གངས་རིའི་མིག་ཆུ་ཞེས་པའི་དྲ་དེབ་ངོ་སྤྲོད།
http://nolosar.wordpress.com/
རིག་པའི་རྡོ་རྗེས།
——————
གངས་རིའི་མིག་ཆུ་ཞེས་པའི་དྲ་དེབ་ཆུང་ཆུང་འདི། ང་དང་ངའི་གྲོགས་པོ་སྐོར་ཞིག་གིས་འབད་བསྒྲུབས་བྱས་པ་ཡིན་ལ། འདིའི་དགོས་དམིགས་ནི། གཞིས་ལུས་བོད་མི་རྣམས་ཀྱི་ཡ་ཆུང་སྡུག་གིས་བསགས། མིག་མཐའ་མཆི་མས་བསྐོར་ཏེ་སྡུག་བསྔལ་གྱི་རྒྱ་མཚོར་ལྷུང་བའི་སྐབས་འདིར། བཙན་བྱོལ་གཞུང་དང་། ཚོགས་སྡེ་ཁག དེ་བཞིན་གང་ཟག་སྒེར། མདོར་ན་ཕྱིར་སྡོད་བོད་མི་སྤྱི་བོ་གནམ་བསྟན་ཡོངས་ཀྱིས། ད་ལོའི་ལོ་གསར་ལ་སྤྲོ་སྐྱིད་གཏོང་རྒྱུའི་ཚབ་ཏུ། རྒྱལ་གཅེས་དཔའ་བོ་དཔའ་མོ་ཚོར་མྱ་ངན་གུས་འདུད་དང་། རྒྱ་མིའི་བཙོན་ཁང་དུ་ཡོད་པའི་རྒྱལ་གཅེས་དཔའ་བོའི་སྡེ་ཁག དེ་དག་གི་ཤུལ་ལུས་ནང་མི་ཉེ་འབྲེལ་རྣམས་ལ་དམིགས་བསལ་གྱི་སེམས་གསོ་དང་། གདུང་སེམས་མཉམ་བསྐྱེད་མཚོན་ཆེད། ལོ་གསར་ཚེས་གཅིག་ཉིན་འཛམ་གླིང་གང་སར་གནས་པའི་བོད་མི་རྣམས་ཀྱིས། དུས་ཚོད་གཅིག་གི་ཐོག་ས་གནས་རྒྱ་ནག་གཞུང་ཚབ་ཁང་སོ་སོར་ཞི་བའི་ངོ་རྒོལ་བྱེད་རྒྱུ་དྲ་དེབ་འདིའི་ཉིང་དགོས་ཡིན་ལ། དེ་ལྟར་བྱུང་ན་ངེད་ཚོའི་གནས་སྐབས་ཀྱི་རེ་འདོད་ཀྱང་འགྲུབ་པ་ཡིན།
གཤམ་གྱི་ྙན་ངག་འདི་ནི་དཔའ་མོ་འཇམ་དབྱངས་སྐྱིད་བཙོན་ལ་ཁྲིད་རྗེས། པེ་ཅིང་བོད་ཡིག་སློབ་བྲིང་ལ་སློབ་སྦྱོང་བྱེད་མཁན་གྱི་བོད་རིགས་སློབ་མ་རང་ལོ་༡༥ཅན་ཞིག་གིས་བྲིས་འདུག
མི་རབས་གསར་པ།
ཁྱེད་ནག་ཕྱོགས་སུ་ཁྲིད་པ་དེ་གོ་སྐབས།
ང་ཡི་སྙིང་་བགྲང་མོར་འགྱུར་ཞིང་།
བགྲང་ཤུར་ཤུར་གྱི་འཚོར་བས།
པེ་ཅིང་གི་ཚ་བ་ནི་འཇོམས་ནས།
ལུས་ནི་ཁྱག་རྡོར་འགྱུར།
ཁྱེད་ནག་ཕྱོགས་སུ་ཁྲིད་པ་དེ་གོ་སྐབས།
སེམས་ནི་ཕྱོགས་བརྒྱར་འཐོར་ནས།
དྲན་མེད་འཚོར་མེད་ཀྱི་གདུང་བས།
བོད་མི་ལ་མདུན་ལམ་མེད་པ་དང་།
བརྟན་དུ་རེ་མེད་དུ་འགྱུར།
ཁྱེད་ཕྱི་ལ་ཕེབས་པ་འདི་གོ་སྐབས།
ཁོང་ཚོར་ཡ་ལན་སྤྲོད་པ་འདི་ཤེས་སྐབས།
ལུས་ལ་སྟོབས་ཤུགས་རྒྱས་ཤིང་།
སེམས་ལ་སྤོབས་པ་ཚད་མེད་སླེབས་ནས།
བུ་ཆུང་ང་ཡང་ཁོང་ཚོས་ཁྲིད་ན།
བུ་ཆུང་ང་ཡང་དྲི་བརྩད་བྱས་ན།
གདོང་པ་ནམ་མཁར་ཕྱོགས་ནས།
མི་རིགས་འདི་དང་ས་ཆ་འདིའི་ཆེད་དུ།
སྤུན་གྲོགས་ཁྱེད་དང་བུ་ཕྲུག་ཚང་མའི་ཆེད་དུ།
ད་དུང་འདས་པོ་ཀུན་དང་གསོན་པོ་ཀུན་གྱི་ཆེད་དུ།
ནད་དང་ཁྲག་དང་།
འཁུན་སྒྲ་དང་སྡུག་སྐད་ཀྱིས་འགྲོགས་ཏེ།
བློ་དཀར་ཅན་གྱི་གངས་ཅན་ཞིག་འགྱུར་ན།
ཨ་རྗེ་ལགས། འདི་ནི་ཁྱེད་ཀྱིས་བཞག་པའི་ཁ་འཆེམས་རེད།
ཨ་རྗེ་ལགས། འདི་ནི་ཁྱེད་ཀྱིས་སྐྲུན་པའི་མི་རབས་གསར་པ་ཞིག་རེད།
རྒྱ་ཆེའི་ཀློག་མཁན་རྣམ་པ་དང་རྩོམ་འབྲི་བ་རྣམ་པར་ཞུ་རྒྱུར།
ངེད་རྐང་ལམ་དྲ་བར་གཞན་གྱི་གློག་འཕྲིན་ཁ་བྱང་བེད་སྤྱད་ནས་འཕྲིན་ཡིག་རྫུན་མ་སྐུར་མཁན་མང་དུ་འགྲོ་བཞིན་འདུག་པ་དང་། འཕྲིན་ཡིག་དེ་དག་ཐམས་ཅད་ནི་སོ་ཉུལ་དྲ་འབུ་དང་ནད་དུག་གིས་མཚོན་པའི་དྲ་འདུ་ཏག་ཏག་རེད་འདུག དེ་དག་སྐུར་མཁན་མང་ཆེ་བས་བོད་མིའི་གློག་འཕྲིན་ཁ་བྱང་དང་བོད་གཞུང་དང་འབྲེལ་བའི་ལས་ཁུངས་ཁག་གི་གློག་འཕྲིན་ཁ་བྱང་བེད་སྤྱད་བཞིན་འདུག འཕྲིན་ཡིག་གི་ཁ་མ་ཕྱེས་ན་དཀར་ནག་གི་དབྱེ་བ་འབྱེད་མི་ཐུབ་པ་དང་། འཕྲིན་ཡིག་ཁ་ཕྱེས་ན་དྲ་འབུའི་གནོད་སྐྱོན་ཐེབས་པ་སོགས་ཀྱིས། ངེད་དྲ་བར་རྩོམ་ཡིག་སྐུར་མཁན་དག་གི་རྩོམ་ཡིག་རེ་གཉིས་ཀྱང་འདི་ནས་དོགས་ཟོན་དེའི་དབང་གིས་མ་བལྟ་བར་གད་སྣོད་དུ་གཡུག་འདུག་ན། འབྲེལ་ཡོད་དག་ལ་དགོངས་སེལ་དང་བཅས་རེ་བ་ཆུང་ཆུང་ཞིག་ཞུ་རྒྱུ་ཡིན། དེ་ནི་རྗེས་སོར་རྩོམ་ཡིག་གང་ཞིག་སྐུར་ཀྱང་བརྗོད་གཞི་འབྲི་སར་རང་རང་ཁ་པར་ཨང་གྲངས་བྲི་རོགས། ང་ཚོས་ས་ཐག་རིང་ཐུང་མ་བལྟས་པར་རྩོམ་ཡིག་འབྱོར་མ་ཐག་ཁ་པར་ཐོག་ནས་དག་སྐྱེལ་བྱས་རྗེས་གཞི་ནས་གློག་འཕྲིན་གྱི་ཁ་ཕྱེ་རྒྱུ་ཡིན་ལ། ཁ་པར་ལས་དག་སྐྱེལ་མ་ཐོབ་པར་བདུན་ཕྲག་གཅིག་ལས་མང་བ་འགོར་ན་གློག་འཕྲིན་དེ་མེད་པར་གཏོང་རྒྱུ་ཡིན་ན། དེ་ལུགས་ཁྱེད་རྣམ་པའི་ཐུགས་ལ་འཇགས་པར་ཞུ།
རྩོམ་ཡིག་དྲ་ཐོག་ཏུ་སྐུར་ཐབས་གཞན་ཞིག་ཡོད་པ་ནི་ངེད་དྲ་བའི་གླེང་སྟེགས་བརྒྱུད་ནས་སྐུར་ཆོག་པ་དེ་ཡིན། གལ་སྲིད་ཁྱེད་ཀྱིས་གླེང་སྟེགས་སུ་ཐོ་འགོད་བྱས་པ་ཡིན་ན་དེར་རྩོམ་ཡིག་བཀོལ་ཆོག་ལ། གླེང་སྟེགས་སུ་བཀོད་པའི་རྩོམ་ཡིག་དེ་ཉིད་དྲ་བར་འགོད་དགོས་པའི་གསལ་བཤད་བྱས་ཡོད་ན་ང་ཚོས་དེ་ལྟར་དྲ་བར་འགོད་ཆོག
རྐང་ལམ་དྲ་བས་ཟླ་ཚེས་བཟང་པོར་ཕུལ།
http://www.kanglam.com