ཟླ་བ་གཞོན་ནུ།
ཤ་དྲོད་ཀྱིས་བྲང་ཁོག་བསྲེག་སྲིད་པའི་ནུ་མ་རྡོག་དེ་གཉིས
ང་ནམ་ཡང་རྩིབ་ལ་ཤོག་ཅེས ཡང་ཡང་འབོད་པའི་གཡབ་མོ་ཞིག་ཡིན་ནམ།
ཡང་ན་ཁྱོད་ལུགས་ཀྱི་བརྡ་རྟགས་རིགས་ཤིག་ཡིན
བསུབ་མི་ཐུབ་པའི་ཁྱེད་ཀྱི་བརྩེ་འདང་གི་ཚོན་རྩི
གཅོད་མི་ཐུབ་པའི་ཁྱེད་ཀྱི་ཕྱི་ཐག་གི་གསེར་སྐུད
གཞལ་མི་ནུས་པའི་ཁྱེད་ཀྱི་དུངས་པའི་ཟབ་ཚད
དེ་དག་དང་དེ་དག་གི་བཙན་འཛུལ
ང་རང་ནམ་ཡང་ཁེར་རྐྱང་གི་སྡོང་བུ་ལ་ཁེན་ཏེ
སྡོང་ལོའི་མཆི་མ་འཛག་པར་ཅེར་བའི་< wbr>རྒྱུ་རྐྱེན་དུ་གྲུབ་སྲིད་དམ
འཆར་ཡན་གྱི་ས་རྡུལ་ཐེངས་འགར་སྤྲུགས་ཤུལ་ན
ང་ཡང་བརྩེ་དུང་གི་རྒྱལ་སྲས་ལ་ལག་པ་འཇུས་འཇུས་ཏེ
གཉོམ་དུང་དུང་གི་ཞགས་པ་སྐེག་ལ་བཏགས་ཡོད་མཁན་ཞིག་ཡིན་ངེས
ལྷགས་པ་གྲང་མོ་ཞིག་དལ་གྱིས་གཡུག་བྱུང
ཤུགས་རིང་ནར་མོ་འགའ་རྒྱང་ལ་འཁྱེར་སོང
སྐྱ་སེང་སེང་གི་ཟླ་བ་སྤྲིན་རུམ་དུ་འཛུལ་ཚུལ་དེས
ང་ལ་ཉན་རན་འདུག་ཟེར་གྱིན་པ་འདྲ
སྐྱོ་གདུང་གི་མཁའ་དབུགས་ནང་ལ་འཁྱིལ་ཡོང་དུས
ལོ་མ་ཆུང་ཆུང་ཞིག ཡང་ན་བྱིས་པ་ཆུང་ཆུང་ཞིག་གི་སྟབས་ཀྱིས
ངས་སྐྱོ་ངལ་གྱི་རླབས་རིས་གསེང་ནས་འགྲེ་ལོག་ཡང་ཡང་བརྒྱབས
འདས་ཟིན་གྱི་དགའ་སྐྱོ་སྔོག་ཐེངས་ཤིག་གིས
གཉིད་དུ་འབོད་པ་ཞིག་ང་ལས་རྒྱང་དུ་གྱར་བཞིན་འདུག
དེ་དང་འགྲོགས་ཏེ་རྨི་ལམ་ཟེར་བ་ཞིག་ཀྱང་རིང་དུ་བོར་གྱིན་འདུག
༢༠༡༠།༡༢།༡༥
བརྩེ་དུང་གིས་མྱི་གསོད་ལ་ཞེས་ངས་མ་བརྗོད་དམ།
འཇིག་རྟེན་འདིའི་སྟེང་བརྩེ་དུང་ཟེར་བ་འདི་མེད་ན་ང་ཚོ་དངོས་གནས་འཇིགས་སུ་རུང་བ་ཞིག་ཏུ་འགྱུར་ཡོད་ངེས། བརྩེ་དུང་ཟེར་བ་འདིས་མི་རྨས་ཀི དེས་ཡང་མི་གསོ་ཀི
ཨ་ཁུ་ཀླུ་སྨྱོན་ལགས་ལ།
ལོ་གསར་བའི་ནང་གང་བསམས་མྱུར་ཏུ་འགྲུབ་པ་དང་གསར་རྩོམ་གྱི་རྒྱུན་མུ་ནས་མུ་རུ་མཆེད་པའི་སྨོན་འདུན་ཞུ་བཞིན་ཡོད།
དངོས་གནས་ཡིན་ད།