ནམ་མཁའ།
གངས་རིའི་ལྗོངས་ཀྱི་མཚོ་ཆེན་སྔོན་མོའི་འགྲམ།།
གངས་དཀར་འདྲ་བའི་བུ་མོ་མཚོ་མོ་འཁྲུངས།།
གངས་ཆབ་འཐུང་བའི་ལུས་ཀྱི་རྩལ་རྫོགས་པའི།།
གངས་རིའི་བུ་མོ་མཚོ་མོ་སྐྱིད་ལ་བསྟོད།།
ཅུང་ཟད་སྔོ་སྐྱའི་གོས་ཀྱི་སྟོད་གོས་ཅན།།
ལྔ་གསུམ་བདུན་གྱི་གྲངས་ཀ་མདུན་སྟོན་མ།།
བདུན་གསུམ་ཉེར་གཅིག་གོས་ཀྱིས་གསང་ཁེབས་ཅན།།
མཚོ་བྱང་བུ་མོ་ཁྱེད་ལ་སྙིང་ནས་བསྟོད།།
ཙི་ནའི་བུ་མོ་གོས་དམར་རྒྱང་བསྐྱུར་མ།།
གངས་ཆབ་ཟེགས་མ་གདོང་ན་ཐ་ཐོར་ཅན།།
སྤྱན་ཟུང་མི་གཡོ་མདུན་དུ་གཟིགས་མཁན་མ།།
རྒྱལ་ཁའི་འཛུམ་མདངས་གངས་རིའི་གཤིས་ཅན་བསྟོད།།
རང་ལོ་ཉེར་གཅིག་གྲངས་འདི་འདོམ་ཁུར་མ།།
གངས་མདོག་ཞབས་ལྷམ་བྱ་ཡི་གཤོག་ཟུང་ཅན།།
འབྲུ་མར་སེར་བོས་ལུས་ལ་སྟོབས་སྦྱིན་མ།།
གངས་རིའི་བུ་མོ་ཟླ་བའི་གདོང་ཅན་བསྟོད།།
བོད་ཀྱི་བུད་མེད་མཚོ་མོ་སྐྱིད་ངར་བ་རེད། དེང་སང་གནས་ཚུལ་འདི་འདྲ་འབྱུང་གིན་འདུག ཉེ་བའི་ཆར་བོད་ཀྱི་བུད་མེད་དབྱང་སྐྱིད་མས་ཨང་གཉིས་པ་བླངས་སོང་། བོད་ཀྱི་བུད་མེད་ལག་པའི་ཤེད་སྟོབས་འགྲན་མཁན་ཞིག་ནས་ཨང་དང་པོ་བླངས་སོང་།
བུད་མེད་འདི་ཚོའི་ངོ་སོ་ཡར་ལ་བསྟོད་དོ། གཏམ་བཟང་རེད།
གང་ལྟར་འདི་ཚོས་དྲང་བདེན་མ་ཡིན་ཆབ་སྲིད་སྐྱོང་མཚམས་མ་བཞག་ན་རྒྱ་ནག་ཚང་དྲང་པོ་རེད་ཟེར་ག་ལ་ཐུབ།
རྒྱ་ནག་ལ་བཅའ་བགྱི་ལས་བགྱི་ཇེ་མང་ཇེ་མང་རེད།
སྙན་ངག་ཐ་ཐུན་འབྲི་ཞོར་བོད་ཀྱི་བུད་མེད་ཀྱི་ཐོབ་ཐང་རྩོད་མཁན་ཚོས་ལབ་རྒྱག་སྤྱད་འགྲིག་གི་རེད།
བོད་རིགས་ཞིག་ཡིན་པའི་ཆ་ནས་དགའ་བསུ་ཞུ།
དགའ་བསུ་ཞུ
གངས་རིའི་བུ་མོ་ངར་བ་རེད་འདུག
བོད་པ་ཚང་གི་རྒྱན་རེད།
གཞིས་བསྡོད་ཀྱི་བུ་མོ་ཁྱེད་རྣམ་པ་ནས་རང་ནུས་ཀྱི་སྟོབས་ཤུགས་འཛམ་གླིང་སྟེང་ངོམ་པ་ནི། བྱེས་སུ་གནས་པའི་བོད་མི་ཡོངས་རྫོགས་ལ་དམིགས་དཔེ་བཟང་ལྟ་ཞིག་ཡིན་ནི་རེད།