ཁྱོད་ཀྱི་དོན་དུ། ང་ལ་ཅི་ཡང་ཕོད་པའི་སྣང་བ་ཞིག

རིན་ཁོ།
_____བརྩེ་བ་སྲུང་རོགས་ཀྱི་བུ་མོ་ཞིག་ལ།

གཅིག་བྱས་ན། ཁྱོད་རང་གིས་ཤེས་ཡོད་སྲིད།
ཐེངས་དང་བོར་ང་ཚོ་ངོ་འཕྲད་དུས།
ང་ཧ་ཅང་བཚབས་བྱུང་། ངས་མགྲིན་པའང་བརྣངས་སོང་།
སྐབས་དེ་ནས་བཟུང་།
ངས་མི་ཚེ་ནང་ཅི་ཞིག་ཤོར་སོང་བ་དག
ཕྱིར་རང་གི་ལག་ཏུ་ཐོབ་ངེས་ཀྱི་རེ་འདུན་འཆང་།
གང་ལྟར། སྐབས་དེ་ནས་བཟུང་།
མི་ཚེ་ནི་རིང་ཡང་ཆོག་ལ། ཐུང་ཡང་རུང་།
སེམས་བསམ་པའི་གཏིང་ནས།
ང་ཁྱོད་ལ་དགའ་མགོ་ཚུགས།
དེང་འདིར། དངོས་ནས་ང་ཚད་ལས་བརྒལ་ཡོད་སྲིད།
རེད་དེ། ནམ་ངས་ཁྱོད་ཡིད་ལ་དྲན་དུས།
ང་ལ་ཁྲིམས་འགལ་ལམ། ཅི་ཡང་ཕོད་པའི་སེམས་ཁམས་ཤིག
“ཀྱེ། ཁྱོད་ཀྱིས“ང་སྤྱོད་ངན(naughty)ཞིག་ཏུ་གྱུར་འདུག་མ་གསུང་དང་།”
“ཀྱེ། ཁྱོད་ཀྱིས“ངས་འཆལ་གཏམ་ལབ་ཀྱིན་འདུག་མ་གསུང་དང་།”
ཁྱོད་ཀྱི་དོན་དུ། ང་ལ་ཅི་ཡང་ཕོད་པའི་སྣང་བ་ཞིག
ཀྱེ། ཁྱོད་ཀྱིས་ང་ལ་བཟོད་གསོལ་དང་ཡིད་ཆེས་གནང་རོགས།
ང་ནི་སྤྱོད་ངན་ཁྲམ་པ་ཞིག་མ་ཡིན་ལགས།
ང་ནི་འཆལ་གཏམ་བག་མེད་ཅན་ཞིག་ཀྱང་མ་ཡིན་ལགས།
ང་ནི་ཁྱོད་ཀྱི་བརྩེ་བ་སློང་མཁན་ཞིག་ལགས།
ཀྱེ། བདག་གི་སྙིང་ཉེ་བའི་མི་ཨང་།
བདག་ལ་ཆོག་སྦྱིན་རོགས།
ཁོ་བོ་ཁྱོད་ཀྱི་བརྩེ་དུང་གི་ཞབས་གཡོག་པ་དཀྱུས་མ་ཞིག་བྱེད་པར་མཛོད།

2014/9/6/མཚན་མོ།