སྣང་ཤེས། (ཝ་ར་ཎ་སི།)
དགའ་དུས་བྱང་སེམས་ཅན་ཡིན་པའི་ཁྱོད་ཚོ།
སྡུག་དུས་འཇིགས་སྐུལ་བ་ཡིན་པའི་ཁྱོད་ཚོ།།
བཤད་ན་ཐེག་ཆེན་པ་ཡིན་པའི་ཁྱོད་ཚོ།།
སྒྲུབ་ན་ཐེག་དམན་པ་ཡིན་པའི་ཁྱོད་ཚོ།།
ཕྱི་ནས་ཞི་བདེ་ལ་དགའ་བའི་ཁྱོད་ཚོ།།
ནང་ནས་དམེ་འཁྲུག་ལ་དགའ་བའི་ཁྱོད་ཚོ།།
མིད་པ་དུང་ཆེན་ལས་སྦོམ་པའི་ཁྱོད་ཚེ།།
སྙིང་རྩ་སྐུད་པ་ལས་ཕྲ་བའི་ཁྱོད་ཚོ།།
དཀྱེལ་ཡངས་ལྕེ་རྩེ་ལ་བཟུང་བའི་ཁྱོད་ཚོ།།
བྲང་ཁོག་འཐེན་འཁྱེར་གྱིས་རུལ་བའི་ཁྱོད་ཚོ།།
ལ་རྒྱ་ཤོག་ཐོག་ལ་འབེབ་པའི་ཁྱོད་ཚོ།།
ཀླད་པ་ཕྲག་དོག་གིས་ཟོས་པའི་ཁྱོད་ཚོ།།
ཐལ་མོ་སྙིང་ཁ་ལ་སྦྱོར་བའི་ཁྱོད་ཚོ།།
ཁེ་ཕན་གློ་རྩ་ལ་སྦས་པའི་ཁྱོད་ཚོ།།
གཞན་སྐྱོན་ལག་མཐིལ་ལ་བཟུང་བའི་ཁྱོད་ཚོ།།
རང་སྐྱོན་རྐང་ཞབས་སུ་མནན་པའི་ཁྱོད་ཚོ།།
སྐྱབས་འགྲོ་ཆད་མེད་དུ་འདོན་པའི་ཁྱོད་ཚོ།།
སྐྱབས་སྡོམ་གད་སྙིགས་སུ་འཕེན་པའི་ཁྱོད་ཚོ།།
བསང་མཆོད་མཐོ་ས་ནས་གཏོང་བའི་ཁྱོད་ཚོ།།
རླུང་རྟ་དམའ་ས་ན་འབབ་པའི་ཁྱོད་ཚོ།།
ཞབས་བརྟན་གསེར་དངུལ་གྱིས་སྒྲུབ་པའི་ཁྱོད་ཚོ།།
དགོངས་པ་ལྕགས་ཐུར་ཀྱིས་དཀྲུག་པའི་ཁྱོད་ཚོ།།
མནྡལ་སྒོར་མོ་ཡིས་འདེགས་པའི་ཁྱོད་ཚོ།།
དད་པ་མཐོང་སྣང་གིས་གཅོག་པའི་ཁྱོད་ཚོ།།
བསླབ་བྱ་འགྲམ་ལྕག་གིས་རྒྱག་པའི་ཁྱོད་ཚོ།།
ཤེས་ཡོན་འཇིགས་སྣང་གིས་ལེན་པའི་ཁྱོད་ཚོ།།
ལམ་སྟོན་སྒྲུང་གཏམ་ལ་རེ་བའི་ཁྱོད་ཚོ།།
ནོར་བཅོས་ལེ་འདེད་ཀྱིས་བྱེད་པའི་ཁྱོད་ཚོ།།
དར་རྒུད་ལས་དབང་ལ་བཅོལ་བའི་ཁྱོད་ཚོ།།
ལས་འབྲས་ཁེ་བཟང་ལ་བརྗེ་བའི་ཁྱོད་ཚོ།།
མི་ཚེ་ཐོད་པ་ལ་བཅོལ་བའི་ཁྱོད་ཚོ།།
ཐོད་པ་རྒྱ་ལམ་ལ་གླན་པའི་ཁྱོད་ཚོ།།
རྩོམ་ཧྲག་གི། འོན་ཀྱང་སྤྱིར་ན་མང་ཚིག་ལ་ཁྱེད་ཚོ་ཞེས་འབྲི་དགོས་པ་སྔོན་གྱི་མཁས་པས་གསུངས། བྱེ་བྲག་ཁྱོད་ཚོ་ཁྱོད་ཚོ་ཟེར་བའི་ཚབ་ཏུ་ང་ཚོ་ང་ཚོ་ཞེས་མ་བྲིས་ན་ཁྱོད་རང་ཕོ་རོག་དཀར་པོ་ཞིག་གང་ནས་བྱུང་བ་རེད། ང་ཚོ་ཚང་མ་ནག་པོ་གཅིག་པ་ཡིན་པ། ཁྱོད་རང་གིས་ཐེག་དམན་པའི་ཉམས་ལེན་ཙམ་གནང་ཐུབ་ཀྱི་ཡོད་ན་ནི་ཕོ་རོག་དཀར་པོ་ལོས་ཡིན། ངས་ནི་ཐེག་དམན་གྱི་ཉམས་ལེན་གྱི་ཟུར་ཙམ་ཡང་མི་འཇོན་ནོ།།
ཁྱོད་ནི། གཅིག་ཚོག་དང་། ཁྱེད་ནི། ཞེ་སའི་ཚིག་ཙམ་མོ། དེས་ན་ན། ཁྱོད་དང་། ཁྱོད་ཚོ། ཁྱེད་དང་ཁྱེད་ཚོ་ཞེས་གོ་དོན་སོས་རོར་ཤེས་ནས་དགེ་རྒན་གྱིས་བྶླབ་ཐུབ་པ་དང་། ད་ནས་མུ་མཐུད་རྒྱུན་དུ་ལབ་ཤེས་པ་ཞིག་དགོས་འདུག་གདའ།
ཁྱོད་ཚོ་དང་ཁྱོད་ཚོ། ཕྱོགས་གཅིག་ནས་བསམ་ན་ཚིག་འདི་ལ་གོ་རྒྱུ་མང་ཙམ་ཡོད་ཆོག ཐ་ན་རྩོམ་པ་པོ་རང་ཉིད་ཀྱང་<>་ཀྱི་གྲས་སུ་ཡོད་ཆོག དེ་ནི་སྔོན་མའི་རྣལ་འབྱོར་བའི་ཉམས་མགུར་དག་ལས་ཀྱང་རང་གིས་རང་ལ་<>ཀྱིས་བྲིས་པ་ཤིན་ཏུ་མང་།