གཟུགས་མེད་ཀྱི་རླབས་རྒྱུན།

Comments (6) on “གཟུགས་མེད་ཀྱི་རླབས་རྒྱུན།”

1. ང་རང་ས་རཱ་མཐོ་སློབ་ཀྱི་མཛད་སྒོར་མ་བཅར་སྔོན་ནས་ཁ་བརྡ་དྲ་རྒྱའི་མཆན་བུའི་ནང་དེ་ལྟར་བྲིས་པ་ཡིན་ལ། མཛད་སྒོར་བཅར་རྗེས་ལྷག་པར་དུ་འཛིན་སྐྱོང་དང་དགེ་ལས་ཚང་མར་དེ་ལྟར་རེ་སྐུལ་ཤུགས་ཆེ་ཞུ་འདོད་བྱུང།

   ༅། །ས་རཱ་བོད་ཀྱི་མཐོ་རིམ་སློབ་གཉེར་ཁང་གི་སློབ་སྤྱི་དགེ་བཤེས་འཇམ་དཔལ་གྲགས་པ་མཆོག་ལ།
   ཆེད་ཞུ། གཙོ་བོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་རྗེ་བཀའ་དྲིན་དང་། རྒན་ཞིང་གཤེགས་དམ་པ་བློ་བཟང་རྒྱ་མཚོས་གཙོས་འདས་གསོན་མང་པོ་ཞིག་གིས་དཀའ་སྤྱད་འབད་བརྩོན་མང་པོ་བྱས་པའི་འབྲས་བུར་ད་ལྟའི་ས་རཱ་མཐོ་སློབ་ཀྱི་རྣམ་པ་འདི་མངོན་ཐུབ་པ་བྱུང་ཡོད་ཀྱང། ཁྱེད་ཀྱིས་མཛད་སྒོའི་སྟེང་བཀའ་སློབ་གནང་བ་ལྟར་མི་ལོ་ ༡༣ རྗེས་ལ་ས་རཱ་མཐོ་སློབ་དེ་ཉིད་ས་བརྟན་ཆགས་པ་དང་ད་ནས་ཉམས་རྒུད་ལ་མི་འགྲོ་བའི་འབད་བརྩོན་བྱ་རྒྱུ་ཡིན་ཚཱུལ་གསུངས་པ་དེ་ནི་ངའི་བློར་བབ་དཀའ་བ་བྱུང། ངའི་བལྟ་ཚུལ་ལ་ད་དུང་ཡང་ས་རཱ་མཐོ་སློབ་དེ་ཉིད་ཡར་རྒྱས་ཀྱི་ལམ་བུར་གཞི་ནས་བསྐྱོད་བཞིན་པའམ། ཡར་རྒྱས་ཀྱི་ལམ་བུར་བསྐྱོད་རྒྱུར་ལུས་པ་ཞིག་ལས་ས་བརྟན་གྱི་རྣམ་པ་ལ་ཞིག་ལ་མི་མངོན། དེ་ཡང་རྒྱུ་མཚན་འགའ་ཤས་ཞུས་ན་གཤམ་གསལ།

   དང་པོ། ས་རཱའི་ནང་ངོས་ནས་བལྟས་ན་ཕལ་ཆེར་ས་རཱ་དེ་ཉིད་ཆེན་པོ་ཞིག་དང་ཡར་རྒྱས་ཀྱི་རྣམ་པ་ཞིག་མངོན་སྲིད་ཀྱང། ཕྱི་ཕྱོགས་མཐོ་སློབ་གཞན་དང་བསྡུར་ཚེ་ཧ་ཅང་ཧ་ཅང་གི་ཆུང་ཆུང་ཞིག་མ་ཡིན་ནམ། ཡར་རྒྱས་ལ་མཐའ་མེད་པ་བཞིན་ཆོག ཤེས་ནམ་ཡང་བྱེད་རྒྱུ་མེད་པ་རང་ཅག་གི་མགོན་པོ་མཆོག་གིས་བཀའ་སློབ་ཡང་ནས་ཡང་དུ་བསྩལ་བ་ལྟར་། མུ་མཐུད་ཡར་རྒྱས་གཏོང་དགོས་པའི་གནས་མང་པོ་ཞིག་མཐོང།

   གཉིས་པ། མཐོ་སློབ་ཞིག་ཐོག་མ་ཉིད་ནས་རྒྱ་གར་དབུས་ཤེས་ཡོན་ལྷན་ཚོགས་ནས་ངོ་བཞེས་གནང་བ་ཧ་ལམ་ཡོད་རྒྱུ་མ་རེད། ཝརཎ་མཐོ་སློབ་དེ་ཡང་ཉེ་འཆར་ལོ་ཤས་སྔོན་ལ་མ་གཏོགས་མཐོ་སློབ་ཀྱི་མིང་ཟུར་དུ་ཐོབ་མེད་པར་མཐོ་སློབ་གཞན་གྱི་འོག་ཏུ་བསྡད་པ་རེད། དེ་བས་ང་ཚོས་ཐོག་མར་ཝརཎ་མཐོ་སློབ་བམ། ཡང་ན་བེང་ལོར་ཏཱ་ལའི་བླ་མའི་མཐོ་སློབ། ཡང་ན་ignou སོགས་ཀྱི་འོག་ལ་འཛུལ་བཞུགས་བྱས་ནས། སློབ་ཚན་ཡང་ད་ལྟའི་སློབ་ཚན་གཅིག་པུ་མ་ཡིན་པར། བོད་ཡིག་གི་ལོ་རྒྱུས་ཀྱི་རིགས་གཅིག་རྐང་འཛིན་པ། བོད་ཀྱི་སྐད་ཡིག་ཐོག་རིགས་གཅིག་རྐང་འཛིན་པ། བོད་ཀྱི་ནང་ཆོས་ཐོག་རིགས་གཅིག་རྐང་འཛིན་པ། དེ་བཞིན་སྐད་ཡིག་གཞན་པའི་རང་མོས་ལྟར་སློབ་ཚན་སྦྱོང་རྒྱུའི་གོ་སྐབས་སྤྲོད་རྒྱུ།

   གསུམ་པ། མཐོ་སློབ་ཀྱི་ཕྱིའི་རྣམ་པ་རྒྱ་བསྐྱེད་གཏོང་དགོས། དེ་ཡང་སློབ་ཕྲུག་མང་དུ་བསྡུ་བར་ཉལ་ཁང་དང་འཛིན་ཁང་མང་པོ་དགོས་པ་བཞིན། རྩེད་ཐང་དང་སྨན་ཁང་རྒྱ་སོགས་་རྒྱ་བསྐྱེད་ངེས་པར་གཏོང་དགོས། དེ་དག་རྒྱ་བསྐྱེད་གཏོང་ངེས་པར་དུ་དཔལ་འབྱོར་གནས་སྟངས་ཡག་པོ་ཡོད་དགོས་པས། བོད་ཁྱིམ་སོགས་དང་འབྲེལ་བ་བཟོས་ན་ལེགས་པར་སྙམ།

   དུས་ཚོད་ཀྱིས་རྐྱེན་པས་དེ་ཙམ་ཡིན་པས་ས་རཱ་མཐོ་སློབ་ཀྱི་སློབ་སྤྱི་མཆོག་གིས་ངེས་པར་དུ་ཐུགས་གཤིབ་ཡོང་བའི་རེ་བ་ཆེན་པོ་ཡོད། ཐུགས་རྗེ་ཆེ།

2. ཁྱེད་དང་རྟ་ནག་པ་ལྟ་བུའི་མི་བུ་རྒལ་ཚིགས་ཅན་གང་མང་ཞིག་འདི་ན་འཛོམས་ཤིང་འདི་ནས་གྱེས་སོང་བའི་དབང་གིས་ས་རཱ་ཞེས་པའི་མིང་འདི་ལ་གསོན་ཤུགས་རྒྱས་མྱོང་ལ། ཁྱེད་དང་ཆུང་ཚེ་རིང་ལྟ་བུའི་ཡོན་ཏན་པ་གང་མང་ཞིག་འདི་ནས་གྱེས་པ་ནས་མ་ཡུམ་ས་རཱ་སློབ་གྲྭ་འདིའི་མགོ་བོ་གནམ་ལ་བཏེགས་མྱོང་བའི་དབང་གིས་ཁྱེད་ཚོ་འདི་ན་འཛོམས་ནས་འོང་དུས་སློབ་གྲྭ་འདི་ལ་དྲོད་ཁོལ་ཞིག་དང་། གཟི་བརྗིད་ཅིག་ཅི་འདྲའི་ཆེ་ཨང་།

3. ས་རཱ་ཧའི་པུ་གུ་འདི་ཚོས་སྡེ་སྤྱི་ཚོགས་ལ་མི་ལྟ་བར་སྣང་དག་ནས་མི་ཉན་ཀ། དགོད་སྤྱད་ཟེར་ན་འདི་འདྲ་རེད། ང་ཁོམ་པ་རེ་ཡོད་དུས། ངས་ཁྱེད་ཚོར་ས་རཱ་ངོ་སྤྲོད་ཅིག་བྱེད་ངེས་ཡིན།

4. མགོ་རྡོ། ངས་ཉན་ན་འདོད་ཀི། ཁྱོད་ཀྱི་སྦ་བ་དེའི་ནང་གཞན་གྱིས་མི་ཤེས་པའི་གནས་ལུགས་ཅི་ཞིག་བསྐུངས་ཡོད།

5. མགོ་རྡོ། ངས་ཉན་ན་འདོད་ཀི། ཁྱོད་ཀྱི་སྦ་བ་དེའི་ནང་གཞན་གྱིས་མི་ཤེས་པའི་གནས་ལུགས་ཅི་ཞིག་བསྐུངས་ཡོད།

6. ས་རྭ་མཐོས་སློབ་ཀྱི་ཞབས་རྗེས་དཀར་པོ་འདིས་མི་རིགས་ལ་འོད་སྣང་དང་གསོན་ཤུགས་སྦྱིན་ཡོད་པ་སུས་ཀྱང་བསྙོན་མི་ནུས་་་་་་་་་་་་་་་་་་་་འོན་ཀྱང་སློབ་དཔོན་གྱི་མིང་ཁུར་མཁན་ཞིག་གིས་སློབ་ཕུག་བུ་མོ་ལ་ལོག་གཡེམ་དང་ཁྲིམས་འགལ་བྱས་པ་དེ་འདྲ་མང་པོ་བྱུང་ན་མཐོ་སློབ་འདིའི་སྙན་གྲགས་ཐུར་དུ་ཁྲིད་སྲིད།