མི་རྐང་གླིང་བུ།
བཀའ་ཁྲི་འདེམས་པ་གཟའ་འཁོར་གཅིག་ལས་མེད་པའི་སྐབས་སུ་ངའི་བཀའ་ཁྲི་ལ་འགྱུར་བ་འགྲོ་མ་སོང་། སྤྱིར་ན་བཀའ་བློན་དང་སྤྱི་མཐུས་དེ་དག་སུ་དང་གང་ལ་འོས་ཤོག་བླུགས་མིན་དེ་རང་གི་འདོད་པ་ཁོ་ནས་ཐག་གཅོད་ཆོག་པ་ཞིག་རེད། ད་རེས་བློ་བཟང་སེང་གེ་བཀའ་བློན་ཁྲི་པ་འདེམས་ཐོན་བྱུང་བ་ཡིན་ན་བོད་ཀྱི་གནད་དོན་འབྲེལ་བའི་དཀའ་རྙོག་ཚང་མ་ཐག་ཆོད་རྒྱུ་རེད་ཟེར་བཤད་མི་ཐུབ་སྟེ་ལས་ཀ་ཕལ་མོ་ཆེ་གཞོག་གཞན་ལ་བལྟོས་ནས་བསྡད་ཡོད་པས་སོ། འོན་ཀྱང་གནད་དོན་འགའ་ཞིག་ལ་ལན་ནན་པོ་ཞིག་དང་མིག་དཔེ་བཟང་པོ་འགའ་ཞིག་སྟོན་རྒྱུ་རེད་བསམ།
༡༽ གོང་ས་རྒྱལ་བ་རིན་པོ་ཆེ་གཙོས་པའི་བོད་མི་ཕལ་མོ་ཆེས་དཀའ་བློན་ཁྲི་པ་དེ་ན་གཞོན་ཤེས་ཡོན་ཅན་གྱི་སྐྱ་བོ་ཞིག་གི་ལག་པར་སླེབས་ན་སྙམ་པའི་ཐུགས་རེ་ཡོད་པའང་ཁོང་ལ་ཚང་བ།
༢༽བོད་ཀྱི་གནད་དོན་འཐབ་རྩོད་འདི་ཏཱ་ལའི་བླ་མ་གཙོས་པའི་བཙན་བྱོལ་ནང་གི་རྒན་རབས་འགའ་ཞིག་བསམ་ཚུལ་ཙམ་ལས་དེ་དག་འདས་གྲོངས་སུ་སོང་རྗེས་རང་བཞིན་གྱིས་བོད་དོན་འདི་ཉིད་འཛམ་བུ་གླིང་འདིར་གཏན་མེད་དུ་ཆགས་རྒྱུ་ཡིན་པའི་ཚོད་དཔག་ལ་ལན་ཐེབས་པ།
༣༽སྐྱབས་བཅོལ་ནང་དུ་མི་ལོ་བཞི་བཅུ་ལྷག་གི་ཡུན་དུ་བོད་གཞུང་དམངས་གཉིས་ནས་འབད་འབུངས་ཡུན་རིང་བྱས་ཀྱང་ཤེས་ཡོན་དང་སྤོབས་པ་ཅན་གྱི་རང་རིགས་ཀྱི་རྒྱུན་འཛིན་ཕྱི་མ་ཞིག་ད་ལྟ་འཛམ་བུ་གླིང་འདིར་སྟོན་རྒྱུ་མེད་པའི་འཇིགས་དངངས་ལ་ལན་ཐེབས་པ།
༤༽དེ་རིང་བློ་བཟང་སེང་གེ་དངོས་སུ་བཀའ་བློན་ཁྲི་པར་འདེམས་ཐོན་བྱུང་བ་ཡིན་ན་ནམ་རྒྱུན་སྤྱི་ཚོགས་ཀྱི་ནང་དུ་བོད་པ་ནང་ཁུལ་དུ་ཆོལ་ཁ་དང་ཆོས་ལུགས་ཀྱི་ཕྱོགས་ཞེན་གྱིས་རྩ་དོན་ལ་རྡོག་རྩ་གཅིག་སྒྲིལ་མེད་པའི་བཤད་ཡམས་ལ་ལན་ཐེབས་པ་མ་ཟད་ལྷག་པར་དུ་ཆོལ་ཁ་དང་ཆོས་ལུགས་ཀྱི་མི་འབོར་མང་ཉུང་གིས་བཀའ་བློན་ཁྲི་པའི་མཚན་གནས་རྗེས་སུ་འགྲོ་ལྡོག་མ་ཤོར་བར་མི་མང་གོ་རྟོགས་གང་ལེགས་ཡོད་པ་དང་། དོན་དག་གལ་བོ་ཆེར་ཐུག་ན་བོད་པ་རྣམས་དངུལ་དང་། ཐོབ་ཐང་གྱིས་བསླུ་བྲིད་བྱེད་མི་ཐུབ་པའི་མང་གཙོའི་བེད་སྤྱོད་ཚད་ལྡན་འབྱུང་བཞིན་ཡོད་པར་གསལ་སྟོན་བྱས་པ།
༥༽ བཙན་བྱོལ་ནང་དུ་སྐྱེས་ནས་འཚར་ལོངས་བྱུང་བའི་ན་གཞོན་རྣམས་བོད་ཀྱི་གནམ་ས་མི་གསུམ་མ་མཐོང་ཞིང་བོད་ཡུལ་གྱི་འཚོ་བ་དངོས་ལ་རྒྱུས་ལོན་མེད་པས་བོད་དོན་དང་ལ་རྒྱ་ལ་དེ་ཙམ་གདེངས་འཇོག་མེད་པའི་ལྟ་ཚུལ་དང་བཤད་ཚུལ་ལ་ལན་འདེབས་ནན་པོ་བྱས་པ།
༦༽བཙན་བྱོལ་སྤྱི་ཚོགས་ནང་གི་ན་གཞོན་དེ་དག་ཨ་རི་སོགས་འཛམ་གླིང་ཡར་ཐོན་ཅན་གྱི་རྒྱལ་ཁབ་ཞིག་ཏུ་སླེབས་ན་རང་གི་ནང་མི་དང་ཉེ་འབྲེལ་གྱི་ཆེད་དུ་དངུལ་དངོས་ཁོ་ན་མགོ་བོ་འཁོར་ནས་སྡོད་པ་ལས་བོད་ཀྱི་རྩ་དོན་ལ་ལག་པ་འཆང་མཁན་མེད་པའི་ལྟ་ཚུལ་དང་བཤད་ཚུལ་རྣམས་ལ་དགག་པ་ཚ་ནན་རྒྱབ་པ།
༧༽ ལྷག་པར་ཨ་རི་ནང་དུ་བཙན་ས་ཟིན་པའི་ན་གཞོན་ཞིག་མི་ཚེ་སྐྱིད་པོ་གཏོང་སྟེ་དེངས་རབས་ཀྱི་འཚོ་བ་བསྐྱལ་ནས་མི་སྡོད་པར་བོད་ཀྱི་རྩ་དོན་གྱི་ཆེད་དུ་རྒྱ་གར་གྱི་ཡུལ་དུ་སླར་ཡར་ལས་ཀ་དངོས་སུ་བྱེད་པ་འདིས་མ་འོངས་པའི་མི་རབས་གསར་པ་ལ་མིག་དཔེ་ཡང་དག་ཅིག་བསྟན་པ།
༨༽ བོད་རྒྱ་གཉིས་ཀྱི་དཀའ་རྙོག་འདི་སེལ་བ་ལ་དམག་དཔུང་མང་ཉུང་དང་། མཚོན་ཆ་བཟང་ཞན་ལ་བལྟ་རྒྱུ་མ་ཡིན་པར། དྲང་བདེན་ཁྲིམས་ཀྱི་ཐོག་ནས་ཐག་ཆོད་དགོས་དུས་བློ་སེང་གི་ཆེད་སྦྱོང་སློབ་ཚན་ལ་འབྲེལ་བ་དམ་པོ་ཡོད་པས་ཁྲིམས་ཀྱི་ཤེས་ཡོན་འདིས་ད་ལྟའི་བོད་རྒྱའི་ཞི་མོལ་གྱི་སྐབས་སུ་རྒྱལ་སྤྱི་ཁྲིམས་ཀྱི་སྒྲོམ་གཞི་དང་མཐུན་པའི་ཆ་རྐྱེན་གང་ལེགས་འཛོམས་པའི་མི་སྣ་ཡིན་པ།
༩༽ དེ་སྔ་བོད་ཀྱི་བཀའ་བློན་ཁྲི་གདན་ཟུར་སོགས་བོད་ཀྱི་ལས་གནས་གལ་ཆེན་མང་པོ་བཟུང་ནས་རང་གི་ལེགས་སྐྱེས་བོད་མི་རིགས་ཀྱི་ཆེད་དུ་ཕུལ་ཟིན་པ་ཁུ་བ་ཕྱུངས་པའི་ཇ་རོ་ལྟ་བུ་མ་ཡིན་པར་སྙིང་སྟོབས་དང་སྤོབས་པས་ཕྱུག་པའི་གཞོན་སྐྱེས་ཞིག་བཀའ་ཁྲིར་སླེབས་ན་འཛམ་གླིང་མི་མང་གིས་དོ་སྣང་དང་། གདེངས་འཇོག་ངེས་ཅན་ཡོང་བ། བོད་གཞིས་བྱེས་གཉིས་སུ་སེམས་ཤུགས་འཕར་བའི་ཆ་རྐྱེན་དུ་འགྲོ་ངེས་ཡིན་པ།
༡༠༽ སྤྱི་ཚོགས་ཀྱི་ནང་དུ་སློབ་གྲྭ་འགྲིམས་ཤིང་ཤེས་ཡོན་ཚད་ལྡན་ཡོད་པའི་མི་སྣ་རྣམས་ལམ་ཁ་མ་བཀག་པར་རང་གི་སྙིང་སྟོབས་དང་སྤོབས་པ་མཚུངས་པའི་ལས་གནས་ཕུལ་ན་ན་གཞོན་རྣམས་བོད་ཀྱི་ལས་ཀ་ལ་སྤྲོ་བ་ཡོང་བ་དང་། མི་རབས་གསར་རྙིང་བར་དུ་དམ་ཚིག་རྡོག་རྩ་གཅིག་སྒྲིལ་ཡོང་བའི་འགག་རྩ་ཡོད་པ་བཅས་ཞིབ་ཕྲ་བསམ་ན་གནད་འགག་མང་པོ་ཞིག་འདུག་ཀྱང་རགས་བསྡུས་བྱས་ན་དོན་ཚན་བཅུ་ཡི་ཐོག་ཏུ་ཡོང་གི་འདུག
རྒྱུ་མཚན་དེ་ལྟར་བས་ན་ངའི་བཀའ་ཁྲི་དེ་བློ་བཟང་སེང་གེ་ཁོང་ཉིད་གདམས་རྒྱུ་ཡིན། དེང་སང་སྐད་ཆ་ཕྱེད་བདེན་ལ་ཕྱེད་མི་བདེན་པ་མང་པོ་ཞིག་བཤད་བཞིན་འདུག་པས་བོད་མི་རྣམས་ཀྱི་རང་གི་མང་གཙོ་ཁེ་དབང་དེ་གཞན་གྱི་དབང་འོག་དང་གཡོ་སྒྱུའི་དྲ་བར་མ་ཚུད་པར་རེམ།
དངོས་གནས་རེད།
ང་ཡང་བདེན་པའི་རྒྱབ་ལང་ཞུ་གི་ཡིན།
ད་ལྟའི་བཀའ་ཁྲི་མཆོག་་ནས་བཙན་བྱོལ་གཞུང་ནང་རུལ་སུངས་ཐེལ་འདོན་གནང་ནས་ཟུང་ང་ཚོ་ལ་བློ་གྲོས་ཀྱི་མིག་ཟུང་སྔར་དང་མ་འདྲ་བ་ཡོད། མཐོང་ཐོས་དོགས་གསུམ་ཡོད་པའི་རྐུན་མ་སྐབས་འཚོལ་རིང་ལུགས་ལ་མཐའ་གཅིག་ཏུ་ངོ་རྒོལ་ཡོད། རང་གི་ནང་མིའི་ཆེད་དུ་གཞུང་དང་མི་དམངས་བློས་བཏང་བ་དང་།
ཁོ་རང་གླ་ཕོག་དང་། ཁོ་རང་དང་ཁོའི་ནང་མིའི་མཐུན་རྐྱེན་རྒྱས་སྤྲོས་དང་བསྡུར་ན་འདབས་འབུམ་ཕྲག་ལྷག་པའི་ཆ་མི་གཉམ་པ་དངོས་མཐོང་རེད། དེ་འདྲའི་མཐུན་རྐྱེན་དངུལ་གང་ནས་བྱུང་བ་རེད།
བོད་ཀྱི་དཀའ་ངལ་དང་ཆབ་སྲིད་ཀྱི་གནད་དོན་གང་ལ་ཐུག་ཡོད་པ་ཤེས་བཞིན་དུ་ཁྱད་བསོད་དང་སྐབས་འཚོལ་དང་མགོ་བསྐོར་གྱི་ཁྱབ་བསྒྲགས་གནང་བ་ནི། ཁོ་རང་གི་རང་བཞིན་འམ་མེ་གཤིས་ངོ་སྤྲོད་བྱེད་པ་མཚོན་ཡོད། ད་ལན་བཀའ་ཁྲི་སུ་ལ་ཐོབ་ན་བོད་པའི་དམིགས་ཡུལ་འགྲུབ་དཀའ་ན་ཡང་། བདེན་པའི་རྒྱབ་ལངས་ནི་ང་ཚོའི་ལས་འགན་ཡིན་པས་མཁས་དབང་ཁྱད་ཆོས་བཅུ་ལྡན་སེང་གེ་ལ་འབུལ་བ་ཤིན་ཏུ་འོས།
ཁྱད་ཆོས་བཅུ་འདི་རྨོངས་པ་ལ་མགོ་བསྐོར་གཏོང་བྱེད་ལས་ཕན་གང་ཡང་ཐོགས་ཀྱི་མ་རེད། ད་ཆ་བོང་བུ་དོན་པ་ལ་བཀྲིས་བདེ་ལེགས་ཞུ།
དྲ་གྲོགས་མི་རྐང་གླིང་བུ་ལགས་སྐུ་ཁམས་བཟང་།
ཁྱེད་ཀྱི་རྩོམ་ཡིག་འདི་དོན་དངོས་རྒྱང་ཐག་རིང་བའི་ཚོར་སྣང་ཞིག་བྱུང་བས་གུས་པས་གསལ་བཤད་བྱ་རྒྱུ་ཡིན།
དུམ་བུ་དང་པོར།
༸རྒྱལ་བ་རིན་པོ་ཆེས་བཀའ་ཁྲིའི་འོས་མི་གསུམ་པོ་སུ་ལའང་ཐུགས་རེ་དང་དམིགས་བཙུགས་གནང་གི་མེད་ཚུལ་གང་ཉིད་ཀྱིས་སྔ་ལོ་གདན་ས་སེ་རའི་ཚོགས་ཆེན་འདུ་ཁང་ནང་གསལ་པོ་གསུངས་པ་དེས།ཁྱེད་འདྲ་བའི་༸རྒྱལ་བ་རིན་པོ་ཆེའི་མཚན་བེད་སྤྱོད་བྱས་ནས་འོས་ཤོག་རེག་ཐབས་བྱེད་མཁན་རྣམས་ཀྱི་སྐྱག་རྫུན་གྱི་ཕུགས་བརྡོལ་བ་རེད།དེ་ན་ཁྱེད་རང་གི་རྒྱུ་མཚན་འདྲེན་སྟངས་དེ་འདྲའི་གླེན་རྟགས་ཚ་བ་ལ་ཨང་།
༢༽དུམ་བུ་གཉིས་པར།
༼བོད་ཀྱི་གནད་དོན་འཐབ་རྩོད་འདི་ཏཱ་ལའི་བླ་མ་གཙོས་པའི་བཙན་བྱོལ་ནང་གི་རྒན་རབས་འགའ་ཞིག་བསམ་ཚུལ་ཙམ་ལས་དེ་དག་འདས་གྲོངས་སུ་སོང་རྗེས་རང་བཞིན་གྱིས་བོད་དོན་འདི་ཉིད་འཛམ་བུ་གླིང་འདིར་གཏན་མེད་དུ་ཆགས་རྒྱུ་ཡིན་པའི་ཚོད་དཔག་ལ་ལན་ཐེབས་པ་༽ཞེས་བརྗོད་འདུག་ཀྱང་།དེ་འདྲའི་ཚོད་དཔག་ལོག་པ་དེ་འདྲ་བྱེད་མཁན་རྒྱ་དམར་མ་གཏོགས་མེད་ཅིང་།ཚོད་དཔག་དེ་དག་ལ་བརྡ་ལན་སྤྲོད་མཁན་ཤེས་འབྱོན་གཉིས་ལྡན་གྱི་གཞིས་བྱེས་བོད་རིགས་གཞོན་སྐྱེས་ཁྲི་ཕྲག་མང་པོ་ཐོན་ཞིན་ཡོད་པས།ཁྱེད་ཀྱིས་གཡག་ཞར་བས་རྩ་བཟས་པ་ནང་བཞིན་ཕྱོགས་གཅིག་མ་གཏོགས་མཐོང་བ་ནི་ཡ་མཚན་རེད།
༣༽དུམ་བུ་གསུམ་པར།
དུམ་གཉིས་པའི་ནང་ཁྱེད་ཀྱིས་༼སྐྱབས་བཅོལ་ནང་དུ་མི་ལོ་བཞི་བཅུ་ལྷག་གི་ཡུན་དུ་བོད་གཞུང་དམངས་གཉིས་ནས་འབད་འབུངས་ཡུན་རིང་བྱས་ཀྱང་ཤེས་ཡོན་དང་སྤོབས་པ་ཅན་གྱི་རང་རིགས་ཀྱི་རྒྱུན་འཛིན་ཕྱི་མ་ཞིག་ད་ལྟ་འཛམ་བུ་གླིང་འདིར་སྟོན་རྒྱུ་མེད་པའི་འཇིགས་དངངས་ལ་ལན་ཐེབས་པ་༽ཞེས་བརྗོད་པའི་སྙད་ཚིག་དེ་ནི།བཙན་བྱོལ་ནང་གི་གཞོན་སྐྱེས་ཤེས་འཇོན་གཉིས་ལྡན་ཁྲི་ཕྲག་རྒལ་བ་ཡོད་པ་རྣམས་ལ་མཐོང་ཆུང་དང་།སྙད་དམོད་དྲག་པོ་བྱས་པ་ཞིག་དང་།
ལྷག་པར་༸གོང་ས་མཆོག་དང་བཙན་བྱོལ་བོད་གཞུང་གིས་གསོ་སྐྱོང་གནང་བའི་གཞོན་སྐྱེས་མི་རབས་གསར་པ་མང་པོ་ཞིག་གིས་བཙན་བྱོལ་གྱི་གྲོས་ཚོགས་དང་།འཛིན་སྐྱོང་གཞུང་འབྲེལ་མིན་པའི་ཚོགས་པ།རིག་གཞུང་གི་སྡེ་ཚན་མང་པོ་ནང་རྐང་འཛིན་མི་སྣའི་ལས་དོན་བསྒྲུབས་དང་སྒྲུབ་མུས་ཡིན་པ་རྣམས་ལ་༼ཤེས་ཡོན་དང་སྤོབས་པ་༽མེད་ཚུལ་གྱི་བསྐུར་འདེབས་དང་།ཁྱད་སོད་ཆེན་པོ་བྱས་པ་ཞིག་རེད།དེར་ང་ཚོས་ངོས་ལེན་དུས་ནམ་ཡང་བྱེད་སྲིད་ཀྱི་མ་རེད།
༤༽དུམ་བུ་བཞི་པ།
དུམ་བུ་འདིའི་ནང་ཆོལ་ཁ་དང་ཆོས་ལུགས་ཀྱི་ཕྱོགས་ཞེན་གྱི་རྡོག་རྩ་ཆིག་སྒྲིལ་མེད་པའི་བཤད་ཡམས་ལ་ལན་ཐེབས་ཞེས་བོད་མིའི་ཆིག་སྒྲིལ་ལ་སེམས་འཁུར་ཆེ་ཚུལ་གྱི་བརྗོད་འདུག་ཀྱང་།དོན་དངོས་ཐོག་དེ་སྔ་༢༠༠༡ལོར་རྒྱལ་གཅེས་ལྷག་བསམ་གྱི་ཕྱུག་པའི་དབུས་གཙང་མི་མང་གིས་ད་ལྟའི་བཀའ་ཁྲི་ཟམ་གདོང་རིན་པོ་ཆེའི་ཆོལ་ཁའི་ཐོབ་ཁུངས་ལ་མ་བལྟས་པར་རྒྱབ་སྐྱོར་ཤུགས་ཆེན་གྱི་ཁོང་བཀའ་ཁྲིར་ཐེངས་གཉིས་འོས་འདེམས་བྱུང་བ་དེས་མི་མང་གྲངས་མང་ཉུང་གི་ཆོལ་ཁའི་གནད་དོན་ལ་ལན་འདེབས་གསལ་པོ་བྱས་ཟིན་པ་རེད།
འོན་ཀྱང་བློ་ཕམ་པ་ཞིག་ད་ཐེངས་ཀྱི་འོས་བསྡུའི་ནང་གདན་སའི་ཆོས་ལུགས་པ་གྲངས་ཉུང་གི་ཐོག་ནས་ཞེན་འཁོག་གི་མྱུ་གུ་གསར་པ་ཞིག་རྒྱས་ཡོང་བ་དེ་ནི་ང་ཚོའི་སྤྱི་ཚོགས་ནང་ཉེན་ཁ་གསར་པ་ཞིག་སླེབས་ཀྱང་།དེའི་སྐོར་ཁྱེད་ཀྱིས་མ་བརྗོད་པར་གཡོལ་གང་ཐུབ་བྱེད་དོན་ཅི།དེང་སྐབས་གདན་ས་ཁག་ལ་༼འོས་ཤོག་མཛོད་༽ཅེས་ཟུར་ཟ་ཡང་བྱེད་བཞིན་འདུག་པ་ཁྱེད་ཀྱིས་མ་ཚོར་རམ།
༥༽ དུམ་བུ་ལྔ་པར།
དུམ་བུ་ལྔ་པའི་ནང་ཁྱེད་ཀྱིས་༼བཙན་བྱོལ་ནང་དུ་སྐྱེས་ནས་འཚར་ལོངས་བྱུང་བའི་ན་གཞོན་རྣམས་བོད་ཀྱི་གནམ་ས་མི་གསུམ་མ་མཐོང་ཞིང་བོད་ཡུལ་གྱི་འཚོ་བ་དངོས་ལ་རྒྱུས་ལོན་མེད་པས་བོད་དོན་དང་ལ་རྒྱ་ལ་དེ་ཙམ་གདེངས་འཇོག་མེད་པའི་ལྟ་ཚུལ་དང་བཤད་ཚུལ་ལ་ལན་འདེབས་ནན་པོ་བྱས་༽ཞེས་བྲིས་འདུག་ཀྱང་།ལྟ་ཚུལ་དེ་དག་ཕྱོགས་ལྷུང་གི་བསམ་པས་ཀུན་ནས་བསླངས་བ་ལས་བྱུང་བ་ཞིག་རེད།དོན་དངོས་ཐོག་ལ་བཙན་བྱོལ་ནང་ཚར་ལོངས་བྱུང་བའི་ད་ལྟའི་སྡེ་སྲུང་བཀའ་བློན་དངོས་གྲུབ་ལགས་དང་།ལྷ་སངས་ཚེ་རིང་ལགས།བསྟན་འཛིན་བརྩོན་འགྲུས་སོགས་ལོ་ན་གཞོན་པའི་སྐབས་ལ་རང་སྲོག་ཀློད་བཏང་གི་གསང་བའི་སྒོ་ནས་བོད་ནང་བསྐྱོད་པ་དང་།དེ་མིན་ངག་དབང་ཆོས་འཕེལ་གྱིས་བོད་ནང་རྟོགས་ཞིབ་ལ་བསྐྱོད་པར་མི་ལོ་༡༨ཁྲིམས་ཆད་ཕོག་པ།བོད་རང་དབང་ཕྲུག་ཚོགས་པའི་ཚོགས་གཙོ་བསྟན་རྡོར་དང་ཚོགས་ཟུར་བཀྲས་མཐོང་ལྷ་སྒྲོན།བཀྲས་མཐོང་དབང་པོ།བདེ་ཆེན་པད་མ་སོགས་ཀྱིས་རང་སྲོག་འབེན་བཙུགས་ཀྱི་བོད་ནང་བོད་དོན་དྲིལ་བསྒྲགས་དང་རྟོགས་ཞིབ་ལ་ཕྱིན་པ་དེ་དག་གིས་དེ་སྔོན་ནས་ལན་འདེབས་བྱས་ཟིན་པ་རེད།བློ་སེང་གིས་རང་སྲོག་ཀློད་བཏང་གི་བོད་ནང་འགྲོ་རྒྱུ་ཕཪ་ཞོག་ཕྱིར་སྡོད་ཀྲུང་གོ་བའི་ལག་དེབ་འཁྱེར་ནས་རྒྱ་ནག་ལ་ཕྱིན་པ་ལས་བོད་ནང་བསྐྱོད་མེད་པའི་གནད་དོན་དེས་ཁྱེད་ཀྱི་དྲི་བར་བློ་སེང་གིས་བརྡ་ལན་ལོག་པ་སྤྲད་པ་གསལ་པོ་རེད།
༦༽དུམ་བུ་དྲུག་པར།
བློ་སེང་གིས་ཨ་རིའི་སློབ་ཡོན་ལས་འཆར་ལས་ཕྱིར་ལོག་མ་བྱས་པ་དང་གཅིག་ཁོང་གཞུང་ཞབས་དཀྱུས་མ་དང་སྤྱི་འཐུས་བྱེད་འདོད་མེད་པ་དང་གཉིས།ད་ཐེངས་བཙན་བྱོལ་བོད་མིའི་སྐུ་དབང་མཐོ་ཆེ་ཤོས་ཀྱི་གོ་བབ་དེར་གཅིག་པུར་ནུས་ཤུགས་ཆེན་པོས་རྩོད་པ་གསུམ་པོས་ཡང་བསྐྱར་བློ་སེང་གིས་བརྡ་ལན་ལོག་པ་ཞིག་སྤྲད་འདུག
༧༽དུམ་བུ་བདུན་པ་དེར་དྲུག་པ་དང་ལན་གཅིག་མཚུངས་ཡིན།གོ་རྒྱུ་དམིགས་བསལ་གང་ཡང་མི་འདུག
༨༽ དུམ་བུ་བརྒྱད་པར།
བློ་སེང་གི་རྒྱལ་སྤྱིའི་ནང་ཁྲིམས་ཐོག་ནས་བོད་དོན་བརྩད་རྒྱུ་དང་།ཁྲིམས་ཐོག་ནས་བོད་རྒྱ་ཞི་མོལ་གཅིག་ཡོང་རྒྱུའི་ལམ་ཁ་མེད་པ་རེད།དེ་ན་བློ་སེང་གི་ཆེད་སྦྱོང་དང་འབྲེལ་བ་ཡོད་ཅེས་འུད་སྒྲོག་བྱས་ཀྱང་ཕན་ཐོག་མེད།
ལྷག་པར་ད་བར་ཁོང་ལ་གོ་སྐབས་མང་པོ་ཡོད་ཀྱང་ཁྲིམས་ཐོག་ནས་བོད་དོན་རྩོད་པ་ཉིན་གཅིག་མཐོང་མ་སོང་།
༩༽ དུམ་དགུ་པར།
དུམ་བུ་འདིའི་ནང་ལོ་མང་རིང་བཙན་བྱོལ་སྤྱི་ཚོགས་ནང་བྱས་རྗེས་བཞག་གནང་མཁན་གྱི་མི་རབས་རྒན་པ་རྣམས་ལ་ཁྱེད་ཀྱིས་ཇ་རོ་ལྟ་བུའི་འདུ་ཤེས་དང་ལྟ་ཚུལ་འཛིན་པ་དེས་ཁྱེད་ཀྱི་རྩོམ་ཡིག་ཆ་ཚང་གི་ཀུན་སློང་དང་ནང་དོན་ཇི་ཡིན་རྟོགས་ཅིང་།ལྷག་པར་ཁྱེད་ཀྱི་ཞེ་རྟིང་གི་བསམ་བློ་ངོ་མ་དེའི་གདོང་རིས་དམར་རྗེན་ལ་ཐོན་སོང་།
༡༠༽ དུམ་བུ་བཅུ་པར།
དུམ་བུ་འདིའི་ནང་བློ་སེང་དང་ཁོང་གི་རྗེས་འབྲངས་པ་ཚོས་ད་ཐེངས་ཀྱི་འོས་བསྡུའི་ལས་རིམ་ནང་ང་ཚོའི་སྤྱི་ཚོགས་སུ་རྒན་གཞོན་བར་གྱི་འཐབ་རྩོད་དང་།སྤྱི་ཚོགས་གསར་རྙིང་གི་འཐབ་རྩོད།སྐུ་དྲག་དང་ཕལ་ཟེར་བ་སོགས་རྒྱ་དམར་གྱི་ངན་དགུ་ཚང་བའི་རིག་གནས་གསར་བརྗེའི་སྐབས་ཀྱི་འབོད་ཚིག་དང་ནང་དོན་རྣམས་ང་ཚོའི་སྤྱི་ཚོགས་བཀོལ་སྤྱོད་བྱས་ཏེ་བོད་མི་ནང་ཁུལ་ལ་སྔར་མེད་པའི་རྩོད་གཞི་མང་པོ་ཞིག་བསླངས་ནས་ང་ཚོའི་ཆིག་སྒྲིལ་ལ་གཏོར་བཤིག་ཚབས་ཆེན་ཞིག་ཐེབས་པ་དེ་དག་བསྐྱར་སློང་བྱས་འདུག
ལས་བྲེལ་ཆེ་བས་གོང་གསལ་གྱི་མཆན་དེར་ཞུ་དག་གཏོང་འཁོམ་མ་བྱུང་བས་དག་ནོར་ཤོར་ན་དགོངས་སེལ་ཞུ་རྒྱུ་ཡིན།
༡༽༧གོང་ས་མཆོག་གི་དགོངས་གཞི་གཞོན་སྐྱེས་དང་དེའི་ནང་ནས་བུད་མེད་ཅིག་ལ་རེ་བ་ཡོད་པ་གསུངས་པ་བདེན།ཡིན་ནའང་བུད་མེད་ཞིག་བྱུང་ཡང་ལམ་ལྷོང་མ་བྱུང་བ་རེད།དེ་ཡིན་དུས་༧གོང་ས་མཆོག་གི་དགོངས་གཞི་ཚ་ཚང་བྱུང་མེད་ལ།༧གོང་ས་མཆོག་གི་དགོངས་གཞིའི་་གཞོན་ནུ་དེ་བློ་སེང་ལྟ་བུའི་མཉམ་མྱོང་མེད་པ་དང་།བོད་སྐོར་ཤེས་ཡོན་མེད་པ།ཀུན་སྤྱོད་ལ་ཁྲམ་ཤད་ཅན་ཞིག་ཡིན་རྒྱུ་མ་རེད་འདོད།
༢༽སྔོན་མ་ཡིན་ནའང་དེ་འདྲའི་བསམ་བློ་འཁོར་མཁན་བོད་རྒྱ་སོགས་ན་ཡོད་རྒྱུ་རེད།ཡིན་ནའང་དེང་སང་དེ་འདྲ་མིན་པ་བོད་ཕྱི་ནང་ཀུན་ནས་འགན་རང་ཁུར་བྱེད་མཁན་གཞོན་སྐྱེས་མང་པོས་བོད་གཞུང་དང་ཚོགས་སྡེ་ཁག་ན་ལས་ཀ་བྱེད་མཁན་བརྒྱ་ཆ་༨༠ལས་བརྒལ་ཡོད་པས་དེས་ལྟ་སྟངས་དེར་གསལ་བཤད་བྱས་ཡོད།
༣༽མི་ལོ་བཞི་བཅུའི་རིང་བཙན་བྱོལ་དུ་གནའ་དེང་གི་ཤེས་ཡོན་ཡོད་མཁན་གང་བྱུང་ཡོད་པ་རེད་ལ།བློ་སེང་གཅིག་པུས་ས་སྟོང་དེ་བཀངས་བ་རེད་ཟེར་ན་ཐལ་དྲགས་པ་རེད།བློ་སེང་མ་གཏོགས་མེད་ན་ད་དངོས་གནས་ངོམ་རྒྱུའི་ཚབ་ལོ་རྫོགས་པ་མི་སྟོན་པའི་ངེས་པ་མི་འདུག
༤༽བློ་སེང་ལ་དཀའ་ཁྲི་ཐོབ་ན་མང་གཙོ་ཡང་དག་པ་ཆགས་པ་དང་གཞན་ལ་ཐོབ་ན་དམངས་གཙོ་ཡང་དག་མི་ཆགས་འདི་ཡ་མཚན་རེད།ངས་བལྟས་ན་བློ་སེང་དཀའ་ཁྲི་་ལ་བསླེབ་ན་ཆོལ་ཁའི་ཕྱོགས་རེས་དང་བློ་སེང་ལ་རྒྱབ་སྐྱོར་བྱེད་མཁན་ཚོའི་གྲས་ན་ཆོལ་ཁ་དང་དེ་མིན་གྱི་ནད་རྙིང་ཅན་མང་པོ་ཡོད་པ་དངོས་འབྲེལ་ཡིན་དུས།ད་ལྟ་ལས་བོད་མི་ཚོའི་མཐུན་སྒྲིལ་གོང་བུ་སྡུག་ཏུ་མི་འགྲོ་བའི་ངེས་པ་མི་འདུག
༥༽བོད་ས་མ་མཐོང་ནའང་བོད་དོན་ལ་སེམས་ཤུགས་ཅན་འཛམ་གླིང་ཡུལ་གྲུ་ཀུན་ན་རང་ཉིད་བོད་མི་ཞིག་ཡིན་པས་འགན་འཁྲི་དང་ལེན་བྱེད་མཁན་བརྒྱ་བརྒྱ་སྟོང་སྟོང་རེད།བློ་སེང་ཡང་དེའི་ནང་གི་གཅིག་ལ་བརྩི་ཆོག་པ་ཙམ་ལས་བོད་པའི་གཞོན་སྐྱེས་ཁྱོད་ཡོངས་ལ་ཁོས་ཐོག་ནས་གང་ཡང་མི་སྟོན་ལ་ཁོ་ལ་མཚོན་ན་འབྲེལ་བ་མེད།
༦༽འབྱོར་ལྡན་རྒྱལ་ཁབ་ཁག་ཏུ་བསླེབས་པའི་བོད་མི་ཚོས་རང་དང་རང་གི་ནང་མིའི་ཆེད་དུ་ལས་ཀ་བྱེད་མཁན་ལས་བོད་སྤྱི་དོན་དུ་ལས་ཀ་བྱེད་མཁན་མེད་པའི་ལྟ་ཚུལ་ཞིག་ལ་ཁྱོད་ལ་ཡོད་རྒྱུ་རེད།ཁྱོད་ཀྱི་ལྟ་ཚུལ་ཡང་དག་ཅིག་མ་རེད་ལ་དོན་དངོས་ཀྱང་མ་རེད།དེ་ཡིན་ཁུལ་བྱས་ཀྱང་བློ་སེང་དེ་ལ་ལན་གང་ཡང་མི་ཐེབས།
༧༽ཨ་རིའི་སོགས་ནས་བོད་དོན་ཆེད་ལས་ཀ་བྱེད་ལ་ཡོང་མཁན་བློ་སེང་ཐོག་མ་མ་རེད།ད་ལྟའི་གཞཽན་ནུའི་ཚོགས་གཙོ་ཡང་ཨ་རིའི་ནས་ལས་ཀ་བྱེད་པར་དྷ་སར་སོང་བ་རེད།མིག་དཔེ་ཞིག་སྟོན་དགོས་ན་བློ་སེང་ལ་ཚེ་དབང་རིག་འཛིན་གྱིས་མིག་དཔེ་བསྟན་པ་ཡིན་རྒྱུ་རེད།
༨༽རྒྱལ་ཁབ་ཁག་དང་རྒྱལ་སྤྱིའི་ཁྲིམས་ཁང་གང་ཡིན་ཡང་དོན་དངོས་ཐོག་རྒྱབ་སྐྱོར་བྱེད་མཁན་མེད།བློ་སེང་གི་ཁྲིམས་ཀྱི་སྐོར་ཤེས་པ་དེས་བོད་དོན་ལ་ཕན་ཐོགས་དམིགས་བསལ་ཡང་མི་ཐོན་པ་གསལ་བོ་རེད།བོད་རྒྱ་ཞི་མོལ་ཡིན་ནའང་རེད་གང་ལྟར་མཐའ་མ་དེར་བོད་རྒྱ་མི་རིགས་གཉིས་གྲོས་མོལ་གྱི་ལམ་ནས་བོད་དོན་སེལ་དགོས་པ་ལས་རྒྱལ་སྤྱིའི་ཁྲིམས་ཐོག་ནས་ཐག་གཅོད་རྒྱུ་ཡིན་པ་སུས་ཐག་བཅད་འདུག
༩༽བཀའ་ཁྲི་ཟུར་བ་སོགས་ད་ལྟའི་བཀའ་ཁྲི་ལ་མི་དགོས་པ་དེ་དང་།བློ་སེང་དཀའ་ཁྲི་དགོས་པ་དེ་གཉིས་བར་ན་ཅི་འདྲའི་དྲང་བདེན་མིན་པའི་ལྟ་སྟངས་སྐྱོ་བོ་ཞིག་རེད།བློ་སེང་བསླེབ་ན་རྒྱལ་སྤྱིའི་གདེང་འཇོག་ཡོད་པ་དང་བོད་གཞིས་བྱེས་གཉིས་ལ་སེམས་ཤུགས་འཕེལ་དང་དེ་མ་བསླེབ་ན་སེམས་ཤུགས་ཆགས་འགྲོ་བ་ཞིག་སུས་ཐག་བཅད་པ་རེད།
༡༠༽མི་རབས་རྒན་པ་ཚོས་གཞོན་སྐྱེས་ཚོའི་ལམ་ཁ་ནམ་ཡང་བཀག་ཡོད་པ་རེད་ལ།དེ་བཀག་ཡོད་ན་ང་ཚོ་དམངས་གཙོའི་ལམ་དུ་འགྲོ་བཞིན་མེད་པ་རེད།ཁྱོད་ཀྱིས་ང་ཚོའི་ལམ་དུ་འགྲོ་བཞིན་ཡོད་པ་མ་རེད་ཟེར་རྒྱུ་ཡིན་ནམ།གོང་དུ་རྒྱུ་མཚན་དག་དོན་དངོས་ལ་གནས་པ་ཞིག་མ་རེད་ལ།ཕྱོགས་པ་ལྷུང་བ་རྐྱང་རེད།ད་དུང་བཤད་རྒྱུ་མང་ཡང་ཁོམ་མ་སོང་།གོང་དུ་བཤད་དག་ཉིད་ཀྱི་རྩོམ་ལ་རོབ་ལྟ་ཞིག་བྱས་ཏེ་ལན་ཕྲན་བུ་ཕུལ་བ་ཡིན།གཅིག་བྱས་ན་རྒྱས་པ་འབྲི་ཆོག
དྲ་གྲོགས་ཚོ་བློ་བཟང་སེང་གེ་ལགས་སུ་བོད་མི་ཕལ་པ་ཞིག་གི་ཁྱད་ཆོས་བཅུ་གྲངས་ཤིག་ཚང་ཡོད་ངེས་ཀྱང་བཀའ་ཁྲིར་ཚང་དགོས་པའི་རྩ་བའི་ཁྱད་ཆོས་བརྒྱད་ཚང་མེད།དེའི་སྐོར་གྱི་རྩོམ་ཡིག་ཅིག་ཡང་བསྐྱར་དྲངས་རྒྱུ་ཡིན།
་་་་་་་་་་་་་་་་་་་་་་་་་་་་་་་་་་་་བློ་བཟང་སེང་གེ་དང་བཀའ་ཁྲིའི་རྩ་བའི་འོས་ཆོས་བརྒྱད། ་་་་་་་་་་་་་་་་་་་་་་་་་་་་་་་་་་་་་
སྤྱི་བཤད།
ང་དེ་སྔ་མཐོ་སློབ་འགྲིམས་བཞིན་པའི་སྐབས་བློ་བཟང་སེང་གེ་ལགས་ཀྱི་གཏམ་བཤད་ཉན་མྱོང་།དེ་དུས་གཏམ་བཤད་ཀྱིས་ང་ཚོར་ཡིད་བསྐུལ་ཚད་མེད་ཐེབས་ནས།མ་འོངས་པར་གཞུང་ཞབས་དང་།སྤྱི་འཐུས།བཀའ་བློན།བཀའ་ཁྲི་བཅས་རིམ་བཞིན་བྱེད་ཐུབ་པའི་ཕུལ་བྱུང་གི་གཞོན་སྐྱེས་ཤིག་འདུག་སྙམ་ནས་རེ་བ་ཆེན་པོ་བཅངས་ཡོད།ད་ཐེངས་ཀྱི་འོས་བསྡུའི་ལས་རིམ་འགོ་བཙུགས་ནས་དེ་བས་ཁོང་ལ་ཤེས་རྟོགས་གཏིང་ཟབ་དུ་ཕྱིན་སོང་།ཁོང་གི་རྒྱབ་ལྗོངས་ཀྱི་གནས་ཚུལ་མང་པོས་དེ་སྔའི་ལྟ་ཚུལ་ལ་འགྱུར་བ་ཅུང་ཟད་ཕྱིན་མོད།མི་ཚང་མ་སྐྱོན་ཡོན་འདྲེས་མར་གྲུབ་ཡོད་པ་ཆོས་ཉིད་ཡིན་པར་སྙམ།འོན་ཀྱང་ཁོང་ལ་འབུམ་རམས་པའི་ལག་འཁྱེར་ཡོད་པ་ཙམ་དང་།ཁྲིམས་ལ་མཁས་པ་ཙམ་གྱིས་བཙན་བྱོལ་བོད་མིའི་ཚད་མཐོའི་སྐུ་དབང་ལྡན་པའི་དབུ་ཁྲིད་ལ་འོས་ཞེས་བརྗོད་ན་དེ་ནི་ལམ་ལུགས་ཆོས་ཉིད་གང་དང་ཡང་འགལ་བ་རེད།
དེས་ན་ངས་ད་ཐེངས་ཁོང་བཀའ་ཁྲིར་སྔ་དྲགས་པའི་འདོད་ཚུལ་འཛིན་མཁན་ཞིག་ཡིན་པའི་ཆ་ནས།ཁོང་གི་ཞན་ཆ་གླེང་རྒྱུ་ནི་ངའི་འོས་བབ་ཡིན།འདིར་གླེང་བའི་ཁོང་གི་ཞན་ཆ་དེ་དག་སྤྱིར་བཏང་མི་ཞིག་ཡིན་པའི་ངོས་ནས་གལ་ཆེན་པོ་དང་སྐྱོན་ཆེན་པོ་མ་རེད།འོན་ཀྱང་ཁོང་བཀའ་ཁྲིའི་འོས་མིའི་ངོས་ནས་ཞན་ཆ་ཆེན་པོ་རེད།ངའི་རེ་བར་ཀློག་པ་པོ་ཚང་མས་ཁོང་བཀའ་ཁྲིའི་འོས་མིའི་ངོས་ནས་དགེ་སྐྱོན་གྱི་ཐད་ལ་ཡང་དག་པའི་ལྟ་ཚུལ་འཛིན་པ་ལས་ཧེ་བག་ཤུགས་ཆེན་གྱི་ཕྱོགས་ལྷུངས་དབང་དུ་མ་སོང་བ་གནང་རོགས།དེ་མིན་ངས་རྩོམ་ཡིག་འདི་སྤེལ་རྗེས་ངར་སྤྱི་ཚོགས་རྙིང་པ་རོ་ལངས་བརྒྱབ་མཁན་དང་།སྐུ་དྲག་གི་རྒྱུག་ཁྱི།བཀའ་བཀོད་རྒྱུད་འཛིན་པ་བཅས་ཀྱི་ཞྭ་མོ་ནག་པོ་གསུམ་དེ་མ་གཡོག་པའི་རེ་བ་ཡོད།
གཤམ་ལ་ཡོངས་བསྒྲགས་ཀྱི་བཀའ་ཁྲིར་ཚང་དགོས་ངེས་ཀྱི་རྩ་བའི་ཁྱད་ཆོས་བརྒྱད་དེ།དབྱིན་བོད་ཤེས་ཡོན་དང་།འཇོན་ཐང་།ཉམས་མྱོང་དང་།ལྷག་བསམ།ལྟ་བ་དང་།མི་གཤིས།གསར་གཏོད་དང་།འཛིན་སྐྱོང་གི་ནུས་པ་བཅས་རྨང་གཞིར་བྱས་ནས་གླེང་རྒྱུ་ཡིན།
༡༽ ཤེས་ཡོན་གྱི་ཐད་ནས་གླེང་བ།
བཀའ་བློན་ཁྲི་པ་ནི་བཙན་བྱོལ་བོད་མིའི་དབུ་འཁྲིད་མཐོ་ཤོས་དེ་ཡིན་པས་དེར་དབྱིན་བོད་གཉིས་ཀྱི་ཤེས་ཡོན་གྱི་ཚད་ལོངས་ངེས་ཤིག་དགོས་རྒྱུ་གལ་འགངས་ཆེན་པོ་ཡིན།འོན་ཀྱང་བློ་སེང་གི་བོད་ཡིག་གནས་ཚད་དེས་གཤམ་གྱི་གནས་ཚུལ་ཁག་ལ་གདོང་ལེན་བྱེད་དགོས་པ་ཡིན། དང་པོ།ང་ཚོ་བོད་ཀྱི་མཐར་ཐུག་རྩ་དོན་གྱི་རྩོད་གཞི་ནི།་མི་རིགས་ངོ་བོ་དང་།རིག་གཞུང་ལ་ཐུག་གི་ཡོད།དེ་བཞིན་བོད་ནང་ནས་དེང་སྐབས་མི་རིགས་ཀྱི་རིག་གཞུང་དང་།སྐད་ཡིག་གི་ཐད་ལ་མ་སྐུལ་དང་བླངས་ཀྱི་དངོས་ཤུགས་རྒྱུད་གསུམ་ནས་ལས་འགུལ་སྤེལ་བཞིན་ཡོད།བཙན་བྱོལ་ནང་ལའང་དེ་མཚུངས་རང་སྐད་སྦྱོང་སྤྱོད་སྤེལ་གསུམ་ལ་སྔར་བས་ཤུགས་སྣོན་བསྐྱོན་དགོས་པའི་དུས་སྐབས་འདིར།དབུ་ཁྲིད་དེ་བོད་ཡིག་རང་མགོ་མི་ཐོན་པ་ཞིག་བྱུང་ན་དངོས་གནས་དེ་ནི་འགལ་བསྡུ་ཆེན་པོ་ཞིག་རེད་ལ།བོད་ནང་གི་མི་མང་ཚོར་ངོ་གནོངས་དགོས་པ་དང་།ཁོ་ཚོར་གདུང་སེམས་མཉམ་སྐྱེད་ཀྱི་བརྡ་ལན་ལོག་པ་ཞིག་སྤྲད་པ་རེད།
གཉིས་པ།གྲོས་ཚོགས་འཚོགས་དུས་བཙན་བྱོལ་བོད་མིའི་གནད་དོན་སྣེ་མང་ཐད་བཀའ་ཁྲིར་དྲི་བ་བརྒྱ་ཕྲག་མང་པོ་ཡོང་གི་ཡོད་པ་དང་།དེ་བཞིན་ཁྲིམས་སྒྲིག་གསར་བཟོ་དང་བསྐྱར་བཅོས་སྐབས་དག་ཆ་དང་བརྡ་འཕྲོད་ཀྱི་འགྲོ་སྟངས་ཀྱི་དྲིས་ལན་མང་པོ་བསྐྱོན་དགོས་ཀྱི་ཡོད།དེ་དུས་དྲུང་ཡིག་འབོད་ས་མེད་ལ།ང་བོད་ཡིག་སྦྱངས་མྱོང་མེད་ཚུལ་བརྗོད་ས་མེད།བརྗོད་ཀྱང་ཚོགས་ཀྱི་དབུས་སུ་ཞད་གད་སློང་བའི་རྒྱུ་ལས་མ་འདས།
གསུམ་པ།ཡང་བཀའ་ཁྲིས་སློབ་གྲྭ་ཆེ་འབྲིང་ཆུང་གསུམ་མང་པོར་བོད་ཀྱི་རིག་གཞུང་གལ་ཆེ་རང་བཞིན་དང་།ནུས་པ།དར་སྤེལ་གཏོང་ཕྱོགས་བཅས་ཀྱི་ཐད་ནས་བཀའ་སློབ་གནང་དགོས་དུས།རིག་གནས་དེ་དང་དེའི་སྐོར་རགས་རིམ་ཞིག་མ་ཤེས་པར་གཏམ་བཤད་ཇི་ལྟར་བྱེད།སློབ་ཕྲུག་གིས་དྲི་བ་སྣ་ཚོགས་དྲིས་པར་བཀའ་ལན་བརྒྱབ་དགོས་རྒྱུར་གཡོལ་ཐབས་མེད་པས།དེ་དུས་ཀུན་གླེང་བརྙན་འཕྲིན་ནང་གི་ལན་བཞིན་རིག་གནས་སྐོར་གྱི་དྲི་བར་ཆབ་སྲིད་དང་ཁྲིམས་ལུགས་སྐོར་གྱི་ལན་ཞིག་བརྒྱབ་ན་འདྲེ་ཤར་སྒོ་དང་གླུད་ནུབ་སྒོའི་དཔེ་ལྟར་སོང་ནས་བཀའ་ཁྲི་དེར་འཕྱ་དམོད་བྱ་ཡུལ་དུ་གྱུར་ངེས་རེད།
བཞི་པ།ལྷག་པར་བཀའ་ཁྲི་གསར་པ་དེས་སྲོལ་རྒྱུན་སོ་ནམ་ཞིང་ལས་དང་།ཤེས་ཡོན་སྲིད་བྱུས་གསར་པ་དང་ལག་ལེན་བསྟར་དགོས་པའི་འགག་རྩའི་དུས་ཚོད་ལ་སླེབས་ཡོད།དེ་དག་ལག་ལེན་བསྟར་དགོས་སྐོར་དམིགས་བཀར་ཐད་ཀའི་བཀའ་བློན་ཡོད་རུང་།མཚམས་རེ་བཀའ་ཁྲི་ངོ་མས་གྲོས་ཚོགས་དང་གཞིས་ཆགས།སློབ་གྲྭ་ཁག་བཅས་ལ་སྲིད་བྱུས་ཀྱི་དགེ་མཚན་དང་དགོས་པ་བཅས་ཀྱི་གནས་ལུགས་རྒྱས་བཤད་གནང་དགོས་དུས།སྲོལ་རྒྱུན་རིག་གནས་སྤྱི་དང་བོད་ཀྱི་རིག་གནས་ཀྱི་རྨང་གཞི་མེད་ན་གཞན་ལ་འགྲེལ་བཤད་བརྒྱབ་ཐབས་བྲལ་གཤིས་ལས་དོན་དེའི་ཐོག་འཐུས་ཤོར་འགྲོ་ཉེན་ཆེ།
ལྔ་པ།བཀའ་ཁྲི་ཟམ་གདོང་རིན་པོ་ཆེ་མཆོག་གིས་གཞུང་འབྲེལ་གྱི་ཡིག་ཆ་ཁག་བོད་ཡིག་འབྲི་སྲོལ་ལག་བསྟར་གཏན་འབེབས་ཀྱི་སྲོལ་རྒྱུན་བཟང་པོ་དེ།ཕྱིན་ཆད་བཀའ་ཁྲི་གསར་པས་ཀྱང་ལག་བསྟར་དགོས་པས།བཀའ་ཁྲིས་གལ་ཆེའི་ཡིག་རིགས་དང།་སྙན་ཞུ།མཆན་འགོད་རིགས་བཅས་ལ་ཡིག་ཚང་དུ་གཟིགས་དགོས་དང་།མཚམས་རེ་ནང་དུ་གཟིགས་དགོས་པའང་འབྱུང་གི་ཡོད།བློ་སེང་ལྟ་བུ་ཡིན་ན་དྲུང་ཡིག་མ་བསྟེན་ན་བོད་ཡིག་མི་འདང་ཞིང་།དྲུང་ཡིག་གིས་ཡིག་རིགས་ཚང་མ་རེ་རེ་བཞིན་ཀློག་གིན་བསྡད་ན་དུས་ཚོད་འགོར་གཞི་ཆེ་བས།ཛ་དྲག་གི་ལས་དོན་དང་སྙན་ཞུའི་རིགས་ལ་འཐུས་ཤོར་འགྲོ་ཉེན་ཡོད་པས་དཀའ་ཚེགས་དེ་ཚོར་གདོང་ལེན་ཇི་ལྟར་བྱེད་དམ།
དྲུག་པ།བཀའ་བློན་ཁྲི་པས་རིས་སུ་མ་མཆིས་པའི་ཆོས་བརྒྱུད་ཁག་གི་མཛད་སྒོ་སོགས་སུ་ཕེབས་དུས་དགེའ་འདུན་འདུས་མང་དབུས་སུ་ཆབ་སྲིད་དང་ཁྲིམས་རྐྱང་བཤད་ན་མི་མཛེས་ཤིང་།དེ་ཉིན་གྱི་ལས་རིམ་དང་འབྲེལ་བའི་ཆོས་འཇིག་རྟེན་གྱི་གསུང་བཤད་གནང་དགོས་དུས།བོད་ཀྱི་ལོ་རྒྱུས་དང་།རིག་གནས་ལ་སྦྱངས་པ་ངེས་ཅན་ཞིག་མེད་ན་སྐབས་དེ་དུས་དགོད་མིན་ངུ་མིན་ཞད་གད་སློང་བའི་གནས་སུ་ལྷུངས་རྒྱུར་ངེས།དེ་ན་བཀའ་ཁྲིར་ཚང་དགོས་ངེས་ཀྱི་རྩ་བའི་འོས་ཆོས་དང་པོ་དབྱིན་བོད་ཤེས་ཡོན་གཉིས་ལས་བོད་ཡིག་རང་མགོ་མི་ཐོན་ན་དམངས་ཀྱི་མགོ་མི་ནོན་པས་བཀའ་ཁྲིའི་ཞབས་སྟེགས་ཀྱི་རིན་ཐང་དེ་ཡང་ཅང་ཅང་དུ་འགྱུར་ཉེན་ཆེ།
༢༽ འཇོན་ཐང་གི་ཐད་ནས་གླེང་བ།
དང་པོ།བཀའ་བློན་ཁྲི་པ་དེ་འཇོན་ཐང་ཅན་ཞིག་དགོས་རྒྱུ་གལ་ཆེན་པོ་ཡིན།འཇོན་ཐང་དེ་ཡང་ཡོད་ཅེས་པ་དང་།ཡོད་ས་རེད་ཅེས་པ་ཙམ་མིན་པར།ལས་དོན་དངོས་ཐོག་ནས་གྲུབ་འབྲས་ཀྱིས་དངོས་ར་འཕྲོད་ཐུབ་པ་དང་།ཚད་འཕེར་བ་ཞིག་དགོས་ཀྱི་ཡོད།འཇོན་ཐང་གི་གྲུབ་འབྲས་སྟོན་རྒྱུ་མེད་ན་ཤེས་ཡོན་དང་སྨྲ་བརྗོད་བདེ་པོ་ཙམ་གྱིས་བཀའ་ཁྲིའི་ཞབས་སྟེགས་མཐོ་པོ་དེ་བཟུང་རྒྱུ་ཁག་པོ་རེད།
གཉིས་པ།བློ་བཟང་སེང་གེ་ལགས་ཀྱིས་ད་བར་སློབ་ཕྲུག་སྐབས་གཞོན་ལྷན་གྱི་ལས་འགུལ་ནང་ཞུགས་པ་དང།ཨ་རིར་རྒྱ་མི་རིགས་ལ་འབྲེལ་བ་བྱས་པ།ཆེད་ལས་མི་སྣའི་ཚོགས་འདུ་ཁ་ཤས་ནང་ཞུགས་པ་བཅས་ཀྱིས་ཁོང་ལ་འཇོན་ཐང་ཡོད་པ་དེ་ར་འཕྲོད་ཐུབ་ཀྱི་མི་འདུག་འཇོན་ཐང་ནི་འགན་འཁྲི་ལྕི་བའི་ལས་དོན་གསར་གཏོད་དང་།དེར་གྲུབ་འབྲས་ལག་རྩེར་སྨིན་པ་ཞིག་དགོས་ཀྱང་།ཁོང་ལ་ད་བར་གསར་གཏོད་དང་གྲུབ་འབྲས་སྟོན་རྒྱུ་མི་འདུག
གསུམ་པ།ཁོང་གིས་གཏམ་བཤད་བྱེད་དུས་འཇོན་ཐང་ངོམ་ཆེད་འཆར་གཞི་གསུམ་དང་།ལྔ།བཅུ་བཅས་བཏོན་ཡོད་རུང་དེ་ནི་གལ་ཆེན་པོ་མིན།འཆར་གཞི་ཉི་ཤུ་དང་སུམ་ཅུ་ཡིག་ཐོག་ཕབ་རྒྱུར་དཀའ་ཚེགས་མེད།འཛམ་གླིང་འདིར་འོས་བསྡུར་ལངས་མཁན་མང་ཆེ་བས་རྒྱབ་སྐྱོར་བ་འཚོལ་ཆེད་འཆར་གཞི་མང་པོ་འཁྱེར་སྲོལ་ཡོད།དེས་འོས་ཤོག་ཐུབ་རྒྱུར་ཕན་ཐོགས་ཕྲན་ཙམ་ཡོང་སྲིད་མོད།གལ་ཆེ་ཤོས་འཆར་གཞི་དེ་དག་ང་ཚོ་བཙན་བྱོལ་བའི་གནས་བབ་དང་།་དཔལ་འབྱོར་གྱི་གནས་བབ་ལ་གཞིགས་ནས་ག་ཚོད་ལག་ལེན་བསྟར་ཐུབ་ས་རེད་དམ་དཔྱད་པ་བྱ་རྒྱུ་གལ་ཆེ།མདོར་ན་བློ་སེང་ལ་བཀའ་ཁྲིར་ཚང་དགོས་ངེས་ཀྱི་རྩ་བའི་འོས་ཆོས་གཉིས་པ་འཇོན་ཐང་ལ་སྤྱི་ཚོགས་ནང་ཤེས་ལྡན་པ་མང་པོར་ཐེ་ཚོམ་སྐྱེས་ཀྱི་ཡོད།
༣༽ ཉམས་མྱོང་གི་ཐད་ནས་གླེང་བ།
བློ་བཟང་སེང་གེ་ལགས་ཀྱིས་བོད་གཞུང་ལས་ཁུངས་མ་ལག་དང་བཅས་པའི་ཐོག་ལ་ཉམས་མྱོང་ཡོད་ཚུལ་དང་།ཚོུད་དགུ་པ་ནས་ལྔ་པ་བར་ལས་ཀ་བྱས་པའི་ཉམས་མྱོང་མེད་ཀྱང་བོད་གཞུང་གི་གནས་ཚུལ་ཚང་མ་ཤེས་ཀྱི་ཡོད་ཅེས་ཆེར་རློམ་གྱི་ངང་ནས་ཨུ་ཚུགས་ཇི་ལྟར་བྱས་ཀྱང་།དོན་དངོས་པོའི་གནས་ཚོད་ལ་ཁོང་གི་ཉམས་མྱོང་དེ་ནི་མི་ལ་སྐད་ཆ་དྲིས་པ་དང་དེབ་ཐོག་གི་མྱོང་བ་སྐྱེས་པ་ཙམ་ཞིག་ཡིན་པས།དེ་ནི་ཉམས་མྱོང་དངོས་དང་རྩ་བ་ནས་མི་འདྲ།དཔེར་ན་ཞིང་པས་ལྕོག་རྩེའི་སྟེང་སྨོན་པ་བརྒྱབ་སྟངས་བསླབ་པ་དང་དངོས་སུ་རྨོས་གླང་གི་རྗེས་སུ་འགྲོ་བ་གཉིས་དཀའ་ཁག་མི་འདྲ་བའི་གཏམ་དཔེ་ཡང་ཡོད་པ་རེད།དེབ་ཐོག་ནས་རླངས་འཁོར་སྦྱངས་ཡང་དེས་སྦྱངས་གོ་ཆོད་ཀྱི་མེད།དེབ་ཐོག་དང་དངོས་སུ་ལག་པ་འཆང་བ་གཉིས་དཀའ་ཁག་ལའང་ཧེ་བག་ཆེན་པོ་མི་འདུག་གམ།
ཡང་ཁོང་གིས་སློབ་ཐོན་གྱི་ཆེད་རྩོམ་དེ་བཙན་བྱོལ་བོད་མིའི་སྐོར་བྲིས་པ་རྒྱུ་མཚན་དུ་དྲངས་ནས་བོད་གཞུང་གི་གནས་སྟངས་ཚང་མ་ཤེས་པ་ཀྱི་ཡོད་ཚུལ་གསུངས་པ་ཅུང་འོར་ཤོབ་གནང་བ་དོན་དངོས་རེད།དེ་ནི་དཔྱད་གཞི་འགའ་ཤས་འཛོམས་ན་ཕྱི་རྒྱལ་མགོ་སེར་ཞིག་གིས་ཀྱང་འབྲི་ཐུབ་ཀྱི་རེད།ཁོང་གིས་ཤེས་པ་ནི་བཙན་བྱོལ་བོད་གཞུང་གི་ལས་ཁུངས་མ་ལག་གི་ཕྱིའི་རྣམ་གྲངས་དང་གནས་ཚུལ་རགས་རིམ་ཙམ་ཡིན།
འགོ་ཁྲིད་ཀྱི་ལས་ཀའི་ཉམས་མྱོང་དངོས་ནི་འཛིན་སྐྱོང་དང་།སྲིད་བྱུས་གཉིས་ལས་དོན་ནང་ལོ་ནས་ལོ་བསྟུད་དེ་ལས་དོན་གྱི་འཐབ་རྩོད་ནང་དངོས་སུ་ཞུགས་ནས།ལས་ཀའི་ངོ་བོ་དང་།བྱེད་ལས།འཆར་འགོད།དཀའ་ཚེགས།འགོག་རྐྱེན།རྙོག་རྫིང་ཆེ་བའི་མི་སྣའི་འབྲེལ་བ།སྲིད་བྱུས།ཁྲིམས་སྒྲིག་།གོ་བབ།གྲུབ་འབྲས་བཅས་རང་ཉིད་ཀྱིས་དངོས་སུ་མྱོང་བ་ཙམ་མ་ཟད།མྱོང་བ་དེ་ལ་བརྟེན་ནས་ལས་དོན་བསྒྲུབ་པའི་ཐབས་ཤེས་དང་གསར་གཏོད་ཀྱི་རྨང་གཞི་ཡོད་པ་ཞིག་ཡིན་ན་ད་གཟོད་ཉམས་མྱོང་ཡོད་ཅེས་བརྗོད་ཆོག་བློ་བཟང་སེང་གེ་ལགས་སུ་ དབུ་འཁྲིད་གཅིག་གིས་འགྲིམས་དགོས་པའི་ལམ་བུ་གལ་ཆེན་ཞིག་ལའང་བསྐྱོད་མྱོང་མེད་པའི་ཞན་ཆ་དེས་ལས་དོན་ཆེ་ཕྲ་མང་པོར་ཐལ་ཆ་དང་ནོར་འཁྲུལ་འཚབ་ཆེན་ཡོང་ཉེན་ཆེ།དེ་ན་ཁོང་ལ་བཀའ་ཁྲིར་ཚང་དགོས་ངེས་ཀྱི་རྩ་བའི་འོས་ཆོས་གསུམ་པ་ཉམས་མྱོང་མེད་པ་ཡོངས་གྲགས་རེད།
༤༽ ལྷག་བསམ་གྱི་ཐད་ནས་གླེང་བ།
སྤྱིར་མི་ཞིག་གི་ལྷག་བསམ་ལ་ཚོད་རྩིས་བྱ་རྒྱུ་ཅུང་ཁམ་ཙམ་ཡོད་མོད།མི་དེའི་བྱ་སྤྱོད་དང་གཏམ་གླེང་བཅས་བརྒྱུད་ནས་མི་དེའི་ནང་སེམས་ཀྱི་ལྷག་བསམ་དང་མི་གཤིས་ཀྱང་ཤེས་རྟོགས་ཡོང་གི་ཡོད།
དང་པོ།དེ་མཚུངས་བློ་བཟང་སེང་གེ་ལགས་ཀྱིས་གཏམ་བཤད་གནང་དུས་རང་ཉིད་ཀྱི་བྱས་རྗེས་དང་འབྲེལ་ནས་བརྗོད་པ་དང།མཁས་དབང་གི་ལག་འཁྱེར་ལེན་ཚུལ་དང་།ཧཱ་ཝར་གྱི་ཞིབ་འཇུག་པ་རྒན་གྲས་ཡིན་སྐོར།རང་ཉིད་ཀྱི་སྐྱེས་ཁུངས་ཕལ་པ་ཡིན་སྐོར་བརྗོད་ནས་རང་ཉིད་ཀྱི་ལྷག་བསམ་མངོན་གང་ཐུབ་ཀྱི་རྣམ་པ་སྟོན་གྱི་ཡོད། དོན་དངོས་ཐོག་ཁོང་གིས་ད་བར་ཧཱ་ཝར་ནང་ཇི་ལྟར་ཚུད་མིན་དང།ཞིབ་འཇུག་གི་སློབ་ཡོན་སུས་གཏོང་མིན།ད་ལྟའི་གནས་སྟངས་སྐོར་ཞིབ་ཕྲ་རྩ་བ་ནས་གསུང་གི་མེད་ཅིང་།སྐབས་རེ་ཁོང་ལ་ཡོང་སྒོ་མེད་སྐོར་གསུངས་པ་དང།་ཡང་འོས་བསྡུའི་འགྲོ་སོང་ཡོང་ཁུངས་འདྲི་སྐབས་སློབ་གྲྭ་ནས་བཏང་སྐོར་བརྗོད་ཀྱི་ཡོད།འོན་ཀྱང་ཆབ་སྲིད་ཀྱི་ལས་འགུལ་རིགས་ལ་སློབ་གྲྭས་གྲོན་དངུལ་གཏོང་སྲོལ་མི་འདུགཡང་ཨ་རིའི་གཙུག་ལག་སློབ་གྲྭའི་གཏན་འཇགས་ལས་གནས་ཤིག་ཡོད་ཚེ་ཡོང་སྒོ་ངེས་ཅན་ཞིག་མེད་པ་མི་སྲིད།ཡོང་སྒོ་མེད་ན་ལས་གནས་གཏན་འཇགས་མིན་པའི་རྟགས་རེད།དོན་དངོས་ཐོག་ཁོང་ལ་ཡོང་སྒོ་ཡོད་མེད་དང་།ཧཱ་ཝར་གྱི་གནས་བབ་བཅས་ལ་རྒྱ་ཆེའི་ཤེས་ལྡན་པའི་ཁྲོད་དུ་གླེང་སློང་ཤུགས་ཆེན་བྱུང་བ་མ་ཟད།མང་པོ་ཞིག་གིས་ཧཱ་ཝར་གྱི་གཏན་འཇགས་ཞིབ་འཇུག་པའི་མིང་ཐོའི་ཁོངས་སུ་མེད་སྐོར་སློབ་གྲྭའིོ་དྲ་རྒྱ་ལས་ཁུང་སྐྱེལ་བྱེད་ཀྱི་ཡོད།
གཉིས་པ།ཨ་རིའི་གཞོན་སྐྱེས་ཀྱི་ནང་དང་ལྷག་པར་ཁོང་གནས་སའི་བྷོ་སེ་ཌོན་བོད་རིགས་མི་མང་དྲུག་བརྒྱབ་ལྷག་ཡོད་པ་རྣམས་ཀྱིས་བློ་སེང་ལ་རྒྱུས་ངོ་ཆེ་ཤོས་ཡིན་ཞིང་།ཁོ་ཚོས་ཁོང་ལ་རྒྱབ་སྐྱོར་འདང་ངེས་ཤིག་མ བྱས་པའི་རྒྱུ་མཚན་གང་ཡིན་ནམ།དོན་དེར་བསམ་གཞིགས་བྱ་རྒྱུ་གལ་ཆེན་པོ་རེད། གསུམ་པ།ཁོང་ཕྱི་ལོ་༡༩༩༥ལོར་ཨ་རིར་སློབ་ཡོན་ལས་འཆར་ཁོངས་སུ་ཚུད་ནས་ཕྱིར་ལོག་སྐོར་ལ་ཤེས་ལྷན་དང་ཆོད་གན་བཞག་ཡོད།ཕྱི་ལོ་༡༩༩༨ལོེ་ཁོང་གི་སློབ་ཡོན་ལས་འཆར་གྱི་ཆོད་གན་གྱི་དུས་ཚོད་རྫོགས་ཀྱང་།ཕྱི་ལོ་༢༠༠༤་བར་ལོ་བར་ལོ་དྲུག་རིང་དགོངས་ཞུ་མ་བྱས་པའི་ནག་ཉེས་ལས་གཡོལ་ཐབས་མེད།ཡང་ཨ་རིར་རྒྱ་མི་རིགས་ལ་འབྲེལ་མཐུད་ཀྱི་ལས་ཀ་བྱས་པ་ནི་སློབ་ཡོན་ལས་གཞིའི་འོག་སྤྱི་རྒྱུ་སྒེར་བཟོས་ཀྱི་ནག་ཉེས་ལྕི་པོ་དེ་ལས་གཡོལ་ཐབས་བྱས་པ་མངོན་གསལ་དོད་པོ་ཡིན།སྤྱི་བཏང་ཆོད་གན་ལ་དགོངས་པ་ཞུ་སྤྲོད་ཟེར་བ་སྲིད་དམ།ཆེ་མཐོའི་སློབ་ཡོན་ལྷན་ཚོགས་ཀྱི་ཁྲིམས་སྒྲིག་གང་གི་འོག་ནས་དགོངས་པ་སྤྲད་ཡོད་དམ།དེ་ཚོ་གནད་འགག་ཆེན་པོ་རེད།གནད་དོན་དེའི་ཐད་ལ་ཁོང་སྤྱང་པོ་རེད་བརྗོད་ཆོག་ཀྱང་གྲོས་ཆོད་དང་རྒྱབ་འགལ་བྱས་པའང་དོན་དངོས་རེད།
བཞི་པ།དེ་སྔ་ཁོང་གིས་སྒང་ཏོག་ཏུ་ཁམས་པའི་གཞོན་ནུ་ཚོགས་པ་འཛུགས་འཆར་ལམ་ལྷོང་མ་བྱུང་བའི་གནད་དོན་ལ་གཞིགས་ན་ལི་ཐང་གི་བརྟན་བཞུགས་སྐབས་དཔུང་བསྒྲིགས་པར་ཡོང་ཚུལ་བརྗོད་པ་དེ་ཡང་ལུང་ཚན་ཕྱོགས་རིས་ཀྱི་བཀའ་མོལ་མིན་མི་སྲིད་ཅིང་།དོན་དེ་ནི་སེམས་ནང་འབར་བའི་མེ་ལྕེ་དེ་ཁ་ནང་ནས་དུ་བ་རང་དབང་མེད་པར་ཐོན་པ་ཞིག་མིན་པའི་ངེས་པ་མེད།དེ་ན་བཀའ་ཁྲི་ཚང་དགོས་པའི་རྩ་བའི་འོས་ཆོས་བཞི་པ་ལྷག་བསམ་ལའང་ང་ཚོར་དོགས་གནད་ཆེན་པོ་སྐྱེས་ཀྱི་འདུག
༥༽ ལྟ་བའི་ཐད་ནས་གླེང་བ།
སྤྱིར་མི་ཞིག་གི་ལྟ་བ་དེ་ཤིན་ཏུ་གལ་ཆེན་པ་ཡིན་པ་དང་།དེ་བས་བཀའ་བློན་ཁྲིའི་འོས་མི་ཞིག་ཡིན་ཕྱིན་ཐོག་མར་མི་དེའི་ཆབ་སྲིད་ཀྱི་ལྟ་བ་དང་ལངས་ཕྱོགས་དེ་རང་ཚུགས་བརྟན་པོ་དགོས་རྒྱུ་དེ་གལ་ཆེན་པོ་རེད།ཡིན་ནའང་བློ་འཕམ་པ་ཞིག་ལ་སྔོན་འགྲོའི་འོས་ཤོག་མང་ཤོས་ཐོབ་མཁན་བློ་སེང་གིས་ཁ་སང་ས་གནས་གཅིག་ལ་དབུ་མའི་ལམ་ལ་ཤར་བསྐྱོད་བྱེད་ཚུལ་དང་།དེ་རིང་ཡང་ས་གནས་གཞན་ཞིག་ལ་རང་བཙན་གལ་ཆེ་ཚུལ།སང་ཉིན་གཞན་ཞིག་ཏུ་དུས་སྐབས་དང་བསྟུན་ནས་འགྱུར་བ་དགོས་ཚུལ།དེ་མིན་ཨ་རིར་རྒྱ་རིགས་ལ་དམིགས་ནས་བོད་འདི་རྒྱའི་མི་སེར་ལྟར་རྒྱ་ནག་གི་གོང་བུའི་ནང་ཟླ་སྒྲིལ་ལམ་ཆ་ཤས་སུ་ཞུགས་སུ་འཇུག་རྒྱུའི་བསྐུལ་དེད་བྱེད་གལ་གླེང་གི་འདུག ཡང་ཁོང་གིས་དགེ་འདུན་པར་དམིགས་ནས་ཆོས་གལ་ཆེ་ཚུལ་དང་ཁོ་རང་ཡང་སྐྱོབས་འགྲོ་འདོན་སྐོར་དང་།སློབ་ཕྲུག་ལ་དམིགས་ནས་ལས་གནས་གསར་གཏོད་དང་གོ་སྐབས་གསར་སྤྲོད་བྱ་འཆར།གསར་འབྱོར་བར་དམིགས་ནས་བོད་ནས་ཡོང་མཁན་གལ་ཆེ་ཚུལ།གཞིས་ཆགས་ལ་དམིགས་ནས་གཞིས་ཆགས་ལ་ཡར་རྒྱས་འཛུགས་བསྐྲུན་གལ་ཆེ་ཚུལ་གླེང་གི་ཡོད།བྱེད་སྟངས་དེ་ནི་འཁྲབ་སྟོན་མཁས་པའི་སྲིད་དོན་པ་དང་སྐབས་འཚོལ་བའི་བྱ་ཐབས་གལ་ཆེན་ཞིག་རེད་ལ།གོང་གི་བཤད་ཚུལ་དེ་ནི་དེ་སང་ཡོངས་གྲགས་ལྟ་བུ་ཆགས་ཡོད།་ཡང་སྙིང་བློ་སེང་མི་སྒེར་གྱི་ལྟ་བ་དང་ལངས་ཕྱོགས་ངོ་མ་གང་ཡིན་དེ་སུ་ལ་བཤད་རྒྱུ་ཡོད་དམ།དེ་ན་བློ་སེང་ལ་བཀའ་ཁྲིར་ཚང་དགོས་ངེས་ཀྱི་རྩ་བའི་འོས་ཆོས་ལྔ་པ་ལྟ་བའི་ཐད་ལ་ང་ཚོར་གདེང་ཚོད་སླེབས་ཀྱི་མི་འདུག
༦༽ མི་གཤིས་ཀྱི་ཐད་ནས་གླེང་བ།
དང་པོ།བློ་བཟང་སེང་གེ་ལགས་ཀྱིས་གཏམ་བཤད་བྱེད་དུས་ཁེངས་སྐྱུང་གི་རྣམ་པ་ཙམ་ཡང་མེད་ཅིང་།ཁོང་གི་ཉེ་འཁྲིས་སུ་ཡོད་པའི་ལོ་ངོ་གསུམ་ཅུ་བཞི་ཅུའི་རིང་བོད་གཞུང་དམངས་ལ་སྲི་ཞུ་བསྒྲུབས་མྱོང་མཁན་གྱི་བཀའ་ཟུར་གཉིས་ལའང་འཛེམས་གཟོན་མེད་པརབཏང་རབས་དང་འཇོན་རབས།བྱས་རབས་ཞེ་གཅིག་བཤད་ཀྱི་ཡོད།དེ་དུས་ང་ཚོ་སེམས་ལ་ངོ་ཚའི་ཚ་ཤར་ལངས་བ་མ་ཟད་ཁོང་གཉིས་ཀྱང་ཁོང་དགོད་ཤོར་རྒྱུར་མདོན་མི་ཟ་བ་ཞིག་རེད།
གཉིས་པ།ལས་དོན་ཕྲན་བུ་བསྒྲུབས་པ་རྣམས་ཆེན་པོ་བཟོས་ནས་བཤད་པ་དང་།ཨ་རིར་རྒྱ་རིགས་ཤེས་ལྡན་པ་ཉུང་ཤས་ཐུག་འཕྲད་བྱས་པར་ངས་རྒྱ་མིའི་མཁས་དབང་བརྒྱ་ཕྲག་དང་ཚོགས་འདུ་འཚོགས་ཀྱི་ཡོད་སྐོར་བརྗོད་པ།རང་ཉིད་ཀྱི་འོས་ཤོག་གི་ཆེད་དུ་བསྐོར་བསྐྱོད་བྱས་པར་མང་གཙོ་གོང་སྤེལ་བཏང་ཚུལ་བརྗོད་པ།
གསུམ་པ།གཞན་ཡང་ཀུན་གླེང་ལེ་ཚན་དང་།རླུང་འཕྲིན།ནེའུ་ཡོག་བགྲོ་གླེང་ཆེན་མོ།རྡ་ས་ཉིན་མོའི་སློབ་གྲྭ།ལྡི་ལི་བཅས་སུ་དྲི་བ་དྲིས་ལན་བྱས་པ་ཁག་ལ་ལན་བསྐྱོན་སྐབས་རང་ཉིད་ཀྱི་ཞོར་ལ་མི་གཞན་དང་བོད་གཞུང་ཐག་ཤོར་འབྲེང་འདྲུད་བྱས་པ།མི་གཞན་ལ་དམའ་འབེབས་བཏང་བ།ལན་སྔ་ཕྱི་གོང་འོག་མི་མཚུངས་པ།དྲིས་ལན་གཡོལ་ནས་བརྒྱབ་པ།ལན་མ་བརྒྱབ་པར་གཡོལ་ཐབས་ཁོ་ན་བྱས་པ།འཇམ་ནོར་དང་བོད་ཀྱི་བདག་དབང་སྐོར་གྱི་རྩོད་གླེང་བཅས་ཀྱིས་མི་དམངས་ལ་བློ་ཕམ་ཡི་ཆད་ཆེན་པོ་བཟོས་ཡོད།དེ་ན་བློ་སེང་ལ་བཀའ་ཁྲིར་ཚང་དགོས་ངེས་ཀྱི་རྩ་བའི་འོས་ཆོས་དྲུག་པ་མི་གཤིས་ཀྱི་ཐད་ནས་ཞན་ཡོད་ཡོད་པ་རེད།
༧༽ གསར་གཏོད་ཀྱི་ཐད་ནས་གླེང་བ།
བློ་བཟང་སེང་གེ་ལགས་ཀྱི་གསར་གཏོད་ཀྱི་ཐད་དཔེ་མཚོན་གྱི་ཐོག་ནས་གླེང་ན།བཀའ་ཟུར་བཀྲས་མཐོང་བསྟན་རྣམ་མཆོག་རང་ལོ་༡༨ནས་ད་ལྟའི་བློ་བཟང་སེང་གེ་ལགས་ལོ་ཚོད་བར་བོད་ཀྱི་གཞོན་ལྷན་དང།་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པ།ཨ་རིའི་བོད་དོན་བརྒྱ་ཚོགས་གསར་གཏོད་མཛད་ཅིང་།ཚོགས་པ་དེ་དག་ནི་དེང་སྐབས་ཀྱང་བོད་དོན་འཐབ་རྩོད་ནང་གདོང་བསྐྱོད་ཀྱི་དམག་སྒར་གལ་ཆེན་ཞིག་ཆགས་ཡོད།
ཡང་ཁོང་གིས་༸གོང་ས་མཆོག་ཨ་རིར་ཐེངས་པོར་གདན་དྲངས་པ་དང་།བྱང་ཨ་རིའི་བོད་རིགས་སྤྱི་མཐུན་ཚོགས་པ་།པོ་ཏཱ་ལ་དཔར་བསྐྲུན་ཁང་།བོད་ཀྱི་ཐེབས་རྩ་ཁང་།ཏཱ་ལའི་བླ་མའི་ཐེབས་རྕ་ཁང་བཅས་ཀྱི་ལས་གཞི་རྣམས་ནི་གསར་གཏོད་རང་བཞིན་ལྡན་པའི་ལས་ཀ་རླབས་ཆེན་ཤ་སྟག་རེད།
དེ་བཞིན་བཙན་བྱོལ་བོད་མིའི་ཤེས་ཡོན་དང་།འཕྲོད་བསྟེན་ཡར་རྒྱས་སླད་ཨ་རིའི་གཞུང་ནས་རོགས་དངུལ་ཞུས་ཐོབ་བྱུང་བ་དུས་དེང་སང་ཡང་ལས་གཞི་འགྲོས་མུས།བོད་མི་ཆིག་སྟོང་ཨ་རིར་གཏོང་བཞེས་མཛད་པ་ནི་བཙན་བྱོལ་བོད་མིའི་ལོ་རྒྱུས་སུ་ཐེངས་པོ་དེ་རེད།དེ་བོད་མིའི་འཚོ་བ་དང་དཔལ་སྦྱོར་ལ་དངོས་གསལ་དོད་པོ་ཡར་རྒྱས་ཕྱིན་པ་རེད།
ལྷག་པར་ཁོང་གིས་མཛུབ་འཁྲིད་དང་གཙོ་གཉེར་གནང་བའི་འོག་བཙུགས་གནང་མཛད་པའི་བོད་སྐད་རླུང་འཕྲིན་ཁང་ཁག་གཉིས་དང་།ཤེས་བྱ་དུས་དེབ།བོད་གནས་བསྐྱར་ཞིབ་དུས་དེབ་བཅས་གསར་གཏོད་གནང་བ་དེ་རྣམས་ཀྱིས་གཞིས་བྱེས་བོད་མིའི་ཟམ་པ་ལྟ་བུ་དང་།བོད་མི་རིགས་ཀྱི་མིག་དང་རྣ་བ་ལྟ་བུ།རྒྱལ་སྤྱིའི་ནང་བོད་དོན་དྲིལ་བསྒྲགས་ཀྱི་མགྲིན་ཚབ་གལ་ཆེན་ཞིག་དུ་གྱུར་ཡོད།དེ་ན་བཀྲས་མཐོང་གིས་བརྩམས་པའི་ལས་གཞི་དེ་དག་ནི་གསར་གཏོད་དང་།ཡར་རྒྱས།ཕུགས་བསམ་གྱི་ཚད་གཞི་མཐོ་པོའི་གདེང་མཆོག་བྱེད་འོས།
འོན་ཀྱང་བློ་བཟང་སེང་གེ་ལགས་སུ་སློབ་གནས་མཐོ་པོ་དང་ཁྲིམས་ལུགས་ལ་བྱང་ཆུབ་ཡོད་སྐད་ཀྱང་ད་བར་ཁྲིམས་དང་ཆབ་སྲིད་ཐད་ཚོགས་པ་དང་།སྒྲིག་འཛུགས།ལས་ཁང་གང་ཡང་གསར་གཏོད་དང་འཛུགས་གཉེར་གནང་ཐུབ་མེད་པ་དེས་ཁོང་ལ་སློབ་གནས་མཐོ་པོ་ཡོད་ཀྱང་གསར་གཏོད་བྱས་པའི་ལས་རིགས་སྣེ་གཅིག་མཐོང་རྒྱུ་མེད།
དེ་ན་ཁྱེད་ཚོས་གཟིགས་དང་བློ་སེང་དང་བཀྲས་མཐོང་གཉིས་བསྡུར་བ་བྱས་ནས་སུ་བོད་ཀྱི་ཕུལ་བྱུང་གི་མི་སྣ།སུ་རླབས་ཆེན་གྱི་མི་སྣ།སུ་བཀའ་ཁྲིའི་འོས་མི་ཚད་ལྡན་ཞིག་རེད་དམ།དོན་དངོས་ཐོག་བློ་སེང་ལ་བཀའ་ཁྲིར་ཚང་དགོས་པའི་རྩ་བའི་འོས་ཆོས་ཀྱི་བདུན་པ་གསར་གཏོད་ཀྱི་རྨང་གཞི་མེད་པ་མངོན་གསལ་རེད།
༨༽ འཛིན་སྐྱོང་དོ་དམ་གྱི་ཞན་ཆའི་ཐད་ནས་གླེང་བ།
བློ་བཟང་སེང་གེ་ལགས་ཀྱིས་ཁོང་གི་དྲིས་ལན་༡༠ཞེས་པའི་༦ནང་བཀའ་བློན་ཁྲི་པ་ནི་ཆབ་སྲིད་ཀྱི་དབུ་འཁྲིད་ཡིན་པ་ལས་འཛིན་སྐྱོང་དོ་དམ་པ་མིན།འཛིན་སྐྱོང་དོ་དམ་པ་ཡིན་ན་བོད་གཞུང་གི་སྡེ་ཚན་ཁག་དང་སྲི་ཞུ་བའི་ལས་དོན་གཉིས་ཀའི་ཐད་ནས་ཉམས་མྱོང་ངེས་པར་དགོས་ཞེས་གསུངས་འདུག་དེ་ནི་ཁོང་ངོ་ཚ་ཁ་སྐྱེང་གི་ཚུལ་དུ་འཛིན་སྐྱོང་དོ་དམ་པའི་ཉམས་མྱོང་མེད་དུས་འགན་འཁྲི་ལྕི་བའི་ལས་དོན་འདི་ལས་གཡོལ་གང་ཐུབ་གནང་གི་ཡོད་པ་གསལ་པོ་རེད་ལ།གོང་གི་གནད་དོན་དེས་ཁོང་གིས་བཀའ་བློན་ཁྲི་པའི་འཛིན་སྐྱོང་གི་ལས་འགན་ཐད་ལ་ངོས་འཛིན་ཡང་དག་པ་ཞིག་གནང་མེད་པ་མཚོན་པ་རེད།
དོན་དངོས་ཐོག་འཛིན་སྐྱོང་བཀའ་ཤག་གི་དོ་དམ་པ་དབང་ཚད་མཐོ་ཤོས་དེ་བཀའ་ཁྲི་དེ་ཡིན་པ་བཅའ་ཁྲིམས་ནས་བསྐུར་བའི་འགན་དབང་ཡིན་པས།བཀའ་ཁྲིས་རྒྱལ་སྤྱི་དང་གཞིས་ལུས་བོད་མིར་བོད་ཀྱི་དབུ་ཁྲིད་ཀྱི་གཟུགས་བརྙན་ལེགས་པོ་སྟོན་རྒྱུ་ཙམ་དུ་ཟད།དེ་བས་འཛིན་སྐྱོང་དོ་དམ་པའི་ལས་འགན་རྙོག་རྫིང་ཆེ་བ་དང་།འགན་འཁྲི་ལྕི་བ་ཡོད།དབུས་ལྷན་ཁང་བདུན་གྱི་འཛིན་སྐྱོང་དོ་དམ་ལ་འཐུས་ཤོར་སོང་ན།དེས་གཞིས་བྱེས་བོད་མིའི་གནད་དོན་ཚང་མར་ཤུགས་རྐྱེན་ཆེན་པོ་ཐེབས་རྒྱུ་རེད།དེས་ན་དབུས་ལྷན་ཁང་བདུན་མ་ལག་དང་བཅས་པའི་ལས་ཚན་རིམ་པ་དང་།ལས་ཀའི་ངོ་བོ།ཆེད་ལས་མི་སྣ།དངོས་གསལ་མིན་པའི་མི་སྣའི་འབྲེལ་བ།དཀའ་ཚེགས་བཅས་ལ་ཤེས་རྟོགས་དང་ཉམས་མྱོང་དགོས་རྒྱུ་མེད་དུ་མི་རུང་བ་ཞིག་རེད།འོན་ཀྱང་བློ་བཟང་སེང་གེ་ལགས་ཀྱིས་ད་བར་གཞུང་དང་ཚོགས་སྡེ་གང་གིའང་འཛིན་སྐྱོང་དོ་དམ་པ་གནང་མྱོང་མེད།དེ་ན་བཀའ་ཁྲིར་ཚང་དགོས་པའི་རྩ་བའི་འོས་ཆོས་བརྒྱད་པ་འཛིན་སྐྱོང་དོ་དམ་གྱི་དགེ་མཚན་དེ་ཁོང་ལ་ལྡན་མེད་པ་གསལ་པོ་རེད།
༩༽ ཞང་བྱུང་དུ་འདེམས་བསྐོའི་ཆོས་ཉིད་ཀྱི་ཐད་ནས་གླེང་བ།
འཛམ་གླིང་རྒྱལ་ཁབ་ཁག་གི་སྲིད་འཛིན་དང་སྲིད་བློན་རྣམས་ཆབ་སྲིད་ཀྱི་འགན་འཁུར་ཡོད་པའི་འཛིན་སྐྱོང་དང་གྲོས་ཚོགས་ནང་ལོ་མང་རིང་ཆབ་སྲིད་ཀྱི་ཉམས་མྱོང་བསགས་པ་དང་།སྦྱོང་བརྡར་ཐེབས་པ།ཆབ་སྲིད་ཀྱི་གར་སྟེགས་ཀྱི་འགྲིམས་རྗེས་གཞི་ནས་རྒྱལ་ཁབ་ཀྱི་དབུ་ཁྲིད་དུ་འདེམས་ཐོན་ཡོང་གི་ཡོད།བློ་སེང་གི་དཔེ་ལེན་སའི་ཨོ་བྷཱ་མ་ཡང་སློབ་གྲྭ་ཐོན་རྗེས་དགེ་རྒན་ཆེན་མོ་བྱས་པ་དང་།དེ་རྗེས་དབུས་སའི་གྲོས་ཚོགས་སུ་ལོ་མང་རིང་ཆབ་སྲིད་ཀྱི་དམག་འཐབ་ནང་སྦྱོང་བརྡར་ཐོབ་རྗེས་སྲིད་འཛིན་ལ་ལངས་ཡོད།དེ་ནི་དོན་སྙིང་ལྡན་པ་ཞིག་རེད།
འོན་ཀྱང་ང་ཚོའི་བློ་སེང་བཀའ་ཁྲིར་བསྐྱོད་ཚུལ་ནི།གོང་གསལ་གྱི་ཆབ་སྲིད་པས་འགྲིམས་དགོས་པའི་བརྒྱུད་རིམ་དེ་དག་ལས་ལྡོག་ཏེ་སློབ་གྲྭ་ཐོན་རྗེས་བྱས་རྗེས་དང་གྲུབ་འབྲས་གང་ཡང་མེད་པར་ཐད་ཀར་བཙན་བྱོལ་བོད་མིའི་དབང་ཚད་མཐོ་ཤོས་ཀྱི་དབུ་ཁྲིད་བྱེད་འདོད་པ་དེ་རེད།གནས་སྟངས་དེར་ངའི་ཚོར་སྣང་ལ་རྒྱལ་སྲས་ཤིག་གློ་བུར་རྒྱལ་པོའི་ཁྲིར་བསྐོ་བའམ།ཁྱེའུ་ཞིག་སྤྲུལ་སྐུར་ངོས་འཛིན་གྱི་ལམ་སེང་བླ་མ་ཆེན་པོ་ཞིག་གི་ཁྲི་མཐོ་པོར་མངའ་གསོལ་བ་ནང་བཞིན་རེད།དེ་ནི་འཛམ་གླིང་རྒྱལ་ཁབ་ཚང་མའི་དབུ་ཁྲིད་འདེམས་ཚུལ་གྱི་ལམ་ལུགས་སམ་ཆོས་ཉིད་དང་ཡོངས་སུ་འགལ་བས་ཉེན་ཁ་ཆེན་པ་རེད།
༡༠༽ ཞར་བྱུང་དུ་བཀའ་ཁྲིར་ལོ་ཆེས་དྲགས་ཚུལ་བརྗོད་པ་མི་འོས་ཚུལ།
བཀའ་ཁྲིའི་འོས་མིར་མཚོན་ན་རང་ལོ་གཞོན་ཚད་ལས་རྒན་ཚད་མེད།ང་ཚོས་ཆེས་བཀུར་བར་འོས་པའི་བཅའ་ཁྲིམས་རིན་པོ་ཆེར་བཀའ་བློན་ཁྲི་པ་དེ་རང་ལོ་༣༥ཧྲིལ་པོ་ལོན་པ་ཞེས་གསལ་བ་ལས་ལོ་ཆེ་ཚད་དེ་འདྲ་ཞིག་དགོས་ཞེས་གསལ་ཁ་མེད་པ་དེར་དགག་ཆ་དང་དགོས་དབང་ཆེན་པོ་ཡོད་ཀྱི་རེད།གཙོ་བོ་གོང་གི་བཀའ་ཁྲིར་ཚང་དགོས་ངེས་ཀྱི་འོས་ཆོས་དེ་དག་ལ་བརྟག་དཔྱད་བྱ་བྱ་རྒྱུ་གལ་ཆེན་པོ་རེད།
ད་ལྟ་འཛམ་གླིང་འདིར་སྲིད་འཛིན་འདེམས་བསྐོའི་སྐབས་གོང་གསལ་གྱི་རྩ་བའི་འོས་ཆོས་དེ་དག་རྨང་གཞིར་བཞག་ནས་འདེམས་བསྐོ་བྱེད་པ་མ་གཏོགས་གཞོན་སྐྱེས་གཙོ་བཟུང་བྱས་པ་བྱུང་མྱོང་མེད།འོས་ཆོས་དེ་འདྲ་ཚང་ངེས་བཞིན་པ་ཡོད་ན་ལོ་ཆེ་ཡང་སྐྱོན་མེད་པའི་དཔེ་མཚོན་འགའ་ཤས་དྲངས་རྒྱུ་ཡིན།
༡༽ཨ་རིའི་སྲིད་འཛིན་རེ་གན་ཕྱི་ལོ་༡༩༨༡།༡༩༨༨བར་སྲིད་འཛིན་བྱས་པ་རེད།ཐོག་མར་སྲིད་འཛིན་བྱེད་དུས་དགུང་ལོ་༧༠དང་སྲིད་འཛིན་ལས་དུས་གཉིས་པ་རྫོགས་དུས་དགུང་ལོ་༧༧ལ་སླེབས་ཡོད།འོན་ཀྱང་ཁོང་ནི་ཨ་ཪིའི་སྤྱི་མཐུན་ཚོགས་པའི་སྲིད་འཛིན་འཇོན་ཐང་དང་སྙན་གྲགས་ཆེ་ཤོས་དེ་རེད།ཁོང་སྲིད་འཛིན་བྱེད་དུས་ད་ལྟའི་བཀྲས་མཐོང་ལས་ལོ་བཅུས་ཆེ་བ་འདུག
༢༽ང་ཚོའི་གནས་ཚང་རྒྱ་གར་གྱི་སྲིད་བློན་མཱན་མུན་སན་ལ་མཚོན་ན་ཕྱི་ལོ་༢༠༠༤ལོར་ཐོག་མར་སྲིད་བློན་ལ་ཕེབས་དུས་དགུང་ལོ་༧༢དང་།དེ་རྗེས་ཁོང་གི་དཔལ་འབྱོར་འཕེལ་རྒྱས་ཀྱི་མཚོན་པའི་སྲིད་བྱུས་ཁག་ལ་མི་མང་གིས་ཁས་ལེན་དང་རྒྱབ་སྐྱོར་ཤུགས་ཆེན་ཐོབ་ནས་དགུང་ལོ་༧༦ལོར་སྲིད་བློན་ལས་དུས་གཉིས་པར་འདེམས་བསྐོ་བྱུང་བ་རེད།ད་ཆ་དགུང་ལོ་༧༩ལ་སླེབས་ཀྱང་སྲིད་བློན་བྱེད་མུས་རེད།ཁོང་སྲིད་བློན་བྱེད་དུསབཀྲས་མཐོང་ལས་ལོ་བཅུ་གཉིས་ཀྱིས་ཆེ་བ་འདུག
༣༽རང་རེའི་ཕུལ་བྱུང་གི་བཀའ་ཁྲི་ཟམ་གདོང་རིན་པོ་ཆེར་མཚོན་ན།ཐོག་མར་ཕྱི་ལོ་ཕྱི་ལོ་༡༩༩༡ལོ་ནས་བཟུང་གྲོས་ཚོགས་ནང་ཆབ་སྲིད་ཀྱི་སྦྱོང་བརྡར་ལོ་༡༠ཐོབ་རྗེས་ཕྱི་ལོ་༢༠༠༡ལོར་མི་དམངས་ཀྱི་ཐད་འདེམས་བཀའ་ཁྲི་དང་པོ་དེ་ཆགས་དུས་དགུང་ལོ་༦༢ལ་ཕེབས་ཡོད།ཁོང་ནི་བཙན་བྱོལ་བོད་གཞུང་གི་བཀའ་ཤག་སྐབས་རིམ་པའི་ནང་འགྱུར་བཅོས་དང་།གསར་གཏོད་ཤུགས་ཆེ་ཤོས་གཏོང་མཁན་གྱི་བཀའ་ཁྲི་ཤེས་འཇོན་ལྷག་གསུམ་ལྡན་པ་ཞིག་བྱུང་བ་རེད།ཁོང་བཀའ་ཁྲི་གནང་དུས་ད་ལྟའི་བཀྲས་མཐོང་ལས་དགུང་ལོ་ཆེ་བ་ཡོད། གོང་གསལ་གྱི་གནས་ཚུལ་དེ་དག་གིས་གང་གསལ་བཤད་བྱེད་ཀྱི་ཡོད་དམ་ཞེས་ན།རྒྱལ་ཁབ་ཀྱི་དབུ་ཁྲིད་དེ་དགུང་ལོ་ཆེ་ཙམ་ཡིན་རུང་དེར་རྣམ་དཔྱོད་དང་།གསར་གཏོད།འཇོན་ཐང་བཅས་ཀྱི་ནུས་པ་མ་ཉམ་པར་སྔར་བཞིན་གནས་ཀྱི་ཡོད་པ་མཚོན་པས།ཁྱེད་ཚོས་ག་དུས་ཡིན་ནའང་བློ་སེང་ལ་དམིགས་ནས་བཀའ་ཁྲི་གཞོན་སྐྱེས་ཤིག་དགོས་ཚུལ་གྱི་འབོད་སྒྲར་གོ་བརྡ་གསལ་པོ་སྤྲད་པའོ།།
རྩོམ་ཡིག་ནི་ད་ག་ཟིག་མིའི་ཀླད་པ་བསྒྱུར་འདོད་ཀྱིས་དོན་ཚན་ཁག་ཅིག་བསྒྲིགས་བཞག་པ་ཙམ་ལས་དངོས་ཡོད་ལ་རང་གི་རྣམ་དཔྱོད་ཀྱིས་དཔྱད་པ་བྱས་བཞག་པ་ཅི་ཡང་མི་འདུག།
བློ་སེང་ལགས་ འདི། རང་བཙན་ རྩོད་མཁན་ ཅིག་ ཡིན་དང་། ལམ་ དབུ་མ་བ་ ཅིག་ ཡིན་ནམ། ཡང་ གཞན་པ་ ཅིག་ ཡིན། ངས་ནི། ད་ལྟ་ཡང་ ཐག་གཅོད་ ཐུབ་ མ་སོང་། འདི་རིང་ འདི་ཙམ་གྱིས་ འགྲིག་པ་ བྱས།
ལ་རྒྱའི་བདག་པོ་ལགས་གུས་བཀུར་ཞུ། གུས་པའི་བསམ་ཚུལ་བློ་སེང་གི་ཁྱད་ཆོས་བཅུ་པོ་དེ་ལ་རེ་རེ་བཞིན་དུ་དཔྱད་པར་བྱས་འདུག་ཀྱང་དམིགས་བསལ་གྱི་ལན་འབུལ་དགོས་པར་མ་མཐོང་། དེའི་དོན་ཚན་དགུ་པའི་ནང་དུ་རང་གི་ཀུན་སློང་ལ་སླད་ཡོད་ཚུལ་གྱི་སྒྲོ་འདོགས་ཆེན་པོ་ཞིག་བྱས་འདུག་པས་དེ་གསལ་བཤད་ཕྲན་བུ་ཞིག་བྱེད་རྒྱུ་ཡིན།
ལ་རྒྱའི་བདག་པོ། དུམ་བུ་འདིའི་ནང་ལོ་མང་རིང་བཙན་བྱོལ་སྤྱི་ཚོགས་ནང་བྱས་རྗེས་བཞག་གནང་མཁན་གྱི་མི་རབས་རྒན་པ་རྣམས་ལ་ཁྱེད་ཀྱིས་ཇ་རོ་ལྟ་བུའི་འདུ་ཤེས་དང་ལྟ་ཚུལ་འཛིན་པ་དེས་ཁྱེད་ཀྱི་རྩོམ་ཡིག་ཆ་ཚང་གི་ཀུན་སློང་དང་ནང་དོན་ཇི་ཡིན་རྟོགས་ཅིང་།ལྷག་པར་ཁྱེད་ཀྱི་ཞེ་རྟིང་གི་བསམ་བློ་ངོ་མ་དེའི་གདོང་རིས་དམར་རྗེན་ལ་ཐོན་སོང་། ཟེར།
འདི་ནི་ཁྱོད་རང་གི་ཡིག་ངོ་ཡག་པོ་མི་ཆོད་པའམ་ཡང་ན་ཡིག་ངོ་ཆོད་ཙམ་ཡིན་ནའང་གོ་བ་ཚད་ལྡན་མ་ལོན་པའི་བཤད་ཚུལ་ཞིག་རེད། ཡང་ན་མངོན་སུམ་དུ་བསྙོན་བཙུགས་པ་འདྲ། ལས་ཀ་ཟིན་པའི་རྒན་རབས་འགའ་ཞིག་ཇ་རོའི་དཔེ་བཞག་པ་དེ་བེད་སྤྱོད་མེད་ནས་གཡུག་དགོས་པའི་དཔེར་བཞག་པ་མ་ཡིན་པར་ཇ་རོ་ཡང་བསྐྱར་བསྐོལ་ན་ཇ་ཁུ་ཐོན་རྒྱུ་མེད་པའི་དཔེར་ཡིན། དོན་ལ་སྦྱར་ན་བོད་ཀྱི་རྩ་དོན་དུ་ནུས་ཚད་ཡོད་དགུ་གཏོན་ནས་ལས་ཀ་མང་པོ་ཞིག་བྱས་ཟིན་པ་རྣམས་ཡང་བསྐྱར་གོ་ཐོབ་ཆེན་པོ་རེ་ཕུལ་ནའང་དམིགས་བསལ་གྱི་ནུས་པ་གང་ཡང་འདོན་རྒྱུ་མེད་པ་རེད། ལྷག་པར་རང་གི་མི་ཚེ་ནང་དུ་ལས་ཀ་ཤུགས་རྒྱབ་ནའང་བོད་ཀྱི་གནས་བབ་འདི་མུས་སུ་ལྷག་ནས་ཡོད་པས་ད་ཐེངས་དམིགས་བསལ་གྱི་ནུས་པ་ཞིག་འདོན་ཐུབ་སྙམ་པའི་སེམས་ཤུགས་དང་སྤོབས་པ་གང་ཡང་མེད་པ་རེད། སྤོབས་པ་མེད་ན་ལས་ཀ་ལ་ནུས་པ་སླེབས་ཀྱི་རེད་དམ།
ཡང་བསྐྱར་དཔེ་ཞིག་བཤད་ན། མི་ཞིག་ལོ་ན་གཞོན་པ་ཤ་དར་ཁྲག་དར་སྐབས་སུ་ཁུར་ཨེ་ཐུབ་ཡང་ཡང་བལྟས་ནས་ཁུར་མ་ཐུབ་པའི་ཁུར་བོ་ཞིག་དེ་རིང་མི་མང་གིས་བཙན་ཤེད་ཀྱིས་ཁུར་བཅུག་ནའང་ཁོ་རང་གིས་ཁུར་ཐུབ་རྒྱུ་མ་རེད་ལ་ཁུར་མི་ཐུབ་པ་ཁོ་རང་གིས་ཀྱང་ཤེས་རྒྱུ་རེད། ཁོས་ཨེ་ཐུབ་མི་ཐུབ་ལྟ་ནས་ཤུགས་ཡང་ཞེ་དྲག་རྒྱག་གི་མ་རེད།
དེ་སྔ་ཁུར་ཨེ་ཐུབ་ལྟ་མ་མྱོང་པའི་མི་ཞིག་མི་མང་གིས་བཙན་ཤེད་ཀྱིས་ཁུར་བཅུག་ན་ཁོས་གཅིག་བྱས་ན་ཁུར་ཐུབ་ཀྱི་རེད་ལ་ཁུར་མ་ཐུབ་ནའང་ཤུགས་ཡང་ཡང་རྒྱག་གི་རེད། མདོར་ན་ཁོང་གཉྀས་སྣ་གདབ་མ་གདབ་ཀྱིས་ཁྱད་པར་གྱིས་ཤུགས་རྒྱག་མི་རྒྱག་གི་ཁྱད་པར་ཡོང་གི་རེད། ད་ལྟ་དེ་ཙམ་གྱིས་ཆོག་པར་གྱིས།
གྲོགས་ལ་རྒྱའི་བདག་པོ་ལགས།
ང་ཚོ་བོད་འདི་ནང་གི་ལ་རྒྱས་ཕུང་བ་མི་ཤེས་སམ།
རྒྱལ་བ་རིན་པོ་ཆེས་བཀའ་ཁྲིའི་འོས་མི་གསུམ་པོ་སུ་ལའང་ཐུགས་རེ་དང་དམིགས་བཙུགས་གནང་གི་མེད་པ་བདེན་པ་རེད། ཁོང་གི་ཞོན་སྐྱེས་ཤེས་འཇོན་གཉིས་ལྡན་ལ་ཐུགས་རེ་གནང་བའི་བཀའ་སློབ་རབ་དང་རིམ་པར་གནང་ཡོད་བ་རེད།
རྒྱལ་བ་རིན་པོ་ཆེའི་བོད་འབངས་བློས་གཏང་བ་མ་རེད། དགོངས་པ་དངོས་ནི་མི་རབས་རྗེས་མར་ལས་གནས་རྩིས་སྤྲོད་གནང་བ་དང་ཆབས་གཅིག་མངས་གཙོའི་གསོལ་རས་གནང་བ་ཤེས་དགོས། ཁོང་ཆབ་སྲིད་ལས་གནས་ལས་རྒན་ཡོལ་གནང་བ་ནི་བོད་མི་དམངས་ལལམ་སྟོན་དང་། མི་རབས་འདིའི་ལས་གནས་ཞོན་སྐྱེས་ལ་སྤྲོད་དགོས་བའི་གོ་བརྡ་གནང་བ་རེད། སྤྱིར་གཏང་ཉམས་མྱོང་གལ་ཆེ་ན་ཡང་དཀྲས་མཐོང་ལྟབུའི་ཉམས་མྱོང་ང་ཚོ་ལ་མི་དགོས། གང་ཡིན་ཟེར་ན་རང་སངས་རྒྱས་ཡིན་པའི་ཕྱིར།
མི་རྐང་གླིང་བུ་ནང་བཞིན་ང་ལ་ཡང་འགྱུར་བ་འགྲོ་མ་སོང་བྱས་ཙང་ངའི་འོས་ཤོག་དེ་བློ་སེང་ལ་བླུགས་རྒྱུ་ཡིན། བོད་རྒྱལ་ལོ།།།
ངས་བློ་སེང་ཐེངས་འདིར་བཀའ་ཁྲི་འོས་མི་ནང་འདེམས་འདོད་མེད་པའི་རྒྱུ་མཚན་གཙོ་བོ་གཅིག་ནི་དྷ་སའི་གཞུང་འདི་ལྷད་མེད་དངས་གཙང་གི་གཞུང་ཞིག་ཏུ་མ་འགྱུར་བར་ནམ་ཡང་ཁྱིམ་ཚང་ཆེ་པོ་འགས་དབང་ཤུགས་འོག་གནས་ལ་ནམ་ཡང་ནུས་མེད་མིང་ཙམ་ཆེ་པོ་ཡོད་པའི་ཚོགས་སྡེ་ཞིག་ལ་ངོས་འཛིན་གསལ་པོ་བྱུང་བས་ཡིན། དང་ཐོག་ཤེས་དགོས་པ་གཅིག་ལ་བཙན་བྱོལ་བོད་གཞུང་འདི་ཆགས་ནས་ད་བར་གོ་ལྡོག་དང་དོན་ལྡོག་གྱི་ལས་དོན་སྣེ་མང་སྒྲུབ་ཡོད་པ་གཅིག་ནི་འབྲི་ཆུ་ཡན་རང་བཙན་རག་ཐབས་དང་ལྐོག་ཏུ་རྒྱ་དམར་ནག་གཉིས་ལ་འབྲེལ་བ་རང་གི་བྱས་དཔལ་འབྱོར་རང་གི་ཉར་ནས་ངེས་ཁག་གཞན་ལ་སྤྲོད་ཏེ་ཁྱི་སྤྱང་དཔུང་སྒྲིག་འོག་གུང་ཐང་ཚུལ་ཁྲིམས་སོགས་མིང་ཡོད་ཁྱིམ་ཚང་ལ་གུས་ཞབས་མ་གནང་བའི་བོད་རིགས་མང་དག་ཅིག་དངོས་ལྐོག་འདྲ་མིན་འོག་ཚེ་སྲོག་བཅོམ་པས་མཚོན་ནང་ཁུལ་དམག་འཐབ་རིམ་པ་མང་པོ་བྱེད་པའི་ལོ་རྒྱུས་དེ་དག་མཐོང་ཐོས་བྱུང་བས་ཡིན། འཇུག་འབྲས་འདི་ལྟར་བུའི་འོག་རྒྱུན་མ་ཆད་པར་གནས་ཚུལ་ངེས་པ་ཉིན་རེ་ལས་ཉིན་རེ་ཇེ་མང་དུ་སོང་ཏེ་ཆོལ་ཁ་དང་ཆོས་ལུགས་ཀྱི་འཐེན་ཁྱེར་ཡོད་པ་མ་ཚད་གསར་འབྱོར་དང་རྙིང་འབྱོར་གྱི་ཁྱད་པ་ཡང་འབྱེད་པའི་དགོས་མེད་རྩོད་པ་འདི་བྱུང་བ་རེད་ལ་ད་དུང་ཡང་རྒྱུན་ཆད་མེད་པ་གནས་མུས་རེད་དྲན། ད་དུང་ཆོས་བྱེད་དགེ་འདུན་པར་དགྲ་མཐོང་མཐོང་གི་ཚོགས་པ་དང་སྒེར་པ་ཧ་ཅང་མང་ཞིང་བོད་ཀྱི་སྐད་ཡིག་ལ་དོ་སྣང་མེད་པའི་ན་གཞོན་ཇེ་མང་ཏུ་འགྲོ་བཞིན་ཡོད་
དྲ་གྲོགས་ཚོས་བོད་མི་མང་ལ་ཕན་ཐོག་ཡོད་པའི་བསམ་ཚུལ་སྤེལ་རོགས་གནང།
འདི་ངས་ད་དུང་བཤད་འདོད་ཡོད་པ་ཅིག་ལ་མ་འོངས་བཀའ་ཁྲི་དེ་བཀྲིས་དབང་འདུས་དང་བཀྲས་མཐོང་གང་རུང་གཅིག་ལ་འོས་ཐོབ་ཐུབ་ན་བོད་རང་སྐྱོང་ལྗོངས་ཅེས་པའི་ཚིག་ཇེ་མང་དུ་འགྲོ་གི་རེད་པས་ཁོང་་གཉིས་ལ་རེ་བ་རྒྱབ་ན་བཟང་
ཁྱད་ཆོས་བཅུ་ལྡན་མི་དགོས། བརྒྱ་ལྡན་ཡིན་ཡང་ངའི་འོས་ཤོག་གཅིག་པུ་འདི་བློ་སེང་ལ་མི་འཕེན་ཐག་གཅོད་ཡིན།
དྲ་གྲོགས་ཚོའི་བསམ་ཚུལ་གནང་བ་དགའ་བསུ་་དང་བསྔགས་བརྗོད་ཡོད་།
༄༅།།་གཅེན་གཅུང་གཉིས་ཀྱི་རེ་འདུན་བྱས་སའི་མ་འོང་བཀའ་ཁྲི་དེ་གཞོན་སྐྱེས་ཤིག་རེད་འདུག་ །
གངས་ལྗོངས་སྤུན་ཟླ་ཚོ་།
སྤུན་གྲོགས་ཚོའི་གཟིགས་དང་༽
༡༽སྐབས་གཉིས་པའི་བཀའ་ཁྲིའི་གྲུབ་འབྲས་གསལ་བསྒྲགས་བྱས་རྗེས་། གོང་༸ས་མཆོག་གིས་གསར་འགོད་པ་ཞིག་གི་དྲིས་ལན་དུ་།
ངས་བཀའ་ཁྲི་གསར་པ་དེ་གཞོན་སྐྱེས་ཤེས་འཇོན་གཉིས་ལྡན་ཤིག་ལ་རེ་བ་བྱས་ཀྱང་། སྟབས་མ་ལེགས་པ་ཤིག་ལ་བླ་རྒན་མགོ་དཀར་དེ་ཡང་བསྐྱར་འདེབསའདུག་ཅེས་། གོང་༸ས་མཆོག་གིས་དེ་དུས་ནས་གཞོན་སྐྱེས་ཤིག་ལ་ཐུགས་རེ་གནང་བའི་གསལ་ཁ་དེ་སྟོན་ཡོད་།
མ་ཚད་ཡང་དེའི་རྗེས་སུ་གོང་ས་མཆོག་གིས་འདི་ལྟར་གསུང་ཡོད་། ངས་མ་འོང་བཀའ་ཁྲི་དེ་གཞོན་སྐྱེས་ཤིག་ལ་རེ་བ་བྱས་པ་མ་ཚད་བུ་མེད་ཤེས་འཇོན་གཉིས་ལྡན་ཞིག་ལ་ཡང་རེ་བ་བྱས་ཀྱི་ཡོད་ཅེས་གསུངས་མྱོང་།
༢༽སྐུ་ཡི་གཅེན་པོ་རྒྱལ་ལོ་དོན་གྲུབ་མཆོག་གི་བཀའ་སྤྱི་གཉིས་ཀྱི་སྐོར་གསུང་བཤད་འདི་ལྟར་གནང་འདུག་།
ང་ཚོས་འཐུས་ཤོར་ཞེ་དྲག་ཕྱིན་འདུག་རྗེས་ལུས་ཞེ་དྲག་ཐེབས་འདུག་ཅེས་བཀའ་གནང་གི་ཡོད་རེད་།ང་ཚོས་ངེས་པར་དུ་སྐྱར་ཞིབ་དང་རྩ་འཛུགས་བྱེད་དགོས་ཀྱི་འདུག་།འདས་པའི་ལོ་༥༠་རིང་འགྲིག་ཡོད་ཀྱང་ནོར་ཡོད་ཀྱང་ང་ཚོས་གོམཔ་དེ་འདྲ་ཞིག་སྤོས་པ་རེད་།མ་འོངས་པའི་གོམ་པ་སྤོ་སྟངས་དེའི་ཐད་ལ།
ངའི་བསམ་པར་ངེས་པར་དུ་བསྐྱར་ཞིབ་གནང་དགོས་ཀྱི་རེད་དྲིན་གྱི་འདུག་ལ་ངས་༸སྐུ་མདུན་ལངས་ཞུ་ཡི་ཡོད་།ངའི་བསམ་བློའི་ནང་ལོ་ཆུང་བའི་ནང་བུ་དང་བུ་མོ་མང་པོ་འདུག་།དེ་ཚོར་བསྐྱར་ཞིབ་སོགས་ཀྱི་ལས་ཀ་བཀོལ་རྒྱུ་དེ་།ད་ལྟ་༸སྐྱབས་མགོན་རིན་པོ་ཆེའི་དབུ་ཁྲེད་འོག་ནས་།
འཛིན་སྐྱོང་གི་འགོ་ཁྲིད་མཁན་དང་ཕྱག་ལས་གནང་མཁན་ཚོས་།ལོ་ཆུང་བ་ཚོར་ལས་ཀ་བཀོལ་སྟངས་མཁྱེན་གྱི་མི་འདུག་ལ་།ལོ་ཆུང་བ་དེ་ཚོར་ཡིད་ཆེས་གནང་གི་མི་འདུག་་་ལོ་ཆུང་བ་དེ་ཚོར་ལས་ཀ་སྤྲོད་དགོས་ཀྱི་འདུག་།ལོ་རྒན་པ་ཚོས་དཀའ་ལས་ཞེ་དྲག་སྐྱོན་ནས་ཕྱག་ལས་གནང་པ་རེད་།
ཁོང་ཚོར་རྒན་ཡོལ་གྱི་ཕོག་དང་ལྟ་རྟོག་གི་འོག་ནས་བཞུགས་།ལོ་ཆུང་བ་བུ་དང་བུ་མོ་མང་པོ་ཡོད་པ་དེ་ཚོ་རྩ་འཛུགས་གནང་ཐུབ་ན་།ཤས་ཡོན་དང་དཔལ་འབྱོར་སོགས་ལས་ཀ་གང་ཅིའི་ཐད་ལ་ཕྱག་ལས་གནང་ཐུབ་ཀྱི་རེད་།རྒྱ་མི་ཐད་ལ་ང་ལ་སེམས་ཁྲེལ་མེད་།ག་ལེ་ག་ལེ་གཟིགས་ཀྱི་གཟིགས་ཀྱི་གོམ་པ་སྤོས་གནང་ན་མ་འགྲིག་བ་ཡོད་མ་རེད་བསམ་གྱི་འདུག་།
ང་ལ་སེམས་ཁྲེལ་ཆེ་ཤོས་ང་རང་ཚོ་ནང་ཁོལ་ནང་སྲ་ཐག་ཐག་བྱེད་ཐུབ་པ་།ལས་ཀ་རྩོམ་ཐུབ་པ་།དོན་དངོས་ལག་ལེན་གྱི་ཐོག་ནས་ང་ཚོ་རྡོ་རྩ་ཆིག་སྒྲིལ་ཡག་པོ་ཞིག་ཡོང་དགོས་ཀྱི་དེ་གལ་ཆེན་རེད་བསམ་གྱི་འདུག་།
ད་ལྟའི་སྐབས་ལོ་ཆུང་བ་འདེབས་གནང་དགོས་ཀྱི་འདུག་།་་ལོ་ཆུང་བ་འདེབས་ཟེར་བ་དེ་བཀའ་བློན་ཁྲི་པ་གཅིག་པུ་ལ་ལབས་ཀྱི་ཡོད་མ་རེད་།་་བཀའ་བློན་ཁྲི་པ་ལ་རོགས་པ་མང་པོ་ཞིག་དགོས་ཀྱི་ཡོད་རེད་།བཀའ་བློན་བརྒྱད་དགོས་ཀྱི་ཡོད་ནའང་འདྲ་བཅུ་དགོས་ཀྱི་ཡོད་ནའང་འདྲ་གནད་འགག་མི་འདུག་།ལོ་ཆུང་བ་མང་པོས་ལས་ཀ་མཉམ་རུབ་བྱེ་ཐུབ་དགོས་ཀྱི་འདུག་།།
ཅེས་གསུང་འདུག་པས་དགོངས་འཇག་ཚལ་།།
བློ་གཟུ་བོར་གནས་ལ་བོད་ཡིག་དང་རྣམ་དཔྱོད་མཁས་པའི་བསྟན་པ་དར་རྒྱས་ལགས་སུ་བཀྲ་ཤིས་བདེ་ལེགས་དང་ཐུགས་རྗེ་ཆེ།
སྤྱི་ལོ་༢༠༡༡ལོའི་ཟླ་༣པའི་ཚེས་༨ཉིན་ཤེས་རབ་དགའ་ཚལ་སློབ་གླིང་ནས་ཨ་མདོ་མགོ་ལོག་ནས་ཡིན་པའི་སློབ་བུ་བསྟན་པ་དར་རྒྱས་ཀྱིས་བྲིས་པའོ།།
བོད་པ་ལ་ཆེས་དཀོན་པའི་བཻཌཱུརྱའི་བུམ་པ་མཁས་དབང་བློ་བཟང་སེང་གེ
གཞི་མེད་སྐྱོན་འཛུགས་བྱེད་པའི་མཁས་དབང་བློ་བཟང་སེང་གེ་ནི་བོད་མི་རིགས་ལ་ཆེས་དཀོན་པའི་བཻཌཱུརྱའི་བུམ་པ་ཞིག ཡིན་ནའང་ཡང་བསྐྱར་རྡོ་ལ་བརྡབ་རྒྱུའི་ཉེན་ཁ་མེད་པ་ཞིག་མ་རེད། ད་ལོ་མཁས་དབང་བློ་བཟང་སེང་གེ་བཀའ་བློན་ཁྲི་པའི་འོས་མིའི་ནང་ལངས་ནས་བཟུང་གཞི་མེད་སྐྱོན་འཛུགས་བྱེད་མཁན་མཚམས་མ་ཆད། འོན་ཀྱང་ཁོང་ནི་གཞི་མེད་སྐྱོན་འཛུགས་ཡིན་པའི་བདེན་དཔང་གཅིག་རྗེས་གཉིས་མཐུད་དུ་སྟོན་རྒྱུ་ཡོད་པའི་མི་སྣ་གཙང་མ་ཞིག་ཡིན་པའི་རྒྱུ་མཚན་འགའ་ཤས་བཀོད་ན།
ཧ་ཝར་ཌི་ཁྲིམས་ལུགས་སློབ་གྲྭ་མཐར་ཕྱིན་སྐབས་རྒྱ་གར་ལ་ཕྱིར་ལོག་མེད་པའི་སྐྱོན་འཛུགས་བྱེད་སྐབས་བཙན་བྱོལ་བོད་གཞུང་གི་ཆེས་མཐོའི་སློབ་ཡོན་ཚོགས་ཆུང་ནས་སྤྱི་ལོ་༢༠༠༥ལོའི་ཟླ༦པའི་ཚེས་༡༧ཉིན་ཕུལ་བའི་མཁས་དབང་བློ་བཟང་སེང་གེ་གནས་སྐབས་རྒམ་གར་དུ་ལོག་གནང་མི་དགོས་པའི་བདེན་དཔང་ཡིག་ཆ། སྤྱི་ལོ་༢༠༡༠ལོའི་ཟླ་༩པའི་ཚེས་༡༠ཉིན་གྱི་བོད་ཀྱི་དུས་བབ་སྤྱིའི་འདོན་ཐེངས་༤༩༥ངོར་འཁོད་ཡོད། བློ་བཟང་སེང་གེས་དཔྱ་ཁྲལ་ལག་དེབ་ལ་དངུལ་ཆད་ཡོད་པའི་གཞི་མེད་སྐྱོན་འཛུགས་ལ་བོད་གཞུང་ཨ་རི་སྐུ་ཚབ་དོན་གཅོད་ཁང་གིས་སྤྱི་ལོ་༢༠༡༠ལོའི་ཟླ་༡༡པའི་ཚེས༥ཉིན་གྱི་གསལ་བཤད་ཡིག་ཆ་སྤྱི་ལོ་༢༠༡༡ལོའི་ཟླ་༡པོའི་ཚེས་༢༠ཉིན་གྱི་བོད་ཀྱི་དུས་བབ་སྤྱིའི་འདོན་ཐེངས་༥༠༩ངོར་འཁོདཡོད། མཁས་དབང་བློ་བཟང་སེང་གེ་དེ་སྔོན་རྒྱ་ནག་ཏུ་སོང་བ་དང༌། དེ་ཡང་བོད་གཞུང་བཀའ་ཤག་གིས་ཤེས་རྟོགས་མེད་པ་སོགས་ཀྱི་སྐྱོན་འཛུགས་ལ་སྤྱི་ལོ་༢༠༡༠ལོ་ཟླ་༡༠པའི་ཚེས་༢༥ཉིན་ཨ་རིའི་མེ་ནེ་སོ་ཊ་རུ་བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེ་ཡིས་གསལ་བཤད་བྱས་ཡོད། བློ་བཟང་སེང་གེས་བོད་ཡིག་ཤེས་ཀྱི་མེད་པའི་སྐྱོན་འཛུགས་ཀྱི་བདེན་དཔང་ནི་སྤྱི་ལོ་༢༠༡༠ལོའི་ཟླ་༣པའི་ཚེས་༢༠ ཉིན་གྱི་བོད་ཀྱི་དུས་བབ་འདོན་ཐེངས་༤༧༩ངོར་འཛམ་གླིང་ནང་བོད་པའི་ལས་འགུལ་རིང་ཤོས་ཞེས་པའི་རྩོམ་ཞིག་སྤེལ་ཡོད། ཡང་སྤྱི་ལོ་༢༠༡༠ཟླ༥པའི་ཚེས་༣༡ཉིན་གྱི་བོད་ཀྱི་དུས་བབ་སྤྱིའི་འདོན་ཐེངས་༤༨༦ངོར་བོད་གནས་ཡོད་ཀྱང་བོད་དོན་གྱི་ལས་འགུལ་གང་དུ་ཡོད་ཅེས་པ་སོགས་དཔྱད་རྩོམ་རིང་མོ་རྐྱང་རྐྱང་སྤེལ་ཡོད་པ་དེ་ཚོ་བོད་ཡིག་ཤེས་པའི་བདེན་དཔང་མ་རེད་དམ། འཐབ་གྲོགས་རྣམ་པ། དངོས་གནས་བོད་རྒྱལ་ཁབ་ཀྱི་ལ་རྒྱ་དང་མི་རིགས་ཀྱི་ཞེན་ཁོག་ཡོད་ན་ཤ་དང་རུས་པའི་གསེང་ནས་མཁྲེགས་འཛིན་དང་ཕྱོགས་ཞེན་གྱི་བསམ་བློ་ཡོངས་སུ་སྤངས་ཏེ་བློ་གཟུ་བོའི་ངང་ནས་བཀའ་ཁྲི་གདམ་རྒྱུ་ནི་ངེས་པ་དོན་གྱི་གལ་ཆེན་ཞིག་ལོས་ཡིན། འུ་ཚོ་བོད་པ་ཚང་གི་ལོ་རྒྱུས་ལ་ཕྱིར་མིག་ཅིག་ལྟོས་དང་གུ་དོག་དང་མཁྲེགས་འཛིན་གྱི་དབང་གིས་མཁས་དབང་དགེ་འདུན་ཆོས་འཕེལ་དང་ལུང་ཤར་རྡོ་རྗེ་ཚེ་རྒྱལ་འདྲ་བའི་བཅོས་བསྒྱུར་གྱི་བསམ་བློ་ཡོད་མཁན་གྱི་ཁ་གཏད་དུ་ལངས་ནས་མི་རབས་རྗེས་མ་བློ་པམ་པའི་གནས་སུ་བསྐྱལ་ཡོད་པ་ཤེས་གསལ་རེད། འུ་ཚོ་བོད་པ་ཚང་གི་མཁས་དབང་བློ་བཟང་སེང་གེ་ནི་དེ་སྔ་བལ་ཡུལ་དང་འབྲུག་སོགས་ཧི་མ་ལ་ཡའི་རི་རྒྱུད་ལ་གནས་ཡོད་པའི་མི་རིགས་ཚང་མའི་ནང་ནས་བྱུང་མྱོང་མེད་པའི་མི་སྣ་རྤབས་ཆེན་ཞིག་ཡིན་པ་མངོན་གསལ་རེད། དེ་ན་ཁོང་ལ་གཞི་མེད་སྐྱོན་འཛུགས་ཀྱི་སྡུག་ཉེས་སྤངས་ཏེ་བཀའ་ཁྲིར་གདམ་ན་འཚམ་པོ་རེད་སྙམ། འུ་ཚོའི་བཀའ་ཁྲི་གལ་ཆེན་དུ་བརྩི་བའི་རྒྱུ་མཚན་གཙོ་བོ་བོད་མིའི་བདེན་མཐའ་གསལ་རྒྱུའི་རེ་བ་ལོས་ཡིན། འུ་ཚོའི་གཏམ་དཔེར་ཨ་རོགས་ལ་ཉན་ས་དང་ཁྱིམ་མཚེས་ལ་ལྟ་ས་ཅེས་པའི་དཔེ་ལྟར། ཁྱིམ་མཚེས་རྒྱལ་ཁབ་རྒྱ་གར་ལ་མཚོན་ན་དབྱིན་ཇིའི་མི་སེར་སྤེལ་ཡུལ་འོག་ནས་རང་བཙན་གཙང་མ་ལེན་མཁན་སེམསདཔའ་ཆེན་པོ་ག྄འན་དྷི་ཁྲིམས་རྩོད་པ་ཞིག་ཡིན་པ་མ་ཟད། ཁྲིམས་ལུགས་གཞི་ལ་བཞག་ནས་རང་བཙན་བླངས་པ་རེད།
ད་ལྟའི་དུས་སུ་ཨ་རྀ་སྲིད་འཛིན་ཨོ་བྷ་མ་དང་སྲིད་འཛིན་བྷི་ཤི་ ཐེ་ཝན་གྱི་སྲིད་འཛིན་མ་ཤོ་སོགས་ཁྲིམས་ལུགས་ཆེད་སྦྱངས་རྐྱང་རྐྱང་སྲིད་འཛིན་ལ་འདེམ་བསྐོ་བྱས་པ་དེ་ཚོར་རྒྱུ་མཚན་མེད་པ་ཅིག་ག་ལ་ཡིན། རྒྱ་ནག་གཙོ་བྱས་ནས་དམར་ཕྱོགས་རྒྱལ་ཁབ་འགའ་ཤས་མ་གཏོགས་འཛམ་གླིང་རྒྱལ་ཁབ་མང་ཆེ་བ་ཁྲིམས་ཀྱིས་དབང་ལུང་བསྒྱུར་ནས་ཁྲིམས་ལུགས་གཞི་ལ་བཞག་སྟེ་ཁྲིམས་ལ་ཡིད་ཆེས་བྱས་ནས་འགྲོ་བཞིན་ཡོད་པ་ཚང་མས་མཁྱེན་གསལ་རེད། དེ་སྔ་འུ་ཚོའི་ལོ་རྒྱུས་ཐོག་ལ་ཁྲིམས་ལུགས་མཁས་དབང་འདི་ལྟ་བུ་ཞིག་བྱུང་མྱོང་མེད་པས། མཁས་དབང་བློ་བཟང་སེང་གེ་ད་ལྟའི་བཀའ་ཁྲིར་གདམ་ན་འོས་འཚམ་ཡིན། མཁས་དབང་བློ་བཟང་སེང་གེས་མ་འོངས་པར་ལོ་ལྔས་ནང་དུ་འེ་ཤ་ཡ་གཙོས་རྒྱ་ནག་ལ་འགྱུར་ལྡོག་མང་པོ་བྱུང་སྲིད་ལ། སྐབས་དེར་གོ་སྐབས་དམ་འཛིན་བྱས་ཏེ་སྲིད་དོན་ཐད་ཕྱག་ལས་མང་པོ་གནང་རྒྱུ་ཡོད་གསུངས་པ་དེ་ཚོས་ཁོང་སྲིད་དོན་པ་དང་གོ་སྐབས་དམ་འཛིན་གྱི་གཤིས་ལ་ཡོད་པའི་མི་ཞིག་ཡིན་པ་མཚོན་ཐུབ་ལ། དེ་འདྲའི་གཤིས་ལ་ད་ལྟ་ང་ཚོར་ངེས་པར་དུ་ཡོད་དགོས། ད་དུང་མཁས་དབང་བློ་བཟང་སེང་གེས་ལོ་རྒྱུས་དཻ་མགོ་རྙོག་པོ་ཡིན་པས། ཕར་ས་ཁྲ་ཞིག་བསྟན་ན་ཚོར་ས་ཁྲ་ཞིག་སྟོན་གྱི་རེད། ཕར་ཚེས་གྲངས་ཤིག་བཤད་ན། ཚུར་ཚེས་གྲངས་ཤིག་བཤད་ཀྱི་རེད། ཕར་བདེན་པ་ཞིག་བཤད་ན། ཚུར་བདེན་པ་ཞིག་བཤད་ཀྱི་རེད། འཇུ་ས་མེད་པ་ཞིག་ཆགས་སྲིད་ཀྱི་རེད། ནུས་པ་ཡོད་མཁན་གྱིས་དབང་འཛིན་བྱས་ནས་སྡོད་པ་རེད། ནུས་པ་མེད་མཁན་གྱིས་ཁྲིམས་གཞིར་བཞག་བརྩད་ནས་ཁྱེད་རང་གི་རྩ་ཁྲིམས་ནང་ཐོབ་ཐང་ཡོད་ཅེས་བཀོད་འདུག དེ་ལག་ལེན་བསྟར་དགོས་ཀྱི་ཡོད་ཅེས་རྩོད་སྐབས། ཁྲིམས་ལག་བསྟར་བྱས་ན་སོ་སོར་ཐོབ་ཐང་རེག་གི་ཡོད་པ་རེད། ལག་ལེན་མ་བསྟར་ན་ཕར་ཕྱོགས་ཁྲིམས་མཐུན་གྱི་གཞུང་ཡིན་ཞེས་པ་དེ་ཁུངས་མེད་ཆགས་འགྲོ་བ་རེད་ཅེས་གསུངས་བ་དེས་ཁོང་ཉིད་ངེས་པ་དོན་གྱི་རྒྱལ་སྤྱིའི་ཁ་ཕྱོགས་ལ་མཐོང་རྒྱ་ཆེ་བ་དང༌། ཁྲིམས་རྩོད་ཀྱི་ཉམས་མྱོང་ལྡན་པ་ནི་སྨོས་མེད་རེད།
དེས་ན་འུ་ཚོས་ཁོང་ལ་ངེས་པ་དོན་གྱི་གོ་སྐབས་ཞིག་སྤྲོད་དགོས་པ་རེད་སྙམ། ད་ལྟ་འུ་ཚོས་རྒྱ་ནག་ལ་སྤྲད་ཡོད་པའི་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་ནི་རྒྱ་ནག་གི་རྩ་ཁྲིམས་དང་རང་སྐྱོང་བཅའ་ཁྲིམས་གཞི་ལ་བཞག་ནས་བཟོས་པ་རེད། དངོས་གནས་བཙན་བྱོལ་བོད་གཞུང་གི་ལངས་ཕྱོགས་ལ་འགྱུར་བ་མེད་ན། བཀའ་བློན་ཁྲི་བ་ཁྲིམས་ལུགས་མཁས་ཅན་ཞིག་ངེས་པར་དུ་དགོས་ངེས་རེད། མཁས་དབང་བློ་བཟང་སེང་གེས་བཀའ་ཁྲི་ལ་གདམ་ན་ྋགོང་ས་སྐྱབས་མགོན་ཆེན་པོས་ལོ་ཆུང་ཤོས་འབྱོན་གཉིས་ལྡན་ཞིག རབ་ན་བུད་མེད་ཅིག་གསུངས་བ་དེའི་དགོངས་གཞི་དང་པོ་མིན་གཉིས་པ་འགྲུབ་ཡོད། ཡང་བཀའ་བློན་ཁྲི་པ་ཟམ་གདོང་རིན་པོ་ཆེས་བཀའ་ཁྲི་ཐེངས་གཉིས་པའི་དམ་བཅའ་བཞག་རྗེས། ྋགོང་ས་སྐྱབས་མགོན་ཆེན་པོས་གསར་འགོད་པའི་དྲི་བ་ལ་ན་འདེབས་མཛད་སྐབས་ངའི་རེ་བ་ལ་ལོ་ཆུང་ཤེས་འབྱོན་གཉིས་ལྡན་ཞིག རབ་ན་བུད་མེད་ཅིག་གདམ་འེ་ཡོང་བསམ་ན། བོད་མི་མང་གིས་ཡང་བསྐྱར་བླ་རྒན་མགོ་དཀར་ཞིག་བདམས་འདུག བོད་མི་མང་གིས་བདམས་བཞག་དུས་ངས་ངོས་ལེན་མི་བྱེད་ཐབས་མེད་རེད་གསུངས་པ་དེས། བཀའ་བློན་ཁྲི་པ་བླ་རྒན་དང་མགོ་དཀར་གཉིས་ལ་ཐུགས་མི་དགྱེས་པའི་ཚུལ་མཛད་ཡོད། མཁས་དབང་བློ་བཟང་སེང་གེ་བཀའ་ཁྲིར་སླེབས་པའི་ཉིན་མོ་དེ་ནས་བཟུང་བོད་ཀྱི་སྐུ་དྲག་ལམ་ལུགས་ཁ་མིན་དོན་གྱིས་མགོ་རྟིང་སློག་པ་མ་ཟད། རྒྱ་ནག་གིས་ཏཱ་ལས་རུ་ཚོགས་ཀྱི་བཀས་བཀོད་བརྒྱུད་འཛིན་སླར་གསོ་བྱེད་ཀྱི་ཡོད་རེད་ཟེར་ནས་སྐད་གསེང་མཐོན་པོས་འཛམ་གླིང་ལ་སྒྲོག་བཞིན་པ་དེ། འཛམ་གླིང་མི་མང་ལ་མགོ་སྐོར་དང་ཧམ་བཤད་བྱེད་ཀྱི་ཡོད་པའི་ར་སྤྲོད་གསལ་པོ་ཞིག་ཆགས་ཡོད། བོད་མིའི་སྟོབས་ཤུགས་ཇེ་ཆེར་འགྲོ་བ་ལ་ངེས་པར་དུ་གཅིག་སྒྲིལ་གལ་ཆེན་པོ་རེད། གཅིག་སྒྲིལ་ཡོང་བ་ལ་གཞུང་མང་གཉིས་ཀྱི་བར་ཐག་ཇར་ཉེར་འགྲོ་དགོས། གཞུང་མང་གཉིས་ཀྱི་བར་ཐག་ཇེ་ཉེར་འགྲོ་བ་ལ་དེང་རབས་ཀྱི་བསམ་བློ་ཡོད་པ། གསར་གཏོད་ཀྱི་སྙིང་སྟོབས་ལྡན་པ། འཛམ་གླིང་གི་ཁ་ཕྱོགས་མཁྱེན་པའིམི་སྣ་ཞིག་གི་དབུ་ཁྲིད་བྱས་ན་མི་མང་གི་ཕྱོགསནས་གཞུང་ལ་ཡིད་ཆེས་ཡོད་པ་དང་ལྷག་པར་དུ་གཞོན་སྐྱེས་ཤེས་ཡོན་པའི་སྡེ་ནས་ཡིད་ཆེས་བརྟན་པོ་ཡོང་ངེས་རེད། མཁས་དབང་བློ་བཟང་སེང་གེ་ལ་ཆ་རྐྱེན་དེ་ཚོ་ཚང་པས་མི་ཚད་གསར་གཏོད་ཀྱི་སྙིང་སྟོབས་ཧ་ལས་པ་ཞིག་ཡོད་པ་འུ་ཚོས་ཡིད་ཆེས་བྱེད་ཆོག རྒྱུ་མཚན་ནི་ཁོང་གིས་བཏོན་པའི་བཀའ་ཁྲིའི་གྲ་སྒྲིག་གསུམ་གྱིས་ཤེས་ཐུབ། དེས་མ་ཚད་རྒྱ་གར་ལྷོ་ཕྱོགས་ནས་ནུས་པ་བཅུའི་གཏམ་བཤད་ནང་ལ་གཟི་བརྗིད་ཀྱི་ནུས་པ་ཟེར་དུས་གསར་གཏོད་ཀྱི་སྙིང་སྟོབས་ཧ་ལས་པ་ཞིག་ཡོད་པ་རྟོགས་ཐུབ། མཁས་དབང་བློ་བཟང་སང་གེ་ལ་ད་ལྟའི་བཀའ་ཁྲིའི་འོས་ཤོག་གི་རྒྱལ་ཁ་ཐོབ་ན་མ་འོངས་པ་མི་རབས་རྒན་པ་རྫོགས་རྗེས། བཀའ་ཟུར་མཁས་དབང་བློ་བཟང་སེང་གེ་ཟེར་དུས་འུ་ཚོ་ལ་བློ་འདྲི་ས་ཞིག་ཆགས་ཐུབ་རྒྱུ་རེད་སྙམ། ྋགོང་ས་མཆོག་གིས་རེ་བ་བཟང་ས་དང་གྲ་སྒྲིག་སྡུག་ས་ནས་བྱེད་དགོས་གསུངས་པ་བཞིན་དུ། འུ་ཚོ་བཙན་བྱོལ་ལ་མུ་མཐུད་དུ་བསྡད་དགོས་བྱུང་ན་གྲ་སྒྲིག་ཅིག་ཀྱང་མིན་རྒྱུ་མེད། འཐབ་གྲོགས་རྣམ་པ། གུས་པའི་འོས་ཤོག་གཅིག་པོའི་བདག་པོ་མཁས་དབང་བློ་བཟང་སེང་གེ་ཡིན་ན་ཡང༌། སོ་སོས་རྒྱབ་སྐྱོར་བྱེད་མི་དེ་ཡིན་མིན་ལ་མ་ལྟོས་པར་བཀའ་ཁྲི་རྣམ་པ་གསུམ་གྱི་སུ་ལ་རྒྱལ་ཁ་ཐོབ་ན་མཐའ་གཅིག་ཏུ་རྒྱབ་སྐྱོར་བྱེད་རྒྱུའི་དམ་བཅའ་གཙང་མ་ཡོད། འུ་ཚོ་གངས་ཅན་པ་ཡོངས་ཀྱིས་དམ་བཅའ་འདི་འདྲ་འཇོག་རྒྱུའི་རེ་བ་དང་བཅས།
སྤྱི་ལོ་༢༠༡༡ལོའི་ཟླ་༣པའི་ཚེས་༨ཉིན་ཤེས་རབ་དགའ་ཚལ་སློབ་གླིང་ནས་ཨ་མདོ་མགོ་ལོག་ནས་ཡིན་པའི་སློབ་བུ་བསྟན་པ་དར་རྒྱས་ཀྱིས་བྲིས་པའོ།།
དྲྭ་གྲོགས་ལ་རྒྱའི་བདག་པོས་དྲྭ་གྲོགས་མི་རྐང་གླིང་བུ་ལ་གཏན་ཚིགས་དང་རིག་པས་རྒྱབ་བརྟེན་བྱས་ནས་ལན་བརྒྱབ་འདུག
ངས་ལ་རྒྱའི་བདག་པོས་གསུངས་པའི་དོན་ཚན་བརྒྱད་པ་དེར་སྣོན་ཚིག་ཁ་ཤས་ཞུ་ཆོག་པར་ཞུ།
༨༽ བློ་སེང་མཆོག་རྒྱ་སྤྱིའི་ཁྲིམས་ལ་ཆེད་སྦྱོང་བྱས་ཡོད་པ་བདེན་གྱི་ཡོད་ངེས། དེར་བརྟེན་ད་བར་མི་མང་པོའི་སེམས་ནང་བློ་སེང་གིས་རྒྱ་སྤྱིའི་ཁྲིམས་ཐོག་ནས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དང་ལྷན་དུ་བོད་དོན་རྩོད་གླེང་དང་། བོད་མིའི་ཐོབ་ཐང་དེ་རྩོད་རྒྱུ་ཡིན་པའི་ངེས་པ་རྙེད་ཡོད།
འོན་ཀྱང་དོན་ངོས་ཐོག་ ད་བར་བློ་སེང་བཀའ་བློན་ཁྲི་པའི་འོས་མི་ལ་ལངས་པ་ནས་བཟུང་གཏམ་བཤད་ཁག་ནང་དང་བགྲོ་གླེང་ཁག དྲི་བའི་ལན་ཁག དེ་བཞིན་རླུང་འཕྲིན་ཁག་ནང་སོགས་པར་རྒྱ་སྤྱིའི་ཁྲིམས་དང་མཉམ་འབྲེལ་རྒྱལ་ཚོགས་ཀྱི་སྤྱི་དམངས་ཐོབ་ཐང་ནང་འཁོད་པའི་རྩ་ཁྲིམས་དང་བཅའ་ཁྲིམས་ཁག་ལས་བོད་ཀྱི་བདེན་པའི་རྩོད་གཞིར་རྒྱབ་སྐྱོར་འོས་པའི་རྩ་ཁྲིམས་ཀྱི་ཚིག་རྐང་གཅིག་ཡང་གསུངས་ཐུབ་མེད།
དེ་བཞིན་༼ཀུན་གླེང་༽ནང་དེ་ལྟར་གསུངས་སོང་༡༩༩༦ནས་ལོ་ཤས་རིང་རྒྱ་མིའི་ཁྲིམས་ལ་ཆེད་དུ་བསྔགས་ནས་ལྟ་ཀློག་བྱས་པ་ཡིན་ཟེར། དེ་ནི་བདེན་པ་ཡིན་སྲིད་མོད། འོན་ཀྱང་ད་བར་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་བཅའ་ཁྲིམས། དེ་བཞིན་བགྲང་ཉུང་མི་རིགས་ཚོར་དམིགས་པའི་བཅའ་ཁྲིམས་ཁག ས་གནས་རང་སྐྱོང་གི་རྩ་ཁྲིམས་ཁག་སོགས་པར་འཁོད་པའི་རང་མི་རིགས་ཀྱི་སྐད་ཡིག་སྤྱོད་རྒྱུར་སྨན་པའི་ཐོབ་ཐང་དང་། ཆོས་དད་རང་མོད་ཐོབ་ཐང་། དེ་ནང་བཞིན་ཐོབ་ཐང་གཞན་ཁག་རྩོད་རྒྱུར་སྨན་པ་དང་དམིགས་པའི་སྐད་ཆ་དུམ་བུ་གཅིག་ཡང་བཤད་མ་སོང་། དེ་འདྲ་སོང་ཙང་བློ་སེང་གིས་ཁྲིམས་ཐོག་ནས་བོད་དོན་རྩོད་རྒྱུ་རེད་སྙམ་པའི་རྨི་ལམ་དེ་ངའི་ངོས་ནས་འཇུག་སྒྲིལ་སོང་།
ཁྲིམས་ཐོག་ནས་བོད་དོན་རྩོད་ཅེས་པ་འདི་མི་དམངས་ལ་མགོ་བསྐོར་གཏོང་བྱེད་ཅིག་ལས་དོན་དམ་དུ་ཁྲིམས་ཐོག་ནས་བོད་དོན་རྩོད་ཡས་ཡོད་ན་དེ་སྔ་ནས་རྩོད་ཚར་བ་རེད། དོན་དངོས་ཐོག་ཁྲམ་པའི་སྐད་ཆ་ལ་ཡིད་ཆེས་རྩ་བ་ནས་ཡོད་པ་མ་རེད། ལྟོས་དང་། ཁོ་པར་རྒྱབ་སྐྱོར་བྱེད་མཁན་འདི་ཚོའི་ཤེས་ཚད་ལ་བལྟས་ན་དོན་དངོས་ལ་ཁ་ཕྱོགས་འདུག་གམ།
ད་ལྟ་ཉིན་བཅུ་ལས་མེད་སྐབས་འདིར་ངའི་བཀའ་ཁྲིའི་འོས་མི་བློ་བཟང་སེང་གེ་དང་ངའི་སྤྱི་འཐུས་འོས་མི་ཀླུ་མཁར་བྱམས་ལ་ད་དུང་ཡང་འགྱུར་བ་གང་ཡང་སོང་མེད།
བློ་བཟང་སེང་གེ་ཡིས་ང་ཚཽའི་སྔོན་འགྲོ་འོས་བསྡུ་མགོ་མ་བརྩམས་དུས་ནས་གཞིས་ཆགས་ཁག་ལ་སྐྱོད་དེ་མི་མང་དང་ཡུལ་དངོས་ལ་ཐུག་འཕྲད་བྱེད་པ་དང་ད་ལྟ་བར་དུ་བྱང་ཐང་གི་གཞིས་ཆགས་ཁག་ཏུ་རླངས་འཁོར་རྐྱང་རྐྱང་ནང་བསྡད་པ་དང་གདོང་མདོག་ཀྱང་དམར་ནག་ལ་གྱུར་ཡོད་པའི་དཀའ་ངལ་སོགས་ལ་མ་འདེམས་པར་ཐོག་མར་ང་ཚོའི་སྤྱི་ཚོགས་ནང་དུ་འོས་བསྡུའི་གསར་བརྗེ་གསར་བ་ཞིག་བསླངས་པ་རེད། ད་དུང་ད་ལྟ་བར་དུ་བགྲོ་གླེང་བྱུང་བའི་གསུང་བཤད་དང་དྲིས་ལན་རིམ་པའི་ནང་དུ་འདོད་པ་ཁེངས་པའི་དངོས་ཡོད་བཤད་པ་སོགས་ལ་ངོ་མ་ཡི་རངས་དང་གདེང་འཇོག་རྙེད་སོང་།
མདོ་སྟོད་སྤྱི་འཐུས་འོས་མི་ཤེས་འཇོན་གཉིས་ལྡན་གྱི་གཞོན་སྐྱེས་ལི་ཐང་འཇམ་དབྱངས་བཟོད་པ་ལགས་ཁོང་བོད་མི་མང་སྤྱི་འཐུས་ཀྱི་འོས་ཁོངས་སུ་ཞུགས་དགོས་པའི་དམིགས་ཡུལ་གཤམ་དུ་གཟིགས་རོགས་།མ་ཚད་ཡང་ཁོང་ལ་མདོ་སྟོད་རྒྱ་ཆེའི་མི་མང་གིས་སྔར་ལས་རྒྱབ་སྐྱོར་གནང་རོགས་ཞེས་གུས་པས་འབུལ་གུས་ཞུ་།།
བོད་ཀྱི་བང་ཆེན་སྤྱིའི་འདོན་ཐེངས་༣༢༡ནང་ཁོང་གིས་དམིགས་ཡུལ་དོན་མཚན་ལྔ་གསུངས་ཡོད་པ་དེ་ཧ་ཅང་གལ་ཆེན་ནང་གི་དོན་ཆེན་ཞིག་ཐོངས་ནས་བྲིས་པ་ཡིན་།་དྲ་གྲོགས་ཚོའི་ཐུགས་སྣང་དང་བསམ་ཚུལ་ཡོངས་བའི་རེ་བ་ཡོད་།
༡༽ང་བོད་དུ་སྐྱེས་པ་དང་བོད་ནང་དངོས་ཡོད་ཀྱི་དཀའ་ངལ་གང་ཡོད་མེད་དང་།རྒྱ་ནག་གཞུང་གིས་བོད་ཀྱི་ཆོས་དང་རིག་གཞུང་མི་རིགས་དང་བཅས་པ་རྩ་མེད་གཏོང་བའི་སྲིད་ཇུས་ཇི་ལྟར་འཛིན་གྱི་ཡོད་མེད་།ངའི་ཨ་ཞང་སོགས་ཀྱི་ལུས་ཐོག་ནས་མིག་མཐིང་ལག་ཟིན་བྱུང་ཡོད་པས་།བོད་ཀྱི་དཀའ་ངལ་་མི་རེ་ངོ་རེ་ནས་འགན་འཁྱེར་དགོས་པའི་བསམ་ཚུལ་འཛིན་གྱི་ཡོད་།
༢༽སྐྱབས་བཅོལ་དུ་འབྱོར་ནས་༸གོང་ས་མཆོག་དང་བོད་གཞུང་གི་ལྟ་སྐྱོང་འོག་ནས་།འབྲས་བློ་གླིང་གྲཱ་ཚང་དུ་ཆོས་སྒོར་ཞུགས་ནས་སློབ་གཉེར་བྱས་ཡུན་རིང་།བཙན་འབྱོར་ནང་གི་ཆོས་ཕྱོགས་ཀྱི་དགོན་སྡེ་ཁག་གི་སྒྲིག་གཞི་དང་།འཆད་རྩོད་རྩོམ་གསུམ་གྱི་སློབ་གཉེར་གནང་སྟངས་།ཆོས་སྡེ་ཁག་འཛིན་སྐྱོང་།བོད་ཀྱི་རིག་གཞུང་སྲུང་སྐྱོབ་ལ་ཆོས་སྡེ་ཁག་གིས་འགན་འཁུར་ལེན་སྟངས་སོགས་ཀྱིས་མཚོན་།དགོན་སྡེ་ཁག་གལ་ཆེན་པོ་ཇི་ལྟར་ཆགས་ཡོད་པ་ལ་རྒྱུས་མངའ་ཡོད་།
༣༽ནོར་གླིང་ཞིབ་འཇུག་ཁང་དུ་རྩོམ་སྒྲིག་དང་ཞིབ་འཇུག་ཡིག་སྒྱུར་གྱི་ལས་ཀ་བྱས་ཡུན་རིང་།བོད་ཀྱི་ལོ་རྒྱུས་སྤྱི་དང་བཙན་འབྱོར་ནང་གི་མང་གཙོའི་ལམ་ལུགས་ཀྱི་སྒྲོམ་གཞི་འཛུགས་སྟངས་།བཀའ་ཟུར་ཚོས་བྲིས་པའི་དངོས་བྱུང་གི་ལོ་རྒྱུས་མང་པོ་ལྟ་ཀློག་དང་རྩོམ་སྒྲིག་བྱས་པ་།བཙན་འབྱོར་ནང་སློབ་གྲཱ་ཁག་གི་ཤེས་ཡོན་སྲིད་ཇུས་།གཞིས་ཆགས་ཁག་གི་འཚོ་བའི་གནས་བབ།བཙན་འབྱོར་ནང་ཡོད་པའི་བོད་མི་ཚོའི་མངོན་འདོད་བཅས་ལ་ཞིབ་འཇུག་བྱས་པའི་གོ་སྐབས་ཐོབ་ཡོད་།
༤༽སུ་ཇཱ་བོད་ཁྱིམ་སློབ་གྲཱར་དགེ་རྒན་བྱས་ཡོན་རིང་།བོད་ཕྲུག་ཚོས་སློབ་སྦྱོང་ལ་ལྲ་སྟངས་ཇི་ལྟར་འཛིན་གྱི་ཡོད་མེད་།དགེ་རྒན་གྱི་སྤུས་ཚད་དང་ཤེས་ཡོན་སྲིད་ཇུས་ཀྱི་ཁ་ཕྱོགས་།དབུས་བོད་སློབ་འཛིན་སྐྱོང་འོག་སློབ་གྲཱ་ཁག་དང་བོད་ཕྲུག་ཁྱིམ་སྡེ་ཁག་ཤེས་རིག་ལས་ཁུངས་ཀྱི་འཛིན་སྐྱོང་འོག་ཡོད་པའི་སམ་བྷོ་ཏྲའི་སློབ་གྲཱ་ཁག་།སྒེར་བཙུགས་སློབ་གྲཱ་སོགས་སུ་བོད་ཡིག་དང་དབྱིན་ཡིག་གི་ཤེས་ཚད་སོགས་།བོད་གཞུང་དང་ཕ་མ་ཚོས་རེ་བ་བྱས་པ་ལྟར་འབྲས་བུ་སྨིན་ཐབས་སུ་།དགེ་རྒན་དང་ཕ་མ་།་་འཛིན་སྐྱོང་་་་་ཤེས་ཡོན་སྲིད་ཇུས་་་་་་སློབ་མས་འགན་བླངས་ནས་སློབ་སྦྱོང་ཇི་ལྟར་བྱེད་དགོས་མིན་ཐད་ལ་ལས་དོན་བསྒྲུབ་པའི་སྤོབས་པ་ཡོད་།
༥༽བོད་ཀྱི་བང་ཆེན་གསར་ཁང་ནང་གསར་འགོད་པ་དང་རྒྱལ་སྤྱིའི་གནས་ཚུལ་སྒྱུར་སྒྲིག་གི་ལས་ཀ་བྱས་དང་བྱེད་བཞིན་པའི་རིང་།རྒྱལ་སྤྱིའི་གནས་ཚུལ་དང་བོད་ནང་གི་གནས་ཚུལ་རྣམས་ལོ་དུས་དང་འབྱུང་རྐྱེན་།ཁ་ཕྱོགས་།མི་མང་གི་བསམ་ཚུལ་སོགས་དུས་ཐོག་གསར་འགྱུར་བཟོས་པ་དང་བསྟུན་ནས་།གནས་ཚུལ་དེའི་ཁྲོད་ནས་རང་གི་ངོས་ནས་རླུང་ཕྲིན་ཁག་ཏུ་གཏམ་བཤད་སྤེལ་བ་དང་།རྩོམ་ཡིག་བྲིས་པ་།་ཚོགས་འདུལ་ཁག་ཏུ་བསམ་ཚུལ་བཤད་པ་།་རྒྱ་གར་ལྷོ་ཕྱོགས་སོགས་བོད་པའི་གཞི་ཆགས་ཁག་དང་ཀ་རྡོ་སྒང་གསུམ་སོགས་ཁ་འཐོར་བོད་མི་གནས་སྡོད་བྱེད་ས་ཁག་ཏུ་སྐོར་བསྐྱོད་བྱས་པ་སོགས་ཀྱིས་མཚོན་།བོད་ཕྱི་ནང་གཉིས་ཀའི་གནས་སྟངས་ཐོག་སློབ་སྤྱོང་དང་འཚོལ་ཞིབ་སོགས་གང་ཐུབ་བྱེད་བཞིན་ཡོད་པས་།་ང་སྤྱི་འཐུས་འོས་གཞིའི་ནང་ཞུགས་པ་དེའང་རི་བོང་ཅལ་འདྲོགས་དང་གཞན་གྱིས་བརྒྱུད་སྐུལ་འོག་ནས་ཡོང་བ་ཞིག་མིན་པ་་།དེ་ནི་རང་ཉིད་ཀྱིས་ལས་དོན་སྒྲུབ་མྱོང་བ་དེ་རྨང་གཞིར་བཞག་པའི་ཐོག་ནས་་་།བོད་ཀྱི་རྩ་དོན་འཐབ་རྩོད་དང་འདིའི་མཐུན་རྐྱེན་སྲོལ་རྒྱུན་གྱི་རིག་པ་གཙོ་བོར་གྱུར་པའི་དེང་རབས་ཀྱི་སློབ་སྦྱོང་ཁག་ཡར་རྒྱས་གཏོང་ཐབས་།བོད་མི་གཞིས་བྱེས་གཉིས་ཀའི་དགོས་མཁོ་ལ་འཚམས་པའི་གནས་བབ་བསྐྱར་གསོ་བྱེད་རྒྱུ་དེ་།རང་ཉིད་ཀྱིས་སྒྲུབ་དགོས་པའི་རྩ་དོན་ལ་བརྩིས་ནས་ང་སྤྱི་འཐུས་ཀྱི་འོས་ཁོངས་སུ་ཞུགས་པ་ཡིན་།གལ་སྲིད་སྐབས་བཅོ་ལྔ་པའི་སྤྱི་འཐུས་ཆགས་ན་ངས་སྒྲུབ་དགོས་པའི་ལས་དོན་ནམ་་་ཡང་ན་ལས་འཆར་འདི་ཡིན་ཟེར་ནའང་ཆོག་པ་ཡིན་ཞེས་འཁོད་འདུག་པའོ།།
བཀྲ་ཤིས་བདེ་ལེགས་གྲངས་མེད་ཞུ་།།
༧གོང་ས་མཆོག་གི་གསུང་འཕྲིན་དེས་བློ་བཟང་སངྒེ་ལ་རྒྱབ་སྐྱོར་བྱེད་པའི་དགོས་པ་དང་འོས་པོ་ཡིན་པས་རྟགས་གསལ་པར་བསྟན་འདུག
འདི་ནས་གསལ་བཤད་ཅིག་མ་རང་བཤད་ཐུག་སོང་། གོང་གི་མཆན་འདེབས་མཁན་གྱི་གྲས་སུ་རང་གྲོལ་ཟེར་ནི་ཞིག་གི་མཆན་རྒྱུན་དུ་མཆན་སྤེལ་གྱིན་འདུག ཁོའི་མཆན་ལ་གསལ་བཤད་གང་ཡང་མེད ། གྲགས་པ་རབ་ཏུ་འབར་བའི་དཔལ་དོན་གྲུབ་རྒྱལ་གྱི་བུར་མིང་འདི་བེད་སྦྱད་ནས་འདིར་རྒྱུན་དུ་ཡོང་ན་ལུས་བདེ་ཡང་སེམས་ནམ་ཡང་བདེ་ཐབས་མ་བྱུང་། མི་འདིའི་རིགས་ང་ཚ་རྒྱུ་མི་འདུག མཆན་འདེབས་རྣམས་ཀྱིས་འདི་ལ་གསལ་བཤད་ཅིག་བྱས་ན་ཅི་འདྲ་རེད །
བསྟན་མགོན་མིང་ཅན་ཟུང་ཉོན་ཅིག ཁྱེད་གཉིས་ཀྱིས་རྨོངས་གཏམ་ག་ཚོད་བཤད་ཀྱང་མཁས་པ་མགོ་འཁོར་མི་སྲིད། ༸གོང་ས་མཆོག་གི་ཞལ་དྲོན་མོ་ནས་ངས་སུ་གཅིག་ལ་རྒྱབ་སྐྱོར་བྱེད་ཀྱི་མེད་ཅེས་གསུངས་པ་བསྟན་འཇམ་ཁྱེད་ཀྱིས་གོ་མ་བྱུང་ངམ་། ཨམ་ཅོག་རྐུབ་ལ་སྐྱེས་ཙང་གོ་མེད་པ་རེད། ཁྱེད་རང་གཉིས་ཀྱི་ཡི་གེ་བྲི་སྟངས་ལ་ལྟོས་དང་།
སྡེབ་སྦྱོར་མེད་ལ་དག་ཆ་མེད། །
གཉིས་མེད་བླུན་ཟུང་རང་སྣང་མཐོ། །
ད་དུང་མཁས་པར་བླུན་པོ་བརྗོད། །
ཙུ་ཏའི་གླེན་པ་ཡ་རེ་ང། །
བོད་མི་ཚོར་ད་དུང་ཆབ་སྲིད་ལ་ཉམས་ཞིབ་བྱ་རྒྱུ་ལ་སོགས་པའི་ཚད་དུ་སླེབས་མི་འདུག
ད་ལྟོས་དང་རང་གི་བསམ་ཚུལ་དང་ཏོག་ཙམ་མ་མཐུན་ན་ལམ་སེང་བླུན་པོ་དང་རྒྱ་ནག་གི་སོ་བ་ཡིན་པ་གླེང་གིན་འདུག
འདི་ལྟ་བུའི་རུལ་བཞིན་པའི་མི་ཁ་ཤས་ཀྱིས་ད་དུང་དཔྱད་བསྡུར་དང་ཉམས་ཞིབ་བྱེད་པ་ལ་སོགས་པའི་རྩོམ་ཡིག་བྲིས་ན་རྒོད་བྲོ་བ་མ་རེད་དམ།
བདེན་ནོ་བདེན་ནོ་མི་རྐང་གླིང་བུ་བདེན། འགོད་དོ་འགོད་དོ་བློ་སེང་བཀའ་ཁྲིར་འགོད།
བདེན་ན་འགྲིག་གི་མ་གཏོགས་
རང་གྲོལ་ཟེར་ནས་འབོད་འདོད་མ་བྱུང་ཐལ ། ཡིན་ནའང་། བུར་མིང་འདི་སུས་ཐོག་མར་བེད་སྦྱོད་བྱེད་མཁན་དེ་སུ་རེད ། རྩོམ་རིག་གསར་བའི་དེད་དཔོན་ཟེར་བ་དེ་སུ་རེད མཁས་དབང་རིག་པ་རང་གྲོལ་ཅེས་འབོད་ས་དེ་སུ་རེད ། ཁྱེད་ངོ་ཚ་རྒྱུ་ཞིག་ཨེ་ཡོད་དམ ། རབ་ན་གོང་གི་དྲི་བ་འདི་ཚོ་ལན་འདེབས་ཤིག་བྱེད་རོགས ། རང་རྨོངས་་་་་་་་
ལ་རྒྱའི་བདག་པོ་ཐུགས་རྗེ་ཆེ་ཞུ། ལན་འདེབས་དེ་རྒོལ་གཏམ་ཙམ་མིན་པར་རྒྱུ་མཚན་དང་ལྡན་པ་བྲིས་འདུག
སྤྱིར་དངོས་ཆོས་གང་ཞིག་ཡིན་རུང་སྐྱོན་ཡོན་གཉིས་ཡོད་པ་སྨོས་མེད་རེད། དེར་བརྟེན་དངོས་པོ་དེའི་ནུས་པ་ཐོན་ཐུབ་མིན་བརྟེན་གཞིག་རག་ལས་པ་ཞིག དེས་ན་བློན་ཆེན་གྱི་འོས་གཞིར་ཡོད་པའི་མི་གསུམ་པོའི་སྐྱོན་ཡོན་ཐད་བསྒྲེངས་མ་བྱེད་པར། འོས་མི་དེ་དག་གི་ཤེས་འབྱོན་དེ་དེངས་སྐབས་བོད་མིའི་གནས་བབ་དང་འཚམས་པོ་ཡོད་མེད་བལྟ་རྒྱུ་དེ་གལ་ཆེན་རེད། སྤྱི་ཚོགས་ལ་ཤེས་ཡོན་མེད་ན། མང་གཙོས་རྐུན་མ་དཔོན་པོར་བསྐོ་ཞེས་པའི་ཁ་དཔེ་ལྟར་གཟབ་དགོས་པ་བཤད་ཅི་དགོས།
ང་ཚོ་སྔོན་གྱི་དུས་སུ་རྒྱ་ནག་གི་ཆོ་ལོ་ལ་མགོ་འཁོར་བ་བཞིན་ད་སྐབས་ཡང་བློ་སེང་གི་མཁས་དབང་གི་ལག་ཁྱེར་དང་མཐོ་སློབ་ནང་ཐོན་པ་དེ་ཆ་རྐྱེན་གཙོ་བོར་བསྒྲེངས་པ་དེ་དངོས་གནས་ནོར་ཡོད་ལས་ཆེ། དེང་སྐབས་འཛམ་གླིང་གི་དབུ་ཁྲིད་ཚོའི་ནང་དུ་མཁས་དབང་གི་ལག་ཁྱེར་མེད་མཁན་ཡང་མང་པོ་ཡོད་པས། མཁས་དབང་ལག་ཁྱེར་དེ་འཛིན་ཆ་རྐྱེན་དུ་བརྩི་དགོས་དོན་མེད། མ་ཟད་ཕྱི་རྒྱལ་ཁག་ཏུ་ཆེས་མཐོའི་མཁས་དབང་གི་ལག་ཁྱེར་ཐོབ་མཁན་ཆེས་མང་པོ་ཞིག་ལས་མེད་དུ་ལྷག་ཡོད་པས། བོད་མི་ཚོས་བློ་སེང་གི་མཁས་དབང་གི་ལག་ཁྱེར་དེ་གཟི་བརྗིད་དུ་བརྩིས་ནས་སྲིད་འཛིན་དུ་བསྐོས་ན་ཕྱི་རྒྱལ་གྱི་མཐོ་སློབ་འགྲིམ་མཁན་ཚོ་གད་མོ་འཆོར་བྱེད་ཙམ་རེད།
གལ་སྲིད་བློ་སེང་སྲིད་འཛིན་དུ་འདེབས་འདོད་ནའང་ལོས་ཆོག འོན་ཀྱང་ཁོང་གི་ཆ་རྐྱེན་དུ་ཕྱི་རྒྱལ་མཐོ་སློབ་ནས་ཐོན་པ་དང་། དེའི་མཁས་དབང་གི་ལག་ཁྱེར་ཡོད་ཚུལ་དེ་མཚམས་འཇོག་གནང་ཐུབ་ན་ལེགས་པར་མངོན། དྲངས་པོར་བཤད་ཀྱང་ཡིད་མི་ཆེས་པའམ་ཉན་འདོད་མེད་ན་ཅི་དགྱེས་མཛོད།།
གང་ལྟར་ང་ཚོར་དགོས་བའི་བཀའ་ཁྲི་ནི་རྒྱལ་སྤྱིའི་ཆབ་སྲིད་
ཀྱི་འགྱུར་བ་དང་བསྟུན་ནས་གོ་སྐབས་ལེན་མཁས་བོ་དང་
སྲིད་དོན་ཐད་མཁས་དབང་ཡིན་པའི་གཞོན་སྐྱེས་ཞིག་དགོས།
༧གོང་ས་མཆོག་སྐུ་འཚོ་བཞུགས་སྐབས་ནས་བོད་ཀྱི་རྩ་དོན་གྱི་
འགན་དབང་དེ་གཞོན་སྐྱེས་ལ་སྤྲད་ནས་སྦྱོང་བརྡར་དང་གོ་སྐབས་བརྒྱུད་ནས་
ཕུགས་རྒྱང་རིང་པོར་གྲ་སྒྲིག་དགོས།
རང་གྲོལ་ནི་མིང་ཤིན་ཏུ་སྙན་པོ་ཞིག་རེད་འདུག
གྲགས་ཅན་དཔལ་དོན་གྲུབ་རྒྱལ་གྱི་སྨྱུག་མིང་མ་གཏགས་གོང་ལ་དུས་རབས་བཅུ་བརྒྱད་པའི་ནང་རེབ་གོང་དུ་༼ཞབས་དཀར་ཚོགས་དྲུག་རང་གྲོལ།༽ཞུ་བ་ཞིག་བྱུང་ཡོད་ལ་ཁོང་གི་རང་རྣམ་དང་གཞན་བསྟན་བཅོས་དུ་མ་བརྩམས་གནང་ཡོད།
རང་གྲོལ་འབོད་ན་མི་འགྲིག་པ་དང་མི་ཆོག་པ་གང་ཡང་མི་མཐོང་།
ད་དུང་། གྲགས་ཅན་སྙན་ངག་པ་དོན་གྲུབ་རྒྱལ་གྱི་འདི་ལྟར་གསུངས་ཡོད། ༼བསྟོད་བ་བྲིས་ན་ལོས་ཆོག་ཀྱང་།། ཧ་ཅང་བསྟོད་པ་ཐལ་ཆེ་ན།། གང་གྰའི་ཆུ་བོ་རྒྱ་མཚོར་བཞིན།། སྨད་པའི་བ་ཚྰར་ངེས་པར་འགྱུར།།༽
དོན་གྲུབ་རྒྱལ་གྲགས་ཅན་དང་རང་མོད་སྙན་རྩོམ་གྱི་བློ་མགོ་ཕྱེས་མཁན་དེ་ཉིད་ཡིན་པར་གངས་ལྗོངས་རིག་པ་སྨྲ་བ་ཚང་མས་ཞལ་གཅིག་གྲགས་ཡིན་པ་ལས་མཁས་པའི་དབང་པོ་ཡིན་པ་ད་རེས་གོ་བ་ཐེངས་དང་པོ་ཡིན།
འབུམ་རམས་པ་བློ་སེང་མཆོག་མང་གཙོ་ཚོགས་པས་༼སློབ་དཔོན་༽ བཟོས་འདུག
ཁ་སྔོན་སུད་སེར་ཁོང་ཁྱབ་བསྒྲགས་ཆེད་ཀྱི་ཤོག་སྟེང་དེར་ཡང་འདི་ལྟར་འཁོད་འདུག
མིང་། མཁས་དབང་བློ་སེང་།
ལས་གནས་། མཁས་དབང་། ༼མཁས་པ་དང་མཁས་པའི་དབང་པོ་ནི་མིང་ཡིན་པ་ཙམ་ལས་ལས་གནས་མ་ཡིན། དེར་བརྟེན་གཅིག་བྱས་ན་བློ་སེང་ལ་ལ་ཀ་ཡོད་མ་རེད་ཡང་ན་གང་ཡིན་ནཱ༽
ངས་བྱས་ན་ཁོང་གི་རྗེས་འཇུག་པ་ཚོས་ ཚོད་མ་བྱས་པར་ཁོང་ལ་བསྟོད་ར་ཆེ་དྲག་འདུག ཟབ་ཟབ་མ་བྱས་ན་ དོན་གྲུབ་རྒྱལ་གྱི་གདམས་ངག་དང་གཅིག་པ་ས་རེད།
ང་ལ་དབང་བའི་འོས་ཤོག་གཅིག་ཡོད་པ་དེ་མཁས་དབང་བློ་བཟང་སེང་གེ་མཆོག་ལ་འབུལ་རྒྱུ་ཡིན་ནོ
ཆེས་རྗེས་ལུས་ཀྱི་བསམ་བློ་འདུག བསམ་བློ་བཅིངས་གྲོལ་མ་ཐོབ་པའི་དྲ་གྲོག་རྣམས། མི་ཡུལ་དུ་བསྡད་ཅིང་བསྡད་ཅིང་སྐྱོ་སྣང་ཤས། བློ་རྒྱ་གུ་ཡངས་མེད་པའི་བསམ་བློ། གནས་སྐབས་ཙམ་ལ་མགོ་འཁོར་ནས་སྡོད་པ། ཕུགས་འདུན་མེད་པ། སྙིང་སྟོབས་ཞན་པ། སྐྱོད་ཡོན་མི་ཤེས་པ། རྗེས་ལུས་རེད་ད། སྤུན་ཟླ་ཚོ།
༼ཁྲིམས་ཐོག་ནས་བོད་དོན་རྩོད་ཅེས་པ་འདི་མི་དམངས་ལ་མགོ་བསྐོར་གཏོང་བྱེད་ཅིག་ལས་དོན་དམ་དུ་ཁྲིམས་ཐོག་ནས་བོད་དོན་རྩོད་ཡས་ཡོད་ན་དེ་སྔ་ནས་རྩོད་ཚར་བ་རེད། དོན་དངོས་ཐོག་ཁྲམ་པའི་སྐད་ཆ་ལ་ཡིད་ཆེས་རྩ་བ་ནས་ཡོད་པ་མ་རེད། ལྟོས་དང་། ཁོ་པར་རྒྱབ་སྐྱོར་བྱེད་མཁན་འདི་ཚོའི་ཤེས་ཚད་ལ་བལྟས་ན་དོན་དངོས་ལ་ཁ་ཕྱོགས་འདུག་གམ།༽ཟེར། འདི་ནི་ལ་རྒྱའི་བདག་པོ་ཞེས་པའི་མིང་ཅན་དང་ཁོའི་ཕྱོགས་གཏོགས་ཅན་རྣམས་ལ་ཞུ་རྒྱུ།
ཁྲིམས་ཐོག་ནས་བོད་དོན་རྩོད་ས་མེད་པ་དང་། བརྩད་ཀྱང་གྲུབ་འབྲས་མེད་པ་དང་། བོད་དོན་རྩོད་རྒྱུ་གང་ཡོད་བརྩད་ཚར་བའི་དགོངས་ཚུལ་གསུང་འདུག ད་ལྟ་ང་ཚོའི་བོད་རྒྱ་ཞི་མོལ་འདི་ནི་རྩད་ཚར་ནས་གྲུབ་འབྲས་མ་ཐོན་པ་མ་ཡིན་པར་ཤེས་དགོས། ང་ཚོས་ཞི་མོལ་མཇུག་ཏུ་སླེབས་ཡོད་པ་ཕར་བཞག་དངོས་གཞི་ཙམ་ལའང་སླེབས་ཡོད་པ་མ་རེད། ཁྱོད་ཚོ་དཀའ་ངལ་ག་རེ་འདུག ཁྱོད་ཚོ་ལ་ག་རེ་དགོས། དེ་ཚོ་ཡིག་ཐོག་ཏུ་ཁུར་ཤོག་ཟེར་བ་ཙམ་ལས་འདི་འདྲ་བྱས་ན་ག་རེ་འདུག དུག་སེ་བྱས་ན་ག་འདྲ་འདུག དུག་སེ་བྱས་ན་ག་འདྲ་འདུག ཟེར་བ་སོགས་ཕན་ཚུན་གཉིས་མོས་ཀྱི་དངོས་གཞི་གྲོས་ཁ་ལ་སླེབས་ཐུབ་ཡོད་པ་མ་རེད།
བོད་དོན་རྩོད་སྟངས་ཐད་ནས་བཤད་ན། དྲག་པོ་བྱེད་ནས་བོད་དོན་རྩོད་པའི་དམག་དཔུང་དང་མཚོན་ཆ་མེད་ལ་ཡོད་ཀྱང་འཚེ་བ་མེད་པའི་ལྟ་གྲུབ་དང་འགལ་འགྲོ་བ་རེད། ཡང་ན་གནོན་ཤུགས་སྤྲོད་ཐུབ་པའི་དཔལ་འབྱོར་དང་མི་འབོར་སོགས་ཕ་རོལ་པོ་འུ་ཐུག་ཐབས་ཟད་དགོས་པའི་གནོན་ཤུགས་ག་རེ་ཡོད།
ཡང་ན་ཞི་བའི་ཐོག་ནས་སྐུ་མཁྱེན་ང་ཚོ་བོད་ལ་རང་དབང་སྤྲོད་རོགས། སྐུ་མཁྱེན་སྐུ་མཁྱེན་ཟེར་ན་སྙིང་རྗེ་བྱེད་ནས་བོད་ཡུལ་རང་ལག་ཏུ་འཇོག་གི་རེད་དམ།
ད་འོ་ན་ང་ཚོས་ཇི་ལྟར་བོད་དོན་རྩོད་དགོས། འདས་པའི་ལོ་རྒྱུས་ཐོག་ཏུ་བོད་མི་མང་པོ་ཞིག་མུག་ཤི་རྐྱེན་འདས་སུ་གྱུར་པ་དེ་དག་རྒྱལ་སྤྱི་ཁྲིམས་ཐོག་ཏུ་ཉེས་ཡོད་ཉེས་མེད་གང་ཡིན་ཞིབ་འཇུག་བྱེད་རྒྱུ་དང་། ད་ལྟ་རྒྱ་ནག་གིས་བོད་ཐོག་ཏུ་འཛིན་པའི་སྲིད་ཇུས་འདི་རྒྱལ་སྤྱི་དང་། འགྲོ་བའི་མིའི་ཐོབ་ཐང་། མི་རིགས་རང་དབང་སོགས་ཀྱི་ཁྲིམས་སྲོལ་དང་མཐུན་མིན་དང་། ལྷག་པར་རྒྱ་ནག་གི་གྲངས་ཉུང་མི་རིགས་ཀྱི་རྩ་ཁྲིམས་ཁག་དང་འགལ་དང་མི་འགལ་སོགས་དཔང་པོ་འཇོག་ནས་གོམ་པ་འདོར་དགོས་རྒྱུ་ལས་གཞན་ཇི་ལྟར་དུ་ཐག་བཅོད་དགོས། གྲོས་ཁ་གོར་གོར་ཞིག་ཏུ་འདུས་ནས་ཁྲིམས་ཡིག་ཁྱུག་ཁྱུག་ཅིག་ཏུ་བལྟ་ནས་བོད་དོན་དུ་ཐག་གཅོད་དགོས་པ་འདོད་དོ། ཁྱོད་རང་མིག་བཙུམ་ནས་བཀའ་མོལ་མ་གནང་རོགས། ད་དུས་ཚོད་མི་འདུག
བསྟན་འཇམ་གང་དེར། སྤྱིར་བཏང་ཁྱེད་རང་གི་སྡུག་སྐད་འདི་ལ་ལན་རྒྱག་རིན་གང་ཡང་མི་འདུག་ཀྱང་། ཁྲོན་པའི་སྦལ་པ་ལ་རྒྱ་མཚོའི་གཏམ་ཞིག་ཤོད་འདོད། འོན་ཀྱང་རྒྱ་མཚོའི་གཏམ་གོ་དུས་ཁྲོན་པའི་སྦལ་པ་ལྔ་ལམ་དུ་མི་འགྲོ་བའི་རེ་བ་ཡོད། དུས་རབས་བདུན་པ་བརྒྱད་པ་ནས་བཟུང་རྙིང་གཞུང་ནས་གསུངས་པའི་གྲོལ་ལུགས་བཞིའི་ཡ་གྱལ་རང་བྱུང་རིག་པ་འདི་ཉིད་གཉེན་པོ་གཞན་ལ་མ་ལྟོས་པར་གྲོལ་ཚུལ་ཞིག་ཡོད་པ་ལ་རང་གྲོལ་ཞེས་པའི་ཐ་སྙད་བྱས་པ་དང་། ། ཀློང་ཆེན་མཛོད་བདུན་ནང་དུ་རང་གྲོལ་སྐོར་གསུམ་སྟེ། སེམས་ཉིད་རང་གྲོལ་དང་། ཆོས་ཉིད་རང་གྲོལ། མཉམ་ཉིད་རང་གྲོལ་སོགས་ཀྱི་དབྱེ་སྒོ་མང་དུ་གསུངས་ཡོད། མ་ཟད་རྗེ་མི་ལའི་དངོས་བརྒྱུད་ཀྱི་སློབ་མའི་ཁྲོད་རང་གྲོལ་གྱི་རྣལ་འབྱོར་པ་དང་རྣལ་འབྱོར་མ་ག་ཚོད་བྱུང་ཡོད་པ་རྣམས་མཁའ་འགྲོས་ལུང་དུ་བསྟན་པ་ཁྱེད་རང་གིས་གོ་མྱྲོང་མེད། དེ་འདྲ་སོང་ཙང་ངས་ཁྱོད་ལ་དྲི་ཡས་ཤིག་ཡོད། རང་གྲོལ་ཞེས་པའི་ཐ་སྙད་འདི་དོན་གྲུབ་རྒྱལ་ལ་སྒེར་བདག་བྱེད་ཆོག་པའི་དབང་ཆ་སུས་སྤྲད་པ་རས། རྒྱ་ནག་དམར་གཞུང་རེད་པས། རྒྱ་ནག་དམར་གཞུང་ཡིན་ན་ཆོས་མེད་ཀླ་ཀློའི་གཞུང་ནས་ནང་ཆོས་ཀྱི་གཞུང་ནས་བྱུང་བའི་བརྡ་ཆད་ལ་སྟངས་འཛིན་བྱེད་པའི་དབང་ཆ་མེད།
འོ་ན་ཁྱེད་རང་རེད་དམ། ཁྱེད་རང་ཡིན་ན། ཕྱིས་དྲགས་ཐག་ཆོད་འདུག ཁོང་འདས་ནས་ལོ་ངོ་ཉི་ཤུ་རྩ་དྲུག་ཏག་ཏག་སོང་ཟིན། ད་དུང་ཁྱེད་རང་གིས་བུར་མིང་ཞེས་པ་ལན་མང་དུ་བྲིས་པ་འདི་གང་ཞིག་ཡིན། བུ་རམ་གྱི་མིང་ལ་གོ་དགོས་སམ། ཧ་ཧ། རྩོད་པ་རྒྱག་པ་ལ་ངོ་ཚ་ཡི་མི་འདུག་གམ། དེ་ལས་རྒས་འཁོགས་སློབ་གྲྭར་རྒྱུགས། ཡི་གེ་ཡག་པོ་སྦྱོངས། དེ་ནས་ལོ་རྒྱུས་མང་ཙམ་ལྟོས། དེ་ནས་ངའི་སར་དྲི་མ་སྣོམ་པར་ཤོག
རང་གྲོལ་ལྟ་བར་དུས་རབས་མེད།
རང་གྲོལ་སྒོམ་ལ་ཆགས་སྡང་མེད།
རང་གྲོལ་སྤྱོད་པར་བཟང་ངན་མེད།
འདི་ན་རང་གྲོལ་གླེང་སྟེགས་མིན།
ཇ་ཁང་ཆང་ཁང་ཚོགས་སུ་རང་གྲོལ་གཏམ།
སྒྲོགས་པ་འདི་ནི་གསང་བ་ཁྲོམས་སུ་བསྒྲགས།
གསང་བའི་མཁའ་འགྲོའི་ཚོགས་ཀྱིས་་་་་་་་་་་
ཨོ་གསང་གསང་གསང་གསང་གསང།
རང་གྲོལ་གསུམ་དེ་ཁྱོད་དང་དངོས་འགལ་རེད་འདུག
ཁྲོམ་པའི་སྦལ་བ་ལྟབུའི་རང་གྲོལ་དེ་ཁྱོད་ལ་ཚང་འདུག་པས།
རང་གྲོལ་དེ་བདག་པོ་སྐྱོང་རོག་ཞུ
རང་གྲོལ་འབོད་པ་དེར ། ཁྱེད་ངོ་ཚ་རྒྱུ་མི་འདུག་གམ ། དུས་རབས་བདུན་པ་བརྒྱད་པ་གྱེན་ལ་བརྒྱུགས་ནས་རྙིང་གཞུང་ནང་གི་མིང་ཚིག་འགའ་འདིར་དྲུད་ནས་འཆལ་གཏམ་དེས་དངོས་གནས་རང་གྲོལ་རེད་ཨེ་བསམ་གི གཞན་ངས་ཁྱེད་ལ་ཚིག་རྩུབ་བཤད་འདོད་གཏན་ནས་མེད་མོད ། ཁྱོད་ཀྱི་རང་འཚང་དེས་ང་འདུག་གི་མ་གཞུག་ཐལ། གཉེན་པོ་མ་ལྟོས་པར་སྐྱག་པ་དགུ་བསྩགས་ཀྱི་རང་གྲོལ་ཞིག་ཡོད་ན་དེ་ཁྱེད་ཡིན་རྒྱུ་རེད ། ང་ཁྲོན་པའི་ནང་གི་སྤལ་བ་ཡིན་ཀྱང་ཆོག ཁྱེད་རྒྱ་མཚོའི་ནང་གི་སྲིན་པོ་བཞིན་རང་གི་ལྟོ་རེག་ཐབས་སུ་རྙིང་གཞུང་གི་མིང་ཚིག་འགའ་ལད་མོ་བྱས་ནས་གཞན་ལ་མགོ་སྐོར་མ་གཏོང་། དེ་ཙམ་གྱིས་མིང་ལ་རང་གྲོལ་མི་ཐོགས ། གཞན་གྱིས་སྦྱད་ཟིན་པའི་མིང་ཚིག་བཤད་དགོས་ན་ཁྱོད་མ་དགོས་གྲོང་གསེབ་ནང་གི་སྤོ་སྤོ་མོ་མོ་ཚོ་ཡང་འདྲེན་རྒྱུ་ཡོད་རེད ། ཚིག་རྩོད་འདི་ནས་མཚམས་བཞག་ཡིན།
བསྟན་འཇམ་ཁོང་ཁྲོ་ཞེ་དྲག་ལངས་ཤག དགེ་རྩ་བཅོམ་ཡོང་བསམ་ནས་ཞེད་ཀྱི་མི་འདུག་གམ།
བསྐལ་པ་སྟོང་དུ་བསགས་པ་ཡི། །
སྦྱིན་དང་བདེ་གཤེགས་མཆོད་ལ་སོགས། །
ལེགས་བྱས་གང་ཡིན་དེ་ཀུན་ཀྱང་། །
ཁོང་ཁྲོ་གཅིག་གིས་འཇོམས་པར་བྱེད། །ཞེས་ཀྱང་དྲངས་སོ། །
གོང་གི་ཁ་བའི་སྒྲོན་མེ་ཞེས་པ་དེས་ལབ་པ་ལྟར་བློ་སེང་ལ་སྐྱོན་བརྗོད་བྱེད་མཁན་མང་པོ་ཞིག་ནི་བློ་སེང་ལ་མ་དགའ་བ་མ་ཡིན་པར་བོད་གཞུང་ལ་མ་དགའ་བའི་དབང་གིས་ཁོང་བཀའ་བློན་ཁྲི་པར་སླེབ་བཅུག་འདོད་མེད་པ་རེད། གལ་ཏེ་ཁོང་བཀའ་ཁྲིར་སླེབ་པ་ཡིན་ན་བོད་གཞུང་འདི་ཚགས་ཚུད་རུ་འགྲོ་རྒྱུ་དང་། མ་ཟད་བོད་རིགས་སྤྱི་དང་ལྷག་པར་གཞོན་སྐྱེས་རྣམས་ནས་བོད་གཞུང་ལ་སྔར་ལས་ལྷག་པའི་སེམས་ཐག་ཉེ་རུ་འགྲོ་རྒྱུ་ཡིན་པ་ཐག་ཆོད་པ་རེད། དེས་ན་ཁོང་ཚོས་ཚིག་པ་འདྲེ་ལ་ཟ་ནས། རྡུང་རྒྱུ་རྔ་རྒོག་རྡུང་བཞིན་ཡོད་པས། རང་གི་རྒྱལ་ཁབ་དང་མི་རིགས་ལ་ལྷག་བསམ་དཀར་ཞིང་། ཀླད་རྙིང་འཕྲད་བཟུང་གི་ལྟ་བ་བོར་བའི་བོད་རིགས་བསམ་ཡོད་ཤེས་ལྡན་ཞིག་ཡིན་ན་ཁོང་ཚོའི་མགོ་སྐོར་འོག་ལ་མ་ཚུད་པ་བྱེད་རྒྱུ་གལ་ཆེ།
དྲ་གྲོགས་རྣམ་པ་སྐུ་ཁམས་བཟང་།
༡༽དྲ་གྲོགས་ཚོས་རང་གྲོལ་སུ་ཡིན་ཡང་ཁྱད་པར་མེད།ང་ཚོར་རྒྱལ་པོ་དང་།བསྟན་འཛིན།དགེ་ཆོས་སོགས་ཀྱི་མིང་མང་པོ་ཡོད་པ་བཞིན་རང་གྲོལ་ཡང་དེ་བཞིན་རེད།དེར་རྩོད་དོན་མི་འདུག་བརྗོད་གཞིའི་ཐོག་ལ་བབ་རོགས།
༢༽དྲ་གྲོགས་མི་རྐང་གླིང་བུ་ལགས།ཁྱེད་ཀྱིས་ཡང་བསྐྱར་གསལ་བཤད་ཁྱ་རེ་ཁྱོ་རེ་ཞིག་གནང་བར་ང་དགའ་པོ་བྱུང་།
འོན་ཀྱང་ཁྱེད་ཀྱིས་༼ཁྲིམས་ཐོག་ནས་བོད་དོན་རྩོད་ཅེས་པ་འདི་མི་དམངས་ལ་མགོ་བསྐོར་གཏོང་བྱེད་ཅིག་ལས་དོན་དམ་དུ་ཁྲིམས་ཐོག་ནས་བོད་དོན་རྩོད་ཡས་ཡོད་ན་དེ་སྔ་ནས་བརྩད་ཚར་བ་རེད། དོན་དངོས་ཐོག་ཁྲམ་པའི་སྐད་ཆ་ལ་ཡིད་ཆེས་རྩ་བ་ནས་ཡོད་པ་མ་རེད། ལྟོས་དང་། ཁོ་པར་རྒྱབ་སྐྱོར་བྱེད་མཁན་འདི་ཚོའི་ཤེས་ཚད་ལ་བལྟས་ན་དོན་དངོས་ལ་ཁ་ཕྱོགས་འདུག་གམ།༽ཞེས་འབྲེལ་བ་མེད་པའི་དུམ་བུ་དེ་འདྲ་ཞིག་དྲངས་འདུག་ཀྱང་ངའི་མཆན་བུའི་ནང་དེ་འདྲ་ཞིག་རྩ་བ་ནས་བཀོད་མེད།དེར་གསལ་བཤད་གནང་རོགས།
༣༽ཡང་ཁྱེད་ཀྱིས་ངའི་ཕྱོགས་གཏོགས་ལ་ཞུ་རྒྱུ་ཞེས་བྲིས་འདུག་ཀྱང་ངར་ཕྱོགས་གཏོགས་བོད་མི་མང་མ་གཏོགས་གཞན་མེད་པས་ཁྱོད་ཀྱི་ངའི་ཕྱོགས་གཏོགས་ཞེས་སྔར་མེད་གསར་སྤྲོས་གང་ཡིན་ནམ།
༤༽བརྗོད་གཞི་ངོ་མར་ཁྱེད་ཀྱིས་བོད་རྒྱ་ཞི་མོལ་གྱི་ཐད་འུ་ཐུག་ཐབས་ཟད་ཀྱི་རྣམ་པའི་ཐོག་ནས་གསུང་སྐད་ཤོར་འདུག་མོད།ང་ཚོའི་བོད་རྒྱ་ཞི་མོལ་བྱེད་པ་ལ་དམག་བརྒྱབ་དགོས་མེད་ལ།དཔལ་འབྱོར་གྱི་གནོན་ཤུགས་ཀྱང་མི་དགོས།བོད་རྒྱ་ཞི་མོལ་དེ་བཀྲས་མཐོང་བསྟན་རྣམ་གྱིས་གསུངས་པ་བཞིན་ང་ཚོ་བོད་མི་རྩམ་གཟན་ཚང་མས་རྡོག་རྩ་ཆིག་སྒྲིལ་གྱི་སྒོ་ནས་ང་ཚོར་ཡོད་པའི་བདེན་པ་དེ་རྒྱལ་སྤྱིའི་ཐོག་ཤུགས་ཆེ་ཙམ་བསྒྲགས་རྒྱུ་དང་།ང་ཚོའི་བདེན་དོན་དེ་རྒྱ་ནག་ལ་ར་སྤྲོད་ཐུབ་པ་བརྒྱུད་ནས་རྒྱ་བོད་ཀྱི་དབུ་ཁྲིད་དང་མི་མང་གི་དབར་ལ་གྲོས་མོལ་བྱེད་དགོས་པ་དེ་རེད།
༥༽ལར་ནས་ཁྱེད་ཀྱིས་བརྗོད་པ་བཞིན་རྒྱ་ནག་གི་གྲངས་ཉུང་མི་རིགས་ཁྲིམས་སྲོལ་གྱི་ཐོག་ནས་བོད་དོན་རྩོད་སྟངས་དེ་ཡང་རང་སྲིད་རང་སྐྱོངས་མ་གཏོགས་རང་བཙན་རྩོད་སའི་ལམ་ཁ་མེད།གལ་ཏེ་རང་སྲིད་རང་སྐྱོང་རྩོད་ས་ཡོད་ཀྱང་བློ་སེང་གིས་ད་བར་རྒྱལ་སྤྱིའི་ཁྲིམས་ཐོག་ནས་བོད་དོན་རྩོད་པ་དང་རྒྱ་ནག་གི་ཁྲིམས་ཐོག་ནས་བོད་དོན་རྩོད་པའི་དེ་ལྟར་རྩོད་པའི་ལོ་རྒྱུས་མེད་པ་དེ་གང་ཡིན་ནམ།
ལ་རྒྱའི་བདག་པོ་ལགས། རང་གྲོལ་གྱི་མཆན་ཞིག་ཁྱོད་རང་གི་མགོར་གཡོག་འདུག་པ་དེ་ང་རང་ནོར་འདུག་དགོངས་པ་མ་ཚོམས་ཞུ་རྒྱུ་ཡིན།
ངས་འདི་ལྟར་བློ་སེང་གི་སྐོར་ལ་བཤད་དགོས་དོན་ནི། བོད་ཀྱི་སྤྱི་ཚོགས་ནང་དུ་ཁོ་ལས་ལྷག་པའི་ཤེས་འཇོན་གཉིས་ལྡན་ཞིག་མེད་པ་དང་། ཁོ་བཀའ་ཁྲི་ལ་འདེམས་ཐོན་བྱུང་བ་ཡིན་བོད་པ་ཚང་གི་དཀའ་སྡུག་ཆ་ཚང་སེལ་འགྲོ་བ་སོགས་ངས་དྲན་གི་མི་འདུག འོན་ཀྱང་ད་ཡོད་འོས་གཞི་མི་གསུམ་པོ་ནང་ནས་བཀའ་ཁྲི་འོས་ཤོས་དེ་ཁོ་རང་རེད་ཟེར་ནས་ཞུ་རྒྱུ་ཡིན།
དེ་སྔ་བོད་ཀྱི་ལས་དོན་གྱི་ཆེད་དུ་ཤ་ཐང་ཐང་དུ་འབད་མེད་པས་བོད་དོན་ཟེར་དུས་ཡིད་ཐང་ཆད་ནས་གཉིད་ཁུག་འགྲོ་བའི་གནས་ཚུལ་ཁོ་ལ་ཡོད་མ་རེད། ཁོས་ལོ་ཤས་རིང་ཅི་ཞིག་ཐོབ་རེས་འབད་རྩོན་ཡང་ཡང་བྱེད་གི་རེད་བསམ། མི་རབས་གསར་རྙིང་གཉིས་ཀྱི་སོ་བར་ན་བོད་ཀྱི་དབུ་ཁྲིད་རྒན་རྣམས་སྐུ་ཚེ་རྡོ་རྗེའི་ཁམས་སུ་བརྟན་བཞིན་པའི་སྐབས་སུ་མི་རབས་གསར་པ་ཞིག་གིས་ལས་ཀ་བྱས་ན་བློ་དྲི་གྲོས་འདེབས་བྱེད་སས་མི་ཕོངས་པ་དང་། ནོར་འཁྲུལ་འདྲ་ཤོར་ཚེ་བཀའ་སློབ་ལམ་སྟོན་ཞུ་ས་ཡོད་པ། གཞིས་བྱེས་ཡོངས་ལ་མི་རབས་གསར་པའི་སྐད་སྒྲས་སེམས་ཤུགས་སྤར་བ། འཛམ་གླིང་མི་མང་གི་མདུན་མི་རབས་གསར་པའི་ངོ་གདོང་བསྟན་ནས་བོད་དོན་གླེང་བ་སོགས་དགེ་མཚན་དུ་མ་ཡོད་པ་བསམ་ནས་ངས་ཁོང་ལ་རྒྱབ་སྐྱོར་ཞུ་གིན་ཡོད།
དེ་ལས་གཞན་ཁོ་ང་རང་བར་དུ་གཉེན་ཉེ་ཤགས་ཀྱི་འབྲེལ་བ་ཕར་ཟད་ངོ་ཤེས་ཙམ་ཡང་མིན། ད་ལོ་དྲིལ་བསྒྲགས་ཀྱི་སྐབས་སུ་འཁྲིས་ནས་གཅིག་མཐོང་མྱོང་བ་ཙམ་ཡིན།
ལ་རྒྱའི་བདག་པོ་ལགས། རང་གྲོལ་གྱི་མཆན་ཞིག་ཁྱོད་རང་གི་མགོར་གཡོག་འདུག་པ་དེ་ང་རང་ནོར་འདུག་དགོངས་པ་མ་ཚོམས་ཞུ་རྒྱུ་ཡིན།
ངས་འདི་ལྟར་བློ་སེང་གི་སྐོར་ལ་བཤད་དགོས་དོན་ནི། བོད་ཀྱི་སྤྱི་ཚོགས་ནང་དུ་ཁོ་ལས་ལྷག་པའི་ཤེས་འཇོན་གཉིས་ལྡན་ཞིག་མེད་པ་དང་། ཁོ་བཀའ་ཁྲི་ལ་འདེམས་ཐོན་བྱུང་བ་ཡིན་བོད་པ་ཚང་གི་དཀའ་སྡུག་ཆ་ཚང་སེལ་འགྲོ་བ་སོགས་ངས་དྲན་གི་མི་འདུག འོན་ཀྱང་ད་ཡོད་འོས་གཞི་མི་གསུམ་པོ་ནང་ནས་བཀའ་ཁྲི་འོས་ཤོས་དེ་ཁོ་རང་རེད་ཟེར་ནས་ཞུ་རྒྱུ་ཡིན།
དེ་སྔ་བོད་ཀྱི་ལས་དོན་གྱི་ཆེད་དུ་ཤ་ཐང་ཐང་དུ་འབད་མེད་པས་བོད་དོན་ཟེར་དུས་ཡིད་ཐང་ཆད་ནས་གཉིད་ཁུག་འགྲོ་བའི་གནས་ཚུལ་ཁོ་ལ་ཡོད་མ་རེད། ཁོས་ལོ་ཤས་རིང་ཅི་ཞིག་ཐོབ་རེས་འབད་རྩོན་ཡང་ཡང་བྱེད་གི་རེད་བསམ། མི་རབས་གསར་རྙིང་གཉིས་ཀྱི་སོ་བར་ན་བོད་ཀྱི་དབུ་ཁྲིད་རྒན་པ་རྣམས་སྐུ་ཚེ་རྡོ་རྗེའི་ཁམས་སུ་བརྟན་བཞིན་པའི་སྐབས་སུ་མི་རབས་གསར་པ་ཞིག་གིས་ལས་ཀ་བྱས་ན་བློ་དྲི་གྲོས་འདེབས་བྱེད་སས་མི་ཕོངས་པ་དང་། ནོར་འཁྲུལ་འདྲ་ཤོར་ཚེ་བཀའ་སློབ་ལམ་སྟོན་ཞུ་ས་ཡོད་པ། གཞིས་བྱེས་ཡོངས་ལ་མི་རབས་གསར་པའི་སྐད་སྒྲས་སེམས་ཤུགས་སྤར་བ། འཛམ་གླིང་མི་མང་གི་མདུན་མི་རབས་གསར་པའི་ངོ་གདོང་བསྟན་ནས་བོད་དོན་གླེང་བ་སོགས་དགེ་མཚན་དུ་མ་ཡོད་པ་བསམ་ནས་ངས་ཁོང་ལ་རྒྱབ་སྐྱོར་ཞུ་གིན་ཡོད།
དེ་ལས་གཞན་ཁོ་ང་རང་བར་དུ་གཉེན་ཉེ་ཤགས་ཀྱི་འབྲེལ་བ་ཕར་ཟད་ངོ་ཤེས་ཙམ་ཡང་མིན། ད་ལོ་དྲིལ་བསྒྲགས་ཀྱི་སྐབས་སུ་འཁྲིས་ནས་གཅིག་མཐོང་མྱོང་བ་ཙམ་ཡིན།
རྒྱལ་བ་རིན་པོ་ཆེ་བགྲེས་ཡོལ་དུ་འགྲོ་མི་བཅུག་པར་ད་དུང་བློ་སེང་ལ་རྒྱབ་སྐྱོར་བྱས་རབས་བཤད་ན་དོན་གྱིས་རྒྱལ་བ་རིན་པོ་ཆེ་ལ་བགྲེས་ཡོལ་གྱི་རྩིས་མི་འདུག་ཟེར་བ་འདྲ། བློ་སེང་ཐད་བསྐོས་ཡིན་ཚེ་བཀས་བཀོད་བརྒྱུད་འཛིན་རིང་ལུགས་ལས་དམངས་གཙོར་ག་ལ་འགྱུར། ད་རེས་གཞོན་ནུ་རྣམས་ལ་འུར་ལངས་འདུག་པས་བློ་སེང་ལ་འདམས་ཤོག་ཐོབ་ཡོང་པ་འདྲ། ཉམས་མྱོང་འཇོན་ཐང་མི་གཤིས་གང་གི་ཐད་ནས་ཡིན་ཀྱང་གཞན་གཉིས་ལ་གོང་ཚད་བཅད་ཚར་བ་རེད། ངནཔ་ཡིན་པའི་སྐོར་ཁུངས་དང་ལྡན་པ་ཞིག་བཤད་རྒྱུ་སུ་ལའང་མི་འདུག ཁོང་གཉིས་ཀྱི་མཛད་རྗེས་བོད་མི་མང་གིས་རྣམ་ཀུན་བརྗེད་མི་རུང་། བློ་སེང་གཞི་ནས་རེད་རྐུབ་སྟེགས་སུ་སླེབས་པ་དང་རྒྱ་ནག་ཕྱོགས་སུ་སྐུ་ལུས་ཡོ་མི་འགྲོ་བའི་རེ་བ་ཡོད། དབང་དང་རྒྱུ་ནོར་མེད་ཚེ་ལྷག་བསམ་ཡོད་མདོག་བཤད་མཁན་མང་། ཚང་མ་འཛོམས་ན་རང་འདོད་སྒྲུབ་རྒྱུ་རེད། ཉེ་ཆར་ཀོ་རི་ཡའི་དཔོན་པོ་མང་པོ་ཞིག་རྒྱ་ནག་གི་མཛེས་མས་བློ་བསྒྱུར་ཏེ་གསང་བ་ཕྱི་ལ་ཤོར་ཚུལ་གཟིགས་ཤིག རྒྱུ་ནོར། བུད་མེད། ཐོབ་ཐང་། བཙན་གནོན་སོགས་མི་བཟོད་པར་རང་གི་ནང་ཁྲོལ་ཕྱི་ལ་སྟོན་མཁན་ཤིན་ཏུ་མང་པས་བློ་སེང་བཀའ་བློན་གནང་ཚེ་ཡང་གཟབ་དགོས། བློ་སེང་གི་ཕྱོགས་གཏོགས་རྣམས་ཀྱིས་དགོངས་པར་མཛོད།
བློ་སེང་བཀའ་ཁྲི་ཐོབ་ན་ཆོག་མ་ཐོབ་ཀྱང་རུང་། ཁོའི་་ཁྱབ་སྒྲགས་ཀྱི་དངུལ་འབྱུང་ཁུངས་ལ་ཞིབ་འཇུག་གཟབ་ནན་དགོས། སྐྱོན་མེད་ན་དཀར་པོ་ཡིན་པས་བློ་སེང་རང་ལ་ཕན་ཐོགས་ཆེ། སྐྱོན་ཡོད་ན་བོད་རྒྱ་ཆེའི་མི་མངས་ལ་དབུ་སྐོར་མ་ཐེབས་པས་དེ་ལ་ཕན་པ་ཆེ། གང་ལྟར་ཡང་སུ་ཞིག་ལ་ཐོབ་ཡོད་ནའང་དེ་ལ་དགའ་བསུ་ཞུ། དེས་བོད་ཆོས་སྲིད་གཉིས་ལ་ཕན་པར་སྨོན། །