ་མང་ན་ཡང་།།
ཁ་ལ་ཕན་པའི་ཁ་བརྡ་ཉུང་བར་དོགས།།
ཁ་ནས་ཁ་སྤོབས་ང་ཡིན་ཁོ་ཡིན་ཆེ།།
ཁ་ལ་གོམས་ཀྱང་ལག་ཏུ་ལེན་པའི་ཚེ།།
ཁ་དང་ལག་པ་ཁ་ཁ་སོ་སོ་རེད།།
ཁ་དང་ཡིག་ནོར་གང་མང་གང་འགྲན་རེད།།
ཁ་ཡི་སོ་ཤད་ཁ་སྐད་ལོག་སྐད་རེད།།
ཁ་ལ་མི་འཛའ་ཁ་ཉོག་འདི་ཚོ་ཀུན།།
ཁ་ལ་ཉན་ན་རྒྱལ་པོའི་གསེར་མཁར་བཞེངས།།
ཁ་དང་བྲལ་ན་ནོར་བ་དྲྭར་མི་ཤོངས།།
ཁ་བཏགས་ཤིག་གི་ཚུལ་བཟུང་ནས།།
ཁ་བརྡ་དྲ་བ་འདི་ནས་འགྲོ་རོགས་གྱིས།།
ཁ་བརྡ་འདིས་ལོ་ངོ་ཁ་ཤས་ནང་།།
ཁ་བདེ་ཚོ་ལག་བདེར་བཏང་དང་ཐལ།།
ཁ་བརྡ་འདིས་བོད་ཡིག་འབྲི་མཁན་གྱི།།
ཁ་དབང་འདི་ཇེ་ཆེར་བཏང་དང་ཐལ།།
ཁ་བརྡ་འདིས་ཁ་རྒྱགས་བཤད་མཁན་འགའ།།
ཁ་མ་ནས་ཐང་ལ་བསྒྱེལ་དང་ཐལ།།
ཁ་བརྡ་འདིས་ཁ་ལས་དར་མཁན་ཚོ།།
ཁ་བདེ་ཚོའི་དབུ་ལ་བཀོད་དང་ཐལ།།
ཁ་བརྡ་འདིས་དྲ་འབུ་སྐོར་ལོག་ཚོ།།
ཁ་བརྡ་ནས་སྨྱུག་མཚང་བསྟན་དང་ཐལ།།
ཁ་བརྡ་སླེབས་པས་རྒན་གཞོན་མང་པོ་ཞིག།
ཁ་བརྡའི་གད་རྩར་ཉི་མ་ལྡེ་རྒྱུ་བྱུང་།།
ཁ་མཚར་ཀུ་རེའི་ཀློང་ལ་འཛུལ་རྒྱུ་བྱུང་།།
ཁ་བའི་རིག་གཞུང་གླེང་བའི་སོ་མཚམས་ནས།།
ཁ་མིན་དོན་ལ་གཞོལ་བའི་སྡེ་ཞིག་སྤེལ།།
ཁ་བརྡ་དྲ་བའི་བདག་པོ་ཚང་མ་ལ།།
ཁ་མིན་དོན་གྱི་ཐུགས་རྗེ་ལན་བརྒྱར་འབུལ།
ཁ་ལས་རླུང་རྟ་སྔོན་ལས་དར་བ་དང་།།
ཁ་རྗེ་དབང་ཐང་ཡར་ལ་འཕེལ་བ་ཡི།
ཁ་མིན་སེམས་ཀྱི་བཀྲ་ཤིས་ཁ་གཡང་འབུལ།།
ཁ་བརྡ་དྲ་བའི་ངོས་ཀྱི་དྲ་འབུ་དང་།།
ཁ་ཁོག་མེད་པར་དངོས་མིང་སྤྱོད་པ་ཡི།།
ཁ་བརྡའི་དྲ་པ་ཚང་མས་ཡར་སེམས་སྐྱེད།།
ཁ་བརྡ་འདི་ཀོ་དོན་གྱི་ཁ་བརྡ་ཞིག།
ཁ་བ་ཅན་གྱི་རིག་གཞུང་ཆབ་སྲིད་ལ།།
ཁ་ཙམ་མིན་པའི་ཞབས་འདེགས་སྒྲུབ་པ་ལ།།
ཁ་མ་མེད་པའི་ཁ་བརྡ་ཉུང་ཉུང་མཛོད།།
ཁ་བརྡ་ཚང་གི་གཙང་པོའི་བཞུར་རྒྱུན་འདི།།
ཁ་བའི་རིག་གནས་རྒྱ་མཚོའི་ཀློང་འདྲེས་ནས།།
ཁ་བ་ཅན་ལ་སྲི་ཞུ་ཐེག་པར་སྨོན།།
ཁ་ནས་བཤད་རྒྱུ་ལས་གཞན་མི་འཇོན་པའི། །
ཁ་བའི་ལྗོངས་གི་མི་རྣམས་ད་ཅི་བྱ། །
ཁ་བརྡ་ཚང་ཡོད་ན་རེད།
ལག་ལེན་ཚང་མེད་ན་དེ་འདྲའི་མགོ་ལུས་ཚང་མོ་ཞིག་མ་རེད།
མི་ལོ་ཆི་མོ་ཞིག་འགོར་ནི་ན་མི་ཤེས་རེད།
ལག་ལེན་ཚང་ཕེབས་པར་དགའ་བསུ་ཞུ།
མཁྱེན་ཡངས་དྲྭ་གྲོགས་ལྷན་རྒྱས་ཀྱིས་རྩོམ་ལུས་ཅི་རིག་པའི་སྒོ་ནས་ཁ་སྣོན་དང་།
དགོངས་འཆར། སྐྱོན་བརྗོད། ཡོ་བསྲངས། བསྔགས་བརྗོད་སོགས་གནང་བར་བཀའ་དྲིན་ཆེ་ཞེས་ཐོག་མར་འཚམས་འདྲིའི་དོད་དུ་ཞུ་བ་ལགས་སོ།
སྡོམ་ཚིགས་ཞེས་པ་བསྡོམས་ཚིག་དང་དོན་གཅིག་ཡིན་པའི་ཁུལ་ཡིན་ཡང་།
དེ་ལྟར་མིང་ཚིག་དེ་བཀོལ་ཆོག་མིན་མི་ཤེས་མོད།འོན་ཀྱང་སྐབས་འགར་བྱ་
ཚིག་འགའ་ཞིག་མིང་ཚིག་ཏུ་བཀོལ་སྤྱོད་བྱེད་པའི་ཚེ་དུས་ད་ལྟ་བ་འབྲི་བའི་སྲོལ་
ཞིག་འདུག་པས། ཁྱབ་པ་མེད་ནའང།ཁོ་བོས་འོལ་ཚོད་ཀྱིས་བསྡོམས་ཞེས་པའི་དུས་འདས་པ་སྟོན་བྱེད་ཀྱི་ཚིག་དེ་ཉིད། སྡོམ་ཞེས་དུས་ད་ལྟ་བ་དང་། ཚིགས་ཞེས་པ་ནི་གཏན་ཚིགས་ཏེ་ཡིད་རྟོན་རུང་བའི་
ཚིག་གམ་རྒྱུ་མཚན་དང་གནད་འགག་གི་དོན་ཡིན་པས།
སྡོམ་ཚིགས་ཞེས་པ་ནི་བསྡོམས་ཚིག་ཅེས་པའི་དོན་ལས་ཅུང་ཟད་གོ་རྒྱུ་ཆེ་བའི་ཁུལ་
ཡིན་ཡང་། དེ་ལྟར་འབྲི་སྲོལ་མེད་ན་འཕྲལ་དུ་དོར་ནའང་འགྲིག་ངེས་ཡིན་
ལགས། འབའ་སྲས་མཚན་ཅན་དང་དགོངས་ཚུལ་མཐུན་པ་ལྷན་རྒྱས་ལ་ཚིག་ཉུང་ཉུང་གིས་དོན་
རྣམས་མཇུག་བསྡོམས་རྒྱབ་པའི་ཁུལ་ཡིན་པས་གལ་སྲིད་ནོར་ཡོད་ན།དགོངས་འགལ་མེད་པ་མཁྱེན་མཁྱེན།ཞེས་ནན་དུ་ཞུ་བར་ངེས་སོ།
གང་དག་གདམས་ངག་སྨྲ་ལ་མཁས་རྣམ་པས།།
བདག་འདྲས་སྨྲས་ལ་བཟང་ཆ་བྲལ་ན་ཡང་།།
བརྩམ་བྱར་བརྟག་ནས་མཆན་མང་གནང་བ་ལ།།
ལྷག་བསམ་དག་པས་ཡང་ཡང་བསྔགས་ན་སྙམ།།
ཁ་ཁར་ཁ་སྐད་ཁ་མཁས་ངག །
ཁ་ཡར་ཁ་གསལ་ཁ་མངར་བ། །
ཁ་གཏམ་ཁ་མཆམ་ཁ་མཆན་འགའ། །
ཁ་བརྡར་ཁ་ཏ་ཁག་མང་བཏབ། །
ཁ་འཇམ་ཁ་ནས་ཁ་མཁས་ཁ།།
ཁ་ནས་ཁ་བ་ཅན་ལ་མཁར།
ཁ་སྒང་ལགས་དང་མཁས་མང་ཁས།།
ཁ་བ་གངས་ཅན་ཁ་དན་གདམས།།
ཁ་བ་ཅན་ལ་ཁ་བརྡ་ཁྱད་པར་འཕགས།།
ཁ་བརྡས་རང་དབང་སྤྲད་པ་སྐལ་བ་བཟང་།།
ཁ་བརྡ་དལ་ན་བརྡར་ཤ་གཅད་པ་དཀའ།།
ཁ་བརྡས་སྐྲག་ན་ལྟས་ངན་ནང་ནས་ཤར།།
འབའ་སྲས་ང་རང་སྙན་ངག་དགའ།།
ང་དང་སྙན་ངག་ནམ་ཡང་རྒྱལ།།
ཁ་སྒང་བསམ་གཏན་ཁ་བརྡར་དགའ།།
ཁ་བརྡ་དྲ་བ་ནམ་ཡང་རྒྱལ།།
འདི་ཡང་དབྱངས་ཨ་ལ་ངེས་པའི་རང་སྒྲོག་ཙམ་མོ།།
ཆང་དང་ཐ་མག་བཅད་པ་དང་།།
ལས་ཀ་མང་བས་ངལ་བ་ན།།
བྱ་དཀའ་སྙན་ངག་དཀའ་ན་ཡང་།།
ཁ་སྒང་ཁ་ནས་བཟང་ངན་མང་།།
སྙན་ངག་ཐང་མར་བརྡལ་བར་དགའ། །
ཉལ་ན་ལངས་ན་བྷ་ག་དྲན། །
ཁ་བརྡ་དྲ་བར་ནམ་ཡང་སྣང་། །
ང་རང་སྨག་ནག་སྐར་མ་འདྲ། །
དྲ་བདག་ལགས། ད་ལྟའི་ཆར་ཁ་བརྡའི་དྲ་ཚིགས་སུ་གླ་ཡོད་ཁྱབ་བསྒྲགས་ཞེས་པ་ཞིག་འདུག དྲ་སྒོ་གཅིག་གམ། ཡང་ན་གནས་ཚུལ་རིགས་ཁྱབ་བསྒྲགས་བྱེད་པར་རིན་གོང་ཇི་ལྟར་ལེན་གི་ཡོད།
ཁ་ནས་བཟང་བ་རྐྱང་རྐྱང་བཤད་ན་ཡང་།།
ལག་པས་ལས་ངན་རྐྱང་རྐྱང་བསགས་པ་ན།།
འབྲས་ངན་རྐྱང་རྐྱང་རང་ལ་ལྡན་པ་ཡང་།།
རྒྱལ་བ་སྲས་དང་བཅས་པས་ཡང་ཡང་བསྒྲགས།།
ཁ་སྣ་བར་ནས་གསང་པ་བྱས་ན་ཡང་།།
དཔྱད་མ་ཐག་ལ་ཐམས་ཅད་ལྷང་ལྷང་གསལ།།
ཐ་མལ་ཚད་མས་མ་བརྟག་བྱ་བ་དག།
ས་བླ་དག་ན་བཙལ་ན་ཅང་མ་ལགས།།
བསམ་པ་ནང་ལ་ཤར་པ་ངན་རྐྱང་རྐྱང་།།
ཁ་ནས་བཤད་པ་ཚང་མ་བཟང་རྐྱང་རྐྱང་།།
ལ་ལས་ཁ་དང་བསམ་པ་ཁ་ཁར་ལྡན།།
ཁ་བ་ཅན་ལ་ཧ་ཅང་མང་མང་འདྲ།།
བསམ་པ་བཟང་བ་བླ་མ་བཟང་བས་བྱས།།
བསམ་པ་ངན་པ་རང་ལ་སྔར་ནས་ལྡན།།
ད་ལྟ་བླ་མ་ཞལ་ལས་གདམས་ངག་དག།
ཡང་ཡང་གནང་པས་བདག་ཅག་བསྐལ་བ་བཟང་།།
མཁའ་ཁྱབ་ས་དང་ནམ་མཁའ་བར་དག་ན།།
དབྱངས་དག་ཨ་ལྡན་བརྩམ་རྩལ་འགྲན་བསམ་ན།།
དབྱངས་ཅན་ངག་ལ་དབང་བ་བདག་འདྲ་བ།།
ད་ལྟ་གངས་ཅན་པ་ལ་གང་ནས་བཙལ།།
ཁ་བརྡ་མེད་ན་གསར་འབྱོར་དྲ་རྒྱར་འཛུལ་ས་མེད།
གཞོན་ནུ་ཟླ་མེད་ཤུལ་རྟིང་མཐོ་དྲག་ནས།།
འདི་ན་བཙན་གྱིས་བསྒྲིགས་པའི་ཚིག་རྐང་ཞིག།
སེམས་པའི་ནང་ལ་ཤར་ཡ་ཡོད་པ་ལས།།
བསམ་པ་ནང་ལ་ཤར་འདི་ཡ་རེ་མཚན།།
(བསམ་པ་ནང་ལ་ཤར་པ་ངན་རྐྱང་རྐྱང་།།)
མ་ཁོག་ལ་བུ་ཤོང་ན། ཁྱོའི་ཁོག་ལ་ཀུ་རེ་འདྲ་ལོས་ཤོང་བསམ།
གཞོན་ནུ་ལགས་སྐུ་རྩེད་ཡིན།
གནམ་ལགས། སྡེ་ཚན་འདི་ལ་དབྱངས་བཞི་མེད་པའི་ཡི་གེ་རྐྱང་པ་འབྲི་དགོ་ནི་རེད་ཀོ ཡང་ཁྱོས་དབྱངས་བྲིས་ན་དབྱངས་ཨར་ངེས་པ་མ་རེད། ཀུ་རེ་མ་དགོས་རྡོ་ཡང་ཤོང་པའི་ངའི་ཁོག་པའི་ཕ་མཐའ་ནི། མིག་སྟོང་ལྡན་པས་ཀྱང་རིག་གི་མེད་ཡ།
ཁ་མིག་ཡར་ལྟ་བྱེད་སའི་རྩོམ་པ་པོ།།
དེ་འདྲའི་ཚིག་རྩལ་སྒྲིག་རྩལ་ང་ལ་མེད།།
ཐུགས་རྒྱ་དེ་འདྲ་ཆེ་བ་ངོ་མ་བཟང་།།
དྲ་འབུའི་སྐྱེ་བ་བླངས་བ་ང་ཡི་ལས།།
མཁས་བྲལ་འཚངས་པ་མང་དག་དང་།།
ཁ་བརྡར་མཆན་མཁན་ངར་མ་གང་།།
ཁ་བ་ཅན་ན་སྙན་གྲགས་ལྡན།།
ཟླ་བྲལ་མཚན་ཅན་སྤྱན་བརྒྱད་དང་།།
ལ་དྭགས་པ་དང་དྲྭ་བདག་བཅས།།
གདམས་ངག་མངའ་བ་ཐམས་ཅད་ལ།།
ཨ་དབྱངས་སྙན་དངགས་རྩ་རལ་གང་།།
མཁས་དབང་དམ་པར་ཡང་དག་བསྔགས།།
ཁ་བརྡ་དྲ་བར་ཁ་བཤད་མང་། །
ཁ་ངན་ཁ་ཡག་བསྟར་ལ་བཞད། །
ཁ་ནས་གང་བཤད་བསམ་ལས་བྱུང་། །
ཁ་གཏམ་དབྱངས་གསལ་སྐད་དུ་སྤྱད། །
ངག་ཁྲི་སྨྲ་ལྕེ་ཅན་པོ་སྨྲ་ལྕེ་བདེ་ཙམ་རེད། །
ངག་ལ་དབྱངས་ཅན་བཞུགས་པ་མ་ཡིན་ནམ། །
ངག་ནས་གཞུང་ལུགས་དགོངས་བཅུད་གླེང་ཚུལ་ལ། །
ངག་ལ་རེ་ཞིག་རང་དབང་ཐོབ་པར་སེམས། །
མཁས་དབང་མཚན་ཅན་མཐའ་དག་དང་།།
དྲ་བདག་མཆན་ཞབས་བཅས་རྣམས་ལ།།
ནམ་ཡང་ལྷག་བསམ་རྣམ་དག་ངང་།།
གཏམ་འཆལ་སྨྲས་རྣམས་ཡང་ཡང་བཤགས།
ཁ་བརྡ་དྲ་བས་འ་ཅག་གངས་ཅན་པར། །
ཁ་ལ་ཕ་སྐད་སྨྲ་བར་ཕན་ན་ཡང་། །
ཁ་དང་བསམ་པར་ལྟས་ངན་འབྱར་བ་འགས། །
ཁ་བརྡ་ཚང་ལ་གཏམ་ངན་རྐྱང་རྐྱང་སྨྲ། །
ཁ་བརྡ་དྲ་བར་ཁ་འཆམ་གནང་ས་ལས། །
ཁ་ངན་གཏམ་ངན་སྨྲ་ས་མ་ལགས་ན། །
ཁ་བརྡ་དགའ་བ་འ་ཅག་ཚང་མས་ཀྱང་། །
ཁ་བརྡ་མ་ཉམས་ཡར་རྒྱས་འབད་པར་མཚལ། །
རྒན་ལ་དྭགས་མཆོག་གིས་དགོངས་ཚུལ་ཞིག
རབ་གསལ་གྱི་ལན་འདེབས་རྒྱུ་མཚན་བཅས།།
དུས་མི་འགྱངས་འཕྲལ་མར་མྱུར་སྩལ་ཏེ།།
གུས་རྨོངས་པའི་གཉིད་ལས་དཀྲོག་ཏུ་གསོལ།།
སྙན་རྩོམ་དབང་པོ་སྣྲོན་ངག་ཁྲིའི།
དྲི་བ་མཛད་ཅིང་ལན་སློང་བ།
བོད་སྤྱིའི་སྐད་ལ་ཕན་རེ་ནས།
གཤམ་གསལ་ཚིག་རྣམས་སྡེབས་པར་སྤྲོ།།
སྩལ་ཏེ་ཞེས་པར་ལྷག་བཅས་སྒྲར།
འདས་ཚིག་བཀོད་པ་ལེགས་པར་དག
ལྷག་བཅས་སྒྲ་ལ་འདས་ཚིག་དགོད།
ལེགས་སྦྱར་བཞིན་མཛད་ཡིན་ཤས་ཆེ།།
ལེགས་སྦྱར་སྐད་དུ་ལྷག་བཅས་མིང་།
འདས་པའི་དུས་ཅན་བྱེད་མཐར་འབོད།
སྩོལ་བའི་འདས་ལ་བ་སྔོན་འཇུག
བཀའ་བསྟན་གསུང་འབུམ་རྣམས་ན་མེད།།
དེ་བཞིན་དག་ཡིག་ཟ་མ་ཏོག
ངག་གི་སྒྲོན་མ་དག་ནའང་མེད།
འོན་ཀྱང་བཀའ་བསྟན་ཡི་གེ་འགྲོས།
མ་གཟིགས་བ་ཡིས་སྔོན་འཇུག་ནོར།།
འོན་ཀྱང་མཁས་དབང་འགའ་ཞིག་དང་།
ཚིག་མཛོད་སོགས་ན་བ་སྔོན་འཇུག
ཡོད་པ་དག་ལ་ཚད་འཛིན་ན།
གངས་ཅན་ཡི་གེ་འཆོལ་བར་འགྱུར།།
སྐྱར་ཞུ། སྩེལ་ཞེས་པ་སེལ་བའི་བརྡ་རྙིང་ཡིན་པ་ལི་ཤི་གུར་ཁང་ན་གསལ། དེ་ཡི་འདས་ཚིག་ལ་བསྩལ་ཅེས་སྡེ་དགེ་བཀའ་འགྱུར་ན་ཡོད་པ་ཉེ་དུས་མཐོང་བ་ཡིད་ལ་དྲན་ནོ།།
ལ་དྭགས་མཚན་ཅན་མཆན་ཞབས་པས།།
བཀའ་བསྟན་ཚད་མར་མཛད་པས་ན།།
བདག་ཀྱང་རངས་ནས་རབ་བརྟག་མཐར།།
ཆ་ཙམ་འགལ་བ་བྲལ་བར་སྙམ།།