དྲན་དཀར་དཔལ་ཡོན།
བསམ་མེད་བྱིས་པས་བྱིའུ་ཚང་སྔོག་པ་ན།།
ཀྱུར་ཀྱུར་སྐད་ཀྱིས་ཁྱིམ་བདག་འབོད་ཕོ་སུ།།
བསམ་མེད་མའོ་ཡིས་ཡུལ་ཁམས་དཀྲུགས་པ་ན།།
བློ་ལྡན་བྱེད་པོ་འཛམ་གླིང་དཀྲོགས་ཕོ་སུ།།
བསམ་མེད་ང་ནི་བྱིའུ་ཚང་བསྔོགས་པ་ཕོ།།
ཀྱུར་ཀྱུར་སྐད་ཀྱིས་འབོད་ཕོ་བྱིའུའི་མ།།
མའོ་ཡིས་མུ་གེས་ཡུལ་ཁམས་དཀྲུགས་པ་ན།།
བསམ་ཡོད་སེམས་བཅས་སྒྲོགས་ཕོ་གངས་རིའི་མགོན།།
འཚེ་བས་གནོད་འབྲས་སྐྱེ་དགུར་སྟོན་པ་པོ།།
རྟེན་མེད་འབྲེལ་མེད་གྲོགས་མེད་བསླབས་པ་པོས།།
ཡུལ་ཡོད་སེམས་བཅས་ཐབས་དང་བློ་གྲོས་ཀྱིས།།
འཛུམ་བཅས་གུས་བཅས་ཡིད་ཆེས་གོ་ལར་སྤེལ།།
བསམ་མེད་ངས་ཀྱང་བྱིའུ་ཚང་བཞག་ན་སྙམ།།
ཡུལ་ཚིས་ཞི་བདེ་དཔལ་ལ་གནས་ན་སྙམ།།
ཚ་བོས་མཚོན་ཆའི་བསླབས་པ་མཐར་མ་ཟོན།།
དེ་སྲིད་མགོན་པོའི་རྗེས་སུ་བདག་འབྲང་ངོ་།།
རྩོམ་སྒྲིག་འགན་ཁུར་བ་ལགས། ཁྱེད་ཀྱིས་རྩོམ་འདི་ལ་འགྲེལ་བཤད་དང་གོ་བ་ཅི་ལྟར་བླངས་པ་ཡིན་ནམ
༈ འཚིག་པ་མི་ཟ་རིགས་པས་བརྡར་ཤ་གཅོད།
ཁ་ཞེ་གཉིས་མེད།
ཚད་བརྒལ་ཧམ་པས་བོད་ཀྱི་གསང་བ་འཚོལ། །
གཡོ་རྒྱུས་བསླུས་པ་འབའ་ཕུན་ལ་སོགས་མང་། །
དེ་བས་དགེ་བཤེས་འབའ་ཕུན་རིག་པ་རྡུགས། །
དགེ་བཤེས་རྨོངས་ཡང་འབའ་བས་དམག་དཔུང་དྲངས། །
འདི་ཕྱིའི་ལམ་བཟང་མི་གནོད་དམ་པའི་ཆོས། །
ཡིད་ལ་དམ་ཚིག་མི་བསྲུང་ལས་བྱེད་འགས། །
ཆགས་སྡང་དབང་གིས་ཆོས་མིན་སྲིད་མིན་བསྐྱངས། །
ཆོས་མིན་བྱེད་བཞིན་དགྲ་བཟློག་ལྷ་ལ་བཅོལ། །
སྲིད་ལ་ཁ་གཏད་སྲིད་ཀྱི་ཐབས་མང་ཡང་། །
གཞན་གྱིས་མི་སྒྲུབ་རང་གིས་མི་ནུས་དུས། །
གཞན་ཕྱིར་རང་ཉིད་གཏོང་བའི་གངས་རིའི་བུས། །
ཐབས་ཟད་ལམ་བུ་འཛམ་གླིང་རྡོག་སྣེར་བསྐྲུན། །
བདམ་ག་གཞན་ཞིག་མ་རྙེད་འུ་ཐུག་དུས། །
ཇི་འདྲའི་བཟོད་དཀའ་ས་ཐོབ་སེམས་དཔའ་ཡང་། །
ཞུམ་སྙམ་སྟེར་བའི་འཚེ་མེད་ཞི་བའི་རོ། །
དད་དང་ཡིད་ཆེས་རེ་བ་ཁོ་ནས་མྱོང་། །