ད་རེས་པེ་ཅིང་ལ་གསར་འགོད་པ་སྟོང་ཕྲག་མང་པོ་འཛོམས་ཀྱི་ཡོད་པ་དེ་འདྲ་ད་སྔ་རྒྱ་ནག་གི་ལོ་རྒྱུས་ཁྲོད་བྱུང་མ་མྱོང་བ་ཞིག་རེད། དེའི་སྐབས་ཁོ་ཚོར་གསར་འགྱུར་འགོད་པར་གུ་ཡངས་ཀྱང་ཅུང་ཟད་ཅིགའཐོབ་ཀྱི་ཡོད་པ་འདྲ། གོ་སྐབས་འདི་བཟུང་ནས་པེ་ཅིང་དུ་ཁྲོམ་སྐོར་ཆེན་པོ་ཞིག་བྱེད་རྒྱུ་དེ་ང་ཚོ་ཚང་མའི་ཕྲག་ཏུ་བབས་པའི་འོས་འགན་ཡིན་པ་དེ་བཤད་མ་དགོས་པ་ཞིག་རེད། དེ་ལྟར་བྱེད་པར་མང་པོ་ཞིག་ནས་ཐབས་ཤེས་བྱས་ཡོད་པར་ང་ལ་ཡིད་ཆེས་ཡོད། ཡིན་ན་ཡང་ད་ལྟ་བོད་མིའི་མིང་ཙམ་ཡོད་ཕྱིན་ཆད་་རྒྱ་མིར་དྭོགས་པ་རྣམ་རྟོག་ཟོས་ནས་པེ་ཅིང་ལ་འགྲོ་བར་ཆོག་མཆན་ཐོབ་ཀྱི་མེད་ཚུལ། ད་ཐབས་ཤེས་གཞན་པ་འདྲ་ཡོད་དམ།
ཨོ་ལིམ་ཕིག་་གི་སྐབས་གང་ཤེས་མ་གཏོགས་སྤྱིར་བཏང་རྒྱ་ནག་ནང་གསར་འགོད་ཀྱི་རང་དབང་མེད་པ་དེ་ཚང་མས་ཤེས་གསལ་རེད། ཕྱི་ཟླ་གསུམ་པའི་ནང་གསརགའགོད་པ་རྣམས་ཕྱིར་འབུད་བྱས་པ་ལྟར་རེད། དེར་མ་ཟད་ཉེ་བའི་ཆར་ཡང་པེ་ཅིང་དུ་གསར་འགོད་པ་རྣམས་ལ་ཡང་ཡང་སྟངས་འཛིན་བྱེད་བཞིན་པ་དེ་རེད། ད་དངོས་སུ་བྱས་ན། གསར་འགོད་པ་ཚང་མ་མཉམ་རུབ་ཀྱིས་ ་་ འགྲོ་བ་མིའི་ཐོབ་ཐང་། གསར་འགོད་རང་དབང་། གཏམ་བརྗོད་རང་དབང་། ་་ལྟ་བུའི་འཕྲེད་དར་ཁྱེར་ནས་ཁྲོམ་སྐོར་ཞིག་བྱ་དགོས་པ་དེ་གནས་དུས་ཀུན་ནས་བལྟས་ཀྱང་རན་པ་དང་འོས་ངེས་ཤིག་རེད་སྙམ།
གནས་ཚུལ་འདི་ཁྱེད་ཚོར་ངོ་ཤེས་གྲོགས་པོ་གསར་འགོད་པ་དེ་འདྲ་ཡོད་ན་གླེང་སློང་བར་ཞུ།
རང་རང་སོ་སོར་རང་སྟོབས་སུ།། ཡོད་པའི་ཁ་སྒོ་དབང་ཐང་སོགས།། གཞན་དབང་ལག་འོག་མ་ཤོར་བར།། རང་དབང་བདེན་ཁ་མཐོ་བར་ཤོག།
དེ་འདྲ་ཞིག་བྱུང་ན་ཡག་པོ་རེད་དེ་གསར་འགོད་པ་དེ་ཚོར་དེ་ལྟར་བྱེད་པའི་རང་དབང་ཡོད་མ་རེད། ཁོ་ཚོ་སྒོར་མོའི་ཆེད་དུ་ལས་ཀ་བྱེད་མཁན་གྱི་གླ་བ་རྐྱང་རྐྱང་རེད། ལས་ཁུངས་ཨ་མ་ནས་ཆོག་མཆན་དགོས་རེད། ཡང་ལམ་ཁ་མེད་པའང་མ་རེད། གསར་གནས་ཆེ་ཁག་གི་ལས་ཁུངས་ཨ་མ་དེ་ཚོ་མཉམ་འབྲེལ་གྱིས་དེ་འདྲ་བཀོད་སྒྲིག་བྱེད་ཆོག་གི་ཡོད་རྒྱུ་རེད།