དྲེད་པོ་ཧོར།
གལ་ལྟེ་ཁྱེད་ཀྱི་སེམས་པ་དེ།
སྒམ་ཆུང་ཞིག་ཡིན་པའི་དབང་དུ་བཏང་ན།
ང་ཆུད་སའི་ཁོད་རྒྱ་མེད་ཀྱང་གནས་ལུགས་ཡོད་དེ།
ཅ་དངོས་གཞན་དག་གིས་གང་ཚར་ཡོད་ཤག་རེད།
____རེད་དེ་གཟུགས་མེད་སེམས་ཀྱི་སྒྲོམ་བུ་ནི།
དེ་ལྟར་ཆུང་ཆུང་ཞིག་ཨེ་ཡིན་ནམ།
གལ་ལྟེ་ཁྱེད་ཀྱི་སེམས་པ་དེ།
དཔེ་དེབ་ཞིག་ཡིན་པའི་དབང་དུ་བཏང་ན།
ང་འཁོད་སའི་ཤོག་ལྷས་མེད་ཀྱང་གནས་ལུཊ་ཡོད་དེ།
བརྗོད་བྱ་གཞན་གྱིས་ཁེངས་ཚར་ཡོད་ཤག་རེད།
____རེད་དེ་གཟུགས་མེད་སེམས་ཀྱི་དཔེ་དེབ་ནི།
དེ་ལྟར་ཆུང་ཆུང་ཞིག་ཨེ་ཡིན་ནམ།
གལ་ལྟེ་ཁྱེད་ཀྱི་སེམས་པ་དེ།
ཞིང་ས་ཞིག་ཡིན་པའི་དབང་དུ་བཏང་ན།
ང་འདེབས་སའི་ས་ཁྱོན་མེད་ཀྱང་གནས་ལུཊ་ཡོད་དེ།
ལོ་ཐོག་གཞན་ཞིག་བཏབ་ཚར་ཡོད་ཤག་རེད།
____རེད་དེ་གཟུགས་མེད་སེམས་ཀྱི་ཞིང་ས་ནི།
དེ་ལྟར་རྒྱ་ཆུང་ཆུང་ཞིག་ཡིན་ནམ།
གལ་ལྟེ་ཁྱེད་ཀྱི་སེམས་པ་དེ།
ཟུར་གསུམ་ཞིག་ཡིན་པའི་དབང་དུ་བཏང་ན།
ངར་སྐོར་སྒྱུའི་ཟུར་མེད་ཀྱང་གནས་ལུགས་ཡོད་དེ།
ཟུར་གསུམ་ག་གཞན་གྱིས་བདག་ཚར་ཡོད་ཤག་རེད།
____རེད་དེ་གཟུགས་མེད་སེམས་ཀྱི་ཟུར་ནི།
དེ་ལྟར་དོག་པོ་ཞིག་ཨེ་ཡིན་ནམ།
གལ་ལྟེ་ཁྱེད་ཀྱི་སེམས་པ་དེ།
ཁང་ཆུང་ཞིག་ཡིན་པའི་དབང་དུ་བཏང་ན།
ང་སྡོད་སའི་ས་མིག་མེད་ཀྱང་གནས་ལུགས་ཡོད་དེ།
ཁྱེད་དང་ཁྱེད་ཀྱི་ནང་མིས་ཁེངས་ཚར་ཡོད་ངེས་རེད།
____རེད་དེ་་གཟུགས་མེད་སེམས་ཀྱི་ཁང་བུ་ནི།
དེ་ལྟར་ཆུང་ཆུང་ཞིག་ཨེ་ཡིན་ནམ།