ཁྱེད་སོང་ཤུལ་ན།

སྦྲ་དཔལ་ལྡན། ཧྥ་རན་སི།(Université De Franche-comté)

 
ཁྱེད་སོང་ཤུལ་ན།
རི་སྤྱང་ཀི་འདུར་རྒྱུགས་རྒོད་པས།
ངའི་སེམས་པ་དེ་ནམ་ཡང་།
བདེ་ལ་བབས་མ་མྱོང་།

ཁ་སང་གི་མེ་ཏོག་ཚལ་ན།
དེ་རིང་གི་རི་སྤྱང་ཁྱུ་ཞིག་གིས།
ཅི་ཞིག་ཐོབ་འདོད་ཀྱི་ཆེད་དུ།
ཡར་རྒྱུགས་མར་རྒྱུགས་ཀྱི་ལམ་ཆུང་ལ་བལྟས་ན།
ཁྱེད་རང་འགྲོ་སའི་ལམ་བུ་ཧ་ཅང་དོག་ཚོད་འདུག

རྒྱུ་མཚན་ནི།
གནས་དེ་ན་རི་སྤྱང་ཧ་ཅང་མང་པས།
རི་སྦྱང་དེ་དག་གིས་ཁྱོད་རང་།
ཟ་འདོད་ཀྱི་སེམས་པ་ནག་པས།
ཁྱོད་རང་འགྲོ་སའི་ལམ་བུ་ཞིག་མེད་པར།
ཁྱོད་ཀྱིས་ཤེས་པར་གྱིས

23/09/2016 ཉིན་གྱི་ཕྱི་དྲོར་སློབ་གྲྭའི་དཔེ་མཛོད་དུ་ཤར་མར་བྲིས།