རླུང་དམར།
གངས་ཁྱི འགྲོ་མིའི་འཚོ་རྟེན་གྱི་སྒོ་སྲུང་བ་ཞིག
ཁྱི་ལ་སུས་ཀྱང་རྒྱབ་གཏོད་མི་དགོས་པའི་དཔའ་སྙིང་གི་སྐད་སྒྲ་ཡོད་ལ
བདག་པོ་དང་བདག་པོའི་ནོར་རྫས་སྲུང་བའི་སྲུང་དམག་ཁེར་རྒོད་ཅིག་ཀྱང་ཡིན
སྔར་ནས་”ཁྱི”ལ་བརྙས་བཅོས་བྱེེད་མཁན་མང་པོ་ཞིག་ཡོད་ནའང
གངས་ཁྱི་དེ རང་གིས་གཅེེས་ཉར་བྱས་པའི་རྩེད་གྲོགས་ཤིག་ཡིན་པ་བརྗེད་འདུག
རང་རང་གི་གཞིས་ཁྱིམ་ན་གསོས་ཡོད་པའི་ཁྱི་དང་ཁྱིའི་རང་གཤིས་དེ་ཅི་རེད
སྐད་ཆ་ཞིག་ཤོད དྲང་གཏམ་རེ་གློངས བདག་པོས་ཁྱི་གློད་མེད་ཀི
ཁ་འབྲལ་མི་འདོད་པའི་”གངས་ཁྱི”དེ་ཉིན་མཚན་དབྱེར་མེད་དུ་སྒོ་སྲུང་བ་བྱས་ཏེ
གདོང་མཆོངས་བའི་དཔའ་སྐད་ཆད་མྱོང་མེད་པར་གནམ་ལྡིང་ས་ལྡིང་བྱེད
སྒྲ་མི་རྟག་པ་རེར་མཆེད་དེ་འོང་ན གངས་ཁྱི་ལ་སྤྱང་གྲུང་ལྡན མི་སྨྲ་བའི་གོ་བརྡ་སྤྲོད
ངོ་མཚར་གྱི་སྲུང་དམག་གཅིག་དང་མཚུངས་བའི་གངས་ཁྱི
དེ་ལྟ་ནའང ཁྱོད་ལ་སྐབས་འཚོལ་གྱི་བྱ་བ་རེར་སྤྲད་དེ་འདུག
མཁོ་བའི་དུས་སུ་ནོར་ལྷ་བཞིན་བརྩིས་ཏེ་ཡོད་ལ
མེད་མུག་གི་མཚམས་སུ་ཁྱོད་རང་གདོན་རྫས་སུ་བསམས་ཏེ་རི་ལ་བརྒྱབས་ཡོད
གངས་ཁྱི སྲུང་དམག སོ་ལྟ་བ
ཕངས་སེམས་མེད་པའི་མྱི་སེམས་རློན་པ་དེ་ཚོས
ཁྱོད་ལ་ལས་དབང་བཟང་བོ་ཞིག་ཀྱང་མི་གནང་བར་རྩེད་ཆས་ལའང་རོལ་དུས་འདུག
དེ་དུས བཟི་ཁ་བཙན་པོའི་སྲོག་ཆད་སུ་ལ་ཕོག་ངེས་ཡིན་ནམ
མེས་པོའི་ལོ་རྒྱུས་ཀྱི་རྡོ་མཁར་རྙིང་བ་དེ་དག་ཏུ
ཁྱོད་”གངས་ཁྱི”ལ་སྤྲུལ་ཡོད་ལ་ཁྱིའི་ལུས་རྟེན་ཞིག་བླངས་བའི་ཁྱི་ཞིག་ལོས་ཡིན
བོའུ་མདའ་དང་འུར་རྡེའུ་སོགས་ཀྱིས་ཁྱོད་ཀྱི་ཁྱི་ཁ་གཙེེས་ཏེ་མནར་ཡོད་ཀྱང
བློ་སྟོབས་ཀྱི་བརྩོན་པ་རྣོ་ལྕགས་ཀྱིས་འདུལ་མ་མྱོང་བའི་གངས་ཁྱི
སུ་དང་གང་གི་ཁ་གཏད་དུ་འགྲེང་གིན་པའི་སྒོ་ཁྱི་དྲིན་ཆེན་བོ
སྟག་སྤུ་བཞིན་གཟི་མདངས་ཀྱིས་ངར་སྒྲ་འབར་བའི་ཁྱོད
གངས་ཀྱི་རྒྱལ་མོའི་ནུ་ཞོས་གསོས་བའི་གངས་ཁྱི་_སོ་ལྟ་བ