ཆང་སྐྱེས།
བསམ་གཞིགས་མགོ་བོ་འདི་ནང་ལ་བཀུག་སྟེ།།
སེམས་ཀྱི་དབང་བོ་དེ་གཅིག་ཏུ་བསྡུས་ན།།
སྙིང་གི་རྩེ་མོ་ལ་ཙག་ཤེད་བརྒྱབ་ནས།།
ཁོག་གི་གློ་མཆིན་ལ་ན་ཟུག་བསླངས་ཐལ།།
ཁ་བཤད་ཝུ་བ་ཡི་ཆུ་ཐིགས་བསགས་ཀྱང་།།
ལག་ལེན་གསེར་ནག་གི་རིལ་བུ་མེད་ན།།
གཞན་ཕན་སྙིང་རྗེ་དེ་ཕར་ལ་ཞོག་དང་།།
རང་གི་དོན་དག་ཀྱང་ཁག་པོ་ཆགས་འགྲོ།།
སྡུག་གི་འཁུར་བོ་དེ་གཞན་ལ་བཀལ་ཏེ།།
སྐྱིད་པའི་རྟ་བོ་ལ་རང་ཉིད་ཞོན་ན།།
བདེ་མོ་ཐང་ཆེན་ཏུ་ཐོན་རྒྱུ་ཕར་ཞོག།
དམྱལ་བའི་ཞིང་ཁམས་ནས་ལག་གཡུག་བྱེད་སྲིད།།
སྐྱོན་གྱི་འཛུབ་མོ་དེ་གཞན་ལ་བསྐོར་ཏེ།།
བཟང་གི་སྣེ་མོ་ལ་རང་གིས་འཇུས་ན།།
མི་དམངས་ཁྲིམས་ཁང་གི་སྒོ་ཐེམ་དམའ་ཡང་།།
གཤིན་རྗེ་ཆོས་རྒྱལ་ལ་ཅི་ཞིག་བཤད་རྒྱུ།།
བསླུ་བྲིད་འཛུམ་མདངས་དེ་རྫུན་གྱིས་གྲོལ་ཏེ།།
གཡོ་སྒྱུ་མདའ་མོ་དེ་ལྐོག་ནས་འཕངས་ན།།
རིང་བའི་གྲོགས་པོ་ཚོ་ཨ་ཐང་ལེ་ཆད།།
ཉེ་བའི་ཆུང་མས་ཀྱང་སེམས་ལ་གནོད་འགྲོ།།
ཕོ་ཁྲམ་པ་མི་འགྲོ་ལམ་གསུམ་ཡོད།
རྫ་རི་ནག་པོ་ལཱ་མེད་དང།
ཆུ་ཆེན་རབ་མེད་ཁམ་པ་དང།
སྡེ་ཆེན་ཕྲ་ལུའི་དགུང་བཤགས་བཅས།
ཕོ་ཁྲམ་པ་མི་འགྲོའི་ལམ་གསུམ་རེད།
ཕོ་ཁྲམ་པ་མི་གཞོན་རྟ་གསུམ་ཡོད།
ངང་དཀར་བླ་མའི་ཆིབས་རྟ་དང།
གྲོ་ཆུང་བུ་མོའི་བག་རྟ་དང།
ནག་པོ་བདུད་ཀྱི་བློ་རྟ་བཅས།
ཕོ་ཁྲམ་པ་མི་གཞོན་རྟ་གསུམ་རེད།
ཕོ་ཁྲམ་པ་མི་ཟ་ཟས་གསུམ་ཡོད།
ཡུག་ས་ནག་མོའི་ལག་བཟོས་དང།
ཁྱི་སྤྱང་དམར་པོའི་ཁ་ཟས་དང།
རིགས་ངན་འགར་བའི་ལག་བཟོས་བཅས།
ཕོ་ཁྲམ་པ་མི་ཟ་ཟས་གསུམ་རེད
ཕོ་ཁྲམ་པ་མི་སྡོད་ས་གསུམ་ཡོད།
ས་ངན་གནམ་ལ་ཐལ་འཐོར་དང།
ས་རོང་རྡོག་པོ་ལམ་མེད་དང།
ས་ལམ་གསུམ་མདོ་རྐུ་ལམ་བཅས།
ཕོ་ཁྲམ་པ་མི་སྡོད་ས་གསུམ་རེད།
ཕོ་ཁྲམ་པ་མི་ཐུང་ཆུ་གསུམ་ཡོད།
རྐོ་རོང་ཁྱིལ་ཆུ་དྲི་ངན་དང།
བྱང་གི་ཚ་ཁའི་ཚ་ཆུ།
ཧོར་གྱི་དུག་མཚོ་ནག་པོ་བཅས།
ཕོ་ཁྲམ་པ་མི་ཐུང་ཆུ་གསུམ་རེད།
ཝུ་བ ལ་སྔར་ཡོད་དཔེ་ཆ་དག་ཏུ། འབྲི་ཚུལ་གཉིས་མཐོང་། དབུ་བ། ལྦུ།
ལྦུ་བ་ལ་་་་དབུ་བ་་་ཞེས་བརྗོད་པ་ནི་བརྡ་རྙིང་ཡིན་གྱི་རེད་མ་གཏོགས་་་ངས་གོ་མ་སྨྱོང་།
དབུ་བ་ལབ་ན་སུ་གཅིག་གི་ཧ་གོ་གི་མ་རེད།
ཕོ་ཁྲམ་པ་མི་གྱོན་གོས་གསུམ་ཡོད།
སོག་པོའི་སོག་ཞ་དམར་པོ་དང།
རྒྱ་ནག་གི་གོས་ཆེན་ཆུ་བྲག་དང།
ལི་ཡུལ་གྱི་ཝ་ཞ་དམར་པོ་བཅས།
ཕོ་ཁྲམ་པ་མི་གྱོན་གོས་གསུམ་རེད།
ཕོ་ཁྲམ་པ་མི་འགྲུལ་རོགས་གསུམ་ཡོད།
རྒྱ་མོ་རྣ་མེད་གཟུགས་རིང་དང།
སོག་མོ་ཁྲེལ་མེད་ངོ་ནག་དང།
ཧོར་མོ་འཇོན་མེད་གདོང་དམར་བཅས།
ཕོ་ཁྲམ་པ་མི་འགྲུལ་རོགས་གསུམ་རེད།