མཆོང་།
ངས་ཡུན་རིང་ཁྱེད་ཀྱི་འཇམ་མཉེན་པའི་རྒྱུ་བ་མྱང་ཡང་ཚོར་མ་ཐུབ། རེ་སྨོན་བཅོལ་བའི་མིག་འབྲས་ཀྱིས་ཡོད་ཚད་སློག་བཤེར་བྱས་ནའང་ཁྱེད་ཀྱི་འོད་ ཟེར་འཕྲོ་བའི་མིག་མདངས་དང་སྦྲེལ་མ་ཐུབ། ཁྱེད། རྒྱང་དུ་གནས། ཁད་ཀྱིས་རྒྱང་དུ་ཕྱིན་པའི་ཁྱེད། ངེད་གཉིས་ཀྱི་བར་ལ་ཆོ་འཕྲུལ་བཙན་པོ་ཞིག་གཙང་བོ་རྒྱུས་མེད་ཏུ་རྒྱུ་བཞིན་རབ་ རིབ་ངང་རླབས་ཕྲེང་བསྟུན་མར་བསྐྱོམས་ནས་ཡུད་ཀྱིས་བཅད། ཁྱེད། རྒྱང་དུ་གནས། ཁད་ཀྱིས་རྒྱང་དུ་ཕྱིན་པའི་ཁྱེད།
ངས་ཉིན་མཚན་ལྟོས་མེད་དུ་གློག་ཀླད་ ཀྱི་མདུན་ནས། སེམས་གཏིང་ཏུ་བཞུར་བའི་མཛའ་བརྩེ་ཡི་འབོད་བརྡ་རེ་རེ་གཟིགས་རིས་སུ་བཀོད་ནས་ ཁྱེད་ལ་བསྟུན་མར་བཏང་བ་འདིས་ངེད་གཉིས་ཀྱི་བར་ཐད་ཇེ་ཉེ་རུ་གཏོང་ཨེ་ཐུབ་སྙམ་ པ་དེ་རེད། ཁྱེད། རྒྱང་དུ་གནས། ཁད་ཀྱིས་རྒྱང་དུ་ཕྱིན་པའི་ཁྱེད།
མཐའ་ཀླས་བའི་སྨུག་པའི་གསེང་དུ། ཁྱེད་ནི་དངོས་ཡོད་ཀྱི་ལྷ་སྒྲུང་ཇི་བཞིན་མི་གསལ་བའི་གནས་སུ་རབ་རིབ་ཏུ་གྱུར། བར་སྐབས་དེར། ངས་ཡོད་དགུ་རྩལ་སྤྲུག་བཏོན་ཏེ། རེ་དམིགས་ཤིག་བསྒྲུབ་དགོས་པ་དེ་ནི་ཁྱེད་དང་ཁ་ཐག་ཉེ་རུ་གཏོང་བ་དང་། ཁྱེད་ཉིད་ཀྱི་ཟིང་ཆ་འུར་འུར་བསླང་བའི་འཇིག་རྟེན་གྱི་སྒོ་མོར་གཏན་དུ་འཛུལ་ བའི་སྟ་གོན་བྱེད་བཞིན་ཡོད། ཁྱེད། རྒྱང་དུ་གནས། ཁད་ཀྱིས་རྒྱང་དུ་ཕྱིན་པའི་ཁྱེད།
ཁྱེད་ཀྱིས་བཀླགས་བའི་ཡིག་འབྲུ་རེ་རེ་ནི་ངའི་ཟུངས་ཁྲག་གིས་བཞེངས་བའི་དམར་ ཆུང་སེམས་པ་ཁྱེད་ཕྱོགས་སུ་སྙེགས་བའི་རྐང་རྗེས་ཡིན་ལ། ཆག་གྲུམ་གྱི་སེམས་པ་དེའི་འཕར་ལྡིང་དང་ཚོར་ཤེས་མཐེབ་གཞོང་དུ་འཛེམས་དོགས་ཡེ་ ནས་མེད་པར་འཇུག་པ་ལས་གཞན་ཐབས་ཅི་ཡང་མེད་པ་དེའོ། ཁྱེད། རྒྱང་དུ་གནས། ཁད་ཀྱིས་རྒྱང་དུ་ཕྱིན་པའི་ཁྱེད།
ཨ་ཆེ་ལགས།
སྙན་ངག་ཡག་པོ་ཞིག་བྲིས་འདུག་པས་ཧ་ཅང་དགའ་བོ་བྱུང་ཡོད།
མུ་ནས་མུར་རང་ཉིད་ཀྱི་བཤད་འདོད་པ་དག་བཤད་ཐུབ་པ་ཡིན་ན་ང་ཚོར་ཡང་བོད་པའི་བུད་མེད་ཅིག་གི་ས་མིག་སྟོང་པར་མ་བཞག་པ་དང་ཀུན་ནས་མཚུངས་སོ།