ཁྱོད་དང་ང་ལ་བྲིས་པའི་སྙན་ཚོམ།

Comments (3) on “ཁྱོད་དང་ང་ལ་བྲིས་པའི་སྙན་ཚོམ།”

1. གློ་རྡེག་མའི་སེམས་ཁམས་ཤིག
   Jan9
   ལོ་ངོ་འདི་ཚོར ཅི་ཞིག་འབྲི་འདོད་ཀྱི་བློས་བསླངས་ཤིག་བྱས་རྗེས
   ངའི་བྲང་གཞུང་དང་ཀླད་རྩའི་སྦུབས་ལམ་དུ་འཕྱུར་ཞིང་འཕྱོ་ཡོང་བ་ནི
   ཉིད་ཀྱི་བྱད་གཟུགས་དང་འཛུམ་མདངས ཞི་དུལ་གྱི་སྤྱོད་ལམ་དག་རེད

   རྒྱུ་རྐྱེན་དེའི་དབང་གིས སྨྱུག་ཁའི་བསྒྱུར་ཐེངས་ཤིག་གིས
   གླིང་ཀའི་སྤྲོ་སྐྱིད་ཅིག་གི་མངའ་ཐང་དེར་ཇུས་འགོད་ཀྱི་རི་མོ་འགོད་དགོས་སོང
   འདི་ནི་ང་ལ་མཚོན་ན མི་ཚེ་འདིར་ཟད་མཐའ་མེད་པའི་མངའ་ཐང་དེ་ཡིན

   ཏག་ཏག་སྐབས་འདིར ལས་དབང་གིས་གཅིག་ཏུ་འཛོམས་ཏེ་ས་ཡིག་བཀོད་པའི་ངང་ཚུལ་འདིས
   གཏམ་རྒྱུད་ཅིག་གི་མངར་སྐྱུར་དྲུད་ཡོང་ལ་མ་འོངས་པའི་མཛེས་སྡུག་དེ་དྲན་འོང
   འདི་ནི འཇིག་རྟེན་གྱི་དཀར་ངོགས་འདི་ནས་གླེང་མི་ཚར་བའི་བརྩེ་བ་དེ་ཡིན་པ་འདྲ

   དངོས་གནས་ཡིན་པ་འདྲ འཇིག་རྟེན་འདི་དང་མི་ཚེ་འདིར
   བྲན་དུ་བཀོད་ཀྱང་སྟོང་དུ་མི་རུང་བ་ཁྱོད་ལས་གཞན་སུ
   ཁྱོད་ཡོད་པས ངའི་ཕྱི་ནང་ལ་བདེ་སྐྱིད་ཀྱི་རླངས་པ་འཕྱུར་སོང

   ཁྱོས་ཀྱང་རྟོགས་ན་རེད འདས་མ་ད་གསུམ་གྱི་བརྒྱུད་རིམ་འདི
   ང་ལས་གློ་སྙིང་མཆིན་གསུམ་གྱི་བགོ་བཤའ་བརྒྱག་མཁན་ག་ཚོད་ཅིག་འདུག
   བསམ་སྟངས་ཤིག་མིན་ན དྲི་མས་མ་གོས་པའི་གསོལ་སྟོན་བཤམས་མཁན་དེ་ང་ཡིན་པ་འདྲ

   ངོ་མ་བཤད་ན དགའ་དགོས་པ་དེ་ཁྱོད་ཡིན་ནམ་ང་ཡིན
   འཇིག་རྟེན་འདི་ལྟར་ཆེ་ཞིང་ཚོར་སྣང་གང་ལྟར་མང་ཡང
   འབྲི་རྒྱུ་ཁྱོད་དང་བྲིས་ནས་རྫོགས་རྒྱུ་མེད་པ་དེའང་ཁྱེད་ཉིད་ཁོ་ན་ཡིན

2. དྲ་གྲོགས་སྟག་ལགས་ནས་དངོས་ནས་སྙན་མོ་ཞིག་བྲིས་ཡོད་ཀི། ལྷག་པར་དུ་མཇུག་མཐའི་ཚིག་རྐང་དེ་དག་དེ་ལས་ཀྱང་སྣང་བ་འགྲོ་བ་ཞིག་རེད།

3. དྲ་གྲོགས་གཅན་འོད་འབར་ཁྱེད་ལ་ངེས་པར་དུ་དགོས་ཡོད་ན་ངས་ཚིག་འགའ་ཞུ།
   གོང་དུ་ཁྱེད་ཀྱིས་《སྙན་པའི་སྙིང་གཏམ་གསེབ་ན་རྫུ་བག་མཐུག་འདྲ།།
   མཛེས་པའི་འཛུམ་མདངས་རྒྱབ་ན་བསླུ་བྲིད་མོད་འདྲ།།
   བཟང་བའི་གཤིས་རྒྱུད་ཕུགས་ན་ངན་སེམས་ཆེ་འདྲ།།
   ཞེས་པ་དེ་འདྲ་རྩ་བ་ནས་གནང་མི་ཉན་དོན་ཡོད་དང་དངོས་ཡོད་རང་ལ་བསམ་ན་
   ཁྱེད་ལ་གཏན་གཏན་ཆེ་ཆུང་མ་གཏོགས་པའི་ཐུབ་རྒྱུ་ཞིག་ཡོད་ངེས་རེད།