རྔ་བ་བརྒྱད་གསུམ་གཅིག་དྲུག
དྲང་མོར་བཤད་ན། བྱིས་དུས་ཀྱི་འཚོ་བ་དེ་རིང་བརྗོད་ན་འོལ་ཚོད་ཙམ་ལས་དངོས་ཐོག་ཏུ་འབབ་མི་ཐུབ་པས། ད་ལྟ་ཕ་ཡུལ་ལ་ཕྱིར་འདང་རེ་བརྒྱབས་ན་མག་མོག་ཙམ་ཞིག་ལས་གསལ་ཐང་ཐང་ཞིག་བཤད་ཚོད་དཀའ། ཡིན་ཡང་། དེ་རིང་གཟའ་མཇུག་བེད་སྤྱོད་བྱས་ནས་རི་བོ་ཧི་མ་ལ་ཡའི་རི་རྒྱུད་དུ་གྲགས་པའི་རི་བོ་མཐོན་པོ་རྡོ་ལྷའི་སྒང་དུ་གྲོགས་ཁ་ཤས་དང་མཉམ་དུ་སྤྲོ་བསང་ལ་ཆས་པ་ཡིན།
རི་བོ་འདིའི་སྟེང་དུ་ཐོན་མ་ཐག་ངའི་མིག་མདུན་དུ་མངོན་པ་ནི་རྩྭ་མགོར་ཟིལ་བའི་བཟུང་སྟེ་ལུས་སེམས་ལ་འཕྲོད་པའི་བསིལ་རླུང་དྭངས་མོའི་རྒྱུ་ཕྱོགས་དལ་གྱིས་ལྡང་ཞིང་སྙན་འཇེབས་ལྡན་པའི་ཕུ་ཆུ་དག་གི་གླུ་སྐད་གཅིག་རྗེས་གཉིས་མཐུད་ཀྱིས་སྙེག་བཞིན་འདུག་ལ། སྟོན་འགོའི་གསེར་མདོག་གི་མཛེས་སྡུག་ཧ་ཅང་རྒོད་པའི་རི་རྒྱབ་ནི་མགོ་བོ་གངས་ཀྱིས་བཟུང་བའི་བྲག་རིའི་བསྐོར་ཅིང་། དབར་དུ་རང་བྱུང་དུ་སྐྱེས་པའི་ནགས་ཚལ་སྟུག་པོ་གཅིག་རྗེས་གཅིག་ལ་བརྒྱུས་པའི་ཁྱད་མཚར་བའི་རང་བྱུང་གི་སྣང་ཚུལ་དག་གིས་འཇིག་རྟེན་གཞན་ཞིག་ཏུ་བསླེབས་པའི་འཚོ་བ་དངོས་སུ་སྟེར།
གུ་ཡངས་པའི་སྤང་ཐང་ན་རིགས་མི་འདྲ་བའི་འགྲོ་མི་བརྒྱ་ཕྲག་ཁ་ཤས་ཀྱི་བག་ཕེབས་བདེ་སྐྱིད་ཀྱི་དགོད་སྒྲ་དང་། ཕྱོགས་དང་ཕྱོགས་ནས་འཕུར་ཡོང་བའི་འདབ་ཆགས་ཀྱི་གླུ་སྒྲ་ནི། རྩི་ཤིང་གི་གར་སྟབས་དང་གཅིག་ཏུ་འདྲེས་པའི་དུངས་སེམས་ཟབ་མོ་ཞིག་གི་འགྱུར་ཁུག་དང་ལྷན་དུ་ང་ཡི་ཡིད་ལ་སྨུག་པའི་ཚུལ་གྱིས་ལྷུང་དུས། ད་གཟོད་ངའི་ཕ་ཡུལ་གྱི་ཞི་བདེ་དང་ལྷོད་འཇགས་ཀྱི་དུས་རབས། རྒན་མོ་གསེར་ཁུར་ལམ་འགྲོད་ཀྱི་དུས་བཟང་དེ་དྲན་བྱུང་། འོན་ཀྱང་། ད་ལྟ་ངའི་ཕ་ཡུལ་ན་་་་་་་་་་