ཕ་མ་དྲན་གཞས།
ཚིག ཐོར་རྒོད་པ་སྤྱན་ཆབ།
དབྱངས། འཇམ་དབྱངས་བཀྲ་ཤིས།
གཞས་པ། ཚེ་རིང་འགྱུར་མེད། བཀྲ་ཤིས་ཕུན་ཚོགས།
སེམས་ཀྱིས་སུ་ལ་ཉན་ནས།།
མིག་གིས་སུ་ཡང་འཚོས་ཡོད།།
ཡིད་བྱམས་ཆེ་བའི་ཕ་མ།།
ད་ལྟ་གང་འདྲ་འདུག་གམ།
མིག་ལ་འཁོར་འཁོར་གནང་བ།།
བྱ་རྒྱལ་རྒོད་པོ་མ་རེད།།
སེམས་སུ་ཡང་ཡང་འཁོར་བ།།
ཕ་མའི་རྒས་གཉེར་རེད་འདུག།
མ་མཇལ་ལོ་དང་ཟླ་བའི།།
སྲུབ་དང་ཟུར་ག་རེ་ནས།།
དྲིན་ཆེན་ཡབ་ཡུམ་གཉིས་ཀྱི།།
སྐྲ་ལོའི་ཁ་དོག་འགྱུར་སོང་།།
རེ་བ་རྒྱང་ལ་བཅོལ་སའི།།
ནུས་མེད་བུ་ཆུང་སེམས་པ།།
ས་མཐའ་ཆུ་མོའི་གཞུང་ན།།
གྲང་འདར་བརྒྱབ་ནས་བསྡད་ཡོད།།
ཕ་མའི་བྱམས་བརྩེ་དྲན་བགྱིད། །
ཕ་མའི་བཀའ་དྲིན་དྲན་བགྱིད། །
ཕ་མའི་བསླབ་བྱ་དྲན་བགྱིད། །
ཕ་མའི་ཞལ་རས་དྲན་བགྱིད། །