ནམ་མཁའ།
ཉེ་ཆར་འདིར་གཡག་རྔ་རྫོང་དུ་ས་ཡོམ་རྒྱབ་སྟེ་མི་སེར་དཀྱུས་མ་མང་པོའི་ཚེ་སྲོག་ཤོར་བ་དག་ལ། ཕྲན་གྱིས་ཀྱང་མྱ་ངན་གུས་འདུད་ཞུ་བཞིན་ཡོད། ལྷག་པར་དུ་ཡང་གཞི་ལུས་བོད་རིགས་སྤུན་ཟླ་ཚོས་གདུང་སེམས་མཉམ་བསྐྱེད་ཀྱི་ཆེད་དུ། ཞལ་འདེབས་ཟས་དངུལ་གཉིས་ཀྱིས་འབུལ་བཞིན་པ་ལ་ཕྱི་སྡོད་བོད་རིགས་ཚོས་རྗེས་སུ་ཡི་རང་བྱེད་བཞིན་མཆིས། ཡིན་ཡང་ང་ཚོ་ཆ་ཚང་གིས་བསམ་གཞིགས་བྱེད་དགོས་ཀྱི་འདུག་སྙམ་ནས་འདིར་བསམ་ཚུལ་ཕྲན་བུ་ཞིག་འབྲི་འདོད་བྱུང་། འདས་བའི་ལོ་ཤས་གོང་དུ་ཡུལ་ཤུལ་ལ་ས་ཡོམ་རྒྱབ་སྟེ། བོད་རིགས་གཞི་བྱེས་གཉིས་ཀྱིས་གདུང་སེམས་མཉམ་བསྐྱེད་དང་སྡུག་གི་ཁུར་བོ་མཉམ་ཁུར་གྱི་ཆེད་ཟས་དངུལ་གཉིས་ཀྱིས་ཞལ་འདེབས་བསམ་ཡུལ་ལས་འདས་པ་ཕུལ་ཡོད།
སྐབས་དེའི་ལས་བྱེད་མི་སྣ་དང་འགོ་ཁྲིད་ཚོའི་སེམས་སུ་གསལ་བོར་ད་རུང་བརྗེད་མེད་པར་ཡོད་ངེས་ཡིན། མི་དམངས་དཀྱུས་མ་ཚོས་ཕུལ་བའི་ཞལ་འདེབས་ཆ་ཚང་འབྱུང་བས་འཇིག་པ་བྱུང་བའི་མི་དམངས་ཚོའི་དཀའ་སྡུག་སེལ་བྱེད་དུ་སླེབས་ཡོད་དམ། དྲི་བ་འདི་ནི་བོད་རིགས་མང་པོའི་སེམས་སུ་ཤར་ཡོད་སྲིད།ལྷག་པར་དུ་ཡང་ཡུལ་ཤུལ་གྱི་མི་དམངས་ཚོའི་སེམས་སུ་གསལ་བོར་དྲན་ཡོད། གོང་གི་དྲི་བ་དེ་ལན་འདེབས་མཁན་ས་གནས་སྲིད་གཞུང་གི་འགོ་ཁྲིད་དང་།སྐབས་དེའི་ཞལ་འདེབས་ཀྱི་དངུལ་ལག་ལེན་བྱེད་མཁན་གྱི་ལས་བྱེད་ཚོ་རེད། འོན་ཀྱང་ཐབས་སྐྱོ་བ་ཞིག་ལ་ཁོང་ཚོས་ལན་གསལ་བོ་ཞིག་ནམ་ཡང་འདེབས་ཐུབ་མེད། རྒྱུ་མཚན་ནི། གོད་ཆག་བྱུང་རྗེས་སུ་ཡུལ་ཤུལ་མི་དམངས་ཚོས་ཁུལ་ཐོག་ཏུ་རྔམ་སྟོན་ཁྲོམ་སྐོར་ཐུང་ངུ་བྱས་ཡོད།
རྒྱ་ནག་གི་སྲིད་གཞུང་དང་ས་གནས་སྲིད་གཞུང་གི་དྲག་གནོན་ལ་མ་འཇིགས་པར། གནས་ལུགས་ལྡན་པའི་གོང་གི་དྲི་བ་དེར་ལན་འདེབས་དང་གསལ་བཤད་གསལ་བོ་ཞིག་གི་ཆེད་དུ་ཡིན་མོད། འོན་ཀྱང་ལན་འདེབས་གསལ་བོར་འགྲེལ་བཤད་བྱེད་པ་ལས་དེའི་ལྡོག་ཕྱོགས་ནས་བོད་རིགས་འགའ་འཛིན་བཟུང་བྱས་པ་རེད། རྗེས་ནས་རིམ་གྱིས་ཟི་ལིང་གྲོང་ཁྱེར་དང་དེ་མིན་ས་ཁུལ་མང་པོ་ལ་སྐད་ཆ་ཞིག་གྲགས་ནས་ཕྱིན་ཡོད། སྐད་ཆ་དེ་ནི་གཞན་ཞིག་མ་ཡིན་པར་ཡུལ་ཤུལ་གྱི་ས་ཡོམ་གོད་ཆགས་ལ་ཕུལ་བའི་ཞལ་འདེབས་ཀྱི་དངུལ་ལག་ལེན་བཀོད་སྒྲིགས་བྱེད་མཁན་ཚོར་སྲིད་གཞུང་གིས་ཞིབ་བཤེར་བྱེད་ངེས་ཡིན་ཟེར་བ་དེ་རེད། སྐད་ཆ་འདི་གྲགས་བཞིན་པའི་སྐབས་དེར། ཡུལ་ཤུལ་གྱི་ས་ཡོམ་གོད་ཆགས་ལ་ཕུལ་བའི་ཞལ་འདེབས་བསྡུ་ལེན་སོགས་ཀྱི་ལས་བྱེད་བོད་རིགས་བུད་མེད་ཞིག་གིས་གྲགས་གཏམ་འདི་ཐོས་རྗེས་སུ། མོ་རང་ལ་སྐད་ཆ་ཚིག་གཅིག་ཀྱང་མ་དྲིས་གོང་ནས་རང་སྲོག་བཅད་པ་རེད། བོད་རིགས་བུད་མེད་དེའི་སྐད་ཆ་དེ་ཐོས་མ་ཐག་འཇིགས་སྐྲག་གིས་རང་སྲོག་གཅོད་དགོས་བྱུང་ན་ཡང་། བོད་རིགས་བུད་མེད་དེ་མ་ཡིན་པའི་རྒྱ་རིགས་དང་ད་རུང་བོད་རིགས་མང་པོ་ཞིག་གིས་ཞལ་འདེབས་ཀྱི་དངུལ་ལྐོག་ཟ་བྱས་ཡོད་པ་ཐེ་ཚོམ་མེད་པ་ཞིག་རེད་སྙམ། དེ་མིན་ཡུལ་ཤུལ་མི་དམངས་ཚོས་ཁུལ་ཐོག་ནས་རྔམ་སྟོན་ཁྲོམ་སྐོར་ཞིག་བྱེད་དགོས་དོན་མེད།
སྤྱིར་ན་འདི་འདྲའི་མི་ཡི་ཚེ་སྲོག་མང་པོ་ཤོར་བའི་ཤུལ་ལུས་ནང་མི་དྭ་ཕྲུག་དང་ཁོང་ཚོ་སྡོད་གནས་ཁོར་ཡུག་འཛུགས་སྐྲུན་བྱེད་རྒྱུའི་ཆེད་དུ། མི་དམངས་ཀྱི་ལྷག་བསམ་དཀར་བོ་དུང་འདྲ་བོའི་གང་འཛོམས་ཀྱིས་ཕུལ་བའི་ཞལ་འདེབས་ཀྱི་ནང་ནས་ལྐོག་ཟ་བྱེད་ཐུབ་པ་འདི་ནི་ཆེས་ཤིན་ཏུ་ཡ་ང་ཞིང་སྙིང་རྗེ་མེད་པའི་སྤྱི་ཚོགས་ཞིག་ཏུ་ངོས་འཛིན་བྱེད་ཆོག
དེ་བཞིན་ཁ་སང་དེ་རིང་གཡག་རྔ་རྫོང་གི་རྒྱ་རིགས་འགོ་ཁྲིད་ཚོས་ཀྱང་ཞལ་འདེབས་ཀྱི་དངུལ་ལྐོག་ཟ་ཅི་ལྟར་བྱེད་མིན་གྱི་ཐད་ལ།དེའི་ཉིན་མོ་ནས་འགྲམ་ཆུ་ལྡིང་བཞིན་བསམ་བློ་གཏོང་གི་ཡོད།
དེང་སང་རྒྱ་ནག་གི་སྲིད་གཞུང་འགོ་ཁྲིད་ཞིག་གི་ནང་ན་མི་དམངས་ཀྱི་བདེ་སྡུག་ལས།རང་གི་ཕོར་བའི་ནང་དུ་གསེར་དངུལ་གང་མང་ཞིག་མི་སུའི་ལག་ནས་དབང་ཤེད་དང་གཡོ་སྒྱུ་གང་རུང་གིས་འཕྲོག་སྟེ་བླུགས་ཐབས་བྱེད་ཀྱི་ཡོད་པ་ལས།མི་དམངས་ཀྱི་དངོས་ཡོད་དཀའ་ངལ་ལ་སྙིང་རྗེ་སྐྱེ་མཁན་ཞིག་གཞི་རིམ་ནས་པེ་ཅིན་བར་དུ་རྙེད་མི་ཐུབ།
འདི་ཕྱོགས་ནས་ཞལ་འདེབས་འབུམ་དྲུག་བརྒྱ་དེ་ལོ་གསུམ་ལྷག་ཕྱིན་ཚར་ནའང་ས་གནས་ས་ཐོག་ཏུ་འབྱོར་ཡོད་མེད་ཧ་གོ་མི་ཡོད་པས་?
བསམ་ཚུལ་འདི་གནད་འགག་ཞིག་རེད་འདོད་སོང་། གླིང་གེ་སར་ལགས།ཕྱི་ཕྱོགས་ཀྱི་ཞལ་འདེབས་དེ་དག་
ས་གནས་མི་དམངས་ལག་པར་རེག་མེད་པ་ལ་ཐེ་ཚོམ་བྱེད་མི་དགོས།ས་གནས་ཀྱི་རྒྱ་བོད་འགོ་ཁྲིད་ཚོས་ཧམ་ཟས་ཚར་བ་རེད།
ནམ་མཁའ་ལགས་ནས་ས་ཡོམ་རོགས་སྐྱོར་སྐོར་ལ་ཞལ་འདེབས་འབྱོར་མིན་གྱི་གནས་ཚུལ་བཀོད་པ་ཡག་པོ་འདུག
ས་འགུལ་ཞལ་འདེབས་ས་གནས་མི་མང་ལ་ལག་ཏུ་འབྱོར་གི་མ་རེད།དཔེར་ན་གདོན་འདྲེ་ལག་ཏུ་བུ་ཕྲུག་བཅོལ་བ་འདྲ་བོ་རེད།
ད་རུང་གཅིག་བརྗེད་འདུག སྐབས་དེར་རྡ་ས་ནས་ཀྱང་ཞལ་འདེབས་ཧིན་སྒོར་འབུམ་ཁ་ཤས་བསྡུས་ཡོད།དེ་དག་ཀྱང་ས་ཁུལ་དེར་འབྱོར་ཡོད་མེད་བཤད་ཡ་གཅིག་ཀྱང་མི་འདུག་སྙམ།ཕལ་ཆེར་རྒྱ་རྒན་ཚོས་ཟས་ཚར་ཡོད་སྙམ།
སྐྱེ་རྒུ་ལ་སྒོར་རྡོག་གཅིག་སྤྲད་མེད་ལ་ཐེངས་འདིར་ཡང་མི་སྤྲོད་ཐག་གཅོད་ཡིན། ངས་ཁྱི་སྤྱང་གསོ་མི་ཐུབ།