གཡམ་རྒྱུགས་མ་བྱེད།

Comments (7) on “གཡམ་རྒྱུགས་མ་བྱེད།”

1. གཡམ་རྒྱུགས་མ་བྱེད་ཞེས་རྒྱུ་མཚན་དང་མཚོན་དོན་ཡག་པོ་གསུངས་འདུག་སྟེ་དེང་གི་དུས་སུ་བདེན་པ་དང་རང་གིས་རྣམ་དཔྱོད་ལེགས་པར་མི་སྤྱད་པར་གཡམ་རྒྱུགས་དང་ཟེར་སྒྲོགས་ཀྱི་དབང་སོང་ནས་ཉན་མཁན་དཀོན་པ།

2. བཀའ་བརྒྱུད་སྤྱི་ཐུས་བསྟན་པ་ཡར་འཕེལ་གྱིས་སྔོན་མ་སྐད་ཆ་རྫུན་ཤ་སྟག་བཤད་པའི་དཔང་ཡིག།

   ཡོངས་ཁུངས་བོད་ཀྱི་བང་ཆེན།

   http://www.khawakarpo.org/bo/2010-02-06-06-49-13/2010-02-04-05-42-15/5218-2011-02-26-11-28-29

   བཀའ་བརྒྱུད་སྤྱི་འཐུས་འོས་མི་བསྟན་པ་ཡར་འཕེལ་ལ་བཅར་འདྲི།

   tenpa yarphelམདོར་ན་འགན་ཁུར་ལྡན་པའི་བོད་གངས་ཅན་པའི་སྤྱི་མི་ཞིག་ཡིན་བསམ་པའི་འདུ་ཤེས་མ་འདོར་བར་བྱ་རྒྱུ་ནི་རྩ་བའི་དམ་བཅའ་ཞིག་ཏུ་བརྩི་བཞིན་པ་དེ་ཡིན།
   དྲི་བ། ༡ སྐུ་ཉིད་སྤྱི་འཐུས་ཀྱི་འོས་མིར་ལངས་དགོས་པའི་རྒྱུ་མཚན་གསུང་རོགས།

   ལན། ༡ གུས་པ་སྤྱི་འཐུས་སུ་ལངས་དགོས་པའི་རྒྱུ་མཚན་ནི། བོད་མི་རིགས་འདི་གཞིས་བྱེས་གཉིས་སུ་གྱེས་ནས་ལོ་ལྔ་བཅུ་ལྷག་འགྲོ་གི་ཡོད་པར་བརྟེན། གཞིས་བྱེས་གཉིས་ཀྱི་འབྲེལ་ལམ་ཐད་རྩ་བའི་ཆ་ནས་ཡག་པོ་ཡོད་ཀྱང་གཞིས་བཞུགས་རྣམས་ཀྱི་རེ་བའི་མིག་འབུར་ཉག་གཅིག་དེ་བྱེས་འབྱོར་ཚོར་གཏད་ཡོད་ཀྱང་། བཙན་བྱོལ་དུ་འཚར་ལོང་བྱུང་བའི་བོད་མི་ཚོར་གཞིས་ལུས་མི་མང་གི་གནས་སྟངས་ངོ་མར་རྒྱུས་མངའ་དེ་ཙམ་མེད་པའི་རྒྱུ་མཚན་གྱིས་མ་འོངས་པར་གཞིས་བྱེས་གཉིས་ཀྱི་བར་སྟོང་ཇེ་ཆེར་འགྲོ་མི་སྲིད་པ་མིན་གཤིས། གུས་པར་བོད་ཕྱི་ནང་གཉིས་ཀར་རྒྱུས་མངའ་ཏོག་ཙམ་ཡོད་པ་འདིས་བོད་ཀྱི་རྩ་དོན་ལ་ཕན་པའི་ཞབས་འདེགས་དམིགས་བསལ་ཞིག་འགྲུབ་ན་བསམ་པ་དེ་ཡིན།
   ༢ སྐུ་ཉིད་ལ་འོས་ཐོབ་ན་ལས་དོན་གཙོ་བོ་གང་ལ་ཤུགས་སྣོན་རྒྱག་རྩིས་ཡོད་དམ།
   ལན། ༢ གུས་པར་འོས་ཐོབ་པ་ཡིན་ན། བོད་ཀྱི་རྩ་དོན་འཐབ་རྩོད་ཀྱི་གཞི་རྩ་བོད་རིགས་ནང་ཁུལ་མཐུན་ལམ་དང། གཙོ་བོ་བོད་རིགས་གཞོན་སྐྱེས་ཚོའི་བསམ་བློའི་ནུས་པ་དང་ཁ་ཕྱོགས་གཅིག་ཏུ་སྤུངས་ཐབས་ཡོང་བར་འབད་བརྩོན་བྱ་རྒྱུ་སོགས། མདོར་ན་འགན་ཁུར་ལྡན་པའི་བོད་གངས་ཅན་པའི་སྤྱི་མི་ཞིག་ཡིན་བསམ་པའི་འདུ་ཤེས་མ་འདོར་བར་བྱ་རྒྱུ་ནི་རྩ་བའི་དམ་བཅའ་ཞིག་ཏུ་བརྩི་བཞིན་པ་དེ་ཡིན།
   ༣ སྐུ་ཉིད་ཀྱིས་འདས་པའི་གྲོས་ཚོགས་ནང་མ་འགྲིག་ས་གཙོ་བོ་དང་འཐུས་ཤོར་ཕྱིན་པ་གཙོ་བོ་ག་རེ་ལ་ངོས་འཛིན་བྱེད་ཀྱི་ཡོད་དམ། དེའི་ཐོག་དགོངས་ཚུལ་ག་རེ་ཡོད།

   ལན། ༣ འདས་མ་ཐག་པའི་གྲོས་ཚོགས་ལྟ་བུར་མཚོན་ན། མ་འགྲིག་པ་དང་མ་འཇོན་པ་མང་པོ་ཞིག་དེང་སྐབས་སྤྱི་ཚོགས་ནང་འུར་སྒྲོག་ཤུགས་ཆེར་བྱེད་བཞིན་ཡོད་ཀྱང་གུས་པས་བསམ་པར་དེ་ནི་ནོར་འཁྲུལ་ཞིག་དང་འཐུས་ཤོར་ཞིག་ཏུ་མཐོང་གི་མེད། ང་ཚོའི་གྲོས་ཚོགས་ནི་མང་གཙོ་ཡང་དག་པའི་ལམ་བུར་བསྐྱོད་བཞིན་པའི་བོད་མི་ས་ཡ་དྲུག་གི་བསམ་ཚུལ་སྤུངས་སའི་གྲོས་ཚོགས་ཤིག་ཡིན་དུས་བསམ་ཚུལ་ཕྲན་བུ་མ་མཐུན་པ་ཡང་ཡོང་ཆོག་པ་ཞིག་དང་། ཡོང་དགོས་པ་ཞིག་རེད་བསམ་གྱི་ཡོད། འོན་ཀྱང་ང་ཚོ་བོད་རིགས་ཡོངས་དང། ལྷག་པར་གྲོས་ཚོགས་ཀྱི་འཐུས་མི་རྣམ་པས་རྒྱུན་དུ་ཐུགས་ལ་འཛིན་དགོས་པ་ཞིག་ནི། ༸གོང་ས་མཆོག་གི་དགུང་ནའི་བབ་དང། གཞིས་ལུས་བོད་མི་ཚོས་མི་རིགས་ཀྱི་ཆེད་དུ་གཅེས་པའི་ཚེ་སྲོག་ཀྱང་ཕངས་མེད་དུ་གཏོང་བཞིན་པ། ད་ལྟའི་བོད་མི་རིགས་ཀྱི་གནས་སྟངས་འདི་གསུམ་པོ་རྒྱུན་དུ་བློ་ངོར་ཤར་ཐུབ་པ་ཞིག་བྱུང་ན་ང་ཚོའི་གྲོས་ཚོགས་ཀྱི་ལས་དོན་ཚང་མ་དོན་སྙིང་ལྡན་པ་ཞིག་ཡོང་རྒྱུ་རེད་བསམ་བཞིན་ཡོད།

3. ་་་་་་ གཉིས་པར། མི་རིགས་ཀྱི་གྲངས་འབོར་ལ་མཚོན་ནས་བཤད་ནའང་ཆོས་ལུགས་མི་སྣས་གསོན་པོར་འཚོ་གནས་བྱས་ཡོད་པའི་མི་རིགས་ཤིག་ཡིན་པས་གཡམ་རྒྱུགས་མ་མང་ཞེས་སྨྲ་བར་འདོད་དོ།། །།་་་་་་

4. གླང་རྒན་དམར་ལྡང་ཟེར་བའི་རྩོམ་ཡིག་ཞིག་ལ་བྲིས། དེ་ནི་ཅུང་ཟད་མ་འགྲིག་པ་རེད། ད་ལྟ་བོད་མིར་ངོམ་རན་ཡོད་པ་གཅིག་པོ་ནི་བླ་གྲ྄་རྐྱང་རེད། དཔེ་མཚོན་ཁ་ཤས་ཞུ་ན། གོང་ས་སྐྱབས་མགོན་ཆེན་པོར་མཚན་སྙན་ཤིན་ཏུ་ཆེ་བའི་རྒྱལ་ཁབ་མང་པོའི་གཟིངས་བསྟོད་དང་མི་ས་ཡ་མང་པོའི་མཇལ་ཁ་མི་ཐོབ་ནས་སྡད་ཡོད། མཁན་པོ་བསོད་དར་རྒྱས་དང་། ཚུལ་ཁྲིམས་བློ་གྲོས་སོགས་ཀྱི་བཀའ་སློབ་ཞུ་མཁན་རྒྱ་རིགས་ས་ཡ་མང་པོ་ཡོད། ད་དུང་རྒྱ་ནག་གི་མཐོ་རིམ་སློབ་གྲྭ་ཁག་དང་བཙོན་པ་ཁག་ལའང་བཀའ་སློབ་གནང་མཁན་གདན་ཞུ་མ་རག་པར་སྡད་ཡོད། ཉེ་འཆར་རྒྱལ་བ་ཀརྨ་པ་ཨ་རི་ལ་ཕེབས་སྐབས་སུ་བཟོ་གྲྭ་ཆེ་ཁག Google & Facebook སོགས་ཀྱིས་གདན་ཞུ་དང་རྒྱལ་ཁབ་ཀྱི་དབུ་འཛིན་ལྟར་ཆེ་མཐོང་གནང་འདུག་པ་མ་ཟད། ཨ་རིའི་སློབ་གྲྭ་ཆེན་མོ་ཞིག་གིས་ཕྱག་ཁྱེར་ཀྱང་ཕུལ་འདུག ད་དུང་དེ་ཙམ་མ་ཟད་འཛམ་གླིང་གི་སྟེང་དུ་གྲགས་ཅན་མི་སྣ་དང་དཔུང་པ་མཉམ་གཤིག་གནང་ཐོབ་མཁན་། གླང་རྒན་དམར་ལྡང་མའི་ནང་དུ་མང་པོ་ཡོད།

5. སྐུ་ངོ་སྤེན་པ་ཚེ་རིང་ལགས་ཀྱི་ཕྱོགས་གཏོགས་ཚོས་ཅི་མི་སྙམ་པར་དགེ་འདུན་པ་རྣམས་ལ་གླང་རྒན་དམར་ལྡང་ཞེས་པའི་ཚིག་ནག་ཡོད་ལ་མེད་ལ་ཞིག་བཀོལ་བཞིན་པ་ནི་ཧང་སངས་དགོས་པ་ཞིག་རེད།

6. ཆོས་རྒྱུད་སྤྱི་མཐུས་དགོས་ཀྱི་མི་འདུག་ཟེར་མཁན་དག་གིས་དམིགས་ཡུལ་ནི་ཆོལ་ཁའི་ཞེན་ཁོག་ཙམ་ཡིན་པ་ལས་ཆོས་ལུགས་དང་། ཆོས་ལུགས་མི་སྣས་ཆབ་སྲིད་ལ་མཐུར་ཤོར་བཏང་བའི་རྒྱུ་མཚན་ཡང་དག་པ་ཞིག་སུ་ལའང་ཤོད་རྒྱུ་མེད་པ་ནི་ཡོངས་སུ་གྲགས་ཡོད། སྤྱིར་ཏང་ཆོས་ལུགས་སྤྱི་མཐུས་ཀྱིས་བསྟན་པའི་རྒྱལ་མཚན་འཛིན་ཡོང་བའི་རེ་དོགས་གཉིས་ཀ་མེད་ལ། དགོས་པ་ཡང་མེད། ལོ་རྒྱུས་ཀྱི་རྒྱབ་ལྗོང་དང་འཕེལ་རིམ་མམ་བྱུང་རིམ་ལ་བསམ་ན། བསྟན་པ་སྲིད་ཀྱིས་སྐྱོང་ཟེར་བ་ལྟར་ཆོས་སྲིད་གཉིས་ལྡན་གྱི་མི་རིགས་ཞིག་དང་། གཞུང་ཞིག་ལ་མཚོན་ན་ཧ་ཅང་གལ་གནད་ཆེ་བ་ཞིག་ཆགས་ཡོད། ནམ་ཞིག་ཆོས་ལུགས་ཀྱི་སྤྱི་མཐུས་མེད་པའི་ཉིན་མོ་དེ་ནས་ཆོས་ལུགས་དད་མོས་རང་དབང་སོགས་ཀྱི་མཚོན་པའི་རྙོག་གླེང་དང་གོད་ཆག་མང་པོ་ཞིག་ཡོང་མི་སྲིད་པ་གཏན་ནས་མིན་ནོ།།

7. ངོ་མ་བསྟན་པ་ཡར་འཕེལ་ཟེར་བ་འདི་ལ་བློ་ཁོག་འདུག